მევახშეებით ჩანაცვლებული ბანკები

მთავარი თემა

მევახშეებით ჩანაცვლებული ბანკები

2019 თებ 8 15:19:02

2019 წლის იანვრიდან, ქვეყანაში ახალი საფინანსო რეგულაციები ამოქმედდა

ეროვნული ბანკის პრეზიდენტის ბრძანების შესაბამისად, სესხის გამცემ სუბიექტებს ფიზიკური პირის გადახდისუუნარობის შესწავლის გარეშე სესხის გაცემა ეკრძალებათ.

უფრო კონკრეტულად კი უნდა მოხდეს პირის შემოსავლების, ხარჯების და ჯამური ვალდებულებების დეტალური ანალიზი და სესხის საჭიროების შემოწმება; გონივრულობის ფარგლებში მიღებული ინფორმაციის სისწორის გადამოწმება; ბიუროში საკრედიტო ისტორიის გადამოწმება; ყველა იმ დამატებითი ფაქტორის გათვალისწინება, რომელმაც შეიძლება ნეგატიური ზეგავლენა მოახდინოს ვალდებულებების მომსახურებაზე.

ასევე, დადგენილია, თუ რა ხანგრძლივობის შეიძლება იყოს ამა თუ იმ ტიპის სესხი.

იპოთეკური სესხის მაქსიმალურ ვადა 15 წელია, სატრანსპორტო სესხის ვადა _ 6 წელი; უძრავი ქონებით უზრუნველყოფილი სამომხმარებლო სესხის ვადა _ 10 წელი.

სხვა ნებისმიერი ტიპის სესხის აღება კი მხოლოდ 4 წლითაა შესაძლებელი.

ასევე, განსაზღვრულია სესხის მომსახურების კოეფიციენტებიც _ მაგალითად, თუ თქვენ ყოველთვიური შემოსავალი გაქვთ 1 000 ლარი, ყოველთვიური დასაფარი თანხა 350 ლარს არ უნდა აღემატებოდეს; 1 000-დან 2 000 ლარამდე შემოსავლის შემთხვევაში, სესხში 45%-ზე მეტს ვერ გადაიხდით; 2 000-4 000 ლარის შემოსავლის შემთხვევაში საპროცენტო ზღვარი 55%-ია; 4 000 და უფრო მაღალი შემოსავლის შემთხვევაში კი ხელფასის 60%-ის გახადა შეგიძლია.

თუმცა, ეს იმ შემთხვევაში, თუკი შემოსავალი ლარში გაქვთ და სესხს ლარში იღებთ; იმ კატეგორიისთვის კი, რომლის შემოსავალი ლარშია და სესხის აღება დოლარში სურს, სხვა რეგულაციები მოქმედებს. კერძოდ: 1000 ლარის ან უფრო ნაკლები შემოსავლის შემთხვევაში სესხის შემოსავლის მხოლოდ 25%-ის გადახდა შეგიძლიათ; 1 000 _ 4 000 ლარის შემთხვევაში 30%-ის; 4 000 ლარის ან უფრო მეტის შემთხვევაში კი _ 35%-ის.

ეს რეგულაციები ეხება ნებისმიერ სესხის გამცემ ორგანიზაციას _ იქნება ეს ბანკი, ლომბარდი თუ მიკროფასინანსო ინსტიტუტი.

როგორც მთავრობაში განმარტავენ, საბანკო სფეროში დაწესებული რეგულაციები ჭარბვალიანობას შეასუსტებს და მოსახლეობის ფინანსურ მდგომარეობაზე დადებითად იმოქმედებს. თუმცა, ასე არ ფიქრობენ ექსპერტები.

ფინანსისტის, გიორგი კეპულაძის თქმით, ახალი რეგულაციების შედეგად, მილიონამდე თვითდასაქმებულს მნიშვნელოვანი პრობლემები შეექმნება:

"ძიძებს, ტაქსის მძღოლებს და სხვა თვითდასაქმებულებს, რომლებსაც შემოსავალი ოფიციალურად არ უფიქსირდებათ, საბანკო ფინანსურ რესურსზე წვდომა თითქმის აღარ ექნებათ და იძულებულნი იქნებიან, გადაერთონ მიკროსაფინანსო ორგანიზაციებზე და კერძო მევახშეებზე, სადაც პროცენტი საკმაოდ მაღალია.

შენელდება საბანკო ბიზნესის ზრდა და არ არის გამორიცხული, გაიზარდოს სამომხმარებლო სესხებზე საპროცენტო განაკვეთი.

მაგალითად, საკრედიტო ოფიცერს მოუწევს მივიდეს, მაგალითად, ძიძის დამსაქმებელ ოჯახში, რათა გაიგოს ზუსტი ინფორმაცია, ეს კი მათ ხარჯებს ზრდის და შესაბამისად, ეს სესხის პროცენტში აისახება", _ აცხადებს კეპულაძე.

ექსპერტები ყურადღებას ამახვილებენ იმ ფაქტზეც, რომ რეგულაციების გამო ბანკები საკომისიოებზე, ჯარიმებსა და სხვადასხვა მომსახურებაზე ფასს გაზრდიან, რომლის ტენდენციაც უკვე ჩანს.

"ლიბერთი ბანკის" პრესსამსახურში "გურია ნიუსს" უთხრეს, რომ 28 თებერვლიდან ამოქმედდება უმოძრაო ანგარიშის საკომისიო:

"თუ კლიენტს არც ერთ ანგარიშზე (მიმდინარე ან/და საბარათე) არ აქვს ბრუნვა უკანასკნელი უწყვეტი 12 თვის განმავლობაში და ამავდროულად, არ უფიქსირდება აქტიური სადეპოზიტო ან/და საკრედიტო პროდუქტი, მას დაერიცხება უმოძრაო ანგარიშის მომსახურების საკომისიო, რომელიც შეადგენს 3 ლარს თვეში. ასევე, იცვლება ანგარიშთა პაკეტების ("საბაზისო" და "კომფორტი") ღირებულება _ წლიური 6 ლარის ნაცვლად ყოველთვიურად 1.50 ლარი ანუ წელიწადში 9 ლარი იქნება. აღნიშნული მომსახურების ტარიფები არ ვრცელდება სოციალური სარგოს მიმღებ პირთა საბანკო ანგარიშებზე", _ აღნიშნეს ჩვენთან საუბრისას ბანკში.

როგორც გავარკვიეთ, სხვადასხვა სახის საბანკო პროდუქტზე მომსახურების ფასები შეიცვალა სხვა ბანკებშიც.

საბანკო ასოციაციის პრეზიდენტი ალექსანდრე ძნელაძე აღნიშნავს, რომ რეგულაციებმა ბანკებს გარკვეული პრობლემები უკვე შეუქმნა:

"იანვრის თვეზე აპელირება არასწორი იქნება, რადგან მაღალი სეზონურობით გამოირჩევა და არამხოლოდ წლიდან არის ხოლმე ამოვარდნილი, არამედ წლიდან წლამდეც სერიოზული ცვლილებებით ხასიათდება.

 გლობალურ შედეგს უფრო პირველი კვარტლის დასრულების შემდეგ ველოდებით. დღეის მდგომარეობით, რაღაც პროდუქტები გაჩერდა, იმ პროდუქტების დამტკიცება კი, რომლებიც ფიზიკური პირების მიმართ არსებობს, განახევრებულია", _ აღნიშნავს ძნელაძე.

მისივე თქმით, განსაკუთრებული პრობლემა შექმნა რეგულაციის იმ ნაწილმა, რომლის თანახმადაც, სესხის გამცემი ორგანიზაცია ვალდებულია, სესხის თავდების შემოსავლებიც შეამოწმოს:

"თუ კომპანია მიჩნეული იყო მაღალრისკიანად ან პირის თავდებობა იყო ხოლმე გამოყენებული, ან დამატებითი უზრუნველყოფები, დღეის მდგომარეობით, ძალიან გართულებულია ეს პროცესი, იქიდან გამომდინარე, რომ თავდების შემოსავლის შესწავლაც უნდა მოხდეს და კოეფიციენტების მისადაგება, პრაქტიკულად, შეუძლებელი ხდება ამის გაკეთება. უზრუნველყოფის ნაწილში კი, თუ ფიზიკური პირის მხრიდან ხდება თავდებობის შეთავაზება, აქაც პრობლემაა _ აქაც კოეფიციენტი უნდა იყოს გადათვლილი, ან ეს ქონება უნდა იყოს მეორე ქონება და იქ არ უნდა ცხოვრობდნენ", _ ამბობს ალექსანდრე ძნელაძე.

ახალმა რეგულაციებმა პრობლემები შეუქმნა მაღაზიებსაც, რადგან ძველი ფორმატით განვადება აღარ არსებობს.

როგორც ტექნიკის მაღაზიებში გვითხრეს, იანვარში გაყიდვების მაჩვენებელი საგრძნობლად არის შემცირებული:

"მოსახლეობა სხვადასხვა საჭირო ნივთს განვადებით ყიდულობდა. ახალი რეგულაციით კი განვადების გაცემა გართულდა, რამაც გაყიდვები შეაჩერა", _ აღნიშნავენ მაღაზიებში და არ გამორიცხავენ, რომ უახლოეს პერიოდში მათი დიდი ნაწილი დაიხუროს.

როგორც ჩვენმა მოკვლევამ ცხადჰყო, ამ რეგულაციებით ყველაზე მეტად მოგებული ე. წ. მევახშეები დარჩნენ, რომლებიც კანონს მიღმა საქმიანობენ და რომლებმაც საპროცენტო ზღვარი გაზარდეს.

თუკი ამ დრომდე კერძო მევახშიდან თანხა 10-15 პროცენტში შეგეძლოთ აგეღოთ და თვეში, 1 000 ლარზე, 100 ან 150 ლარი გადაგეხადათ, დღეს 1 000 ლარის პროცენტით აღების დროს უკეთეს შემთხვევაში 200 ლარის გადახდა მოგიწევთ. თუმცა, მევახშეების დიდი ნაწილი თანხას უკვე 30 პროცენტში სცემს:

"ვიცით, რომ ხალხს უჭირს, მაგრამ ეს ბიზნესია. მე ხომ არ მივდივარ და არ ვაძალებ, მოდი და ფული წაიღე,-მეთქი. ეს ჩემი წესებია, რომელსაც თავს არავის ვახვევ", _ გვითხრა ერთ-ერთმა მევახშემ.

მიუხედავად იმისა, რომ რეგულაციები მევახშეებსაც ეხებათ, როგორც გავარკვიეთ, გურიაში არც ერთი მათგანი ოფიციალურად არ არის დარეგისტრირებული და შესაბამისად, ყველაფერი "შავ ბაზარზე" გადის.

უფრო მეტიც, ჩვენ იმის დადგენაც შევძელით, რომ გურიაში მევახშეებს არაოფიციალური ლომბარდებიც აქვთ და თანხის გაცემის სანაცვლოდ ძვირადღირებულ ნივთებს და მათ შორის ავტომობილებსაც იტოვებენ.

"ბანკში მივედი _ 1 000 ლარიანი სესხი მჭირდებოდა შვილის ოპერაციისთვის. უარი მითხრეს, შემოსავალი არ გყოფნისო. სხვა გზა არ მქონდა და მევახშესთან მოვედი. 1 000 ლარში თვეში 300 ლარი უნდა გადავუხადო და თან ავტომობილი უნდა დავუტოვო. სხვა გზა არ მაქვს და რა ვქნა?!" _ გვითხრა ერთ-ერთმა მოქალაქემ, რომელიც ამ სტატიაზე მუშაობისას მევახშესთან დეტალების გასარკვევად მისულებს დაგვხვდა.

როგორც ჩოხატაურში მცხოვრებმა ერთ-ერთმა მევახშემ გვითხრა, სესხის სახით მხოლოდ იანვრის თვეში 50 000-მდე ლარი აქვს გაცემული.

გადამოწმებისას გაირკვა, რომ გურიაში საკმაოდ საგანგაშო მდგომარეობაა. გამოუვალ მდგომარეობაში მყოფი ადამიანების უმრავლესობა, რომელიც სესხების აღებას ვერ ახერხებს, მევახშეებთან დადის და საჭირო თანხა მაღალი საპროცენტო განაკვეთით გამოაქვს _ თანაც კონკრეტული გირაოს სანაცვლოდ.

და კიდევ ერთი დეტალი _ რეგულაციებში "შავი ხვრელი" უკვე გამონახეს იმ ორგანიზაციებმა, რომლებიც ონლაინ სესხებს გასცემენ: მათ სესხებს სახელი შეუცვალეს, ლიზინგი დაარქვეს და მომხმარებლებს გირაოში ტელეფონების ჩადებას სთხოვენ.

როგორც დავაზუსტეთ, სესხის აღების დროს მოგდით 10-ნიშნა კოდი, რომლითაც კომპანიას თქვენი ტელეფონის მოდელის შეფასება შეუძლია. ხელშეკრულებაში გიწერთ, რომ ტელეფონი, სანამ სესხს არ დაფარავთ, კომპანიის საკუთრებაა (თუმცა, ჩვენს ქვეყანაში ხელშეკრულებას არავინ კითხულობს. განსაკუთრებით კი მაშინ, როცა თანხის მიღება ეჩქარებათ). სწორედ ამის შემდეგ გაძლევენ სესხს, რომლის გადასახადი ბევრად უფრო მეტია, ვიდრე ონლაინ სესხის შემთხვევაში _ ლიზინგის საპროცენტო განაკვეთი 50%-ია, თუმცა, ამას ემატება დღგ, გაცემის საკომისიო და ჯამში ეს თანხა საკმაოდ დიდია. მაგალითად, თუ ამ დრომდე 300-ლარიან ონლაინ სესხში ყოველთვიურად იხდიდით 10 ლარს, ახლა ეს თანხა 56 ლარს შეადგენს.

როგორც მიკროსაფინანსო ორგანიზაციებში გვითხრეს, ლიზინგი კანონით დასაშვებია და ამ ფორმით, იანვარში ძალიან ბევრმა ადამიანმა ისარგებლა.

როგორ აპირებს ამ პრობლემების მოგვარებას ხელისუფლება, ამ დროისთვის უცნობია. ეროვნულ ბანკში არ გამორიცხავენ, რომ რეგულაციების პაკეტს გადახედონ.




 ახალი ამბები
  • "ბალახს ცეცხლი წაუკიდა, გამოსვლა ვერ მოასწრო და შიგ ჩაიწვა!"_ ტრაგედია კასპშიკასპში, სოფელ დოესში უბედური შემთხვევის შედეგად 70 წლამდე ასაკის მამაკაცი გარდაიცვალა. როგორც "გურია ნიუსს" მერის წარმომადგენელმა აღნიშნულ თემში, ტარიელ ოხანაშვილმა უთხრა, "მამაკაცი ნაკვეთს ასუფთავებდა. ბალახს რომ ცეცხლი წაუკიდა, გამოსვლა ვეღარ მოასწრო და შიგ ჩაიწვა". შსს-მ მომხდარ ფაქტზე გამოძიება სისხლის სამართლის კოდექსის 188 მუხლით ... ...
  • კორონავირუსზე ეჭვის გამო ბათუმის მატარებელი თბილისიდან ვერ გადისთბილისი-ბათუმის მატარებელი უკვე ერთი საათია თბილისიდან ვერ გადის. ამის მიზეზი სასწრაფო დახმარების სამსახურში შესული შეტყობინება გახდა. როგორც  საქართველოს რკინიგზაში განგვიცხადეს, თბილისი-ბათუმის მატარებლის მგზავრების ნაწილმა მიიჩნია, რომ ერთ-ერთ მგზავრს, რომელიც მათი აზრით, ჩინეთის მოქალაქეა, სავარაუდოდ გრიპის ნიშნები ჰქონდა რის გამოც სასწრაფო დახმარება გამოიძახეს და მატარებელი დატოვა. ისინი ბაქანზე იცდიან. თუმცა ამ დროისთვის დადასტურებული არ არის არც მგზავრის მოქალაქეობა და არც ის, იმყოფებოდა თუ არა ის ჩინეთში  ბოლო პერიოდში. რკინიგზაში აცხადებენ, რომ სასწრაფო დახმარების ორი ბრიგადა უკვე ადგილზეა და მგზავრებს შესაბამისი შემოწმება ჩაუტარდება. ჯერჯერობით უცნობია როდის დაიძვრება მატარებელი ბათუმის მიმართულებით. სასწრაფოში გვითხრეს, რომ მგზავრებს სიცხეს უზომავენ და პირველადი დაკვირვებით არაფერი საგანგაშო არ არის. წყარო: ... ...
  • მაია მერკვილაძე: შემომითვალეს, ახალ ამბებში რედაქტორად აღარ ვიქნები“მოკლედ, ვიცი გაინტერესებდათ, შემომითვალეს, ახალ ამბებში რედაქტორად აღარ ვიქნები. ნინო ხაჟომია მოდის რედაქტორად.“ - ასეთი სახის განცხადება სოციალურ ქსელში აჭარის საზოგადოებრივი ტელევიზიის ახალი ამბების რედაქტორმა მაია მერკვილაძემ გაავრცელა. მაია მერკვილაძის ამ განცხადებას უცებ მოჰყვა მისი კოლეგების და ჟურნალისტების კომენტარები. “ ასე და ამგვარად, გრძელდება აჭარის ტელევიზიის გაპარტახება! ბიძინას ბორდი და კოხრეიძე მარტო აღარ არიან გამპარტახებლების რიგებში უკვე, ახალ ხალხს იმატებენ! მაიას საინფორმაციოდან გაყვანა, მისი ამ საქმისგან ჩამოცილება არის დანაშაული. ვისაც მასთან არ უმუშავია, ჩემი სიტვების მნიშვნელობას, ბოლომდე ვერ გაიგებს!“ - წერს სოციალურ ქსელში “მთავარი აჭარაში“ წამყვანი და ჟურნალისტი ლაშა ზარგინავა. “მაია მერკვილაძე ახალი ამბების სამსახურიდან გაჰყავთ. ამ დრომდე ხელშეკრულებას არ აჩვენებენ. დირექტორმა მმართველებს გააცნო ინფორმაცია იმის შესახებ რომ მაიკოს არათუ 20-იანის რედაქტორის, ან უბრალოდ რედაქტორის არამედ საერთოდ სხვა პოზიციის ხელშეკრულებას შესთავაზებენ, გაუგებარი, ბუნდოვანი პერსპექტივით და არარსებული რესურსით. აბა ეხლა დაგვაბრალოს იქნებ უმაღლესმა საბჭომ, ბორდმა, დირექტორიანად კივილი და წივილი.“ - ასე შეაფასა მაია მერკვილაძის განთავისუფლება აჭარის ტელევიზიის ახალი ამბები წამყვანმა და ჟურნალისტმა თეონა ბაკურიძემ. აჭარის საზოგადოებრივი მაუწყებლის დირექტორის, გიორგი კოხრეიძე “მთავარ არხთან“ მიცემული ინტერვიუს დროს ამბობს, რომ მაია მერკვილაძისთვის ახალი შემოთავაზება აქვს. “წინასაარჩევნო პერიოდია და ვალდებულება გვაქვს, რომ გაკეთდეს დებატების სახის გადაცემები ანუ თოქ-შოუ. აქედან გამომდინარე ვაძლევ სრულ თავისუფლებას, რომ ეს საარჩევნო პროექტი გააკეთოს მან.“ - თქვა გიორგი კოხრეიძემ. ჟურნალისტის კითხვაზე, თუ ამ წინადადებას არ დათანხმდა მაია მერკვილაძე მაშინ რა მოხდება - გიორგი კოხრეიძემ უპასუხა: “მაშინ ვშორდებით, რაც მე არ მინდა.“ - აღნიშნა გიორგი კოხრეიძემ. როგორც ჩვენთვის ხდება ცნობილი მაია მერკვილაძე გიორგი კოხრეიძის შემოთავაზებას არ დათანხმდება. “უსამართლო გადაწყვეტილება მიიღო აჭარის ტელევიზიის დირექტორმა.“ - ამბობს მაია ... ...
  • 24 თებერვალი ირაკლი ჩარკვიანის გარდაცვალების დღეა2006 წლის 24 თებერვალს ქართველი მუსიკოსი, მწერალი ირაკლი ჩარკვიანი გარდაიცვალა. სოციალურ ქსელში გელა ჩარკვიანი, ირაკლი ჩარკვიანის მამა სტატუსს აქვეყნებს, რომელსაც “გურია ნიუსი“ უცვლელად გთავაზობთ. “ჩაწერა მაქვს „რუსთავი 2“-ზე, დათო გოგიჩაიშვილთან. ნახევარ საათში უნდა გავიდე, – მითხრა ქეთათომ ტელეფონით. – იქნებ მოხ­ვიდეთ და ჩვენთან იყოთ, სანამ დავბრუნდები. ირაკლი ღამე თავს კარგად არ გრძნობდა. ახლა ჩაეძინა, მაგრამ მაინც მეშინია“. პარასკევის დილა იყო. ჩემს მდივანს, შორენა კობერიძეს დავურეკე და ვუთხარი, შემაგვიანდება-მეთქი. თეთრი „ტოიოტა კოროლა“ ეზოში მელოდებოდა. ომარ არუთინოვს ვთხოვე, ირაკლისთან ვერაზე მივეყვანე და გარაჟში ჩემს ზარს დალოდებოდა. ქეთათო რომ გავიდა, სავარძელში ჩავჯექი და კინოსცენარის კითხვას შევუდექი. იმ დღეებში გია ბაზღაძემ შემომთავაზა ქართულად გამეხმოვანებინა ერთი უცხოური საბავშვო კინოს პერსონაჟი. ამ ფილმის ჩვენებას გია თავისთან, რუსთაველის კინოთეატრში აპირებდა და რატომღაც გადაწყვიტა, რომ „კინო­გმირს“ ყველაზე უფრო ჩემი ხმა და ინტონაცია მოუხდებოდა. დავთან­ხმდი, რადგან ამ საქმეში გარკვეული გამოცდილება მქონდა და, რაც მთავარია, წინანდელივით დაკავებული აღარ ვიყავი – სიტყვებს აღარ ვწერდი და არაფრის თარგმნა აღარ მიხდებოდა. ფილმების გახმოვანებასთან კარგი მოგონებები მაკავშირებდა. დიღომში კინოსტუდია „ქართული ფილმის“ ძველებური ყაიდის ვეება მიკროფონებთან არაერთხელ ვმდგარვარ დოდო აბაშიძესთან, თენგიზ არჩვაძესთან, რამაზ ჩხიკვაძესთან და სხვა ცნობილ მსახიობებთან ერთად. რეზო ჩხეიძის „ნერგებში“ ამერიკელი ტურისტების ეპიზოდი თითქმის მთლიანად მე და ილო თუმაჯანოვმა გავახმოვანეთ. მერაბ კოკოჩაშვილის „მწვერვალში“ გია ყანჩელის დაწერილი ინგლისური სიმღერაც კი ვიმღერე. კიდევ იყო ნანა მჭედლიძის „პირველი მერცხალი“ და „შერეკილები“, რომლის დიალოგები, ელდარ შენგელაიას თხოვნით, ინგლისურად ვთარგმნე და ქართულ ტექსტს დავადე. მაგრამ ბოლო 30 წლის განმავლობაში კინოსთან შეხება აღარ მქონია და ახლა, ამდენი პოლიტიკით დაღლილს, კინოპერსონაჟის აუდიო-თამაში უთუოდ გამახალისებდა. რამდენიმე გვერდი წავიკითხე და ცოტათი მომწყინდა – მხატვრულის კითხვას გადაჩვეული ვიყავი. ფურცლები იატაკზე დავდე. ავდექი და კედელზე დაკიდებული ირაკლის ნახატებისა და ფოტოების თვალიერება დავიწყე. მერე დიდ ოთახში გავედი და მძინარე ირაკლის დავხედე. მშვიდად, მეტრონომის სიზუსტით სუნთქავდა. ერთ ბეჭზე საბანი არ ეხურა და ხელი დავადე. სიცხე არ ჰქონდა. კედლებზე სურათები აქაც იყო და სანამ ყველა, ალბათ ასჯერ ნანახი, ისევ დავათვალიერე, ოთახი არ დავტოვე. კვლავ სავარძელში ჩავეშვი, თუმცა სცენარი იატაკიდან აღარ ავიღე. სახლში წავიკითხავ-მეთქი, ირაკლის პატარაობა გამახსენდა, როგორ ვეთამაშებოდი „შემოქმედებით“ თამაშებს – რითმობანას, პარადოქსობანას, ოქსიმორონობანას და აბსურდობანას. „აბა, გარითმე ხალი!“ უმალ პასუხობდა – „მსხალი“. „აბა, კიდევ?“ „ნალი, თვალი, ალი, ქალი, მთვრალი“. „გეყოფა“. „აბა, მოიგონე პარადოქსი“. „ისეთი მშიერი ვარ, რომ ხინკალსაც კი არ შევჭამ“. „კარგია. ახლა ოქსიმორონი მინდა სიტყვაზე ტკბილი“. დაფიქრდებოდა, „ვიცი! ვიცი! ტკბილი სევდა, ტკბილი ტკივილი“. „აბა, რაიმე აბსურდული ფრაზა მოიგონე, ისეთი როგორც ყვავი ჩხიკვის მამიდა“. „ბიძაშვილის ვირის ზმნიზედა. ხომ მაგარია?“ „კარგია“, – მოვუწონებდი და ის ბედნიერი ხტუნვა-ხტუნვით ეზოში გავარდებოდა, სადაც მისი თანატოლები უფრო ბიჭურ თამაშებს შესთავაზებდნენ. მერე ის საშინელი საღამო გავიხსენე, როცა ირაკლი და გეგა, მაგრად ნაცემები, წყნეთის კინოდან ჩვენს აგარაკზე ამოვიყვანეთ და ისიც, როგორი დაზაფრულები ისხდნენ ირაკლი და კოსტე, როცა გაიგეს, რომ გეგამ თვითმფრინავი გაიტაცა, ისე, რომ მათთვის არაფერი უთქვამს; და სულ ახლახან ქეთათოსთან ერთად რომ გვეწ­ვია და ნანას და მე გამოგვიცხადა, – მალე გოგო გვეყოლება და გადავ­წყვიტეთ რეტრო სახელი დავარქვათ – ნანაო. პატარა ნანამ გვასახელა – თავის წითურ ძაღლთან, კაფკასთან ერთად ის წარმატებით ასრულებდა როლს „მაესტრო TV“-ის მიერ გადაღებულ რეალიტი შოუში, რომელიც ერთი თვის განმავლობაში დეტალურად აშუქებდა ირაკლისა და ქეთათოს ყოველდღიურ ცხოვრებას. ამ დღეს ნანა ბებიასთან, გულიკოსთან იყო, რომელსაც დულიტოს ეძახდა, ისე როგორც მე – დელას. უკანა­ენისმიერებს, ვერც მჟღერსა და ვერც ყრუს, ბავშვი ვერ წარმოთქვამდა. ამით თავის მეორე, თანამოსახელე ბებია ნანას ჰგავდა, რომელიც თურმე ადრეულ ბავშვობაში кукла-ს ნაცვლად тутла-ს ამბობდა. ამგვარ მოგონებებში გავატარე საათ-ნახევარი. მალე ქეთათო უნდა დაბრუნებულიყო. წამოვდექი და კვლავ იმ ოთახში შევედი, სადაც მძინარე ირაკ­ლი მეგულებოდა. იმავე პოზაში იწვა და ოთახიდან გასვლა დავაპირე. კართან ვიდექი. არც გავდიოდი და არც უკან ვიხედებოდი. ძალიან არ მინდოდა დამენახა ის თითქმის შეუმჩნეველი ცვლილება, რომელიც შევამჩნიე და არ შევიმჩნიე, ის ზარდამცემი, უსასრულოდ მცირე სხვა­ობა, ახლად მკვდარს ცოცხლისგან რომ განასხვავებს. რამდენ ხანს შემეძლო მეტყუებინა თავი... მივედი და იმავე ბეჭზე ხელი დავადე. არ სუნთქავდა. მერე მკერდს ჩავუყევი. მხოლოდ გულის სიახლოვეს აღმოვაჩინე პაწაწინა თბილი წერტილი. სასწრაფოს ექიმმა გარდაცვალება დაადასტურა. ქეთათო ჯერ კიდევ სტუდიაში იყო, იქ შევატყობინე და „რუსთავი 2“-მა ირაკლის სიკვდილის ამბავი breaking news-ის სახით გაუშვა ეთერში... ამას მოჰყვა სხვა ტელევიზიების სიუჟეტები, ათას­გვარი ვერსიებით და უწყვეტი ზარების ნაკადი ჩემს მობილურზე. ნანა მიღებული შოკისგან სიცოცხლის ბოლომდე სრულად ვერ გამოვიდა. მის გაუსაძლის ტკივილს ისიც ერთვოდა, რომ სახსრის მოტეხილობისა და ხელოვნურით ჩანაცვლების შემდეგ დამოუკიდებლად სიარული ჯერ არ შეეძლო. სულ ლოგინში იწვა და ტიროდა. ცრემლს მეც ვერ ვიკავებდი, განსაკუთრებით, როცა ვიხსენებდი ირაკლის სასაცილომდე არარეალურ ბიზნეს-პროექტებს, რომელთა განხორციელებით აპირებდა, გამდიდრებას თუ არა, საკუთარი ოჯახის შენახვას მაინც. ამგვარი იდეების გენერირებას მან მას შემდეგ უმატა, რაც გაჩნდა პატარა ნანა, მისი ერთ-ერთი ბოლო, და ბაბუა-ბებიების აზრით საუკეთესო ნაწარმოები. ჩემთვის დღესაც ორი ირაკლი არსებობს: ერთი – ჩემი და ნანას პირმშო. ის ჩემს მეხსიერებაში მარად ბავშვად დარჩება. სწორედ ამ ბავშვის – ირაკლის სიკვდილი განვიცადე ასე მწარედ 2006 წლის 24 თებერვალს. მეორე – მიამიტი და იმავდროულად უჩვეულო ნიჭით დაჯილდოებული შემოქმედი. ის არ მომკვდარა. „სათქმელი თქვა და უბრალოდ კარი გაიხურა“. სამძიმრის სათქმელად ჩვენს პეკინის 14-ის ბინაში, ნათესავებისა და ნაცნობ-მეგობრების გარდა, საქართველოში არსებული ყველა პოლიტიკური ძალის ხელმძღვანელები მოვიდნენ. სანდრა სააკაშვილი ყოველდღე ჩვენთან იყო და მწოლიარე ნანას საათობით ეჯდა. როცა სადარბაზოში შევარდნაძის დაცვის თანამშრომელი შევნიშნე, მივხვდი, რომ მალე ექს-პრეზიდენტი გამოჩნდებოდა. შევი გადამეხვია, გასვლისას კვლავ შეხედა ირაკლის და თავი დახარა, როგორც მაშინ, მამაჩემის პანაშვიდზე. ცოტა ხანი გავიდა და ოთახში მიშა სააკაშვილი შემოვიდა. მელაპარაკა. მერე დიდხანს ჩუმად იყო. რაღაცაზე ფიქრობდა. წასვლისას ასე მითხრა – „სამსახურში გამოსვლას ნუ იჩქარებ, მაგრამ როცა გამოხვალ, აუცილებლად მნახე“. მაშინ მე პრეზიდენტის თანაშემწე და პრესსპიკერი ვიყავი. დღის განმავლობაში ვეცნობოდი მსოფლიო მედიაში გამოქვეყნებულ ჩვენთვის საინტერესო მასალას და საღამოობით შეკუმშული სახით მიშას ვაცნობდი. კვირაში რამდენჯერმე ქართველ და თბილისში აკრიდიტებულ უცხოელ ჟურნალისტებს ვხვდებოდი და მიმდინარე პოლიტიკური მოვლენების ჩვენეულ ხედვას ვუზიარებდი. ტელევიზიებში კვლავინდებურად ხშირად ვჩნდებოდი. სახელმწიფო ბიუჯეტი მნიშვნელოვნად იყო გაზრდილი და მოხელეთა შრომის პირობები შეუდარებლად გაუმჯობესებული. მიშა ერთი კვირის თავზე ვნახე. ყოველგვარი შესავლის გარეშე მით­ხრა, რომ წინათაც ფიქრობდა და აზრი არც ახლა შეუცვლია: „საქარ­თველოს ინგლისში შენ უნდა წარმოადგენდე“. ეს სიახლე ნანას ტრაგედიამდე რომ გაეგონა, სახე გაუბრწყინდებოდა და მეგობრებს ტელეფონზე რეკვით აიკლებდა. ახლა კი მხოლოდ თავი დამიქნია და თვალები ცრემლით აევსო. ლონდონში სექტემბერში წავედით. თან შვილიშვილები – ანა და გაგა – წავიყვანეთ. პატარა ნანა ჯერ მართლაც პატარა იყო და ლონდონში ყოფნა არაფერს არგებდა. ჩამოვიდა, როცა სკოლის ასაკს მიაღწია. ლონდონმა თავისი ქნა. დიპლომატიურმა მიღებებმა, მკაცრი დრეს­­კოდის ნორმების აღსრულების აუცილებლობამ, ახლად შეძენილი ნაცნობების მრავალეროვნულმა წრემ ნანა თანდათან თვალში გამოახედა. და როცა, ბუკინგემის სასახლეში დედოფლისათვის რწმუნებათა სიგელების გადაცემის აღსანიშნავად გამართულ vin d’honneur-ზე მან შამპანურით სავსე ჭიქა ასწია, მის უძირო თვალებში პირველად ამ თვეების განმავლობაში მოციმციმე ვარსკვლავები დავინახე“. - წერს გელა ჩარკვიანი სოციალურ ... ...
  • „პირბადეს ვეღარ იშოვი, სადეზინფექციო ხსნარებს ფასი დაადეს“ _რას გვატყობინებენ იტალიიდან_პულიის რეგიონი ბარის პროვინციაში,  რომელიც მილანიდან, კორონავირუსის ეპიცენტრიდან ათასი კილომეტრის დაშორებით იმყოფება, ჯერ არანაირი პრევენციის ზომები არ მიუღიათ.  ჩემი გოგონა სკოლაში დადის, როგორც მშობელს,  მომივიდა შეტყობინება, რომ არ დავტოვო ლოკაციის  ადგილი.  ამ ეტაპზე  სხვა არანარი გაფრთხილება არ შემოსულა.  უნდა გითხრა  ისიც , რომ აფთიაქში   ვერ იშოვი პირბადეს. სადეზინფექციო  ხსნარები, რასაც „ამაზონი“ გვჩუქნიდა, ფასები დაადეს და სამი შეკვრა  90 ევრო ღირს.  ახლა აქ დღის პირველი საათია. ამ წუთებშიც შევედი აფთიაქში და პირბადე უკვე არ არის. მითხრეს, რომ დილით რაც მიიღეს, უკვე გაყიდულია, - გვატყობინებს ემიგრაციაში მყოფი ჩვენი მეგობარი ხათუნა შარაძე.  კორონავირუსი ფაქტიურად  ვრცელდება  იტალიაში და ეს სამწუხარო ამბავია. ხათუნა შარაძემ  ასევე გვითხრა, რომ იტალიაში საქართველოს საელჩოს ვებგვერდზე განთავსებულია განცხადება ,  კორონა ვირუსთან დაკავშირებით: „ შექმნილი მდგომარეობიდან გამომდინარე, საქართველოს საელჩო მოუწოდებს იტალიაში და განსაკუთრებით კი მის 5 რეგიონში (ლომბარდია, ვენეტო, პიემონტე, ემილია რომანია და ლაციო) მცხოვრებ და ტურისტული მიზნებით მყოფ საქართველოს მოქალაქეებს გაითვალისწინონ  იტალიის მთავრობის მიერ,  ვირუსის მართვისთვის აუცილებელი რჩევები და განკარგულებები, განსაკუთრებული საჭიროების გარდა თავი შეიკავონ საჯარო თავშეყრის ადგილებში სიარულისგან და დაიცვან ჰიგიენური წესები.“ ... ...

არქივი

ზაფრანი

15 შეცდომა რეცხვის დროს, რომელიც სარეცხს და მანქანას აზიანებს

ხშირად ვამბობთ, რომ ტანსაცმელს აფუჭებს...

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...