"გასვენებაში ვარ და ვერ დაგელაპარაკებით" _ საეჭვოდ დახარჯული 150 000 ლარის დეტალები

მთავარი თემა

"გასვენებაში ვარ და ვერ დაგელაპარაკებით" _ საეჭვოდ დახარჯული 150 000 ლარის დეტალები

2018 ოქტ 9 16:18:44

დაბზარული კედლები, დაზიანებული სახურავი, საპირფარეშოში დამდგარი წყალი _ ეს ის რეალობაა, რომელიც ჩოხატაურის მუნიციპალიტეტის სოფელ ბუკისციხის საბავშვო ბაღის შენობაში მისულებს დაგხვდებათ.

9 თვის წინ აშენებული საბავშვო ბაღის შენობა, რომელიც ანონსის თანახმად, სექტემბერში უნდა გახსნილიყო, ჯერ კიდევ უფუნქციოა _ ამის მიზეზი ის ხარვეზებია, რომლებიც რამდენიმე თვის წინ გამოვლინდა.

ბაღის ხელმძღვანელის მზია შარაშიძის თქმით, რამდენიმე თვეა შენობაში წყალი ჩამოდის, ხოლო ბზარები ყოველდღე მატულობს:

_ დაახლოებით 4 თვის წინ ჩამოვიდა წყალი, თითქმის ყველა ოთახში, თუმცა, განსაკუთრებით სამზარეულოში, რის გამოც, ჭერი ჩამოიწია. თქვენც ხედავთ, რომ შესაძლოა ჩამოვარდეს. ამის გამო მშენებელს რამდენიმეჯერ დავურეკე. მოვიდნენ და გააკეთეს, თუმცა, წყალი მაინც ჩამოვიდა, _ გვითხრა შარაშიძემ.

მისივე თქმით, ახალაშენებულ შენობაში კედლებზე ბზარები ყოველდღე მატულობს და მშენებლები ამის შესახებაც საქმის კურსში არიან:

_ არ ვიცი, რა უნდა გავაკეთო სხვა _ თითქმის ყოველდღე ვრეკავ, ვეუბნები, რომ პრობლემებია. მპირდებიან, რომ გააკეთებენ, მაგრამ ისევ გაუკეთებელია _ ამდენი ხანია „პლინტუსია“ ჩამოვარდნილი და ისიც ვერ მიაჭედეს“, _ ამბობს ბაღის დირექტორი.

მზია შარაშიძე ოთახების კარებსაც გვიჩვენებს, რომლებიც არ იკეტება _ კარის ჩარჩოები კედლებს უკვე დაშორებულია.

ერთ-ერთ საპირფარეშოში იატაკზე წყალი დგას. ბაღში გვეუბნებიან, რომ მშენებლებმა ეს რამდენჯერმე შეაკეთეს, თუმცა წყალი მაინც გამოდის _ სავარაუდოდ, უნიტაზის ბალონიდან.

ბუკისციხის საბავშვო ბაღის მშენებლობა გადასახადის გადამხდელებს 150 000 ლარი დაუჯდათ.

2017 წლის 3 აგვისტოს გაფორმებული #143 ხელშეკრულებით ირკვევა, რომ ბუკისციხის ბაღის სარეაბილიტაციო სამუშაოებისთვის ჩოხატაურის იმდროინდელმა გამგებელმა და დღევანდელმა მერმა ირაკლი კუჭავამ ხელშეკრულება ი. მ. „ტრანსმშენს“ გაუფორმა.

ხელშეკრულება რომ ხარვეზიანია, ეს პირველი გვერდიდან ჩანს, რადგან „ტრანსმშენი“ არა ინდმეწარმე, არამედ შპს-ა, თუმცა, ეს არაფერია სხვა პრობლემებთან შედარებით და ამიტომ, ამ ხარვეზზე მკითხველის ყურადღებას არ შევაჩერებთ.

ხელშეკრულებას შპს „ტრანსმშენის“ მხრიდან ვინმე გიორგი მეზურნიშვილი აწერს ხელს, რომელიც კომპანიის წარმომადგენელი და მინდობილი პირია.

კომპანიის ხელმძღვანელის მალხაზ არაბიძის თქმით, მეზურნიშვილი მასთან წლებია თანამშრომლობს და ის მისი ქვეკონტრაქტორი  იყო _ მარტივად რომ ვთქვათ, „ტრანსმშენი“ მეზურნიშვილმა ტენდერის მოსაგებად გამოიყენა, რადგან ეს კომპანია ყველა იმ სტანდარტს აკმაყოფილებდა, რაც ტენდერის მოსაგებად იყო საჭირო.

ეს რომ ნამდვილად ასეა, „გურია ნიუსთან“ საუბრისას ადასტურებს მალხაზ არაბიძე, რომლის თქმით, საბავშვო ბაღის შენობაში არსებული პრობლემების შესახებ პირველად ჩვენგან გაიგო:

_ თქვენ ხართ პირველი, ვისგანაც ამის შესახებ ვისმენ. მეზურნიშვილი იყო ქვეკონტრაქტორი, თუმცა, ბუნებრივია, რომ პასუხისმგებლობა მე მაქვს მუნიციპალიტეტთან, რომლისგანაც ყველა საჭირო დოკუმენტაცია და ფორმები ჩაბარებული მაქვს. მათ შორის, მიღება-ჩაბარების აქტები. თუ ხარვეზი იყო, ჩემთვის არ უნდა ეცნობებინა მუნიციპალიტეტს? თანხა რატომ ჩამორიცხეს? ერთი წერილი მაინც გამოეგზავნათ, რომ პრობლემა იყო! _ გაკვირვება ვერ დამალა  არაბიძემ.

კომპანიის დირექტორის თქმით, ის ობიექტზე არასდროს ყოფილა, რადგან პასუხისმგებლობა მეზურნიშვილს ჰქონდა, რასაც კატეგორიულად უარყოფს ეს უკანასკნელი.

გიორგი მეზურნიშვილი ამბობს, რომ სულ არ იცის სად არის სოფელი ბუკისციხე. მისივე თქმით, ის კომპანიის ხელმძღვანელის მინდობილი პირი იყო მხოლოდ და მშენებლობასთან შეხება არ აქვს:

_ იმდენი ობიექტი მაქვს გაკეთებული, რა მახსოვს, რომელი სადაა ან ვინ ააშენა?! ვიცი, რომ ადგილობრივებმა გააკეთეს და დანარჩენი მოკითხეთ „ტრასმნშენის“ დირექტორს, _ ამბობს გიორგი მეზურნიშვილი.

კითხვაზე _ ვინ ააშენა ბუკისციხის ბაღი, რომელშიც უკვე ბევრი პრობლემა აქვს, ვერ გვპასუხობენ „ტრასმშენში“ და  სიტუაციის მოკვლევის პირობას გვაძლევენ.

თუმცა, სანამ მალხაზ არაბიძე გაარკვევს, ვინ ააშენა მისი კომპანიით ბაღი, მანამდე ეს „გურია ნიუსმა“ გამოარკვია _ საბავშვო ბაღი ჩოხატაურელმა დავით ჯინჭარაძემ ააშენა, რომელიც 2012 -2013 წელს ჩოხატაურის მუნიციპალიტეტის გამგეობის ადმინისტრაციული სამსახურის უფროსი იყო.

რამდენიმე მცდელობის მიუხედავად, დავით ჯინჭარაძემ ჩვენ სატელეფონო ზარებს არ უპასუხა. შესაბამისად, მისგან ვერ მოვახერხეთ იმის გარკვევა, როგორ მოახერხა 150 000-ლარიანი ობიექტის მშენებლობის ხელში ჩაგდება.

თუმცა, გავარკვიეთ ის, რომ სამშენებლო სამუშაოები 2018 წლის  12 მარტს, დავით ჯინჭარაძის ყოფილმა კოლეგებმა, ჩოხატაურის მუნიციპალიტეტის  ინსპექტირების ჯგუფის წევრებმა ჩაიბარეს. აქტში აღნიშნულია, რომ „სამუშაოები მთლიანდ შესრულებულია და ხარვეზი არ არსებობს“. ერთადერთი დარღვევა, რაც მათ „აღმოაჩინეს“, ნაკისრი ვალდებულების მოწოდების 18-დღიანი გადაცილება იყო, რისთვისაც სამუშაოების შემსრულებელს პირგასამტეხლოს _ 156 ლარის და 90 თეთრის გადახდა დაევალა.

აქვე უნდა აღინიშნოს, რომ მუნიციპალიტეტებში გახორციელებულ პროექტებს 2017 წლის ოქტომბრიდან, საზედამხედველო კომპანია იბარებს და არა ადგილობრივი ინსპექტირების ჯგუფი.

მუნიციპალიტეტის ინსპექტირების ჯგუფის ხელმძღვანელმა, ნინო სიხარულიძემ ჩვენს სატელეფონო ზარებს არ უპასუხა. მისმა მოადგილემ, გია გიორგაძემ, რომელსაც 2011 წელს ჩოხატაურის გამგებლის პოსტი ეკავა, ხოლო ახლა ქონების მართვის და ეკონომიკის სამსახურის უფროსია, გვითხრა, რომ პრობლემის შესახებ ინფორმაცია აქვთ:

_ ვიცი, რომ ბაღში ხარვეზებია და მივწერთ წერილს მშენებელს, _ ამბობს გიორგაძე.

_ ბატონო გია, 2018 წლის მარტში ჩაიბარეთ ბაღი, რომელშიც რამდენიმე თვეა, წყალი ჩამოდის და წერილი ახლა უნდა მისწეროთ მშენებელს?

_  ხო, მივწერ ახლა.

_ რატომ ჩაიბარეთ ბაღი, რომელშიც ბევრი ხარვეზი იყო?

_ ახლა მივწერთ და გამოსწორდება.

_ მუნიციპალიტეტის კომისიამ რატომ ჩაიბარა, როცა  არსებობს საზედამხედველო კომპანია და მათ აქვთ ჩაბარების ვალდებულება?

_ ძველი პროექტია ეს.

_ ძველი როგორაა? საზედამხედველო კომპანია გურიაში 2017 წლის სექტემბრიდან მუშაობს და თქვენ 2018 წლის მარტში გაქვთ მიღება-ჩაბარების აქტი გაფორმებული. თანაც, ხარვეზიც კი არ გაქვთ ნაპოვნი. ეს როგორ გავიგოთ? თქვენს ყოფილ კოლეგას, დავით ჯინჭარაძეს ეცით პატივი?

_  ბიძაჩემის გასვენებაში ვარ, სასაფლაოზე და ახლა ვერ დაგელაპარაკებით.

_ ამდენი ხანია მესაუბრებით და ახლა ხართ გასვენებაში?

_ მართლა გასვენებაში ვართ, _ გვითხრა გიორგაძემ, რომელისგანაც მსგავსი პასუხი პირველი შემთხვევა არ არის.

თუ არქივს გადახედავთ აღმოაჩენთ, რომ ჩოხატაურელ ჩინოვნიკებს, როცა კითხვებზე პასუხი არ აქვთ, ახსენდებათ, რომ გასვენებაში არიან და საუბარს ვერ ახერხებენ.

უნდა ითქვას ისიც, რომ ბაღებთან დაკავშირებით ჩოხატაურისთვის ეს პირველი სკანდალი არ არის _ 2014 წელს მიღება-ჩაბარების კომისიამ, რომელშიც გიორგაძეც შედიოდა და სიხარულიძეც, უხარისხოდ შესრულებული 5 ობიექტი ჩაიბარა, რომელიც „გურია ნიუსმა“ აღმოაჩინა და  რის გამოც სისხლის სამართლის საქმეც აღიძრა. მაშინ მხოლოდ მშენებელი კომპანიის ხელმძღვანელები დააკავეს. ინსპექტირების ჯგუფის წევრებს იმ დროს პასუხი არაფერზე უგიათ და მხოლოდ ის თქვეს, რომ ჩოხატაურში „მხოლოდ ასეთი მშენებლობა იციან“, რომელიც, როგორც პრაქტიკა ცხადყოფს, ისევ გრძელდება.

ჩვენ შევეცადეთ ამ თემაზე ჩოხატაურის მერის კომენტარიც მოგვეპოვებინა, თუმცა, ირაკლი კუჭავასთან გასაუბრება ვერ შევძელით, რადგან მისი თქმით შეხვედრაზე იყო და საუბარი არ შეეძლო.

 ამავე თემაზე: ფინანსურ პოლიციაში ახალ დაკავებებს აანონსებენ _ ბაღების სკანდალი გრძელდება

გურია ნიუსის" ჟურნალისტური გამოძიებით ფინანსური პოლიცია დაინტერესდა _ გამოძიება უკვე დაწყებულია

რეაბილიტაცია" ჩვენებურად _ ბაღების სკანდალი გრძელდება




 ახალი ამბები
  • ქუთაისში ხანძარი ლოკალიზებულიაქუთაისში, ჭავჭავაძის ქუჩაზე მდებარე ბაზრობაზე ხანძარი ლოკალიზებულია, ამის შესახებ "გურია ნიუსს" საგანგებო სიტუაციების მართვის სამსახურში განუცხადეს.უწყების ინფორმაციით, ამწუთებში მიმდინარეობს სალიკვიდაციო სამუშაობი.ადგილზე მობილიზებულია რვა სახანძრო. ხანძრის შედეგად არავინ დაშავებულა. შეგახსენებთ, ხანძარი დაახლოებით  ერთი სააათის წინ გაჩნდა. ამდრომდე  უცნობია, რა გახდა ხანძრის გამომწვევი მიზეზი და რა ოდენობის ზარალი მიადგათ მოვაჭრეებს. მომხდარ ფაქტზე შინაგან საქმეთა სამინისტრომ გამოძიება სსკ-ს 187-ე მუხლის მეორე ნაწილით დაიწყო, რაც ცეცხლის წაკიდებით ნივთის დაზიანებას ან განადგურებას ... ...
  • ქუთაისის ბაზრობა იწვის_ ადგილზე რვა სახანძრო მუშაობსამ წუთებში ხანძარია ქუთაისში, ჭავჭავაძის ქუჩაზე მდებარე ბაზრობაზე. როგორც "გურია ნიუსს" საგანგებო სიტუაციების მართვის სამსახურში განუცხადეს,  ცეცხლი შენობის მეორე სართულს უკიდია. დაშავებულების შესახებ ინფორმაცია არ ვრცელდება. ადგილზე რვა სახანძრო მუშაობს. ჯერჯერობით უცნობია, რა გახდა ხანძრის გამომწვევი მიზეზი და რა ოდენობის  ზარალი მიადგათ ... ...
  • მესტიაში ახალგზარდა მამაკაცის დაჭრის ფაქტზე შინაგან საქმეთა სამინისტრომ გამოძიება დაიწყომესტიაში ახალგზარდა მამაკაცის დაჭრის ფაქტზე შინაგან საქმეთა სამინისტრომ გამოძიება უკვე დაიწყო, ამის შესახებ "გურია ნიუსს"უწყების პრესსამსახურში განუცხადეს. მათი ინფორმაციით, მომხდარზე გამოძიება სსკ-ის 117-ე და 236-ე მუხლებით დაიწყო. შეგახსენებთ, ინციდენტი სოფელ ჭუბერში რამდენიმე საათის წინ მოხდა. გავრცელებული ინფორმაციით, მამაკაცმა თანასოფლელი ცეცხლსასროლი იარაღით დაჭრა. დაჭრილი ზუგდიდის რეფერალურ ჰოსპიტალშია გადაყვანილი. მედიკოსების შეფასებით, პაციენტის ჯანმრთელობის მდგომარეობა ... ...
  • მესტიაში ახალგაზრდა მამაკაცი დაჭრესმესტიაში მამაკაცი დაჭრეს. გავრცელებული ინფორმაციით, მას ჭრილობა ცეცხლსასროლი იარაღით თანასოფლელმა მიაყენა და შემთხვევის ადგილიდან მიიმალა. დაჭრილი მამაკაცი ამ დროისთვის ზუგდიდის რეფერალურ ჰოსიტალშია გადაყვანილი. როგორც "გურია ნიუსს" კლინიკაში უთხრეს, პაციენტის მდგომარეობა დამაკმაყოფილებელია. "პაციენტის ჯანმრთელობის მდგომარეობა დამაკმაყოფილებელია. ახალგზარდა მამაკაცს აქვს პატარა ჭრილობა მარცხენა ბეჭის არეში". "გურია ნიუსი" შსს დაუკავშირდა. უწყება მომხდარის დეტალებს ამ წუთებში ... ...
  • „კივიან და წივიან სავარაუდო საფრთხეებზე“_ აჭარის ტელევიზიის დირექტორი თანამშრომლებზეაჭარის ტელევიზიის დირექტორმა გიორგი კოხრეიძემ, თანამშრომლებზე, რომლებიც აცხადებენ, რომ მაუწყებელი სარედაქციო დამოუკიდებლობას კარგავს, „რუსთავი 2“-თან განაცხადა, რომ ისინი „კივიან და წივიან სავარაუდო საფრთხეებზე“. "ისინი ყოველთვის სავარაუდო საფრთხეებზე კივიან და წივიან... ორგანიზაცია უნდა მუშაობდეს გამართულად. არავის პიროვნული ინტერესი ჩემი არავის მიმართ არ არის. ყველა ადამიანი გადანაწილდება თანამდებობზე, ისე როგორც საჭიროა. საერთოდ, მე მოადგილეებთან დაკავშირებით მაქვს ჩემი პოზიცია. ისინი იმეორებენ გარკვეულ ფუნქციას და არ არის გამეორება საჭირო,“ - განაცხადა გიორგი ... ...

არქივი

ზაფრანი

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...

საუკეთესო თეთრ ღვინოებს შორის

Chateau d'Yquem მსოფლიოში ერთ–ერთი ყველაზე ...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...