გაუთქმელობის ხელწერილი, უცხო პირები ბაზაზე და გარდაცვლილი მსაჯის საქმის ექსკლუზიური დეტალები

მთავარი თემა

გაუთქმელობის ხელწერილი, უცხო პირები ბაზაზე და გარდაცვლილი მსაჯის საქმის ექსკლუზიური დეტალები

2017 დეკ 11 15:26:37

გასულ კვირას, ეროვნული ჩემპიონატების მსაჯი, ლანჩხუთის მუნიციპალიტეტის სოფელ ჩოჩხათში მცხოვრები 33 წლის ილო ტუღუში მალთაყვის ტყეში გარდაცვლილი იპოვეს.

როგორც გვითხრეს, ტუღუში ნაძვზე იყო ჩამოკიდებული; იქვე იყო მისი ავტომობილიც.

შინაგან საქმეთა სამინისტრომ მომხდარზე გამოძიება თვითმკვლელობამდე მიყვანის მუხლით დაიწყო, რასაც გამორიცხავენ გარდაცვლილის ოჯახის წევრები.

მათი თქმით, ილო ტუღუში თავს არ მოიკლავდა _ მსაჯის ახლობლებს ეჭვი აქვთ, რომ იგი მოკლეს.

ოჯახი ამ ფაქტს ჩაწყობილ საფეხბურთო თამაშებს უკავშირებს. მათი ინფორმაციით, ილო ტუღუშს სიკვდილამდე ერთ დღით ადრე სახლში მიაკითხეს და მისგან ფულს ითხოვდნენ. ოჯახის წევრები კონკრეტულ პიროვნებებსაც ასახელებენ და ამბობენ, რომ დაძაბული შეხვედრის მიზეზი სწორედ გარიგებული საფეხბურთო თამაშები იყო.

გარდაცვლილის მეუღლე, ეკა ტუღუში ამბობს, რომ სამი პირი, რომლებმაც მის მეუღლეს გარდაცვალებამდე ერთი დღით ადრე სახლში მოაკითხეს, მასაც დაემუქრნენ: 

„ჩემი ქმარი ჩამომხრჩვალი იყო. იგი თავს არ მოიკლავდა. დამემუქრნენ, მე ხვალ მივფრინავო, მაგრამ ძმაკაცებს ვტოვებ და ისინი მიხედავენ შენს ქმარსო. ის ერთი უბრალოდ ახლდა _ ბახტაძე ირაკლი, ბათუმლები იყვნენ შავი "მერსედესით". მეორე ჩხაიძეა, ლანჩხუთელი“, _ ამბოს ეკა ტუღუში.

მისივე თქმით, საუბარი 5 000 ლარზე იყო, რომელიც სავარაუდოდ, მის ქამარს უკან უნდა დაებრუნებინა, თუმცა, ვერ შეძლო.

ეკა ტუღუში ამბობს, რომ მისი მეუღლის მანქანა გატეხილია. ილო ტუღუშის მეუღლის მსგავსად, გარდაცვლილის დედაც დარწმუნებულია, რომ მისი შვილი მოკლეს და მისი ვერსიით, ამის მიზეზი ფული იყო. 

გარდაცვლილის მეუღლის განმარტებით, მსაჯს აუკრძალეს შეხვედრაზე ინფორმაციის გასაჯაროება და მან დეტალები არც ოჯახის წევრებს გაუმხილა.

გავრცელებული ინფორმაციით, საუბარია ლანჩხუთის „გურიასა“ და თელავის გუნდს შორის რამდენიმე დღის წინ შემდგარ თამაშზე, სადაც “გურიამ” წააგო და მეორე ლიგა დატოვა.

ფეხბურთის ფედერაციის მსაჯთა კომიტეტში გამორიცხავენ, რომ ტუღუშის გარდაცვალება გარიგებულ თამაშებს უკავშირდება.

მომხდართან კავშირს უარყოფენ ლანჩხუთის „გურიაშიც“. კლუბის ხელმძღვანელების ინფორმაციით, ტუღუშს „გურიას“ და „თელავის“ მატჩზე არ უმსაჯია და შესაბამისად, მისი გარდაცვალების ამ ფაქტთან დაკავშირება აბსურდია.

გარდაცვლილი მსაჯის მეზობლები ამბობენ, რომ ილოს  საფეხბურთო სფეროს წარმომადგენლები სწორედ „გურიას“ და „თელავის“ მატჩის შემდეგ ეძებდნენ.

ის, რომ ტუღუშს, თვითმკვლელობამდე სახლში ნამდვილად მიაკითხეს, ადასტურებს ლანჩხუთის „გურიას“ აღმასრულებელი დირექტორის მოადგილე  ნუგზარ ჩხაიძე.

სოციალურ ქსელში გამოქვეყნებულ ვრცელ წერილში ჩხაიძე ტუღუშთან ურთიერთობის დეტალებზეც ყვება.

მისი თქმით, ტუღუშთან, როგორც არბიტრთან,  სამსახურეობრივი მდგომარეობიდან გამომდინარე ხშირად ჰქონდა საუბრები და კონსულტაციები:

ვითვალისწინებდი მის რჩევებსა და დარიგებებს _ ჩვენი საუბრები ყოველთვის კონსტრუქციული და ობიექტური იყო. ჩემი და მისი შეხედულებები წინააღმდეგობაში არასდროს მოდიოდა. სწორედ ასეთი მეგობრული ურთიერთობის გამო, თელავში ჩატარებული მატჩისას მსაჯის არაობიექტურობის გამო, როდესაც გავიგეთ 3 დეკემბერს ლანჩხუთში თელავთან მატჩის მომსახურე არბიტრების შემადგენლობა, ბუნებრივია, მე მას დაურეკე და ვკითხე, როგორი იყო მისი შეხედულება აღნიშნულ სამსაჯო ბრიგადასთან დაკავშირებით, რაზედაც მან ტელეფონშივე მიპასუხა, რომ ძალიან კარგი შემადგენლობა იყო“, _ წერს ჩხაიძე.

მისივე წერილით თანახმად, ტუღუში დაპირდა, რომ მსაჯებს, როგორც ლანჩხუთელი, სთხოვდა ლანჩხუთის „გურია“ არ დაეჩაგრათ.

თან შემეკითხა, სად ვიყავი ფიზიკურად, მე ვუთხარი, რომ ვარ ლანჩხუთში და მთხოვა, შევხვედროდით ერთმანეთს, რაზედაც თანხმობა მივეცი და შევთანხმდით, რომ მის ზარს დაველოდებოდი. ეს ყველაფერი ხდებოდა 1 დეკემბერს, სადღაც, 13 საათიდან 15 საათამდე”, _ აღნიშნავს ჩხაიძე.

მისივე მონაყოლით ირკვევა, რომ ილო ტუღუში მას იმავე ღამეს დაუკავშირდა და შეხვედრა სთხოვა:

გრიგოლეთის ბაზაზე ვიყავი და იქ მოვიდა. დაახლოებით 21 საათისთვის. ჩავჯექით ჩემს მანქანაში და ვილაპარაკეთ ისევ მსაჯთა შემადგენლობაზე, სადაც მან კიდევ ერთხელ ხაზი გაუსვა ამ ბიჭების პატიოსნებას და კვალიფიკაციას“, _ აღნიშნავს ჩხაიძე.

მისივე თქმით, ამ საუბრის შემდეგ ტუღუშმა თანხა სთხოვა, მაგრამ მას ფული არ ჰქონდა:

ამის შემდეგ მთხოვა, მეთხოვა გიორგი იმნაიშვილისათვის, რომელიც იმ მომენტში ბაზაზე იმყოფებოდა. ვუთხარი _  მაგას შენც იცნობ, ისეთი ბიჭია, არ გაგაწბილებს და ჯობია შენ უთხრა,-მეთქი.  გადმოვიდა მანქანიდან და შევიდა იმ ოთახში, სადაც გიორგი და მისი მეგობარი იმყოფებოდნენ. რამდენიმე წუთის მერე გამოვიდა და მითხრა, ჯიგარი ბიჭი ყოფილაო, დამემშვიდობა და თავისი მანქანით წავიდა. როგორც შემდეგ გავიგე, მას უთხოვია გიორგისთვის სწორედ ის თანხა, რაზედაც ამჟამად არის საუბრები და  რაც გიორგის მეორე დღეს მისთვის უსესხებია“, _ წერს ჩხაიძე.

მისივე ინფორმაციით, ტუღუშს მეორე დღესაც შეხვდა _ ლანჩხუთის „გურიის“ და „თელავის“ თამაშის დღეს.

„გვქონდა ჩვეულებრივი შეხვედრა და საუბარი იმის დამატებით, რომ მან მეორე დღეს, როცა გიორგის ფული მიუცია ბათუმში, ჩემთან კიდევ ერთხელ დაადასტურა მისდამი პატივისცემა და მადლიერება”, _ ამბობს ნუგზარ ჩხაიძე და 5 დეკემბერს განვითარებულ მოვლენებს დეტალურად იხსენებს:

„5 დეკემბერს კლუბის ოფისში ვიმყოფებოდი, ალბათ 3-4 საათი იქნებოდა, გიორგიმ დამირეკა და მითხრა, ილო უნდა ჩამოსულიყო  _  არ მპასუხობს და იქნებ, შენ გადაურეკოო. რადგანაც ვიცოდი მისი დახმარების შესახებ, ვუთხარი, რომ მე გადავურეკავდი და პასუხს შევატყობინებდი. დავურეკე ილოს _მიპასუხა, რომ ვიღაცას ელოდებოდა და აუცილებლად ბათუმში ჩავიდოდა. ვთხოვე, მას პირადად დაერეკა გიორგისთვის, რაზეც მიპასუხა, რომ უკვე ველაპარაკე და მელოდებაო. საღამოს 6 საათი იქნებოდა, გიორგის დავურეკე და ვკითხე, თუ ჩამოვიდა,-მეთქი. არ ჩამოსულა და არც ტელეფონზე პასუხობსო. მეც დავიწყე რეკვა ილოს ტელეფონზე _  არც მე მიპასუხა“, _ აღნიშნავს ჩხაიძე, რომლის განმარტებით, სწორედ ამის შემდეგ გადაწყვიტა, მისთვის სახლში მიეკითხა.

ჩხაიძე იმასაც ამბობს, რომ სოფელში, სადაც გარდაცვლილი მსაჯი ცხოვრობდა, გიორგი იმნაიშვილის და მისი მეგობრის ჩამოსვლამდე მივიდა.

გიორგის ჩამოსვლამდე ვიდექი ჩოჩხათის ცენტრში, სადაც იდგა პოლიციის საპატრულო მანქანა. შემდეგ მე მივედი პირველად ჭიშკართან. დავიძახე. შორიდან გამომეძახა, ვფიქრობ, დედამისი იყო. ვკითხე, ილო ხომ არაა სახლში,-მეთქი. მითხრეს, არააო. შემეკითხა, ვინ ხარო. დავუძახე, ილოს მეგობარი ვარ, ნუგზარ ჩხაიძე,-მეთქი. მან მითხრა, რომ ჩვენც ვეძებთ, შვილო, და ვერ ვპოულობთო.

მოვბრუნდი უკან და დაველოდე სოფლის ცენტრში მათ ჩამოსვლას. ჩამოვიდნენ, მანქანა დატოვეს ჭიშკართან და ჩემი მანქანით ავედით ილოს კოლეგასთან. მოიკითხეს, რომელიც სახლში არ აღმოჩნდა, ჩამოვედით და დავიძახეთ ილოს ოჯახში. ჭიშკართან ჩამოვიდნენ მამა, დედა და მეუღლე. ვკითხეთ, სად შეიძლებოდა ილოს ნახვა. დედამ სიტყვა-სიტყვით ასე გვიპასუხა _ დილას რომ ადგა, ძალიან შეწუხებული და უხასიათოდ იყოო. ამ დროს მეუღლემ იკითხა _ რაშია საქმე, რატომ ეძებთო? ფეხბურთის ფულთან დაკავშირებით ხომ არაო? მე გამიკვირდა მისი ტონიც და კითხვის შინაარსიც.

რა ფეხბურთის ფული, მეგობრიდან ნასესხები ჰქონია და ამიტომ უნდა მისი ნახვა,-მეთქი. შემეკითხა _ შენ ვინ ხარო? ვუთხარი, რომ ნუგზარ ჩხაიძე ვარ და შენ როგორ ვერ მიცანი,-მეთქი. ამ დროს ჩვენ სამიდან ერთ-ერთმა, ირაკლი ბახტაძემ უთხრა _ მე ირაკლი ვარ, ილოს მეგობარიო. გიორგი იმნაიშვილმაც უთხრა მისი პიროვნების შესახებ. ერთი სიტყვით, შემიძლია ხატის წინაშე ჩემი ექვსი შვილიშვილი დავიფიცო, რომ არავითარ ზეწოლას ადგილი არ ჰქონია. არავითარი ხმამაღალი საუბარი არ ყოფილა, ასეთი რამ რომ ყოფილიყო დაახლოებით, 150 მეტრში მყოფი პოლიციის ეკიპაჟი უთუოდ გაიგონებდა და მოვიდოდა", _ წერს ჩხაიძე და აქვე იხსენებს, რომ გიორგი იმნაიშვილმა ტუღუშის ოჯახის წევრებს დაუბარა, თუ ვისთვის უნდა გადაეცა მისი არყოფნის შემთხვევაში თანხა:

"გიორგიმ უთხრა: მე ასეთი კაცი არ ვარ, რომ ასეთ საქმეზე პიროვნება შევავიწროვო. ხვალ ჩემს საქმეზე წასასვლელი ვარ, მან კარგად იცის, ვის შეიძლება ეს ფული დაუტოვოს. აგერაა ირაკლი, თქვენი ახლობელი ყოფილა. ილოს გადაეცით, მე თუ არა, ეს ხალხი ნახოსო. დავემშვიდობეთ. და პირადად, ბოდიში მოვუხადე შეწუხებისთვის. მე წამოვედი გულიანის მხრიდან ლანჩხუთში, ხოლო ისინი წავიდნენ ბათუმში. მეორე დღეს ვიგებ ამ საშინელ ამბავს", _ აღნიშნავს ჩხაიძე, რომელიც იქვე დასძენს, რომ მისი სამსახურებრივი უფლებებიდან გამომდინარე, თავს არ მიიჩნევს ვალდებულად, "პროფესიულ საქმიანობასთან დაკავშირებულ კონფიდენციალურ ინფორმაციაზე ვინმეს ანგარიში ჩააბაროს".

რაც შეეხება საქმის კიდევ ერთი ფიგურანტის, გიორგი იმნაიშვილის კავშირებს "გურიასთან", როგორც ნუგზარ ჩხაიძის მონათხრობიდან ირკვევა, იგი, ოფიციალური სტატუსის არქონის მიუხედავად, კლუბს მხარდაჭერას უცხადებდა:

"მასზე გამიგია, რომ არის საფეხბურთო საქმეში ღრმად გაცნობიერებული პიროვნება. ფეხბურთელებთან ამყარებდა კარგ ურთიერთობას, ფეხბურთელებს და კლუბს ედგა მხარში, როგორც ფინანსურად, ასევე, საფეხბურთო კარიერის სწორად წარმართვაში. როდესაც გაჟღერდა, რომ შესაძლებელი იყო მისთვის შეეთავაზებინათ კლუბში დაბრუნება, მე, რა თქმა უნდა, თანხმობა განვაცხადე და ვთქვი, რომ ამ გაჭირვების ჟამს, საჭირო იყო მისი კლუბში მოწვევა. როდესაც მის ხედვას და საუბრებს ვაკვირდებოდი, დავრწმუნდი, რომ იგი ლანჩხუთის "გურიასთვის" საჭირო კაცი იყო. ამიტომ, მეც პირადად ვთხოვე დამდგარიყო ჩვენ გვერდით. რაიონის მომავალ ხელმძღვანელობასაც შევახვედრე. ჩემი პოზიცია ამ შეხვედრაზე ცალსახად დავაფიქსირე. იყო სხვა შეხვედრებიც, მაგრამ, სამწუხაროდ, საკითხი ბოლომდე არ გადაწყდა. არ ვიცი, თავი ვინ და რატომ შეიკავა. თუმცა, მე მისი მადლობელი ვარ, რომ ოფიციალური სტატუსის მიუხედავად, გაითვალისწინა კლუბის დირექტორატის მეგობრული თხოვნა და ბოლომდე დარჩა "გურიას" და ლანჩხუთელების გვერდით. ამას ყველაფერს დანახვა და დაფასება სჭირდება", _ წერს ჩხაიძე და „გურია ნიუსთან“ საუბრისას აღნიშნავს, რომ დამატებით დეტალებზე ვერ ისაუბრებს:

_ გაუთქმელობის ხელწერილი დამაწერინეს. შესაბამისად, იმაზე მეტს, რაც დავწერე, ვერ ვიტყვი, _ აღნიშნავს ჩხაიძე.

_ ბატონო ნუგზარ, თქვენ მიერ გამოქვეყნებული წერილი საკმაოდ ვრცელია და თუ გავითვალისწინებთ თქვენს ნათქვამს, რომ გაუთქმელობის ხელწერილი დაწერეთ, გამოდის, რომ ბევრ ინფორმაციას ფლობთ და ამ ინფორმაციის გამჟღავნდება გამოძიების ინტერესებში არ შედის.

_ ეს ჩვეულებრივი მოვლენაა. არაფერი განსაკუთრებული. კანონი ითვალისწინებს ასეთ რამეს.

_ განსაკუთრებულ შემთხვევებში კი... ასეთი განსაკუთრებული ინფორმაცია რა გაქვთ? ჩვენ გვითხრეს, რომ საქმე რეალურად გარიგებას უკავშირდება და საუბარია ე. წ. „ხელზე მაზავშიკების“  ჩადებულ ფულზე და ეს თანხა 300 000 ლარს აღწევს... გვითხრეს ისიც, რომ ამ საქმის კურში თქვენც იყავით და გქონდათ ინფორმაცია, რომ თამაშებზე არაოფიციალური ფსონების მიღება ხდებოდა... ამას იმასაც თუ დავუმატებთ, რომ ბოლო თამაშით ლანჩხუთის „გურიამ“, ქვედა ლიგაში გადასვლის გამო, ფედერაციიდან ნახევარ მილიონ ლარზე მეტი დაკარგა, ლოგიკას მოკლებული არ უნდა იყოს ტუღუშის ოჯახის ეჭვი, რომ ამ საქმეს ჩაწყობილ თამაშებზე მივყავართ...

_ მე მსგავსი ინფორმაცია არ მაქვს. რაც შეეხება გუნდის მიერ დაკარგულ თანხას, ასეც ხდება _ როდესაც გუნდი ლიგიდან ქვეითდება, ბუნებრივია, რომ შემოსავალიც უმცირდება. მაგრამ ილოსთან ეს არაფერ კავშირში არ არის.

_ გამოქვეყნებულ წერილში აღნიშნავთ, რომ ტუღუშმა იმნაიშვილს პირადად თხოვა თანხა. თუკი ამაში თქვენ ჩარეული არ იყავით, არც შუამავალი ყოფილხართ და არც სხვა დაინტერესება გქონიათ, რატომ მიყევით იმნაიშვილს მსაჯის სახლში?

_ მთხოვა და იმიტომ. არ იცოდა ადგილმდებარეობა.

_ ამ საქმეში კიდევ ერთი საჭვო გარემოებაც ჩანს _ თუ ტუღუშმა ფული 2 დეკემბერს ისესხა, რატომ მოსთხოვა იმნაიშვილმა მას მესამე დღეს თანხა და თან ამ ფორმით?

_ ჩემთანაც რომ მოვიდა ილო, მითხრა, რომ სამი დღით სჭირდებოდა თანხა. სხვა დეტალი არ ვიცი.

_ ბატონო ნუგზარ, გიორგი იმნაიშვილი, 2015 წელს, 6 თვით გუნდის დირექტორი იყო. შემდეგ გაუშვეს და ოფიციალურად მას კლუბთან კავშირი არ უნდა ჰქონდეს. როგორ და რა მიზეზით აღმოჩნდა ის გვიან ღამით საფეხბურთო კლუბის ბაზაზე?

_ წერილშიც აღვნიშნე, რომ გიორგის კლუბში დაბრუნებასთან დაკავშირებით მოლაპარაკებები მიმდინარეობდა მუნიციპალიტეტის ხელმძღვანელებთან. რაც შეეხება მის ბაზაზე ყოფნას უჩვეულო არაფერია. ის იყო ოთახში ირაკლი ბახტაძესთან ერთად და ესაუბრებოდა ფეხბურთელებს, რადგან მათთან მოლაპარაკებებს აწარმოებდა ტრანსფერისთვის. ამ ყველაფერს მე გარედან ვხედავდი. ღამე იყო, მაგრამ ოთახში შუქი ენთო.

_ რას ნიშნავს ოთახში მოლაპარაკებებს აწარმოებდა? ღამით, მუნიციპალიტეტის კუთვნილ ბაზაზე უცხო პირები იყვნენ შესულები და თქვენ, დირექტორის მოადგილე, ამას გარედან უყურებდით?

_ამაში უცნაური არაფერია. ხდება ხოლმე ასე. თან იმ ღამით გრიგალი იყო და ოთახში ისხდნენ, _ აღნიშნა ჩვენთან საუბრისას ჩხაიძემ.

ლანჩხუთის მუნიციპალიტეტის მერი ალექსანდრე სარიშვილი „გურია ნიუსთან“ საუბრისას ამბობს, რომ ამ თემით აუცილებლად დაინტერესდება:

_ ორი აზრი არ არსებობს იმაზე, რომ კლუბის ტერიტორიაზე უცხო პირები არ უნდა იყვნენ და ამ საკითხით აუცილებლად დავინტერესდები. რაც შეეხება ილო ტუღუშის საქმეს, ეს ჩემთვის დიდი ტრაგედიაა. მე და ილო ერთად გავიზარდეთ. იგი ძალიან შრომისმოყვარე და კარგი ადამიანი იყო. ვერ ვილაპარაკებ დეტალებზე და დაველოდები გამოძიების შედეგებს, _ აღნიშნავს სარიშვილი.

მისივე თქმით, გავრცელებული ინფორმაცია იმის შესახებ, რომ ილო ტუღუშმა „გურიას“ თამაშის მოგების პირობა მისცა, არასწორია:

_ ამ თემაზე არც კი გვისაუბრია. ზოგადად, ლანჩხუთის „გურიას“ საკითხებში არც ჩავრეულვარ. როცა მერი გავხდი, ჩვენს გუნდს სამი თამაში ჰქონდა დარჩენილი და ჩარევას აზრი არ ჰქონდა. გვქონდა შეთანხმება, რომ მენეჯმენტი, რომელმაც „გურია“ ასეთ შედეგებამდე მიიყვანა, სეზონის დასრულების შემდეგ წავიდოდა და ასეც მოხდა. ოღონდ ეს ტუღუშის გარდაცვალების ფაქტს არ უკავშირდება. ლანჩხუთის „გურიას“ ხელმძღვანელობამ და მთელმა მენეჯმენტმა თანამდებობები იმის გამო დატოვეს, რომ მათი არასწორი პოლიტიკის გამო, კლუბმა კრახი განიცადა, _ გვითხრა სარიშვილმა.

ლანჩხუთის მერი ადასტურებს ინფორმაციას იმის შესახებ, ნუგზარ ჩხაიძემ გიორგი იმნაიშვილი მასთან მიიყვანა:

_ არჩევნებიდან 2-3 დღეში მოიყვანა ჩხაიძემ იმნაიშვილი ჩემთან და ბესო ტაბიძესთან. საუბარი იყო მის კლუბში დაბრუნებაზე, თუმცა, ამაზე ვერ შევთანხმდით, _ აღნიშნა სარიშვილმა, რომლის თქმით, ამ პიროვნების შესახებ ინფორმაციას არ ფლობს.

იმნაიშვილის შესახებ ინფორმაცია არც იმ ადამიანებს აქვთ, რომლებიც ლანჩხუთის სპორტის სფეროში მოღვაწეობენ. ამბობენ იმას, რომ ფეხბურთის მოყვარული იმნაიშვილი კლუბში ყოფილმა გამგებელმა ზაზა ურუშაძემ მოიყვანა.

თავად ურუშაძე ამბობს, რომ იმნაიშვილს არ იცნობს და კლუბის ხელმძღვანელად მას არ დაუნიშნავს, რასაც აბსურდს უწოდებენ „გურიაში“.

საფეხბურთო სამყაროს წარმომადგენლები პირად საუბრებში ამბობენ, რომ იმნაიშვილი ურუშაძის კადრი იყო და სწორედ მისი კლუბში გამოჩენის შემდეგ დაიწყო „გურიას“ საეჭვო თამაშები, რასაც თავის მხრივ უარყოფს ზაზა ურუშაძე.

გიორგი იმნაიშვილი ჩვენთან საუბრისას ამბობს, რომ მას კლუბისთვის ბევრი რამ აქვს გაკეთებული:

_ როცა კლუბში ვიყავი, ჩემი პირადი, საკმაოდ დიდი თანხა დავხარჯე. ახლაც მთხოვეს დახმარება და იმიტომ ვიყავი მაგათ გვერდზე, _ გვითხრა იმნაიშვილმა.

მისივე განმარტებით, საფეხბურთო კლუბის ბაზაზე მარტო არ იმყოფებოდა და მასთან ერთად კლუბის ხელმძღვანელებიც იქ იყვნენ.

ჩვენი წყარო, ამბობს, რომ გიორგი იმნაიშვილი, როგორც საქართველოში, ასევე, თურქეთში ჩაწყობილი თამაშებით არის დაინტერესებული.

_ აქ საუბარი არ არის  5000 ლარზე _ ამის გამო თავს არავინ მოიკლავდა. ილოს ორი მანქანა ჰყავდა და ბოლო-ბოლო ერთს გაყიდდა და ვალს დააბრუნებდა. რამდენადაც ვიცი, საუბარია დაახლოებით 300 000 ლარზე. რამდენიმე ადამიანს ეს ფული „გურიას“ მოგებაზე ედო _ ოღონდ არა ტოტალიზატორში. არიან ჯგუფები, რომლებიც მსგავს თამაშებზე ფულს „ხელზე მაზავენ“. რამდენადაც ვიცი, ილოსგან პირობა მიიღეს, რომ ამ თამაშს „გურია“ მოიგებდა, თუმცა ასე არ მოხდა. დიდი ფული წააგო ვიღაცამ და პასუხიც მოსთხოვეს ილოს, რომელიც ამ შემთხვევაში გარანტორი იყო და ჯილდო მერე უნდა მიეღო. თორემ, როგორ წარმოგიდგენიათ _ 5 000 ლარი ასესხეს, მესამე დღეს კი სახლში დაადგენენ და მისი ვალების ამბავი ოჯახთან არჩიეს?!  ეს 5 000 ლარი წინასწარი ე. წ. „ბე“ იყო, მსაჯისთვის ან ფეხბურთელისთვის. ეს დეტალები გამოძიებამ უნდა დაადგინოს, თუმცა,  ძალიან რთული იქნება. ილო მკვდარია და ნაკლებ სავარაუდოა, რომ ვინმე გამოვიდეს და თქვას, რომ ამ ყველაფრის უკან ბინძური გარიგებები იყო, _ ამბობს ჩვენი წყარო.

მისივე ინფორმაციით, ამ სქემაში ძალიან ბევრი ადამიანია ჩართული, რაც გარდაცვლილმა მსაჯმაც კარგად იცოდა:

_ ილომ იცოდა, რა კატეგორიის ხალხთან ჰქონდა საქმე. რამდენადაც ვიცით, მას ამ ინფორმაციის გამჟღავნებითაც დაემუქრნენ. იგი თავმოყვარე ბიჭი იყო და ვერ დაუშვა, რომ მის სახელს ჩრდილი მიყენებოდა. სავარაუდოდ, სწორედ ამიტომ გადადგა ასეთი ნაბიჯი, _ ამბობს ჩვენი რესპოდენტი, რომელსაც ვინაობის გახმაურება არ სურს.

ამ ბრალდებებს კატეგორიულად უარყოფს იმნაიშვილი. მისი თქმით, არასოდეს დაინტერესებულა ჩაწყობილი თამაშებით და ამის არანაირი ფაქტი არ არსებობს:

_ ილო მეგობრების საშუალებით გავიცანი. დახმარება მთხოვა _ სამი დღით ისესხა 5 000 ლარი. ის თანხა მეც სხვისთვის მქონდა მისაცემი. მანქანის ფული იყო. ამიტომაც მივაკითხე სახლში. თუმცა, მისი ოჯახისთვის არ მითქვამს რომ ვალისთვის ვიყავი მისული. მანქანიდან არც კი გადმოვსულვარ. მასთან ბოლო საუბარი 5 დეკემბერს მქონდა. მითხრა, რომ 6 დეკემბერს თანხას მომცემდა. დაძაბული საუბარიც კი არ ყოფილა ჩვენს შორის და ამის გადამოწმება ნებისმიერს შეუძლია. ამოიღონ ჩანაწერები. რა გარიგებული თამაშები, რა ჩაწყობა?! ილო ბავშვთა ფეხბურთის მსაჯი იყო და სიმართლე გითხრათ, მასზე მეტ ხალხს მე ვიცნობდი. თამაშებზე საერთოდ არ გვისაუბრია. შეიძლება ნუგზარ ჩხაიძე ეკითხებოდა მას რაღაცეებს, მაგრამ ეს მე არ მჭირდება. ჭორია ის, რომ თითქოს მან „გურიას“ თამაშის მოგების პირობა მომცა. ამაზე სიტყვაც კი არ თქმულა. მართალია, გარდაცვლილია, მაგრამ ერთ რამეს გეტყვით, რაც ყველამ იცის _ ილო თამაშობდა ტოტალიზატორში, კაზინოში. ეს ე. წ. „ხელზე გამაზვები“ არ ვიცი, რა არის, მაგრამ ის ვიცი, რომ ილო სერიოზულად თამაშობდა, _ აღნიშნა ჩვენთან საუბრისას იმნაიშვილმა, რომელიც გამორიცხავს, რომ მსაჯმა თავი მისგან ნასესხები 5 000 ლარის ვერდაბრუნების გამო მოიკლა:

_ ბოლო-ბოლო 10 000ლარიანი მანქანა ყავდა. გამორიცხულია, რომ მას ეს ნაბიჯი ჩემი ვალის გამო გადაედგა, _ აღნიშნავს იმნაიშვილი „გურია ნიუსთან“ საუბრისას.

საქმე რომ არა 5000 ლარს, არამედ სხვა რამეს ეხება, სჯერა ნუგზარ ჩხაიძესაც:

_ ილოს თვითმკვლელობის დღესაც ვესაუბრე. მითხრა, რომ გზაში იყო და დასავლეთიდან მოდიოდა. ტელეფონში ბევრი ვერ ვისაუბრეთ, რადგან სავარაუდოდ ავტობანზე იყო _ ტრაილერების ხმა მესმოდა. ჩემთვის რომ ეთქვა, რომ პრობლემა ჰქონდა, აუცილებლად მოვძებნიდი გამოსავალს, მაგრამ მსგავსი არაფერი უთქვამს. არ მჯერა, რომ 5 000 ლარის გამო მოიკლა თავი. როგორც ჩანს უფრო დიდი პრობლემები ჰქონდა და ამას გამოძიება დაადგენს, _ აღნიშნავს ნუგზარ ჩხაიძე.

აღნიშნულ ფაქტზე  გამოძიებას ფოთის პოლიციის სამმართველო აწარმოებს. საქმე თვითმკვლელობამდე მიყვანის მუხლით არის აღძრული. შინაგან საქმეთა სამინისტროში დამატებით დეტალებზე არ საუბრობენ და გვირჩევენ, გამოძიების დასრულებას დაველოდოთ.




 ახალი ამბები
  • „ნუ გახდები ივანიშვილის სამუდამო მძევალი“ _ შალვა ნათელაშვილი ზურაბიშვილს მიმართავს„ლეიბორისტული პარტიის“ ლიდერი შალვა ნათელაშვილი სალომე ზურაბიშვილს  მოუწოდებს, რომ არ გახდეს ბიძინა ივანიშვილის მძევალი და უარი თქვას პრეზიდენტობაზე. „მოვუწოდებ ქალბატონ ზურაბიშვილს, ნუ გახდება ოლიგარქის სამუდამო მძევალი. უარი განაცხადოს ინაუგურაციის დაგეგმილ ცერემონიალზე და მოგვცეს საშუალება, ორ თვეში ჩავატაროთ ხელახალი საპრეზიდენტო არჩევნები. პირველი შემთხვევაა მსოფლიოს საპრეზიდენტო ინაუგურაციების ისტორიაში, როცა ე.წ. პრეზიდენტი გარბის დედაქალაქიდან და ჩუმად სხვაგან დებს ფიცს. არავითარი თვითმმართველობისადმი ყურადღების ნიშანი არ არის, რომ თურმე ამ ყალბად გაყვანილი ქალბატონის ინაუგურაცია შედგება თელავში. აქ არის მიზანშეწონილი გამოთქმა: სად ერეკლე, სად სალომე“, _აღნიშნა ... ...
  • პურის ფასის მკვეთრი ზრდა _ მამუკა ბახტაძე განმარტებას აკეთებსსაქართველოს პრემიერ-მინისტრმა მამუკა ბახტაძემ ბრიფინგზე პურის გაძვირების თაობაზეც ილაპარაკა. როგორც მთავრობის მეთაურმა თქვა, ფასების ზრდის გამომწვევი მიზეზების დადგენის მიზნით ანგარიში მომზადდება. "მინდა შევეხო დღევანდელ ინფორმაციას, რომ მოხდება პურის ფასის მკვეთრი ზრდა. არსებობს მოსაზრება, რომ ჩვენ შეიძლება საქმე გვქონდეს არასამართლიან კონკურენციასთან. მინდა შესაბამის ორგანოებს მივმართო, უმოკლეს ვადებში შეისწავლონ ეს სიტუაცია და მოამზადონ ანგარიში რასთან გვაქვს საქმე. საქართველო არის საბაზრო ეკონომიკა, ჩვენ ვართ ღია ეკონომიკა, მაგრამ არასამართლიანი კონკურენციის კეთების საშუალებას ვერავის მივცემთ“, - განაცხადა ბახტაძემ. საქართველოში პური გაძვირდა, პურპროდუქტების კომპანიის წარმომადგენლები ამის მიზეზად ფქვილზე ფასების ზრდას ასახელებენ. პურ-პროდუქტების ასოციაციის თავმჯდომარის მალხაზ დოლიძის თქმით, ზაფხულთან შედარებით ერთი ტომარა ფქვილი 32%-ით გაძვირდა.  "ბოლო რამდენიმე თვის განმავლობაში ხორბლის ფასი, შესაბამისად პურისთვის საჭირო ფქვილის ფასი, მრავალ ქვეყანაში მნიშვნელოვნად გაიზარდა. ცვლილებები შეეხო ქართველ მწარმოებლებსაც. დღეის მდგომარეობით, ერთი ტომარა ხორბლის ფქვილის ღირებულება 47-დან 50 ლარამდე მერყეობს, როდესაც აგვისტოს თვეში ეს ნიშნული 33-დან 35 ლარამდე იყო", - ამბობენ ... ...
  • "ოზურგეთის მერს "ატკატების" აღებაში ადანაშაულებენ _ სუს-მა საქმის შესწავლა დაიწყო"გურია ნიუსში" გამოქვეყნებულ სტატიას _ ოზურგეთის მერს "ატკატების" აღებაში ადანაშაულებენ _ რას სთხოვდა შარაშენიძე უმრავლესობის ლიდერს გამოხმაურება უკვე მოჰყვა.  როგორც "გურია ნიუსს" სახელმწიფო უსაფრთხოების სამსახურში უთხრეს, სტატიის საფუძველზე ანტკორუფიულმა სააგენტომ ფაქტების შესწავლა დაიწყო. საქმე ეხება სოფელ დვაბზუში ხიდის მშენებლობას, რომელზეც არ პროექტი არსებობს, არც ექსპერტიზაგავლილი ხარჯთაღრიცხვა და არც ხიდის მშენებლობისთვის საჭირო კვლევებია ჩატარებული. ამ საქმეში კითხვის ნიშნებს ბადებს ის ფაქტიც, რომ  კონსტანტინე შარაშენიძემ ხიდის მშენებლობა ვალებში და შავ სიაში მყოფ იმ კომპანიას გააგრძელებინა, რომელთანაც ურთიერთობა 2013 წელს, მისი გამგებლობის დროს დაიწყო. უფრო კონკრეტულად,  ოზურგეთის მუნიციპალიტეტის სოფელ დვაბზუში მდებარე საფეხმავალო (საქვეითო) ხიდის რეაბილიტაციის მიზნით, გამარტივებული შესყიდვის საშუალებით (ერთ პირთან მოლაპარაკება), ოზურგეთის მუნიციპალიტეტსა და ს/ს "ხიდმშენს" შორის, 2013 წლის 16 დეკემბერს გაფორმდა #538 ხელშეკრულება. აღნიშნული ხელშეკრულებით შესყიდვის ობიექტის ანუ ოზურგეთის მუნიციპალიტეტის სოფელ დვაბზუში მდებარე საფეხმავალო (საქვეითო) ხიდის რეაბილიტაციის საერთო ღირებულება განისაზღვრა 199 981 ლარით. ხელშეკრულებას ხელს ოზურგეთის მუნიციპალიტეტის მხრიდან იმდროინდელი გამგებელი კონსტანტინე შარაშენიძე აწერდა, ხოლო სს „ხიდმშენს“ ჯიმი მამალაძე წარმოადგენდა. ხელშეკრულების მიხედვით, ობიექტის ჩაბარების ვადა 2014 წლის 1 აგვისტო იყო, თუმცა, 2014 წლის 31 ივლისის შეთანხმებით, შარაშენიძის გამგებლობის ვადის ამოწურვამდე რამდენიმე დღით ადრე, ხელშეკრულებაში ცვლილებები შეიტანეს, რომლის თანახმადაც, ობიექტის ჩაბარების ვადა განისაზღვრა 2014 წლის 1 ოქტომბრით და ხელშეკრულების მოქმედების ვადა გაგრძელებული იქნა 2014 წლის 1 დეკემბრამდე.ეს ყველაფერი კი იმ ფონზე, როცა კომპანიას, ავანსის სახით, წინასწარ ჰქონდა აღებული 150 000 ლარი _ 2014 წლის 31 იანვარს ოზურგეთის მუნიციპალიტეტის მიერ ს/ს "ხიდმშენს" ავანსის სახით ჩაერიცხა 80 000 ლარი, ხოლო 2014 წლის 3 ივნისს _ 70 000 ლარი. ამავე დროს, 2014 წლის 27 მაისის #538-1 შუალედური ინსპექტირების აქტით დადგენილი იქნა, რომ #538 ხელშეკრულებით გათვალისწინებული სამუშაოების შუალედური შესრულების საერთო ღირებულება შეადგენდა 31 803 ლარს და მიუხედავად იმისა, რომ კომპანიას 150 000 ლარის ავანსი უკვე ჰქონდა მიღებული, აქედან _ 70 000 ლარი 3 ივნისს, ორი დღის შემდეგ _ 5 ივნისს შარაშენიძემ „ხიდმშენს“ ეს 31 803 ლარი მაინც ჩაურიცხა. ეს ყველაფერი კონსტანტინე შარაშენიძის გამგებლობისას _ ამის შემდეგ, თვითმმართველობის არჩევნებში ოზურგეთის გამგებლად მერაბ ჭანუყვაძე აირჩიეს. უკვე ჭანუყვაძის ბრძანებით, 2014 წლის 28 აგვისტოს #538-2 შუალედური ინსპექტირება გახორციელდა და აქტით დადგენილი იქნა, რომ #538 ხელშეკრულებით გათვალისწინებული სამუშაოების შუალედური შესრულების საერთო ღირებულება შეადგენდა 63 421 ლარს, ამ დროს კი „ხიდმშენს“ ოზურგეთის ბიუჯეტიდან უკვე მიღებული ჰქონდა 181 803 ლარი. ხელშეკრულების ვადა ისე ამოიწურა, რომ ს/ს "ხიდმშენმა" არ შეასრულა #538 ხელშეკრულებით ნაკისრი ვალდებულებები, რისთვისაც ყოველ ვადაგადაცილებულ დღეზე _ 2014 წლის 1 ოქტომბრიდან 2014 წლის 1 დეკემბრამდე ვადაგადაცილების პირგასამტეხლო _ 11 998 ლარი და 86 თეთრი. 2014 წლის ბოლოს, ს/ს "ხიდმშენს", ოზურგეთის მუნიციპალიტეტის სასარგებლოდ, ამ ერთი ხელშეკრულებიდან საერთო ჯამში 98 577,86 ლარი უნდა გადაეხადა. თუმცა, ეს ყველაფერი არ იყო _ ამის პარალელურად არსებობდა მეორე ხელშეკრულებაც, რომელიც შარაშენიძესა და მამალაძეს შორის 2013 წლის 19 სექტემბერს მერია-ლაითურის ხიდის ასაშენებლად გაფორმდა 2 356 225,18 ლარზე. დვაბზუს ხიდის მსგავსად, შარაშენიძემ სს „ხიდმშენს“ თანხები წინასწარ ჩაურიცხა _ ხელშეკრულების გაფორმებიდან ერთი თვეც არ იყო გასული, რომ მამალაძეს შარაშენიძეს ბრძანებით 700 000 ლარი ჩაურიცხეს. ოფიციალური დოკუმენტების საფუძველზე გავარკვიეთ, რომ 2013 წელს ხიდის მშენებლობაზე ათვისებული იყო 339 816 ლარი. ხელშეკრულების მიხედვით, ობიექტის ჩაბარების ვადა 2014 წლის 19 აპრილი იყო, რომელიც დაარღვია კომპანიამ და 2014 წლის 30 მაისის შეთანხმების საფუძველზე, მშენებლობის ვადამ გადაიწია 2014 წლის 1 სექტემბრამდე; აგრეთვე, კომპანიას დაერიცხა პირგასამტეხლო, 2014 წლის 19 აპრილიდან 2014 წლის 30 მაისამდე, 40 კალენდარული დღის ვადაგადაცილებაზე 93 340,32 ლარის ოდენობით. პარალელურად კომპანიას გაუგრძელეს ხელშეკრულების ვადა, თუმცა, ყველაფერი ისე დასრულდა, როგორც დვაბზუს ხიდის მშენებლობისას _ „ხიდმშენმა“ შარაშენიძის მიერ წინასწარ ჩარიცხული ბიუჯეტის თანხები გამოიყენა, სამუშაოები არ შეასრულა და არც თანხების დაბრუნებაზე უფიქრია. არადა, ინსპექტირების ჯგუფმა დაადგინა, რომ ლაითური-მერიის ხიდზე კომპანიას წინასწარ ჩარიცხული 700 000 ლარიდან მხოლოდ 286 471 ლარის სამუშაო ჰქონდა შესრულებული. მიუხედავად ამ თვალხილული დარღვევებისა, საბიუჯეტო თანხების, შეიძლება თამად ითქვას, ფლანგვისა, არავის უფიქრია, რომ კომპანიის მიერ წარმოდგენილი საბანკო გარანტია აემუშავებინა და ბიუჯეტის თანხა ამ ფორმით მაინც ამოეღოთ. ეს ვადაც ხელიდან იქნა გაშვებული და ხალხის მიერ შევსებული ბიუჯეტის ფულიც _ „ხიდმშენის“ ყულაბაში წასული. აღსანიშნავია კიდევ ერთი საყურადღებო დეტალი _ დვაბზუს ხიდის მშენებლობა შარაშენიძემ „ხიდმშენს“ ისე დააწყებინა, რომ არც პროექტი არსებობდა და არც შესაბამისი ექპერტიზა, რაც კანონის დარღვევაა. თუმცა, ამ თემით მაშინ არავინ დაინტერესებულა. ამ ყველაფრის შემდეგ, ახალმა გამგებელმა მერაბ ჭანუყვაძემ თანხების ამოღების მიზნით სასამართლოს მიმართა, მოიგო კიდეც პროცესი და კომპანიის „შავ სიაში“ შეყვანის მოთხოვნით შესყიდვების სააგენტოსაც მისწერა. სასამართლოს გადაწყვეტილებით, „ხიდმშენს“ ოზურგეთის მუნიციპალიტეტისთვის თითქმის ნახევარი მილიონი უნდა გადაეხადა ეტაპობრივად. როგორც გავარკვიეთ, კომპანიამ 50 000 ლარამდე ჩარიცხა კიდეც ბიუჯეტში, თუმცა, დანარჩენის გადახდა არ გაუგრძელებია. შესაბამისად, მის ქონებას ყადაღა დაედო და მუნიციპალიტეტის ბიუჯეტში თანხა მას შემდეგ შევიდოდა, რაც კომპანიის ქონება, რომელიც მილიონებს შეადგენს, აუქციონზე გაიყიდებოდა. ჩვენ იმის დადგენაც შევძელით, რომ ამ კომპანიას, ოზურგეთის მუნიციპალიტეტის გარდა, ბევრი მევალე ჰყავდა და „ხიდმშენს“ სახელმწიფო ბიუჯეტიდან და კერძო ორგანიზაციებიდან თუ პირებიდან მილიონები ჰქონდა მიღებული. შესაბამისად, მევალეები რიგში იდგნენ. გავარკვიეთ ისიც, რომ 2016-2017 წლებში, „ხიდმშენის“ პრობლემების მოგვარებას ხელისუფლების მაღალი პირებიც ცდილობდნენ და მევალეებს, მათ შორის, ოზურგეთის მუნიციპალიტეტის ხელმძღვანელებს მორიგებას სთხოვდნენ. თუმცა, ოზურგეთის შემთხვევაში ეს არ შედგა _ როგორც იმდროინდელმა ჩინოვნიკებმა გვითხრეს, ამის საშუალებას კანონიც არ აძლევდათ და უფრო მეტიც _ კომპანიამ დვაბზუს ხიდის მშენებლობაზე მუნიციპალიტეტის მიერ მოთხოვნილი სამხარაულის ეროვნული ბიუროს ექსპერტიზის დასკვნის წარდგენაც კი ვერ შეძლო. რამდენიმე წყარომ ისიც გვითხრა, რომ 2015-2017 წლებში, მაშინ, როცა კონსტანტინე შარაშენიძე „ქართუში“ მუშაობდა, იგი ძალიან ბევრ მაღალჩინოსანს თხოვდა, რომ „ხიდმშენს“ დვაბზუში ხიდის მშენებლობა გაეგრძელებინა. თანამდებობის პირებთან საუბარში შარაშენიძე იმასაც ამბობდა, რომ „ხიდმშენს“ „ქართუს“ ტექნიკას პირადად დაახმარებდა. უფრო მეტიც, წყაროს თქმით, აღნიშნული თხოვნით „ქართუში“ მომუშავე შარაშენიძემ, საპარლამენტო უმრავლესობის ლიდერს არჩილ თალაკვაძესაც მიმართა: _ გიდასტურებთ, რომ იყო ასეთი შემთხვევები. სულ უნდოდა მაგ ხიდის დასრულება. რამდენჯერმე მითხრა, იქნებ, დაიძრას პროექტიო, _ აღნიშნა ‘გურია ნიუსთან“ საუბრისას თალაკვაძემ. _ ბატონო არჩილ, ეჭვი არ გაგჩენიათ, რატომ იყო შარაშენიძე ამ თემით ასე დაინტერესებული და რატომ სურდა, აღნიშნული ხიდი მაინდამაინც „ხიდშმენს“ დაესრულებინა? _ არ დავინტერესებულვარ არასდროს. მივიჩნიე, რომ ჩვეულებრივი ინფრასტრუქტურული პროექტი იყო, _ გვითხრა თალაკვაძემ. თუმცა, როგორც ჩანს, შარაშენიძესთვის ეს „ერთი ჩვეულებრივი ინფრასტრუქტურული“ პროექტი არ ყოფილა _ 2017 წელს, თანამდებობაზე არჩევიდან მალევე მან ეს თემა ისევ წამოწია. რამდენიმე წყაროს თქმით, იურიდიული და ინფრასტრუქტურული სამსახურის თანამშრომლებს პირდაპირ მოთხოვა, რომ მოეძებნათ გზა მშენებლობის გასაგრძელებლად და თან ისე, რომ სამუშაოები ისევ „ხიდმშენი“ შეესრულებინა. მერიის თანამშრომლებმა ვერა, თუმცა, ეს გზა წყაროს თქმით, თავად „ხიდმშენმა“ მოძებნა _ შარაშენიძეს კომპანიის“ იურისტებმა“ მორიგების აქტი კაბინეტში მიუტანეს და შეთახმებაც შედგა ზედმეტი კითხვების გარეშე. ამ შეთანხმების საფუძველზე შარაშენიძემ აღსრულების ეროვნულ ბიუროში საქმის წარმოების შეწყვეტაც მოითხოვა „ხიდმშენის“ მიმართ. ოღონდ არა მხოლოდ დვაბზუს ხიდის საქმეზე _ ჩვენ მიერ მოპოვებული ინფორმაციით, შარაშენიძემ აღსრულების ბიუროს, 2018 წლის ოქტომბერში მიწერა, რომ „ხიდმშენის“ მიმართ ორივე საქმე შეეჩერებინა, რომლითაც ოზურგეთის ბიუჯეტში, თითქმის 400 000 ლარი უნდა შესულიყო და ამ თანხის ამოღების მიზნით, აღსრულების ბიუროს რამდენიმე დღეში „ხიდმშენის“ ქონება აუქციონზე უნდა გაეყიდა. აღსანიშნავია, რომ, წყაროს თქმით, ეს წერილი ბიუროში აუქციონის გამართვამდე რამდენიმე დღით ადრე შევიდა და მასში აღნიშნულია, რომ პროცესი 3 თვით უნდა შეჩერდეს. ამ სამ თვეში კი კომპანიამ დვაბზუს ხიდის მშენებლობა უნდა დაასრულოს, რის შემდეგადაც შარაშენიძე ვალებს გამოუქვითავს. თუმცა, რამდენს და რის საფუძველზე, უცნობია _ ცნობილია მხოლოდ ის, რომ ამ დრომდე არ არსებობს ხიდის მშენებლობისთვის საჭირო პროექტი, ექპერტიზაგავლილი ხარჯთაღირცხვა, ჰოდროგეოლოგიური დასკვნა... ეს რომ ნამდვილად ასეა, „გურია ნიუსთან“ საუბრისას ადასტურებს ოზურგეთის მერიის ინფრასტრუქტურის თანამშრომელი გია ნიკოლაიშვილი. მისი თქმით, კომპანიას ახალი პროექტი არ წარმოუდგენია და მათ არც ექსპერტიზის დასკვნა აქვთ. ნიკოლაიშვილი ამბობს, რომ მას თათბირზე დაუძახეს და შედგა სიტყვიერი მოლაპარაკება, რომ დოკუმენტაცია ხიდის მშენებლობის დასრულების შემდეგ მომზადდებოდა(?!). ინფრასტრუქტურის სამსახურის თანამშრომელმა დაგვიდასტურა ისიც, რომ გაზრდილია ხარჯთაღრიცხვაც, რომელსაც ექსპერტიზა არ ახლავს და მხოლოდ ფურცელზე ჩამოწერილი ციფრებია. ჩვენ შევეცადეთ უფრო მეტი დეტალი სამსახურის უფროსისგან, თემურ გიორგაძისგან გაგვეგო, მაგრამ უშედეგოდ _ მას შემდეგ, რაც გიორგაძემ გაიგო, ვინ ვიყავით და რისთვის ვურეკავდით, რამდენიმე ზარის მიუხედავად ტელეფონში ჩვენი ხმა ვერ გაიგონა(?!). მას  სმს-იც მივწერეთ, თუმცა, პასუხად ის მივიღეთ, რომ იმ ადგილზე, სადაც იმყოფებოდა, ტელეფონი კარგად არ იჭერდა. მეორე დღეს გიორგაძემ ჩვენ ზარებს საერთოდ არ უპასუხა. არადა, კითხვები ბევრია _ საეჭვო კომპანიის მიერ უპროექტო, უექსპერტო, გეოლოგიური დასკვნების გარეშე საეჭვოდ დაწყებული მშენებლობის საქმეში არის კიდევ ერთი მნიშვნელოვანი გარემოება _ შარაშენიძემ „ხიდმშენს“ დვაბზუს ხიდის დასამთავრებლად, სოფელ ლაითურში დანგრეულ ხიდზე გამოყენებული მეორადი კოჭებიც გადასცა, რომელიც ხიდზე ისე დაამონტაჟეს, რომ ექსპერტიზა არ ჩატარებია. არც არავის დაუსვამს კითხვა, რამდენად გამძლე იქნება, დემონტაჟის დროს ამოღებული, ნახევრად დაშლილი კოჭები ახალ ხიდზე, რომლის სიგრძე 24 მეტრია; აგრეთვე, რამდენად ჰქონდა მერს უფლება, მუნიციპალიტეტის ბალანსზე არსებული, აუდიტის მიერ შეფასებული კოჭების კომპანიისთვის აუქციონის გარეშე, თანაც უსასყიდლოდ გადაეცა. ჩვენ შევეცადეთ ყველა დეტალი კონსტანტინე შარაშენიძესთან გაგვერკვია, თუმცა, ჩვენი ეს მცდელობა უშედეგო აღმოჩნდა _ შარაშენიძემ არც სატელეფონო ზარებს და არც ტექსტურ შეტყობინებებს უპასუხა. კითხვებზე პასუხი ვერც პრესსამსახურის საშუალებით მივიღეთ. მარტივად რომ ვთქვათ, ყველა გზა ვცადეთ, თუმცა, ოზურგეთის მერი კონტაქტზე არ გამოვიდა. არადა, ეს იმ დროს, როცა ჩვენი წყაროები ამბობენ, რომ შარაშენიძემ „ხიდშმენის“ ხელმძღვანელობისგან ე. წ. „ატკატი“ ჯერ კიდევ 2013 წელს, მაშინ აიღო, როცა თანხა წინასწარ ჩაურიცხა და სწორედ ამიტომ იყო დაინტერესებული 2015-2017 წლებში, რომ კომპანიას მშენებლობა განეახლებინა და ბიუჯეტის ფული უკან არ დაებრუნებინა. ჩვენი წყარო იმასაც ამტკიცებს, რომ ჯიმი მამალაძე შარაშენიძემ წლების მანძილზე სთხოვდა მიცემული „ატკატის“ უკან დაბრუნებას ან საქმის მოგვარებას. წყაროს თქმით, მაშინ შარაშენიძემ ეს ვერ შეძლო და დღეს, კომპანიას შეთანხმებაც სწორედ ამიტომ გაუკეთა. წინააღმდეგ შემთხვევაში, ვალებში მყოფ, საეჭვო საქმეებში გახვეულ „ხიდმშენთან“, რომელსაც რამდენიმემილიონიანი ქონება აქვს და რომლის გაყიდვიდან ოზურგეთის ბიუჯეტი თითქმის 400 000 ლარს მიიღებდა, საქმეს არ დაიჭერდა. ეს შეკითხვები შარაშენიძეს სმს-ითაც გავუგზავნეთ, თუმცა, მან ამ კითხვებზეც დუმილი არჩია. კონტაქტზე არ გამოვიდა არც ‘ხიდმშენის“ ხელმძღვანელი ჯიმი მამალაძე _ რამდენიმე ზარი და სმს მამალაძემაც უპასუხოდ დატოვა. არადა, კითხვები მასთანაც ბევრი იყო. მით უმეტეს, რომ ჯიმი მამალაძე, 2012 წელს, თითქმის იგივე სქემით, რაც 2013-2014 წლებში, ოზურგეთის მუნიციპალიტეტში გაახორციელა, სახელმწიფო თანხების მითვისების ბრალდებით გასამართლებული იყო. ერთი სიტყვით, უპასუხო კითხვები ბევრია. ამ თემაზე საუბარი ექსპერტებსაც კი უჭირთ _ გამოცდილი მშენებლებისთვის, გეოლოგებისთვის გაუგებარია, როგორ დაიწყეს ხიდის მშენებლობა პროექტისა და ექსპერტიზის დასკვნების გარეშე; კითხვები აქვთ იურისტებსაც, რომლებიც ამ საქმეში კორუფციის ნიშნებს ხედავენ და აღნიშნავენ. აღსანიშნავია, რომ ოზურგეთის მერის წინააღმდეგ სახელმწიფო უსაფრთხოების სამსახურში გამოძიება ორ სხვა ფაქტთან დაკავშირებით მიმდინარეობს. პარალელურად, მერის საქმიანობას სწავლობს მთავარი ... ...
  • „მმართველ პარტიაში ცვლილებები აუცილებელია“_ ბიძინა გეგიძემმართველ პარტიაში საკადრო პოლიტიკის გახორციელების აუცილებლობაზე საუბრობენ. როგორც „გურია ნიუსთან“ ფრაქცია „ქართული ოცნება - ძლიერი საქართველოსთვის“  თავმჯდომარემ ბიძინა გეგიძემ აღნიშნა, პერსონალური ცვლილებები სხვადასხვა უწყებაში გლობალურად უნდა განხaორციელდეს.  „პროცესი უნდა გაჯანსაღდეს, რაც ცვლილებების გარეშე ვერ გახორციელდება. აუცილებელია, ცვლილებები მმართველ პარტიაშიც გახორციელდეს და ასევე, გლობალურად პოლიტიკურ პროცესებში. პოლიტიკურ მასშტაბებში ვხედავ ამ პროცესებს, იმის მიხედვით, სადაც არის კონკრეტული გადაწყვეტილებები მისაღები“, _ აღნიშნა ... ...
  • სესხების განულებასთან დაკავშირებული ვებგვერდი დღეს, 18:00 საათიდან ამოქმედდებასესხების განულებასთან დაკავშირებული ინიციატივის ფარგლებში, სპეციალური ვებგვერდი დღეს, 18:00 საათიდან ამოქმედდება, – ამის შესახებ პრემიერ-მინისტრმა, მამუკა ბახტაძემ განაცხადა. პრემიერის თქმით, ვებგვერდზე დღეს ატვირთულ ბაზებში წარმოდგენილი იქნებიან სამი ბანკის მომხმარებლები: „საქართველოს ბანკი“, „თიბისი ბანკი“ და „ლიბერთი ბანკი“. „დღეს, 18:00 საათზე გაეშვება ვებსაიტი, სადაც ჩვენი მოქალაქეების ნაწილი უკვე შეძლებს, დარეგისტრირდეს. ამ შემთხვევაში, ჩვენ ვსაუბრობთ რამდენიმე მსხვილ ორგანიზაციაზე. კერძოდ, დღეს და ხვალ აიტვირთება ბაზები, სადაც წარმოდგენილი იქნებიან „საქართველოს ბანკის“, „თიბისი ბანკისა“ და „ლიბერთი ბანკის“ მომხმარებლები“, – განაცხადა პრემიერ-მინისტრმა. მისი თქმით, მიმდინარეობს 24 საათიანი მუშაობა. ამ საკითხზე აქტიურად მუშაობს ასევე ფონდი „ქართუ“, რომლის მხარდაჭერითაც აღნიშნული ინიციატივა ხორციელდება. „აქვე მინდა, ხაზი გავუსვა, რომ მუშაობა მიმდინარეობს 24 საათიან რეჟიმში. თქვენ შეგიძლიათ წარმოიდგინოთ, რა მასშტაბის ინფორმაციასთან გვაქვს საქმე. ფონდი „ქართუ“ ძალიან აქტიურად მუშაობს ამ საკითხზე“, – აღნიშნა მამუკა ბახტაძემ. პრემიერის განცხადებით, ვებგვერდზე ყოველდღიურად დაემატება მომხმარებელთა ბაზები, რომლებსაც სესხები გაუნულდებათ. „ყოველ დღე დავამატებთ ამ ბაზებს შესაბამის ინფორმაციას. ფინანსურ ინსტიტუტებთან ხელშეკრულებების გაფორმების პროცესი გრძელდება. 15 დეკემბრიდან წლის ბოლომდე მოხდება სხვადასხვა პერიოდულობით ჩვენი მოქალაქეების ამოღება „შავი სიიდან“. ჩვენი მოქალაქეებისა და ქართული ოჯახების დიდი ნაწილი ახალ წელს ამ ძალიან მტკივნეული პრობლემის გარეშე შეხვდება“, – აღნიშნა მამუკა ბახტაძემ. ამასთან, როგორც პრემიერ-მინისტრმა აღნიშნა, საქართველოს მთავრობის უმთავრესი პრიორიტეტია სიღარიბის დაძლევა. მთავრობის ინიციატივებიც სწორედ ამაზეა აგებული. „როდესაც ვსაუბრობთ მსგავს ინიციატივებზე, ძალიან მნიშვნელოვანია, გვესმოდეს ზოგადად, რა უნდა იყოს ეკონომიკური პოლიტიკა ქვეყანაში. ამ ნაწილში ჩვენ, როგორც საქართველოს მთავრობას, გვმართებს მეტი აქტიურობა და მინდა, კიდევ ერთხელ გავიმეოროთ, თუ რა არის ჩვენი უმთავრესი პრიორიტეტი – ჩვენი უმთავრესი პრიორიტეტი გახლავთ ის, რომ სიღარიბე, როგორც ყველაზე მტკივნეული გამოწვევა ჩვენი ერისთვის, იქნეს დაძლეული. ჩვენი ინიციატივები აგებულია სწორედ იმაზე, რომ ამ მიზანს ერთობლივად მივაღწიოთ. დარწმუნებული ვართ, აღნიშნული ერთჯერადი სოციალური სოლიდარობის აქტი მნიშვნელოვნად შეუმსუბუქებს ვალის ტვირთს ჩვენს მოქალაქეებს და საშუალებას მისცემს, კვლავ ჩაერთონ ეკონომიკურ აქტივობაში“, – განაცხადა მამუკა ... ...

არქივი

ზაფრანი

სასიყვარულო წერილები ზოდიაქოს ნიშნებისგან

ვერძი _  "მე ძალიან ვეჭვიანობ და...

ადამიანის გატაცება და ასტროლოგია

ვერძი. მთელი ცხოვრების მანძილზე ვერძი...

რა საფრთხე ახლავს ბურთის თავით თამაშს

თავით თამაში ფეხბურთის დროს ჩვეულებრივი...

პირველი ჭკვიანი სექს-რობოტი ქალებისთვის

ქალებისთვის შესაძლებელი ჭკვიანი სექს-რობოტების შეძენა...

რატომ უნდა შეწყვიტოთ სახლში ფეხსაცმლით სიარული

ყველას გვიყვარს ლამაზი და მოხდენილი...
კარმიდამო ჩემი

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...

მოახლოებული ზამთარი და პირუტყვის მოვლა-დაბინავება

ზამთრის მოახლოებისას, შინაურ მსხვილფეხა თუ...

როგორ მოვსპოთ ზამთრის განმავლობაში ნიადაგში მავნებლები

დეკემბრიდან, ჩვენს ბაღ-ბოსტნებში, როცა უკვე...

ბროწეული _ გახდომის საუკეთესო საშუალება

ბროწეული, არა მარტო დეპრესიისა და...

შეიძლება თუ არა ცხოველის წლოვანების ზუსტად დადგენა

იშვიათია, ალბათ, ადამიანი, რომელიც ვერ...

მანჭკვალას გამოყენება ძველებური და განახლებული მეთოდით

როგორც ვიცით, სოკოები უმდაბლესი უქლოროფილო...

როგორ დავამზადოთ კივისა და ფეიჰოას ჩირი შინაურ პირობებში

ზოგადად, ჩირის დამზადება ჩვენში ხალხური...

ნიადაგში სასუქების შეტანის სამი წესით უნდა ვიმოქმედოთ

სხვადასხვა აგრარული კულტურების მოსავლიანობა საგრძნობლად...

დეკორატიული მანდარინი _ ოფისებისა და საოჯახო სივრცეების სეზონური მშვენება

დეკორატიულ ციტრუსოვნებშიც არსებობს სხვადასხვა ფორმისა...

მოვამზადოთ "ნარჩენების ჭრელი მჟავე"

უამრავი სახეობის მჟავეულებთან შედარებით, ჩვენ...

მექსიკური ტორტილია და ბურიტო

მექსიკური სამზარეულოს ძირითადი ელემენტები _...

ფრანგული სალათა

საჭირო მასალა: ორი ცალი მოხარშული...