"გამარჯობა, ოზურგეთო! უპატრონოთა სახლში გავიზარდე, თუმცა, ახლა შენ ხარ ჩემი სახლი!"

მთავარი თემა

"გამარჯობა, ოზურგეთო! უპატრონოთა სახლში გავიზარდე, თუმცა, ახლა შენ ხარ ჩემი სახლი!"

7 ნოე. 2019, 11:09:55

ოზურგეთელი მეეზოვე ნატაშა მიხაილოვა, ბოლო ათი წელია, მშობლიური ქალაქის ცენტრალურ ნაწილში _ „ჭადრების ბაღის“, თეატრის და იუსტიციის სახლების მიმდებარე ტერიტორიას გაცისკრებისთანავე თავს დატრიალებს და არც გამვლელ-გამომვლელისთვის სალამის თქმა თუ მისებური „ჩესტის“ აღება ავიწყდება. მუდამ ღიმილით და უბრალოებით ნასაზრდოებ ხასიათს, უტყუარი და თბილი გამოხედვა უდასტურებს.

_ ტოროლა? მე ვარ ტოროლა? არა, მე ნატაშა ვარ! გალობა რა ვიცი მე _ ქალაქს გისუფთავებთ და თქვენ იმღერეთ, იცეკვეთ. ჭადრების ბარის „გადია“ ვარ, ხომ იცით? მიყვარხართ! მე ეს ფოთლების გროვაც მიყვარს, მოხვეტვას რომ ვერ ავუდივარ, მაგრამ ხოm არ შევინახავ? _ გულიანად იცინის და ცოცხს უფრო აჩქარებით უსვამს მიწას, რომ ყველანაირ ბონდოს და ბალახბულახს გროვებად მოუყაროს თავი. თუმცა, ნოემბრის წყალობით, ჭადრის ფოთლები თავზე კვლავ აცვივა მოგონებებივით....

 _ ოზურგეთში დავიბადე, თუმცა, სულ პატარა ვიყავი, როცა დედამ მე და ჩემი ძმები სოფელ ქურთაში, უპატრონო ბავშვთა სახლში მიგვიყვანა. ასე ქვიოდა მაშინ იმ დაწესებულებას, სადაც მეექვსე კლასამდე ვიზრდებოდით. უჭირდა, ალბათ, თორემ რატომ მიგვიყვანდა? ხშირად არა, მაგრამ ახერხებდა ჩვენს ნახვას. ისე, ქურთადან გაპარვაც მინდოდა, გაძლება გამიჭირდა... მერე ასეთივე ბავშვთა სახლში ბათუმში გადაგვიყვანეს. 15 წლის რომ გავხდი, დავბრუნდი ოზურგეთში. მუშაობა აბრეშუმის ფაბრიკაში დავიწყე. ძმისშვილები გავზარდე და მას შემდეგ ვარ აქ, თქვენთან.

უპატრონოთა სახლში გავიზარდე, მაგრამ ახლა ეს ქალაქია ჩემი სახლი. დილა რა დილაა, თუ მზეს არ შემოვასწარი ამ ქალაქში და გულში მაინც არ ვთქვი _ გამარჯობა, ოზურგეთო! აბა, ხმამაღლა რო ვიძახო, გააბდლებულა ჩვენი ნატაშაო, იტყვიან. მზეს უნდა დავასწრო, უნდა მოვუსუფთავო მოედანი, რომ სხივები ჩენჩოში არ ჩაფინოს_ სიცილ-სიცილით გვიტოვებს საკუთარ აზრებს და ცოცხით ხელში წინ მიიწევს.

_ გაჩერდი, ერთი წუთით, ფეისბუკიდან გესალმებიან, ნატა!

_ მე არ ვიცი ფეისბუკი...

_ ჩვენ დავწერეთ შენზე. ბევრი ადამიანი მოკითხვას გითვლის. თბილისიდან ოზურგეთელი გულიკო ლომჯარია გესალმება, „გურია ნიუსმა“ მომიკითხოს ჩვენი ნატაშაო..

_ ვახსოვარ გულიკოს? _ ცრემლების შეჩერება შეძლო ჭადრების ბაღის „გადიამ“ , გრძელტარიანი ცოცხი გულზე მიიბჯინა და ორივე ხელი ისე მოიმარჯვა, თითქოს ვიღაცას გულში იკრავდა.

კითხვაზე, რამ განაპირობა მასში უსაზღვრო პასუხისმგებლობა, რომელსაც ქალაქის დასუფთავებისთვის იჩენს, ჩვეული თვალის მოხუჭვით და ალალი ღიმილით გვპასუხობს _ შეპყრობილი ვარ სიხარულით, სითბოთ... მიყვარს ყველა და ყველაფერიო, ამბობს და გულზე გაშლილ ხელის გულს იდებს.

_ ეე, ჩემდენი გასაჭირი ვის უნახავს? მაგრამ არც გულში, არც თვალში და არც ყურში ცუდისთვის ადგილი არ მაქვს. არც მკითხოთ ცუდ ამბებზე, რაც გადამხდენია. ერთს გეტყვით, ქურთაში „გრუბი“ ადამიანების სახეები მზარავდა. ეს იყო ის, რამაც განმკურნა ყველაფერი ცუდისგან და სულ ღიმილიანი, თბილი სახეები მომანდომა, აი, პირიდან სულ რომ შაქარი და იუმორი გადმოსდის ჩემი გურულებივით. აბა, როგორ?! დილაადრიან რომ მეგებებიან, პრივეტ, ნატაშ!, საით მირბიხარო... სად წავალ ისე ამ ორმეტრიან ტარზე წამოცმული ცოცხით? აგერ ჩვენს ბაღში, ოქროებო, _ ხითხითიც ეხერხება „გადიას“ და უნებლიედ, თვალწინ დიდი ვაჟას კეთილშობილი ესტატეც ცოცხლდება, თანასოფლელებთან რომ ენაკვიმატობს, სად მივალ და იერუსალიმში, ამ ჩემი ჯაგლაჯა ცხენით განჯა-ერევანს ხ0მ არ წავალ, კატის მანძილი საბძელიაო..

ნატაშა მიხაილოვა, იგივე ტოროლა, იგივე „ჭადრების ბაღის „გადია“, ოზურგეთში 1953 წელს დაიბადა. ბიოგრაფიის იმ 15 წლიანი მონაკვეთის გარდა, რაც თავად გვიამბო, აქ გაატარა. ძმა ადრე გარდაეცვალა და ობოლი მცირეწლოვანი ძმისშვილების გაზრდა იტვირთა. ახლა ერთ-ერთი ცოლშვილიანია და რუსთაველის ექვს ნომერში ერთად ცხოვრობენ. საკუთარი ოჯახი კი არ შეუქმნია.

_ კითხვა უნდა? კარგი ურთიერთობა რომ არ გვქონდეს, ერთად როგორ ვიცხოვრებთ? გვიყვარს ერთმანეთი და მორჩა! _ ამბობს ის ძმისშვილებზე.

საბჭოეთის დაშლის შემდეგ, აბრეშუმის ფაბრიკიდან ჟურნალ-გაზეთების დისტრიბუციას მიჰყო ხელი და თავს ასე ირჩენდა. 20 წლის წინ, ზუსტად ამ დროს, „გურია ნიუსის“ დაფუძნებისას, ჩვენი პირველი დისტრიბუტორიც იყო. მერე დასუფთავების სამსახურში გადაინაცვლა და ბოლო ათი წელია, საკუთარი არსებობით, არათუ ნაგვისგან, ყველანაირი უარყოფითი აურისგან ასუფთავებს ოზურგეთელთა სულსა და გულს. მან საკუთარი თავი უკვე დაიმკვიდრა ოზურგეთის საპატიო მცხოვრებად. ოფიციალურ წოდებას კი, ალბათ, დრო დადგება და მიიღებს!

ნატაშა მიხაილოვას, რომელიც ყოველ დილას მუდამ სხვათა გასახარად იწყებს, განსხვავებით ყველა რესპონდენტისგან, რაც დღემდე გვყოლია, დამშვიდობებისას, ხელახლა კითხვას ვუსვამ:

_ როგორ ახერხებ, რომ სულ კარგ ხასიათზე ხარ?

__მაგას რა დიდი ამბავი უნდა? აი, შიგნით ცუდ არაფერს არ ვიტოვებ. სახლში ნაგავს ხომ არ იტოვებთ? სულ ყრით, ჰო? ჰოდა, გაუშვით, გადაყარეთ, არ მიიღოთ ცუდი. მასე ადვილი, ნეტა, ამ ბაღის დასუფთავება იყოს. საგულდაგულოდ თუ მოასუფთავებ, მთლად იოლად ვერ გამოხვალ, _ მაინც საყვარელი საქმეზე აქცენტით დაასრულა ჩვენთან საუბარი ოზურგეთელმა კოლორიტმა, ქალბატონმა, რომელმაც ქალაქის მცხოვრებთა გულებში საკუთარი ადგილი თავისთავადობით დაიმკვიდრა.




 ახალი ამბები
  • გურიაში ეროვნული პარკი დაარსდებაგურიაში ეროვნული პარკი დაარსდება. ამის შესახებ ინფორმაციას დაცული ტერიტორიების სააგენტო ავრცელებს. „გურიის მთიანი ლანდშაფტის უნიკალური ბუნების დაცვისა და შენარჩუნების მიზნით, გარემოს დაცვისა და სოფლის მეურნეობის სამინისტროს დაცული ტერიტორიების სააგენტო და ბუნების დაცვის მსოფლიო ფონდი (WWF), შვედეთის საელჩოს ფინანსური მხარდაჭერითა და ადგილობრივი მოსახლეობის აქტიური ჩართულობით, იწყებს პროექტს გურიის ეროვნული პარკის დაარსებისთვის. აღნიშნული პროექტის განსახორციელებლად, ამ ეტაპისთვის დაგეგმილია სხვადასხვა სახის კვლევის ჩატარება ადგილობრივი და საერთაშორისო ექსპერტების მიერ. ახალი პროექტი მიზნად ისახავს გურიის ტყის ლანდშაფტებში არსებული გამოწვევების, კერძოდ ადამიანის ზემოქმედებით მიღებული ზიანის შეჩერებას, ბიომრავალფეროვნების დაცვასა და ეკოსისტემის შენარჩუნებას, როგორც ადგილობრივი, ასევე ფართო საზოგადოების კეთილდღეობისთვის. გურიის ეროვნული პარკის შექმნა ხელს შეუწყობს ტურისტული ნაკადების მოზიდვას დაცულ ტერიტორიებზე, ადგილობრივ მოსახლეობას კი დამატებითი ეკონომიკური სარგებლის გაჩენის შესაძლებლობას მისცემს. გურიაში შენარჩუნებული უძველესი ტყეები და სავარგულები აღიარებულია ეკორეგიონის ბიომრავალფეროვნების ძირითად არეალად (KBA). ამავდროულად, ეს ლანდშაფტები „კავკასიის ეკორეგიონის კონსერვაციის გეგმის (ECP)” ნაწილია. ბუნების დაცვის მსოფლიო ფონდი (WWF) წლებია თანამშრომლობს დაცული ტერიტორიების სააგენტოსთან და დიდი წვლილი შეაქვს დაცული ტერიტორიების ქსელის განვითარებასა და გაფართოებაში“,_ წერია ... ...
  • დახურული ბაგა-ბაღები და აღსაზრდელთა განაწყენებული მშობლები1 მარტიდან საბავშვო ბაგა- ბაღებში სწავლის პროცესი განახლდა. მათთვის  გაიცა განსაკუთრებული რეკომენდაციები, რომლის დაცვა, როგორც პერსონალს, ასევე, მშობელს და ბავშვსაც მოუწევს. ამის მიუხედავად არსებობენ ბაღის აღსაზრდელები, რომლებიც 1 მარტს მაინც სახლში დარჩნენ. თბილისის მასშტაბით, 8 საბავშვო ბაღმა ვერ მოახერხა სწავლის განახლება, რადგან პერსონალს კორონა ვირუსი დაუდასტურდა. „სწავლის პროცესის დაწყებამდე წინასწარ გაიტესტა პერსონალი. თბილისი მასშტაბით 8 ბაღში გამოვლინდა ინფიცირების შემთხვევები და ეს ბაღები არ გახსნილა.  პერსონალის საიზოლაციო 12-დღიანი  ვადა რომ გავა, შემდეგ შეძლებს ბაღები სრულად ფუნქციონირებას. პერსონალი ორ კვირაში ერთხელ გაივლიან ტესტირებას, რაც მუდმივი პროცესი იქნება“, _  განმარტა ჩვენთან საუბრისას ბაგა-ბაღების სააგენტოს პრესსამსახურის ხელმძღვანელმა. აღსაზრდელების მშობლებს იმ პერიოდში, როცა ბაგა-ბაღები სასწავლო-სააღმზრდელო  პროცესი შეჩერებული  იყო ურიგდებოდათ არამალფუჭებადი, დაფასოებული პროდუქცია, რომელიც ამ ეტაპზე დახურული ბაღების შემთხვევაში, აღარ დაურიგდებათ. როგორც ბაგა-ბაღების სააგენტოს პრესსამსახურში გვითხრეს, თითო ბაღის დონეზე ვერ გადაწყდება  პროდუქტების გაცემის პროექტი, რადგან ბაღის კვება და პროდუქტების პაკეტის გაცემა სხვადასხვა  პრინციპით ხორციელდება. აქედან გამომდინარე, ბაგა-ბაღები პროდუქტებს აღარ გასცემს. ჩვენ დაგვიკავშირდა თბილისის ერთ-ერთი ბაღის აღსაზრდელის მშობელი. მისი თქმით, ბაღში დაფიქსირდა კორონავირუსი და არ განუახლებია სწავლის პროცესი, რაც ძალიან ცუდად მოქმედებს მისი  5 წლის შვილზე. „ბავშვს აქვს დეპრესია, არის საშინლად განერვიულებული. უნდა ბავშვებთან კონტაქტი, თამაში. მე და მამამისი ვცდილობთ ვეთამაშოთ, მაგრამ ბავშვებთან თამაშის დროს ივსება. ჩამორჩენაზე აღარაფერს ვამბობ. ბაღის ყოველდღიურობა და რეჟიმი აკლია. მითხრეს სავარაუდოდ, ორ კვირაში აღდგება სწავლა ჩვენს ბაღში. რა საჭირო იყო ერთი ადამიანის გამო ბაღის მთლიანად დახურვა, ვერ ვხვდები“, _ გვითხრა აღელვებულმა მშობელმა. სპეციალისტების განმარტებით, ამ ეტაპზე, მიზანშეწონილია, სასწავლო-სააღმზრდელო პროცესი შეჩერდეს იმ ბაღებში, სადაც კორონავირუსის შემთხვევებია გამოვლენილი. მათი თქმით, დაწესებულებებში ჩატარდება დეზინფექცია, მოსამსახურე პერსონალს ჩაუტარდება კოვიდტესტირება და ფუნქციონირებას გააგრძელებს იმ შემთხვევაში, თუ არ გამოვლინდება ახალი კორონავირუსით ინფიცირების შემთხვევა და რეგულაციების ყველა სტანდარტი დაცული ... ...
  • შორიდან აქვს ნასროლიო, თავს არ მოიკლავდა - დაღუპული ჯარისკაცის დედის პირველი კომენტარი19 წლის ჯარისკაცის, ჯონი ძინძიბაძის დედა დარწმუნებულია, რომ მის შვილს სიცოცხლე თვითმკვლელობით არ დაუსრულებია და გამოძიების მუხლის შეცვლას მოითხოვს. ვაზიანის მეოთხე ბაზაზე, გაურკვეველ ვითარებაში დაღუპულ სამხედროს  სულ ცოტა ხანში გადაასვენებენ, მანამდე კი მისი ოჯახის წევრები მომხდარის იმ ვერსიას კატეგორიულად გამორიცხავენ, რომლის შესახებაც თავდაცვის უწყება და გარდაცვლილის ძმა ტრაგედიის პირველივე წუთებიდან საუბრობდნენ.  "თავს ეგ არ მოიკლავდა, იმდენად ბედნიერი იყო. დამირეკა გუშინწინ, რომ ახალი გოგო გაიცნო. ანი ჰქვია, კარგი ადამიანი, წესიერი გოგოო. მინდა რომ სახლში მოვიყვანო და გაგაცნოთო, ბედნიერი იყო... ერთი სული ჰქონდა, როდის მოვიდოდა. ჯარიდან გამოსვლას აპირებდა და მოყვანას", - ამბობს დაღუპული ჯარისკაცის და.  "დაამთავრა ჯარი და ვაზიანში გადავიდა, ამდენი ხანი არ მეცალა და ახლა გავიცანი კარგი გოგო და გაგაცნობო. მიდიოდა და მოდიოდა ჭკვიანად. არაფერი დაუშავებია. შორიდან აქვს ნასროლიო..." - ამბობს დაღუპული ჯარისკაცის დედა.  შეგახსენებთ, რომ თავდაცვის სამინისტროს ინფორმაციით, გუშინ გვიან ღამით, მე-4 ბრიგადის ტერიტორიაზე ჯარისკაცმა თავი მოიკლა.  წყარო: ... ...
  • ვაქცინის მოწოდების საკითხები - ჯანდაცვის მინისტრი კელი დეგნანს შეხვდაCOVID-19-ის ვაქცინის მოწოდების საკითხზე ჯანდაცვის მინისტრმა დღეს აშშ-ს ელჩთან საქართველოში, კელი დეგნანთან შეხვედრისას ისაუბრა. ინფორმაციას ჯანდაცვის სამინისტრო ავრცელებს. სამინისტროს ცნობით, კელი დეგნანმა და მინისტრმა იმ ღონისძიებებზე საუბრეს, რომელსაც ჯანდაცვის სამინისტრო ვაქცინის დროულად მიღების კუთხით ახორციელებს. "მნიშვნელოვანია ინფექციის გავრცელების დაბალი მაჩვენებლის შენარჩუნება. საქართველომ კარგად იმუშავა ინფექციის გავრცელების შემცირების კუთხით, დიდი მოცულობის ტესტირებით და სიფრთხილის ზომებით. ახლა ის ნაბიჯები, რასაც მთავრობა დგამს ეკონომიკის გახსნის კუთხით, ეკონომიკური სტაბილურობისთვის ძალიან მნიშვნელოვანია. ჩვენ ყველა დიდ ძალისხმევას ვდებთ, რომ მივიღოთ ვაქცინა ჩვენი მოსახლეობის ასაცრელად და ყველა ქვეყანა გარკვეულ სიძნელეებს აწყდება, რომ ვაქცინის საკმარისი რაოდენობა მიიღოს. საბედნიეროდ, ნელ-ნელა ახალი ვაქცინებიც შემოდის. სულ ახლახანს გამოჩნდა ჯონსონ-ჯონსონის ვაქცინა და იმედი გვაქვს, რომ უფრო მეტი ვაქცინის მოწოდება გახდება შესაძლებელი საქართველოსთვის, ბოსნიის, მოლდივის, უკრაინისთვის, იმ ქვეყნებისთვის, რომლებიც ყველაფერს აკეთებენ, რომ თავიანთი მოსახლეობისთვის საკმარისი რაოდენობის ვაქცინა მიიღონ“, - განაცხადა საქართველოში აშშ-ს ელჩმა კელი ... ...
  • "ამ საქმეს ბოლომდე მივაწვები"_ თამარ ბაჩალიაშვილის დედაგაურკვეველ ვითარებაში გარდაცვლილი 23 წლის თამარ ბაჩალიაშვილის დედა, თეონა თამაზაშვილი, დღეს, 4 მარტს თბილისის საქალაქო სასამართლოში გამოკითხვაზე იმყოფებოდა. მისი გამოკითხვაზე დაბარება მოწმე, მარიამ შარაშენიძის მიერ გავრცელებულ ინფორმაციას მოჰყვა, რომლის მიხედვითაც ბაჩალიაშვილს გარდაცვალებამდე რამდენიმე თვით ადრე მასთან მიმოწერა ჰქონდა. თეონა თამაზაშვილი ამბობს, რომ შარაშენიძის და მისი შვილის ურთიერთობის შესახებ არაფერი იცოდა და ასევე, უცნობია არის თუ არა მათი Facebook-ზე მიმოწერის ე.წ. სქრინები ნამდვილი. "უნდათ, გამომიყვანონ მდგომარეობიდან, რომ შევეშვა ამ საქმეს. მეკითხებოდნენ, ადვოკატებთან ერთად რას აკეთებდი, ადვოკატი რას გირჩევდაო. ახლოვდება სტრასბურგი და ბოლომდე მივაწვები ამ საქმეს",- თქვა თეონა ... ...

არქივი

ტესტები

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

კარმიდამო ჩემი

გურიაში კივს საშიში დაავადება გაუჩნდა

გურიაში, კერძოდ კი, ოზურგეთში, კივის...

გავიხსენოთ "ძველებური" ნამცხვრები

ბოლო დროს, სოციალურ ქსელში, არაერთხელ...

თებერვლის ძირითადი სამუშაოები საკარმიდამო ნაკვეთებში

თებერვლიდან, საკარმიდამო ნაკვეთებში, ხეხილოვანთა ბაღებში,...

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...