გურიის გუბერნატორი: "რაც გურიაში ჩამოვედი სულ გაშველებაში ვარ"

მთავარი თემა

გურიის გუბერნატორი: "რაც გურიაში ჩამოვედი სულ გაშველებაში ვარ"

2019 თებ 7 13:34:23

ოზურგეთის მუნიციპალიტეტის სოფელ დვაბზუს ცენტრში, მოსახლეობის ნაწილმა საპროტესტო აქცია მოაწყვეს და  სოფლის განაპირას მდებარე ასფალტ-ბეტონის ქარხნის მუშაობის შეჩერება მოითხოვეს.

„ვითხოვთ სუფთა ჰაერს“, გვაცალეთ ძილი“,  „გვაცალეთ სუნთქვა“, „არავითარი „მოწამვლის დონე“  “, „მდინარე ნატანების ზოლს საწარმოო ზონის სტატუსი არ აქვს“ _ ასეთი იყო ლოზუნგები, რომლებიც აქციის მონაწილეებს ჰქონდათ.

შეკრების ერთ-ერთი ორგანიზატორის, პედაგოგ ლალი ბასილაშვილის თქმით, თუ ქარხანას სხვა ტერიტორიაზე არ გადაიტანენ აქციები გაგრძელდება.

_ ვითხოვთ, როგორმე ისეთი ადგილი მოუძებნონ და გადაიტანონ, ჩვენ რომ არ დაგვაზიანოს. ჩემი თხოვნაა, გაიზომოს და შემოწმდეს, ჩაუტარდეს ექსპერტიზა თვით ქარხნის მილში. როგორც გავიგეთ, მილს ზემოთ კი არა, შიგ უნდა გაიზომოს და გაისინჯოს.  1600 ლარი სჭირდება ამ ყველაფერს. ეს თანხა ჩვენ არ გვაქვს და გადაიხადონ ან ხელისუფლება დაგვეხმაროს, _ აღნიშნა ბასილაშვილმა.

მისივე თქმით საქმის კეთების წინააღმდეგი არ არის, ქარხანაშიც არაჩვეულებრივი ადამიანები მუშაობენ და მათ მხოლოდ ის უნდათ, რომ ქარხანა სხვა ადგილზე გადაიტანონ.

ანალოგიური მოთხოვნა დააფიქსირეს აქციაზე მყოფმა სხვა ადამიანებმაც:

„მოვითხოვთ, ქარხანამ შეწყვიტოს ფუნქციონირება და გადაიტანონ სხვაგან. მუშაობს დღისით და ღამითაც. ერთი კვირაა, გაჩერებულია. გამონაბოლქვის გამო, მაქვს სულის ხუთვა, თავბრუხვევა. ამის გარდა, ჭებში წყალი დაშრა, რადგან იქვე, მდინარე ნატანებზე, კარიერია და ქვიშას რომ იღებენ, წყალი დაბლა შრეებში იკარგება და იფანტება.  იყო დრო, მდინარე ნატანები ებრაელებმა შეისწავლეს  და თქვეს, რომ ისევე სასარგებლოა,  როგორც ნაბეღლავი.  წყალი რომ ჩამოასხას აქ მთავრობამ, გაცილებით მეტ მოგებას მიიღებს", _ აღნიშნა სოფელ დვაბზუს მკვიდრმა როზა რუსიეშვილმა.

ამავე სოფელში მცხოვრები ხათუნა ჭაღალიძის მტკიცებით, წყალს გემო შეცვლილი აქვს:

„სუნთქვის უკმარისობა მაქვს და გაწერილი ვარ თბილისში. ბიზნესი ბიზნესია, მაგრამ ხალხმა რა დააშავა. მთელმა ოჯახმა ბრონქების ანთება გადავიტანეთ. ბავშვი თბილისში რომ გავუშვი, ამოისუნთქა. აქედან გამონაბოლქვი მტვრის გამოა ეს“, _ თქვა ჭაღალიძემ, რომელსაც თანასოფლელი, მარგალიტა თავდიშვილიც დაეთანხმა:

„ალერგია გამიჩნდა, ვერ ვსუნთქავ, გვერდები მტკივა. ჭები დაშრა, ხომ უნდა გაიგონ ერთხელ და სამუდამოდ ჩვენი ხმა?“, _ თავდიშვილის ეს განცხადება კომენტარის გარეშე არ დაუტოვებია ქარხნის დაცვის ერთ-ერთი თანამშრომელს ზურაბ ბაღდასაროვს.

„გვერდები თუ აგტკივდა, ექიმს უნდა ეჩვენო ადამიანი. გამოდიან და ყვირიან. ყველას ვიცნობ ხუთიანზე. სიცრუე არ უნდა თქვან. ამ ხნის ხალხია. ჭაში წყალი დაგვიშრაო, რას ამბობენ, ვერ ხვდებიან. აღმართში წამოვიდა, ბატონო, წყალი? გადეიხედე იქით მხარეს, დაღმართია. ანუ აქეთ „მოწიწა“ ქარხანამ? აგერ, ბატონო, ნატანების წყალი, მიედინება ქვევით. წამოვა აღმა, რაც უნდა ეხვეწო? პროფესორები... სულ ასე ყვირიან. ოცი ადამიანი კი არა, ორასს მოვიყვან ახლა დვაბზუდან, ვინც არაფერს ამბობს და თანახმაა, რმ ამ ქარხანამ იმუშაოს.

აქური ხელმძღვანელობა ყველაფერზე ეხმარება ხალხს. ხან გარდაცვლილია სოფელში, ხან ლხინია. გზის მოხრეშვა დასჭირდება თუ ჭიშკართან მისასვლელის შეკეთება, უფასოდ ემსახურებიან. ვის შეუძლია თქვას, რომ აქედან სიკეთის და დახმარების ხელს არ უწვდიან? ჭაში წყალი გაგვიფუჭდაო, ყვირიან. ჭას ამორეცხვა სჭირდება, ბიძიკო, გურიაა აქ, სინესტეა. ჩივიან ყოველდღე, ამათ საჩივრებით არბენინე, მეტი სიამოვნება არ უნდათ.  სამი თვეა, არ უმუშავია ქარხანას. აცდენენ საქმის მკეთებელს" _ თქვა ბაღდასაროვმა.

ერთ-ერთი მუშის, ლევან პაიჭაძის თქმით ასფალტ-ბეტონის ქარხანას არანაირი ზიანი არ მოაქვს ხალხისთვის:

არის ადამიანების კატეგორია, რომლებსაც არ უნდათ განვითარება. ყველაფერში ცუდს ეძებენ და მიზეზობენ. იგება გზები, შენდება, ვითარდება ქვეყანა. საიდან გაკეთდეს გზა, თუ ასფალტი არ იქნა, ხრეში არ ამოვიღეთ?“, _ აღნიშნა პაიჭაძემ.

აქციაზე კომპანია „გზამშენი-18-ის“ დირექტორი თემურ ჯახვა. მისი თქმით, ის ხშირად სარგებლობს ქარხნის მომსახურებით და დაზუსტებით შეუძლია თქვას, რომ მოსახლეობას არანაირი საფრთხე არ ემუქრება:

ეს ქარხანა  ულტრათანამედროვეა,  აკმაყოფილებს მსოფლიო სტანდარტს. მოსახლეობისგან მაქსიმალურად დაშორებულია. ორთქლი ამოდის ისეთი, დაახლოებით, ჩაიდან რომ ამოვიდეს. იფილტრება. ეს არის გერმანული წარმოების ქარხანა და თავად გერმანელებმა დადგეს შარშან, სექტემბერში. მათივე დამონტაჟებულია.

1970 წელს აქ იყო ძველი, რუსული წარმოების ქარხანა. მაშინ მართლა იყო მტვერი და კვამლი. რეალობა იყო ასეთი. ახლა ამ აქციაზე ჩემი ტოლი ადამიანებიც ჩანან. მაშინ არ უთქვამთ არაფერი და ახლა რაა საპროტესტო? მდინარეში არაფერი ჩაედინება ისეთი, რომ სიბინძურე გამოიწვიოს. ჭა დაშრაო.. ჭა ჩემთანაც დაშრა, შემოქმედში. ხედავთ, თოვლი არაა, არ წვიმს...“, _ აღნიშნა ჯახვამ.

აქციის მონაწილეებთან ოზურგეთის საკრებულოს დეპუტატებიც მივიდნენ. მარი ჩხიკვიშვილის და როზეტა სკამკოჩაიშვილის თქმით, ისინი „ამ შემთხვევაში ისინი მოსახლეობის გვერდით არიან“.

ოზურგეთის საკრებულოს ლეიბორისტი დეპუტატის დავით მამალაძის განცხადებით,სადაც ბიზნესინტერესებია,  იქ ხალხი, ეროვნული და სახელმწიფო ინტერესები უკანა პლანზეა გადაწეული“:

„სანამ ბიზნესი გააკონტროლებს როგორც ადგილობრივ, ისე ცენტრალურ ხელისუფლებას, მანამ ხელისუფლების ვიშვიში და უბედურება იქნება _ თქვა მამალაძემ.

 მოგვიანებით აქციის მონაწილეებთან სასაუბროდ  გურიის გუბერნატორი ზურაბ ნასარაია მივიდა. მას შემდეგ, რაც ნასარაიამ შეკრებილ დვაბზუელებს მოუსმინა, აღნიშნა, რომ ქარხანა უახლესი ტექნოლოგიით არის აგებული და მის ხელმძღვანელებს მოუწოდა მოსახლეობისთვის დათვალიერების საშუალება მიეცათ:

ტექნოლოგია მართლა ახალია. ეს რომ დაზიანებული არ არის, იცით. დაათვალიერებინეთ ამ ხალხს ქარხანა, რეალობაში ნახონ, რომ მართლა თანამედროვე ტექნოლოგიებია“, _ აღნიშნა გუბერნატორმა და აქციის მონაწილეებს ურჩია, რომ  გააკეთონ ერთობლივი წერილი ქარხნის დირექტორის სახელზე და  მოიწვიონ სამხარაულის ექსპერტიზის ბიურო:

„თუ თქვენ ფიქრობთ,  რომ სამხარაულის დასკვნაზე უკეთესი სხვა არ არის ჩვენთან და ასეცაა, წავიდეთ ამ გზით, რომ ამ ბიურომ შეამოწმოს. თუ სამხარაულის ექსპერტიზის ბიურო იტყვის, რომ არ არის მომწამლავი, მაშინ ქარხანას ხელს ვერ შევუშლით მუშაობაში. შეიძლება ხმაურის გაზომვაც. არის საათები, როცა ხმაური ნაკლებად ვრცელდება. ასევე გაზომვაც სხვადასხვა დროს უნდა მოხდეს, რომ სრული ციკლი დავინახოთ.  ყველანაირად ვეცადოთ, მივიდეთ სიმართლესთან, რა და როგორ სჯობს“ _ თქვა ზურაბ ნასარაიამ.

გურიის გუბერნატორმა მოსახლეობას ისიც სთხოვა, რომ სამართლებრივ ჩარჩოებს არ გასცდნენ და რეალურ დასკვნას დაელოდონ.

გუბერნატორის ამ პოზიციას ლალი ბასილაშვილის ეჭვნარევი რეპლიკა მოჰყვა. აქციის ორგანიზატორმა არ გამორიცხა, რომ ვიღაცა სამხარაული ექსპერტიზის ეროვნულ ბიუროში საქმეს „ჩააწყობს“ და დასკვნა გაყალბდება.

ბასილაშვილის ამ კომენტარმა ქარხნის დირექტორის, ზაზა ცხოიძის გაღიზიანება გამოიწვია:

„პასუხი ყველანაირი შედეგის შემთხვევაში აქვთ. ჯერ დასკვნა არ არის და უკვე წინასწარ ამბობს, რომ გაყალბებული იქნება. არანაირი გამონაბოლქვი არ არსებობს. თანამშრომლებს არ უკეთიათ პირბადეები აქ, ადგილზე,  ისე მუშაობენ. რაზეა საუბარი. თუმცა, ჩვენ მზად ვართ და თანახმა ვართ, ნებისმიერი მაღალი დონის ექსპერტიზა ჩატარდეს და დადგინდეს სიმართლე“, _ თქვა ცხოიძემ და "გურია ნიუსთან" საუბრისას აღნიშნა, რომ ქარხანა მზადაა ნებისმიერი ექსპერტიზის ჩასატარებლად:

"ეს არის თანამედროვე ტიპის, გერმანული წარმოების ასფალტ-ბეტონის ქარხანა. ჩვენ ხელთ გვაქვს და სამინისტროშიც გავაგზავნეთ გერმანელი ექსპერტების მიერ გაცემული სერთიფიკატი, როგორც გარემოზე ზემოქმედების უსაფრთხოებაზე, ასევე, თანამშრომლებზე. ამ სერთიფიკატებით დასტურდება, რომ ეს ქარხანა ეკოლოგიას და ადამიანების ჯანმრთელობას საფრთხეს არ უქმნის. თუმცა, ჩვენ მზად ვართ ჩატარდეს ნებისმიერი სახის მაღალი დონის ექსპერტიზა“, _ გვითხრა ცხოიძემ.

„გურია ნიუსის“ კითხვაზე, თუ სამხარაულის ექსპერტიზის ბიურო დადებს დასკვნას, რომლის თანახმადაც საწარმოს მუშაობა მოსახლეობას საფრთხეს არ უქმნის, იქნება თუ არა საკმარისი აქციის მონაწილეებისთვის, ლალი ბასილაშვილმა აღნიშნა, რომ ამ შემთხვევაში სოფლიდან გადასახლება მოუწევთ.

თუმცა, ბასილაშვილს იმედი აქვს რომ ეს ასე არ მოხდება _ მით უმეტეს, რომ მოსახლეობის ნაწილმა უკვე მიმართა სასამართლოს და გარემოს დაცვისა და სოფლის მეურნეობის სამინისტროს ნებართვის გაცემის გამო უჩივის.

აღსანიშნავია კიდევ ერთი დეტალი _ მას შემდეგ აქცია ექსპერტიზის ჩატარებაზე შეთანხმებით დასრულდა, გურიის გუბერნატორმა ღიმილით ჩაილაპარაკა, რომ  „რაც გურიაში ჩამოვიდა, სულ გაშველებაშია“.

მხარის პირველი პირის ეს რეპლიკა გურულებს ყურადღების მიღმა არ დარჩენიათ:

 „თუ გამოგდის, კია კაი“, _ მიაძახა გუბერნატორს აქციის ერთ-ერთმა მონაწილემ.




 ახალი ამბები
  • დაგვეხმარეთ მაუწყებლის გადარჩენაში - ჟურნალისტების ნაწილი დიპლომატიურ კორპუსს მიმართავსაჭარის საზოგადოებრივი მაუწყებლის საინფორმაციო სამსახურის თანამშრომლები განცხადებას ავრცელებენ. ისინი ახალი ამბების სამსახურის უფროსის მოადგილის - მაია მერკვილაძის შტატის გაუქმება სარედაქციო პოლიტიკაზე პირდაპირი თავდასხმად მიიჩნევენ და დიპლომატიურ კორპუსს მიმართავენ. "საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს სხდომაზე დღეს მიღებულ გადაწყვეტილებას ახალი ამბების სამსახურის თანამშრომლები სარედაქციო დამოუკიდებლობის შეზღუდვად მივიჩნევთ. ახალი ამბების სამსახურის უფროსის მოადგილის - მაია მერკვილაძის შტატის გაუქმება სარედაქციო პოლიტიკაზე პირდაპირი თავდასხმაა. დღეს მრჩეველთა საბჭომ და მაუწყებლის დირექტორმა არხის თანამშრომლების მოთხოვნა, - საკითხის უკეთ შესწავლის მიზნით მისი განხილვა გადადებულიყო, არ გაითვალისწინა. გაუგებარია, რატომ არის პროცესი ფორსირებული, როდესაც დირექტორს ისედაც აქვს გაცხადებული, რომ რეორგანიზაციას გეგმავს. ამასთან, დაწყებულია დისციპლინური დევნა ახალი ამბების სამსახურის უფროსის - შორენა ღლონტის წინააღმდეგ, რაც კიდევ უფრო მეტად გვიღრმავებს ეჭვებს, რომ მენეჯმენტისთვის სასურველი ახალი კადრების შემოსაყვანად პოზიციები თავისუფლდება. გვაქვს მოლოდინი, რომ მაია მერკვილაძის შემდეგ, სარედაქციო პოლიტიკას ჩამოაშორებენ ახალი ამბების ხელმძღვანელს - შორენა ღლონტს. მიგვაჩნია, რომ საზოგადოებრივი მაუწყებლის აჭარის ტელევიზიასა და რადიოში შექმნილი ვითარება საარჩევნო წელს ემსახურება არასასურველი კადრების, განსაკუთრებით კი - კრიტიკული ჟურნალისტების ჩამოშორებას. მივმართავთ დიპლომატიურ კორპუსს, საერთაშორისო და ადგილობრივ არასამთავრობო ორგანიზაციებს - ჩაერთონ პროცესში და დაგვეხმარონ მაუწყებლის გადარჩენაში. წინააღმდეგ შემთხვევაში, დაზარალდებიან არა მხოლოდ ჟურნალისტები, არამედ დაზიანდება საზოგადოებრივი მაუწყებლის იდეა, რაც კიდევ უფრო დააზარალებს მედიაგარემოს, პლურალიზმსა და დემოკრატიულ პროცესებს ქვეყანაში. დირექტორის მიერ დაგეგმილი სტრუქტურული ცვლილებები შეეხო სხვა სამსახურებსაც. მაგალითად: საავტორო - შემოქმედებითი გადაცემების სამსახურის უფროსის მოადგილეს შემოქმედებითი მიმართულებით - გიორგი მურვანიძეს, ამავე სამსახურის მოადგილეს საორგანიზაციო მიმართულებით - ბესო დუმბაძეს და ფინანსური სამსახურის უფროსის მოადგილეს მაია შაშიკაძეს. ასევე სხვა მოადგილეების შტატებს, რომლებიც ვაკანტური იყო. მაუწყებელში დღეს განვითარებული მოვლენები ლოგიკური გაგრძელებაა იმ პროცესებისა, რომელიც დაიწყო 2019 წლის აპრილში ნათია კაპანაძის იმპიჩმენტით, გაგრძელდა მაუწყებლიდან ნათია ზოიძის იძულებით წასვლით და ნათია შავაძესთან შრომითი ხელშეკრულების ამოწურვით."_ ნათქვამია ... ...
  • ჩოხატაურელი ნორჩი მხატვრების წარმატება "ზამთრის ვერნისაჟზე"მერაბ ბერძენიშვილის სახელობის ოზურგეთის თანამედროვე სახვითი ხელოვნების ცენტრში გურიის რეგიონის საჯარო სკოლების მოსწავლეთა ნამუშევრების მეცხრე გამოფენა-კონკურსი _ „ზამთრის ვერნისაჟი“ მოეწყო. გამოფენაში მონაწილეობა მიიღეს ჩოხატაურის სახელოვნებო სკოლების გაერთიანების სამხატვრო სკოლის მოსწავლეებმა, რომლებიც სხვადასხვა ნომინაციაში, ოზურგეთის მერიისა და საკრებულოს მიერ მიერ დაჯილდოვდნენ სიგელებით, ფულადი ჯილდოთი და ფასიანი საჩუქრებით. ნომინაციაში ,,საუკეთესო ფერწერა'' დაჯილდოვდა პაპუნა ჯინჭარაძე (მე- 5 კლასი), ნომინაციაში ,,საუკეთესო კომპოზიცია'' _ ლუკა ფუტკარაძე (მე-3 კლასი); ნომინაციაში ,,საუკეთესო ნახატი’’ _ ნანა კვინტრაძე (მე-6 კლასი); ნომინაციაში ,,მნახველის სიმპათია’’ _ ანასტასია კობიძე (მე-4 კლასი). ა(ა)იპ ჩოხატაურის მუნიციპალიტეტის სახელოვნებო სკოლების გაერთიანების სამხატვრო სკოლის ყველა მონაწილე ცენტრის მიერ დაჯილდოვდა სიგელებით გამოფენაზე ... ...
  • ხანძარი ზუგდიდში, სოფელ ზედა ეწერშიხანძარი იყო ცოტა ხნის ზუგდიდში, სოფელ ზედა ეწერში. როგორც ადგილიდან "გურია ნიუსის" ჟურნალისტი იტყობინება, ცეცხლი ეკალ-ბარდებს ეკიდა. ხანძარი ამდროისთვის ლიკვიდირებულია. შემთხვევის შედეგად არავინ დაშავებულა. ადგილზე სამი სახანძრო მუშაობდა. ჯერჯერობით, უცნობია, რამდენი ჰექტარი დაიწვა. ასევე, უცნობია ხანძრის გამომწვევი ... ...
  • „ვითხოვთ სამართალს“ _ აქცია ავტობანის მშენებლობაზე ლანჩხუთში, სუფსის მოსახლეობამ ავტობანთან დაკავშირებით აქცია გამართა. ისინი ამბობენ, რომ თანხა, რომელიც სახელმწიფომ მათ კუთვნილი მიწების დათმობის სანაცვლოდ გადაუხადა მიზერულია და საკითხით დაინტერესებას პრემიერ მინისტრს თხოვენ. სუფსის ადმინისტრაციის მოსახლეობის ნაწილის საპროტესტო მუხტი იმ ფართობების კომპენსირების თანხაზე, სადაც ავტომაგისტრალმა უნდა გაიაროს, არახალია _ მათთვის კატეგორიულად მიუღებელია სახელმწიფოს მიერ ერთ კვ/მეტრზე შეთავაზებული ფასი. ისინი ხელისუფლებას მოსახლეობის აბუჩად აგდებაში დებენ ბრალს და გაცილებით მეტი თანხის გადახდას ითხოვენ. საქმე სუფსის ადმინისტრაციული ერთეულის საზღვრებში მოქცეულ კერძო საკუთრებაში არსებულ სასოფლო-სამეურნეო დანიშნულების მიწის იმ ნაკვეთებს ეხება, რომლებიც "ფოთი-გრიგოლეთის" 14-კილომეტრიანი მონაკვეთის საზღვრებში ავტობანის მშენებლობის პროექტში მოხვდა. აქედან, "გრიგოლეთი-ქობულეთის ზოლი 10 კილომეტრია. „ჩვენი კერძო საკუთრება (მიწის ნაკვეთები) მიზერულ ფასებად მუქარითა და იძულებაში ჩაყენებით დაგვათმობინეს. დღემდე ვითხოვთ სამართალს, გენპროკურატურასაც მივმართეთ საქმის ჯეროვანი გამოძიების მოთხოვნით, მაგრამ 11 თვეა იძიებენ და ახლა ირკვევა, რომ საქმე შესასწავლად სუფსის პოლიციისთვის გადმოუგზავნიათ. დიდი ალბათობით თანამდებობის პირებმა მიითვისეს ჩვენი კუთვნილი სოლიდური თანხები და ამიტომაც ეტყობა საქმის ჩაფარცხვის სურვილი აქვთ“-ამბობს აქციის ერთ-ერთი მონაწილე ხათუნა გუჯაბიძე. ხათუნა გუჯაბიძის თქმით, ფართობების კომპენსირების თანხის თაობაზე სუფსის მოსახლეობის მხრიდან ინფორმირებულია პარლამენტის თავმჯდომარის მოადგილე გია ვოლსკი და იუსტიციის მინისტრი თეა წულუკიანიც. „ჩვენ ინფორმაცია საკითხთან დაკავშირებით მივაწოდეთ გია ვოლსკისა და თეა წულუკიანს, დაგვპირდნენ საკითხით დავინტერესდებითო, მაგრამ საქმე ამის იქეთ არ წასულა. წულუკიანი მაშინ  დაგვპირდა, რომ საქმეს გენპროკურატურისგან გამოითხოვდა და პასუხს ადგილობრივი ხელმძღვანელობის მეშვეობით შეგვატყობინებდა, ბევრჯერ მოვიკითხეთ მერიაში მინისტრისგან გამოგზავნილი პასუხი, მაგრამ დღემდე არააფერი ჩანს“-  ამბობს ხათუნა გუჯაბიძე. მიწის იმ მესაკუთრეები,  რომელთა ნაკვეთებიც მოექცა გრიგოლეთი-ქობულეთის საავტომობილო გზის პროექტში, საკუთარ პრეტენზიებს „გურია ნიუსთან“ საუბარში აფიქსირებენ: -"მონაკვეთის საზღვრები იწყება ზღვის სანაპირო ზოლიდან 700 მეტრის დაშორებით. ნაკვეთებს მარჯვენა მხრიდან ესაზღვრება საგზაო-სატრანსპორტო მაგისტრალი, მარცხენა მხრიდან კი _ მდინარე სუფსა. არის ვაკე ადგილი და თავისი მდებარეობის მიხედვით პრესტიჟულია ნებისმიერი ბიზნესსაქმიანობისთვის. მოსახლეობას გვქონდა დიდი მოლოდინი, რომ ამ ნაკვეთებში სახელმწიფო სოლიდურ თანხას გადაგვიხდიდა და ღირსეულად მოგვექცეოდა, მაგრამ მოხდა პირიქით. სუფსის საზღვრებში განლაგებული მიწის ნაკვეთები (ე. წ. "ნაოჩვანი"), რომლებიც წარმოადგენს 32 ოჯახის კერძო საკუთრებას, მდებარეობს პრესტიჟულ ადგილზე, დანიშნულებით _ სასოფლო-სამეურნეო, მოხვდა ავტობანის მშენებლობის პროექტში. ამ შემთხვევაში მიწის მესაკუთრეებთან მთავრობის, არასამთავრობო ორგანიზაციების და არც გზის დეპარტამენტის მხრიდან არანაირ შეხვედრას, შემოთავაზებას და კონსულტაციას ადგილი არ ჰქონია. დეპარტამენტის წარმომადგენლები გვაძალებდნენ ხელშეკრულებაზე ხელის მოწერას და ჩვენი საკუთრების დათმობას ასეთ მიზერულ ფასად და მოსახლეობაში ავრცელებდნენ ხმებს, რომ წინააღმდეგ შემთხვევაში მესაკუთრეს სახელმწიფო ჩამოართმევდა საკუთრებას _ პროექტის განხორციელების ხელის შეშლასთან დაკავშირებით. ჩვენი ხელისუფლების დამოკიდებულებამ ისე შეაშინა და პანიკაში ჩააგდო სოფლის მოსახლეობა საკუთრების ჩამორთმევასთან დაკავშირებით, რომ მათმა ერთმა ნაწილმა, რომლებიც ბანკის ვალებში იხრჩობოდნენ, ამ უსამართლო და ძალით თავსმოხვეულ "ხელშეკრულებას" ხელი მოაწერა.  ჩვენ გვქონდა სიტყვიერი ინფორმაცია იმასთან დაკავშირებით, რომ იმ მონაკვეთში, ე.წ. "ლოტში", რომელიც, დაახლოებით, 10-კილომეტრიან ზოლს მოიცავს, ჩვენი ნაკვეთების შემდეგ განლაგებულ ნაკვეთებში (რომელიც შედის, ლანჩხუთის და ოზურგეთის მუნიციპალიტეტის საზღვრებში), მესაკუთრეებს გადაუხადეს გაცილებით სოლიდური თანხები 1კვ. მეტრში. ზოგან 25-60 ლარი ერთ კვ, მეტრში, ზოგან კი 40-დან 120 ლარამდე“, _ ამბობს მიღებული კომპენსაციით უკმაყოფილო მოსახლეობა და ხელისუფლებას საკითხით დაინტერესებას ... ...
  • საზარელი ტრაგედია ვანში - 26 წლის მამაკაცმა სანადირო თოფით თავი მოიკლავანში, სოფელ მუქედეში 26 წლის მამაკაცმა სიცოცხლე თვითმკვლელობით დაასრულა. ინფორმაცია "გურია ნიუსს"მერის წარმომადგენელმა დაუდასტურა. ავთანდილ გუბერიძის განცხადებით,სუიციდის ფაქტი 16 თებერვალს მოხდა.  ადგილობრივების ინფორმაციით, ახალგაზრდა კაცმა თავი სანადირო თოფით მოიკლა. რა გახდა თვითმკვლელობის მიზიზეზი, უცნობია.  შსს-მ მომხდარ ფაქტზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას ... ...

არქივი

ზაფრანი

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...