გზა „მოქალაქეთა კავშირიდან“ გურიის გუბერნატორობამდე _ ვინ არის ზურაბ ნასარაია

მთავარი თემა

გზა „მოქალაქეთა კავშირიდან“ გურიის გუბერნატორობამდე _ ვინ არის ზურაბ ნასარაია

2018 აგვ 22 12:41:42

გურიის ახალი გუბერნატორის, ზურაბ ნასარაიას თქმით, გურია მისი მშობლიური მხარეა, ნახევრად გურულია და ცხოვრების დიდი ნაწილი გურიაში აქვს გატარებული. მიუხედავად მისი ამ განცხადებისა, ჯერჯერობით,  ვერ ვიპოვეთ ის ადამიანები, რომლებიც ახალი გუბერნატორის სიტყვებს დაადასტურებს.

ნასარაიას შესახებ ინტერნეტშიც ცოტა ინფორმაცია მოიძებნება,  თავად კი ამბობს, რომ ეს ბევრს არაფერს ნიშნავს და მას ბევრი საფეხური აქვს გავლილი.

_ ბატონო ზურაბ, თქვით, რომ ნახევრად გურული ხართ, თუმცა, ამის შესახებ უმრავლესობამ არაფერი იცის. ინტერნეტშიც მწირი ინფორმაციაა თქვენზე _ ვიპოვეთ მხოლოდ ის ამბავი, რომ რკინიგზელთა ნაწილი გიპირისპირდებოდათ და ბრალდებებს გიყენებდათ; ასევე, ვიპოვეთ თქვენ მიერ 2013 წელს „ქართული ოცნებისთვის“ შეწირული 6 000 ლარის დამადასტურებელი დოკუმენტი.... მოკლედ რომ ვთქვათ, ბევრი არაფერი. საიდან და როგორ მოხვდით აქ?

_ ცოტა ინფორმაცია არ ნიშნავს, რომ ცხოვრება არ მაქვს გავლილი. საკმაოდ ბევრი საფეხურები გავიარე; ვიყავი პარლამენტის წევრი.

_ კი, ვნახეთ 2002 წელს შევსებული ქონებრივი დეკლარაცია, რომელშიც აღნიშნულია, რომ ქონება არ გაქვთ, თუმცა, იმ დროისთვის, როცა პენსია 14 ლარი იყო და თქვენი ხელფასიც ძალიან დაბალი, ნაღდი ფულის სახით, ხელზე 90 000 ლარი გქონდათ...

_ კარგია, რომ ყველა ინფორმაციას ფლობთ. რაც შეეხება რკინიგზას, დაპირისპირება არასდროს არ ყოფილა _ ეს არის პროფკავშირების ცალკე ჯგუფი, რომელიც გამორჩეულია თავიანთი წესდებით და ხასიათით. ისინი არიან განსხვავებული პოზიციების მქონე ადამიანები, რომლებსაც აქვთ საკუთარი ტაქტიკა, რომლითაც ცდილობენ მიაღწიონ წარმატებას. მე მქონდა განსხვავებული ხედვა _  ვზრუნავდი რკინიგზელებზე, ვცდილობდი მაქსიმალურად მეტი დრო, მეტი ენერგია და რესურსი დამეხარჯა. შესაბამისად, რკინიგზელებმა არჩევანი გააკეთეს ამ ორ ორგანიზაციას შორის და მათი 80 პროცენტი არის იმ ორგანიზაციის წევრი, რომლის ხელმძღვანელი დღემდე ვიყავი.

_ წერდნენ, რომ მაშინ, როცა რკინიგზელებს  80-ლარიანი დანამატი ეძლეოდათ, თქვენ 5 000 ლარის პრემიას იღებდით...

_ ეს არ იყო პრემია _ ეს იყო კომპენსაცია, რადგან იმ დროს მე გავთავისუფლდი სამსახურიდან და  კანონიდან გამომდინარე, მივიღე ერთი თვის ხელფასი.

ბევრი მცდელობის მიუხედავად, ვერ ვიპოვეთ თქვენი აქტიურობის დამდასტურებელი მასალა 2012 წლამდე... სად იყავით მაშინ, როცა „ქართული ოცნება“ „ნაციონალურ მოძრაობას“ ებრძოდა?

_ რკინიგზაში ვიყავი და ვასრულებდი სახელმწიფოს წინაშე იმ მოვალეობას, რაც დაკისრებული მქონდა. ვემსახურებოდი ხალხს, ადამიანებს და ვზრუნავდი  მათ კეთილდღეობაზე.

_ იყავით თუ არა „ქართული ოცნების“ გვერდით ყველაზე რთულ პერიოდში _  2011 -2012 წლებს ვგულისხმობთ...

_  მარტივად გაგცემთ ამ კითხვაზე პასუხს _ მე ვარ უპარტიო ადამიანი. არ ვყოფილვარ არც ერთი  პარტიის წევრი, გარდა „მოქალაქეთა კავშირისა“. როდესაც დაიშალა ეს ორგანიზაცია,  დავრჩი უპარტიოდ. როგორც უპარტიოს,  ყოველთვის მქონდა გარკვეული პოზიციები ამა თუ იმ  ხელისუფლების  მიმართ და ჩემი სიმპათიები ამა თუ იმ პარტიის მიმართ.  რატომ არ ვამბობდი ხმამაღლა ამას, ეს თემა არაა.

_ ბატონო ზურაბ, რკინიგზის დეპარტამენტის ყოფილი თავმჯდომარე დღეს ძებნაშია _ მას სახელმწიფო საკმაოდ დიდი რაოდენობის ქონების მიტაცებას ედავება... არც ამ თემაზე იძებნება თქვენი ხმამაღალი განცხადება...

_ მე არ მქონდა ის პოზიცია, რომ განცხადებები მეკეთებინა და შემეფასებინა რკინიგზის ხელმძღვანელობა,  რადგან  ჩვენი საქმიანობა სხვადასხვა იყო. ამ საქმიანობით იყო  თუ არა ეზუგბაიას მიერ ჩადენილი რაიმე დანაშაული, ან ჰქონდა თუ არა  გადაცდომა, შესაბამისი ორგანოები იყვნენ დაინტერესებულები და ეს კითხვაც  უფრო მათ მიმართაა.

_ არა მარტო მათ მიმართ... მხოლოდ ერთი ადამიანი ვერ მოახერხებდა მილიონობით ლარის ქონების მიტაცებას, თუმცა, დღეს მხოლოდ ეზუგბაიაა დამნაშავედ ცნობილი... არადა, იმ დროს მის გვერდით მყოფი ადამიანების უმრავლესობა დღეს სხვადასხვა მაღალ თანამდებობაზეა და ბუნებრივია, კითხვები ყველასთანაა

_ ეს ჩემი თემა არ არის, _ გვითხრა გუბერნატორმა, რომელიც შესახებაც დამატებით კიდევ ერთი ინფორმაციის მოპოვება შევძელით _ ჩვენი წყაროს ინფორმაციით, ზურაბ ნასარაია „მოქალაქეთა კავშირში“ ზურაბ ჟვანიას დახმარებით მოხვდა _ სწორედ ჟვანიამ ჩასვა ის გამსვლელ სიაში, თუმცა, მას შემდეგ, რაც ჟვანიას და შევარდნაძის გუნდი გაიყო, ნასარაია შევარდნაძის გუნდში დარჩა. მოგვიანებით კი, მიშა მაჭავარიანის დახმარებით რკინიგზაში გადაინაცვლა.

 




 ახალი ამბები
  • ცესკო ამერიკული დახმარების ფარგლებში კიბერუსაფრთხოებას აუმჯობესებსსაქართველოს ცენტრალური საარჩევნო კომისია (ცესკო), საინფორმაციო ტექნოლოგიური უსაფრთხოების მხარდაჭერის მიზნებისთვის, საარჩევნო სისტემათა საერთაშორისო ფონდისგან (IFEშ) დახმარებას მიიღებს. IFEშ-ი საქართველოში მისი მოქმედების სტრატეგიული მიზნებიდან და მანდატიდან გამომდინარე, ახორციელებს ცესკოს სასერვერო ინფრასტრუქტურის განახლებას და ამ მიზნით გეგმავს შესაბამისი საქონლისა და მომსახურების შესყიდვას საქართველოს საარჩევნო ადმინისტრაციისთვის. აღნიშნული დახმარების მიღების თაობაზე გადაწყვეტილება ცესკომ 30 მარტს გამართულ სხდომაზე მიიღო. დღეს ხელშეკრულებას ცესკოს თავმჯდომარე თამარ ჟვანიამ, IFEშ-ის საქართველოს წარმომადგენლობის ხელმძღვანელმა ქეთი მაისურაძემ და კომპანია „იუ–ჯი–თი“-ს წარმომადგენელმა ერმილე სულაძემ მოაწერეს ხელი. სამმხრივი ხელშეკრულების საფუძველზე, IFEშ-ი, კომპანია „იუ–ჯი–თი“-სგან ცესკოსთვის შეიძენს სერვერებსა და სასერვეროს გამართვა–აღჭურვისთვის საჭირო შესაბამის მოწყობილობებს. ასევე, განხორციელდება სასერვერო აპარატურის პროგრამული უზრუნველყოფა და საარჩევნო ადმინისტრაციის შესაბამისი თანამშრომლების ტრენინგი. ახალი სასერვერო ინფრასტრუქტურა ცესკოს შესაძლებლობას აძლევს კიდევ უფრო მაღალ დონეზე უზრუნველყოს კრიტიკული ინფორმაციის დაცვა და იმ ინტერნეტ სერვისების შეუფერხებელი და უსაფრთხო ფუნქციონირება, რომელსაც საარჩევნო ადმინისტრაცია ამომრჩევლებსა და არჩევნებში ჩართულ სხვა მხარეებს სთავაზობს. საარჩევნო ადმინისტრაციის სათანადო საინფორმაციო ტექნოლოგიური აღჭურვილობით უზრუნველყოფა და თანამშრომლების კიბერუსაფრთხოების და კიბერჰიგიენის მიმართულებით გადამზადება ხორციელდება საარჩევნო სისტემათა საერთაშორისო ფონდის პროექტის – „საარჩევნო და პოლიტიკური პროცესების მხარდაჭერა საქართველოში“ (EPPშ) ფარგლებში, აშშ–ს საერთაშორისო განვითარების სააგენტოს (UშAID) მეშვეობით. კიბერუსაფრთხოების და კიბერჰიგიენის მიმართულებით პერსონალის გადამზადებასა და ამ მიმართულებით ინფრასტრუქტურის განახლებაზე საარჩევნო ადმინისტრაციის ხელმძღვანელობასა და UშAID-ის და IFEშ-ის წარმომადგენლებს შორის შეთანხმება ჯერ კიდევ მიმდინარე წლის იანვარში შედგა. 10 იანვარს ცესკოში გამართულ შეხვედრაზე მხარეები 2020 წლის არჩევნების უსაფრთხო და მშვიდ გარემოში ჩატარების ხელშეწყობაზე შეთანხმდნენ. თანამედროვე გამოწვევების შესაბამისად, საქართველოს ცენტრალური საარჩევნო კომისია უკვე რამდენიმე წელია აქტიურად მუშაობს კიბერუსაფრთხოების გაუმჯობესება/დახვეწის მიმართულებით, შექმნილი აქვს ინფორმაციული უსაფრთხოების შესაბამისი კონტროლის მექანიზმები, რითაც ხელს უწყობს არსებული საარჩევნო პროცესების უწყვეტად წარმართვას და ინფორმაციის სათანადო დაცვას, უზრუნველყოფს ტექნიკური საშუალებების გამართულად ფუნქციონირებას და ინფორმაციული აქტივობის მთლიანობას, ხელმისაწვდომობასა და კონფიდენციალურობას. აღნიშნული მიმართულებით საარჩევნო სისტემების საერთაშორისო ფონდთან აქტიური თანამშრომლობა საქართველოს საარჩევნო ადმინისტრაციას შესაძლებლობას აძლევს კიდევ უფრო დახვეწოს საკუთარი საქმიანობა საინფორმაციო ტექნოლოგიების მიმართულებით როგორც საარჩევნო ისე არასაარჩევნო ... ...
  • რამდენი ადამიანი შეიძლება დადგეს ე.წ. ბირჟზე“ძალიან მნიშვნელოვანი შეზღუდვაა, რომელიც ეხება სამზე მეტი პირის თავშეყრას. აქამდე 10 იყო დასაშვები ზღვარი, მაგრამ, არსებული ვითარებიდან გამომდინარე, ეს უფრო მეტად შეიზღუდა. აქ იგულისხმება სამზე მეტი პირის თავშეყრის აკრძალვა”, – ამის შესახებ საქართველოს მთავრობის ადმინისტრაციის უფროსმა, ნათია მეზვრიშვილმა განაცხადა. ​მისი თქმით, აღნიშნულ შეზღუდვებთან დაკავშირებით აღსრულება მოხდება შინაგან საქმეთა სამინისტროს მიერ.„ჩვენი პოზიციაა, რომ მოქალაქეებზე ზრუნვა არის უპირველესი ამოცანა, განსაკუთრებით, 70 წელზე მეტი ასაკის პირებზე დაწესდა გარკვეული შეზღუდვები, სახლიდან გამოსვლის აკრძალვა და ამ ნაწილში ადამიანებზე ზრუნვა არის უპირველესი ამოცანა”, – განაცხადა ნათია მეზვრიშვილმა.როგორც მთავრობის ადმინისტრაციის უფროსმა აღნიშნა, სამზე მეტი ადამიანის თავშეყრა მათ შორის გულისხმობს იმას, რომ ე.წ. ბირჟაზე 5 და 6 ადამიანი არ უნდა დადგეს. „ამ წესიდან, ბუნებრივია, არსებობს გამონაკლისები – ეს არის აფთიაქები, სასურსათო მაღაზიები. სასურსათო მაღაზიაში შეიძლება, იმყოფებოდეს სამზე მეტი ადამიანი, მაგრამ აქაც მკაცრი კონტროლი უნდა არსებობდეს. აუცილებლად უნდა იყოს დაცული, მინიმუმ, 2-მეტრიანი დისტანცია და ჩვენ ვხედავთ, რომ მაღაზიები ამ რეკომენდაციებს კარგად იცავენ”, – განაცხადა ნათია ... ...
  • ოზურგეთის საკრებულომ კურორტ გომისმთას სახელი განკარგულებით მიანიჭადღეს, ოზურგეთის მუნიციპალიტეტის საკრებულომ,  გასვლით სხდომაზე, რომელიც ოზურგეთის ფოლკლორის ცენტრში ჩატარდა,  კურორტ გომის მთისთვის,  სახელის  „გომის მთა“  მინიჭება განკარგულებით  დაამტკიცა. საკრებულოსვე გადაწყვეტილებით, საქართველოს რეგიონული განვითარებისა და ინფრასტრუქტურის სამინისტროს, საკრებულო შუამდგომლობას წარუდგენს დასახლების - დაბა გომისმთის შექმნის თაობაზე. შემდეგ კი, საქართველოს მთავრობის გადაწყვეტილების საფუძველზე, ოზურგეთის მუნიციპალიტეტს ახალი ადმინისტრაციული ერთეული, დაბა  გომისმთა, ... ...
  • მერია: ერთი თვის არამალფუჭებადი საკვები გაიცაჩოხატაურის მუნიციპალიტეტის საბავშვო ბაღებში საკვები პროდუქტების გაცემა დასრულდა. როგორც მუნიციპალიტეტის მერია იუწყება, მუნიციპალიტეტში რსებული ოცივე საბავშვო ბაღის 630 აღსაზრდელმა 1 თვეზე ნორმით გათვლილი, არამალფუჭებადი პროდუქტი მიიღო. ახალი კორონავირუსის გავრცელების პრევენციის მიზნით, პროდუქტების გაცემა საქართველოს პრემიერ მინისტრთან შექმნილი უწყებათაშორისი საკოორდინაციო საბჭოს რეკომენდაციების შესაბამისად ... ...
  • საგანგებო ვითარებაში - საგანგებო ბიუჯეტიჩოხატაურის მუნიციპალიტეტის საკრებულოს გასვლითი სხდომა, 30 მარტს, ხელოვნების სასახლეში გაიმართა. სხდომის ხელოვნების სასახლის დარბაზში ჩატარების მიზანი სოციალური დინსტანციის დაცვა იყო. წინასწარ ჩატარდა დარბაზის დეზინფექცირება, გატარდა ყველა ზომა ჯანდაცვის პროტოკოლების, რეკომენდაციების, ჰიგიენის შესაბამისი წესების დასაცავად. სხდომაზე დღის წესრიგით გათვალისწინებულ საკითხებზე იმსჯელეს, მათ შორის, ბიუჯეტში შესატანი ცვლილებების შესახებაც _ ადგილობრივი თვითმმართველობების ბიუჯეტებში უნდა გაითვალისწინონ კორონა ვირუსის გავრცელების პრევენციის მიზნით, საქართველოს პრეზიდენტის 21 მარტის დეკრეტის საფუძველზე საქართველოს მთელ ტერიტორიაზე საგანგებო მდგომარეობის შემოღების გამო, საქართველოს საბიუჯეტო კოდექსის 70-ე მუხლის შესაბამისად, საგანგებო ბიუჯეტის პროექტი, პროგრამული კოდით „01 07“ _ „საგანგებო ბიუჯეტი“. აღნიშნულ კოდში დაფინანსდება საგანგებო მდგომარეობასთან დაკავშირებული ღონისძიებების მიზნობრივი პროგრამები, კერძოდ: ჩოხატაურის მუნიციპალიტეტში სკოლამდელი ასაკის ბავშვებისთვის 1 თვის საკვები პროდუქტების შეძენა; მარტოხელა ხანდაზმული ასაკის მოქალაქეებისთვის საკვები პროდუქტების შეძენა; სანიტარულ-ჰიგიენური ინვენტარის შეძენა; ჩოხატაურის მუნიციპალიტეტის ტერიტორიაზე შიდა გადაადგილებისათვის საჭირო საწვავის (ბენზინი, დიზელი) შეძენა. საკრებულოს წევრებმა მხარი დაუჭირეს შესაბამისი დადგენილების გამოსაცემად ადმინისტრაციული წარმოების დაწყების პროცედურას. სხდომაზე განიხილეს დღის წესრიგის სხვა საკითხებიც. ჩოხატაურის მუნიციპალიტეტის საკრებულოს შემდგომი რიგგარეშე გასვლითი სხდომა მიმდინარე წლის 6 აპრილს, დღის 12 საათზე, ისევ ჩოხატაურის მუნიციპალიტეტის ხელოვნების სასახლეში, ჰიგიენის წესებისა და სოციალური დისტანციის დაცვით ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...