"განათლება არ არის საჭირო" _ ვის რა თანამდებობა უნდა ჩოხატაურის საკრებულოში

gurianews.com

მთავარი თემა

"განათლება არ არის საჭირო" _ ვის რა თანამდებობა უნდა ჩოხატაურის საკრებულოში

2017 ნოე 17 14:28:53

ორშაბათს, 12 საათზე, ჩოხატაურის ახალი მოწვევის საკრებულოს პირველი სხდომა გაიმართება. პირველი საკითხი, რომელიც დეპუტატებმა უნდა გადაწყვიტონ, საკრებულოს თავმჯდომარის არჩევაა. ჩვენი ინფორმაციით, ამ თანამდებობას მოქმედი თავმჯდომარე ზაალ მამალაძე დაიკავებს, რომელიც „ქართული ოცნების“ პარტიული სიის პირველი ნომერია.

როგორც დეპუტატები პირად საუბრებში ამბობენ, ეს საკითხი გადაწყვეტილია და მამალაძის კანდიდატურას წინააღმდეგობების გარეშე დაამტკიცებენ, რასაც ვერ ვიტყვით მისი მოადგილის კანდიდატურებზე.

ეს თანამდებობა სამ ადამიანს უნდა _ ზვიად მამალაძეს, მანანა მინდაძეს და ვლადიმერ სიხარულიძეს, რომელიც საკრებულოს თავმჯდომარის მოადგილის თანამდებობას გასული 3 წლის განმავლობაში იკავებდა.

აღსანიშნავია, რომ მინდაძეს საკრებულოს თავმჯდომარის მოადგილეობა ადრეც სურდა, თუმცა, დეპუტატთა უმრავლესობამ მაშინ არჩევანი სიხარულიძეზე გააკეთა.

რას იზამენ ამჯერად, ჯერ ისევ უცნობია _ ხალხის რჩეულთა მოსაზრებები ამ საკითხზე სხვადასხვაგვარია. მით უმეტეს, რომ ჩვენი ინფორმაციით, მინდაძე და მამალაძე, სიხარულიძისგან განსხვავებით, პოზიციების გასამყარებლად დედაქალაქს ესტუმრნენ და ლობისტების მოძიება სცადეს.

ზვიად მამალაძე ჩვენთან საუბრისას ადასტურებს, რომ საკრებულოს თავმჯდომარის მოადგილეობის სურვილი აქვს:

_ მართალია თბილისში ვიყავი, თუმცა, ჩემი ვიზიტი პოლიტიკურ საქმიანობას არ უკავშირდებოდა. პირად საქმეზე გახლდით. ნამდვილად არ მიძებნია ლობისტები. გიდასტურებთ, რომ მაქვს სურვილი, ვიყო საკრებულოს თავმჯდომარის მოადგილე, თუმცა, ეს დეპუტატებმა უნდა გადაწყვიტონ საკრებულოს სხდომაზე, _ გვითხრა მამალაძემ.

მისივე თქმით, სურვილის ასასრულებლად ფარულ მოლაპარაკებებს არავისთან მართავს და არჩევანს კოლეგებს ყოველგვარი ძალდატანების გარეშე მიანდობს.

დედაქალაქში ყოფნის შესახებ ინფორმაცია დაგვიდასტურა მანანა მინდაძემ, თუმცა, აღნიშნა, რომ ეს საკრებულოს დაგეგმილ სხდომას არ უკავშირდებოდა:

_ ერთი დღით ვიყავი პირად საქმეზე. არანაირი ლობისტი არ მიძებნია და არც მჭირდება. არც ეს თანამდებობა მჭირდება. მაქვს სამსახური, რის გამოც ვჩერდები ჩოხატაურში და სხვა ამბიცია არ მაქვს, _ აღნიშნა ჩვენთან საუბრისას მანანა მინდაძემ.

_ ქალბატონო მანანა, როგორც ვიცით ზვიად მამალაძესთან ახლობლობთ. ცნობილია, რომ მას  საკრებულოს თავმჯდომარის მოადგილეობა უნდა. მასთან ხომ არ გქონდათ მასთან მოლაპარაკებები და ხომ არ გადაგაფიქრებინათ?

_ არა. არანაირი მოლაპარაკება ამ საკითხზე არ ყოფილა. მართლა არ მსურს ეგ თანამდებობა. ადრე იყო ამაზე საუბარი, წინა მოწვევის საკრებულოს ვგულისხმობ, მაგრამ მაშინ ეს პარტიის მოთხოვნა იყო და არა ჩემი. მე მაქვს ძალიან კარგი სამსახური და მაქვს ბევრი პროექტი გასახორციელებელი. სწორედ ამიტომ ვარ საკრებულოში, სადაც კიდევ ერთხელ დავაზუსტებ, რომ თანამდებობა არ მჭირდება, _ გვითხრა მინდაძემ.

მინდაძისგან განსხვავებით, ვლადიმერ სიხარულიძე გვიდასტურებს, რომ საკრებულოს თავმჯდომარის მოადგილეობა სურს. ამბობს, რომ ვინ იქნება ამ პოსტზე, ხალხის რჩეულებმა დამოუკიდებლად უნდა გადაწყვიტონ და არ აპირებს, ამის გამო ვინმეს „მფარველობა“ სთხოვოს.

საკრებულოს თავმჯდომარის მოადგილის მსგავსად, საკმაოდ დიდი „კონკურსია“ კომისიებში თავმჯდომარის თანამდებობის დასაკავებლად. როგორც გავარკვიეთ, ამბიციები ბევრს აქვს, თუმცა, თანამდებობა მხოლოდ ხუთია.

ჩვენს ხელთ არსებული ინფორმაციით, საკრებულოს ინფრასტრუქტურის კომისიის თავმჯდომარეობა დავით გუდავაძეს სურს, რომელიც გასული მოწვევის საკრებულოშიც იკავებდა ამ თანამდებობას:

_ ამბიცია როგორ არ მაქვს? რატომ არ უნდა ვიყო? არაფერი დამიშავებია. პირიქით, ძალიან კარგი პროექტებიც შევთავაზე მუნიციპალიტეტს. თუმცა, არ ვიცი, რა იქნება. ისე მოვიქცევი, როგორც პარტია დამავალებს, _  აღნიშნა ჩვენთან საუბრისას გუდავაძემ.

ეს თანამდებობა გოგოლესუბნის მაჟორიტარ დეპუტატს აკაკი ყაჭეიშვილსაც სურს:

_ არ ვიცი ჯერ არაფერი. როგორც გადაწყვეტენ, ისე იქნება, _ გვითხრა ყაჭეიშვილმა.

წყაროს თქმით, ამავე კომისიის ხელმძღვანელობა გორაბერეჟოულის მაჟორიტარ დეპუტატს დავით ტყეშელიაძეს უნდა:

_ მე ისიც კი არ ვიცი, როდის არის სხდომა ჩანიშნული. რაც შეეხება კომისიის თავმჯდომარეობას, ამბიცია მაქვს, მაგრამ მაგ კომისიაზე არ მიფიქრია, უფრო საფინანსო-საბიუჯეტო კომისიაზე ვფიქრობ, _ გვითხრა ტყეშელიაძემ.

ამავე კომისიის თავმჯდომარეობა უნდა გუთურის მაჟორიტარ დეპუტატს ლაშა თოლორდავას.

როგორც გავიგეთ, მას მხოლოდ საშუალო სკოლა აქვს დამთავრებული, თუმცა ამაზე საუბარი ჩვენთან არ სურს:

_ კომენტარს არ ვაკეთებ ამ თემაზე, _ გვითხრა თოლორდავამ.

ჩვენი წყაროს ინფორმაციით, აღნიშნული კომისიის თავმჯდომარეობა შალვა ჩანტლაძესაც სურს:

_ ამაზე არავისთან მისაუბრია. ჯერ ეს თემები არც კი განგვიხილავს და შესაბამისად, არაფრის თქმა არ შემიძლია, _ აღნიშნა ჩვენთან საუბრისას ჩანტლაძემ.

ჩვენ ხელთ არსებული ინფორმაციით, იურიდიული კომისიის თავმჯდომარედ მარინა ბერაძე განიხილება, რომელსაც კონკურენტებიც გამოუჩნდნენ.

ჩვენი წყაროს თქმით, იმ შემთხვევაში, თუკი ზვიად მამალაძეს საკრებულოს თავმჯდომარის მოადგილედ არ აირჩევენ, უკვე წინასწარ შეთანხმებული საკითხი, რომლის თანახმადაც ფრაქცია „ქართული ოცნება“ (მამალაძე ამ ფრაქციას ხელმძღვანელობდა) სიის მეორე ნომერს ბექა გამდლიშვილს უნდა ჩააბარონ, აღარ გავა _ მამალაძე ისევ ფრაქციას უხელმძღვანელებს, ხოლო გამდლიშვილი, რომელიც პროფესიით იურისტია, იურიდიულ საკითხა კომისიის თავმჯდომარის პოსტზე იქნება წარდგენილი:

_ არ არის ეგრე მარტივად. არავინ იცის წინასწარ, რა იქნება. დაველოდოთ ორშაბათს და ვნახოთ, რა გადაწყვეტილებას მიიღებენ დეპუტატები, _ გვითხრა გამდლიშვილმა და მხოლოდ ის დაგვიდასტურა, რომ მისი კანდიდატურა ფრაქციის თავმჯდომარედ განიხილება.

მარინა ბერაძე ამბობს, რომ თანამდებობა არჩევითია და თუ ვინ უნდა წარადგინოს მმართველმა გუნდმა, ეს გუნდის შიგნით, ერთობლივი მსჯელობის შედეგად გაირკვევა:

_ ე ვარ „ქართული ოცნების“ გუნდის წევრი და როვორც გუნდი გადაწყვეტს, ისე მოვიქცევი. ჩვენ ერთპიროვნულ გადაწყვეტილებებს არ ვიღებთ, _ გვითხრა ბერაძემ.

კონკურენციაა სოციალურ საკითხთა კომისიის პოსტზეც _ აქ პრეტენზიას კლოდი მდინარაძე და ქეთევან სიხარულიძე აცხადებენ.

_ სურვილი მაქვს და ვნახოთ, რა იქნება. ეს დეპუტატების გადასაწყვეტია, _ გვითხრა სიხარულიძემ.

ამ თანამდებობის დასაკავებლად კოლეგების მხარდაჭერის იმედი აქვს კლოდი მდინარაძესაც, რომელსაც, როგორც გავარკვიეთ, უმაღლესი განათლება არ აქვს, თუმცა, ამბობს, რომ ეს არც არის საჭირო:

_ როგორც ვიცი, განათლება არ არის საჭირო. ასე მითხრეს, იურისტებმა. მე კოლეჯი მაქვს დამთავრებული ოზურგეთში _ კომპიუტერული მართვის განხრით, თუმცა, ესეც არ ყოფილა აუცილებელი, მაგრამ მაქვს, _ გვითხრა მდინარაძემ, რომელსაც იმედი აქვს, რომ კოლეგები აღნიშნულ თანამდებობაზე მხარს დაუჭერენ.

 „კონკურსია“ ქონების მართვის კომისიის თავმჯდომარის თანამდებობაზეც _ ამ სკამის დაკავება თითქმის ყველა დეპუტატს უნდა. როგორც გვითხრეს, თუ მამალაძემ სიხარულიძეს აჯობა და საკრებულოს თავმჯდომარის მოადგილე გახდა, მაშინ ამ პოსტს ვლადიმერ სიხარულიძე დაიკავებს, თუმცა მსურველები იმდენად ბევრნი არიან, არ არის გამორიცხული, რომ ხმები გაიყოს _ ამის პრეცენდენტი კი ჩოხატაურის წინა მოწვევის საკრებულოში რამდენჯერმე დაფიქსირდა.

დეპუტატებს ამ თემებზე ღიად საუბრები არ უნდათ, პირად საუბრებში კი ამბობენ, რომ ყველაფერს შიდა მოლაპარაკებები გადაწყვეტს. თუმცა, აღნიშნავენ იმასაც, მითითებები პარტიის ცენტრალური ოფისიდანაც მოდის, სადაც ჩოხატაურელი კანონმდებლები თითქმის ყოველდღე ჩადიან და „პატრონის“ ნახვას ცდილობენ. ასეთი „პატრონები“ კი თითქმის ყველა მათგანს ჰყავს _ ზოგს ძლიერი, ზოგსაც შედარებით სუსტი, მაგრამ ფაქტია, რომ  „ოცნების“ დეპუტატების დიდი ნაწილი, როგორც სიაში, ასევე, მაჟორიტარებად, სწორედ გავლენიანი ნაცნობების წყალობით აღმოჩნდნენ და ეს არც დაუმალავთ.

მარტივად რომ ვთქვათ, „ქართულ ოცნებას“ ჩოხატაურის საკრებულოში სულ 30 დეპუტატი ჰყავს (აქედან 21 მაჟორიტარია და 9 სიით გასული) და ვაკანტური 8 თანამდებობაა. იმის გათვალისწინებით, რომ გადამოწმებული ინფორმაციით თანამდებობის დაკავება 20-ზე მეტ დეპუტატს სურს, ფაქტია, რომ ორშაბათს, საკრებულოს პირველი სხდომა საკმაოდ დაძაბული იქნება.

კიდევ ერთი დეტალი _ ჩვენ მიერ მოპოვებული და გადამოწმებული ინფორმაციით, ჩოხატაურის საკრებულოს უმრავლესობა ხვალ საგანგებო სხდომას მართავს, სადაც სწორედ იმ თემებზე იმსჯელებენ, რომელზეც უკვე გესაუბრეთ. თუ წარსულ გამოცდილებას დავეყრდნობით, სავარაუდოა, რომ შეხვედრა შეხვედრისთვის იქნება და თანამდებობები მაინც „ზევიდან“ გახორციელებული ზარების და შიდა გარიგებების მიხედვით გადანაწილდება და ნაკლებ სავარაუდოა, რომ საჯარო მოხელეები პროფესიონალიზმის მიხედვით შეარჩიონ.

მით უმეტეს, რომ როგორც დეპუტატები ამბობენ (კანონში ამაზე არაფერი წერია და შესაბამისად საკრებულოს თანამდებობის პირს უმაღლესი განათლების დამადასტურებელი დიპლომი არ სჭირდება) „განათლება საჭირო სულაც არაა“!



 ახალი ამბები
  • ეს სერიოზული გამოცდაა - ქუცნაშვილი გახარიას შესაძლო პრემიერობაზე„მე ვფიქრობ, რომ ეს გიორგის პოლიტიკურ კარიერაში სერიოზული გამოცდაა, ძალიან ნიჭიერი პიროვნებაა“ _ ეს განცხადება ქართული ოცნების წევრმა, ზაქარია ქუცნაშვილმა, შს მინისტრის, გიორგი გახარიას, პრემიერ-მინისტრის თანამდებობაზე შესაძლო გადანაცვლებასთან დაკავშირებით გადაცემა "განსხვავებულ აქცენტებში" გააკეთა. „ის იყო ბიზნესომბუდსმენიც, ის იყო ეკონომიკის მინისტრიც და ეკონომიკას შეეტყო უკვე, რომ პროგნოზირებული 3%-ის მაგივრად, ლამის 5%-იანი ეკონომიკური ზრდა გვაქვს, ლამის ორჯერ მეტი გვაქვს, ვიდრე პროგნოზირებული იყო, ეს მისი გადაწყვეტილების შედეგია. თუ ამ პოსტზე ღირსეულად გაართმევს თავს და მე მას ისევე, როგორც მთავრობის ყველა წევრს, ვუსურვებ წარმატებას, მე ვფიქრობ, რომ ეს იქნება ძალიან სერიოზული ნიშანი იმისა, რომ საქართველოს მთავრობაში არიან ძლიერი მინისტრები, ეს იქნება ამის დამადასტურებელი ნიშანი, უბანი არ არის მარტივი. ეს გამოწვევაა და მე წარმატებას ვუსურვებ ამ გამოწვევის წინააღმდეგ, _  განაცხადა ზაქარია ... ...
  • ზაქარია ქუცნაშვილი პრემიერის გადადგომას არ გამორიცხავსგადაცემა ,,განცხვავებულ აქცენტებში“  მმართველი გუნდის წევრი ზაქარია ქუცნაშვილი აცხადებს, რომ პრემიერ-მინისტრის გიორგი კვირიკაშვილის გადადომა მოსალოდნელია, რაც ,,ქართული ოცნების“ წევრისთვის გასაკვირი არ არის. ,,გიორგი ის პრემიერია, რომელიც თანამდებობაზე თავს არასდროს იკლავდა. მე გიორგის დიდი ხანია ვიცნობ და მინდა გითხრათ, რომ ის არ არის შემჩნეული, არც ოპოზიციაში და  არც ხელისუფლებაში, ანუ გიორგი განსხვავებული პიროვნებაა.  ჩემი აზრით, ის არის ძალიან თავმდაბალი ადამიანი და, შესაბამისად, არასდროს დაუყენებია პირად რეპუტაციაზე მაღლა თანამდებობრივი მდომარეობის შენარჩუნებისთვის ბრძოლა, ამიტომაც მისი განცხადება სამართლებრივი  სახელმწიფოს ნიშნების ჩამოყალიბებას უწყობს ხელს, რაც  მე მომწონს, იმიტომ, რომ, როცა კონფლიქტი წარმოიშობა, პრემიერ-მინისტრსაც არ უნდა ჰქონდეს უფლება, რომ მისი  უფლებამოსილება ბოროტად  გამოიყენოს. ის არც კონკურენციის სააგენტოა და არც სასამართლო. რთულია მოქალაქეს გააგებნო ის, რომ პრემიერ-მინისტრს არა აქვს შესყიდვებში ჩარევის უფელბა; პრემიერ-მინისტრს არ აქვს კონკურენციის სააგენოს საქმიანობაში ჩარევის უფლება,  გარდა ამისა, მას არ აქვს სასამართლო საქმიანობაში ჩარევის უფლება". ჟურნალისტის მიერ დასმულ კითხვაზე, აპირებს თუ არა პრემიერ-მინისტრი გადადგომას,  ზაქარია ქუცნაშვილი შემდეგნაირად პასუხობს: „გამორიცხული არაფერია, თვითონ გიორგიმ წამოწია ეს თემა საკმაოდ მაღლა, როცა თქვა, რომ მე დავინტერესდი  გადავამოწმე და მიმაჩნია, რომ კანონის დარღვევას ადგილი  არ ჰქონია, მაგრამ თუ სასამართლო და სხვა ორგანები მიიჩნევენ, მე წავალ კიდევაცო და ამაში ცუდი რა არის?!“- განაცხადა ზაქარია ... ...
  • ნარკოტიკების შეძენა-შენახვის ფაქტზე ჩოხატაურში ახალგაზრდა მამაკაცი დააკავეს"გურია ნიუსის" მიერ მოპოვებული ინფორმაციით, ჩოხატაურის პოლიციის სამმართველოს თანამშრომლებმა ნარკოტიკების შეძენა-შენახვის ფაქტზე 32 წლის ახალგაზრდა დააკავეს. ჩვენი ინფორმაციით დაკავებულს ნარკოტიკული საშუალება სუბოქსინი აღმოაჩნდა. დაკავების ფაქტს სამინისტროს პრესსამსახურშიც ადასტურებენ. უწყების ცნობით, გამოძიება 260-ე მუხლის პირველი ნაწილით ... ...
  • თიაენთის მერია: ბიუჯეტში თანხები არ დაგხვდა, რომ საახალწლო ღონისძიება გავმართოთმედიაში გავრცელებული ინფორმაციით, თიანეთის მერია მოსახლეობას, საახალწლო  ღონისძიების ჩასატარებლად მოსახლეობას თანხის შეწირვას სთხოვს. ინფორმაციის გადასამოწმებლად, ,,გურია ნიუსი“   თიანეთის მერიას დაუკავშირდა, სადაც აღნიშნული ინფორმაცია მუნიციპალიტეტის მერის მოადგილემ  მარინა ხარხელაურმა არ დაადასტურა. მისი განცხადებით,  ბიუჯეტში, არ დახვდათ თანხები, საახალწლო ღონისძიება რომ გაიმართოს და მიმდინარეობს თანხების მოძიება. ,,ინფორმაცია, არასწორი ინტერპრეტაციითა გავრცელებული. ჩვენ გვინდა, რაც შეიძლება ბევრ ადამიანს დავეხმაროთ, ბევრ ადამიანს და ბავშვს ჰქონდეს კარგი საახალწლო ღონისძიება. ბიუჯეტში არ დაგხვდა თანხები და მიდის ახლა მოძიება, უნდა ჩამოვაკლოთ  სხვადასხვა მუხლებს და გადმოვიტანოთ  საახალწლო ღონისძიებაში, რომ ღირსეულად ჩაავატაროთ. რადგან  წინასაახლწლოდ, სადღაც 10-11 ათასი იყო დახარჯული და ახლა არ გვაქვს ამის საშუალება, რადგან განათება, ნაძვის ხე და საჩუქრები გვინდა, ბავშვები  და უკიდურესად გაჭირვებული მოსახლეობა რომ გავახაროთ. ვდილობთ, ამას რაღაცნაირად. შემდეგში საქველმოქმედო ფონდი შეიქმნება, ამ ფონდის მეშვეობით კი გვინდა გავაუმჯობესოთ ეს მომსახურება, რომ ადამიანებს ბედნიერი ახალი წელი გაუთენდეს“, _ განაცხადა თიანეთის მერის მოადგილე მარინა ... ...
  • ევროპარლამენტარები: მოგიწოდებთ, დაუყოვნებლივ გაათავისუფლოთ ვანო მერაბიშვილიევროპარლამენტის წევრები საქართველოს პრეზიდენტს, პრემიერს და პარლამენტს მიმართავენ და მოუწოდებენ, დაუყოვნებლივ გათავისუფლდეს პატიმრობიდან ექსპრემიერი ვანო მერაბიშვილი. მათი თქმით, სტრასბურგის ადამიანის უფლებათა ევროპული სასამართლოს საბოლოო ვერდიქტი საქართველომ დაუყოვნებლივ უნდა აღასრულოს. წერილს ხელს ევროპარლამენტის საგარეო ურთიერთობათა კომიტეტის თავმჯდომარე დევიდ მაკალისტერიც აწერს. "ჩვენ, ქვემორე ხელისმომსწერნი ევროპის პარლამენტის წევრები, საქართველოს, მისი სუვერენიტეტის, ტერიტორიული მთლიანობის და მისი ხალხის ევროპული არჩევანის მტკიცე მხარდამჭერები ვართ. 1991 წელს დამოუკიდებლობის აღდგენის შემდეგ საქართველომ დიდი გზა განვლო. დღეს, აღმოსავლეთ პარტნიორობის ქვეყნებს შორის საქართველო მოიაზრება როგორც ყველაზე განვითარებული დემოკრატიის თვალსაზრისით. ეს იმის დამსახურებაცაა, რომ მას ჰყავს ძლიერი პრო-დასავლური ოპოზიცია და მთავრობის კონტროლისაგან თავისუფალი მედია.იმისათვის, რომ ეს პროგრესი გაგრძელდეს, საქართველოს მთავრობამ უნდა გადაჭრას რამდენიმე მნიშვნელოვანი საკითხი.ჩვენ მოვუწოდებთ საქართველოს მთავრობას პატივი სცეს ევროპის ადამიანის უფლებათა სასამართლოს დიდი პალატის საბოლოო დადგენილებას ყოფილი პრემიერმინისტრის, ვანო მერაბიშვილის საქმეზე, რომლის მიხედვითაც მთავრობამ დაარღვია ადამიანის უფლებათა ევროკონვენციის მე-18 მუხლი მისი "ფარული მიზნით" და "ფარული მოტივებით" დაკავების გამო. დღევანდელ გამოწვევებით სავსე საერთაშორისო უსაფრთხოების გარემოში, ქართველი ხალხის ინტერესებშია რომ ყველა პოლიტიკურმა ძალამ გამონახოს საერთო ენა და იფიქროს მომავალზე. ამის გათვალისწინებით, ჩვენ მოვუწოდებთ საქართველოს ხელისუფლებას დაუყოვნებლივ გაათავისუფლონ ბატონი მერაბიშვილი.პარლამენტის როლი, და განსაკუთრებით აღმასრულებლის საპარლამენტო კრიტიკა ყველა დემოკრატიის ფუნდამენტური პრინციპია. პრემიერმინისტრი და მინისტრები არ უნდა ცდილობდნენ თავი აარიდონ საპარლამენტო კრიტიკას. ოპოზიციას, მათ შორის მათ კონკურენტუნარიანობას და მხარდაჭერის მოზიდვის უნარს, უნდა მოეპყრან ისეთი სტანდარტებით, როგორსაც საქართველო ესწრაფვის.მნიშვნელოვანია, რომ საქართველომ შეინარჩუნოს პლურალისტური მედია გარემო, რომელიც მის მოქალაქეებს სთავაზობს განსხვავებულ ხედვებს. ჩვენ ვაკვირდებოდით რუსთავი 2-ის, ქვეყნის ყველაზე პოპულარული სატელევიზიო არხის, მფლობელის შეცვლის მცდელობებს, და ვინიშნავდით იმ შეშფოთებებს, რაც გამოხატეს დამკვირვებლებმა, როგორებიც არიან ეუთოს მედიის თავისუფლების წარმომადგენლებმა.ჩვენ ვრჩებით საქართველოს და მისი დემოკრატიული და ევროპული მომავლის აქტიურ მხარდამჭერებად. თუმცა, პასუხიმსგებლობა იმაზე, რომ საქართველოს პროგრესი გაგრძელდება, აკისრიათ პირველ რიგში მათ, ვინც საქართველოს მოსახლეობამ საკუთარი ქვეყნის სამართავად აირჩია."წერილის ხელმომწერები არიან: პეტრ აუსტერევიჩუსი, ივან სტევანეჩი, იარომირ შტეტინა, დევიდ მაკალისტერი, ზიგიმანტას ბალჩიტისი, სანდრა კალნიეტე, ანა ელსაბედ ფოტიგა, ფარია ხოსე ინასიო და ჰილდე ვაუტმანსი.დღესვე საქართველომ მსგავსი შინაარისის წერილი პოლონეთის პარლამენტიდანაც მიიღო. პოლონეთის სეიმის საგარეო ურთიერთობათა კომიტეტი "იმედს გამოთქვამს, რომ საქართველო სტრასბურგის ადამიანის უფლებათა სასამართლოს გადაწყვეტილებას პატივისცემით მოეკიდება, _ ნათქვამია მიმართვაში. 11 დეკემბერს პრემიერმა, პრეზიდენტმა და პარლამენტის თავმჯდომარემ ვანო მერაბიშვილის დაუყოვნებლივ გათავისუფლების მოთხოვნით წერილი, ასევე, მიიღეს ესტონეთის პარლამენტისგანაც. ადამიანის უფლებათა სასამართლომ დიდმა პალატამ ყოფილი პრემიერ-მინისტრის ვანო მერაბიშვილის საქმეზე გადაწყვეტილება 28 ნოემბერს გამოიტანა. სასამართლოს გადაწყვეტილების მიხედვით, ყოფილი პრემიერმინისტრის მიმართ მე-5 მუხლის პირველ ნაწილთან (თავისუფლებისა და პირადი ხელშეუხებლობის უფლება) კავშირში მე-18 მუხლი დაირღვა (უფლებათა შეზღუდვის გამოყენების ფაქტები). ასევე სასამართლოს დასკვნით, მერაბიშვილის მიმართ სულ მცირე 2013 წლის 25 სექტემბრიდან დაირღვა მე-5 მუხლის მე-3 ნაწილიც, რადგან მათი გადაწყვეტილებით, არ არსებობდა მისი პატიმრობაში დატოვების ... ...

არქივი

ზაფრანი

„შეყვარებული“ სპილო

სამხრეთ აფრიკის ეროვნულ ნაკრძალ "პილანესბერგის"...

"სიენის პალიო"

იტალიის ქალაქ სიენაში XIV საუკუნიდან...

ყურის საწმენდი ჩხირები საშიში ყოფილა

ექიმებმა განგაში ატეხეს  - ყურის...

რაზე მიგვითითებს ენის ფერი

ჩინელი და ევროპელი ექიმების აზრით,...

ბატაგურის გათავისუფლება

ბატაგური მსოფლიოში ყველაზე იშვიათი _...

„ცხენების შემლოცველი“

33 წლის არგენტინელი მარტინ ტეტა...
კარმიდამო ჩემი

სოჭის ზეთის სამკურნალო თვისებები

უძველესი დროიდან არის ცნობილი სოჭის...

ველური ბრინჯის სამკურნალო თვისებები

ველურ ბრინჯს აქვს განუმეორებელი სასიამოვნო,...

როგორ ვებრძოლოთ გრიპს

როგორც კი ვირუსი ორგანიზმში შეაღწევს,...

ძირხვენები ჯანმრთელობის სამსახურში

ძირხვენები, თავიანთი სამკურნალო თვისებებით, დადებითად...

ყურძნის სასარგებლო თვისებები

ყურძენი საუკეთესოა არა მარტო გამოსაჯანმრთელებლად,...

ხალხური სამკურნალო საშუალებები

ღვიძლი ერთადერთი ორგანოა, სადაც ხდება...

"ბიზნესზე არც მიფიქრია" _ გურული ვაზის ჯიშების ოცწლიანი ძიების ფინალი

ოზურგეთის მუნიციპალიტეტის სოფელ შემოქმედში, ვაზის...

"მესიზმრება, რომ ყვავილებთან მძინავს"

ლუიზა ფანცულაიას ხონის მუნიციპალიტეტში ყვავილების...

ვუშველოთ თხილს _ სოკო, ნაცარი და ფაროსანა ერთობლივად გავანადგუროთ

დღეისთვის საგანგაშო მდგომარეობაში მყოფი თხილის...

მოვამზადოთ ნაგალა (ჯუჯა) საძირეები

შემოდგომის მიწურულს, როცა სხვადასხვა კულტურების...

აბზინდას ნახარში მავნებლების წინააღმდეგ

აბზინდა ბუნებაში კარგად გავრცელებული მცენარეა...

ჩიფსი მავნებელი ყოფილა

ჯანდაცვის მსოფლიო ორგანიზაციამ ჩიფსები და...