"მეც უარს ვიტყვი საქართველოს მოქალაქეობაზე" _ აფხაზეთის ომის ვეტერანი

gurianews.com

მთავარი თემა

"მეც უარს ვიტყვი საქართველოს მოქალაქეობაზე" _ აფხაზეთის ომის ვეტერანი

2017 სექ 20 11:41:49

აფხაზეთის ომის ვეტერანი, პირველი ჯგუფის შეზღუდული შესაძლებლობის მქონე გიორგი შანშიაშვილი დახმარებას ითხოვს.

ის 1993 წელს საბრძოლო მოქმედების დროს მძიმედ დაიჭრა. მკურნალობის პარალელურად დაინფიცირების პროცესი დაეწყო, რაც განგრენაში გადაიზარდა.

როგორც შანშიაშვილი „გურია ნიუსთან“ საუბრისას აღნიშნავს, მას გერმანიაში სამკურნალოდ წასასვლელად საჭირო თანხა არ აქვს _ მკურნალობის კურსის გავლისთვის 12 300 ევრო სჭირდება.

„პროფესიით ჟურნალისტი ვარ და 1993 წელს, ომის დაწყების პირველივე დღეს  წავედი აფხაზეთში _ მინდოდა ეს ისტორიული ფაქტი დამეფიქსირებინა. შემდეგ კი, „მხედრიონის“ ბრიგადის საომარ ქმედებებში მოხალისედ ჩავერთე და გამჭოლი ჭრილობა მივიღე. მკურნალობის მიუხედავად, 2 წლის შემდეგ ტკივილები დამეწყო. ექიმთან მისვლისას ვფიქრობდი, რომ ტკივილგამაყუჩებელ აბებს დამინიშნავდა, მაგრამ მითხრა, რომ განგრენა გაქვს და თუ 2 თვეში ოპერაციას არ გაიკეთებ, დაიღუპებიო.  წარსულში მეზღვაური ვიყავი, რის გამოც, ძლიერი ორგანიზმი აღმომაჩნდა და დაავადება ადვილად ვერ მომერია“, _ ამბობს შანშიაშვილი.

ამბობს, რომ ქვეყანაში მაშინ კრიზისი იყო და სამკურნალოდ ამერიკაში წასასვლელად საცხოვრებელი სახლი გაყიდა:

ფსიქოლოგიური შოკიდან გამოსვლის შემდეგ სამკურნალოდ ამერიკაში წასვლა გადავწყვიტე. ქვეყანაში კრიზისი იყო და ოპერაციის გასაკეთებლად საკუთარი საცხოვრებელი სახლი გავყიდე. ამჟამად დებთან ერთად ვცხოვრობ“, _ ამბობს ის.

მისივე თქმით, მთავრობა ოპერაციებს უფინანსებს, მაგრამ დაფინანსების მოსაპოვებლად საჭირო პროცესი დროში ძალიან:

ეს ისეთი დაავადებაა, რომელსაც რამდენიმე ოპერაცია და მკურნალობა სჭირდება. მთავრობა ოპერაციას აფინანსებს, მაგრამ ეს პროცესი დროში ძალიან იწელება, რაც უკვე მიღწეულ შედეგებს ანადგურებს და ფსიქოლოგიური სტრესის გადალახვაც თავიდან მიწევს“, _ ამბობს შანშიაშვილი, რომელსაც ექიმებმა რამდენიმე წლის წინ, განგრენის გარდა სხვა დიაგნოზიც დაუსვეს:

დაახლოებით 3 წლის წინ მითხრეს, რომ განგრენის გარდა, სხვა დაავადებაც განმივითარდა, მაგრამ ვერ დაადგინეს, რა დაავადება იყო ეს და გამოსაკვლევად გერმანიაში დამჭირდა წასვლა. იქ ერთ-ერთმა ექიმმა მითხრა, რომ მოსკოვშიც შეიძლებოდა ამ დაავადების მკურნალობა.

გერმანიიდან, რომ წამოვედი, გზაში ჭრილობები გამეხსნა. მარცხენა ფეხის ამპუტაცია უკვე გაკეთებული მქონდა. დაავადება მარჯვენაზეც გავრცელდა და გერმანიიდან წამოსულს, თურქეთში მარჯვენა ფეხის თითები მომაჭრეს. საქართველოში დაბრუნებულმა ისევ მივმართე ხელისუფლებას, რომ მოსკოვში ჩემი მკურნალობა დაეფინასებინათ. 3 თვე იქ გავატარე. ექიმებმა მითხრეს, რომ ამ დაავადებას წელიწადში 2-ჯერ გეგმიური მკურნალობა ესაჭიროება“, _ ამბობს შანშიაშვილი.

მისივე თქმით, მარტში, „ავერსის’ კლინიკაში კვლევა ჩაუტარდა, რომლის მიხედვითაც,  გერმანიაში სამკურნალოდ  წასვლა სასწრაფოდ ესაჭიროება, თუმცა, წასასვლელად საჭირო თანხა არ აქვს:

5 ივნისს შევიტანე საბუთები ჯანდაცვის სამინისტროში,  შემდეგ დავრეკე და მითხრეს, რომ საქმე განხილვაში იყო, არადა, უკვე 3 თვე იყო გასული. მივმართე სახალხო დამცველს უჩა ნანუაშვილს. სახალხო დამცველის აპარატიდან წერილობით მივიღე შეტყობინება მხოლოდ იმის შესახებ, რომ ჩემი წერილი მიიღეს. მივმართე წერილობით პრემიერ-მინისტრს, ასევე, ელექტრონული ფოსტით დავუკავშირდი ქვეყნის პრეზიდენტსაც. მათგან მივიღე პასუხი, რომ ჩემი საქმე ჯანდაცვის სამინისტროს გადაუგზავნეს, თუმცა, უწყებაში  საბუთები 4 თვის წინ პირადად შევიტანე.

გამოდის, რომ საქართველო ჩემზე, ომის ვეტერანზე,  პირველი ჯგუფის შეზღუდული შესაძლებლობის მქონე ადამიანზე უარს ამბობს. მაშინ მეც უარს ვიტყვი საქართველოს მოქალაქეობაზე და იძულებული გავხდები მივმართო თბილისში აკრედიტირებულ საელჩოებს, საკონსულოებს, ევროსაბჭოს, გაეროს  წარმომადგენლობას“, _ ამბობს ვეტერანი.

როგორც „გურია ნიუსს“ ვეტერანების საქმეთა სახელმწიფო სამსახურიდან აცნობეს, გიორგი შანშიაშვილი ვეტერანების საქმეთა სახელმწიფო სამსახურის ბენეფიციარად რეგისტრირებულია 2006 წლიდან:

გიორგი შანშიაშვილმა მოგვმართა მრავალჯერ და სამსახურმა მას არა ერთხელ გაუწია დახმარება, ასევე, დააყენა შუამდგომლობები სხვა უწყებებთან.

მაგალითად, 2015 წელს მან მიიღო 2 442 ლარი ნაწილობრივ პროტეზირებისთვის პლუს ჯანდაცვის მიერ გაწეული დახმარება;

 2015 წელსვე  8 887ლარი პროტეზირება _ მაღალი ხარისხის;

 2016 წელს 2 500 ლარი _ საზღვარგარეთ მკურნალობა;

2017 წელს მედიკამენტები _ 224 ლარი.

წელს შანშიაშვილმა მოგვმართა  დედაქალაქის მერიასთან და ჯანდაცვის სამინისტროსთან შუამდგომლობის გაწევისთვის, რაც ასევე დაკმაყოფილდა _ გაეწია აღნიშნული შუამდგომლობები“, _ ამბობენ ვეტერანების საქმეთა სახელმწიფო სამსახურში.

გარდა ამისა, უწყებაში ამბობენ, რომ „2017 წლის განმავლობაში  უწყებას მიმართა 3 432 ბენეფიციარმა დაფინანსების მოთხოვნით; შუამდგომლობა გაეწია 1 870 ბენეფიციარს როგორც ადგილობრივ, ისე სახელმწიფო სტრუქტურებთან; 1 534 ბენეფიციარის დაფინანსების საკითხი გადაწყდა კომისიის მოკვლევის შემდეგ; 15 განცხადება განხილვის პროცესშია, ხოლო 87 შეჩერებულია დოკუმენტაციაში აღმოჩენილი ხარვეზების გამო.

სარიტუალო თანხა გადაეცა 411 გარდაცვლილი ვეტერანის ოჯახს.

კომისიური წესით სამედიცინო მომსახურებასა და გარდაცვლილთა სარიტუალო სამსახურისთვის გაწეულმა საერთო ხარჯმა  შეადგინა 818 759 ლარი.

931 ვეტერანისთვის მედიკამენტებისათვის გაცემული თანხაა 240 863, სხვადასხვა სახის სამედიცინო მომსახურება (ოპერაცია, კვლევა, ქიმიოთერაპია, სხივური თერაპია, რეაბილიტაცია)  დაუფინანსდა 603 ვეტერანს, რომლის საერთო თანხაა 372 396 ლარი“.

თუმცა, ჩვენს მიერ დასმულ კითხვებზე, თუ რამდენი მებრძოლი დაბრუნდა  აფხაზეთის ომიდან ვეტერნის სტატუსით და რამდენია დღეს ცოცხალი, გარდა ამისა, სულ რამდენი პირველი, მეორე და მესამე ჯგუფის შეზღუდული შესაძლებლობის პირებია საქართველოში უწყებაში არ უპასუხეს და განმარტეს, რომ  „აღნიშნული ინფორმაციის მოპოვებას ჭირდება შესაბამისი წვდომა, დრო და ნებართვები“, შესაბამისად დაუყოვნებლივ ვერ გვიპასუხებდნენ.

 „გურია ნიუსმა“ ჯანდაცვის სამინისტროსაც მიმართა იმის გასარკვევად,  თუ რა დრო სჭირდება მსგავსი საქმეების განხილვას, რამდენად არის შესაძლებელი დაუფინანსდეს მკურნალობის ხარჯები აფხაზეთის ომის ვეტერანს, გარდა ამისა, მიიღო თუ არა სამინისტრომ პრემიერ-მინისტრის და პრეზიდენტის შუამდგომლობები. უწყებაში გვიპასუხეს, რომ საკითხს მოიკვლევდნენ, მაგრამ მთელი დღის განმავლობაში პასუხი არ გაუციათ.

მას შემდეგ რაც „გურია ნიუსმა“ ჯანდაცვის სამინისტროს გიორგი შანშიაშვილის საქმის შესახებ კითხვებით მიმართა, ვეტარანმა უწყებიდან 5 900 ლარის ჩარიცხვის შესახებ სმს შეტყობინება მიიღო, რაც გერმანიაში სამკურნალოდ გასამგზავრებლად საკმარისი არაა. ასე რომ, მისი ბედი ჯერ კიდევ გაურკვეველი რჩება.

ჯანდაცვის სამინისტროდან მიღებული ამ დაფინანსების მიღების შესახებ „გურია ნიუსს“ თავად გიორგი შანშიაშვილმა შეატყობინა და გვითხრა, რომ ჯანდაცვის სამინისტროს კომისიის წევრებთან შეხვედრა სურს:

როდესაც ევროპული და ნატოს წევრი ქვეყნების მეომარი იჭრება და კარგავს შრომის უნარს, ეს ქვეყნები სრულად უზრუნველყოფენ მკურნალობას წლების განმავლობაში და ვეტერანის სოციალური და კულტურული ცხოვრების პირობებს.

როდესაც თბილისელი, ქართველი შორეული ნაოსნობის მეზღვაური ჩამოდის სამშობლოში, იჭრება ომში, ჭრილობა გადასდის განგრენაში, შემდეგ კარგავს ფეხს, შრომის უნარს და სასიცოცხლოდ აუცილებელი გეგმიური მკურნალობისთვის სახელმწიფოს ჯანდაცვის სისტემა 4 თვის დაგვიანებით 12 300 ევროს ნაცვლად 2 000 ევროს აძლევს, რომელ ევროპაზე და ნატოზეა ლაპარაკი?!

აქედან გამომდინარე, როგორც საქართველოს მოქალაქე 1957 წლიდან, ვითხოვ  ჯანდაცვის კომისიის წევრებთან შეხვედრას საკითხის გასარკვევად,“ _ ამბობს შანშიაშვილი.

 


ნახვა: 474


 ახალი ამბები
  • გედევან ფოფხაძე: შეუძლიათ, პარტიას, "ქართული ოცნების" ნაცვლად, "კომკავშირი" ან "კომპარტია" დაარქვანშეუძლიათ, პარტიას, ქართული ოცნების ნაცვლად, "კომკავშირი" ან "კომპარტია" დაარქვან და ეს უფრო ადეკვატური იქნება,“ _ ასე გამოეხმაურა დეპუტატი გედევან ფოფხაძე ქართული ოცნებიდან დავით ჭიჭინაძის გარიცხვას. ფოფხაძეს აინტერესებს, თუ რატომ მიღო პარტიამ ჭიჭინაძის გარიცხვის გადაწყვეტილება. არ არის გამორიცხული, დავით ჭიჭინაძის ქართული ოცნებიდან გარიცხვას გუნდში ახალი დაპირისპირება მოჰყვეს. ქართული ოცნება - დემოკრატიული საქართველოს სამდივნომ პარტიიდან დავით ჭიჭინაძის გარიცხვის გადაწყვეტილება მიიღო. ამის შესახებ პარტიამ ოფიციალური ინფორმაცია ცოტა ხნის წინ გამოაქვეყნა.  ... ...
  • ქუმსიშვილი-ალავიძის საქმე _ პროკურატურა 710 მილიონის ღირებულების პროექტისთვის ნასესხებ ფულს ეძებსპროკურატურაში მოწმის სტატუსით დაკითხვის შემდეგ დიმიტრი ქუმსიშვილი საგამოძიებო უწყებაში დაბარებას ისევ ელოდება. ცოტა ხნის წინ ყოფილ ვიცე-პრემიერთან, სახლში, მისი ადვოკატი დიმიტრი გაბუნია მივიდა. უფლებადამცველი ამბობს, რომ ქუმსიშვილის ინტერესებს უკვე ერთი თვეა იცავს. ადვოკატი ჯერ არ ჰყავს ინფრასტრუქტურის ყოფილ მინისტრს, ზურაბ ალავიძეს. დღეს კურიერმა გაარკვია, რომ ალავიძე პროკურატურამ გასულ კვირას დაკითხვა. ალავიძის საცხოვრებელი სახლი ვაკეში დაკეტილია. ის არ იმყოფება არც წავკისის აგარაკზე.საქმე, რომელზეც ინფრასტრუქტურის ყოფილი მინისტრი პროკურატურამ გასულ კვირას დაკითხა, 710 მილიონიან პროექტს ეხება. ეს ფული საქართველოს ევროპის საინვესტიციო ბანკმა სამტრედია-გრიგილოეთის 57-კილომეტრიანი გზის მშენებლობისთვის ასესხა. ფული გზის ერთი ნაწილის ასაშენებლად უკრაინულ კომპანია ალტოკომს რეგიონული განვითარების სამინისტრომ ფული წინასწარ მისცა, მაგრამ ამ კომპანიამ გზა ვერ ააშენა და 47 მილიონსაც, რომელიც ჩაურიცხეს, უკან აღარ აბრუნებს. გამოძიებას კითხვები აქვს სამტრედია-გრიგოლეთის გზის იმ მონაკვეთთან დაკავშირებითაც, რომელსაც ორი ჩინური კომპანია აშენებს. გამოძიება ეკონომიკისა სამინისტროსა და რეგიონული განვითარებისა სამინისტროებში ცალკეულ მოხელეთა მიერ სამსახურებრივი უფლებამოსილების ბოროტად გამოყენებისა და დიდი ოდენობით საბიუჯეტო თანხების მართლსაწინააღმდეგოდ მითვისების ფაქტებზე მიმდინარეობს.   ვრცლად იხილეთ ... ...
  • დავით ჭიჭინაძე: "შევეცდებით, ჩვენ დავიბრუნოთ ჩვენი ქართული ოცნება""მე ვარ ქართული ოცნების იმ ხალხთან ერთად, რომელიც 2012 წელს იდგა ქართული ოცნების გვერდით, რომელიც გარიყა ამ ახალმა ქართულმა ოცნებამ თვისი რიგებიდან იმიტომ, რომ მათი მხარდაჭერა დაკარგა. მე იმ ადამინების დიდ არმიას შევუერთდები და შევეცდებით, ჩვენ დავიბრუნოთ ჩვენი ქართული ოცნება," _  ასე გამოეხმაურა დავით ჭიჭინაძე ქართული ოცნების მიერ მის პარტიიდან გარიცხვას. დეპუტატი პარლამენტის თავმჯდომარის კრიტიკას ქართული ოცნებიდან გარიცხვის შემდეგაც აგრძელებს და ამბობს, რომ ირაკლი კობახიძე შინაგანად დამოუკიდებელი პიროვნება არ არის. დავით ჭიჭინაძის შეფასებით, მმართველი გუნდის მხრიდან ყოფილი პრემიერის, გიორგი კვირიკაშვილის, მიმართ ანგარიშსწორება ხდება. „მაგ აზრს კიდევ უფრო ამყარებს ეს გადაწყვეტილება, რომ ადამიანებს სიმართლის მოსმენა არ სიამოვნებთ. დადანაშაულება ჩვენი, რომ ჩვენ კომპრომისზე წავედით, რის გამოც ხალხი დაიხოცა, არასწორი მიმაჩნია, მე ეს მგონია შეურაცხმყოფელი. როდესაც ამაზე რეაქცია გაქვს ადამიანს, ეს ბუნებრივია, თუ თავმოყვარე ადამიანი ხარ და საზოგადოების წინაშე ვალდებულებას გრძნობ, ეს განცხადება არის ჩემთვის შეურაცხმყოფელი. მე იმაზე გავეცი პასუხი, რომ თმენის ვალდებულება ჩვენ გაგვაჩნია დეპუტატებს, რომ ამისთანა თავმჯდომარეს ვითმენთ. ის საქციელიც სირცხვილია, რასაც მე ბოლო დღეების განმავლობაში ვუყურებ _  როგორი ანგარიშსწორება ხდება ჩვენი პოლიტიკური გუნდის ყოფილ ლიდერთან, პარტიის თავმჯდომარე იყო კვირიკაშვილი და პრემიერმინისტრი იყო ამ ქვეყანაში, მისი ჩაწერილი და მოყვანილია ძირითადად ეს ადამიანები ქართულ ოცნებაში.  ეს უპასუხისმგებლო, ზურგს უკან მუხანათური განცხადებები შეურაცხმყოფელია. ეტყობა, ეს ადამიანი შინაგანად  არ არის თავისუფალი. მანდელა 27 წელი ციხეში იჯდა, თავისუფალი იყო, ეს კაცი 27 წელი თავმჯდომარე რომ იყოს, მაინც ვერ გათავისუფლდება,“ - განაცხადა დავით ჭიჭინაძემ. ... ...
  • "ოცნებამ" ჭიჭინაძეს კრიტიკა არ აპატია _ დეპუტატს გუნდისთვის ზიანის მიყენებაში ადანაშაულებენისნის მაჟორიტარი დეპუტატი "ქართული ოცნებიდან" იმით იყო გამორჩეული, რომ მმართველი გუნდის ღიად კრიტიკას არასდროს ერიდებოდა. იგი ,,ქართულ ოცნებაში“  ჭიჭინაძე ერთადერთი იყო, რომელიც იუსტიციის მინისტრის გადადგომას ითხოვდა, მთავრობას აკრიტიკებდა და ბოლოს, პარლამენტის თავმჯდომარის გადადგომაც მოითხოვა. ჭიჭინაძის კრიტიკას მმართველ გუნდში პარტიიდან გარიცხვით უპასუხეს. თანაგუნდელების შეურაცხყოფა, ეთიკური პრინციპების დარღვევა, პოლიტიკური გუნდისთვის ზიანის მიყენება_,,ქართული ოცნება“ ჭიჭინაძეს ამ ბრალდებებს უყენებს და გუნდიდან ათავისუფლებს. "პარტიის ყველა წევრს აქვს კრიტიკული მოსაზრებების გამოხატვის შესაძლებლობა სხვადასხვა საკითხთან დაკავშირებით. თუმცა, თანაგუნდელების შეურაცხყოფა, მორალური და ეთიკური პრინციპების დარღვევა და პოლიტიკური გუნდისთვის ზიანის მიყენება სცილდება შიდაპარტიული გამოხატვის თავისუფლების ყოველგვარ ზღვარს”,_აღნიშნულია პარტიის განცხადებაში. "გურია ნიუსი“ შეეცადა ჭიჭინაძის კოლეგებისგან გაეგო რამდენად სწორად მიაჩნიათ, კრიტიკული განცხადებების მიუხედავად, მისი პარტიიდან გარიცხვა და ამ კითხვით მმართველი გუნდის წარმომადგენლებს ზაზა პაპუაშვილსა და რევაზ არველაძეს მივმართეთ. დეპუტატებმა თემასთან დაკავშირებით საუბარს თავი აარიდეს. პაპუაშვილის თქმით, ინფორმაციას გაცნობის შემდეგ გააკეთებს განცხადებას. ,,გურია ნიუსი“  საკითხთან დაკავშირებით დავით ჭიჭინაძის პოზიციას მოგვიანებით შემოგთავაზებთ.  ამავე თემაზე: ჭიჭინაძე "ოცნებიდან" გარიცხეს _ შეურაცხყოფა მიაყენა პოლიტიკური გუნდის ... ...
  • ჭიჭინაძე "ოცნებიდან" გარიცხეს _ შეურაცხყოფა მიაყენა პოლიტიკური გუნდის წევრებსმპგ „ქართული ოცნება - დემოკრატიული საქართველოს“ სამდივნომ პარტიიდან დავით ჭიჭინაძის გარიცხვის გადაწყვეტილება მიიღო. „გასული რამდენიმე თვის განმავლობაში მპგ „ქართული ოცნება - დემოკრატიული საქართველოს“ და საპარლამენტო უმრავლესობის წევრმა, დავით ჭიჭინაძემ გააკეთა არაერთი საჯარო განცხადება, რომლითაც მან შეურაცხყოფა მიაყენა პოლიტიკური გუნდის წევრებს და ზიანი მიაყენა პარტიის იმიჯსა და ინტერესებს. დავით ჭიჭინაძემ არაერთგზის უხეშად დაარღვია პარტიული დისციპლინა და საყოველთაოდ აღიარებული მორალური და ეთიკური ნორმები. „ქართული ოცნებისთვის“ შიდაპარტიული დემოკრატია და გამოხატვის თავისუფლება სახელმძღვანელო პრინციპებია. პარტიის ყველა წევრს აქვს კრიტიკული მოსაზრებების გამოხატვის შესაძლებლობა სხვადასხვა საკითხთან დაკავშირებით. თუმცა, თანაგუნდელების შეურაცხყოფა, მორალური და ეთიკური პრინციპების დარღვევა და პოლიტიკური გუნდისთვის ზიანის მიყენება სცილდება შიდაპარტიული გამოხატვის თავისუფლების ყოველგვარ ზღვარს. აღნიშნული გარემოებების გათვალისწინებით, მპგ „ქართული ოცნება - დემოკრატიული საქართველოს“ სამდივნო ერთხმად ადგენს, პარტიიდან გაირიცხოს მპგ „ქართული ოცნება - დემოკრატიული საქართველოს“ წევრი, დავით ჭიჭინაძე“ _ აღნიშნულია სამდივნოს გადაწყვეტილებაში. გადაწყვეტილებას ხელს აწერს „ქართული ოცნების“ სამდივნოს ხუთივე წევრი: კახა კალაძე, გენერალური მდივანი; ირაკლი კობახიძე, აღმასრულებელი მდივანი; გიორგი ვოლსკი, პოლიტიკური მდივანი; თამარ ჩუგოშვილი, საერთაშორისო მდივანი; დიმიტრი სამხარაძე, რეგიონული ... ...

არქივი

ზაფრანი

ყავა სიცოცხლეს ახანგრძლივებს

ამერიკელ მეცნიერთა ჯგუფი, რომელიც ორგანიზმზე...

ხუთი ყველაზე შხამიანი არსება დედამიწაზე

კუბომედუზა _ უდავო ლიდერი, ყველაზე...

უკვდავების გასაღები

ადამიანი ოდითგან ოცნებობს უკვდავებაზე, ამიტომ...

სიძუნწე დაავადებებს იწვევს

დადგენილია, რომ ძუნწობასა და სნეულებებს...

ქალთევზა _ მითი თუ სინამდვილე

უძველესი დროიდან მოყოლებული ადამიანებს უამრავი...

მსოფლიოში ყველაზე სწრაფი ადამიანი

ბრიტანელი ბენ ლი, რომელიც ვიოლინოზე...
კარმიდამო ჩემი

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...

წიფლის წიწიბო

წიფელი ჩვენს ქვეყანაში ერთ-ერთი მძლავრი...

ჩეხური "კალაჩი"

ჩეხური სამზარეულო ლუდის გემრიელი მენიუსა...

როგორ ვიმკურნალოთ თაფლით

ხალხურ მედიცინაში არ მოიპოვება ისეთი...

პეტუნიას პოპულარობა და თავისებურება

ბოლო წლების განმავლობაში, ჩვენში განსაკუთრებული...

ალოეს სამკურნალო თვისებები

შესაძლოა, ალოეს დადებითი თვისებების შესახებ...

როგორ აღვიდგინოთ მხედველობა ნივრის დახმარებით

დროთა განმავლობაში, ადამიანის ჯანმრთელობის მდგომარეობა...

რატომ არ უნდა აადუღოთ წყალი ხელმეორედ

ფილმის ყურებაში ისე გაერთეთ, რომ...

"უთვალავ საქმეთაგან, სახარების გადაწერაა შვება"

ჩვენი სტატიის გმირი მრავალმხრივი ნიჭით...

როგორ ვებრძოლოთ პირუტყვის კანქვეშა ბორას

ზაფხულის პერიოდში განსაკუთრებით, მსხვილფეხა რქოსანი...

მეფუტკრის კალენდარი _ მაისი და ივნისი

მაისის შუა რიცხვებიდან დგება დიდი...