იცნობს თუ არა მინისტრის მოადგილე სოფლის პრობლემებს

მთავარი თემა

იცნობს თუ არა მინისტრის მოადგილე სოფლის პრობლემებს

2018 ნოე 27 13:23:37

20 ნოემბერს, სოფლის მეურნეობის მინისტრის მოადგილე გელა ხანიშვილი ოზურგეთში იმყოფებოდა, სადაც ჩოხატაურელ და ოზურგეთელ ფერმერებს შეხვდა.

შეხვედრას ესწრებოდნენ გურიის მხარის გუბერნატორი ზურაბ ნასარაია, ოზურგეთის მუნიციპალიტეტის ვიცე-მერი ალექსანდრე სურგულაძე, ოზურგეთის მუნიციპალიტეტის საკრებულოს თავმჯდომარე დავით დარჩია, ოზურგეთის მუნიციპალიტეტის ეკონომიკური სამსახურის და სოფლის მეურნეობის სამინისტროს საინფორმაციო ცენტრის წარმომადგენლები და ჟურნალისტები.

გელა ხანიშვილმა ზოგადად ისაუბრა გურიაში შეღავათიანი კრედიტების და რეგიონში გასახორციელებელი პროექტების შესახებ და თქვა, რომ მხარეში ოთხმოცი მიმართულების პროექტია ჩადებული. ასევე, ისაუბრა თხილის მასიური დაავადების შესახებ, რაც გულის სიდამპლეს ეხება. აღნიშნა, რომ წლევანდელი წელი დადებითი ტენდენციით ხასიათდება _ იყო უხვი მოსავალი ყველა მიმართულებით.

შეხვედრაზე ხვარბეთელმა ფერმერმა, პედაგოგმა მაგული ჯინჭარაძემ ხაზი გაუსვა სოფელში მცხოვრები ხალხის უკიდურესად მძიმე ეკონომიკურ ყოფას:

_ სოფელი არის ქვეყნის განვითარების ხერხემალი და ეს ხერხემალი შუაზე არის გადატეხილი _ ირგვლივ სულ გაჭირვებაზე საუბარი ისმის. მეზობელმა მითხრა, ძროხა უნდა გავყიდო, ჩემთვის არ მაქვს საჭმელი და ძროხას რა ვაჭამოო? ხალხი რომ რვაჯერ ვერ მოწამლავს თხილის თუ მანდარინის პლანტაციას, ამის გაგება ვიღაცას არ სურს. სული ხდება მოსახლეობას გაჭირვებით. მე, პირადად, ციტრუსის მოვლა-მოკრეფა მთლიანი შემოსავლის მიხედვით, კილოგრამზე ორმოცი თეთრი მიჯდება. რაღა დამრჩა? ვისაც დამხმარე ჰყავს სახლში, ცოტა უფრო ნაკლები დაუჯდება, მაგრამ ეს არ არის შეღავათი. აუცილებელია ციტრუსზე ფასის მომატება, ეს კი შეიძლება თბილისის ბაზრის დაცვით _ მთელი თბილისი სხვა ქვეყნების ციტრუსოვნებით არის სავსე. მილიონობით პროდუქციას ვუსაღებთ და ეს მანდარინი მაინც დაგვითმონ.

თხილზე ვინმე დაგვეხმარა? აქ რომ სამი ლარი ღირდა ერთი კილოგრამი და მეზობელ ქვეყანაში _ თორმეტი, ვინმემ შეუშვა იქ ჩვენი გლეხი და გააყიდინა თხილი? გთხოვთ, მთავრობამდე მიიტანოთ ჩვენი თხოვნა _ გაგვითავისუფლეთ თბილისის ბაზარი უცხოური ციტრუსოვნებისგან, _ მიმართა მაგული ჯინჭარაძემ მინისტრის მოადგილეს.

მინისტრის მოადგილემ თავისებური ახსნა მოუძებნა ამ ფაქტს და პასუხად უთხრა, რომ არ შეიძლება მსჯელობა იმაზე, ქვეყანაში უცხო ქვეყნების პროდუქცია არ შემოვუშვათ:

_ ჩაკეტილი რომ ვიყავით, პური რომ ტალონებზე იყო, ის იყო ძალიან ცუდი პერიოდი, _ თქვა მან. თუმცა, როგორც მინისტრის მოადგილეს მაგული ჯინჭარაძემ მიმართა, ის ბაზრიდან სხვა ქვეყნების პროდუქციის გაძევებისკენ კი არ მოუწოდებს ხელისუფლება, არამედ ქართული ციტრუსოვნებისთვისაც ითხოვს ადგილს.

შეხვედრის შემდეგ "გურია ნიუსი" გელა ხანიშვილს ესაუბრა.

_ ბატონო გელა, თქვენ ისაუბრეთ წარმატებულ პროექტებზე, თუმცა, ეს არის ცალკეული ნათელი წერტილები. ზოგადად, სოფელი წელში ვერ გაიმართა.

_ ათას ხუთასი პროექტი გახორციელდა. ეს ცალკეული წერტილებია?

_ თქვენ გამოსვლა იაფ კრედიტზე საუბრით დაიწყეთ _ ფერმერი მხოლოდ სამ პროცენტს იხდის, თერთმეტს კი სახელმწიფო უფინანსებს. ეს პირობები მხოლოდ გარეგნულადაა მომხიბვლელი და ბანკში მისულს კრედიტისთვის ქონებრივ უზრუნველყოფას სთხოვენ, რაც მას არ გააჩნია.

_ აბა, ისე როგორ იქნება?

_ და საამისოდ საჭიროა მიწა ან სახლი ზღვისპირეთში, სოფლის მიწით კი კრედიტის უზრუნველყოფა არ ხდება. შესაძლებელია თუ არა უფრო გამარტივებული ფინანსური მხარდაჭერა?

_ თუ კრედიტი უნდა, მიწაც უნდა ჰქონდეს შესაბამისი ღირებულების.

_ ბატონო გელა, თხილის სიდამპლის მიზეზად კაშხლების მშენებლობასაც ასახელებენ. ამბობენ, რომ ეს ყველაფერი განსხვავებულ მიკროკლიმატს ქმნის, იმატებს ტენიანობა, ირღვევა ბუნებრივი პროცესები და თხილის სიდამპლეც ამან გამოიწვია.

_ ზღვა აქ არის და ეს არ მომხდარა. მე, როგორც დილეტანტი ამ სფეროში, ასე ვიტყვი _ მეტი არ ვიცი...

_ თქვენ თქვით, რომ თხილის სიდამპლის წინააღმდეგ საბრძოლველად სახელმწიფომ ორმოცდაათი მილიონი გამოყო. ხალხი, გაჭირვების გამო, ითხოვს პესტიციდების საყიდლად ფულად დახმარებას. ასევე, პრეპარატების სპეციალიზებულ მაღაზიას, სადაც გამყიდველი კი არა, კონსულტანტი გააცნობს წამლის ავკარგიანობას.

_ ამის შესახებ მე უკვე გესაუბრეთ. რაც შეეხება ერთ ჰექტარზე წლის განმავლობაში პესტიციდის ღირებულებას, სულ ასორმოცდაათი ლარის სჭირდება.

_ ნამდვილად არ ყოფნის ასორმოცდაათი ლარი, თუმცა, ესეც არ აქვს უმრავლესობას.

_ აბა, რამდენი სჭირდება? ვის აქვს გურიაში ერთი ჰექტარ ფართობზე თხილი გაშენებული?

_ მე მაქვს და ჩემ მეზობლებს.

_ ერთ ჰექტარს ჰყოფნის ასორმოცდაათი ლარის პესტიციდი, _ გაიმეორა ხანიშვილმა.

გასაკვირია, რატომ უმტკიცებდა მინისტრის მოადგილე ამას ადამიანებს, ვისაც ერთი ჰექტარი ფართობის შესაწამლად წელიწადში სულ ცოტა, ოთხასი ლარის პესტიციდი დასჭირდა _ რეგიონის მოსახლეობას ასეთ ფასზე ხელი ნამდვილად არ მიუწვდება.

ამასთანავე, როგორც ჩანს, ხანიშვილი ფიქრობს, რომ მცირემიწიან გურიაში მოსახლეობის ძირითად ნაწილს მიწის მცირე ფართობზე აქვს თხილი გაშენებული.

შეხვედრის დასრულების შემდეგ, "გურია ნიუსი" გაესაუბრა მაგული ჯინჭარაძეს, რომელიც აპირებს პრემიერ-მინისტრს განცხადებით მიმართოს.

_ სასწრაფოდ რაღაც უნდა ეშველოს ქართულ სოფელს. დღევანდელი შეხვედრის კმაყოფილი მე არ ვარ. არ შეიძლება, საკუთარი აზრი, როგორც უნდათ, ისე მოგახვიონ თავს. ვიგრძენი, რომ მინისტრის მოადგილემ მხარი არ დამიჭირა. მე სხვა ქვეყნების პროდუქციის განდევნას კი არ ვითხოვ, მინდა, ქართულ მანდარინს, ჩვენს პროდუქციას გაუთავისუფლონ თბილისის ბაზარი. დიდი ეჭვი მაქვს, რომ ამას ისევ ხელისუფლების მფარველობით აკეთებენ. ცოტა პროდუქცია შემოდის უცხოეთიდან? თავისუფალი ვაჭრობა არის ცალმხრივი. მანდარინის გაყიდვა მაინც დაგვანებონ. საქართველო სწორედაც ერთადერთი ქვეყანაა მთელ მსოფლიოში, სადაც ხალხი მუშაობს და არაფერი რჩებათ. ამიტომ დაიცალა ქართული სოფელი. არ გავჩერდები, სანამ პრემიერ-მინისტრამდე არ მივიტან ჩემს სიტყვას _ იმედი მაქვს, რომ "გურია ნიუსი" დამეხმარება ამ საქმეში. ჩვენ არ გვჭირდება დემაგოგიური საუბარი _ ადგილზე მოვიდნენ და გაეცნონ ხალხის ცხოვრებას, _ გვითხრა ქალბატონმა მაგულიმ.




 ახალი ამბები
  • სახურავგადახდილი დარბაზი და წვიმისგან დაზიანებული ინვენტარი _ ვის ეკისრება პასუხისმგებლობალანჩხუთის სპორტულმა  ცენტრმა, დაახლოებით, ერთი თვის წინ გაასაჯაროვა ინფორმაცია საჭიდაო დარბაზ „ფალავანში" სარემონტო სამუშაოების დაწყების თაობაზე. „ლანჩხუთის მუნიციპალიტეტის სპორტული ცენტრის საჭიდაო დარბაზ "ფალავანში", დაიწყო სარემონტო სამუშაოები. იცვლება შენობის სახურავი და მოპირკეთდება გარე ფასადი“ _ სამსახურის ფეისბუქგვერდზე გამოქვეყნებულ ამ მოკლე ინფორმაციას ფოტოებიც მრავლად ერთვოდა, მათ შორის საჭიდაო დარბაზის სახურავახდილი შენობისაც.  მიუხედავად იმისა, რომ ლამის ერთი თვეა გასული ამ შემთხვევიდან,  როგორც მოვლენებმა ცხადჰყო, შენობა ჯერ კიდევ სახურავის გარეშეა, რამაც თავისი საქმე ქნა.   გასული კვირის ბოლოს ლანჩხუთში ხვავრიელად იწვიმა და როგორც ირკვევა,  საჭიდაო დარბაზიც გვარიანად დააზარალა.  სპორტული ცენტრის ჭიდაობის მასწავლებელს,  დავით მჟავიას თუ დავერწმუნებით,  შენობაზე სახურავის არ ქონის გამო რამდენიმე ათასი ლარის ღირებულების ინვენტარია განადგურებული. მწვრთნელი მომხდარში სპორტული ცენტრის დირექციის პასუხისმგებლობის საკითხსაც არ გამორიცხავს. „ასე ბოროტულად და გულგრილად მოექცნენ საჭიდაო დარბაზს, წყალში ტივტივებს საჭიდაო ლეიბები თავისი გადასაფარებლით, რამდენიმე ათასი დოლარის ინვენტარია გაფუჭებული.  ახალ დაგებული იატაკი, კედლები და ჭერიც ჩამორეცხილია და განადგურებული, სუფთა ვანდალიზმი. უმკაცრესად უნდა დაისაჯოს ამის გამკეთებელი, ვინც იქნება - სპორტული სკოლის დირექცია თუ ტენდერში გამარჯვებული სამშენებლო ორგანიზაცია,. ფაქტობრივად, უშანსოდ დაგვტოვეს მოჭიდავეები. 20 სურათი რომ დადო სპორტული ცენტრის დირექტორმა "ფეისბუქზე", სახურავის შეცვლას ვიწყებთო და თავს რომ იწონებდა, ყველაფერი ჩემი ინიციატივითააო, პირველ რიგში, ეს გაეთვალისწინებინა, რომ წვიმის შემთხვევაში, რა მოხდებოდა... ყველამ უნდა აგოს პასუხი!" – საკუთარ პოზიციას ასე აფიქსირებდა მომხდართან დაკავშირებით სპორტული ცენტრის მასწავლებელი. მჟავიასგან განსხვავებით  ლანჩხუთის საჭიდაო დარბაზში შემნილ სავალალო მდგომარეობასთან დაკავშირებით  სპორტული ცენტრის დირექციის პასუხისმგებლობის საკითხს ვერ ხედავს  ჭიდაობის განყოფილების უფროსი, იგი მომხდარზე  პასუხისმგებლობას ტენდერში გამარჯვებულ კომპანიას აკისრებს.  „რა შუაშია აქ სპორტული ცენტრის დირექცია? ტენდერის შემსრულებლებს უნდა გაეთვალისწინებინა ამინდის გარემოება და როგორც ვიცი, ისინი მზად არიან ზარალის ანაზღაურებაზე" - ამბობს  კახა აფხაზავა. საჭიდაო დარბაზის ირგვლივ განვითარებულ მოვლენებთან დაკავშირებით სპორტული ცენტრის ხელმძღვანელობამ  განცხადება გაავრცელა, სადაც ნათქვამია, რომ დაზიანებების გამოსწორების ვალდებულებას სამუშაოების მწარმოებელი ფირმა იღებს. „უამინდობის გამო სარემონტო სამუშაოების მსვლელობისას დარბაზში ჩამოსულმა წვიმის წყალმა ნაწილობრივ დააზიანა დარბაზის კედლები. მიუხედავად ამისა, სამშენებლო ფირმა იღებს ვალდებულებას აღმოფხვრას ყველა ხარვეზი და დარბაზში დღეს შექმნილი ვითარება ათი დღის ვადაში გამოასწოროს. რაც შეეხება ტატამს, ამ დროისთვის თითოეული მათგანი წესრიგშია" - ვკითხულობთ სპორტული ცენტრის მიერ გავრცელებულ ... ...
  • საპენსიო სააგენტოს დირექტორის მოადგილემ მესტიაში საინფორმაციო შეხვედრა გამართადღეს საპენსიო სააგენტოს დირექტორის მოადგილემ მესტიაში საინფორმაციო შეხვედრა გამართა. გიორგი ჭიჭინაძე მუნიციპალიტეტებისა და კერძო კომპანიების წარმომადგენლებს შეხვდა და მათ დაგროვებითი საპენსიო სქემა გააცნო. მენეჯმენტის წევრებმა აღნიშნეს, რომ ჩართულნი არიან სქემაში და რეფორმის შესახებ საკმარისი ინფორმაცია აქვთ. მათი შეკითხვები საინვესტიციო საკითხებს და სანდოობას შეეხო. გიორგი ჭიჭინაძემ მათ დეტალურად აუხსნა სქემის ბენეფიტები, რა ეტაპზეა ახლად ჩამოყალიბებული საინვესტიციო საბჭო და რა მიმდინარე სიახლეებია საპენსიო სააგენტოში. მესტიამდე საპენსიო სააგენტოს დირექტორის მოადგილე ამბროლაურში იმყოფებოდა, სადაც ადგილობრივებისთვის საინფორმაციო ტრენინგი ჩაატარა. ... ...
  • "სპირიდონისნაირ ნაძირლებს რომ ვითმენთ, ამიტომ გვსჯის ღმერთი" _ ბობოხიძე მეუფე სპირიდონზე"მეგონა, რომ სპირიდონი იდიოტი იყო, სამწუხაროდ, შეგნებული პროვოკატორია", — ამ სიტყვებით გამოეხმაურა ევროპული საქართველოს დეპუტატი, აკაკი ბობოხიძე სხალთის მთავარეპისკოპოსის სპირიდონის ქადაგებას TV პირველთან საუბრისას, რომლის მიხედვითაც, ვლადიმერ პუტინის ტყუილი საქართველოს ტერიტორიულ მთლიანობაზე ქართველების ცოდვის შედეგია. "ცოდვები იმდენი რამდენიც აქვს რუსეთს, ალბათ, მსოფლიოს არც ერთ სახელმწიფოს არ მოეძებნება. როგორც ჩანს, მე და სპირიდონს ერთი ღმერთი არა გვყავს. იქნებ, სპირიდონმა მითხრას მისი ღმერთი რატომ არ სჯის ცოდვებისთვის რუსეთს და რა დააშავა ასეთი საქართველომ, რომ ჩვენ გვსჯის? ეტყობა სპირიდონისნაირ ნაძირლებს რომ ვითმენთ, ეგ დააშავა", — განაცხადა აკაკი ბობოხიძემ. სხალთის მთავარეპისკოპოსმა სპირიდონმა თავის ქადაგებაში რუსეთსა და ევროკავშირზე ისაუბრა. ქადაგების ტექსტი ბათუმელებმა გაავრცელა. მეუფე სპირიდონმა თქვა, რომ რუსეთი უფლის გზაზეა და ის პოლიტიკა, რასაც ამ ქვეყნის პრეზიდენტი ვლადიმერ პუტინი ატარებს საქართველოსთან მიმართებაში, უფლის ნაკარნახევია. მისი მთელი ქადაგება სიძულვილის ენის შემცველი იყო. მთავარეპისკოპოსმა სპირიდონმა რუსეთის ლიდერის პოლიტიკა დაახასიათა, როგორც ევროკავშირის "ცოდვილი" პოლიტიკის მთავარი ... ...
  • სკოლებში იაკობ გოგებაშვილის „დედა ენა“ ბრუნდება2019-2020 სასწავლო წლიდან იაკობ გოგებაშვილის „დედა ენა“ სკოლებში ადაპტირებული ვერსიით დაბრუნდება და არსებულ გრიფირებულ სახელმძღვანელოებთან ერთად მნიშვნელოვანი სასწავლო რესურსი გახდება. ამასთან დაკავშირებით ღონისძიება სოფელ ვარიანში პრემიერმინისტრმა მამუკა ბახტაძემ გამართა.  პრემიერის განცხადებით, ახალი სასწავლო წლიდან ყველა პირველკლასელი "დედა ენას" უფასოდ მიიღებს. სახელმძღვანელოს ადაპტირებული ვერსია საქართველოს პარლამენტის ინიცირებითა და საქართველოს განათლების, მეცნიერების, კულტურისა და სპორტის მინისტრის მიხეილ ბატიაშვილის ბრძანებით შექმნილმა ექსპერტთა სპეციალურმა კომისიამ შეიმუშავა და მას ყველა საჯარო სკოლის დაწყებითი საფეხურის მოსწავლე უფასოდ მიიღებს. ქართული საანბანე სახელმძღვანელოს შედგენის იაკობ გოგებაშვილისეულ მეთოდს არამატერიალური კულტურული მემკვიდრეობის ძეგლის სტატუსი 2013 წელს მიენიჭა, ხოლო ეროვნული კატეგორია 2014 წელს განესაზღვრა.  საქართველოს პარლამენტის მიერ მიღებული კანონის საფუძველზე, სამინისტრომ ქართული საანბანე სახელმძღვანელო იაკობ გოგებაშვილისეული მეთოდით მოამზადა. იაკობ გოგებაშვილის „დედა ენის“ მიმართ მაღალი საზოგადოებრივი ინტერესის გათვალისწინებით, შეიქმნა ისეთი სახელმძღვანელო, რომელიც, ერთი მხრივ, ეროვნულ და კულტურულ საფუძველს, ხოლო, მეორე მხრივ კი, სწავლების თანამედროვე მეთოდებს დაეფუძნა. იაკობ გოგებაშვილის „დედაენის“ უკანასკნელი გამოცემის ადაპტირება მოხდა ისე, რომ შენარჩუნდა ავტორის ძირითადი მეთოდები, პრინციპები, მასალა და თანამედროვეობას დაუახლოვდა. არქაული ლექსიკა ნაწილობრივ შეიცვალა, თუმცა ძირითადი ლექსიკა, რაც დღესაც გამოიყენება, სახელმძღვანელოში ... ...
  • საქართველოს გავლით რუსეთში რადიოაქტიური მასალების გატანას ცდილობდნენ - სუს-ისაქართველოს ტერიტორიის გავლით, სომხეთიდან რუსეთის ფედერაციაში  რადიოაქტიური მასალების გატანას ცდილობდნენ. სუს-ის ინფორმაციით, უწყებამ რადიოაქტიური მასალებისადმი უკანონო მოპყრობისა და საბაჟო წესების დარღვევის ფაქტზე სომხეთის მოქალაქე დააკავა.  სახელმწიფო უსაფრთხოების სამსახურმა რადიოაქტიური მასალებისადმი უკანონო მოპყრობისა და საბაჟო წესების დარღვევის ფაქტზე სომხეთის მოქალაქე დააკავა.  სუს-ის ცნობით, გამოძიებამ დაადგინა, რომ ადგილი ჰქონდა სომხეთის მოქალაქის მართვის ქვეშ მყოფი სატვირთო მიკროავტობუსით, საქართველოს ტერიტორიის გავლით, სომხეთიდან რუსეთის ფედერაციაში 4 ფუთაში დაფასოებული ნივთიერება „თორიუმის" გადატანის მცდელობას. "ჩატარებული ექსპერტიზით დადგინდა, რომ აღნიშნული ფუთების საერთო წონაა 71,63 კგ და ისინი შეიცავენ რადიოაქტიურ იზოტოპს "თორიუმ 232", რომელიც მიეკუთვნება ბირთვულ მასალათა კატეგორიას. გამოსხივების დოზის სიმძლავრე ფუთების ზედაპირზე შეადგენდა 18-მდე მიკროზივერტს/სთ. აღსანიშნავია, რომ მაქსიმალური უსაფრთხო სიმძლავრე წარმოადგენს 0,5 მკზტ/სთ. ამოღებული ნივთიერება საშიშია ადამიანის სიცოცხლისა და ჯანმრთელობისათვის. გამოძიების პროცესში დაკავებული იქნა ამოღებული ტვირთის მფლობელი, სომხეთის მოქალაქე მილიტოს მ, რომელსაც ქ. თბილისის საქალაქო სასამართლომ აღკვეთის ღონისძიების სახით შეუფარდა პატიმრობა,"-ნათქვამია განცხადებაში.  გამოძიება რადიოაქტიური მასალების უკანონო მოპყრობისა და გადაზიდვის ფაქტზე მიმდინარეობს (საქართველოს სსკ-ის 230-ე მუხლის 1-ლი ნაწილით და 214-ე მუხლის მე-4 ნაწილით, რაც სასჯელის სახით 5-დან 10 წლამდე თავისუფლების აღკვეთას ითვალისწინებს). გამოძიებას აწარმოებს სახელმწიფო უსაფრთხოების სამსახურის კონტრდაზვერვის დეპარტამენტის საგამოძიებო მთავარი ... ...

არქივი

ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...