იფარავს თუ არა ეკლესია დამნაშავეებს _ "პოლიციაში არ დავრეკავ"

gurianews.com

მთავარი თემა

იფარავს თუ არა ეკლესია დამნაშავეებს _ "პოლიციაში არ დავრეკავ"

2017 დეკ 6 12:26:17

1 დეკემბერს, თბილისში, ხორავას ქუჩაზე მომხდარი სასტიკ მკვლელობაში ბრალდებული ერთ-ერთი არასრულწლოვანი  სამართალდამცველების მიერ 3 დღის განმავლობაში იძებნებოდა.

იგი, გასულ ორშაბათს სამართალდამცავებს თავად ჩაბარდა, თუმცა, მის ამ ნაბიჯამდე გავრცელდა ინფორმაცია, რომ ბრალდებული გ. ჯ. თავს ერთ-ერთ სამონასტრო კომპლექსს აფარებდა.

ამ თემაზე განმარტების გაკეთება პატრიარქის მოსაყდრეს, მეუფე შიოსაც მოუხდა:

მე არ მაქვს ინფორმაცია და არ მგონია, რომ ერთ-ერთმა ბრალდებულმა თავი ეკლესიას შეაფარა. უწმინდესი ძალიან განიცდის ამ ამბავს, ყოველი ჩვენგანისთვის, ჩვენი ერისთვის ეს არის საზარელი და სასტიკი ტრაგედია. ასეთი რამე არ უნდა ხდებოდეს. ღმერთმა აცხონოს მათი სულები“, _ აღნიშნა ჟურნალისტებთან საუბრისას მეუფემ.

სწორედ ამ კომენტარის გაკეთებიდან რამდენიმე საათში გამოცხადდა გ. ჯ  პოლიციაში, რომელიც, „გურია ნიუსის“ მიერ მოპოვებული ექსკლუზიური ინფორმაციით, მართლაც მონასტერს აფარებდა თავს.

ეს ფაქტი ჩვენთან საუბრისას იმ ტაძრის მსახურმა დაადასტურა, სადაც არასრულწლოვანი ძებნილი 2 დღის განმავლობაში იმყოფებოდა. მისივე ინფორმაციით, გ. ჯ. თავდაპირველად დასავლეთ საქართველოს ერთ-ერთ სამონასტრო კომპლექსში იყო, ხოლო მოგვიანებით, სასულიერო პირის დახმარებით აღმოსავლეთ საქართველოში, სხვა კომპლექსში გადაიყვანეს.

ის, რომ დანაშაულში ბრალდებულ პირები ეკლესიას თავს ხშირად აფარებენ, უცხო არავისთვის არის. თუმცა, ამ თემაზე ღიად არავინ საუბრობს. არადა, არა ერთი შემთხვევა არსებობს იმისა, რომ სამართალდამცავებს მკვლელობაში და ყაჩაღობაში ეჭვმიტანილი პირი სწორედ მონასტრიდან გამოსული დაუკავებიათ.

სამართალდამცველები ჩვენთან პირად საუბრებში ამბობენ, რომ ამის შესახებ ინფორმაცია აქვთ, თუმცა, კონკრეტული მოქმედება არ შეუძლიათ:

_ სამონასტრო კომპლექსში ჩხრეკის ჩატარების უფლება არ გვაქვს. რომც გვქონდეს თუნდაც დადასტურებული ინფორმაცია, ვერ მივალთ და ვერ დავიჭერთ. ამისთვის საჭიროა საპატრიარქოს თანხმობა. მთელი რიგი პროცედურებია გასავლელი _ სასამართლო დადგენილება უნდა აიღო, საპატრიარქოში წარადგინო, მათ ნებართვა უნდა მოგცენ, რასაც, ბუნებრივია, დრო სჭირდება და დამნაშავე ადვილად მოახერხებს გაქცევას, _ აღნიშნა ჩვენთან საუბრისას შინაგან საქმეთა სამინისტროს ერთ-ერთმა მაღალჩინოსანმა, რომელიც მიიჩნევს, რომ ეს არასწორი მიდგომაა:

_ როცა საუბარია დამნაშავეზე, რომელმაც ჩაიდინა მკვლელობა, ყაჩაღობა ან სხვა დანაშაული და მას შენ მფარველობ, დანაშაულის  თანამონაწილე ხარ. ჩვენს ქვეყანაში არსებობს კანონი, რომელსაც ყველამ უნდა სცეს პატივი, ყველამ უნდა დაიცვას, თუმცა, სამწუხაროდ ასე არ ხდება, _ აღნიშნავენ სამართალდამცავები.

როგორც აღმოჩნდა, ეს პრობლემა გურულ პოლიციელებსაც აწუხებთ. როგორც გვითხრეს, შემოქმედის ეპარქიის რამდენიმე მონასტერში დანაშაულში ბრალდებული ან ძებნილი პირები ხშირად შეუფარებიათ.

გვითხრეს ისიც, რომ რამდენიმე წლის წინ, ჩოხატაურის ერთ-ერთი მონასტრიდან წამოსულ ერთ-ერთ პირს, რომელიც რამდენჯერმე იყო ნასამართლევი, პოლიციელებმა ჩოხატაური-ოზურგეთის გზაზე, ავტომანქანაში იარაღი აღმოუჩინეს. ყოფილა შემთხვევა, როცა ამავე მონასტრიდან წამოსული და გზაში დაკავებული პირი ძებნილი ყოფილა.

უდაბნოს მონასტრის წინამძღვარი მამა მარკოზი, რომელსაც სპეციალური ნებართვა აქვს და აღსარების ჩასაბარებლად ციხეშიც კი შედის, ჩვენთან საუბრისას ამბობს, რომ დამნაშავეებს არ მფარველობს.

კითხვაზე, რამდენად სწორად მიაჩნია, როდესაც ეკლესია იფარებს სამართალდამცავების მიერ ძებნილ დამნაშავეებს, გვპასუხობს, რომ ეს არასწორია.

მისივე თქმით, თუ მასთან ტაძარში ძებნილი მივა, ეცდება, რომ პოლიციაში მისვლაზე დაითანხმოს.

_ მამაო, ხშირად საუბრობენ, რომ დამნაშავეები, რომლებსაც პოლიცია ეძებს, თავს უდაბნოს მონასტერს აფარებენ... როგორც გვითხრეს, მონასტერში შესვლის უფლებას თქვენ პოლიციას არ აძლევთ...

_ ასეთი რამ არასდროს მოხდარა.

_ სამართალდამცველები ამბობენ, რომ ბევრჯერ ყოფილა შემთხვევა, როცა თქვენი  მონასტრიდან წამოსული ადამიანები დაუკავებიათ...

_ ჩემს დამოკიდებულებასთან მაგას არავითარი მნიშვნელობა არ აქვს. არასდროს ამიკრძალავს არვისთვის, პოლიციისთვის განსაკუთრებით, რომ შემოსულიყო და თავისი საქმე გაეკეთებინა.

_ ყოფილა შემთხვევა, როცა შემოსულან?

_ კი, როგორ არა. თუმცა, არავინ დაუჭერიათ. შემოსულან ინფორმაციის ნიადაგზე, დაუთვალიერებიათ და წასულან.

_ მამა მარკოზ, თქვენია აზრით, რა იწვევს ეჭვებს იმის შესახებ, რომ ეკლესია დამნაშავეებს მფარველობს?

_ არ ვიცი. ეტყობა,  რაღაც მიუვალია ადგილებია. ჰგონიათ, რომ აქ მოდიან და თავს აფარებენ ალბათ, არ ვიცი. ბევრი მოსულა ისეთი ადამიანი, რომელსაც კრიმინალური წარსული ჰქონდა, მაგრამ რა მოხდა? ჩვენ ხელს არ ვუშლით ასეთ ადამიანებს. მაგისთვის არის უფალი მოსული, რომ ცოდვილები მოაქციოს  და გონს მოიყვანოს. კრიმინალს კი ნამდვილად არ ვმფარველობთ და ვეწინააღმდეგებით ყველანაირად. თუ ვინმე მოსულა, ვალდებულები ვართ, რომ დავაყენოთ იმ გზაზე, რომ წავიდეს, ჩაბარდეს და მოინანიოს.

_ იმ შემთხვევაში, თუ ძებნილი მოვიდა და შეფარება გთხოვათ, როგორ მოიქცევით _ შემოუშვებთ მონასტერში თუ პოლიციაში დარეკავთ?

_ არ ვიცი, ეგ როგორ ჩამეთვლება, მაგრამ  პოლიციაში არ დავრეკავ, თუმცა, მოვუწოდებ, თვითონ მივიდეს და ჩაბარდეს _  იქ არ გავაჩერებ, _ თქვა ჩვენთან საუბრისას მამა მარკოზმა.

ჯიხეთის ტაძრის წინამძღვარი მამა ანდრია ამბობს, რომ ყველაფერი შეიძლება მოხდეს:

_ ეს ცხოვრება სცენაა. ყველა თავის როლს თამაშობს _ თქვენც, მეც, პრეზიდენტიც, მაღაზიის გამყიდველიც.  ყველა იბრძვის არსებობისთვის. მთავარია, რომ ადამიანი მართალი იყოს. ვერ გეტყვით, ვინ ვის იფარავს, მაგრამ ცხოვრებაში ყველაფერი ხდება. დავბერდი უკვე და ამ ცხოვრებაზე მეცინება. ყველაზე მეცინება აბსულუტურად _ მართალზეც, დამნაშავეზეც, _ ამბობს მამა ანდრია.

_ ისიც სასაცილოა, თუ დამნაშავეს ეკლესია შეიფარებს?

_ ალბათ, კეთილ საქმეს აკეთებენ.

_ თქვენ ფიქრობთ, რომ ეს კეთილი საქმეა?

_ სიკეთე ის არის, ადამიანს რომ შია და საჭმელს მისცემ, მწყურვალს წყალს დაალევინებ. ყველას თავისი ჯვარი აქვს ამ ცხოვრებაში. ახლა იმერეთიდან მოვდივარ (საუბარი ჩაწერილია 5 დეკემბერს) და რადიოში გადმოსცეს უკრაინაში სააკაშვილის დაკავების და გამოშვების ამბავი. ავტომანქანაში ერთი ადამიანი იჯდა და დაჭერილ სააკაშვილს აგინებდა. როგორც კი გაიგო, რომ გაათავისუფლეს უცებ დაიწყო მისი ქება. შაურიანს აქვს ორი მხარე. ჩანს, ერთი მხარე როგორია _ მეორეა ყველაზე საინტერესო, უკანა მხარე, _ გვითხრა მამა ანდრიამ.

კითხვაზე, რას იზამს მაშინ, თუ მასთან დამნაშავე მივა და შეფარებადს თხოვს, ასე გვპასუხობს:

_ ნამდვილად არ შევიფარებ და ვეტყვი, რომ ცოდვისთვის პასუხი აგოს, სასჯელი მოიხადოს.

_ პოლიციაში დარეკავთ?

_ არასდროს არ მიფიქრია, რომ „ჩამშვები“ ვყოფილიყავი.

_ ფიქრობთ, რომ ეს „ჩაშვებაა“?

_ კი, ასე მგონია. საერთოდ, ვფიქრობ, რომ ყველაფერზე თავის არიდება ჯობს. სხვის საქმეში ჩარევა იცით, რას ნიშნავს? ნაკელში რომ ჩადგე და გახეხო. უკეთესია, მოერიდო, სუნი არ აგივიდეს იმის, რაც იმან ქნა. ყველაზე მთავარია, რომ ადამიანი ღმერთის წინაშე მართალი იყოს. ყველაზე მართალი ადამიანი ყველასგან გარბის. ადამიანმა მხოლოდ ღმერთთან უნდა იმეგობროს _ ეს კი ლოცვითაა შესაძლებელი.

_ მამაო, რატომ არის „ჩაშვება“ თუკი მკვლელობისთვის ძებნილს მართლმსაჯულებას ჩააბარებთ? თქვენ, როგორც ადამიანს, ხომ გაქვთ ვალდებულება, რომ დანაშაული არ დაფაროთ?! ასე ე. წ. „ქურდული მენტალიტეტისკენ“ ხომ არ მივდივართ, რომლის აღმოფხვრა ნორმალური საზოგადოებისთვის აუცილებელია?

_ 40 წელია, ეკლესიაში ვარ. რამდენიმე ხნის წინ, დიდუბის ეკლესიაში შევედი და ერთი ქალბატონი მეკითხება, რომელი წყობა და რომელი მთავრობა ჯობსო. მე ვუთხარი ძალიან სწორი პასუხი _ კომუნისტების დრო კომუნისტებისთვის იყო კარგი, შევარდნაძის დრო _ შევარდნაძისტებისთვის; მიშას დრო _  „ნაციონალებისთვის“ და „მეოცნებეების“ დრო იმათთვისაა სასურველი, ვინ ოცნებობდა,-მეთქი.

_ კონკრეტულ კითხვაზე არ მპასუხობთ _ თუ დამნაშავეზე ვიტყვით, რომ დამნაშავეა, თუ მოძალადეს ვამხელთ, ეს იმას ნიშნავს რომ „ჩამშვებები“ ვართ?

_ მე რომ „ჩამშვები“ ვყოფილიყავი, სხვა კუთხიდან მივიდოდი ეკლესიაში. მე მაგ კუთხიდან არ მოვსულვარ _ ღმერთის სადიდებლად მოვედი ეკლესიაში.

_ მამაო, ღმერთის დიდება და მსახური იმას ნიშნავს, რომ თვალი დავხუჭოთ დანაშაულზე?

_ დამნაშავე უნდა დაისაჯოს აუცილებლად. ამის მომხრე ვარ. მან უნდა გამოისყიდოს დანაშაული, _ ამბობს ჯიხეთის ტაძრის წინამძღვარი.

მამა ანდრიას თქმით, არასდროს ქონია შემთხვევა, მისთვის დამნაშავეს თავშესაფარი ეთხოვოს.

ერთი გახსოვდეთ _ ღმერთს თავისი ხალხი ჰყავს და როცა ღმერთს თავისი ხალხი არ ეყოლება, ეს ქვეყანა დაიღუპება, _ ამბობს სასულიერო პირი.

ჯუმათის სამონასტრო კომპლექსის წინამძღვარი მამა მიქაელი მიიჩნევს, რომ „ეს ძალიან ფაქიზი საკითხია და ასე უცებ პასუხის გაცემა რთულია“:

რა თქმა უნდა დამნაშავე ყოველთვის უნდა ჩაბარდეს, მღვდელი ვალდებულია რომ დამნაშავეს აუხსნას ეს, _ გვითხრა მამა მიქაელმა.

_ მამაო, ეს არის თემა, რომელზეც ყველა კულისებში საუბრობს და ხმამაღლა თქმას ერიდებიან, თუმცა, ფაქტია, რომ ამ მიმართულებით პრობლემებია... პოლიცია აღნიშნავს, რომ მონასტრებში შესვლის უფლება არ აქვთ და იქ არ უშვებენ...

_ თუკი ასეთ რამეს ამბობენ, მაშინ უნდა დააკონკრეტონ. როცა ზოგადად საუბრობენ და ილანძღებიან, მოძღვრების უფლებები ილახება.

_ თქვენთან, ჯუმათის მონასტერში ყოფილა პოლიცია შემოსული?

_ ჩვენთან ყველა შემოდის ტაძარში და ლოცულობს.

_ ჩვენ ვგულისხმობთ კონკრეტულ საგამოძიებო მოქმედებებს. დამნაშავე უძებნიათ მონასტერში?

_ ახლა სხვაგან ვარ და ნამდვილად არ მახსოვს _ შეიძლება იყო, შეიძლება _ არა.

მამა მიქაელის თქმით, ბოლო დროს განვითარებული მოვლენები და ის ფაქტი, რომ არასრულწლოვანის მკვლელობის ბრალდებით ძებნილი მონასტერმა შეიფარა, მისთვის უცნობია:

_ მონასტერში ტელევიზორი არ გაქვს. შესაბამისად, არ ვიცი, რა მოხდა, ვინ ვინ შეიფარა, _ აღნიშნა მამა მიქაელმა.

იურისტები განმარტავენ, რომ სასულიერო პირები ჩვეულებრივი მოქალაქეები არიან და კანონის შესაბამისად, მათაც აქვთ ვალდებულება დანაშაულის და დამნაშავის ადგილმდებარეობის შესახებ სამართალდამცავებს აცნობონ.

სპეციალისტების თქმით, რომ ამ მიდგომებით, რასაც მართლმადიდებელი ეკლესია ამ კატეგორიის დამნაშავეების მიმართ იჩენს, არასწორია და ეს ნორმალური, დემოკრატიული საზოგადოების ჩამოყალიბებას ხელს უშლის.


ნახვა: 687


 ახალი ამბები
  • საბროკერო კომპანია „ეფიქს ბიზნეს გრუპის“ სამი დამფუძნებელი დააკავესდიდი ოდენობით თანხის თაღლითურად დაუფლებისა და კომპიუტერული დანაშაულის ბრალდებით, მოსამართლის განჩინების საფუძველზე, საბროკერო კომპანია „ეფიქს ბიზნეს გრუპის“ სამი დამფუძნებელია დაკავებული. ამის შესახებ დღეს, შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს უფროსმა, მამუკა ჭელიძემ ბრიფინგზე განაცხადა. გამოძიებით დადგენილია, რომ ბრალდებულებმა 2016 წლის აგვისტოში დაარეგისტრირეს შპს „ეფიქს ბიზნეს გრუპი“, რომლის საქმიანობის ძირითად საგანს, თითქოსდა საერთაშორისო საფონდო ბირჟაზე ვაჭრობა წარმოადგენდა. დანაშაულებრივი ჯგუფის წევრებმა, დაახლოებით, 50 მოქალაქე მოატყუეს, რომ სავაჭრო ბირჟაზე წარმოადგენდნენ საშუამავლო საბროკერო კომპანიას და იმ შემთხვევაში, თუ ისინი განსაზღვრულ ანგარიშზე თანხას შეიტანდნენ, კომპანია მათ სავაჭრო ბირჟაზე გარკვეული თანხების მოგებაში დაეხმარებოდა. დანაშაულებრივი სქემის მიხედვით, ბრალდებულებმა მათ მიერ წინასწარ განსაზღვრულ ანგარიშზე მოქალაქეებს შეატანინეს სხვადასხვა ოდენობის თანხები, რის შემდეგაც, ხელოვნური მანიპულირებისა და კომპიუტერულ სისტემაში უკანონოდ შეღწევის გზით, შეცვალეს დაზარალებულების კომპიუტერული მონაცემები, რათა მათ ეფიქრათ, რომ თანხა წარუმატებელი ვაჭრობის შედეგად წააგეს და კომპანიის მიმართ პრეტენზიები არ ჰქონოდათ. ამ გზით, დანაშაულებრივი ჯგუფის წევრები უკანონოდ დაეუფლნენ, დაახლოებით, 500 000 ლარს. დაკავებულებს ბრალი ედებათ კომპიუტერულ სისტემაში უნებართვო შეღწევაში, მონაცემების უკანონო შეცვლასა და ორგანიზებული ჯგუფის მიერ, სამსახურებრივი მდგომარეობის გამოყენებით, დიდი ოდენობით თანხების თაღლითურად დაუფლებაში. გამოძიების პროცესში შესაძლოა, დაზარალებულთა რაოდენობა გაიზარდოს. გამოძიება მიმდინარეობს საქართველოს სსკ-ს 180-ე, 284-ე და 286-ე მუხლებით, რაც 7-დან 10 წლამდე ვადით თავისუფლების აღკვეთას ... ...
  • მტკვარში მამაკაცის ცხედარი იპოვესქარელის სოფელ სამწვერისში, მდინარე  მტკვარში სამძებრო სამუშაოების შედეგად მაშველებმა მამაკაცის ცხედარი იპოვეს. საგანგებო სიტუაციების მართვის სამსახურის ინფორმაციით, 30 წლის მამაკაცი გუშინ მდინარე  მტკვარზე თევზაობის დროს წყლის დინებამ გაიტაცა. საგანგებო სიტუაციების მართვის სამსახურის მაშველები და მყვინთავები დაკარგულ პიროვნებას  2 დღე ... ...
  • სასამართლომ გლდანის N8 საპყრობილის რეჟიმის განყოფილების ყოფილი უფროსი ინსპექტორი დამნაშავედ ცნოთბილისის საქალაქო სასამართლოში სასჯელაღსრულების დეპარტამენტის გლდანის N8 დაწესებულებაში პატიმარ დ.რ-ს მიმართ ძალადობითა და დაზარალებულის პირადი ღირსების შეურაცხყოფით განხორციელებული სამსახურებრივი უფლებამოსილების გადამეტების ფაქტზე მიმდინარე საქმის განხილვა დასრულდა. სასამართლომ სრულად გაიზიარა პროკურატურის მიერ წარდგენილი მტკიცებულებები და სასჯელაღსრულების დეპარტამენტის გლდანის N8 საპყრობილის რეჟიმის განყოფილების ყოფილი უფროსი ინსპექტორი კ.ყ. დამნაშავედ ცნო წარდგენილ ბრალდებაში.სახელმწიფო ბრალდების მიერ წარდგენილი მტკიცებულებებით და სასამართლოს განაჩენით დადასტურებულია, რომ 2008 წლის 24 ოქტომბერს, საქართველოს შინაგან საქმეთა სამინისტროს თანამშრომლებმა ნარკოტიკული დანაშაულის ჩადენის ბრალდებით დააკავეს დ.რ, რომელსაც 2008 წლის 27 ოქტომბერს აღკვეთის ღონისძიების სახით შეეფარდა პატიმრობა და შესახლებულ იქნა სასჯელაღსრულების დეპარტამენტის გლდანის №8 საპყრობილეში. ბრალდებულ დ.რ.-ს სასჯელაღსრულების დეპარტამენტის გლდანის №8 საპყრობილის მე-3 სარეჟიმო კორპუსზე შესახლების შემდგომ, სასჯელაღსრულების დეპარტამენტის გლდანის №8 საპყრობილის რეჟიმის განყოფილების უფროსმა ინსპექტორმა და მე-3 სარეჟიმო კორპუსის ოფიცერმა კ.ყ-მ გადაწყვიტა დ.რ-ზე ფიზიკური და ფსიქოლოგიური ზემოქმედება მისთვის ბრალად წარდგენილი ქმედების აღიარების მიზნით. 2008 წლის 27 ოქტომბრიდან 2009 წლის 16 მარტამდე პერიოდში - თბილისის საქალაქო სასამართლოს მიერ დ.რ-ს მიმართ გამამტყუნებელი განაჩენის გამოტანამდე, კ.ყ. სასჯელაღსრულების დეპარტამენტის გლდანის N8 საპყრობილის უსაფრთხოების განყოფილების უფროს ინსპექტორ ლ.ჩ-სა და სხვა თანამშრომლებთან ერთად სასჯელაღსრულების დეპარტამენტის გლდანის №8 საპყრობილის მე-3 სარეჟიმო კორპუსის C3 ფლიგელში დ.რ-ს კატეგორიულად მოსთხოვა მისთვის ბრალად შერაცხული დანაშაულის აღიარება, ამ უკანასკნელისგან უარის მიღების შემდეგ კი მის ხელთ არსებული ხელის რადიოგადამცემი, ე.წ. „რაცია" ძლიერად ჩაარტყა სახის არეში. დარტყმის ძალის შედეგად დ.რ. წაიქცა და დაეცა ძირს, რის შემდეგაც კ.ყ. უსაფრთხოების განყოფილების უფროს ინსპექტორ ლ.ჩ-სთან ერთად დაახლოებით 10 წუთის განმავლობაში შეურაცხყოფას აყენებდა, ამცირებდა მას და გამეტებით ურტყამდა ფეხებს თავში, ტანის არესა და კიდურებზე, რის გამოც დ.რ. განიცდიდა ძლიერ და აუტანელ ტკივილს. დ.რ-ს საკანში დაბრუნების შემდეგ კ.ყ-მ იგი მკაცრად გააფრთხილა, რომ მისი ცემის შესახებ არავისთვის არაფერი ეთქვა, წინააღმდეგ შემთხვევაში მის თანასაკნელებსაც ანალოგიურად გაუსწორდებოდა. აღნიშნული ფაქტიდან რამდენიმე კვირაში, სასამართლოს მიერ დ.რ-სთვის განაჩენის გამოტანამდე, აღიარებითი ჩვენების მოპოვების მიზნით კ.ყ. და ლ.ჩ. გლდანის №8 საპყრობილის სხვა თანამშრომლებთან ერთად შევიდნენ გლდანის №8 საპყრობილის მე-3 სარეჟიმო კორპუსის №236-ე საკანში, სადაც მოთავსებული იყო ბრალდებული დ.რ. კ.ყ-მ დ.რ-ს კვლავ ჰკითხა აღიარებდა თუ არა იგი ჩადენილ დანაშაულს, რაზეც უარყოფითი პასუხის მოსმენის შემდეგ კ.ყ-მ და ლ.ჩ-მ მისი მისამართით დაიწყეს გინება და სახეში რამდენჯერმე გაარტყეს ხელი. დაზარალებული დ.რ-ს ცემა და ძალადობა მხოლოდ მას შემდეგ შეწყდა, რაც მის მიმართ სასამართლომ გამამტყუნებელი განაჩენი გამოიტანა და მისგან აღიარებითი ჩვენების მიღება საქმისთვის აღარ იყო მნიშვნელოვანი. კ.ყ-ს მიერ სამსახურებრივი უფლებამოსილების გადამეტების ფაქტს შედეგად მოჰყვა დ.რ-ს უფლების არსებითი დარღვევა და სახელმწიფოს კანონიერი ინტერესების არსებითი ხელყოფა. თბილისის საქალაქო სასამართლოს გადაწყვეტილებით, სასჯელაღსრულების დეპარტამენტის გლდანის №8 საპყრობილის რეჟიმის განყოფილების ყოფილი უფროსი ინსპექტორი - კ.ყ. ცნობილ იქნა დამნაშავედ საქართველოს სსკ-ის 333-ე მუხლის მე-3 ნაწილის „ბ" და „გ" ქვეპუნქტებით გათვალისწინებული დანაშაულის ჩადენისთვის და სასჯელის სახედ და ზომად განესაზღვრა თავისუფლების აღკვეთა 6 წლის ვადით, დამატებითი სასჯელის სახით - ჩამოერთვა თანამდებობის დაკავების უფლება 3 წლის ვადით, რაც „ამნისტიის შესახებ" საქართველოს კანონის გამოყენებით შეუმცირდა ¼-ით და საბოლოოდ განესაზღვრა თავისუფლების აღკვეთა 4 წლისა და 6 თვის ვადით, თანამდებობის დაკავების უფლების ჩამორთმევა 2 წლითა და 3 თვის ვადით. რაც შეეხება დ.რ-ს მიმართ ძალადობაში მხილებულ მეორე პირს - სასჯელაღსრულების დეპარტამენტის N8 საპყრობილის უსაფრთხოების განყოფილების ყოფილ ინსპექტორ ლ.ჩ.-ს, მის მიმართ გამოტანილია დადგენილება სისხლისსამართლებრივი დევნის არდაწყების შესახებ, მისი გარდაცვალების ... ...
  • სოზარ სუბარი: "მერაბ ჭანუყვაძე გადადის ცენტრალურ ხელისუფლებაში""ხვალ ოზურგეთში პარლამენტის თავმჯდომარე და პარლამენტარები ჩამოდიან და იმ ადამიანებს შეხვდებიან, რომლებიც მერაბ ჭანუყვაძის გადადგომის გამო განაწყენდნენ", _ ამის შესახებ სქართველოს პრემიერ-მინისტრის მრჩეველმა რეგიონულ საკითხებში სოზარ სუბარმა განაცხადა. მისივე თქმით, ჭანუყვაძემ წასვლის გადაწყვეტილება თავად მიიღო: _ ხვალ, პარლამენტის თავმჯდომარე და პარლამენტარები ჩამოდიან, რომლებიც ყველა იმ ადამიანს შეხვდება, რომლებსაც კითხვები აქვთ. შეხვდებიან მთლიანად პარტიის აქტივს და თვითმმართველობის წარმომადგენლებს, _ აღნიშნა სოზარ სუბარმა. _ ბატონო სოზარ, თქვენ არ გაქვთ კითხვები, როცა აქტიურ თანამებრძოლს, ადამიანს, რომელიც "ქართულ ოცნებას" დაფუძნების დღიდან გვერდით ედგა; რომელიც ჯერ კიდევ მაშინ, როცა ხელისუფლებაში დღეს მყოფი ზოგიერთი პირი "ნაციონალურ მოძრაობას" ადიდებდნენ ოპოზიციაში იყო და ამას ხმამაღლა აფიქსირებდა და რომელსაც გურულები ძალიან დიდი პატივს სცემენ ყოველგვარი ახსნა-განმარტების გარეშე სახლში უშვებენ?  _ მერაბ ჭანუყვაძემ საკუთარი სურვილით დატოვა თანამდებობა. _ თქვენი ეს განცხადება არადამაჯერებელია, თუნდაც, იქიდან გამომდინარე, რომ არ შეიძლება ადამიანმა ორშაბათს დატოვოს თანამდებობა და ნახევრ საათში ახალი გუბერნატორი წარადგინონ... _ მერაბ ჭანუყვაძემ ჯერ კიდევ 20 დღის წინ გააკეთა განცხადება წასვლის შესახებ, მაგრამ მაშინ პრემიერის თხოვნა იყო, რომ დარჩენილიყო და იმის შემდეგ მიდიოდა ამაზე საუბრები.  _ პრემიერმა გვითხრა, რომ მერაბ ჭანუყვაძეს აწინაურებენ. კონკრეტულად, რა თანამდებობაზე გადაგყავთ, შეგიძლიათ, გვითხრათ?  _ ის გადადის თბილისში, ცენტრალურ ხელისუფლებაში. ზუსტი ადგილი ამ დროისთვის არ ვიცი, მაგრამ შემიძლია, გითხრათ, რომ მერაბი რჩება ჩვენი გუნდის წევრად, _ აღნიშნა ჩვენთან საუბრისას სოზარ სუბარმა. შეგახსენებთ, რომ მერაბ ჭანუყვაძე თანამდებობიდან ორშაბათს წავიდა, რის გამოც "ქართული ოცნების" რამდენიმე წევრმა პარტია დატოვა. ჭანუყვაძის წასვლის გამო სოციალურ ქსელში ხელისუფლებას ასობით ადამიანი აკრიტიკებს და აღნიშნავენ, რომ მისი წასვლა დიდი შეცდომაა, რაც პარტიაზე აუცილებლად ... ...
  • გურიის გუბერნატორი: არ მიჭირს ხალხთან ურთიერთობამე არ მიჭირს ხალხთან ურთიერთობა და ყველა კატეგორიის ხალხთან ვითანამშრომლებ, _ განაცხადა გურიის ახალმა გუბერნატორმა ზურაბ ნასარაიამ, რომელმაც მის მოადგილეებს პირველი დავალება მედიის და დარბაზში მყოფების თანდასწრებით მისცა, რომლის თანახმადაც რეგიონში გასვლები უნდა დაიწყონ. მან, ასევე, მოუწოდა მერებს და საკრებულოს თავმჯდომარეებს, რომ 2018 წლის ბიუჯეტი გაიარონ. _ ჩემი თხოვნა იქნება, რომ ვიყოთ ერთი გუნდი,_ აღნიშნა ... ...

არქივი

ზაფრანი

მოგზაურობა ვულკანის კრატერში

მეცნიერები სამართლიანად ითვლებიან ყველაზე ცნობისმოყვარე...

მოგზაურობა დროში - რეალობა თუ მითი

არსებობს უამრავი იდუმალებით მოსილი ისტორი....

რამდენად ხშირად იტყუებიან ზოდიაქოს ნიშნები?

ვერძები იტყუებიან მხოლოდ გადასარჩენად. თუ...

,,ყველაზე", „ყველაზე“ ადამიანები მსოფლიოში

მსოფლიოში არსებობენ ადამიანები, რომლებიც მნიშვნელოვნად...

მოგწონთ თქვენი სახელი?

სახელს დიდი მნიშვნელობა აქვს ადამიანისთვის....

ამერიკელი ინდიელების ცხოვრებისეული ფილოსოფია

როცა უკანასკნელ ხეს მოჭრი, უკანასკნელ...
კარმიდამო ჩემი

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...

გავამდიდროთ ხაჭაპური ჯიჯილაყას ნარევი გულსართით

მცენარე ჯიჯილაყა, იგივე ამარანტი, რომელსაც...

თევზის ფილეს სალათი

ზეთში შემწვარი თევზის ფილე დავჭრათ...

ბერძნული მუსაკა

მასალა: 1 კგ კარტოფილი; 2...

სუსტი განტოტვის დამაგრება

ხეხილის მოსავლიან ბაღებში, ისეთი უხვი...

დავრგოთ ტირიფი შესაფერის გარემოში

გურიაში ტირიფს ბევრგან შეხვდებით. 600-მდე...

პირველ რიგში ჩასატარებელი სამუშაოები აგვისტოში

აგვისტოში, როგორც ბაღ-ვენახებში, ისე, ბოსტნებში...

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...