"ეს აუცილებლად მძიმე შედეგებს არ ნიშნავს“ _ კორონავირუსი და რისკ-ჯგუფის პაციენტები

მთავარი თემა

"ეს აუცილებლად მძიმე შედეგებს არ ნიშნავს“ _ კორონავირუსი და რისკ-ჯგუფის პაციენტები

23 იან. 2021, 11:12:17

„რისკ-ჯგუფში ყოფნა არ ნიშნავს, რომ კოვიდის უმძიმესი ფორმა გეექნებათ, ან დასნებოვნება აუცილებლად ფატალურად დასრულდება. ეს ნიშნავს იმას, რომ რისკ-ჯგუფის პაციენტების შემთხვევაში, კორონავირუსის გართულების რისკი 4-5-ჯერ მეტია“, _ განმარტავს ექიმი ალერგოლოგ-იმუნოლოგი ბიძინა კულუმბეგოვი.

ვინ მიეკუთვნება რისკ-ჯგუფს, რის ცოდნა სჭირდებათ ამგვარ პაციენტებს და როგორ უნდა ვუმკურნალოთ მათ - ამის შესახებ პანდემიის ერთწლიანმა გამოცდილებამ ექიმებს საკმარისი ცოდნა დაუგროვა. პანდემიის დასაწყისიდან დღემდე, ინფიცირებულთა შორის რამდენი იყო რისკ-ჯგუფის პაციენტი და როგორ განვითარდა მათთან ინფექცია - ირკვევა, რომ ამგვარი სტატისტიკა სახელმწიფოში ჯერჯერობით არ არსებობს. 

როდესაც ინფექცია განსაკუთრებით საშიშია

51 წლის მარინა გორგოძეს კორონავირუსი 2020 წლის ნოემბერში დაუდასტურდა. ის მეუღლესთან ერთად საბერძნეთში ცხოვრობს. მარინა რისკ-ჯგუფშია, მას ჭარბი წონა და ფილტვების სისუსტე აწუხებს. სიმპტომების გამოვლენა სახსრების და ხელების ძლიერი ტკივილით დაეწყო.

მარინა გორგოძე

“თავიდან ამინდის ცვალებადობას დავაბრალე, რამდენიმე დღეში ფაღარათი დამეწყო, მაგრამ არც კი მიფიქრია, რომ შეიძლებოდა ეს კორონა ყოფილიყო”, _ ამბობს მარინა. ის ექიმს მხოლოდ მე-6 დღეს დაუკავშირდა, როდესაც სიცხემ აუწია. სწრაფი ტესტის გაკეთების შემდეგ კი, კოვიდ-19 დაუდასტურდა.

“ჟანგბადის უკმარისობა მქონდა, მაგრამ არ დამიკარგავს გემო და ყნოსვა. დაახლოებით 9-10 დღე ძალიან მძიმე იყო . გადავწყვიტე გადავსულიყავი საავადმყოფოში, მაგრამ არ იყო ადგილები და დავრჩი სახლში. 13-14 დღიდან დაიწია ტემპერატურამ და ცოტა უკეთესობა მქონდა. მაგრამ ვგრძნობდი საშინელ დაღლილობას. ჭამის მადა თითქმის ერთი თვე არ მქონდა”,  _ გვიყვება მარინა და იხსენებს, რომ 25-დღიანი მკურნალობის შემდეგ, სიმპტომების ნაწილი გაუქრა.

მან კორონავირუსის მკურნალობის პერიოდში  წონაში 10 კილოგრამი დაიკლო. მარინა ერთ-ერთია იმ პაციენტთაგან, რომელმაც კოვიდ-19 მძიმედ გადაიტანა, თუმცა გამოჯანმრთელება შეძლო. ავადმყოფობის პერიოდში, მის ემოციურ ფონს ისიც ამძიმებდა, რომ მეუღლეზე ნერვიულობდა _ მეუღლეც რისკ-ჯგუფშია, შაქრიანი დიაბეტი აქვს, თუმცა მას კოვიდი არ აღმოაჩნდა.

თამარ გორგაძე 72  წლისაა, ბათუმში ოჯახთან ერთად ცხოვრობს. მას ეპილეფსია აქვს. თანმხლები დაავადების და ასაკის გამო, თამარიც რისკ-ჯგუფს მიეკუთვნებოდა, თუმცა კოვიდის დამარცხება მაინც მოახერხა. თამარი ორი კვირის განმავლობაში გრძნობდა საერთო სისუსტეს და რამდენჯერმე ჰქონდა მაღალი ტემპერატურა. მკურნალობის კურსს შინ, ოჯახის ექიმის მითითებებით გადიოდა. ჩვენი მკითხველისთვის ვიდეო თამარის შვილიშვილმა მოამზადა.

ინფექციური საავადმყოფოს ინფექციონისტი ალექსანდრე გოგინავა განმარტავს, რომ კორონავირუსული ინფექცია შეიძლება მძიმედ მიმდინარეობდეს, როგორც ჯანმრთელ ადამიანებში, ისე იმ ადამიანებში, ვისაც აქვს გარკვეული ქრონიკული დაავადებები და 65 წელს ზემოთ ასაკისაა. მისი თქმით, საერთაშორისო კვლევები და არსებული პრაქტიკაც ადასტურებს, რომ მდგომარეობა ხშირად სწორედ ხანდაზმულ ან სხვადასხვა ქრონიკული დაავადების მქონე პაციენტებთან რთულდება.

რა არის ეს ქრონიკული დაავადებები? ესაა გულ-სისხლძარღვთა დაავადებები, შაქრიანი დიაბეტი, ფილტვის ქრონიკული დაავადებები, ღვიძლის ქრონიკული დაავადებები ან არის იმუნოდეფიციტი ანუ იმუნური სისტემის პრობლემა (თანდაყოლილი ან შეძენილი) და ასევე ხანდაზმული პაციენტები. მათთან  მაღალი რისკია, რომ კორონავირუსის ინფექცია წავიდეს მძიმედ. ჯანმრთელობის პრობლემა და ასაკი  _ ძირითადად, ეს განაპირობებს ინფექციის მიმართ ჯანმრთელობის მდგომარეობიდან გამომდინარე რისკ-ჯგუფს“, _ გვიხსნის ალექსანდრე გოგინავა.

ექიმი ალერგოლოგ-იმუნოლოგი ბიძინა კულუმბეგოვი ამბობს, რომ რისკ-ჯგუფის პაციენტებთან განსაკუთრებული რეკომენდაციები არ არსებობს, თუმცა, მათ უფრო მეტი და მჭიდრო მეთვალყურეობა ესაჭიროებათ, ხშირად უნდა დაუკავშირდნენ ოჯახის ექიმს, რომ საშიშროების ნიშნების ამოცნობა დროულად მოხერხდეს.  

ბიძინა კულუმბეგოვი

ერთი წელი ახალი კორონავირუსის გამოჩენიდან

კოვიდ-19, ანუ ახალი კორონავირუსი, რესპირატორული დაავადებების გამომწვევი ვირუსია. ის მსოფლიოში ჩინეთის პროვინციიდან გავრცელდა, კორონავირუსის  პირველი შემთხვევა კი საქართველოში 2020 წლის 26 თებერვალს დადასტურდა.

ვირუსის გამოჩენიდან მალევე დადგინდა, რომ ინფიცირებულთა ნაწილს, ის სრულიად უსიმპტომოდ გადააქვს, თუმცა სხვისი დაინფიცირება შეუძლია. ვირუსი ყველაზე ხშირად ადამიანიდან ადამიანზე, ჰაერწვეთოვანი გზით გადადის. მაგალითად, საუბრის დროს, როდესაც გადმოიფრქვევა თვალისთვის უხილავი სითხის წვეთები, რომლებშიც ვირუსის ნაწილაკებია. ამიტომაც, დღემდე ერთ-ერთი მთავარი რეკომენდაცია პირბადის ტარებასთან ერთად, ორმეტრიანი დისტანციის დაცვაა.

CDC (ამერიკის შეერთებული შტატების დაავადებათა კონტროლისა და პრევენციის ცენტრი)გასცემს რჩევებს, რა უნდა გავითვალისწინოთ და როგორი სიმპტომები ახასიათებს კორონავირუსს. კოვიდ-19-ით ინფიცირებულებს აღენიშნებათ სიმპტომების ფართო სპექტრი: ცხელება და შემცივნება, ქოშინი ან სუნთქვის გაძნელება, დაღლილობა, კუნთების ან სხეულის ტკივილი, თავის ტკივილი, გემოს და ყნოსვის შეგრძნებების დაკარგვა, ყელის ტკივილი, დიარეა, გულისრევა - ეს ვირუსის ყველაზე გავრცელებული სიმპტომებია, თუმცა, ხშირად, დაავადება ინდივიდუალურად და განსხვავებული სიმპტომებით ვლინდება.

კორონავირუსის გავრცელების საწინააღმდეგო რეკომენდაციები, რასაც CDC გასცემს,  არის პირბადის ტარება, სოციალური დისტანციის დაცვა და ხელების ხშირად დაბანა.

ექიმ ანესთეზიოლოგ-რეანიმატოლოგის არჩილ მარშანიას თქმით, იმისთვის  რომ წვეთოვანი გზით კორონავირუსით ინფიცირება თავიდან ავიცილოთ, ლოგიკურია, ეფექტური იქნება ნიღბის ტარება;

ეს შექმნის ბარიერს ადამიანებს შორის და შეაკავებს წვეთებს, რომელებიც ვერ მოახერხებენ ადამიანის დაინფიცირებას.  ამას ფიზიკურ დისტანციასაც თუ დავუმატებთ, გაიზრდება იმის შანსი, რომ თავიდან ავიცილოთ ინფიცირებული ადამიანისგან გადმოფრქვეული წვეთები.

“ რაც შეეხება ხელების ხშირად დაბანას; უნდა გავითვალისწინოთ ის, რომ საპონს აქვს ე.წ. ჰიბრიდული ბუნების მოლეკულა. რაც ნიშნავს იმას, რომ საპნის მოლეკულის ერთი ნაწილი არის ჰიდროფობული, ანუ მარტივად რომ ვთქვათ წყალში არ იხსნება და მეორე ნაწილი არის ჰიდროფილური, რომელიც წყალში იხსნება. საპონი  ჰიდროფობული ნაწილი ვირუსის დამცავ გარს უკავშირდება და იწვევს მის ინაქტივაციას, ანუ ვირუსი აღარაა აქტიური. საპონი ძალიან ეფექტურია ვირუსის წინააღმდეგ, ოღონდ უნდა გამოვიყენოთ სწორად, რაც ნიშნავს მინიმუმ, 20 წამის განმავლობაში ხელების დაბანას. საპნის ფასს არ აქვს მნიშვნელობა. არ არის აუცილებელი ის ანტიბაქტერიული იყოს, ნებისმიერი საპონი ეფექტურია” , _ ამბობს მარშანია.

არჩილ მარშანია

არჩილ მარშანია ამბობს, რომ კორონავირუსის დადასტურების შემთხვევაში, თუ მკურნალობა მიმდინარეობს გართულებების გარეშე,  პაციენტი სრულად გამოჯანმრთელებულად მიიჩნევა სიმპტომის გამოვლენის პირველი დღიდან 10 დღის  და  3 უსიმპტომო დღის შემდეგ. თუმცა პაციენტებს ამის შემდეგაც შეიძლება გაუგრძელდეთ ხველა ან გარკვეული დროის განმავლობაში არ დაუბრუნდეთ გემოსა და ყნოსვის შეგრძნება:

 „13 დღეში შეიძლება ადამიანი გამოჯანმრთელდეს. არ აქვს მნიშვნელობა რისკ-ჯგუფს განეკუთვნება თუ არა პაციენტი. გამოჯანმრთელების კრიტერიუმი ერთი და იგივეა ყველასთვის. გამონაკლისია მძიმედ  მიმდინარე ინფექცია, რომელსაც ესაჭიროება რეანიმაციული მკურნალობა. მათ სხვა კრიტერიუმები აქვთ, შეიძლება დროში გაიწელოს და ხელახალი პსრ- ტესტირებაც დასჭირდეთ“ .

ექიმი აღნიშნავს იმასაც, რომ კორონავირუსი მულტისისტემურ გართულებებს იწვევს. ვირუსის ცენტრალურ ნერვულ სისტემაზე მოქმედებით შეიძლება განვითარდეს ინსულტი, გულ-სისხლძარღვთა დაავადებების შემთხვევაში კი _ ინფარქტი. ყველაზე ხშირია ვირუსული პლევმონია ანუ ვირუსული ფილტვების ანთება და სუნთქვის უკმარისობა.

ვის და როდის შეხვდება ვაქცინა

მაშინ, როდესაც მსოფლიოს ბევრ ქვეყანაში უკვე დაიწყო კოვიდის საწინააღმდეგო ვაქცინაცია, საქართველო ჯერ კიდევ ელოდება პირველ ვაქცინას. 21 იანვარს, ჯანდაცვის მინისტრის მოადგილემ ვაქცინის დანერგვის ეროვნული გეგმა წარადგინა, რომლის მიხედვითაც ვაქცინაცია ქვეყანაში ეტაპობრივად ჩატარდება. მინისტრის მოადგილეს არ დაუკონკრეტებია, მსოფლიოში არსებული ავტორიზებული ვაქცინებიდან რომლის შესყიდვას აპირებს ხელისუფლება.

გეგმის მიხედვით, ვაქცინაციის დასახული მიზნის მისაღწევად, 2021 წელს ქვეყანას დაახლოებით 3,979,300 დოზა ვაქცინა დასჭირდება. გათვლები და მოცვის მაჩვენებელი დათვლილია 18+ მოსახლეობისთვის, რადგან დღესდღეობით არსებული ვაქცინები მხოლოდ 18+ მოსახლეობისთვისაა განსაზღვრული. ჯამში, საუბარია 1,691,214 ადამიანზე, რაც მოსახლეობის 60%-ს შეადგენს. ჯანდაცვის მინისტრის მოადგილის თამარ გაბუნიას განცხადებით, ქვეყანას აქვს რესურსი, რომ ვაქცინა უსაფრთხოდ შეინახოს. 

ვაქცინაციის ეტაპები კი ეროვნული გეგმის მიხედვით ასე გამოიყურება:

 კოვიდის საწინააღმდეგო ვაქცინაციამდე ქვეყანაში გრიპის ვაქცინაცია დაიწყო.  პირველ რიგში, აცრა უფასოდ გაუკეთდათ რისკ-ჯგუფების პაციენტებს.

„გრიპის საწინააღმდეგო ვაქცინაცია ყოველ წელს ძალიან მნიშვნელოვანია, მითუმეტეს ახლა, პანდემიისას, მისი ეფექტები კორონავირუსის წინააღმდეგ იქნება უბრალოდ ირიბი, ანუ დაცულები ვიქნებით გარკვეულწილად იმისგან, რომ ორივე ვირუსით ერთად არ შეგვხვდეს. პირდაპირი დამცველობითი გავლენა გრიპის საწინააღმდეგო ვაქცინას კორონავირუსზე არ აქვს; ის გვიცავს გრიპის ვირუსის გართულებებისგან, რაც არანაკლებ მნიშვნელოვანია პანდემიის დროს“, _  განმარტავს არჩილ მარშანია.

სტატისტიკა, რომელიც არ არსებობს

 ინფორმაცია იმის შესახებ, გარდაცვლილთა ან საერთო ინფიცირებულთა რა ნაწილს შეადგენენ რისკ-ჯგუფის პაციენტები, ჯერჯერობით უცნობია. შესაბამისი სტატისტიკური მონაცემები  "გურია ნიუსმა" დაავადებათა კონტროლის ეროვნული ცენტრისგან დაახლოებით ერთი თვის წინ გამოითხოვა. გვითხრეს, რომ ისინი სტატისტიკას ამ კონკრეტული მიმართულებითაც აწარმოებენ და ოფიციალურ მონაცემებს კანონით გათვალისწინებულ ვადაში მოგვაწვდიდნენ, თუმცა არაერთი შეხსენებისა და მცდელობის მიუხედავად, პასუხი ვერ მივიღეთ.

როგორც ვიცი, საქართველოში ჯერ კიდევ მიმდინარეობს ამ ინფორმაციის დამუშავება, დაავადებათა კონტროლის ცენტრი აკეთებს რისკ-ჯგუფთა პაციენტების აღრიცხვას. ბოლომდე დამუშავებული და ჩამოყალიბებული სტატისტიკა არ არის, _ გვითხრა ინფექციონისტმა ალექსანდრე გოგინავამ.

2021 წლის 22 იანვრის მონაცემებით, საქართველოში კორონავირუსის სულ 251 974 შემთხვევაა დადასტურებული. გამოჯანმრთელებულია 238 737  პაციენტი, გარდაიცვალა 3 002  ადამიანი.

საიტ worldometers.info-ს მონაცემებით, საქართველო კორონავირუსით ინფიცირებულთა მაჩვენებლით მსოფლიო ქვეყნებს შორის 45-ე ადგილზეა.




 ახალი ამბები
  • "ეს ყველას უბედურებაა, ხმა უნდა ავიმაღლოთ" _ "1000 მშობლის მარში" ლანჩხუთშიიმ ქალაქებს შორის, სადაც დღეს 1000 მშობლის მარში გაიმართა, ლანჩხუთიც იყო. ძალადობის წინააღმდეგ ქალთა მოძრაობის იმ 100-დღიანი კამპანიის ერთ-ერთი მთავარი ღონისძიება, რომელიც ქობულეთში 14 წლის გოგონას ტრაგედიის შემდეგ დაიწყო, ქალაქის ცენტრალურ სკვერში გაიმართა. სამწუხაროდ, აქციას რამდენიმე ადამიანი ესწრებოდა, რაც, დიდი ალბათობით, უამინდობამაც განაპირობა. ლანჩხუთში გამართულ "1000 მშობლის მარშს" უფლებადამცველი ლია მუხაშავრიაც ესწრებოდა. როგორც მან აღნიშნა, იგეგმება ხელმოწერების შეგროვება. "გამოვაქვეყნებთ პეტიციას, რომ გავაკეთოთ ხელმოწერები. ეს ყველას უბედურებაა და სანამ ყველას სახლში შესულა ეს უბეხურება, ხმა უნდა ავიმაღლოთ. ჩვენი შვილები უნდა გაიზარდონ თავისუფალი ადამიანები, თავისუფალი ყოველგვარი ძალადობისგან, განსაკუთრებით ყველაზე მძიმე და სასტიკი- სექსუალური ძალადობისგან. ეს მოძრაობა არ შემოიფარგლება მხოლოდ ამ ერთი დღით, ის ყოველდღიური უნდა გავხადოთ", _ აღნიშნა ლია მუხაშავრიამ და მოქალაქეებს მოუწოდა, რომ შემოუერთდეს ამ მოძრაობას. აქციის მონაწილეთა მოთხოვნებში შედის: შეიცვალოს სისხლის სამართლის კოდექსში გაუპატიურების მუხლი, რითიც თანხმობის არარსებობა გახდება ცენტრალური ამოსავალი; შეიქმნას პროკურატურაში სპეციალიზირებული დეპარტამენტი, რომელიც სექსუალური ძალადობის საქმეებს ეფექტიანად გამოიძიებს; გახდეს სქესობრივი განათლება ფორმალური განათლების ნაწილი, რითაც ბავშვები შეძლებენ სქესობრივი ძალადობის ამოცნობასა და მისგან თავის დაცვას; გაიზარდოს ფსიქოლოგების და სოციალური მუშაკების რაოდენობა; დადგეს ნინის საქმის პროკურორის პასუხისმგებლობის საკითხი სამსახურებრივი გულგრილობის ... ...
  • დაპირისპირება ჭყონდიდის ეპარქიაში _ დაშავებულები არიან მედიის წარმომადგენლებიჭყონდიდის ეპარქიის რეზიდენციაში სასულიერო პირებისა და მიტროპოლიტ სტეფანეს შეხვედრა მიმდინარეობისას დაპირისპირება მოხდა. "კურიერის" ინფორმაციით, სასულიერო პირების შეკრებაზე დაშავდნენ "რუსთავის 2-ის", "ტვ.პირველის","ფორმულას, "პოსტივის" ოპერატორები.  სხეულის დაზიანება მიიღო "ტვ.პირველის" სამეგრელოს ბიუროს ჟურნალისტმა პაპუნა შუშანიამ. "მთავარის არხი" ავრცელებს ინფორმაციას, რომ ინციდენტის დროს ფიზიკური შეურაცხყოფა მიაყენეს "მთავარი არხის" ჟურნალისტს ემა გოგოხიას. დაშავებულები სასწრაფო დახმარების ჯგუფებმა საავადმყოფოში გადაიყვანეს. გავრცელებული ინფორმაციით, საუბრის თემა ორ დიაკვანს ეხებოდა, რომლებსაც ეპარქიის ახალი ხელმძღვანელის გადაწყვეტილებით მღვდელმსახურება აეკრძალათ.  მეუფე სტეფანეს ამ გადაწყვეტილებას სასულიერო პირების ნაწილი და მრევლი ... ...
  • "ბერმუნდის სამკუთხედია"-ავტოსაგზა შემთხვევებით განთქმული ადგილი ლანჩხუთის ცენტრშილანჩხუთის ცენტრში, „მედალფას“ კლინიკისა და პირველი საჯარო სკოლის მიმდებარე ტერიტორიაზე, სადაც ჯაპანა-ლანჩხუთის მონაკვეთის ავტობანი, აღმაშენებლის ქუჩის გავლით, მთავარ მაგისტრალს უერთდება, დღეს მორიგი ავტოსაგზაო შემთხვევა მოხდა _ ერთმანეთს ბმვ-ს მარკის ჯიპი და „ნისანის“ მარკის მანქანები შეეჯახა. შემთხვევის შედეგად, საბედნიეროდ, არავინ დაშავებულა. აღნიშნულ მონაკვეთზე ეს ავტოავარიის პირველი შემთხვევა არაა, რაც ჩქაროსნული ავტომაგისტრალი გაიხსნა. შექმნილი მდგომარეობიდან გამომდინარე კი, მოსახლეობა პროტესტს გამოთქვამს და მიიჩნევს, რომ ავტობანიდან ამოსავლელი ქალაქის ცენტრში არ უნდა გაკეთებულიყო, მით უფრო, პირველი საჯარო სკოლის მიმდებარე ტერიტორიაზე. მოსწავლეთა მშობლებმა ხელმოწერებიც შეაგროვეს, მაგრამ ამას შედეგი არ მოუტანია. ისინი აღნიშნულ მონაკვეთზე შუქნიშნის დაყენებას ითხოვენ. "ბერმუდის სამკუთხედივითაა, ბევრჯერ გადავრჩით ტრაგედიას, მაგრამ კოკა ყოველთვის წყალს არ მოიტანს. შუქნიშანია საჭირო", _ ამბობს ... ...
  • „იკა, ტრი, ტრი, ტრი“- წარწერები და ავტოკოლონით მსვლელობა დედაქალაქშითბილისში ნიკა მელიას გათავისუფლების, ვადამდელი არჩევნებისა და პრემიერ-მინისტრის გადადგომის მოთხოვნით საპროტესტო მსვლელობა ავტოკოლონებით იმართება. მსვლელობის მონაწილეები იმყოფებოდნენ გლდანის რაიონის გამგეობასთან, სადაც დატოვეს წარწერა „იკა, ტრი, ტრი, ტრი“. მათი თქმით, მსგავსი წარწერა ყველა გამგეობის შენობასთან ... ...
  • ეროვნული სასწავლო ოლიმპიადის მეორე ტური დაიწყო8 მარტს 2020-2021 სასწავლო წლის ეროვნული სასწავლო ოლიმპიადის მეორე ტური ქართული ენისა და ლიტერატურის ტესტირებით  მთელი საქართველოს მასშტაბით 10:00 საათზე დაიწყო. ეროვნული სასწავლო ოლიმპიადის მეორე ტური ორ სესიად მიმდინარეობს და მასში 6000-ზე მეტი მოსწავლე იღებს მონაწილეობას. პროცესი 12 მარტს გერმანული ენის ტესტირებით დასრულდება. ოლიმპიადა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ შემუშავებული ყველა რეგულაციის დაცვით მიმდინარეობს. მესამე ტურში გადასვლის უფლებას მოიპოვებს ის მოსწავლე, რომელიც დააგროვებს შესაბამისი საგნის ტესტის მაქსიმალური ქულის არანაკლებ 50%-ს და მოხვდება შესაბამისი კლასისა და საგნის რეიტინგული სიის პირველ ორმოცდაათ მონაწილეს შორის.  მესამე ტურში გადასულ ყველა მოსწავლეს გადაეცემა სიგელი. ეროვნული სასწავლო ოლიმპიადა X–XII კლასების მოსწავლეებისათვის ცენტრალიზებულად ტარდება შემდეგ საგნებში: ქართული ენა და ლიტერატურა, ქართული ენა არაქართულენოვანი სკოლების მოსწავლეებისათვის, მათემატიკა, ისტორია, გეოგრაფია, ფიზიკა, ქიმია, ბიოლოგია, უცხოური ენა. ეროვნული სასწავლო ოლიმპიადის მიზანი სასწავლო პროცესის სტიმულირება და მოსწავლეებში მოტივაციის ამაღლებაა. ასევე, იმ ნაკრებებისათვის კანდიდატების გამოვლენა, რომლებიც საერთაშორისო ოლიმპიადებზე საქართველოს სახელით მიიღებენ ... ...

არქივი

ტესტები

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

კარმიდამო ჩემი

ქათმის მხალეული

მრგვალად მოხარშული (და არა შემწვარი)...

ბადრიჯნის უხორცო ჩანახი

ერთი კილოგრამი (ან რამდენიც გსურთ)...

უნაბი _ ძვირფასი ხეხილოვანი და სამკურნალო მცენარე

უნაბის ნაყოფი გემოთი და გარეგნობით...

მუშმულა _ საუკეთესო მცენარე, რომელიც უყურადღებოდ არ უნდა დარჩეს

 მუშმულა (იაპონური ზღმარტლი) განთქმულია ნაყოფის...

ჩავატაროთ თხილის "ცისფერი წამლობა"

ჩვენი მკითხველები აქტიურად გვეხმაურებიან და...

გურიაში კივს საშიში დაავადება გაუჩნდა

გურიაში, კერძოდ კი, ოზურგეთში, კივის...

გავიხსენოთ "ძველებური" ნამცხვრები

ბოლო დროს, სოციალურ ქსელში, არაერთხელ...

თებერვლის ძირითადი სამუშაოები საკარმიდამო ნაკვეთებში

თებერვლიდან, საკარმიდამო ნაკვეთებში, ხეხილოვანთა ბაღებში,...

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...