ხალხის არჩევანი და ხელისუფლების პასუხი მოსახლეობასთან დაახლოების ლაიტმოტივით

მთავარი თემა

ხალხის არჩევანი და ხელისუფლების პასუხი მოსახლეობასთან დაახლოების ლაიტმოტივით

2018 ნოე 5 11:55:14

საპრეზიდენტო არჩევნების პირველი ტური ოზურგეთში მშვიდ ვითარებაში ჩატარდა _ "ქართულის ოცნების" მხარდაჭერილმა კანდიდატმა სალომე ზურაბიშვილმა, ხმების 46%-ზე მეტი მიიღო, ხოლო გაერთიანებული ოპოზიციის კანდიდატმა, გრიგოლ ვაშაძემ 20%-ზე მეტი.

მაგალითად, სოფელ ბახვის სამივე უბანი, შრომის ერთი უბანი, ძიმითი, ნასაკირალის და ჭანიეთის, ნარუჯისა და ლაითურის ერთი უბანი ვაშაძემ ზურაბიშვილს მოუგო. "გურია ნიუსი" დაინტერესდა იმ სოფლების ნაწილის მისაზრებით, რომლის მცხოვრებლებმა მხარი ოპოზიციის კანდიდატს დაუჭირეს.

ქალაქ ოზურგეთის ავტოსადგომში სოფელ ძიმითისკენ მიმავალ მიკროავტობუსში 6 მგზავრი იჯდა. ჩვენ ყველა მათგანს ვკითხეთ იმ არჩევნის შესახებ, რომელიც სოფელმა 28 ოქტომბერს გააკეთა.

"მე არ შემეკითხო, ქალები უფრო გეტყვიან", _ გვითხრა დაახლოებით 50 წლის მამაკაცმა.

პირველი მოსაზრება ახალგაზრდამ ქალმა გამოთქვა: "მიზეზი ძალიან ადვილი ამოსაცნობია _ ძალიან მძიმე სიტუაცია სოფლებში, თხილი არ არის და სიმინდი, საშინელება ხდება და რატომ უნდა გაემარჯვა მთავრობის მიერ მხარდამჭერ კანდიდატს? ერთი ტომარა პურის ფქვილი არ გაუცია "ქართული ოცნებას".

ჩვენს კითხვაზე, მთავრობას რატომ უნდა დაერიგებინა ფქვილი, ახალგაზრდამ ქალმა გვიპასუხა:

"აბა, ვინ უნდა გასცეს დახმარება?! მარტო არჩევნების დროს ვახსენდებით. ცოტათი, რომ დაეხმარონ ხალხს, არ შეიძლება? ბიძინას ხმა იმიტომ მივეცით, ფულიანი იყო და მისი მთავრობის წარმომადგენლები ზედმეტ პრემიებს და დანამატებს არ აიღებდნენ, მაგრამ ამათ უფრო მეტი ფული დასჭირდათ. 2-ტონიან სათხილეში ვერაფერი ავიღე და დავრჩით მშივრები".

საუბარში კიდევ ერთი ქალი ჩაერთო:

"ეს ფაროსანები კიდე ცალკე თემაა. საქონლებს ბრუცელიოზი გაუჩნდა, ღორებს _ ღორის გრიპი, ფაროსანამ თხილი მოსპო და ვცხოვრობთ ჰაერზე. საზღვარგარეთით გვიდგას სული _ რომ მოხვიდეთ ძიმითში, თითქმის ყველა მეორე ოჯახის წევრი უცხოეთშია წასული".

"გეიგონე? ამან თქვა ჩემი სათქმელი. გვენატრება ცოლი, შვილი, შვილიშვილები... აგია ცხოვრება?! მე ცოლის სურათი მიკიდია სახლში და რომ მომენატრება, იმას ვუყურებ. ხან სად არის და ხან _ სად. მუშაობს და ერთმანეთი გვენატრება. მძიმე ცხოვრება გვაქვს _ ძირითადი პრობლემა უმუშევრობაა. ხალხი უნდა დაასაქმონ და ფაბრიკა-ქარხნები გახსნან. ვერტფრენით რომ დადის აქეთ-იქეთ, გადმომიგდოს რამე. გავუყოფ მეზობლებსაც და ცოტა ამოვისუნთქავთ", _ საუბარში ის მამაკაცი ჩაერთო, რომელმაც ქალებს გადასცა ტრიბუნა.

"როგორი პრეზიდენტიც არ უნდა გვყავდეს, ჩემი მარჯვენის გარდა, არავინ არაფერს მომცემს. ამ ბოლო დროს ვერც ჩემი მარჯვენითაც ვერ შემოვიტანე ოჯახში ვერაფერი. არ მინდა წარმოვიდგინო როგორი ზამთარი გვექნება", _ თქვა შუა ხნის ქალმა.

ძიმითელებთან საუბრის შემდეგ სოფელ შრომის მიკროავტობუსშიც შევიხედეთ _ სოფლის მცხოვრებლები საკუთარ პრობლემებზე გვესაუბრნენ:

"ამ ოზურგეთში ყველა მოსახსნელია. სახლში არ იცხოვრება, ისეთი მდგომარეობა მაქვს და არავინ არ მეხმარება. დამპირდნენ, დაგეხმარებითო, მაგრამ დღეს არ იყო მერი სამსახურში და ვერ გავიგე, რას მიპირებენ. ასე უნდა ვიარო გამგეობაში თითქმის ყოველდღე, მაგრამ ასე უყურადღებოდ სანამდე შეიძლება?

გზა და გაზი არ გვაქვს. ახლა გვითხრეს, გაზის შემოყვანა დაიწყებაო, მაგრამ კონკრეტული არაფერი ვიცით. ხალხს მეტი ყურადღება ჭირდება და არა არაფრის მომცემი დაპირებები";

"მეზობელს სახლთან მისასვლელი ხიდი ჩაენგრა სტიქიის დროს. დახმარებას დაპირდნენ, მაგრამ არ დაეხმარნენ. ოჯახი კუნძულზე დარჩა და კიდევ ხმებს ეს ითხოვს ეს მთავრობა. სოფელში ისეთი გზაა, რომ გზის რაღაც მონაკვეთზე მძიმეწონიანი ადამიანები ჩამოდიან ავტობუსიდან, რომ სოფლამდე მივაღწიოთ";

"21-ე საუკუნეში პურის მარცვალს ყიდულობენ და იმას ფრვავენ, რომ პური გამოაცხონ. გვპირდებიან რომ გზაც გაკეთდება და გაზიც შემოვა, მაგრამ ასე ხდება ყოველი არჩევნების წინ. ერთხელ და სამუდამოდ ხომ უნდა მიხედონ ხალხს და არა მხოლოდ საკუთარ თავს? მერე  უკვირთ, რატომ ვერ მოიგეს შრომის ერთ-ერთი უბანი ან სხვა უბნები. ყველგან ერთნაირი სიტუციაა".

ოზურგეთის საკრებულოს და უმრავლესობის წევრი მარიკა ჩხიკვიშვილი "გურია ნიუსთან" ამბობს, რომ პრობლები ბევრია:

"ვფიქრობ, რომ საზოგადოებისგან ეს არის გზავნილი, რომ  ქვეყანაში ბევრი რამ შესაცვლელია. აუცილებლად გასაუმჯობესებელია კომუნიკაცია მოსახლეობასთან. ვფიქრობ, ხალხი მეორე ტურში აუცილებლად  გააკეთებს სწორ არჩევანს და მხარს დაუჭერს "ქართული ოცნების" მიერ მხარდაჭერილ კანდიდატს".

ამ ფონზე ადგილობრივი ხელისუფლება მოსახლეობასთან შეხვედრებს იწყებს. ოზურგეთის მუნიციპალიტეტის საკრებულოს ინიციატივით,  2019 წლის ბიუჯეტის დამტკიცებამდე, ყველა სოფელში უნდა მოხდეს პრიორიტეტების გაცნობა და ამ საქმეში მოსახლეობის ჩართულობა. ამის შესახებ ოზურგეთის საკრებულოს სხდომათა დარბაზში სივრცით-ტერიტორიული  დაგეგმარების და ინფრასტრუქტურის კომისიის თავმჯდომარემ ლავრენტი ბიგვავამ ისაუბრა:

"2019 წლის ბიუჯეტი თქვენი აქტიურობის გარეშე არ უნდა შედგეს, რომ კარგად დაიგეგმოს. ზუსტად უნდა მოხდეს იმ პრობლემების გადაწყვეტა, რაც აწუხებს ხალხს. ამისთვის, უნდა იაქტიუროთ. ეს, ერთის მხრივ, ხელს შეუწყობს სოფლის მიზანმიმართულ განვითარებას, ამა თუ იმ მნიშვნელოვანი პროექტის ადმინისტრაციულ ერთეულებში რაციონალურ განლაგებას, ამასთან, მნიშვნელოვნად გააუმჯობესებს ბიუჯეტის მომზადების ხარისხს", _ თქვა კომისიის სხდომაზე ლავრენტი ბიგვავამ.

1 ნოემბერს ცნობილი გახდა, რომ სოფლის მხარდაჭერის პროგრამა აღდგება და მისი ბიუჯეტი 20 მილიონი ლარი იქნება.

საქართველოს რეგიონული განვითარებისა და ინფრასტრუქტურის მინისტრის მაია ცქიტიშვილის განცხადებით, რეგიონული განვითარების ფონდიდან ფინანსდება პროექტები, რომელთა ღირებულება 50 000 ლარი და მეტია, მაგრამ ხშირად სოფლებში მცირე პროექტების საჭიროებაცაა. მან ამის მაგალითად სკვერების მოწესრიგება, უბნის კეთილმოწყობა, სანიაღვრე არხების გაწმენდა და სხვა მცირე სამუშაოები დაასახელა:

"პროგრამა აღდგა, თუმცა, არა იმ მასშტაბით, როგორიც ადრე იყო. გარდა ამისა, ეს პროგრამა მხოლოდ ინფრასტრუქტურულ პროექტებზე მივმართეთ, რაც მის ეფექტიანობას მნიშვნელოვნად გაზრდის.

ბიუჯეტი 20 მილიონია. აუთვისებლობის და პროექტების სიმცირის შემთხვევაში, თანხა ისევ რეგიონული განვითარების ფონდს დაუბრუნდება", _ განაცხდა მაია ცქიტიშვილმა.




 ახალი ამბები
  • სახურავგადახდილი დარბაზი და წვიმისგან დაზიანებული ინვენტარი _ ვის ეკისრება პასუხისმგებლობალანჩხუთის სპორტულმა  ცენტრმა, დაახლოებით, ერთი თვის წინ გაასაჯაროვა ინფორმაცია საჭიდაო დარბაზ „ფალავანში" სარემონტო სამუშაოების დაწყების თაობაზე. „ლანჩხუთის მუნიციპალიტეტის სპორტული ცენტრის საჭიდაო დარბაზ "ფალავანში", დაიწყო სარემონტო სამუშაოები. იცვლება შენობის სახურავი და მოპირკეთდება გარე ფასადი“ _ სამსახურის ფეისბუქგვერდზე გამოქვეყნებულ ამ მოკლე ინფორმაციას ფოტოებიც მრავლად ერთვოდა, მათ შორის საჭიდაო დარბაზის სახურავახდილი შენობისაც.  მიუხედავად იმისა, რომ ლამის ერთი თვეა გასული ამ შემთხვევიდან,  როგორც მოვლენებმა ცხადჰყო, შენობა ჯერ კიდევ სახურავის გარეშეა, რამაც თავისი საქმე ქნა.   გასული კვირის ბოლოს ლანჩხუთში ხვავრიელად იწვიმა და როგორც ირკვევა,  საჭიდაო დარბაზიც გვარიანად დააზარალა.  სპორტული ცენტრის ჭიდაობის მასწავლებელს,  დავით მჟავიას თუ დავერწმუნებით,  შენობაზე სახურავის არ ქონის გამო რამდენიმე ათასი ლარის ღირებულების ინვენტარია განადგურებული. მწვრთნელი მომხდარში სპორტული ცენტრის დირექციის პასუხისმგებლობის საკითხსაც არ გამორიცხავს. „ასე ბოროტულად და გულგრილად მოექცნენ საჭიდაო დარბაზს, წყალში ტივტივებს საჭიდაო ლეიბები თავისი გადასაფარებლით, რამდენიმე ათასი დოლარის ინვენტარია გაფუჭებული.  ახალ დაგებული იატაკი, კედლები და ჭერიც ჩამორეცხილია და განადგურებული, სუფთა ვანდალიზმი. უმკაცრესად უნდა დაისაჯოს ამის გამკეთებელი, ვინც იქნება - სპორტული სკოლის დირექცია თუ ტენდერში გამარჯვებული სამშენებლო ორგანიზაცია,. ფაქტობრივად, უშანსოდ დაგვტოვეს მოჭიდავეები. 20 სურათი რომ დადო სპორტული ცენტრის დირექტორმა "ფეისბუქზე", სახურავის შეცვლას ვიწყებთო და თავს რომ იწონებდა, ყველაფერი ჩემი ინიციატივითააო, პირველ რიგში, ეს გაეთვალისწინებინა, რომ წვიმის შემთხვევაში, რა მოხდებოდა... ყველამ უნდა აგოს პასუხი!" – საკუთარ პოზიციას ასე აფიქსირებდა მომხდართან დაკავშირებით სპორტული ცენტრის მასწავლებელი. მჟავიასგან განსხვავებით  ლანჩხუთის საჭიდაო დარბაზში შემნილ სავალალო მდგომარეობასთან დაკავშირებით  სპორტული ცენტრის დირექციის პასუხისმგებლობის საკითხს ვერ ხედავს  ჭიდაობის განყოფილების უფროსი, იგი მომხდარზე  პასუხისმგებლობას ტენდერში გამარჯვებულ კომპანიას აკისრებს.  „რა შუაშია აქ სპორტული ცენტრის დირექცია? ტენდერის შემსრულებლებს უნდა გაეთვალისწინებინა ამინდის გარემოება და როგორც ვიცი, ისინი მზად არიან ზარალის ანაზღაურებაზე" - ამბობს  კახა აფხაზავა. საჭიდაო დარბაზის ირგვლივ განვითარებულ მოვლენებთან დაკავშირებით სპორტული ცენტრის ხელმძღვანელობამ  განცხადება გაავრცელა, სადაც ნათქვამია, რომ დაზიანებების გამოსწორების ვალდებულებას სამუშაოების მწარმოებელი ფირმა იღებს. „უამინდობის გამო სარემონტო სამუშაოების მსვლელობისას დარბაზში ჩამოსულმა წვიმის წყალმა ნაწილობრივ დააზიანა დარბაზის კედლები. მიუხედავად ამისა, სამშენებლო ფირმა იღებს ვალდებულებას აღმოფხვრას ყველა ხარვეზი და დარბაზში დღეს შექმნილი ვითარება ათი დღის ვადაში გამოასწოროს. რაც შეეხება ტატამს, ამ დროისთვის თითოეული მათგანი წესრიგშია" - ვკითხულობთ სპორტული ცენტრის მიერ გავრცელებულ ... ...
  • საპენსიო სააგენტოს დირექტორის მოადგილემ მესტიაში საინფორმაციო შეხვედრა გამართადღეს საპენსიო სააგენტოს დირექტორის მოადგილემ მესტიაში საინფორმაციო შეხვედრა გამართა. გიორგი ჭიჭინაძე მუნიციპალიტეტებისა და კერძო კომპანიების წარმომადგენლებს შეხვდა და მათ დაგროვებითი საპენსიო სქემა გააცნო. მენეჯმენტის წევრებმა აღნიშნეს, რომ ჩართულნი არიან სქემაში და რეფორმის შესახებ საკმარისი ინფორმაცია აქვთ. მათი შეკითხვები საინვესტიციო საკითხებს და სანდოობას შეეხო. გიორგი ჭიჭინაძემ მათ დეტალურად აუხსნა სქემის ბენეფიტები, რა ეტაპზეა ახლად ჩამოყალიბებული საინვესტიციო საბჭო და რა მიმდინარე სიახლეებია საპენსიო სააგენტოში. მესტიამდე საპენსიო სააგენტოს დირექტორის მოადგილე ამბროლაურში იმყოფებოდა, სადაც ადგილობრივებისთვის საინფორმაციო ტრენინგი ჩაატარა. ... ...
  • "სპირიდონისნაირ ნაძირლებს რომ ვითმენთ, ამიტომ გვსჯის ღმერთი" _ ბობოხიძე მეუფე სპირიდონზე"მეგონა, რომ სპირიდონი იდიოტი იყო, სამწუხაროდ, შეგნებული პროვოკატორია", — ამ სიტყვებით გამოეხმაურა ევროპული საქართველოს დეპუტატი, აკაკი ბობოხიძე სხალთის მთავარეპისკოპოსის სპირიდონის ქადაგებას TV პირველთან საუბრისას, რომლის მიხედვითაც, ვლადიმერ პუტინის ტყუილი საქართველოს ტერიტორიულ მთლიანობაზე ქართველების ცოდვის შედეგია. "ცოდვები იმდენი რამდენიც აქვს რუსეთს, ალბათ, მსოფლიოს არც ერთ სახელმწიფოს არ მოეძებნება. როგორც ჩანს, მე და სპირიდონს ერთი ღმერთი არა გვყავს. იქნებ, სპირიდონმა მითხრას მისი ღმერთი რატომ არ სჯის ცოდვებისთვის რუსეთს და რა დააშავა ასეთი საქართველომ, რომ ჩვენ გვსჯის? ეტყობა სპირიდონისნაირ ნაძირლებს რომ ვითმენთ, ეგ დააშავა", — განაცხადა აკაკი ბობოხიძემ. სხალთის მთავარეპისკოპოსმა სპირიდონმა თავის ქადაგებაში რუსეთსა და ევროკავშირზე ისაუბრა. ქადაგების ტექსტი ბათუმელებმა გაავრცელა. მეუფე სპირიდონმა თქვა, რომ რუსეთი უფლის გზაზეა და ის პოლიტიკა, რასაც ამ ქვეყნის პრეზიდენტი ვლადიმერ პუტინი ატარებს საქართველოსთან მიმართებაში, უფლის ნაკარნახევია. მისი მთელი ქადაგება სიძულვილის ენის შემცველი იყო. მთავარეპისკოპოსმა სპირიდონმა რუსეთის ლიდერის პოლიტიკა დაახასიათა, როგორც ევროკავშირის "ცოდვილი" პოლიტიკის მთავარი ... ...
  • სკოლებში იაკობ გოგებაშვილის „დედა ენა“ ბრუნდება2019-2020 სასწავლო წლიდან იაკობ გოგებაშვილის „დედა ენა“ სკოლებში ადაპტირებული ვერსიით დაბრუნდება და არსებულ გრიფირებულ სახელმძღვანელოებთან ერთად მნიშვნელოვანი სასწავლო რესურსი გახდება. ამასთან დაკავშირებით ღონისძიება სოფელ ვარიანში პრემიერმინისტრმა მამუკა ბახტაძემ გამართა.  პრემიერის განცხადებით, ახალი სასწავლო წლიდან ყველა პირველკლასელი "დედა ენას" უფასოდ მიიღებს. სახელმძღვანელოს ადაპტირებული ვერსია საქართველოს პარლამენტის ინიცირებითა და საქართველოს განათლების, მეცნიერების, კულტურისა და სპორტის მინისტრის მიხეილ ბატიაშვილის ბრძანებით შექმნილმა ექსპერტთა სპეციალურმა კომისიამ შეიმუშავა და მას ყველა საჯარო სკოლის დაწყებითი საფეხურის მოსწავლე უფასოდ მიიღებს. ქართული საანბანე სახელმძღვანელოს შედგენის იაკობ გოგებაშვილისეულ მეთოდს არამატერიალური კულტურული მემკვიდრეობის ძეგლის სტატუსი 2013 წელს მიენიჭა, ხოლო ეროვნული კატეგორია 2014 წელს განესაზღვრა.  საქართველოს პარლამენტის მიერ მიღებული კანონის საფუძველზე, სამინისტრომ ქართული საანბანე სახელმძღვანელო იაკობ გოგებაშვილისეული მეთოდით მოამზადა. იაკობ გოგებაშვილის „დედა ენის“ მიმართ მაღალი საზოგადოებრივი ინტერესის გათვალისწინებით, შეიქმნა ისეთი სახელმძღვანელო, რომელიც, ერთი მხრივ, ეროვნულ და კულტურულ საფუძველს, ხოლო, მეორე მხრივ კი, სწავლების თანამედროვე მეთოდებს დაეფუძნა. იაკობ გოგებაშვილის „დედაენის“ უკანასკნელი გამოცემის ადაპტირება მოხდა ისე, რომ შენარჩუნდა ავტორის ძირითადი მეთოდები, პრინციპები, მასალა და თანამედროვეობას დაუახლოვდა. არქაული ლექსიკა ნაწილობრივ შეიცვალა, თუმცა ძირითადი ლექსიკა, რაც დღესაც გამოიყენება, სახელმძღვანელოში ... ...
  • საქართველოს გავლით რუსეთში რადიოაქტიური მასალების გატანას ცდილობდნენ - სუს-ისაქართველოს ტერიტორიის გავლით, სომხეთიდან რუსეთის ფედერაციაში  რადიოაქტიური მასალების გატანას ცდილობდნენ. სუს-ის ინფორმაციით, უწყებამ რადიოაქტიური მასალებისადმი უკანონო მოპყრობისა და საბაჟო წესების დარღვევის ფაქტზე სომხეთის მოქალაქე დააკავა.  სახელმწიფო უსაფრთხოების სამსახურმა რადიოაქტიური მასალებისადმი უკანონო მოპყრობისა და საბაჟო წესების დარღვევის ფაქტზე სომხეთის მოქალაქე დააკავა.  სუს-ის ცნობით, გამოძიებამ დაადგინა, რომ ადგილი ჰქონდა სომხეთის მოქალაქის მართვის ქვეშ მყოფი სატვირთო მიკროავტობუსით, საქართველოს ტერიტორიის გავლით, სომხეთიდან რუსეთის ფედერაციაში 4 ფუთაში დაფასოებული ნივთიერება „თორიუმის" გადატანის მცდელობას. "ჩატარებული ექსპერტიზით დადგინდა, რომ აღნიშნული ფუთების საერთო წონაა 71,63 კგ და ისინი შეიცავენ რადიოაქტიურ იზოტოპს "თორიუმ 232", რომელიც მიეკუთვნება ბირთვულ მასალათა კატეგორიას. გამოსხივების დოზის სიმძლავრე ფუთების ზედაპირზე შეადგენდა 18-მდე მიკროზივერტს/სთ. აღსანიშნავია, რომ მაქსიმალური უსაფრთხო სიმძლავრე წარმოადგენს 0,5 მკზტ/სთ. ამოღებული ნივთიერება საშიშია ადამიანის სიცოცხლისა და ჯანმრთელობისათვის. გამოძიების პროცესში დაკავებული იქნა ამოღებული ტვირთის მფლობელი, სომხეთის მოქალაქე მილიტოს მ, რომელსაც ქ. თბილისის საქალაქო სასამართლომ აღკვეთის ღონისძიების სახით შეუფარდა პატიმრობა,"-ნათქვამია განცხადებაში.  გამოძიება რადიოაქტიური მასალების უკანონო მოპყრობისა და გადაზიდვის ფაქტზე მიმდინარეობს (საქართველოს სსკ-ის 230-ე მუხლის 1-ლი ნაწილით და 214-ე მუხლის მე-4 ნაწილით, რაც სასჯელის სახით 5-დან 10 წლამდე თავისუფლების აღკვეთას ითვალისწინებს). გამოძიებას აწარმოებს სახელმწიფო უსაფრთხოების სამსახურის კონტრდაზვერვის დეპარტამენტის საგამოძიებო მთავარი ... ...

არქივი

ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...