მართავს თუ არა თალაკვაძე უმრავლესობას "ვოთსაფით" _ "არც მითხოვია ურთიერთობაში რაიმე პრივილეგია"

მთავარი თემა

მართავს თუ არა თალაკვაძე უმრავლესობას "ვოთსაფით" _ "არც მითხოვია ურთიერთობაში რაიმე პრივილეგია"

24 იან. 2019, 11:40:32

გავრცელებული ინფორმაციით, საპარლამენტო უმრავლესობის ლიდერი მალე თანამდებობას დატოვებს და ვიცესპიკერად გადავა. ამბობენ იმასაც, არჩილ თალაკვაძეს ირაკლი კობახიძე არ „წყალობს“ და ამ დრომდე უმრავლესობის ლიდერის პოსტის შენარჩუნება, სუს-ის უფროსის მოადგილის, მისი მეუღლის ბიძის, გრიგოლ ლილუაშვილის მფარველობით მოახერხა. დეპუტატები „გურია ნიუსს“ იმასაც უყვებიან, რომ თალაკვაძეს უმრავლესობის მართვა უჭირს და მათთან ძირითადად „ვოთსაფით“ ურთიერთობს.

ჩვენ დეტალების გადამოწმება საპარლამენტო უმრავლესობის ლიდერთან ვცადეთ. არჩილ თალაკვაძესთან ინტერვიუ ერთ-ერთი ყველაზე აქტუალური თემით, მოსამართლეთა სიაზე საუბრით დავიწყეთ.

_ ბატონო არჩილ, ქვეყანაში ბოლო დროის ერთ-ერთი მნიშვნელოვანი თემა მოსამართლეთა სიაა, რომელზეც განცხადებების გაკეთებას ერიდებით. რატომ?

_ სამართლიანი სასამართლო ჩვენი ქვეყნის განვითარების ერთ-ერთი უმთავრესი პირობაა. ახალ კონსტიტუციაში სწორედ ჩვენ ჩავდეთ სასამართლოს დამოუკიდებლობის უფრო ძლიერი გარანტიები. კანონმდებლობით, უზენაესი სასამართლოს მოსამართლეთა შერჩევისა და წარდგენის უფლებამოსილება იუსტიციის უმაღლეს საბჭოს ეკუთვნის და საბჭომ კანდიდატურები პარლამენტს წარუდგინა. პარლამენტმა კანდიდატურები უნდა განიხილოს და მიიღოს გადაწყვეტილება თითოეულზე. როგორც იცით, ამ პროცესთან დაკავშირებული აზრთა სხვადასხვაობის გამო, ჩვენმა პოლიტიკურმა გუნდმა ორი თანმიმდევრული გადაწყვეტილება მიიღო _ პირველი: საკითხის განხილვა საგაზაფხულო სესიისთვის გადაიდო და მეორე: მოსამართლეთა შერჩევისა და წარდგენის პროცედურა ცალკე საკანონმდებლო აქტით განისაზღვროს. შესაბამისად, ახლა იწყება მუშაობა რეგულაციებზე, რომლის საფუძველზეც, პარლამენტში კანდიდატურების შერჩევა და დასახელება მოხდება. პარლამენტი გადაწყვეტილებას მხოლოდ ამის შემდეგ მიიღებს.

_ თქვენ ხართ იმ უმრავლესობის ლიდერი, სადაც დიდი ხანია განხეთქილებაა. დეპუტატები ჩვენთან პირად საუბრებში ამბობენ, რომ თქვენ მართვა გიჭირთ და მათთან ძირითადად „ვოთსაფით“ ურთიერთობთ, რაც გამართლებული არ არის. რატომ ამჯობინებთ კოლეგებთან ონლაინ ურთიერთობას?

_ ადვილი საქმე არასოდეს მქონია და ამდენი გამოცდილი, თავისი სფეროს მცოდნე და არჩეული პოლიტიკოსების  ლიდერობა რაღა თქმა უნდა, დიდი პასუხისმგებლობაა და დიდ ძალისხმევას მოითხოვს. ყველასთან ღია და პატივისცემაზე დაფუძნებული ურთიერთობა მაქვს. მიუხედავად იმისა, რომ დრო უმრავლესობის თითოეულ წევრს და ფრაქციას უნდა დავუთმო, ასევე, საკმარისი ენერგია უნდა დავუთმო ოზურგეთს _ ოლქს სადაც ამირჩიეს. უმრავლესობის წევრებთან ურთიერთობისთვის ყოველთვის ვიტოვებ დროს, ზოგჯერ ეს არის სტუმრობა, ზოგჯერ სპორტი ან რეგიონებში მოგზაურობა. რაც შეეხება “ვოთსაფს”, ტექნოლოგიებს პატივს ვცემ, მაგრამ ამას ძირითადად საორგანიზაციო საკითხებისთვის ვიყენებთ.

ამ ორი წლის განმავლობაში იყო რთული საკითხები, რომელზეც აზრთა შეჯერება 115 ადამიანს შორის არ იყო ადვილი, მაგრამ არ მახსენდება არც ერთი საკითხი, რომელზეც საბოლოოდ გუნდმა გადაწყვეტილების მიღება ვერ შეძლო. პარლამენტი მთავარი პოლიტიკური ორგანოა და არც ერთ დემოკრატიაში ის კომფორტის ზონას არ წარმოადგენს.

_ თქვენი კოლეგები იმასაც გვიყვებიან, რომ პარლამენტის თავმჯდომარე არ "გწყალობთ“ და ამის ერთ-ერთ არგუმენტად ისიც მოჰყავთ, რომ უმრავლესობის შეხვედრაზე არც ერთხელ არ დაგსწრებიათ ირაკლი კობახიძე. მასთან რაიმე პრობლემა გაქვთ?

_ ირაკლი კობახიძე განათლებული და სახელმწიფოებრივად მოაზროვნე ადამიანია, კარგი მეგობარი და საიმედო მოკავშირეა. მას თანაგუნდელებთან “მოწყალებითი” დამოკიდებულება არასოდეს ჰქონია და არც მე მითხოვია ურთიერთობაში რაიმე პრივილეგია. დღემდე გვაქვს ძალიან კარგი ურთიერთობა, მეგობრობა და თანამშრომლობა. უმრავლესობის სხდომებს, როგორც წესი ყოველთვის ესწრება და ეს სხდომების დროს გავრცელებულ არაერთ ვიდეო თუ ფოტომასალაში ადვილად შეგიძლიათ გადაამოწმოთ.

_ ბატონო არჩილ, როგორ ფიქრობთ, თქვენი ადგილი არის პარლამენტში თუ საკუთარ თავს უფრო აღმასრულებელ ხელისუფლებაში ხედავთ?

_ აღმასრულებელ ხელისუფლებაში 2012 წლიდან 4 წელი ვიმუშავე. ვფიქრობ, საქმის გაკეთება შევძელი, რომელიც ადამიანებს და ქვეყანას გამოადგა. რაც შეეხება პარლამენტს _ საპარლამენტო გამოცდილება პოლიტიკოსისთვის ფასდაუდებელია _ ხალხთან ურთიერთობა, მედია, დებატები და პოლიტიკურ გუნდთან ერთად მუშაობა. მინდა ვინც ამირჩია იმ ადამიანების წინაშე აღებული პასუხისმგებლობა, ამ პარლამენტში ბოლომდე შევასრულო. მომავალში ჩემს თავს ისევ აღმასრულებელ ხელისუფლებაში ვხედავ.

_ „ქართულ ოცნებაში“ ცვლილებები უკვე დაანონსდა... ერთ-ერთი ცვლილება თქვენც გეხებათ და როგორც გვითხრეს, მალე, შესაძლოა, პარლამენტის ვიცესპიკერის ადგილი დაიკავოთ... ეს ის ადგილია, რომელსაც მმართველი გუნდი შავი დღისთვის ინახავს, რომელიც ბესელიას შესთავაზეს, თუმცა, ბოლო მოვლენების გამო გადაიფიქრეთ... რამდენად შესაძლებელია, რომ ეს სავარძელი თქვენ დაიკავოთ?

_ თანამდებობა ჩემთვის თვითმიზანი არასოდეს ყოფილა, ყოველთვის იყო საშუალება, რომ საქმე მეკეთებინა, ადამიანებს დავხმარებოდი და რაიმე ღირებული და უკეთესი შემექმნა. რაც შეეხება თქვენს შეკითხვას _ ეს ვარაუდი არ შეესაბამება სიმართლეს და არ ვადასტურებ. 2 წელი ისეთი რთული პოლიტიკური პოზიციისთვის, როგორიც საპარლამენტო უმრავლესობის ლიდერია _ საკმაოდ დიდი დროა, თუმცა, მზად ვარ კიდევ ორი წელიც ვიმუშაო.

_ მართალია, რომ უმრავლესობის ლიდერად თქვენი კანდიდატურა გიორგი კვირიკაშვილმა დაასახელა და ერთ-ერთი მიზეზი იმისა, რომ თქვენი შეცვლა სურთ, სწორედ ესაა?

_ ორივე ადამიანი, რომელმაც უმრავლესობის ლიდერის პოზიცია შემომთავაზა და წარმადგინა _ დღესაც პარტიის ხელმძღვანელ პოზიციებზე არიან, _ აღნიშნა თალაკვაძემ, თუმცა კონკრეტული გვარები არ დაგვისახელა.

უმრავლესობის ლიდერი, სავარაუდოდ, ირაკლი კობახიძეს და კახი კალაძეს გულისხმობს, თუმცა, როგორც აღვნიშნეთ, დეტალებზე არ საუბრობს. აკონკრეტებს იმას, რომ კარიერა არავის დახმარებით არ შეუქმნია და არც მომავალში აპირებს ვინმეს შეწუხებას.

„საპარლამენტო გუნდმა დამამტკიცა ამ თანამდებობაზე და თუ ჩათვლის გუნდი, რომ ჩემს საქმეს ვერ ვაკეთებ _ გადაწყვეტილების მიღება ყოველთვის შეუძლია“, _ გვითხრა თალაკვაძემ.

_ ბატონო არჩილ, როგორც უკვე ვთქვით, თქვენი კოლეგები პირად საუბრებში თქვენი მმართველობით უკმაყოფილებას არ მალავენ და ეს დღეს და გუშინ დაწყებული თემა არ არის. გვეუბნებიან იმასაც, რომ თქვენ შეცვლაზე საუბარი გაცილებით ადრე, გაზაფხულზე დაიწყო, თუმცა, თქვენი მფარველის, სუს-ის უფროსის მოადგილის, თქვენი მეუღლის ბიძის, გრიგოლ ლილუაშვილის მფარველობით მოახერხეთ ამ დრომდე თანამდებობის შენარჩუნება... ამაზე რას იტყვით? სარგებლობთ ლილუაშვილის ნათესაობით?

_ უმრავლესობის ლიდერის პოზიცია რთული პოზიციაა ნებისმიერ პარლამენტში. როგორც უკვე აღვნიშნე, საპარლამენტო გუნდმა დამამტკიცა ამ თანამდებობაზე და თუ ჩათვლის გუნდი, რომ ჩემს საქმეს ვერ ვაკეთებ, გადაწყვეტილების მიღება ყოველთვის შეუძლია. ილუზია არასოდეს მქონია, რომ ყველა კმაყოფილი იქნება ჩემი მუშაობით. არავისთან ნათესაობით არ შემიქმნია ჩემი კარიერა და არც მომავალში ვაპირებ ვინმე ამის გამო შევაწუხო. გრიგოლ ლილუაშვილს მინდა მივულოცო დაწინაურება და წარმატებები ვუსურვო ქვეყნის სამსახურში. რა თქმა უნდა, მისი წარმატებები ძალიან გამეხარდება.

_ გარდა იმისა, რომ ხართ უმრავლესობის ლიდერი, ასევე, წარმოადგენთ ოზურგეთს საქართველოს პარლამენტში. როგორც მაჟორიტარმა, რა გააკეთეთ თქვენი ოლქისთვის ამ ორი წლის განმავლობაში?

_ მეამაყება, რომ წარმოვადგენ ჩვენს ოზურგეთს, მხარეს სადაც დავიბადე და გავიზარდე, თავისუფლებისმოყვარე და განათლებულ ხალხს, უნიკალურ კულტურას და ტრადიციებს. უკვე ორი წელია, რაც ოზურგეთის მაჟორიტარი დეპუტატი ვარ. პირველ რიგში, რასაც ვაკეთებ, ეს არის ხშირი კავშირი ხალხთან, სოფლებსა თუ ქალაქში. ვხვდები ახალგაზრდებს, ვმონაწილეობ საჯარო შეხვედრებში, მივდივარ სოციალურად შეჭირვებულ ოჯახებში, წლის განმავლობაში ბევრ ადამიანს იურიდიული, სოციალური, სამედიცინო თუ განათლების საკითხების გადაჭრაში ვეხმარები. ჩემი უშუალო ჩართულობით და მთავრობის მხარდაჭერით შენდება და სრულად განახლდება ოზურგეთის პირველი საჯარო სკოლა, სადაც ჩვენი სახელოვანი წინაპრები სწავლობდნენ; ოზურგეთისთვის კეთდება პრაქტიკულად ახალი მუზეუმი; ქალაქში შენდება ახალი წყალსადენი, რომელიც მოსახლეობის საკმაოდ დიდი ნაწილის წყალმომარაგებას (ანასეული) უკავშირდება; შენდება ყველაზე დიდი სოფლების _ ბახვის, ვაკიჯვრის და ცხემლისხიდის წყალმომარაგების ახალი სისტემა; იგეგმება ახალი სპორტული ბაზის მშენებლობა; შენდება და რემონტდება სამედიცინო ამბულატორიები; ჩვენი ჩართულობით მომზადდა სამეწარმეო პროექტები, რომელმაც შემდგომ დაფინანსება მოიპოვა; ოზურგეთში მაქვს ძალიან აქტიური ბიურო და მყავს გულისხმიერი, განათლებული და ეფექტური ადამიანები ოფისში.

_ „ქართული ოცნების“ ოზურგეთის ორგანიზაციის წევრები ხშირად გსაყვედურობენ, აღნიშნავენ, რომ დაპირებებს არ ასრულებთ, რომ მათთან კომუნიკაციას ერიდებით... ზოგადად, „ქართული ოცნების“ წევრები, ოზურგეთში, მმართველი გუნდით უკმაყოფილებას ხშირად გამოთქვამს... ბოლო ერთი წლის მოვლენებს, "ოცნების" ოზურგეთის მერის მიერ გათავისუფლებულ  მხარდამჭერების საქმეებს თუ გადავხედავთ, თქვენც ჩართულობას ნაკლებად დავინახავთ, რაც, ბუნებრივია მათი მხრიდან წყენის და საყვედურის საბაბია... რას გვეტყვით ამასთან დაკავშირებით?

_ ოზურგეთში ხშირად ჩავდივარ. ასევე, დიდ დროს ვატარებ საარჩევნო კამპანიების დროს და როგორც წესი საარჩევნო შტაბის მუშაობაში სრულფასოვნად ვარ ჩართული. საკრებულოში ჩვენს გუნდთან ხშირი კომუნიკაცია მაქვს. თუ ვინმე მსაყვედურობს, ამასაც ვცდილობ ყურადღებით მოვეკიდო და გავითვალისწინო. მერიიდან გათავისუფლებულ თანამშრომლებთან მქონდა არაერთი შეხვედრა _ მათ მიმართეს სასამართლოს და აქვთ დავები მერიასთან, იმედი მაქვს სამართლიანი გადაწყვეტილებები დადგება. დაპირებებს ძალიან მოზომილად და იშვიათად გავცემ, მაგრამ ვცდილობ ყოველთვის შევასრულო.

_ ამ დროისთვის „ქართული ოცნების“ უმრავლესობის ლიდერი ხართ. იმ გუნდის, რომელიც ბევრი დაპირებით მოვიდა ხელისუფლებაში, თუმცა, მათი დიდი ნაწილი არ ასრულებულა _ განახევრებული ტარიფები, გაიაფებული ბენზინი, აგუგუნებული საწარმოები და ბედნიერი მოსახლეობა რომ არ არის ფაქტია... ისიც ფაქტია, რომ მოსახლეობას ძალიან უჭირს და პრაქტიკულად, შუა ფენა არ არსებობს... დოლარის კურსი, გაძვირებული პროდუქტები და მხოლოდ დაპირებები... რა პასუხი გაქვთ ამ ყველაფერზე და თუ გაქვთ პრობლემების მოგვარების კონკრეტული გეგმა?

_ მიუხედავად იმისა, რომ ქვეყანაში რეალურად შეიცვალა ადამიანის უფლებების დაცვის მდგომარეობა, დავნერგეთ საყოველთაო ჯანდაცვის პროგრამა, მივიღეთ ევროპასთან უვიზო რეჟიმი, ეკონომიკა იზრდება წელიწადში 4-6%-ით, მივიღეთ ახალი კონსტიტუცია, 10 000-ზე მეტ დევნილს გადავეცით ბინები, შევამცირეთ პატიმრების რაოდენობა და გავაუმჯობესეთ მათი პირობები, გავაკეთეთ მოგების გადასახადის რეფორმა, შემოვიღეთ დაგროვებითი პენსია, გავზარდეთ სოციალური დახმარებები, ავაშენეთ 48 ახალი სკოლა და გავარემონტეთ 53, ტურისტების რაოდენობა 4-დან 8 მილიონამდე გავზარდეთ, ორჯერ მეტი გზა დავაგეთ ვიდრე წინა ხელისუფლებამ შეძლო, ავაშენეთ 21 ელექტროსადგური, ავაშენეთ 50-ზე მეტი იუსტიციის საზოგადოებრივი ცენტრი, ღვინის ექსპორტი 30-დან 80 მილიონ ბოთლამდე გავზარდეთ, მოხდა ვალების განულება სოციალურად დაუცველი მოსახლეობისთვის, პირდაპირი სავაჭრო ხელშეკრულებები გავაფორმეთ ევროკავშირთან და ჩინეთთან.... ჯერ კიდევ არაერთი ოჯახი რჩება, ვინც სახელმწიფოსგან ქმედით დახმარებას, დასაქმებას და კეთილდღეობას ელოდება. რჩება მნიშვნელოვანი გამოწვევები - ოკუპაცია, სიღარიბე, შრომის უსაფრთხოება, გაზი და წყალი არაერთ სოფელში. ერთად უნდა შევძლოთ ამ პრობლემების მოგვარება. მე იმედიანად ვარ და მჯერა ჩვენი ხალხის, მჯერა ჩვენი ქვეყნის მომავლის.

_ იმ ფონზე, როცა ქვეყანაში უამრავი პრობლემაა, ინფრასტრუქტურის სამინისტრომ ვერ მოახერხა მილიონობით ლარის ათვისება, მილიონობით ლარი დაუხარჯავი დარჩა განათლების სამინისტროს. სახელმწიფო აუდიტის სამსახურის მონაცემებით, ლარის გაუფასურების გამო, სახელმწიფო ვალის ნაშთი 2018 წლის განმავლობაში 211 მლნ ლარით არის გაზრდილი. ამ ფონზე, შეგიძლიათ გვითხრათ, რომ „ქართული ოცნება“ ქვეყანას კარგად მართავს?

_ ჩვენ საკმაოდ მძიმე მემკვიდრეობა ჩავიბარეთ 2012 წელს. ადვილი არ იყო ამ პრობლემებთან გამკლავება და, პარალელურად, ქვეყნის წინსვლის უზრუნველყოფა. მიმაჩნა, რომ ბევრი მიმართულებით შევძელით პროგრესისთვის მიგვეღწია, თუმცა, არა ერთი მიმართულებით გვაქვს გამოწვევები. ბიუჯეტის ხარჯვით ნაწილში პრობლემების ანალიზი ჩატარებულია და 2019 წელს მაქსიმალურად შევეცდებით შევცვალოთ სურათი.

_ კრიმინალის გაზრდილ მაჩვენებელზეც მინდა გკითხოთ _ დღისით, მზისით სროლები და მკვლელობა ქუჩებში, გახშირებული ყაჩაღობისა და ქურდობის ფაქტები... ამ ყველაფერს რითი ხსნით?

_ კრიმინალის მაჩვენებლების შესახებ მონაცემები გამჭვირვალე და ყველასთვის ხელმისაწვდომია. ადამიანის სიცოცხლის წინააღმდეგ მიმართული მძიმე დანაშაული 2018 წელს შემცირებულია, თუმცა გაზრდილია საკუთრების წინააღმდეგ მიმართული დანაშაული. დანაშაულთან ბრძოლა მუდმივი ამოცანაა _ ის არასოდეს არ არის დასრულებული. მინდა მადლობა გადავუხადო ჩვენს პოლიციელებს _ ისინი დილიდან დილამდე იცავენ საზოგადოების უსაფრთხოებას _ აქვთ რთული და დაძაბული სამსახური.

მთავარია, რას უპირისპირებს დანაშაულს სახელმწიფო. დღეს შსს რეფორმებს ავითარებს ორი ძირითადი მიმართულებით: 1. მომხდარ დანაშაულზე ეფექტური რეაგირება 2. დანაშაულის პრევენცია. სწავლება და მომზადება, ვიდეომონიტორინგის სისტემები ქალაქებში და გზებზე, საპატრულო პოლიციის სისტემური განახლება, მართლწესრიგის ოფიცრის ინსტიტუტი და სხვა ინიციატივები.

_ სამომავლო გეგმებზე რას გვეტყვით. საპრეზიდენტო არჩევნებზე გაცემული დაპირებების შესრულებას როდის აპირებთ?

_ საპრეზიდენტო არჩევნები იყო ძალიან დაძაბული, თუმცა, მეორე ტურში დიდი სხვაობით გაიმარჯვა ჩვენს მიერ მხარდაჭერილმა კანდიდატმა ქალბატონმა სალომე ზურაბიშვილმა. მან უფლებამოსილების გახორციელება ძალიან აქტიურად დაიწყო. ვიზიტი ბრიუსელში და მაღალი დონის შეხვედრები არის კარგი მაგალითი, თუ რატომ იყო სალომე ზურაბიშვილი სწორი არჩევანი _ ის საქართველოს საუკეთესოდ წარადგენს საერთაშორისო ასპარეზზე.

ჩვენი გეგმები 2019 წლისთვის ძალიან მნიშვნელოვანი და ამბიციურია _ რეგიონებს ექნებათ მეტი დაფინანსება, დაგეგმილია მსხვილი ინფრასტრუქტურული პროექტები, ვმუშაობთ ახალი ინვესტიციების მოზიდვაზე.

ოზურგეთში არა ერთი მნიშვნელოვანი პროექტი განხორციელება.

_ 2020 წელს საპარლამენტო არჩევნებია... გეგმავთ, რომ ოზურგეთელების ნდობა ისევ მოიპოვოთ?

_ სადაც არ უნდა ვიყო, პარლამენტში თუ აღმასრულებელ ხელისუფლებაში - ოზურგეთი ყოველთვის იქნება ჩემი საზრუნავი. 2020 წლის საპარლამენტო არჩევნების საკითხზე მალე დავიწყებთ მუშაობას და მაქსიმალურად მომზადებული შევხვდებით არჩევნებს.




 ახალი ამბები
  • მუნიციპალიტეტებში რეგულარული სამგზავრო გადაყვანის ნებართვის გაცემას მხარი დაუჭირესრეგიონული პოლიტიკისა და თვითმმართველობის კომიტეტმა, რომელსაც კომიტეტის თავმჯდომარე ზაზა გაბუნია უძღვებოდა, დღის წესრიგით განსაზღვრული საკითხები განიხილა. საქართველოს პარლამენტის წევრების: რატი იონათამიშვილის, გოგა გულორდავას, ზაზა გაბუნიას და მერაბ ქვარაიას მიერ საკანონმდებლო ინიციატივის წესით წარმოდგენილი საქართველოს კანონის პროექტი „საავტომობილო ტრანსპორტის შესახებ" თანმდევ პროექტთა პაკეტთან ერთად, რეგიონული პოლიტიკისა და თვითმმართველობის კომიტეტის თავმჯდომარის მოადგილემ მერაბ ქვარაიამ პირველი მოსმენისთვის წარადგინა. მომხსენებლის განმარტებით, წარმოდგენილი კანონის პროექტით ხდება აღნიშნული კანონის საქართველოს ორგანულ კანონთან „ადგილობრივი თვითმმართველობის კოდექსთან" შესაბამისობაში მოყვანა, რაც მისცემს მუნიციპალიტეტებს საშუალებას საკუთარ ადმინისტრაციულ საზღვრებში დაარეგულირონ რეგულარული სამგზავრო გადაყვანის ნებართვის გაცემა და მოსახლეობის მუნიციპალური ტრანსპორტით მომსახურების ორგანიზება. „ხორციელდება ძალიან მნიშვნელოვანი ცვლილება. ამ ცვლილების მიხედვით, თუ დღემდე ტრანსპორტის რეგულირების საკითხები ადგილობრივი  თვითმმართველობის დონეზე მხოლოდ და მხოლოდ თვითმმართველი ქალაქების კომპეტენცია იყო, აღნიშნული ცვლილების შემდეგ, ამ უფლებით აღიჭურვება უკვე დანარჩენი მუნიციპალიტეტები და მთ შეეძლებათ აღნიშნულ უფლების სრულად განხორციელება, - განაცხადა მერაბ ქვარაიამ.  საქართველოს პარლამენტის წევრების: ზაზა გაბუნიას, მერაბ ქვარაიას, გოგა გულორდავას და კობა ლურსმანაშვილის მიერ საკანონმდებლო ინიციატივის წესით წარმოდგენილი საქართველოს კანონპროექტი: „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ" პროექტთა თანმდევ პაკეტთან ერთად, პირველი მოსმენით  პროექტის ერთ-ერთმა ავტორმა კობა ლურსმანაშვილმა წარადგინა. წარმოდგენილი კანონპროექტით  დედაქალაქის ტერიტორიაზე პარკირების წესები რეგულირდება. აღნიშნული ცვლილება განპირობებულია არსებული პრაქტიკით, რომელიც ცხადყოფს, რომ ჯარიმების აღსრულების მოქმედი მექანიზმი არ არის ეფექტური. მომხსენებლის განმარტებით, დედაქალაქის ტერიტორიაზე ხშირია პარკირების სხვადასხვა წესის დარღვევა, მათ შორის, პარკირების ადგილზე პარკირებული სატრანსპორტო საშუალებები გამოიყენება შემოსავლის მიღების მიზნით და მოქმედი კანონმდებლობა არ ითვალისწინებს დაჯარიმებას. ასევე, საქართველოს ტერიტორიაზე გახშირებულია გაუმართავი სატრანსპორტო საშუალებების გზებზე მიტოვება. კანონმდებლობით, ასევე არაა განსაზღვრული ამ პრობლემის მოგვარებისათვის შესაბამისი რეგულაცია.   კანონპროექტის მიღება კი აღნიშნული საკანონმდებლო ხარვეზების აღმოფხვრის მიზნით შესაბამისი სანქციების შემოღებას უკავშირდება. გარდა ამისა, სახელმწიფო ეკოლოგიური ვითარების გაუმჯობესების მიზნით, პოპულარიზაციას უწევს ელექტროძრავიან მექანიკურ სატრანსპორტო საშუალებებს. აღნიშნულიდან გამომდინარე, კანონის პროექტით გათვალისწინებულია ელექტროძრავიანი სატრანსპორტო საშუალების დამუხტვის ადგილზე დასამუხტ მოწყობილობასთან მიერთების გარეშე, სატრანსპორტო საშუალების პარკირების განსაზღვრა სამართალდარღვევად. რეგიონული პოლიტიკისა და თვითმმართველობის კომიტეტმა ასევე პირველი მოსმენით განიხილა  საქართველოს პარლამენტის წევრების: ზაზა გაბუნიას, მერაბ ქვარაიას, გოგა გულორდავას, გიორგი კოპაძის, კობა ლურსმანაშვილის, გოჩა ენუქიძის, ერეკლე ტრიპოლსკის, პაატა მხეიძის და არჩილ ხაბაძის მიერ საკანონმდებლო ინიციატივის წესით წარმოდგენილი საქართველოს პარლამენტის რეგლამენტის პროექტი: „საქართველოს პარლამენტის რეგლამენტში ცვლილების შეტანის შესახებ" და „საქართველოს კანონების პროექტი „ბუნებრივი რესურსებით სარგებლობისათვის მოსაკრებლის შესახებ" საქართველოს კანონში ცვლილების შეტანის თაობაზე", პროექტთა პაკეტთან ერთად. მომხსენებლის, მერაბ ქვარაიას განცხადებით,  წარმოდგენილი ცვლილებები ხელს უწყობს ადგილობრივ თვითმმართველობებთან მიმართებაში ერთიანი ტერმინოლოგიის დამკვიდრებას, აგრეთვე ხარვეზული ჩანაწერების გასწორებას. აღნიშნული ცვლილებები გამომდინარეობს საქართველოს მთავრობის მიერ ინიცირებულ საქართველოს ორგანული კანონის პროექტის „საქართველოს ორგანულ კანონში „ადგილობრივი თვითმმართველობის კოდექსში" ცვლილების შეტანის შესახებ" და მისგან გამომდინარე კანონის პროექტებისგან. საქართველოს პარლამენტის წევრების: მერაბ ქვარაიასა და გოგა გულორდავას მიერ საკანონმდებლო ინიციატივის წესით წარმოდგენილი საქართველოს კანონის პროექტი „ადგილობრივი მოსაკრებლების შესახებ" საქართველოს კანონში ცვლილების შეტანის თაობაზე" კომიტეტმა მესამე მოსმენით განიხილა. რომლის მიხედვითაც საქართველოს კანონს ემატება მე-175 მუხლი რომელიც გულისხმობს სპეციალური (ზონალური) შეთანხმების გაცემისთვის მოსაკრებლის გადამხდელის ამ მუხლის ამოქმედებამდე გაცემული სპეციალური (ზონალური) შეთანხმების გაცემისთვის გადაუხდელი მოსაკრებლის გადახდისგან გათავისუფლებას, თუ შესრულებულია ყველა შემდეგი პირობა: ა) ეს ობიექტი ითვლება დაუმთავრებელ მშენებლობად; ბ) ამ ობიექტის ექსპლუატაციაში მიღების მიზნით უფლებამოსილი ორგანო ინდივიდუალურ ადმინისტრაციულ-სამართლებრივ აქტს 2025 წლის 1 იანვრამდე გამოსცემს. მომხსენებლის, მერაბ ქვარაიას განმარტებით, მესამე მოსმენისთვის პროექტში შევიდა ცვლილება, რომლის თანახმად, კანონის ამოქმედების ვადად, ნაცვლად გამოქვეყნებიდან ერთი თვისა, გამოქვეყნებიდან 30 დღე განისაზღვრა.  „რასობრივი დისკრიმინაციის ყველა ფორმის აღმოფხვრის შესახებ" საერთაშორისო კონვენციის შესრულების თაობაზე საქართველოს IX და X გაერთიანებული პერიოდული ანგარიშების" პროექტი რეგიონული პოლიტიკისა და თვითმმართველობის კომიტეტის წევრებს- საქართველოს საგარეო საქმეთა მინისტრის მოადგილემ ხათუნა თოთლაძემ წარუდგინა. მისი განცხადებით, საქართველოს მთავრობის მიერ, საქართველოს პარლამენტის რეგლამენტის 174-ე მუხლის შესაბამისად განსახილველად წარმოდგენილი ანგარიშის მომზადების ვალდებულება საქართველოს აკისრია 1966 წლის „რასობრივი დისკრიმინაციის ყველა ფორმის აღმოფხვრის შესახებ" საერთაშორისო კონვენციის მე-9 მუხლით და მიზნად ისახავს გაეროს რასობრივი დისკრიმინაციის აღმოფხვრის კომიტეტს მიაწოდოს ინფორმაცია, 2016 წლის ივნისის შემდეგ, VI-VIII გაერთიანებული ანგარიშების შემდგომ, საქართველოს მიერ, კონვენციით დაკისრებული ვალდებულებების შესასრულებლად განხორციელებული ღონისძიებებისა და პროგრესის შესახებ. ანგარიში დაყოფილია 4 ნაწილად, რაც მათ შორის მოიცავს, შესავალს და ზოგად ინფორმაციას, კომიტეტის დასკვნითი რეკომენდაციების შესრულებას, ოკუპირებულ ტერიტორიებზე არსებული მდგომარეობა, ეთნიკურ ქართველთა დისკრიმინაცია და კონვენციით გათვალისწინებული სხვა ვალდებულებების შესრულებას. "ეს არის ერთ-ერთი ყველაზე მნიშვნელოვანი მოხსენება თავისი შინაარსის, ტევადობის და  ჩვენი სახელმწიფოს  სასიცოცხლო ამოცანების გათვალისწინებით და ასევე იმის გათვალისწინებით, რომ ამ ანგარიშის წარდგენა ხდება გაერთიანებული ერების ორგანიზაციის შესაბამის კომიტეტზე",-განაცხადა კომიტეტის თავმჯდომარემ, ზაზა გაბუნიამ. საქართველოს მთავრობის მიერ საკანონმდებლო ინიციატივის წესით წარმოდგენილი საქართველოს კანონის პროექტები: „სატელეკომუნიკაციო ინფრასტრუქტურისა და სატელეკომუნიკაციო მიზნებისთვის გამოყენებადი ფიზიკური ინფრასტრუქტურის გაზიარების შესახებ" და „კონკურენციის შესახებ" საქართველოს ეკონომიკისა და მდგრადი განვითარების მინისტრის მოადგილემ აკაკი საღირაშვილმა წარადგინა. კანონპროექტის ძირითად არსს წარმოადგენს საქართველოს ტერიტორიაზე მაღალსიჩქარიანი, ფართოზოლოვანი ინფრასტრუქტურის განვითარების ხელშეწყობის მიზნით სატელეკომუნიკაციო ინფრასტრუქტურაზე და სატელეკომუნიკაციო მიზნებისთვის გამოყენებად ფიზიკურ ინფრასტრუქტურაზე დაშვების არადისკრიმინაციული, პროპორციული, ეფექტური და კონკურენტული პირობების უზრუნველყოფა. მომხსენებელმა განმარტა, რომ შესაბამისი კანონების მიღებით დარეგულირდება სათანადო მართლზომიერი ჩარევის და სამართლიანი პირობების დადგენის შესაძლებლობა ინფრასტრუქტურის ოპერატორების მხრიდან სატელეკომუნიკაციო და სატელეკომუნიკაციო მიზნებისთვის გამოყენებად ფიზიკურ ინფრასტრუქტურაზე დაშვების უსაფუძვლო უარის თქმის, დისკრიმინაციული საფასურის დადგენისა და ექსკლუზიური ხელშეკრულებების დაუშვებლობის მიმართულებით და, რაც თავის მხრივ, ხელს შეუწყობს საქართველოში ფართოზოლოვანი ინფრასტრუქტურის შექმნას, როგორც ერთ-ერთი ძირითად საფუძველს ქვეყანაში ციფრული ეკონომიკის განვითარებისთვის. კანონპროექტის მიღების შედეგად ავტორიზებულ პირებს მიეცემათ შესაძლებლობა ფართოზოლოვანი ქსელის განსავითარებლად ისარგებლონ უკვე არსებული, სატელეკომუნიკაციო და სატელეკომუნიკაციო მიზნებისთვის გამოყენებადი ფიზიკური ინფრასტრუქტურით, არადისკრიმინაციული და კონკურენტული პირობებით და ფასით, რაც უზრუნველყოფს კონკურენტული გარემოს განვითარებას, შეამცირებს ქსელის განვითარების საფასურს, წაახალისებს ავტორიზებულ პირებს ბოლო მომხმარებელს შესთავაზონ უფრო მაღალი ხარისხის მომსახურება შედარებით დაბალ ფასად. კომიტეტმა განიხილა საქართველოს მთავრობის მიერ საკანონმდებლო ინიციატივის წესით წარმოდგენილ საქართველოს ორგანული კანონების პროექტები: „საქართველოს ორგანულ კანონში „ადგილობრივი თვითმმართველობის კოდექსი" ცვლილების შეტანის შესახებ", წარმოდგენილი საკანონმდებლო ინიციატივით ხდება კოდექსის საქართველოს კონსტიტუციასთან შესაბამისობაში მოყვანა და კოდექსში არსებული ტერმინოლოგიური და შინაარსობრივი ხარვეზების გასწორება, რათა უზრუნველყოფილი იქნეს კოდექსის 165-ე მუხლის მე-2 პუნქტის შესაბამისად, სახელმწიფოსა და მუნიციპალიტეტის უფლებამოსილებათა სრული გამიჯვნა და ერთგვაროვანი ტერმინოლოგიის დამკვიდრება მუნიციპალიტეტებთან დაკავშირებით არსებულ სამართლებრივ აქტებში. მომხსენებლის, საქართველოს რეგიონული განვითარებისა და ინფრასტრუქტურის მინისტრის მოადგილის, მზია გიორგობიანის განმარტებით,  წარმოდგენილ პროექტში არის მხოლოდ რედაქციული ხასიათის ცვლილებები, დაკორექტირდა ტერმინები და შინაარსს ცვლილება არ განუცდია. რეგიონული პოლიტიკისა და თვითმმართველობის კომიტეტმა განხილული კანონპროექტების პლენარულ სხდომაზე გატანას მხარი დაუჭირა. დღესვე, კომიტეტმა საქართველოს მთავრობის მიერ რატიფიცირებისათვის წარმოდგენილი ორი დოკუმენტი განიხილა და მხარი დაუჭირა. სარატიფიკაციო დოკუმენტები დეპუტატებს განსახილველად ფინანსთა მინისტრის მოადგილემ გიორგი კაკაურიძემ წარუდგინა. „საქართველოსა და ევროპის რეკონსტრუქციისა და განვითარების ბანკს შორის სასესხო შეთანხმება (თბილისის მეტროს პროექტი)"  ხელშეკრულების თანახმად შეძენილი იქნება ახალი თანამედროვე ტიპის ვაგონები, რომლის შესყიდვის ღირებულებაც დაახლოებით 60 მლნ ევროა.  აღნიშნული სამუშაოების ჯამური ღირებულება შეადგენს დაახლოებით 15 მლნ ევროს (დეპოს მშენებლობა 10 მლნ ევრო, გვირაბის აღდგენა 5 მლნ ევრო) სესხის ხანგრძლივობა 15 წელი. პროექტის სავარაუდო დასრულების თარიღია 2023 წლის 20 დეკემბერი.  „საქართველოსა და რეკონსტრუქციისა და განვითარების საერთაშორისო ბანკს შორის სასესხო შეთანხმება (რეგიონალური და მუნიციპალური ინფრასტრუქტურის განვითარების მეორე პროექტის დამატებითი დაფინანსება)" „რეგიონული და მუნიციპალური ინფრასტრუქტურის განვითარების მეორე პროექტი"-ს დაფინანსების მიზნით საქართველოსა და რეკონსტრუქციისა და განვითარების საერთაშორისო ბანკს (IBRD) შორის 2014 წლის 18 აგვისტოს ხელი მოეწერა სასესხო ხელშეკრულებას (30 მლნ აშშ დოლარი) და 2015 წლის 1 მაისს ხელი მოეწერა შვეიცარიული გრანტის ხელშეკრულებას სასესხო ხელშეკრულებას (საქართველოსა და რეკონსტრუქციისა და განვითარების საერთაშორისო ბანკს (IBRD) შორის მოქმედი როგორც მუნიციპალური ინფრასტრუქტურის განვითარების მეორე პროექტი (დაახლოებით 5 მლნ აშშ დოლარი) პროექტი ითვალისწინებს საქართველოს სხვადასხვა რეგიონში ( აჭარა, იმერეთი, კახეთი, სამეგრელო-ზემო სვანეთი, სამცხე-ჯავახეთი, ქვემო ქართლი, შიდა ქართლი) მუნიციპალური ინფრასტრუქტურის გაუმჯობესებას, ასევე ინსტიტუციონალურ განვითარებას ადგილობრივი თვითმმართველობის დონეზე. ... ...
  • შინგან საქმეთა სამინისტრომ ვარკეთილში მომხდარ ფაქტთან დაკავშირებით ერთი პირი დააკავა შინაგან საქმეთა სამინისტროს თბილისის პოლიციის დეპარტამენტის, საპატრულო პოლიციის დეპარტამენტის, განსაკუთრებულ დავალებათა დეპარტამენტის და საექსპერტო-კრიმინალისტიკური დეპარტამენტის თანამშრომლებმა, ერთობლივად ჩატარებული ღონისძიების შედეგად, 1975 წელს დაბადებული ა.ი. პოლიციელებზე თავდასხმის ბრალდებით დააკავეს. დანაშაული 4-დან 7 წლამდე ვადით თავისუფლების აღკვეთას ითვალისწინებს. 2020 წლის 5 ივნისს შინაგან საქმეთა სამინისტროს საზოგადოებრივი უსაფრთხოების მართვის ცენტრ "112"-ში შემოვიდა შეტყობინება იმის თაობაზე, რომ თბილისში, ვარკეთილის მე-3 მასივში, 1975 წელს დაბადებულმა, ნასვამ მდგომარეობაში მყოფმა ა.ი.-მ ცეცხლსასროლი იარაღიდან რამდენიმე გასროლა განახორციელა. პოლიციელებმა მიღებულ შეტყობინებაზე ოპერატიულად მოახდინეს რეაგირება და დაუყოვნებლივ გამოცხადდნენ შემთხვევის ადგილზე. ადგილზე მისულ სამართალდამცველებს დახვდათ საკუთარ საცხოვრებელ სახლში ჩაკეტილი მოქალაქე ა.ი., რომელიც ამავე სახლის ფანჯრიდან, მეზობლების თანდასწრებით, მის სახელზე რეგისტრირებული ცეცხლსასროლი იარაღის დემონსტრირებას ახდენდა და უმისამართოდ ისროდა, რითაც უხეშად არღვევდა საზოგადოებრივ წესრიგს. მიუხედავად პოლიციელების არაერთი მოწოდებისა, იგი კვლავ აგრძელებდა მის ხელთ არსებული ცეცხლსასროლი იარაღიდან სროლას. რამდენიმესაათიანი მოლაპარაკებების შედეგად, ა.ი. დაემორჩილა სამართალდამცველების მოთხოვნას და საცხოვრებელი სახლი დატოვა. შინაგან საქმეთა სამინისტროს თანამშრომლებმა იგი ადგილზე დააკავეს, საქართველოს სისხლის სამართლის კოდექსის 353-პრიმა მუხლის 1-ლი ნაწილით, რაც პოლიციელზე თავდასხმას გულისხმობს. პოლიციამ დანაშაულის ჩადენის იარაღი ნივთმტკიცებად ... ...
  • დიზელის საწვავით დახმარება და მოსახლეობის გამოთქმული ეჭვი: „მაინც გვატყუებენ“საქართველოს მთავრობის მიერ  შემუშავებული ანტიკრიზისული ეკონომიკური გეგმა, რომელიც პრემიერმა წარადგინა,  კონკრეტულ მიმართულებაში „ზრუნვა სოფელსა და ფერმერეზე“, ქვეთავში,  „პროგრამით სარგებლობის ინსტრუქცია“,  ნათქვამია, რომ: „პროგრამაში ჩართულ ფერმერებს სოფლისა და სოფლის მეურნეობის განვითარების სააგენტოს რეგიონულ სამსახურებში, იუსტიციის სახლებსა და საზოგადეობრივ ცენტრებში დაურიგდებათ ავტოგასამართი კომპანიის (,,სოკარ ჯორჯია პეტროლეუმი”) ფასდაკლების ბარათები. აღნიშნული ბარათებით, პროგრამით მოსარგებლე ფერმერებს, შესაძლებლობა ექნებათ, დიზელის საწვავი, მიმდინარე წლის განმავლობაში, დიზელის ბრენდირებულ ავტოგასამართ სადგურებში ფიქსირებულ ფასზე,  დაახლოებით, 1 ლარით ნაკლებ ფასად შეიძინონ. საწვავის შეძენა შესაძლებელი იქნება „სოკარ პეტროლეუმ-ჯორჯიას” საბითუმო ბაზებიდან და ავტოგასამართი სადგურებიდან.“   დღეს, დილიდან, „გურია ნიუსს“  სწორედ „სოკარის“ სადგურიდან დაუკავშირდა არაერთი ფერმერი და მათ ერთნაირი პრეტენზია ჰქონდათ: _ხომ გვითხრეს და დაგვპირდნენ, რომ ერთი ლარით ნაკლებ ფასად იყიდით საწვავსო? აგერ, „სოკარის“ ბენზინგასამართ სადგურზე ვართ. ევროდიზელი ორი ლარი და ოთხი თეთრი ღირს, ჩვეულებრივი _ ერთი ლარი და 80 თეთრი. პარალელურად, ევროდიზელს თუ იყიდი, 1,15 ლარს გვახდევინებენ, ხოლო ჩვეულებრივში ერთ ლარს. გამოდის რომ 70-80 თეთრია შეღავათი. კი, ბატონო, მაგრამ, ყოველთვის ხალხი რატომ არის ადვილად მოსატყუებელი? თუ ერთ ლარს და 80 თეთრს ჩვენ ვერ ვარჩევთ ერთმანეთისგან ან ყურში ცუდად გვესმის? - ბრაზობდნენ ისინი. ჩვენ გარემოს დაცვისა და სოფლის მეურნეობის სამინისტროს პრესსამსახურს დავუკავშირდით, საიდანაც ასეთი პასუხი მოგვაწოდეს: „სოფლის მეურნეობის ანტიკრიზისული გეგმის ფარგლებში, აგროდიზელით ხელშეწყობის ფასდაკლების ბარათებით პროგრამით მოსარგებლე ფერმერებს შესაძლებლობა აქვთ, დიზელის   საწვავი ბენზინგასამართ  სადგურებში ფიქსირებულ ფასზე, დაახლოებით, 1 ლარამდე ნაკლებ ფასად შეიძინონ. დღეისათვის, ავტოგასამართ სადგურებში დიზელის ფასი შეადგენს საშუალოდ 1.90 ლარს, ფასდაკლების ბარათებით პროგრამის ბენეფიციარები კომპანია „სოკარის“ ავტოგასამართ სადგურებში აგროდიზელს 74 თეთრით ნაკლებ ფასად იძენენ. ფასდაკლების ბარათების და დიზელის გაცემის პროცესი, მთელი ქვეყნის მასშტაბით შეუფერხებლად მიმდინარეობს, რასაც სახელმწიფოს და კომპანიის „სოკარი“ მიერ შემუშავებული გრაფიკი უზრუნველყოფს. აგროდიზელით ხელშეწყობის პროგრამის ფარგლებში, ორგანიზებულად მომსახურების პროცესის შენარჩუნებისთვის ყველა ბენეფიციარმა, ვინც უკვე მიიღო ნებისმიერი ოდენობის ფასდაკლების ბარათი, აუცილებლად, 1 ივლისამდე უნდა შეიძინოს 50 ლიტრის დიზელის საწვავი. 1 ივლისის შემდგომ, 50 ლიტრზე ფასდაკლების ბარათით ვეღარ ისარგებლებენ. აგროდიზელით ხელშეწყობის პროგრამის მეორე ეტაპზე ბენეფიციარები 1 სექტემბრამდე შეძლებენ არაუმეტეს 300 ლიტრის, ხოლო მესამე ეტაპზე, 1 სექტემბრიდან, დარჩენილი ოდენობის შეძენას ფასდაკლების ბარათებით. აგროდიზელით ხელშეწყობის პროგრამა წლის ბოლომდე გაგრძელდება. ფასდაკლების ბარათების განაღდება შესაძლებელია კომპანიის ,,სოკარ ჯორჯია პეტროლეუმი“, საქართველოს მასშტაბით მოქმედ 89 ბენზინგასამართ სადგურზე. პროგრამით მოსარგებლე ფერმერებისთვის გათვალისწინებულია 1 ჰექტარზე 150 ლიტრის, ხოლო 100 ჰა-ზე მეტი სასოფლო-სამეურნეო დანიშნულების მიწის ნაკვეთზე, არაუმეტეს, 15,000 ლიტრის ოდენობით საწვავის ფასდაკლების ბარათების გაცემა. აგროდიზელით ხელშეწყობის პროგრამის ფარგლებში ფასდაკლების ბარათები ფერმერებისთვის ეტაპობრივად გაიცემა, როგორც იუსტიციის სახლებსა და საზოგადოებრივ ცენტრებში (my.gov.ge-ზე ვიზიტის წინასწარი დაჯავშნის პრინციპით), ასევე სოფლისა და სოფლის მეურნეობის განვითარების სააგენტოს რეგიონულ სამსახურებსა და მუნიციპალიტეტებში არსებულ საინფორმაციო-საკონსულტაციო ცენტრებში; აგროდიზელის ფასდაკლების ბარათებს გასცემს ლიბერთი ბანკის ფილიალებიც. ბარათების გაცემა ხდება პროგრამის ბენეფიციარის პირადობის დამადასტურებელი მოწმობის, ხოლო თანამესაკუთრეების შემთხვევაში, დამატებით შესაბამისი მინდობილობის ან თანხმობის წარდგენის საფუძველზე, ან იმ შემთხვევაში თუ ყველა თანამესაკუთრე ერთად გამოცხადდება.“ როგორც ამ პასუხიდან ჩანს, დიზელის საწვავის ფასი არა ზუსტად ერთი ლარით მცირდება ამ ბარათის მფლობელთათვის ,  არამედ საწვავის ყიდვისას  შეღავათი გაეწევათ ერთ ლარამდე ... ...
  • "პრიორიტეტთა შორისაც კი პრიორიტეტი უნდა იყოს"-მინისტრი გარემოს დაცვაზე„გარემოს დაცვა სულ უფრო მეტ და განსაკუთრებულ მნიშვნელობას იძენს. ყველა გამოწვევა, რომლის წინაშეც მსოფლიო დგას, თითოეულ ჩვენგანს ახსენებს, რომ ზრუნვა გარემოზე, ზრუნვა ჰაერზე, წყალზე, ზრუნვა ტყეზე, ნიადაგზე პრიორიტეტთა შორისაც კი პრიორიტეტი უნდა იყოს. წელს, გარემოს დაცვის საკითხებში მსოფლიო განსაკუთრებულ ყურადღებას ბიომრავალფეროვნების მნიშვნელობაზე ამახვილებს, რადგან ბიომრავალფეროვნება უზრუნველყოფს ეკოსისტემების მდგრადობას, ის სასიცოცხლო როლს ასრულებს გარემოსა და ბუნებრივი რესურსების წარმოქმნასა და განვითარებაში. ჩვენი ქვეყნის უნიკალურ სიმდიდრეზე, ჩვენს ბუნებაზე ზრუნვა გარემოს დაცვისა და სოფლის მეურნეობის სამინისტროს პასუხისმგებლობაა. ამ პასუხისმგებლობის გათვალისწინებით, ჩვენ ევროპული სტანდარტების და გამოცდილების გაზიარებით შევიმუშავეთ და მივიღეთ არაერთი საკანონმდებლო აქტი”,_ განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა. მინისტრის განცხადებით, ტყის კოდექსი ქვეყანაში ტყის მდგრადი მართვის პრინციპებს ამკვიდრებს და აღნიშნა, რომ გარემოს ზედამხედველობის დეპარტამენტში დასაქმებული ადამიანები საკუთარი სიცოცხლის რისკის ფასად იცავენ  ტყეებს. „მივიღეთ ტყის ახალი კოდექსი, რომელიც ქვეყანაში ტყის მდგრადი მართვის პრინციპებს ამკვიდრებს და ტყის მართვა სრულიად ახალ ეტაპზე გადაჰყავს. 2019 წელს ავკრძალეთ პლასტიკის პარკების გამოყენება. აკრძალვა ძალიან დროული და საჭირო ნაბიჯი იყო. ამოქმედდა მწარმოებლის გაფართოებული ვალდებულების სისტემა, რაც უმნიშვნელოვანესი ნაბიჯია ბუნების დაცვისთვის და ეკონომიკის ალტერნატიული საქმიანობების წახალისებისთვის. მწარმოებლის გაფართოებული ვალდებულების ამოქმედება უზრუნველყოფს, რომ ბატარეები და აკუმულატორები, საბურავები, ხმარებიდან ამოღებული სატრანსპორტო საშუალებები, ზეთები, შესაფუთი ნარჩენები და ელექტრო და ელექტრონული ნარჩენები გარემოს აღარ დააბინძურებს. გავაძლიერეთ წყლის და ატმოსფერული ჰაერის მონიტორინგის სისტემა; შეიქმნა ატმოსფერული ჰაერის ხარისხის პორტალი. ჩვენ მნიშვნელოვანი რეფორმა განვახორციელეთ გარემოსდაცვითი ზედამხედველობის დეპარტამენტში. აქ დასაქმებული ადამიანები, უმეტეს შემთხვევაში, საკუთარი სიცოცხლის რისკის ფასად იცავენ ჩვენ ტყეებს, ებრძვიან უკანონო ჭრებს. ჩვენ მნიშვნელოვანად გავაძლიერეთ საინსპექციო ნაწილი. გარემოს ყველაზე დიდ დამაბინძურებლებს, მსხვილ ინდუსტრიულ საწარმოებს გონივრულ ვადებში გამოსწორების გეგმები განესაზღვრათ. სუფთა გარემოს შენარჩუნება მნიშვნელოვნად დაკავშირებულია ცნობიერების ამაღლებასთან. სწორედ ამიტომ, სკოლამდელი აღზრდის დაწესებულებებში საგანმანათლებლო პროგრამაში შევიტანეთ გარემოსდაცვითი საკითხები. ჩვენი ხვალინდელი დღე ჩვენი მომავალი თაობაა. მათ უნდა ჰქონდეთ უფრო მეტი ცოდნა ჩვენი ქვეყნის შესაძლებლობებზე და ამ შესაძლებლობების სწორად გამოყენებაზე. ჩვენი მთავარი მიზანია, მდგრადი განვითარების პრინციპებით, გარემოს დაზიანების მინიმუმამდე შემცირებით შევძლოთ ეკონომიკის განვითარება, რაც იმას ნიშნავს, რომ საქართველო იქნება, ერთი მხრივ ეკონომიკურად ძლიერი, ხოლო მეორე მხრივ, ეკოლოგიურად სუფთა, მიმზიდველი ქვეყანა“, - განაცხადა ... ...
  • ბექა გოჩიაშვილი და კახა თოლორდავა - იმპროვიზაცია აქ.ახლა (R)თიბისის Live-სესიები - აქ.ახლა გრძელდება. 5 ივნისს, 20:00 საათზე, ყველა მსურველს საშუალება აქვს მუსიკოსის - ბექა გოჩიაშვილის სესიას ვირტუალურად დაესწროს თიბისის Facebook გვერდის (https://www.facebook.com/tbcbank/) დახმარებით. ლაივ-ჩართვა დიალოგის რეჟიმში ჩატარდება, რომლის მოდერატორი კრიტიკოსი და ჟურნალისტი - კახა თოლორდავა იქნება. სესიის - „იმპროვიზაცია - აქ.ახლა" ფარგლებში, კახა თოლორდავა და ბექა გოჩიაშვილი მუსიკასთან ერთად, ახალ რეალობაში მუსიკოსების წინაშე არსებულ გამოწვევებზე, ახალ შესაძლებლობებსა და ცოდნის გაზიარების მნიშვნელობაზე ისაუბრებენ. ჯაზ-პიანისტი, რომელიც ამჟამად ამსტერდამში ცხოვრობს და მოღვაწეობს, ახლანდელ ცხოვრებასა და შემოქმედებაზეც ისაუბრებს. (R) ... ...

არქივი

ტესტები

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

ხვალ რომ საპარლამენტო არჩევნები იყოს, რომელ პარტიას მისცემდით ხმას?