მილიონერი დეპუტატი წილოსანის ბიცოლას სახლის სახურავი ბიუჯეტიდან უყიდეს _ "სხვა სიკეთეებსაც იღებენ"

gurianews.com

მთავარი თემა

მილიონერი დეპუტატი წილოსანის ბიცოლას სახლის სახურავი ბიუჯეტიდან უყიდეს _ "სხვა სიკეთეებსაც იღებენ"

2018 თებ 8 12:11:15

ჩოხატაურისა და ლანჩხუთის გაერთიანებული ოლქის მილიონერი მაჟორიტარი დეპუტატის ნინო წილოსანის ბიცოლა (მამამისის ძმის ცოლი) ციური ბიბილეიშვილი ლანჩხუთის მუნიციპალიტეტის ბიუჯეტიდან სტიქიით დაზიანებული საცხოვრებელი სახლების გადახურვის პროგრამიდან სახლის სახურავს მიიღებს.

ბიბილეიშვილი სოფელ აცანაში ცხოვრობს და როგორც მერის წარმომადგენელი ამ სოფელში იზა მათითაიშვილი ამბობს, ამაში გასაკვირი არაფერია.

როგორც გვითხრეს, მათითაიშვილს სტიქიით დაზარალებულთა სიაში საკუთარი ახლობლებიც ჰყავს შეყვანილი:

_ მან დასახმარებელთა სიაში შეიყვანა საკუთარი მაზლი ვალერი ჩხაიძე და მისი ძმის სიმამრი თემურ ტაკიძე, _ გვითხრა წყარომ.

წყაროსვე ინფორმაციით, სამაგიეროდ, სიაში ვერ მოხვდა რამდენიმე ადამიანი, რომლებსაც საცხოვრებელი სახლები დაზიანებული აქვთ. მათ შორის მარინა და ირინა ჩხაიძეები, რომლებიც სოციალურად დაუცველები არიან და ავარიულ სახლში წლებია, ცხოვრობენ. მიუხედავად იმისა, რომ სტიქიამ სახლს სახურავი სრულად გადახადა, დასახმარებელთა სიაში ვერ აღმოჩნდა რუსუდან ჩხაიძეც, რომელიც როგორც გავარკვიეთ, ლანჩხუთის მუნიციპალიტეტის საკრებულოს ოპოზიციონერი დეპუტატის კახა ასკურავას ბებიაა.

მათითაიშვილი ამბობს, რომ სიაში მხოლოდ ისინი ჩასვა, ვინც ნამდვილად დაზარალდნენ სტიქიისგან.

_ კი, ვალერი ჩხაიძე ჩემი მაზლია, თემურ ტაკიძეც ჩემი ძის სიმამრია, ციური ბიბილეიშვილიც ნინო წილოსანის ბიცოლაა და მერე რა? და საერთოდ, საიდან გაქვთ ეს ინფორმაცია? მითხარით, ვინ გითხრათ? _ გაღიზიანება ვერ დამალა მათითაიშვილმა და აღნიშნა, რომ ეს საქართველოა და ძალიან დაბალი დონეა ყველგან, მათ შორის, ჟურნალისტიკაშიც.

_ რა ვქნათ, არ ჩაუარა ქარმა არც ციური ბიბილეიშვილის სახლს, არც თემურ ტაკიძის და არც დანარჩენების. რაც შეეხება მარინა და ირინა ჩხაიძეებს, მათ სტიქია არ შეხებიათ _ აქვთ სიძველე. სიძველეზე არავინ დაუფინანსებიათ და ჯერ გაარკვიეთ, ვის როგორ მოუწია დახმარება. ჯერ ერთი, ვალერი ჩხაიძე ჩემი მაზლია, მაგრამ რა ვქნათ, დაემთხვა სახელი და გვარი და ეგონათ, რომ ჩემი მაზლი იყო. ჩემს მაზლს არ მოწევია და არ იღებს და თუნდაც, თუ დაინტერესდება თქვენი მედიასაშუალება, შეგიძლიათ, ამოხვიდეთ და ნახოთ, რა მდგომარეობაშია ვალერი ჩხაიძის სახლი, სადაც მე ამჟამად ვცხოვრობ. ისიც გადაამოწმეთ, ვინც თავის დროზე არასწორად მიიღო დახმარება. ჩემი ჩამოსვლის შემდეგ აცანაში ხალხს სამართლიანობა აღუდგა, რომ იცოდეთ.

_ ქალბატონო იზა, თქვენ ნინო წილოსანმა ჩამოგიყვანათ ლანჩხუთში?

_ რა მჭირდა აცანაში ვინმეს ჩამოსაყვანი? ინტრიგნულ შეკითხვებს ნუ მისვამთ! 15 წელი სკოლაში ვიმუშავე. უმაღლესი კატეგორიის მასწავლებელი ვიყავი. ვისი ჩამოსაყვანი მჭირს რამე _ ვინ არის ნინო წილოსანი ისეთი, რომ მე აცანაში ჩამომიყვანა. მე აცანაში დავიბადე და გავიზარდე და იქით ჩამოვიყვან ვინმეს.

_ ნინო წილოსანი დეპუტატია და არსებობს ინფორმაცია, რომ მისი კადრი ხართ. რატომ გაგაღიზიანათ ასე ამ კითხვამ?

_ ყველა ვიღაცის კადრია. უბრალოდ, მე გამიწია რეკომენდაცია წილოსანმა.

_ სწორედ ეგ გკითხეთ და რატომ ბრაზობთ?

_ ვიცი, მე თქვენი კითხვები როგორც არის. დავასრულე თქვენთან საუბარი და იქნებ დაინტერესდეთ, მოხვიდეთ, ნახოთ, რა დღეში ვარ. სამი წლის მანძილზე მთელი რაიონი ავაწრიალე, სახლი არ მაქ-მეთქი და ნახეთ, თუ ეკუთვნის ვინმეს ჩემზე მეტი.

_ ბევრი ადამიანი ცხოვრობს ავარიულ სახლში და როდესაც მილიონერი დეპუტატის ბიცოლა შეგყავთ სიაში, იმისთვის, რომ ბიუჯეტიდან მისცენ სახურავი, სწორედ ესაა პრობლემა...

_ რა ვქნა, გადახადა სახურავი და რა მექნა?

_ დეპუტატს არ უთხარით, რომ მისი ბიცოლას სახლი დაზიანდა?

_ ეს საქართველოში ხდება, თორემ რა ვალდებულია ვინმე ვინმეს დაეხმაროს, როცა სტიქიამ სახურავი გადახადა? არ ეკუთვნოდა ნინო წილოსანის ბოცოლას?

_ ჩხაიძეებს არ ეკუთვნოდათ?

_ არა. ის სიძველე იყო. კომისიამ შეამოწმა და მათ ალტერნატიული საცხოვრებელი, ახალი აქვთ ოზურგეთში და არ მიდიან იმიტომ, რომ აქ შეარემონტონ სახელმწიფოს ხარჯზე სახლი.

_ წილოსანის ბიცოლას სახლი თუ რემონტდება სახელმწიფოს ხარჯზე, სხვისი რატომ არ უნდა გარემონტდეს? თქვენი ნათესავის სახლის გადახურვა თუ შეიძლება, ჩხაიძეებმა რა დააშავეს?

_ აცანაში 90 პროცენტი ჩემი ნათესავია და არავის არ ვერჩი. უბრალოდ, მე დავაფინანსე და რეკომენდაცია გავუწიე იმ ხალხს, ვისაც სტიქიამ დაუზიანა სახურავი. ინფრასტრუქტურის კომისიაც იყო მოსული და მათ ნახეს ყველაფერი. არ იცით დეტალები და არ შეიძლება თქვენთან საუბარი, _ კომპეტენცია დაგვიწუნა მათითაშვილმა და არც ის პირები დაგვისახელა, ვინც სახლების დაზიანებების ხარისხი შეამოწმა.

როგორც „გურია ნიუსმა“ გაარკვია კონკრეტული სია, შესაბამის კომისიას სოფლის წარმომადგენლებმა მიაწოდეს:

_ ძალიან ბევრი სახლი ვნახეთ, როგორც აცანაში, ისე სხვა სოფლებში. სიმართლე გითხრათ, გადახურვა ყველას სჭირდებოდა, მაგრამ ამას ბიუჯეტი ვერ გაწვდებოდა. ამის შემდეგ ჩატარდა თათბირი, სადაც რწმუნებულებს დაევალათ მოეცათ იმ ოჯახების სია, რომლებიც სოციალურად დაუცველები იყვნენ და ძალიან უჭირდათ. ამის საფუძველზე მოხვდა სიაში ციური ბიბილეიშვილი, თემურ ტაკიძე, ვალერი ჩხაიძე. სულ 19 ადამიანის სია წარმოადგინა აცანის რწმუნებულმა და ჩვენ არ გვქონდა იმის შესაძლებლობა გადაგვემოწმებინა მათი სოციალური მდოგმარეობის ნამდვილობა, _ გვითხრეს ლანჩხუთის მუნიციპალიტეტის  მერიის ინფრასტრუქტურის სამსახურში.

ლანჩხუთის მუნიციპალიტეტის მერი, ალექსანდრე სარიშვილი ამბობს, რომ მისთვის უცნობია, ვინ ვისი ნათესავია დახმარების მიმღებებიდან:

_ ეს სტიქია ოქტომბერში იყო და ოქმებიც მაშინ შედგა. მე მაშინ მერი არ ვიყავი და დეტალებზე საუბარი არ შემიძლია. გიდასტურებთ, რომ თქვენს მიერ ჩამოთვლილი ადამიანები ნამდვილად არიან სახურავის მიმღებთა სიაში, შესყიდვა კი უკვე ტენდერზე დევს, თუმცა, ვინ ვისი ნათესავია ნამდვილად არ ვიცი. აუცილებლად გადავამოწმებ ამ ინფორმაციას, _ აღნიშნა ჩვენთან სარიშვილმა.

ჩოხატაურისა და ლანჩხუთის მაჟორიტარ დეპუტატს ნინო წილოსანმა თავდაპირველად გვითხრა, რომ ციური ბიბილეიშვილს არ იცნობდა. მას შემდეგ, კი როცა დავუკონკრეტეთ, რომ მისი გარდაცვლილი ბიძის მეუღლეზე ვსაუბრობთ, გაახსენდა და აღნიშნა, რომ გვარი არ ახსოვდა.

_ არაკორექტულია იმის თქმა, რომ რაკი ჩემი ბიცოლაა, სახურავს იმიტომ აძლევენ. არ ვიცი ეს ინფორმაცია და იქნებ გადაამოწმოთ მართლა ხომ არ ეკუთვნის, თუკი აძლევენ.

_ ქალბატონო ნინო, თქვენს ბიცოლაზეა საუბარი...

_ იმიტომ რომ ჩემი ბიცოლაა, მაგის გამო ხომ არ დაიჩაგრება ადამიანი, თუ კანონით ეკუთვნის?

_ იცით, რამდენ ადამიანს ეკუთვნის ყველა წესით და კანონით და ვერ იღებს? ბიცოლათქვენს  რომ მაინც დაეხმაროთ პირადად,  არ შეიძლება?

_ მე არ ვერევი მაგ სახურავების თემში და გავერკვევი. ისე, იმ მიმართულებით კითხვის დასმა, რომ ჩემს ნათესავს რატომ დაეხმარნენ, არასწორია.

_ ქალბატონო ნინო, იმ სოფელში ბევრ ეკუთვნოდა  დახმარება, მაგრამ რატომღაც დარჩნენ დახმარების გარეშე, რადგან თქვენი რეკომენდაციით დანიშნულმა რწმუნებულმა სია ისე შეადგინა, როგორც სურდა..

_ ჩემი რეკომენდაციით? ასე ამბობს? კარგია, თუ ასე ამბობს. მე არ ვარ საქმის კურსში მართლაც. თუ რაიმე კანონდარღვევით არ ხდება, მგონი, არც პრობლემაა.  ჩემი ნათესავი სახელმწიფოს სხვა სიკეთეებსაც იღებენ, საყოველთაო ჯანდაცვითაც სარგებლობენ და იმიტომ რომ ჩემი ნათესავები არიან, არ ეკუთვნით? _ აღნიშნა დეპუტატმა, რომლის თქმით, მისთვის და ბიუროსთვის აცანიდან არავის მიუმართავს დახმარების თხოვნით.

შენიშვნა: ეს ფოტოები გამოთხოვილია ლანჩხუთის მუნიციპალიტეტის მერიიდან და სწორედ ამ ფოტოების და რწმუნებულის რეკომენდაციის შემდეგ გაიცა დახმარება.


ნახვა: 2052


 ახალი ამბები
  • თემქაზე მე-6 სართულიდან გოგო გადმოვარდა თემქაზე საცხოვრებელი სახლის მე-6 სართულიდან გოგო გადმოვარდა. ამ დროისთვის ის საავამდყოფოშია გადაყვანილი და მისი მდგომარეობა მძიმეა. მომხდარზე შინაგან საქმეთა სამინისტრონ გამოძიებას 115-ე მუხლით აწარმოებს, რაც თვითმკვლელობამდე მიყვანას ... ...
  • „ჩვენზე უკვე მოახდინა გავლენა მესამე პირმა“ _ ეკა ნინიძის სასამართლო პროცესი გადაიდოდღეს ოზურგეთის მუნიციპალიტეტის სასამართლოში ჩანიშნული  კიდევ ერთი პროცესი გადაიდო. მოსარჩელე ეკა ნინიძე, რომელიც ოზურგეთის მუნიციპალიტეტის მერმა სკოლამდელი აღზრდის ცენტრის დირექტორის თანამდებობიდან გაათავისუფლა, სამსახურში აღდგენას ან ტოლფას თანამდებობაზე გადაყვანას ითხოვს. მოსამართლე მარინა კიკნაძეს  მიმართა ოზურგეთის მუნიციპალიტეტის მერიის იურისტმა, მიხეილ შილაკაძემ, რომელიც მოპასუხე მხარეს წარმოადგენს. მან განმარტა, რომ ქალაქ  ოზურგეთის სკოლამდელი აღზრდის ცენტრს ეკა ნინიძე ხელმძღვანელობდა, მუნიციპალიტეტისას კი _ ავთანდილ მექვაბიშვილი. ორივე გათავისუფლებული პირი ითხოვს აღნიშნულ თანამდებობაზე აღდგენას. თუმცა, მუნიციპალიტეტების შერწყმის შემდეგ, ერთი სკოლამდელი აღზრდის ცენტრი არსებობს. _ ეს არის ორი ერთნაირი საქმე და ამიტომ გვაქვს შუამდგომლობა,  გავაერთიანოთ. ისინი ერთსა და იმავე თანამდებობაზე ითხოვენ აღდგენას, _  თქვა შილაკაძემ. აქვე შევნიშნავთ, რომ ავთანდილ მექვაბიშვილის სასამართლო პროცესი  23 აპრილისთვის არის გადადებული. მოსამართლემ  განმარტა, რომ ეს მხოლოდ ზეპირი მოთხოვნაა და სასამართლოს სჭირდება დოკუმენტი.  შილაკაძემ თქვა, რომ შემდეგ  სხდომაზე მტკიცებულებას   წარმოადგენდა. შილაკაძემ ასევე აღნიშნა, რომ კიდევ ერთი შუამდგომლობა აქვთ. _მოსარჩელე ითხოვს დირექტორის ან ტოლფას თანამდებობაზე აღდგენას.  სკოლამდელი აღზრდის ცენტრში დირექტორიც და მოადგილეც დანიშნულია. ამიტომ ვითხოვთ სასამართლო პროცესში მესამე პირის ჩართვას. მაკა ჭყონია და მისი მოადგილე თამარ ქავზარაშვილი მესამე პირებად უნდა იყვნენ ჩართული, _ განაცხადა მან.  ეკა ნინიძის ადვოკატმა გია ხუროშვილმა  განმარტა, რომ  მათ არ აქვთ პრეტენზია არავის დანიშვნაზე და არ მიიჩნევენ საჭიროდ მესამე პირის ჩართვას. ლაშა თავაძის თქმით, ეკა ნინიძე რომ დაინიშნოს, ეს გავლენას მოახდენს მათზე, ვინც დღეს უკვე დანიშნულია. მოსარჩელე ეკა ნინიძემ განაცხადა, რომ მასზე და ავთანდილ მექვბიშვილზე უკვე მოახდინა გავლენა მესამე პირმა. _ ჩვენზე,  ჩემზე და ავთანდილ მექვაბიშვილზე,  უკვე მოახდინა მესამე პირმა გავლენა.  სამსახურიდან უკანონოდ გაგვათავისუფლეს, სხვა დანიშნეს და ახლა ჩვენ არ უნდა მოვახდინოთ გავლენა მასზე? არსად მიწერია სარჩელში, რომ მე ვითხოვ მოადგილის თანამდებობას,  გათვისუფლებული ვარ უკანონოდ და ვითხოვ სამსახურში აღდგენას, _ თქვა მან. მიშა შილაკაძის განმარტებით,   ტოლფასი თანამდებობა უნდა იყოს შესატყვისი წინა თანამდებობასთან ან დაკმაყოფილების შემთხვევაში, უნდა დაკმაყოფილდეს იმავე თანამდებობაზე... _რომელ ტოლფას თანამდებობას ითხოვთ? _მიმართა შილაკაძემ მოსარჩელეს. გია ხუროშვილმა კი ასეთი პასუხი გასცა: _ ვიღაც რომ დანიშნულია იქ, არ ნიშნავს იმას, რომ ეკა ნინიძე არ უნდა იქნეს აღდგენილი. მოსამართლე მარინა კიკნაძე დაეთანხმა პროცესის გადადებას, რომელიც 23 აპრილს, ორშაბათს, დღის 1 სათისთვის ჩაინიშნა  და განმარტა, რომ მომდევნო სხდომაზე იმსჯელებს, როგორც მექვაბიშვილის და ნინიძის პროცესის გაერთიანებაზე, ისე მესამე პირის ჩართვაზე. აღსანიშნავია, რომ ავთანდილ მექვაბიშვილის სასამართლო პროცესზე, მოსამართლე ციცინო როხვაძემ განაცხადა, რომ  მესამე პირის ჩართვა არაფერს შეცვლიდა და მას, შესაძლოა, შეეხოს შედეგი, რომელიც სასამართლოსთვის მნიშვნელოვანი არ ... ...
  • პანკისელებმა საქართველოს ხელისუფლებას მოუწოდეს შეცდომა აღიაროსახმეტის მუნიციპალიტეტის სოფელ დუისში ადგილობრივ მცხოვრებთა შეკრება გაიმართა. შეკრებილები საქართველოს ხელისუფლებისგან ითხოვენ, აღიარონ პანკისში ჩატარებული სპეცოპერაციის შედეგად გარდაცვლილი თემირლან მაჩალიკაშვილის უდანაშაულობა. პანკისელები, ასევე, თემირლანის სიკვდილში დამდაშავე პირების დასჯას და ოჯახისთვის დაზარალებულის სტატუსის მინიჭებას ითხოვენ, _ აღნიშნულის შესახებ რადიო "თავისუფლება" იუწყება. ინფორმაციას რადიო თავისუფლება ავრცელებს. „ნათელია, რომ თემირლანის შესახებ გამოსაძიებელი არაფერია და ხელისუფლებას უჭირს შეცდომის აღიარება“ - განაცხადა გარდაცვლილის მამამ, მალხაზ მაჩალიკაშვილმა. მისივე თქმით, ხეობის მოსახლეობა ცდილობს, რომ ხელისუფლებამ შეცდომა აღიაროს. პანკისელებმა საქართველოს პრემიერმინისტრს, გიორგი კვირიკაშვილს მოუწოდეს მათთან შეხვედრისა და თემირლან მაჩალიკაშვილის საქმით დაინტერესებისკენ. 19 წლის თემირლან მაჩალიკაშვილი 11 იანვარს საავადმყოფოში გარდაიცვალა. ის პანკისში 26 დეკემბერს ჩატარებული სპეცოპერაციის დროს დაიჭრა. მაჩალიკაშვილის მშობლები და პანკისის უხუცესები აჰმედ ჩატაევთან და ტერორისტებთან მაჩალიკაშვილს კავშირს გამორიცხავენ. სუსის ცნობით, პანკისის ხეობასა და თბილისში ჩატარებული სპეცოპერაციის დროს დაკავებული ხუთი მოქალაქე დაეხმარა აჰმედ ჩატაევს საქართველოს საზღვარზე გადმოსვლაში. სუსის ინფორმაციით, დაკავებული პირები 21-22 ნოემბრის სპეცოპერაციის დროს დახოცილ ჯგუფთან ერთად, საქართველოსა და თურქეთში ტერაქტებს გეგმავდნენ. ასევე იგეგმებოდა თავდასხმა საქართველოში მომუშავე დიპლომატიურ ... ...
  • არჩილ მიშველაძის ქუჩაზე მოძრაობა დროებით აიკრძალადღეს, თბილისში  16:30 საათიდან 18:30 საათამდე  არჩილ მიშველაძის ქუჩაზე, ორივე მიმართულებით იკრძალება საავტომობილო მოძრაობა. ამის შესახებ შინაგან საქმეთა სამინისტროს საპატრულო პოლიციის დეპარტამენტი იუწყება. როგორც უწყებაში ამბობენ, მოძრაობის დროებით შეჩერების მიზეზი "ლიბერთი ბანკის" სათავო ოფისში ევაკუაციის გეგმის ... ...
  • რუსმა ოკუპანტებმა სოფელ ჯარიაშენიდან 77 წლის მამაკაცი გაიტაცესმორიგი გატაცება გორის რაიონიდან - საოკუპაციო რეჟიმის წარმომადგენლებმა, სოფელი ჯარიაშენიდან საქართველოს მოქალაქე გაიტაცეს. გატაცებული 77 წლის ელიზბარ მესტუმრიშვილია, _ ინფორმაციას "რუსთავი2" ავრცელებს. მესტუმრიშვილი მწყემსია და ის საოკუპაციო ზოლთან, საქართველოს კონტროლირებად ტერიტორიაზე მაშინ დააკავეს, როდესაც საქონელს ... ...

არქივი

ზაფრანი

22 წლის მოდელი აუქციონზე ქალიშვილობას ყიდის

22 წლის პორტუგალიელი მოდელი აუქციონზე...

რა სარგებელი მოაქვს საღეჭ რეზინს

 აშშ-ში, მშრალი კანონის დროს, არომატული...

ახალგაზრდობის ელექსირი

ცოტა ხნის წინ მღრნელებზე ჩატარებული...

ნაადრევი გაჭაღარავების მიზეზები

ნაადრევი გაჭაღარავების მიზეზი გენეტიკაზე უფრო...

როდის რა ვსვათ?

ჭამის დროს წყლის სმას ყოველთვის...

რა გვაძლევს და რა გვართმევს ენერგიას

რა გვაძლევს ენერგიას: 1. წყალი,...
კარმიდამო ჩემი

როგორ ავიმაღლოთ იმუნიტეტი

იმუნიტეტი ეს არის ორგანიზმის დამცველობითი...

ბროკოლი გულს დაავადებებისგან იცავს

ორთქლზე მომზადებული კომბოსტო ბროკოლი გულის...

ეთნოგრაფიული ნივთების კოლექციონერის მიზნები და გულისტკივილი

დღეს საქართველოში მრავალი ეთნოგრაფიული მუზეუმი...

როდის დავთესოთ და როგორ მოვუაროთ ბოსტნეულს ღია გრუნტში

მარტის ბოლოს და აპრილის დასაწყისში...

შინაური პირუტყვის პროფილაქტიკა საგაზაფხულოდ

გამოზამთრებულ შინაურ პირუტყვს, მსხვილფეხა თუ...

თხილის პირველი საგაზაფხულო წამლობის პრინციპი

ვაგრძელებთ რჩევების მიცემას იმ ადამიანებისთვის...

გრძელდება თხილის პლანტაციების შეწამვლა გულის სიდამპლის წინააღმდეგ

ოზურგეთის მუნიციპალიტეტის სოფლებში გრძელდება  თხილის...

ფლორა გულის სამსახურში

თქვენი "გულის" ჯანმრთელობის შენარჩუნებაში დაგეხმარებათ...

დავიცვათ დედაბუნება _ ვუნახავთ თუ არა ტყეს შვილებს?

ბუნებასთან ადამიანების ურთიერთობა ყოველთვის იყო,...

როდის დავიწყოთ თხილის პლანტაციის შეწამვლა

საშიში სოკოვანი დაავადებების და მავნებელთა...