მაშველები არაადამიანურ პირობებში და პრემიერის ტყუილ დაპირებაში გასული 3 წელი

gurianews.com

მთავარი თემა

მაშველები არაადამიანურ პირობებში და პრემიერის ტყუილ დაპირებაში გასული 3 წელი

2017 ნოე 29 11:42:56

„ცალკეულ ტერიტორიებზე ან ორგანიზაციებში ისეთი კრიზისული ვითარება, რომელიც ხასიათდება მოსახლეობის ყოფა-ცხოვრების ნორმალური პირობების დარღვევით, გამოწვეულია კატასტროფით, მასშტაბური სამრეწველო ავარიით, ხანძრით, სტიქიური უბედურებით, ეპიდემიით, ეპიზოოტიით, ეპიფიტოტიით ან საბრძოლო საშუალებების გამოყენებით და რომელიც საფრთხეს უქმნის ან/და შეიძლება საფრთხე შეუქმნას მოსახლეობის სიცოცხლეს ან/და ჯანმრთელობას, იწვევს ან შეიძლება გამოიწვიოს მსხვერპლი, ადამიანთა დაშავება ან/და მნიშვნელოვანი მატერიალური ზიანი“, _ საგანგებო სიტუაციების მართვის სააგენტოს ვებგვერდზე ასეა განმარტებული საგანგებო სიტუციები, რომელიც მიმდინარე წლების განმავლობაში ძალიან ხშირად იქმნება ჩვენს ქვეყანაში.

ვებგვერდზე გამოქვეყნებული ჩამონათვალიდან მასშტაბურობით ხანძრები გამოირჩევა, რომლის ჩასაქრობად მეხანძრე-მაშველებს ზოგჯერ რამდენიმე კვირაც კი სჭირდებათ.

მიმდინარე წელს, საქართველოში, ტყეებსა და ბაზრობებზე გაჩენილი  ხანძრების პარალელურად არა ერთი განცხადება გაკეთდა იმის შესახებ, რომ ჩვენი მაშველები გმირები არიან:

ისინი მუშაობდნენ და მუშაობენ  იმისთვის, რომ ჩვენ ვიყოთ უსაფრთხოდ. მუშაობენ საკუთარი სიცოცხლის ფასად და არაადამიანურ პირობებში“.

ეს რომ მართლაც ასეა, „გურია ნიუსის“ მიერ გადაღებული კადრებითაც მტკიცდება _ მაშინ როცა საგანგებო სიტუაციების მართვის სააგენტოს ხელმძღვანელობის ყოველთვიური გასამრჯელო ათასობით ლარს შეადგენს, რიგითი თანამშრომლების ანაზღაურება 500-800 ლარის ფარგლებში მერყეობს.


ეს იმ დროს, როცა  მათ 24-საათიანი მორიგეობა უწევთ და ადამიანების დასახმარებლად  დახეული ფეხსაცმელებითაც კი დადიან.

როგორც გავარკვიეთ, ჩოხატაურის სამაშველო სამსახურის 24 თანამშრომლიდან აღჭურვილობა ნახევარსაც კი არ აქვს.

საგანგებო სიტუაციების მართვის სააგენტომ მათთვის ფეხსაცმელიც კი ვერ გაიმეტა _ 24 მაშველიდან ჩექმა, რომელთა უმეტესობა უკვე დახეულია, მხოლოდ 10 მაშველს აქვს (საუბარია ჩვეულებრივ, სამხედრო ჩექმაზე).



ამ თემაზე ისინი ღიად არ საუბრობენ _ ზემდგომიდან მიღებული მითითებების თანახმად, მათ შენობაში შესვლის უფლება არ მოგცეს, თუმცა, ჩვენ მაინც მოვახერხეთ გადაგვეღო, რა პირობებში უწევთ ჩოხატაურელ მაშველებს მუშაობა.

2015 წელს, სტატიის _ „მაშველები, რომლებიც სასწრაფოდ შველას საჭიროებენ“, „გურია ნიუსში“ გამოქვეყნების შემდეგ, სადაც საუბარი იყო იმ ადამიანურ პირობებზე და ავარიულ შენობაზე, რომელშიც ჩვენი დროის თანამედროვე გმირებს მუშაობა უწევდათ, მათ შენობა გამოუცვალეს.
თუმცა, ახალი თავშესაფარი ბევრად უკეთესი ნამდვილად არ არის _ მაშველებს არც სააბაზანო აქვთ, არც ნორმალური საპირფარეშო და არც ნორმალური საცხოვრისი.

თუმცა, როგორც გავიგეთ, მათთვის ამაზე მძიმე მოსახლეობის საყვედურებია იმის გამო, რომ გამოძახებაზე დაგვიანებით მიდიან ხოლმე.

_ ვიცით, რომ მართლები არიან _ მათ დროულად სჭირდებათ შველა, მაგრამ დაგვიანება ჩვენი ბრალი არ არის. არ ვიცით, ეს როგორ უნდა ავუხსნათ. გაჭირვებაში მყოფ ადამიანს არ აინტერესებს, რომ ჩვენი მანქანები მოძველებულია, რომ ხშირად გზაშიც კი ფუჭდება, _ აღნიშნა ჩვენთან პირად საუბარში ერთ-ერთმა მაშველმა.

გაუმართავი, საბჭოთა კავშირის დროინდელი სახანძრო მანქანები რომ პრობლემაა ამაზე „გურია ნიუსი“ არაერთხელ წერდა.

უფრო მეტიც, 2015 წლის მაისში, გურიაში ჩამოსულ პრემიერს „გურია ნიუსმა“ იმ პრობლემების ჩამონათვალი მიაწოდა, რომელიც რეგიონის მუნიციპალიტეტებს აწუხებთ და რომლის მოგვარება სასიცოცხლოდ მნიშვნელოვანი იყო.

ჩვენთან ექსკლუზიურ ინტერვიუში ირაკლი ღარიბაშვილმა პირობა დადო, რომ მთავრობისგან „მაქსიმალური ხელშეწყობა“ იქნებოდა.

კითხვაზე, ფლობდა თუ არა ინფორმაციას გურიის მუნიციპალიტეტებში არსებული პრობლემების შესახებ, იცოდა თუ არა, რომ ჩოხატაურში სახანძრო მანქანების ავარიულობის გამო, იმავე წელს  5 სახლი დაიწვა, გვიპასუხა:

„ჩემი დავალებით ჩვენ დავამუშავეთ პროექტი და მთელი საქართველოს მასშტაბით წელსვე დავიწყებთ სახანძრო მანქანების შესყიდვას. ლიზინგით ავიღებთ ამ მანქანებს და ყველა რეგიონს მოვამარაგებთ. წელს ეტაპობრივად დაიწყება რეგიონის მომარაგება.

ამ ინტერვიუდან ერთი თვის შემდეგ,  პრემიერის პრესსამსახურს იმის გასარკვევად დავუკავშირდით, როგორ სრულდებოდა ღარიბაშვილის დაპირება:

„წლის ბოლომდე ჩოხატაურისთვის ეს პრობლემაც მოგვარდება. შინაგან საქმეთა სამინისტროს საზოგადოებასთან ურთიერთობის დეპარტამენტის ინფორმაციით, მიდის მზადება საერთაშორისო ტენდერის გამოსაცხადებლად და ტენდერის საფუძველზე შესყიდული სახანძრო მანქანები წლის ბოლომდე უკვე გადანაწილდება რეგიონების მიხედვით“, _ მოგვწერეს მაშინ პრესსამსახურიდან.

თუმცა, მას შემდეგ რამდენიმე თვე კი არა, წელი გავიდა _ უფრო რომ დავაკონკრეტოთ, დაპირების გაცემიდან  სამი წლის ბოლო მიილია და ჩოხატაურს ახალი სახანძრო მანქანა ამ დრომდე არ მიუღია.

უფრო მეტიც, როგორც გავარკვიეთ, იმდროინდელი პრემიერის დაპირება ტყუილი აღმოჩნდა _ შინაგან საქმეთა სამინისტროს სახანძრო მანქანების შესაძენად ტენდერი არ გამოუცხადებია.

_ სამწუხაროდ, ისევ ისეთი მდგომარეობაა, როგორიც 2015 წელს იყო. თუმცა, ახალი, საგანგებო სიტუაციების მართვის ცენტრი  იმისთვის იქმნება, რომ მან უზრუნველყოს სამაშველო სამსახურის ტექნიკური აღჭურვა, ინფრასტრუქტურის მოწყობა და ა. შ., _ აღნიშნა ჩვენთან საუბრისას შინაგან საქმეთა სამინისტროს პრესსამსახურის ხელმძღვანელმა სოფო მდინარაძემ.



აღსანიშნავია, რომ საქართველოს პარლამენტში მთავრობის მიერ შეტანილი ცვლილებების პაკეტის თანახმად, რომლის განხილვებიც საკანომდებლო ორგანოში უკვე მიმდინარეობს, საგანგებო სიტუაციების მართვის ცენტრი პრემიერის დაქვემდებარებული ორგანო იქნება.

ცნობილია ისიც, რომ ცენტრს გიორგი მღებრიშვილი უხელმძღვანელებს _ ადამიანი, რომელიც ორი წლის განმავლობაში შინაგან საქმეთა მინისტრი იყო და რომლის დაქვემდებარებაში შედიოდა სამაშველო სამსახური, რომლისთვისაც, როგორც უკვე აღვნიშნეთ, ამ დროის განმავლობაში არაფერი გაკეთებულა.


ნახვა: 739


 ახალი ამბები
  • მოსამართლე ბათუმის საქალაქო სასამართლოს თავმჯდომარეს დევნაში ადანაშაულებსბათუმის საქალაქო სასამართლოს მოსამართლე ირაკლი შავაძე სასამართლოს თავმჯდომარეს დავით მამისეიშვილს ზეწოლაში ადანაშაულებს და ამტკიცებს, რომ თავმჯდომარესთან შეუთანხმებელი გადაწყვეტილებების გამო დევნიდნენ. მოსამართლის განცხადებით, სწორედ ამ დამოკიდებულების გამო უთხრეს უარი უვადოდ დანიშვნაზე. „ბათუმის საქალაქო სასამართლოს თავმჯდომარე დავით მამისეიშვილი შეგნებულად მიშლიდა ხელს, რომ განმეხორციელებინა მართლმსაჯულება. მიქმნიდა პრობლემებს, დაიწყო კავშირების გაბმა პროკურატურაში, შეთანხმებულად დაიწყეს თავდასხმა და იუსტიციის უმაღლეს საბჭოში დისციპლინური დევნის საკითხები დააყენეს. ყოველივე ამის უკან რომ თვითონ დგას, მე ამის მტკიცებულებები შემიძლია მივაწოდო შესაბამის უწყებებს“, – აცხადებს ირაკლი შავაძე ჟურნალისტებთან საუბრისას. მოსამართლე ფაქტების გასაჯაროებას გეგმავს და დახმარებისთვის არასამთავრობო სექტორს, მათ შორის ახალგაზრდა იურისტთა ასოციაციას და საერთაშორისო გამჭვირვალობას მიმართავს. ... ...
  • ნარკოდანაშაულისთვის დაკავებული 20 პირი _ შსს-მ სამუშაო კვირა შეაჯამაბოლო ერთი კვირის განმავლობაში, შინაგან საქმეთა სამინისტროს თანამშრომლების მიერ, მთელი ქვეყნის მასშტაბით ამოღებულია დიდი და განსაკუთრებით დიდი ოდენობის სხვადასხვა სახისნარკოტიკული საშუალება. პოლიციის მხრიდან კრიმინალთან აქტიური ბრძოლა გრძელდება. სამინისტროს თანამშრომლებმა თბილისში, სამცხე-ჯავახეთში, აჭარასა და ქვემო ქართლში, ჯამში, 0,5 კილოგრამზე მეტი ნარკოტიკული ნივთიერებები ამოიღეს, მათ შორის: 589.86 ჰეროინის შემცველინარკოტიკული საშუალება, 191 აბი „სუბოქსინი", 18 აბი „მდმა", 437 აბი „ექსტაზი", 179 აბი „ბუპრენორფინი", 10 აბი „მეტადონი", 1 შეკვრა ოპიუმი და ა.შ. ნარკოდანაშაულისთვის 20 პირია დაკავებული, მათშორის - 5 ნარკორეალიზატორი. დაკავებულთა შორის, 8 უცხო ქვეყნის მოქალაქეა. მათ მიერ სხვადასხვა მუხლით ჩადენილი დანაშაული, 7-დან 20 წლამდე ან უვადო თავისუფლების აღკვეთასითვალისწინებს. აჭარის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, ბათუმში ნარკოდანაშაულისთვის თურქეთის 3 და უზბეკეთის 1 მოქალაქედააკავეს. პოლიციამ ერთ-ერთი ბრალდებულის მიერ მოქალაქისთვის მიყიდული 10 აბი „ექსტაზი" ნივთმტკიცებად ამოიღო. მისი პირადი და დროებით საცხოვრებელი ბინის ჩხრეკისას ამოღებულია 427 აბი„ექსტაზი". პოლიციამ, საგამოძიებო მოქმედებების შედეგად, ასევე, დააკავა მათთან კავშირში მყოფი თურქეთის რესპუბლიკის სხვა მოქალაქე და უზბეკეთის 1 მოქალაქე, რომელთა პირადი და დროებით საცხოვრებელიბინის ჩხრეკისას 164 აბი „ექსტაზი" ამოიღო. ზემოაღნიშნულ ფაქტებზე გამოძიება გრძელდება. შინაგან საქმეთა სამინისტროს ერთ-ერთი მთავარი ამოცანაა ნარკოდანაშაულის წინააღმდეგ ბრძოლა. სამინისტროს მიზანია დროულად აღიკვეთოს ნარკოტიკის გავრცელება და მაქსიმალურად შემცირდეს ... ...
  • საქართველოს პრეზიდენტმა ცხინვალში მოკლული არჩილ ტატუნაშვილის ოჯახს მიუსამძიმრასაქართველოს პრეზიდენტი წილკნის დევნილთა დასახლებაში ჩავიდა და ოკუპირებულ ცხინვალში მოკლული არჩილ ტატუნაშვილის ოჯახს მიუსამძიმრა საქართველოს პრეზიდენტმა არჩილ ტატუნაშვილის დაღუპვას ყოვლად ამაზრზენი მკვლელობა უწოდა და განაცხადა, რომ ეს მკვლელობა ჩვენი ქვეყნის ოკუპაციის ტრაგედიას დიდ ტკივილად დაემატა. ,,ჩვენ დავკარგეთ თანამებრძოლი. ადამიანი, რომელიც საქართველოს ემსახურებოდა, მათ შორის საერთაშორისო მისიებში. მას საქართველოში ერთი ტყვია არ გაუსვრია. ის ემსახურებოდა სამშობლოს, სამხედრო სამსახურის შემდეგ კი, ცხოვრობდა უკვე მშვიდობიანი მოქალაქის ცხოვრებით. ვიზიარებთ ოჯახისა და ყველა ახლობლის ტკივილს. სახელმწიფო უშიშროების სამსახური მუშაობს როგორც გადმოსვენების საკითხებზე, ასევე, ჩვენი ორი თანამოქალაქის დაბრუნების საკითხზე, რომელთა ბედიც ძალიან გვაღელვებს. ბუნებრივია, ჩვენთვის ძალიან მნიშვნელოვანია, რომ ამ ტრაგედიის პარალელურად გამოჩნდეს ის სიმართლე, რაც ხდება ოკუპირებულ რეგიონებში. ის, რაც ჩვენ ვნახეთ ერთი წლის წინ აფხაზეთში, ის რასაც ვხედავთ აქ, ეს არის უდანაშაულო ადამიანების მკვლელობა - სხვას ვერაფერს დავარქმევ ამას. ჩვენთვის მნიშვნელოვანია, რომ დოკუმენტურად დამტკიცდეს “, - აღნიშნა საქართველოს პრეზიდენტმა. შეგახსენებთ, რომ წუხელ ოკუპირებული ცხინვალის საავადმყოფოში საქართველოს მოქალაქე 1983 წელს დაბადებული არჩილ ტატუნაშვილი გარდაიცვალა. ინფორმაციას ამის შესახებ ე.წ სამხრეთ ოსეთის უშიშროების კომიტეტი ავრცელებს. დე ფაქტო უწყების ცნობით ტატუნაშვილი ერთი დღით ადრე ახალგორში დააკავეს, ტატუნაშვილს დე ფაქტო საგამოძიებო უწყებამ „გენოციდის" ბრალდება წაუყენა. როგორც საოკუპაციო რეჟიმის მედია წერს, ტატუნაშვილი დაკითხვაზე ცხინვალში გადაიყვანეს, სადაც მას აჩვენეს მასალები, რომელიც მის 2008 წლის საბრძოლო მოქმედებებში მონაწილეობას ამტკიცებდა. დეფაქტო ცხინვალი აღიარებს, რომ დროებით იზოლატორში გადაყვანისას ტატუნაშვილის წინააღმდეგ ძალა გამოიყენეს, რის გამოც მან მნიშვნელოვანი ტრამვები მიიღო და საავადმყოფოში გადაიყვანეს.„დაკითხვისას ეჭვმიტანილმა ადვოკატის და თარჯიმნის გარეშე კითხვებზე პასუხის გაცემაზე უარი თქვა, თუმცა არც მათი თანდასწრებით არ ითანამშრომლა გამოძიებასთან. ამის შემდეგ მისი დროებითი მოთავსების იზოლატორში გადაყვანა გადაწყდა, თუმცა გადაყვანის პროცესში მას ქონდა მცდელობა, რომ ერთ-ერთი ბადრაგისთვის იარაღი წაერთმია. აღნიშნულ მცდელობაზე შესაბამისი რეაგირება მოახდინეს ბადრაგებმა და მის წინააღმდეგ ფიზიკური ძალა და სპეცსაშუალებები გამოიყენეს. ტატუნაშვილმა წონასწორობა დაკარგა და კიბის საფეხურზე დაეცა, რის შედეგადაც ტრავმები მიიღო და საავადმყოფოში გადაიყვანეს.“- ნათქვამია დე ფაქტო უწყების მიერ გავრცელებულ ინფორმაციაში.მათი თქმით, საავადმყოფოში მას ყველა საჭირო სამედიცინო დახმარება გაუწიეს თუმცა ის გარდაიცვალა. გარდაცვალების ზუსტი მიზეზი ექსპერტიზის შემდეგ დადგინდება.როგორც საოკუპაციო რეჟიმის მედია წერს არჩილ ტატუნაშვილი საქართველოს თავდაცვის სამინისტროს ელიტარული დანაყოფის შემადგენლობაში მსახურობდა და მონაწილეობა აქვს მიღებული 2008 წლის საბრძოლო ... ...
  • საჯარო რეესტრი და შემოსავლების სამსახური ბიზნესის დაწყების მსურველებს ახალ სერვისს სთავაზობენ (R) იუსტიციის სამინისტროს საჯარო რეესტრის ეროვნულ სააგენტოსა და ფინანსთა სამინისტროს შემოსავლების სამსახურს შორის მემორანდუმი გაფორმდა. ურთიერთთანამშრომლობის მემორანდუმს დღესხელი საჯარო რეესტრის თავმჯდომარემ პაპუნა უგრეხელიძემ და შემოსავლების სამსახურის უფროსმა გიორგი თაბუაშვილმა მოაწერეს. ორუწყებას შორის გაფორმებული მემორანდუმი მიმართულია ბიზნესის დაწყებით დაინტერესებული პირების მომსახურების გაუმჯობესებისაკენ. მემორანდუმის თანახმად, ბიზნესის დაწყების რეგისტრაციის მოთხოვნასთან ერთად, იმავე განცხადებით, დაინტერესებულ პირებს ექნებათ შესაძლებლობა, მოითხოვონ დამატებული ღირებულების გადასახადის (დღგ) გადამხდელად ნებაყოფლობითი რეგისტრაცია შემოსავლების სამსახურში დამატებითი ვიზიტის გარეშე. საჯარო რეესტრის ეროვნული სააგენტო ელექტრონული პროგრამის საშუალებით თავად უზრუნველყოფს განაცხადის შემოსავლების სამსახურისთვის მიწოდებას. შედეგად კი, ბიზნესის რეგისტრაციის პროცედურის დასრულებასთან ერთად, სუბიექტი დარეგისტრირდება დამატებული ღირებულების გადასახადის (დღგ) გადამხდელადაც. დამატებული ღირებულების გადასახადის (დღგ) გადამხდელად ნებაყოფლობით დარეგისტრირების შესახებ შეტყობინებას დაინტერესებული პირი მის მიერ განცხადებაში მითითებულ მობილური ტელეფონის ნომერზე მოკლე ტექსტური შეტყობინებით მიიღებს. "საჯარო რეესტრსა და ფინანსთა სამინისტროს შემოსავლების სამსახურს შორის გაფორმებული მემორანდუმის თანახმად, საქართველოს მოქალაქეები შეძლებენ ბიზნესის სუბიექტების რეგისტრაციასთან ერთად, იმავდროულად, ერთი სარკმლის პრინციპით, დამატებითი ღირებულების გადასახადის გადამხდელად დარეგისტრირდნენ. კიდევ უფრო გამარტივებული მომსახურება უფრო მეტ შესაძლებლობას მისცემს ქვეყანას, მსოფლიო ბანკის „Doing Business" რეიტინგშიც წინ წაიწიოს. აღნიშნული სიახლე ადასტურებს, რომ საქართველო აგრძელებს რეფორმებს ბიზნესგარემოს გასაუმჯობესებლად, რაც იმედი გვაქვს, კიდევ უფრო გააუმჯობესებს საქართველოს პოზიციას მსოფლიო ბანკის მომდევნო წლების რეიტინგებში", – განაცხადა საჯარო რეესტრის ეროვნული სააგენტოს თავმჯდომარემ პაპუნა უგრეხელიძემ. "ჩვენ კიდევ უფრო გავუმარტივეთ მეწარმე სუბიექტებს და სამეწარმეო საქმიანობით დაინტერესებულ პირებს, ერთი ფანჯრის პრინციპით მოახერხონ როგორც საჯარო რეესტრის ეროვნულ სააგენტოში, ისე შემოსავლების სამსახურის მომსახურების დეპარტამენტის სერვისცენტრებში პირველადი რეგისტრაციის პროცედურების გავლა", –აღნიშნა შემოსავლების სამსახურის უფროსმა გიორგი თაბუაშვილმა. მსოფლიო ბანკის Doing Business 2018 წლის ანგარიშის მიხედვით, საქართველომ 190 ქვეყანას შორის, მე-16 ადგილიდან მე-9 ადგილზე გადაინაცვლა. რეიტინგი ბიზნესის გარემოს მსოფლიოს 190 ქვეყანაში, 10 ძირითადი კრიტერიუმის მიხედვით იკვლევს. ერთ–ერთი ინდიკატორია ბიზნესის დაწყების სიმარტივე, რომლითაც საქართველო მერვედან მეოთხე ადგილზე დაწინაურდა. ... ...
  • ლანჩხუთში მოსახლეობასთან შეხვედრაზე აზიური ფაროსანას საწინააღმდეგო ღონისძიებების სამოქმედო გეგმა განიხილეს (R)აზიური ფაროსანას საწინააღმდეგო ღონისძიებების სამოქმედო გეგმა განიხილეს ლანჩხუთში მოსახლეობასთან შეხვედრაზე. ლანჩხუთი - ჩოხატაურის მაჟორიტარი დეპუტატი ნინო წილოსანი, გურიის გუბერნატორი მერაბ ჭანუყვაძე, ლანჩხუთის მერი ალექსანდრე სარიშვილი და საკრებულოს თავმჯდომარე ბესიკ ტაბიძე, სოფელ ჩოჩხათის მოსახლეობას შეხვდნენ. ნინო წილოსანმა მოსახლეობას დეტალურად მიაწოდა ინფორმაცია, იმ ღონისძიებების შესახებ, რომლებიც 2018 წელს აზიურ ფაროსანასთან ბრძოლის სახელმწიფო პროგრამის შესაბამისად განხორციელდება და საერთაშორისო და ქართველი ექსპერტების რეკომენდაციებს ემყარება. როგორც შეხვედრაზე გუბერნატორმა აღნიშნა, მავნებლის საწინააღმდეგო ღონისძიებებში კვლავაც აქტიურად ჩაერთვება და ასევე, მნიშნელოვანია მოსახლეობის ჩართულობაც. "მავნებელთან ბრძოლა ჩვენთვის ერთ-ერთ მთავარ პრიორიტეტს წარმოადგენს. ამ მიზნით აქტიურად ვთანამშრომლობთ გარემოსა და სოფლის მეურნეობის სამინისტროსთან, სურსათის ეროვნულ სააგენტოსთან. ყველაფერს გავაკეთებთ იმისთვის, რომ ეს პრობლემა აღმოიფხვრას", _  განაცხადა მოსახლეობასთან შეხვედრაზე მერაბ ჭანუყვაძემ. ... ...

არქივი

ზაფრანი

დემოკრატიის სახელით

ცოტა ხნის წინ სამხრეთ აფრიკის...

მერილინ მონროს საიდუმლო

რამდენიმე წლის წინ ცნობილმა ამერიკელმა...

"სიყვარულში გალეული"

ვაშინგტონის ზოოპარკის მკვიდრი, 58 წლის...

თვალები გეღლებათ?

სამუშაო დღის ბოლოს თვალები გვეღლება....

თავბრუ გეხვევათ?

ეს შეგრძნება შეიძლება უწყინარი მიზეზითაც...

ლიკურგეს სამართალი

სპარტის სამეფოს გაძლიერებას ანტიკური ხანის...
კარმიდამო ჩემი

როგორ მოვიწესრიგოდ წნევა

ჰიპერტონია სერიოზული დაავადებაა, რომელიც მუდმივად...

ფუტკრის პური

თაფლი, დინდგელი, ყვავილის მტვერი, ცვილი...

როგორ მოვუაროთ მცენარეებს ადრე გაზაფხულზე

გაზაფხულის დამდეგი ზამთრიდან გაზაფხულისკენ გარდამავალი...

სენპოლია _ მთელი წელი მოყვავილე ოთახის ია

ეს სამხრეთ აფრიკული მცენარე ინტერიერის...

როგორ დავიცვათ თავი ბრონქიტისგან

ხველება ყოველთვის მიგვანიშნებს ორგანიზმის არასასურველ...

ვიოლები _ საოცარი ყვავილების ისტორია და მოვლის წესები

ამ საოცარ ყვავილებს ვიოლებს უწოდებენ,...

ოთახის მცენარე, რომელიც ჰაერს გაზის ნამწვისგან წმენდს

სპეციალისტები გვირჩევენ, აუცილებლად ვიყოლიოთ სახლში...

ჩაი და ყავა არა მარტო სასმელია

ცნობილია, რომ ჩაისა და ყავის...

შეწამვლითი ღონისძიებები და უსაფრთხოების ზომები

ვაგრძელებთ უსაფრთხოების ზომების შესახებ საუბარს,...

ახლებურად შევხედოთ ჩაის აღდგენას და მისი მოვლის მეთოდებს

ჩაის გაშენება ჩაის რეაბილიტაციის სახელმწიფო...

მონსტერა ჩვენს პირობებში _ როგორ გამოვაზამთროთ ოთახის გარემოში

მონსტერა მარადმწვანე ბუჩქოვანი და ლიანა...