კარიერების ირგვლივ ატეხილი სკანდალი კვლავ გრძელდება

მთავარი თემა

კარიერების ირგვლივ ატეხილი სკანდალი კვლავ გრძელდება

2018 მაი 30 18:04:07

კარიერების თემა ოზურგეთის მუნიციპალიტეტში კვლავ აქტუალურია. ბოლო ხანს თითქოს  მოსახლეობაც მიწყნარდა, რადგან რამდენიმე თვე ქვიშა-ხრეშის მოპოვება შეწყდა. თუმცა, მიუხედავად თანამდებობის პირების ხმაურიანი დაჭერებისა, მდინარე ბჟუჟზე ქვიშა ხრეშის მოპოვება კვლავ განახლდა.

ამჯერად პროტესტი ოზურგეთის მუნიციპალიტეტის სოფელ მაკვანეთის მოსახლეობამ გამოხატა. მათ ცენტრალური გზა გადაკეტეს და  112-შიც დარეკეს რეაგირებისთვის. ადგილზე პოლიციის ეკიპაჟები მივიდნენ და მოსახლეობის თქმით, პოლიციის უფროსმა მათ პირობა მისცა, რომ  გზის გახსნის შემთხვევაში, კარიერზე მომუშავე მძიმეწონიანი მანქანები ამ გზით აღარ გაივლიდნენ.

როგორც მოსახლეობა ამბობს, წყლის დონემ ზაფხულში, შესაძლოა, საერთოდ დაიწიოს,  ოზურგეთის მოსახლეობა კი კატასტროფულ მდგომარეობაში აღმოჩნდეს. ამის ერთ-ერთი მთავარი მიზეზი ოზურგეთის მუნიციპალიტეტში ინერტული მასალების უკანონოდ მოპოვებაა. საქმე ეხება ქალაქ ოზურგეთში,  პირველი სათავე ნაგებობის სანიტარულ ზონაში არსებულ,   წყლის მთავარ გამტარ შემკრებ სისტემას, რაც მძიმეწონიანი მანქანების გადაადგილებამ მნიშვნელოვნად დააზიანა და წყლის დეფიციტი გამოიწვია.

_ ინერტული მასალების მოპოვებამ,  წყალშემკრებ აუზებში წყლის ნაკლებობა გამოიწვია. შესაბამისად, ეს  მოსახლეობისთვის სასმელი წყლის მიწოდებაზეც აისახა, გარდა ამისა, მდინარემ შეიცვალა კალაპოტი,  აქვე არის იმის საშიშროება, რომ განვითარდეს ეროზიული პროცესები, რადიკალურად შეცვლილია ეკოლოგიური სიტუცია. ჩვენი პროტესტის მიზეზი კი  გზაზე ქვა-ღორღით დატვირთული 30-ტონიანი მანქანების მოძრაობაა, -ამბობენ აქ მცხოვრებლები. მათ  მძიმეწონიანი მანქანების გადაადგილებას კიდევ ერთხელ შეუშალეს ხელი. მსგავსი საპროტესტო აქცია ოზურგეთის მუნიციპალიტეტში ბოლო წლების განმავლობაში მრავალჯერ გაიმართა.

როგორც ადგილობრივები "გურია ნიუსთან" ამბობენ,  სატვირთო მანქანები მთელი ღამის განმავლობაში მოძრაობენ, რის გამოც  საცხოვრებელ სახლებს ბზარები გაუჩნდა, დაშრა ჭებიც, არის ხმაური და მტვერი.

მოსახლეობა შეშფოთებულია და წუხილს გამოთქვამს. ისინი ხმამაღლა აპროტესტებენ პრობლემას და ამბობენ, რომ თუ სახელმწიფო ერთხელ და სამუდამოდ  არ მოაგვარებს და არ შეაჩერებს სატვირთო ავტომანქანების გადაადგილების პროცესს, ისევ გადაკეტავენ ცენტრალურ გზას, მოაწყობენ აქციებს, რაც მნიშვნელოვნად უარყოფითად აისახება ხელისუფლებაზე.

აღნიშნული სოფლის მოსახლეობამ ოფიციალური წერილი ჯერ კიდევ გარემოსა და ბუნებრივი რესურსების დაცვის სამინისტროში გარემოსდაცვითი ზედამხედველობის დეპარტამენტს  ჯერ კიდევ 2016 წელს გააგზავნეს:

_ სოფელი მაკვანეთი მდებარეობს ოზურგეთის მუნიციპალიტეტის მდინარე ბჟუჟის ნაპირზე, ამავე მდინარის მარჯვენა ნაპირზე მდებარეობს სოფელი კვირიკეთი, ბჟუჟი მთის მდინარეა და მთაში წვიმის დროს მყისიერად იცის ადიდება, ამ დროს იგი ასჯერ უფრო წყალუხვი ხდება, მოაქვს უზარმაზარი ქვები და ხეები. წყლის ამგვარმა ადიდებამ არაერთხელ დააზარალა მოსახლეობა, წაართვა სასოფლო-სამეურნეო მიწები, პირუტყვი და ა.შ.

2016 წელს მდინარე ბჟუჟის კალაპოტში დაიწყო ქვიშა-ხრეშის მოპოვებითი სამუშაო, რის შემდეგაც ორივე სოფლის მოსახლეობამ მოსვენება დავკარგეთ, ტრაქტორები არ ჩერდება _ დღისით და ღამით გამუდმებით მუშაობენ, ამით გამოწვეული ხმაური არც ღამე გვაძინებს და ვერც ბავშვებს ვუშვებთ გარეთ, სახლები დაგვებზარა და ყველაზე მთავარი _ დაშრა ჭები.

ყველაზე დიდი დანაშაული ის არის, რომ ტრაქტორები მდინარეში ღრმად ჩადიან და პირდაპირ მდინარის კალაპოტში მუშაობენ. მიგვაჩნია, რომ არაკანონიერად ხდება ქვიშის მოპოვება.

წელიწადის ასეთ დროს ჭებში წყლის დონის ასე მკვეთრად დაცემა არასდროს გვქონია. კალაპოტის ასე დაღრმავება, წყალდიდობის პერიოდში, მის განსაკუთრებულ აჩქარებას იწვევს და საფრთხე ექმნება ორი სოფლის მოსახლეობას.

კომპანია, რომელიც ეწევა ქვიშა-ხრეშის მოპოვებას, არ ასრულებს ლიცენზიის პირობებს, _აღნიშნულია წერილში, რომელსაც 20 ოჯახი აწერს ხელს.

ოფიციალური დოკუმენტებზე დაყრდნობით, რომელიც სოფელ მაკვანეთის მოსახლეობამ გადმოგვცა, ირკვევა,  რომ ქვიშა ხრეშს 2020 წლის ჩათვლით აღნიშნულ ტერიტორიაზე შპს “ორიონი“,  ასევე  2020 წლამდე გაცემული აქვს ლიცენზია შპს   “ორბი ბეტონს “ და ასევე შპს “გზამშენს“ .

“გურია ნიუსს“ მაკვანეთში მცხოვრებლებმა: ცირა ვასაძემ, მანანა ბაბილოძემ, ნინო დოლიძემ, ინგა მურუსიძემ, მაია გოგოტიძემ მიმართეს და დახმარება სთხოვეს.

  _ მოსახლეობა კატასტროფულ მდგომარეობაში აღმოჩნდა. არ მოგვეწოდება წყალი. ამის ერთ-ერთი მთავარი მიზეზი ოზურგეთის მუნიციპალიტეტის სოფელ მაკვანეთში  ინერტული მასალების უკანონოდ მოპოვებაა: 

_არაკანონიერებით, უნებართვოდ ხდება ქვა-ღორღის გატანა,  დაშრა მდინარე ბჟუჟი, საშიშროება ელოდება მაკვანეთის ხიდს, იგი ავარიულ მდგომარეობაშია,  გადავკეტეთ ცენტრალური გზა კიდევ ერთხელ და პოლიციის უფროსმა გვითხრა, ოღონდ დღეს გახსენით და პასუხისმგებელი ვართ, აღარ გაივლიანო. ჩვენ აქ ერთ ურემ ქვიშას ვერ ამოვიღებთ, ჯარიმას გადაგვახდევინებენ და ამათ რატომ აქვთ ამხელა უფლებები? _ ამბობს მოსახლეობა.

ოზურგეთის მუნიციპალიტეტის მერიაში აღნიშნულთან დაკავშირებით ასეთ კომენტარს აკეთებენ:

_ მოგეხსენებათ, კარიერებზე ლიცენზიას მუნიციპალიტეტები არ გასცემენ. ქვა-ღორღისა და ინერტული მასალების მოპოვების პროცესმა ოზურგეთის მუნიციპალიტეტის რიგ სოფლებში პრობლემები შექმნა. მუნიციპალიტეტისთვის ეს აქტუალური და მტკივნეული პრობლემაა. ჩვენ მაქსიმალურად ვეცდებით მოსახლეობის ინტერესების დაცვას და აღნიშნული საკითხების მოსაგვარებლად  შესაბამის უწყებებთან თანამშრომლობას.

ოზურგეთის მუნიციპალიტეტში ინერტული მასალების მოპოვების კანონიერება სუს-ის ანტიკორუფციული სამსახურმა შეისწავლა.

 “გურია ნიუსის“ წყაროს ინფორმაციით,  წიაღისეულის უკანონოდ მოპოვების გარდა, საზოგადოება არარსებულ ფირმებზეც საუბრობს, რის მიხედვითაც ე. წ. “კაი ბიჭებს“ ყოველგვარი საშემოსავლოს და დღგ-ს გადახდის გარეშე გაჰქონდათ ქვიშა-ხრეში გადამყიდველებთან, რომლებიც ლიცენზირებული კომპანიებისა თუ ინდმეწარმეების სახელით მოქმედებდნენ.

რამდენიმე დღის წინ სახელმწიფო უსაფრთხოების სამსახურის ანტიკორუფციული სააგენტოს და გარემოს დაცვისა და სოფლის მეურნეობის სამინისტროს თანამშრომლებმა, ერთობლივად ჩატარებული ოპერატიულ-სამძებრო და საგამოძიებო მოქმედებების შედეგად, ქრთამის მიცემის ფაქტზე მოქალაქე ვაჟა გ. დააკავეს. გამოძიებამ დაადგინა, რომ ვაჟა გ-მ ლიცენზიით გათვალისწინებული კონტურის გარეთ, ინერტული მასალების უკანონოდ მოპოვებაში დახმარებისა და მფარველობის სანაცვლოდ გარემოს დაცვისა და სოფლის მეურნეობის სამინისტროს საქვეუწყებო დაწესებულება გარემოსდაცვითი ზედამხედველობის დეპარტამენტის აჭარისა და გურიის რეგიონული სამმართველოს გურიის გარემოსდაცვითი პატრულირებისა და სწრაფი რეაგირების განყოფილების მეორადი სტრუქტურული ერთეულის უფროსის მოვალეობის შემსრულებელს ალექსი გ-ს ქრთამის სახით 10 000 ლარი შესთავაზა.

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა ვაჟა გ. შეთავაზებული ქრთამის ნაწილის _ 3000 ლარის გადაცემის მომენტში ბრალდებულის სახით დააკავეს.

აღსანიშნავია, რომ ეს პირველი დაკავება არ არის _ მიმდინარე წლის 29 მარტს, საქართველოს სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების  შედეგად, გარემოს დაცვისა და სოფლის მეურნეობის სამინისტროსთან  თანამშრომლობით, სამსახურებრივი უფლებამოსილების ბოროტად გამოყენებისა და სამსახურებრივი სიყალბის ფაქტებზე,  გარემოსდაცვითი ზედამხედველობის დეპარტამენტის დასავლეთის რეგიონალური სამმართველოს გურიის გარემოსდაცვითი პატრულირებისა და სწრაფი რეაგირების  განყოფილების თანამშრომლები:  გენო ქ., ემზარ ც., მამუკა ა., ირაკლი ხ. და რამაზ კ. დააკავეს.

გამოძიებამ დაადგინა, რომ გურიის გარემოსდაცვითი პატრულირებისა და სწრაფი რეაგირების  განყოფილების თანამშრომლებს: გენო ქ-ს, ემზარ ც-ს, მამუკა ა-ს,  ირაკლი ხ-ს  და რამაზ კ-ს., საჯარო  ინტერესის საწინააღმდეგოდ, დანაშაულებრივად დაუკავშირდნენ სხვადასხვა კომპანიების წარმომადგენლები და მათ სამოქმედო ტერიტორიაზე, უკანონო ქმედების ჩადენის შედეგად, მატერიალური გამორჩენის მიღების მიზნით შეუთანხმდნენ, რომ მოახდენდნენ ინერტული მასალის - ქვიშა-ღორღის ლიცენზიის გარეშე მოპოვებას. გენო ქ-მ,  ემზარ ც-მ, მამუკა ა-მ, ირაკლი ხ-მ, და რამაზ კ-მ, 2017-2018 წლებში არ განახორციელეს კანონით გათვალისწინებული მათზე დაკისრებული მოვალეობები და აღნიშნული კომპანიების წარმომადგენლების უკანონო ქმედებებში მხილებისა და სადამსჯელო ღონისძიებების ნაცვლად, თავისი უმოქმედობით და ყალბი დოკუმენტების შედგენის შედეგად, საშუალება მისცეს იმავე კომპანიების წარმომდგენლებს, მოეხდინათ დიდი ოდენობით ინერტული მასალის, ქვიშა-ღორღის ლიცენზიის გარეშე მოპოვება, რამაც სახელმწიფოს კანონიერი ინტერესის არსებითი დარღვევა გამოიწვია.

2018 წლის 29 მარტს გენო ქ. ემზარ ც.,  მამუკა ა., ირაკლი ხ. და რამაზ კ. დაკავებული იქნენ  ბრალდებულის სახით.

ამ შემთხვევაში გამოძიება სამსახურებრივი უფლებამოსილების ბოროტად გამოყენების და სამსახურებრივი სიყალბის ფაქტებზე მიმდინარეობს (საქართველოს სსკ-ის 332-ე მუხლის პირველი ნაწილით და 341 მუხლით), რაც სასჯელის სახით ითვალისწინებს თავისუფლების აღკვეთას ოთხ წლამდე ვადით.

მაკვანეთის მოსახლეობამ, ასევე, გვაცნობა, რომ ოზურგეთის მერთან აპირებდნენ შეხვედრას, სადაც იმ კომპანიის წარმომადგენლებიც იქნებოდნენ, რომლებიც ამჟამად აღნიშნული ტერიტორიიდან ქვიშა-ხრეში გააქვთ.

ერთ-ერთი  მათგანი ოზურგეთის მუნიციპალიტეტის სოფელ მაკვანეთში მცხოვრები კობა ჭანუყვაძეა, რომელიც ამბობს, რომ ის ყველაფერს კანონის ფარგლებში აკეთებს. მისივე თქმით, აქ ლიცენზირებულმა კომპანიებმა უკვე გაყიდეს ლიცენზია. ინერტული მასალა მაკვანეთში არსებული კარიერიდან გააქვს, ასევე, ბესიკ სარიშვილს, რომელიც ამბობს, რომ ის ლიცენზირებული კომპანიიდან, შპს “ჯორჯიან მინერალსიდან" ყიდულობს ეტაპობრივად.

_ არაფერი ხდება საგანგაშო, არაკანონიერი როგორაა, ლიცენზია გვაქვს. ეტაპობრივად ვყიდულობთ აღნიშნული კომპანიიდან, ხან 5 000 კუბს, ხან _ მეტს, რა თქმა უნდა, ვაპირებთ, რომ ისევ გავიტანოთ, მაგრამ არა დიდი მანქანებით, ისეთით, რომელიც გზას არ დააზიანებს. გამოიკვლიეს ყველაფერი,  წყალზე დასკვნაც დაიდო. იყო დიდი პრობლემა წყალთან დაკავშირებით. გარემოს დაცვა დღეში სამჯერ დარბის და  არაკანონიერად რას გავაკეთებთ? კომპანია შპს „ჯორჯიან მინერალსიდან გაგვაქვს ქვა-ღორღი. ადგილზე ვამუშავებთ და ვყიდით. ხელშეკრულება დადებული გვაქვს  მომხმარებელთან, რომელსაც უნდა მივაწოდოთ. სახელმწიფო იხმარს ამას, სახლში არ მიგვაქვს. მოსახლეობა გამოდის და გზას გვიკეტავენ, ჩვენ რა შუაში ვართ?

მერთან, ჯერჯერობით, შეთანხმებისთვის არ მიგვიღწევია.  არც ჩვენ უნდა დავზარალდეთ და არც მოსახლეობა იყოს უკმაყოფილო, _ ამბობს სარიშვილი.

ოზურგეთის მუნიციპალიტეტის მაკვანეთში მდინარე ბჟუჟას კალაპოტში ჰიდროლოგიური კვლევის შედეგად ჩატარებული  დასკვნაში, რომელიც შპს “ჯორჯიან მინერალს“-ის მიერ მოწვეულმა  სპეციალისტმა დადო, აღნიშნულია:  „გრუნტის გზის ექსპლოატაცია, რომელიც მდებარეობს სოფელ მაკვანეთის მიმდებარედ, მდინარე ბჟუჟის ჭალაში, მასზე მძიმე ავტომობილების გადადგილება არ გამოიწვევს მდინარის ზედაპირული და მიწისქვეშა მდგენელების და მიმდებარე ჭალების ბუნებრივი ჰიდროლოგიური რეჟიმის ცვლილებას, გზის ექსპლოატაცია არ გამოიწვევს უარყოფით გავლენას წყალსადენის წყალშემკრებ გალერეებში წყლის რაოდენობრივ მახასიათებლებზე“.




 ახალი ამბები
  • სოფელ ჭველეში გაჩენილ ხანძარს მსხვერპლი მოჰყვაჯვარში, სოფელ ჭველეში, საცხოვრებელ სახლში გაჩენილ ხანძარს 75 წლის მამაკაცი ემსხვერპლა. საგანგებო სიტუაციების მართვის სამსახურს ინფორმაციით, ცეცხლი ორსართულიან საცხოვრებელ სახლში გაჩნდა _ დამწვარია 130 კვ.მ ფართობი. ადგილზე მუშაობდა 3 სახანძრო-სამაშველო ჯგუფი. საგანგებო სიტუაცების მართვის სამსახურის ცნობით, ხანძარი უკვე ... ...
  • პოლიციამ რუსთავში ნარკოდანაშაულისთვის 3 პირი დააკავაშინაგან საქმეთა სამინისტროს ქვემო ქართლის პოლიციის დეპარტამენტის რუსთავის რაიონული სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, ნარკოდანაშაულისთვის დააკავეს: 1983 წელს დაბადებული, წარსულში მრავალგზის ნასამართლევი თ.ჩ., და ასევე, წარსულში ნასამართლევი, ამჟამად პირობითი მსჯავრის ქვეშ მყოფი ორი პირი - 1968 წელს დაბადებული თ.პ. და 1986 წელს დაბადებული ზ.ქ.. დანაშაული 5-დან 8 წლამდე ვადით თავისუფლების აღკვეთას ითვალისწინებს. სამართალდამცველებმა, თ.ჩ.-ს პირადი ჩხრეკისას, ნარკოტიკული საშუალება „ჰეროინი“ ამოიღეს. პოლიციამ თ.პ.-ს და ზ.ქ.-ს პირადი და საცხოვრებელი სახლის ჩხრეკისას კი ნივთმტკიცებად ამოიღო „ამფეტამინის“ და „მეტამფეტამინის“ შემცველი ნარკოტიკული საშუალება, რომელიც მათ პირადი მოხმარებისთვის ჰქონდათ გამზადებული. გამოძიება დიდი ოდენობით ნარკოტიკული საშუალების უკანონო შეძენა-შენახვის და ნარკოტიკული საშუალების არაერთგზის შეძენა-შენახვის ფაქტებზე, საქართველოს სსკ-ს 260-ე მუხლის მე-3 ნაწილის „ა“ და „დ“ ქვეპუნქტებით ... ...
  • "ევროპული საქართველო" და "თავისუფალი დემოკრატები" გაერთიანდნენ „ევროპული საქართველო“ და „თავისუფალი დემოკრატები“ საარჩევნო ბლოკში გაერთიანდნენ. ამის შესახებ დღეს, პარტიების მიერ ერთობლივად გამართულ ბრიფინგზე გახდა ცნობილი. როგორც ბრიფინგზე ითქვა, გაერთიანებული პარტიები, მთაწმინდის მაჟორიტარულ ოლქში, პარლამენტის შუალედურ არჩევნებში შალვა შავგულიძის კანდიდატურას წარადგენენ. მთაწმინდაზე შუალედური არჩევნების დანიშვნის მიზეზი საქართველოს პრეზიდენტ სალომე ზურაბიშვილისთვის სადეპუტატო უფლებამოსილების შეწყვეტა გახდა, რომელიც მეცხრე მოწვევის პარლამენტში მთაწმინდის ოლქის დამოუკიდებელი მაჟორიტარი დეპუტატი იყო. შუალედური არჩევნები 19 მაისს ... ...
  • თალაკვაძე: არ ვფიქრობ, რომ კვაჭანტირაძის მიმართ გადაწყვეტილება ტექნიკური ხარვეზებით იყო განპირობებულიპირდაპირ ვიტყვი, არ ვფიქრობ, რომ ზვიად კვაჭანტირაძის მიმართ გადაწყვეტილება ტექნიკური ხარვეზებით იყო განპირობებული, – განაცხადა საპარლამენტო უმრავლესობის ლიდერმა, არჩილ თალაკვაძემ პირველი არხის გადაცემაში „მოამბე-დღის თემა“. „შესაძლოა, ერთი-ორმა ადამიანმა არასწორად გაიგო პროცედურა და ეს მერე იუმორის საგანი გახდა. თქვენთან ერთად, მეც შემიძლია, ამას იუმორით შევხედო, მაგრამ თვითონ გადაწყვეტილება ნამდვილად არ აიხსნება იმით, რომ აქ რაღაც ტექნიკური გლობალური ხარვეზი იყო, როდესაც ხმები არასაკმარისი აღმოჩნდა გადაწყვეტილების მისაღებად“, – განაცხადა თალაკვაძემ. ამ განცხადებით არჩილ თალაკვაძემ გადაცემის წამყვანის შეკითხვას უპასუხა, რა მოხდა რეალურად, რატომ დასრულდა ზვიად კვაჭანტირაძის გადაყენების პირველი მცდელობა უშედეგოდ და ზოგადად, არის თუ არა მმართველი გუნდისთვის დამაფიქრებელი ეს ფაქტი, რომ ყოფილი თანაგუნდელის გადაყენების პროცესი ასეთი მარტივი არ აღმოჩნდა. მისი თქმით, დღეს, სასამართლო პროექტთან დაკავშირებით გადაწყვეტილება უმრავლესობამ მაღალი მხარდაჭერით და მყარი უმრავლესობით მიიღო, გუშინ კი, ზვიად კვაჭანტირაძის გადაყენებასთანდაკავშირებით უმრავლესობამ ასეთი გადაწყვეტილება ვერ მიიღო. „ეს გვეუბნება შემდეგს, რომ როდესაც საქმე ჩვენს ყოფილ თანაგუნდელს ეხება, ვისთანაც პარლამენტის წევრების ნაწილს, ჩვენს თანაგუნდელებს წარსული სამუშაო გამოცდილება, ადამიანური ურთიერთობები და გარკვეული ემოციები აკავშირებს, როდესაც დღის წესრიგში იყო ადამიანური ფაქტორი და ადამიანური საკითხი, ვნახეთ, რომ რეაქცია განსხვავებული იყო. გუნდის დიდმა ნაწილმა დაუჭირა ამას მხარი, გარკვეულმა ადამიანებმა კი არა და მე სწორედ ამით ვხსნი ამ გადაწყვეტილების შედეგებს“, – განაცხადა თალაკვაძემ. თამთა სანიკიძის შეკითხვაზე, რამდენად გამართლებული იყო საპარლამენტო ტრიბუნიდან ყოფილი თანაგუნდელის მისამართით ის, როცა ზვიად კვაჭანტირაძეს კომიტეტის თავმჯდომარედ მუშაობის ხარისხი დაუწუნეს და თუ ასეთი პრეტენზიები მართლაც არსებობდა, რატომ გამოითქვა ის გუშინ და არა უფრო ადრე, არჩილ თალაკვაძემ განაცხადა, რომ კომიტეტის საქმიანობა შეიძლება, შეფასების საგანი გახდეს, ამაში არალეგიტიმურს ვერაფერს ხედავს და პარლამენტის თავმჯდომარეს თავის არგუმენტებში ეთანხმება, მაგრამ აქ არის მეორე საკითხიც. „მე პირადად მიმაჩნია და ამ შემთხვევაში მაგალითად, ასე მოვიქცეოდი – როდესაც კონკრეტულ თანამდებობაზე უმრავლესობის მიერ ხარ წარდგენილი და ჩამოყალიბებულია პოლიტიკური ტრადიცია, რომ ამ თანამდებობებს უმრავლესობა აკომპლექტებს, როცა ამ დროს ტოვებ უმრავლესობას, პარტიას, გუნდს და ამას საჯაროდ და შემდეგ, ოფიციალური განცხადებით აკეთებ, ვფიქრობ, სწორი გადაწყვეტილება ისაა, ის თანამდებობაც დატოვო, რომელზეც უმრავლესობის გუნდმა წარგადგინა. ასე რომ, საბოლოოდ რა შედეგიც დადგა, ვფიქრობ, თავიდანვე იქნებოდა უპრიანი, ასეთი გადაწყვეტილება ყოფილიყო მიღებული. ეს კენჭისყრა და დისკუსია, რომელიც წარმოიშვა, სადაც თქვენ ამბობთ, რომ გარკვეული უხერხულობებიიყო, ზუსტად ამან გამოიწვია, მაგრამ საბოლოოდ, ვფიქრობ, პროცესი იმ შედეგით დასრულდა, რომელიც ლოგიკური და სამართლიანი იყო“, – განაცხადა არჩილ თალაკვაძემ. ... ...
  • სამართალდამცველებმა ბათუმში განსაკუთრებით დიდი ოდენობით „მეტადონი“ ამოიღესშინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, 1981 წელს დაბადებული გ.შ. დააკავეს. დანაშაული 8-დან 20 წლამდე ან უვადო თავისუფლების აღკვეთას ითვალისწინებს. სამართალდამცველებმა, დაკავებულის პირადი ჩხრეკისას, 50 აბი „მეტადონი“ ნივთმტკიცებად ამოიღეს. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, საქართველოს სსკ-ს 260-ე მუხლის მე-6 ნაწილის „ა“ ქვეპუნქტით ... ...

არქივი

ზაფრანი

ეს „მახინჯი“ ეიფელის კოშკი

პარიზში ეიფელის კოშკის მშენებლობის დაწყებისას...

ლონდონური „ექსპერიმენტი“

ცოტა ხნის წინ, ქალაქ ლონდონის...

„ახალბედა მწერალი“

ცნობილმა მსახიობმა მეთიუ მაკკონაჰიმ ცოტა...

“უცნაური” ვარსკვლავები

ნებისმიერ პიროვნებას გარკვეული უცნაურობები ახასიათებს...

ადამიანის თვალის უსაზღვრო ხედვა

ამერიკელმა მკვლევარებმა დააფიქსირეს, რომ ადამიანის...

ინტერპოლი ეძებს კატას

რამდენიმე დღის წინ გამოცემამ „The...
კარმიდამო ჩემი

ჟოლო გახდომაში დაგეხმარებათ

ჟოლოს ერთდღიანი დიეტა ორგანიზმს შლაკებისა...

თაფლი მხედველობას აუმჯობესებს

დღეისათვის კომპიუტერთან მუშაობა ჩვეულებრივ ამბად...

თხილის მცენარის დაავადებათა აფეთქება

თხილის დაავადების აფეთქებას ჩვენში მოსახლეობა...

მეფუტკრე და ადრიანი გაზაფხული

გაზაფხულის დადგომისთანავე განსაკუთრებული ყურადღება უნდა...

თხილის დამღუპველ დაავადებას წლევანდელი თბილი ზამთარი ეხმარება

თხილის კულტურას რომ ყოფნა-არყოფნის საფრთხე...

მოვამზადოთ სათესლე მასალა და დახურულ გრუნტში დავთესოთ

სხვადასხვა ბოსტნეულის დათესვა, უმჯობესია, თებერვლის...

სანამ გაგრძელდება მშრომელი ხალხის აბუჩად აგდება?

საქართველოში, დამოუკიდებლობის გამოცხადების შემდეგ, ჩვენ,...

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...