"გარკვეული ძვრები" ოზურგეთში _ "ადამიანებით მანიპულირებენ და ეს ძალიან ცუდია"

gurianews.com

მთავარი თემა

"გარკვეული ძვრები" ოზურგეთში _ "ადამიანებით მანიპულირებენ და ეს ძალიან ცუდია"

2017 დეკ 20 16:40:23

საბიუჯეტო კოდექსის, ადგილობრივი თვითმმართველობის კოდექსის და მუნიციპალიტეტის საკრებულოს რეგლამენტის მიხედვით, მომავალი წლის ბიუჯეტის პროექტი და პრიორიტეტის დოკუმენტი საკრებულოში უნდა შევიდეს არაუგვიანეს 15 ნოემბრისა. კანონის თანახმად, ამის შემდეგ, პროექტი მოტივირებული შენიშვნებით უბრუნდება აღმასრულებელ ორგანოს არაუგვიანეს 25 ნოემბრისა.

ამ პროცედურების გავლის შემდეგ, მერია პროექტზე მუშაობას აგრძელებს და ბიუჯეტის პროექტი საკრებულოში დასამტკიცებლად უნდა შეიტანონ არაუგვიანეს 10 დეკემბრისა, თუმცა, როგორც გაირკვა, ოზურგეთის მუნიციპალიტეტში ასე არ ხდება _ როგორც იურისტები განმარტავენ, ოზურგეთში მერიის მიერ დარღვეულია კანონიც და რეგლამენტიც.

ამ დრომდე უცნობია, რა პრიორიტეტები აქვს ოზურგეთის მერიას და რა ოდენობის იქნება მუნიციპალიტეტის ბიუჯეტი.

ამ თემაზე ოზურგეთის მუნიციპალიტეტის მერი არ საუბრობს _ კონსტანტინე შარაშენიძე, რომელმაც კაბინეტში შესვლის პირველივე დღეს გამჭვირვალობის და თანამშრომლობის პირობა დადო, ჩვენს სატელეფონო ზარებს არ პასუხობს.

როგორც ჩანს, შარაშენიძეს კომუნიკაციის პრობლემა ოზურგეთის მუნიციპალიტეტის საკრებულოსთანაც აქვს _ საკანონმდებლო ორგანოს თავმჯდომარეს, დავით დარჩიას არ აქვს დაზუსტებული ინფორმაცია იმის შესახებ, თუ როდის დაიწყებენ ბიუჯეტის განხილვას:

_ ბიუჯეტის პროექტი, ჯერჯერობით, საკრებულოში არ შემოსულა და ამდენად, ზედმეტია საუბარი პრიორიტეტების განსაზღვრაზე. როგორც გვაქვს ინფორმაცია, აღმასრულებელი ამ დღეებში გეგმავს საკრებულოს მიაწოდოს მთავარი საფინანსო დოკუმენტის პროექტი, რომელზედაც მუშაობას კომისიები და ფრაქციები წარმოდგენისთანავე დაიწყებენ. წინასწარ იმის თქმა, რა სახის შენიშვნები და რეკომენდაციები ექნება საკრებულოს, ნაადრევია, _ აღნიშნა ჩვენთან საუბრისას დავით დარჩიამ.

დარჩია ამბობს, რომ კომუნიკაცია მერიის შესაბამის სამსახურთან ჰქონდა, თუმცა, კითხვაზე _ რატომ ჭიანურდება პროცესი პასუხი არ აქვს:

_ თავისთავად, გვქონდა კომუნიკაცია მერიის შესაბამის სამსახურთან. ჩვენთვის მნიშვნელოვანია მუნიციპალიტეტში მაქსიმალურად მოკლე დროში დაიწყოს საბიუჯეტო პროცესი და ველოდებით პროექტის წარმოდგენას. ჩვენ მზად ვართ, კანონმდებლობით დადგენილი პროცედურების შესაბამისად გავახორციელოთ ბიუჯეტის განხილვა, შესაბამისი გადაწყვეტილების მიღება, _ ამბობს საკრებულოს თავმჯდომარე.

გარდა ამისა, ამ დრომდე სოფლებში მერის წარმომადგენლები არ დანიშნულან, რაც მოსახლეობაზე უკვე აისახა:

_ შეშას ვერ ვჭრით, საქონელს ვერ ვკლავთ. სოფელში ადამიანი არ არსებობს, რომელიც ცნობას გასცემს. ერთ თვეზე მეტია, ასეთი მდგომარეობაა. არც კი ვიცით, ვის უნდა მივმართოთ, _ აღნიშნავენ ოზურგეთის მუნიციპალიტეტის სხვადასხვა სოფლებში მცხოვრები ადამიანები.

ოზურგეთის მუნიციპალიტეტის საკრებულოს თავმჯდომარემ, რომელსაც ამომრჩევლის მანდატი აქვს, მოსახლეობის ეს პრობლემა კარგად იცის, თუმცა, მხოლოდ იმას ამბობს, რომ "გარკვეული ძვრები" შეინიშნება:

_ აღნიშნულ პრობლემასთან დაკავშირებით ჩვენი პოზიცია ფრაქცია "ქართული ოცნების" მიერ საკრებულოს სხდომაზე დაფიქსირდა. გარკვეული ძვრები შეინიშნება _ რაც შეიძლება სწრაფად უნდა დასრულდეს საკადრო პროცესი, რათა მოქალაქეებისთვის ხელმისაწვდომი გახდეს ყველა მუნიციპალური სერვისი, _ აღნიშნავს "გურია ნიუსთან" საუბრისას დავით დარჩია.

კიდევ ერთი მძიმე თემა მობილობის პროცესის გაჭიანურებაა _ სამსახურის უფროსების თანამდებობები ამ დრომდე ვაკანტურია. არსებული ინფორმაციით, შარაშენიძე კონკურსების გამოცხადებას გეგმავს, თუმცა, როგორც იურისტები განმარტავენ, ეს კანონის დარღვევაა. ამაზე აქცენტს დავით დარჩიაც აკეთებს და იმედოვნებს, რომ მერი სამართლებრივი ჩარჩოდან არ გავა:

_ ხელისუფლებამ კანონმდებლობაში შესული ცვლილებებით მაქსიმალურად უზრუნველყო საჯარო სამსახურში დასაქმებული მოხელეების დაცულობა. მთავრობის დადგენილებით განსაზღვრული მობილობის წესიც ითვალისწინებს ახლადშექმნილ მუნიციპალიტეტებში იმ მოხელეთა ინტერესების გათვალისწინებას, რომლებიც დასაქმებულნი იყვნენ. როგორც მედიით გახდა ცნობილი, მერს გადაწყვეტილი აქვს სამსახურის უფროსების ვაკანტურ თანამდებობებზე ღია კონკურსის გამოცხადება, რაც რამდენად ჯდება სამართლებრივ ჩარჩოში სადავოა. ვიმედოვნებ მერი იმოქმედებს კანონმდებლობით და პროცესი არ გავა სამართლებრივი ჩარჩოდან, _ გვითხრა დავით დარჩიამ.

ოზურგეთის მუნიციპალიტეტის საკრებულოს თავმჯდომარემ კომენტარი ნატალია ხომერიკის ერთდღიან თანამდებობაზეც გააკეთა და აღნიშნა, რომ ოზურგეთის მერიიდან 14 დეკემბერს გამოთხოვილ საჯარო ინფორმაციას ამ დრომდე საკრებულოც ელოდება:

_ ქალბატონ ნატალიასთან დაკავშირებით კონკრეტული შეკითხვები დავსვით საკრებულოს სხდომაზე, თუმცა, პასუხები ნამდვილად არ იყო დამაკმაყოფილებელი. მივმართეთ კიდეც მერიას და გამოვითხოვეთ შესაბამისი დოკუმენტაცია, თუმცა, ჯერ პასუხი არ მიგვიღია. თუ არსებობს ხელმოწერილი ბრძანება დანიშვნასთან დაკავშირებით, მიმაჩნია, რომ ნატალიას სრულიად ლეგიტიმური უფლება აქვს განაგრძოს მუშაობა სამსახურის უფროსის პოზიციაზე, _ ამბობს დარჩია.

ოზურგეთის მერის მხრიდან კანონის დარღვევაზე საუბრობენ ოპოზიციაშიც. "ევროპული საქართველოს" წევრის, მუნიციპალიტეტის საკრებულოს დეპუტატის მიხეილ გოგოტიშვილის თქმით, ოზურგეთს წინ დიდი პრობლემები ელოდება:

_ ბიუჯეტის შემოტანის ყველა ვადა დარღვეულია. ცდილობენ, ამას გამართლება არჩევნების მეორე ტურით მოუძებნონ, თუმცა, ეს არ არის მიზეზი. კანონი ნათლად განსაზღვრავს ბიუჯეტის დამტკიცების პროცედურებს, რაც ოზურგეთში არ გავლილა. წლის დასრულებამდე რამდენიმე დღეა დარჩენილი და შეუძლებელია ამ დროში ბიუჯეტის განხილვა, მოტივირებული შენიშვნებით უკან დაბრუნება, კომისიებში, ფრაქციებში განხილვა და ადმინისტრაციულ წარმოებაზე დაყენება მოესწროს. ამას თვეზე მეტი მაინც სჭირდება. სავარაუდოდ, გამგეობამ უნდა ხარჯოს წინა წლის კონსოლიდირებული ბიუჯეტის მეთორმეტედი, რაც პრობლემებს შექმნის ყველა უწყებაში და კრიზისი გარდაუვალია, _ ამბობს მიხეილ გოგოტიშვილი.

საკრებულოს ოპოზიციონერი დეპუტატი ყურადღებას მობილობის პროცესზეც ამახვილებს და აღნიშნავს, რომ კონსტანტინე შარაშენიძე პროცესის გაწელვას ცდილობს:

_ ძალიან რთული ვითარებაა, როგორც სოფლებში, ასევე, ქალაქში. ამ დრომდე არ დანიშნულან მერის წარმომადგენლები. ადამიანის პასუხის გამცემი პირი არ ჰყავთ, რომ აღარაფერი ვთქვათ უბრალოდ ცნობის გამცემზე. საახალწლოდ საქონლის დაკვლას და გაყიდვასაც ვერ მოახერხებს ადამიანი და პრაქტიკულად მშიერი შეიძლება დარჩეს. განსაკუთრებით რთული ვითარებაა ქალაქში _ როგორც იცით, ოზურგეთს თვითმმართველი ქალაქის სტატუსი გაუუქმდა და ადამიანებმა არ იციან, ვის უნდა მიმართონ. არადა, კანონი ითვალისწინებს მობილობის წესს, თუმცა, როგორც ფაქტები მოწმობენ, რაღაც ხდება _ ვიღაცა ვიღაცისთვის მიუღებელია და ალბათ, ამის გამო ხდება ეს ყველაფერი. ახლა ითქვა, რომ კონკურსები გამოცხადდება, რაც კანონის დარღვევა და დროის გაწელვაა.

იყო უკვე ერთი შემთხვევა, როცა მერმა კანონი დაარღვია _ ვგულისხმობ ნატალია ხომერიკის დანიშვნის და გადანიშვნის ფაქტს. საკრებულოზე მერის მრჩეველმა თქვა, ჟურნალისტებს მოთხოვეთ ხელმოწერის ავთენტურობის დადგენაო; იურიდიული სამსახურის უფროსმა _ ბრძანება ძალაში არ იყო შესულიო. არადა, მერის ბრძანება ძალაში ხელმოწერისთანავე შედის, რაც ეწერა კიდეც ბრძანებაში, სადაც, ასევე, გარკვევით იყო მითითებული ხომერიკის თანამდებობა და სამსახურის უფროსის ხელფასი. ძალიან კომიკური სიტუაციას ქმნიან და კანონს უხეშად არღვევენ. ადამიანებით მანიპულირებენ და ეს ძალიან ცუდია. არ შეიძლება ასე ექცეოდე ვიღაცის გავლენის ქვეშ _ ადამიანს ერთ დღეს ნიშნავდე, მეორე დღეს, ვიღაცის მითითებით ბრძანებას ცვლიდე, _ ამბობს გოგოტიშვილი.

მობილობის პროცესის გაჭიანურების გამო შექმნილ პრობლემებზე საუბრობს ოზურგეთის მუნიციპალიტეტის საკრებულოს წევრი "ნაციონალური მოძრაობიდან" ბესო ქათამაძეც.

დეპუტატის თქმით, მას მერთან კომუნიკაცია აქვს და მისი ინფორმაციით, ბიუჯეტი საკრებულოში მალე შემოვა:

_ პრობლემები, რა თქმა უნდა, არის და ამაზე მქონდა საუბარი მერთან, მის მოადგილესთან. როგორც მითხრეს, ორშაბათიდან სპეციალისტებს მიეცათ უფლება გასცენ ცნობები, რომლებიც მოსახლეობას სჭირდება და ამ ცნობებს ბეჭედს იურიდიული სამსახურის უფროსი არტყამს. ფაქტობრივად, მერის წარმომადგენლის ფუნქცია იურიდიული სამსახურის უფროსს აქვს შეთავსებული. რაც შეეხება მობილობის გაჭიანურებას, რამდენადაც ვიცი, იგი მალე უნდა დასრულდეს. ჩვენი მთავარი მოთხოვნაა, რომ პროცესი გამჭვირვალე იყო და თანამდებობებზე შეირჩნენ პროფესიონალები და არა პოლიტიკურად მოტივირებული პირები. მითხრეს, რომ მობილობის პროცესში მყოფ ადამიანებს უკვე დაეგზავნათ შეთავაზებები. მთავარია, ყველაფერი კანონის შესაბამისად წარიმართოს და კითხვები არ დატოვოს ისე, როგორც ეს მოხდა ნატალია ხომერიკის შემთხვევაში, _ ამბობს ქათამაძე "გურია ნიუსთან" საუბრისას.

მისივე თქმით, მერიის საფინანსო სამსახურის უფროსის გია მამაკაიშვილის მიერ მოწოდებული ინფორმაციით, ბიუჯეტის საკრებულოში შეტანა მეორე ტურმა გააჭიანურა და ეს პროცესის ამ კვირაში დასრულდება:

_ პრობლემები რომ არსებობს ფაქტია და იმედია, დროულად მოგვარდება, _ აღნიშნავს ბესო ქათამაძე.


ნახვა: 1281


 ახალი ამბები
  • ტრენინგები საჯარო მოხელეებისთვისსაქართველოს იუსტიციის სამინისტროს სსიპ „მონაცემთა გაცვლის სააგენტოსა“ და ამავე სამინისტროს სსიპ „სახელმწიფო სერვისების განვითარების სააგენტოს“ წარმომადგენლები საქართველოს ყველა მუნიციპალიტეტში ტრენინგების ციკლის ჩატარებას იწყებენ. მსგავსი ტრენინგი მიმდინარეობს ოზურგეთის დემოკრატიული ჩართულობის ცენტრში.  სატრენინგო კურსი მიზნად ისახავს ადგილობრივი თვითმმართველობის ორგანოთა წარმომადგენლებისთვის ინფორმაციის მიწოდებას „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონით გათვალისწინებული ვალდებულებების, კვალიფიციური ელექტრონული ხელმოწერის-შტამპისა და ელექტრონული სერვისების ერთიან პორტალზე (MY.GOV.GE) ხელმისაწვდომი ელექტრონული სერვისების გამოყენების პრაქტიკული ასპექტების შესახებ.  „აღსანიშნავია, რომ ხსენებული საკანონმდებლო ვალდებულების შესრულება საჯარო სექტორის მხრიდან გარკვეულ მომზადებას საჭიროებს, რაც გულისხმობს ტექნიკური მხარდაჭერის აუცილებლობას, ცნობიერების გაზრდას ამ სფეროში და საჯარო სექტორში დასაქმებული პირების შესაბამის კომპეტენციას, რომელიც გარკვეულ დროსა და ძალისხმევას, ასევე საჯარო უწყების მხრიდან კოორდინირებულ მართვას მოითხოვს. სწორედ ამ პროცესის მიზანმიმართულად წარმართვისა და ადმინისტრაციული ორგანოების მიერ კანონის იმპლემენტაციის პროცესის მხარდასაჭერად არის გამიზნული ტრენინგების ციკლის ჩატარება.  ამასთან, „მონაცემთა გაცვლის სააგენტომ“ ახლახან ელექტრონული სერვისების ერთიანი პორტალის (MY.GOV.GE) განახლებული ვერსია გაუშვა, რომელიც არაერთ ისეთ სერვისს აერთიანებს, სადაც საჭიროა ელექტრონული ხელმოწერის/შტამპის გამოყენება“, _ თქვა  ნიკოლოზ გაგნიძემ, საქართველოს იუსტიციის სამინისტროს სსიპ „მონაცემთა გაცვლის სააგენტოს“ თავმჯდომარემ. ... ...
  • ოზურგეთში 2-7 წლის ბავშვებში სისხლში ტყვიის შემცველობას შეამოწმებენკვლევის ჩატარებამდე საქართველოს 10 რეგიონში, მათ შორის ოზურგეთში საინფორმაციო კამპანია დაიწყო. კამპანიას  სამოქალაქო განვითარების სააგენტო (სიდა) ახორციელებს. ხოლო შეხვედრას ორგანიზება გურიის ახალგაზრდულმა რესურს-ცენტრმა გაუკეთა. როგორია ქალთა და ბავშვთა მდგომარეობა საქართველოში და რამდენად დაცულია მათი ჯანმრთელობა, გურიის ახალგაზრდული რესურს-ცენტრის ორგანიზებით საქართველოს სტატისტიკის ეროვნული სამსახურმა  და  გაეროს ბავშვთა ფონდმა საინფორმაციო შეხვედრა გამართა, სადაც მთავარი აქცენტი აღნიშნული კვლევის მნიშვნელობაზე გაკეთდა. მრავალინდიკატორული კლასტერული კვლევა (MICS) შინამეურნეობათა ერთ-ერთი უდიდესი კვლევაა, რომელსაც გაეროს ბავშვთა ფონდი სხვადასხვა ქვეყანაში ახორციელებს ბავშვებისა და ქალების მდგომარეობის შესაფასებლად. კვლევა  ხელს შეუწყობს მონაცემებზე დაფუძნებული პოლიტიკის დაგეგმვასა და შემუშავებას.  კვლევის ფარგლებში,  2-7 წლის  ბავშვებში სისხლში ტყვიის შემცველობის განსაზღვრა და წყლის სინჯების აღებაცაა გათვალისწინებული. კვლევის შედეგები, მათ შორის ტყვიის შემცველობის შესახებ, ხელმისაწვდომი, სავარაუდოდ, 2019 წლის გაზაფხულზე გახდება. საინფორმაციო შეხვედრები ქალაქ ოზურგეთის ცენტრალურ ბიბლიოთეკის დარბაზში ... ...
  • მიხეილ სააკაშვილი მეუფე იოსების განცხადებას ეხმაურება: 20 წელია ვიცნობ და პატივს ვცემშემოქმედელი მიტროპოლიტის, მეუფე იოსების მიერ გუშინ გავრცელებულ განცხადებას, რომელშიც მან სალომე ზურაბიშვილი იუდას შეადარა და აღნიშნა, რომ მისი გაპრეზიდენტება არ შეიძლება, საქართველოს ყოფილი პრეზიდენტი ეხმაურება: _ 20 წელია ვიცნობ და დიდ პატივს ვცემ. ძალიან უყვართ გურიაში, _ ამ ტექსტით ავრცელებს მიხეილ სააკაშვილი მეუფე იოსების განცხადებას. შეგახსენებთ, რომ მეუფე იოსები "ქართული ოცნების" მიერ მხარდაჭერილ პრეზიდენტობის კანდიდატს, სალომე ზურაბიშვილს სინანულისკენ მოუწოდებს და აღნიშნავს, რომ მისი "პრეზიდენტობა არ შეიძლება". "კონკორდატში, ქალბატონო სალომე, არ წერია უზნეობაზე ხმა არ ამოიღოო. პირიქით _ თუ ვინმე საზოგადოებას, ჩვენს მრევლს გადაცდომისკენ მოუწოდებს, მოვალე ვართ ჩვენ იგი ვამხილოთ. ეს მუქარა, რომელსაც თქვენ გამოთქვამთ წმინდა სინოდის მიმართ, კიდევ ერთი დასტურია, თქვენი გაპრეზიდენტების შემთხვევაში, თუ როგორი საშიში გახდებით ქართველი ერისა და ეკლესიის მიმართ. თქვენ ბრძანეთ ერთ-ერთ გამოსვლაში, რომ, თურმე, ეპისკოპოსები და სამღვდელოება უსახურ ტაძრებს ვაშენებთ და იქვე დaსძენთ, რად გინდათ ამდენი ტაძრების აშენება როცა უამრავი გაჭირვებულია საქართველოში და ხომ არ აჯობებდა ეს ფული მათთვის გამოვიყენოთო. მინდა შეგახსენოთ, რომ იუდამაც ზუსტად ასეთი სიტყვები უთხრა მაცხოვარს, როცა მარიამ მაგდალინელმა ნელსაცხებელი ცხო უფალს ფეხებზე. ეს და სხვა თქვენი გამოსვლებიდან გამომდინარე, ჩვენ და ქართველ საზოგადოებას გამოგვაქვს დასკვნა, რომ თქვენი პრეზიდენტობა არ შეიძლება. ეს არ არის პოლიტიკა, ეკლესია არც ერთი პოლიტიკური პარტიისკენ არ იშვერს ხელს და ხალხს არ მოუწოდებს, ხმა მას მიეცითო. მაგრამ რაც შეეხება იმ მოვლენებს, მოწოდებებს. ფუჭ დაპირებებს, ქართველი ერის დეგრადაციას, მათი მოთხოვნების უგულებელყოფას, ამაზე ჩვენ ვერ გავჩუმდებით, თვალს ვერ დავხუჭავთ. გამხილებთ სიყვარულით და მოგიწოდებთ სინანულისკენ. იმიტომ გვაკურთხა ჩვენ ღმერთმა უფალმა იესო ქრისტემ, რათა სიმართლე და ჭეშმარიტება ვიქადაგოთ", _ აღნიშნულია განცხადებაში, რომელიც შემოქმედელმა მიტროპოლიტმა მეუფე იოსებმა გაავრცელა. ამავე თემაზე: "მე ეკლესია ვარ და არ ვარ ვალდებული ინფორმაცია მოგაწოდოთ" _ ბიუჯეტის თანხები ეპარქიის ანგარიშზე, რომელსაც არავინ აკონტროლებს მეუფე იოსების პირად საკუთრებაში არსებული მილიონზე მეტად შეფასებული ... ...
  • „დაპირისპირება" ეკლესიასა და „ქართულ ოცნებას" შორის არის თითიდან გამოწოვილი გზავნილი _ კობახიძე„ეკლესია არ ერევა სახელმწიფოს საქმეებში-ეს არის, პირველ რიგში, თავად ეკლესიის პოზიცია და უმნიშვნელოვანესი პრინციპი, რომლითაც ხელმძღვანელობს ეკლესია და ეს გამოიხატა, ასევე, პატრიარქის განცხადებაში",- ამის შესახებ საქართველოს პარლამენტის თავმჯდომარემ განაცხადა. ირაკლი კობახიძე საქართველოს კათოლიკოს-პატრიარქ  ილია II-ს მადლობას უხდის. „პირველ რიგში, მინდა აღვნიშნო, რომ ეკლესია, რა თქმა უნდა, უნდა იყოს ნეიტრალური და ზუსტად ეს არის ასახული პატრიარქის განცხადებაში, უნდა იყოს საარჩევნო პროცესებიდან, რა თქმა უნდა, არსებითად გამიჯნული ეკლესია და საპატრიარქო და ეს იყო ზუსტად ამ განცხადების პათოსი და მე მინდა, მადლობა კიდევ ერთხელ გადავუხადო, რა თქმა უნდა, პატრიარქს ამ განცხადებისთვის. ეს არის ბუნებრივია, ის პრინციპი, რომლითაც უნდა ვიხელმძღვანელოთ თითოეულმა ჩვენგანმა. იყო რამდენიმე მცირე გადახვევა ამ პრინციპიდან, თუმცა, ეს არ ცვლის, რა თქმა უნდა, საპატრიარქოს სულისკვეთებას, პატრიარქის სულისკვეთებას, ჩვენ მოვისმინეთ რამდენიმე განცხადება სასულიერო პირების მხრიდან, რომელიც უკავშირდებოდა არჩევნებს და ეს, ალბათ, არ არის სწორი. შესაბამისად, ეს იყო რეაგირება, პატრიარქს ჰქონდა, ბუნებრივია, ამაზე რეაგირება და ეს არის, რა თქმა უნდა, ყველას საერთო სულისკვეთება. ჩვენ, კიდევ ერთხელ მინდა გავიმეორო, რომ ვმოქმედებთ იმ ინტერესების შესაბამისად, რომელიც არის ჩვენთვის საერთო და ეკლესიის საზოგადო ინტერესები და ხელისუფლების საზოგადო ინტერესები არის, ბუნებრივია, საერთო - ეს არის საზოგადოების განვითარების ინტერესი, ეს არის სახელმწიფოს განვითარების ინტერესი და ეს არის პოლიტიკური პროცესების სამართლიანად და სწორად განვითარების ინტერესი",- განაცხადა პარლამენტის თავმჯდომარემ. რაც შეეხება „დაპირისპირებას" ხელისუფლებასა და ეკლესიას შორის, ირაკლი კობახიძის თქმით, ეს თითიდან გამოწოვილი გზავნილია, რომელსაც ის პოლიტიკური ძალები ავრცელებენ, ვინც წლებია, ეკლესიას ებრძვის.  „რაც შეეხება „დაპირისპირებას" ხელისუფლებას, ანუ „ქართულ ოცნებასა" და ეკლესიას შორის, ეს არის თითიდან გამოწოვილი გზავნილი და თქვენ იცით, ვინ ავრცელებს ამ გზავნილს და ვინ ცდილობს, ასე ვთქვათ, ამ ატმოსფეროს ხელოვნურად შექმნას: ეს არის ის პოლიტიკური ძალები, რომლებიც თვითონ ვიცით, როგორ უდგებოდნენ ეკლესიას და ვიცით, როგორი დამოკიდებულება ჰქონდათ მათ ეკლესიის მიმართ. ესენი არიან ის პოლიტიკური ძალები, რომელთათვისაც ადამიანის ღირსების შელახვა იყო ჩვეულებრივი მოვლენა და ეს არის ყველაზე დიდი ქრისტიანული სიკეთე, რაც არსებობს და ეს არიან ის პოლიტიკური ძალები, რომლებიც უკვე წლებია, ათწლეულზე მეტია, ებრძვიან ეკლესიას, უპირისპირდებიან  ეკლესიას და უპირისპირდებიან ადამიანის რელიგიურ გრძნობებს -  ეს არიან ეს პოლიტიკური ძალები. ისინი არიან დაპირისპირებული ეკლესიასთან, რაც შეეხება „ქართულ ოცნებას", „ქართული ოცნებისთვის" არის უმნიშვნელოვანესი იმ პრინციპების მოქმედება, რომელსაც ეფუძნება ეკლესიის მოღვაწეობა",- განაცხადა პარლამენტის ... ...
  • სიაში აღმოჩენილი პრემიერის ხელმოწერა _ საქმეს პროკურატურა იძიებსპროკურატურა ,,მოძრაობა სახელმწიფო ხალხისთვის“ მიერ  ცესკოში წარდგენილ საპრეზიდენტო კანდიდატის მხარდამჭერთა სიაში აღმოჩენილ დარღვევებს სწავლობს.   ცენტრალური საარჩევნო კომისიის ინფორმაციის მიხედვით, სიაში დაფიქსირებულია პრემიერ-მინისტრის მონაცემები და ხელმოწერა, რომელიც სრულიად განსხვავდება ცესკოში არსებულ და საჯაროდ ცნობილი ხელმოწერისგან. ასევე, ამავე პარტიის მხარდამჭერთა სიასთან დაკავშირებით  ცესკოში შესულია მოქალაქის განცხადება,  რომელშიც პირი აღნიშნავს, რომ მისი მონაცემები არაკანონიერად არის გამოყენებული. როგორც ,,გურია ნიუსს“ პროკურატურაში განუცხადეს, გამოძიება ამ ეტაპზეც მიმდინარეობს და კანონდარღვევის აღმოჩენის შემთხვევაში, პროკურატურა შესაბამის სამართლებრივ რეაგირებას მოახდენს.   „გამოძიება მიმდინარეობს და  ჯერჯერობით, დეტალებზე ვერ ვისაუბრებთ. იმ შემთხვევაში, თუ დადგინდება დანაშაული, მიღებული იქნება  შესაბამისი სამართლებრივი გადაწყვეტილება“, _ გვითხრეს პროკურატურაში. საკითხთან დაკავშირებით კომენტარი გააკეთა პარლამენტის თავმჯდომარემ. როგორც ირაკლი კობახიძემ განაცხადა, პარტიამ სიები გააყალბა, რასაც შესაბამისი პასუხი გაეცემა. ,,ეს ყველაფერი, ასევე, მიუთითებს იმაზე, რომ ,,ნაციონალური მოძრაობა“ ძალიან მძიმე და მწარე მარცხს იწვნევს ამ არჩევნებზე, რაზეც ჩვენ ვართ პასუხისმგებელი, შეგვიძლია ეს დაპირება შევასრულოთ. ფაქტი, რომ პრემიერის ხელმოწერა არის გამოყენებული სიებში, ეს მიუთითებს გაყალბების ხარისხზე. ჩვენ მივმართეთ ამ საკითხზე უწყებათაშორის კომისიას და კანონიდან გამომდინარე, ველოდებით უმკაცრეს რეაგირებას“, _ აღნიშნა კობახიძემ. ჯერჯერობით, უცნობია, დარღვევებთან დაკავშირებით, რა რეაგირება ექნება უწყებათაშორის კომისიას.   ... ...

არქივი

ზაფრანი

რა ემუქრება დედამიწას მზე რომ ჩაქრეს

მეცნიერები ფიქრობენ, რომ ადრე თუ...

შეცდომით აღმოჩენილი გენიალური გამოგონებები

პენიცილინი _ მედიკამენტი, რომელმაც გადატრიალება...

უცნაური სინდრომები

ფეთქებადი თავის სინდრომი  ესაა საკმაოდ...

საიდუმლოებით მოცული ადამიანები

საუკუნეების განმავლობაში ისტორია სავსეა საიდუმლოებით...

ბრძნული ცხოვრების პრინციპები

1. გაუშვით ადამიანები და სიტუაცია....

გიგანტების სამარხი

უკვე დიდი ხანია, რაც დედამიწაზე...
კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...