მერობის კანდიდატი და "ოცნების" წევრები "ნაციონალური მოძრაობის" ლიდერის ქორწილში

gurianews.com

მთავარი თემა

მერობის კანდიდატი და "ოცნების" წევრები "ნაციონალური მოძრაობის" ლიდერის ქორწილში

2017 ნოე 7 16:03:45

სოციალურ ქსელში ვრცელდება ოზურგეთის მერობის დამოუკიდებელი კანდიდატის კონსტანტინე შარაშენიძის ფოტო, რომელიც "ნაციონალური მოძრაობის" წევრის, ადგილობრივი ლიდერისა და სოფელ ჭანიეთის მაჟორიტარი დეპუტატის დავით მჟავანაძის ქორწილში იმყოფებოდა.

აღნიშნულთან დაკავშირებით, საუბრობენ იმაზე, რომ  შარაშენიძის მჟავანაძის ქორწილში მისვლა, "ენმ"-სთან გარიგებას ნიშნავს.

ამ თემაზე კომენტარები  ვთხოვეთ "ენმ" ლიდერს დავით მჟავანაძეს და ასევე მერობის დამოუკიდებელ კანდიდატს კონსტანტინე შარაშენიძეს:

_ რაც შეეხება ქორწილში მისვლას, ოზურგეთელები ვართ და დამპატიჟეს. გარდა ამისა, რძალი _ დათოს მეუღლე არის ჩემი მეზობელი სოფელ დვაბზუდან. აქედან გამომდინარე აუცილებლად მიმაჩნდა, რომ რაკი დამპატიჟეს, ქორწილში აუცილებლად უნდა მივსულიყავი. რაც შეეხება ჩემს "ნაციონალურ მოძრაობასთან გარიგებას, ეს საზოგადოებამ  შეაფასოს, _ ამბობს კონსტანტინე შარაშენიძე "გურია ნიუსთან" საუბრის დროს.

დავით მჟავანაძის თქმით, ვინც ფიქრობს, რომ ადამიანები ქორწილში პოლიტიკური ნიშნით უნად დაპატიჟოს, ისინი პოლიტიკურად გაუნათლებლები არიან:

_ არანაირი კავშირი პოლიტიკას და ადამიანურ ურთიერთობებს შორის არ არსებობს. დღეს ინტერესის სფერო არის კონსტანტინე  შარაშენიძე, თუმცა, თუ თვალს კარგად გადაავლებთ ქორწილის ფოტოებს, ნახავთ, რომ ძალიან ბევრი "ქართული ოცნების" მაჟორიტარი დეპუტატი და ასევე, დეპუტატობის კანდიდატებიც იყვნენ იქ. მაგალითად, მერაბ ბერიძე ჯუმათიდან, რომელმაც არჩევნებში ყველაზე კარგი შედეგი აჩვენა და ახლა საკრებულოში "ქართული ოცნებიდან" დეპუტატია, თუმცა, ის ჩემი მეგობარია. ქორწილში იმყოფებოდა, ასევე, ჩემი ოპონენტი ავთანდილ სურგულაძე, რომელიც "ქართული ოცნებიდან" იყრიდა კენჭს ჭანიეთში. ~

რა გამოდის _ რადგან ამ ადამიანებს განსხვავებული პოლიტიკური შეხედულება აქვთ, ქორწილში არ უნდა დავპატიჟო? ასე ფიქრობენ ადამიანები, რომლებიც გონებით ჩამორჩენილები არიან და არ შეუძლიათ სხვანაირად აზროვნება.

მე ვფიქრობ, ეს არის აგორებული ბინძური პიარკამპანია, რომელიც მოდის სპეცსამსახურებიდან _ ხელისუფლება ცდილობს, ჩირქის მოცხებით გავიდეს ფონს. რაც შეეხება არჩევნების მეორე ტურს, "ენმ"-მ მიიღო გადაწყვეტილება, რომ მასში მონაწილეობა არ უნდა მიიღოს. ხელისუფლებამ გააყალბა არჩევნები და ჩვენ ბოიკოტი გამოვუცხადეთ მეორე ტურს, თუმცა, გვყავდა ძალიან კარგი კანდიდატი, _ ამბობს მჟავანაძე.



 ახალი ამბები
  • ოზურგეთში სწრაფი ჩარიცხვის აპარატი მოიპარესოზურგეთის მუბიციპალიტეტის სოფელ ნატაბებში საზოგადოებრივი ცენტრის ფოიედან სწრაფი ჩარიცხვის აპარატი მოიპარეს. აღნიშნული იბფორმაცია დაგვიდასტურა მუნიციპალიტეტის გამგებლის წარმომადგენელმა სოფელ ნატანებში ჯონი ღლონტმა. მისი თქმით, უკვე დაიწყო მოკვლევა აღნიშნულთან დაკავშირებით. ღლონტის თქმით, არსებობს ვიდეოკამერის ჩანაწერები. "აპარატი დაზიანებულია, თუმცა თანხასთან დაკავშირებით მოკვლევა მიმდინარეობს, ჯერჯერობით, თანხის დაუდგენელია ... ...
  • ზვიად მამალაძე ინფრასტრუქტურის კომისიის თავმჯდომარედ აირჩიესჩოხატაურის მუნიციპალიტეტის მეოთხე მოწვევის საკრებულოს ინფრასტრუქტურის კომისიის თავმჯდომარედ ზვიად მამალაძე აირჩიეს. მას მხარი სხდომაზე მყოფი 37 დეპუტატიდან მხარი 32-მა  დეპუტატმა დაუჭირა. მამალაძეს საკრებულოს თავმჯდომარის მოადგილეობა სურდა და ეს ღიადაც დაადასტურა, თუმცა, საკრებულოს სხდომის დაწყებამდე გამართულ უმრავლესობის საგანგებო სხდომაზე მმართველი გუნდის დეპუტატებმა სხვა გადაწყვეტილება მიიღეს _ საკრებულოს თავმჯდომარის მოადგილედ დავით გუდავაძე წამოაყენეს და აირჩიეს კიდეც. ზვიად მამალაძე წინა მოწვევის საკრებულოში ფრაქცია „ქართულ ოცნებას“ ... ...
  • ვინ არის საფინანსო კომისიის ახალი თავმჯდომარე, რომელიც ძველ ჩვევებს ვერ ღალატობსჩოხატაურის მეოთხე მოწვევის საკრებულოს საფინანსო-საბიუჯეტო კომისიის თავმჯდომარე პროფესიით გეოლოგი აკაკი ყაჭეიშვილი გახდა. მას მხარი სხდომაზე მყოფი 37 დეპუტატიდან 30-მა დეპუტატმა დაუჭირა. ყაჭეიშვილმა, რომელიც „ნაციონალების“ ხელისუფლების დროს, სოფელ გოგოლესუბნის გამგებელი იყო, 2014 წელს ამავე სოფელში კენჭი დამოუკიდებლად იყარა და „ოცნების“ კანდიდატი დაამარცხა. 2017 წლის ადგილობრივი თვითმმართველობის არჩევნების წინ კი „ქართულ ოცნებას“ შეუერთდა და მაჟორიტარის მანდატი მმართველი გუნდის სახელით მოიპოვა. აღსანიშნავია, რომ იგი „ნაციონალური მოძრაობის“ პერიოდში დროს მედიის მიმართ აგრესიით გამოირჩეოდა _ კამერაზე ხელსაც გვიფარებდა, საარჩევნო კამპანიის დროს გამგეობაში „ნაცმოძრაობის“ ატრიბუტიკიანი მაისურით დადიოდა და არც შეურაცხყოფებს ერიდებოდა. როგორც ჩანს, ის ჩვეულებას ახლაც ვერ ღალატობს _ მან საკრებულოს დღევანდელ სხდომაზე ფოტოს გადაღების უფლება არ მოგვცა. არადა, საჯარო სივრცეში, მით უმეტეს საკრებულოს სხდომაზე გადაღების უფლება არათუ ჟურნალისტს, ნებისმიერ მოქალაქეს აქვს. უნდა ითქვას ისიც, რომ ეს ყველაზე უკეთ უნდა იცოდეს საკრებულოს წევრმა, რომელიც თავად არის ადამიანისთვის კონსტიტუციით მინიჭებული უფლების დაცვის გარანტი, რაც, როგორც ჩანს, მისთვის ... ...
  • სოციალური კომისიის თავმჯდომარედ ელისო ჭიჭინაძე აირჩიესლანჩხუთის საკრებულოში სოციალური კომისიის თავმჯდომარედ ლესის მაჟორიტარი დეპუტატი, ელისო ჭიჭინაძე აირჩიეს. ჭიჭინაძის კანდიდატურას კენჭისყრაში მონაწილე 27 დეპუტატიდან 21-მა დაუჭირა ... ...
  • ქონების მართვის კომისია ლაშა თოლორდავას ჩააბარესგუთურის მაჟორიტარ დეპუტატს, ლაშა თოლორდავას, ჩოხატაურის მუნიციპალიტეტის მეოთხე მოწვევის საკრებულოს დეპუტატებმა ქონების მართვის კომისიაა ჩააბარეს. მას მხარი 35-მა დეპუტატმა დაუჭირა. მისი კანდიდატურა ფრაქცია „ქართულმა ოცნებამ“ წარადგინა. თოლორდავა, რომელსაც უმაღლესი განათლება არ აქვს, ჩვენთან საუბრისას ამბობს, რომ ეს პრობლემას არ წარმოადგენს. აღსანიშნავია, რომ მას თანამდებობაზე ყოფნა წინა მოწვევის საკრებულოში სოციალურ საკითხთა კომისიის თავმჯდომარის პოსტზეც უნდოდა, თუმცა, მაშინ მისი კანდიდატურა არ გასულა.   ... ...

არქივი

ზაფრანი

მკურნალი ზეთი

მცენარეული ზეთი არა მარტო აუმჯობესებს...

„ფოტოგრაფი“ ლომი

კენიაში, "მასაი მარას" ნაკრძალში, ლომებზე...

ბრაზიანი "ელვისი"

სიდნეიში, "ავსტრალიის რეპტილიის პარკში", ცნობილი...

„სიგარეტი“ და რიანა

ახლახან ჰავაის კუნძულებზე დასასვენებლად ჩასული...

ციტრუსების დიეტა

ცივ ამინდში ორგანიზმს ვიტამინები აკლდება,...

ჭრელა ხარი

ჩინეთის პროვინცია იუნანში ძველი დროიდან...
კარმიდამო ჩემი

ნატურალური წვენები ჯანმრთელობის სამსახურში

გერმანელმა მეცნიერებმა მასშტაბური გამოკვლევების შემდეგ...

ხიზილალა და ადამიანის ჯანმრთელობა

წითელ ხიზილალას მედიცინა მეტად ძვირფას...

როგორ მოვერიოთ ინტოქსიკაციას

ყოველდღიურად სუნთქვის საშუალებით, საკვებიდან, წყლიდან...

ღიღილო ჯანმრთელობის სამსახურში

ჰიპოკრატეს დროიდან არის ცნობილი ლურჯი...

იაჟუჟუნას სამკურნალო თვისებები

იაჟუჟუნა, ანუ სამფერა ია შედის...

ჯანმრთელობისთვის საჭირო ელემენტები

როგორც კი ცუდად ვიგრძნობთ თავს,...

გემრიელი "დუეტი"

თუ გინდათ იყოთ ჯანმრთელი და...

ფიტოაფთიაქი

სამყურას ეთეროვან ზეთს აქვს ანთების...

ექინაცეას სამკურნალო თვისებები

ექინაცეა სამართლიანად მიაჩნიათ "გონიერ" მცენარედ....

როგორ შევინარჩუნოთ მხედველობა

მხედველობის მრავალი პრობლემა თვალების გადაღლისა...

ძლიერი იმუნიტეტი რომ გვქონდეს

ყოველდღე ორგანიზმში წარმოიქმნება 12 მილიარდი...

როზმარინის სამკურნალო თვისებები

ბერძებმა ექიმებმა იცოდნენ, რომ "როზმარინი...