მილიონერი დეპუტატი წილოსანის ბიცოლას სახლის სახურავი ბიუჯეტიდან უყიდეს _ "სხვა სიკეთეებსაც იღებენ"

gurianews.com

მთავარი თემა

მილიონერი დეპუტატი წილოსანის ბიცოლას სახლის სახურავი ბიუჯეტიდან უყიდეს _ "სხვა სიკეთეებსაც იღებენ"

2018 თებ 8 12:11:15

ჩოხატაურისა და ლანჩხუთის გაერთიანებული ოლქის მილიონერი მაჟორიტარი დეპუტატის ნინო წილოსანის ბიცოლა (მამამისის ძმის ცოლი) ციური ბიბილეიშვილი ლანჩხუთის მუნიციპალიტეტის ბიუჯეტიდან სტიქიით დაზიანებული საცხოვრებელი სახლების გადახურვის პროგრამიდან სახლის სახურავს მიიღებს.

ბიბილეიშვილი სოფელ აცანაში ცხოვრობს და როგორც მერის წარმომადგენელი ამ სოფელში იზა მათითაიშვილი ამბობს, ამაში გასაკვირი არაფერია.

როგორც გვითხრეს, მათითაიშვილს სტიქიით დაზარალებულთა სიაში საკუთარი ახლობლებიც ჰყავს შეყვანილი:

_ მან დასახმარებელთა სიაში შეიყვანა საკუთარი მაზლი ვალერი ჩხაიძე და მისი ძმის სიმამრი თემურ ტაკიძე, _ გვითხრა წყარომ.

წყაროსვე ინფორმაციით, სამაგიეროდ, სიაში ვერ მოხვდა რამდენიმე ადამიანი, რომლებსაც საცხოვრებელი სახლები დაზიანებული აქვთ. მათ შორის მარინა და ირინა ჩხაიძეები, რომლებიც სოციალურად დაუცველები არიან და ავარიულ სახლში წლებია, ცხოვრობენ. მიუხედავად იმისა, რომ სტიქიამ სახლს სახურავი სრულად გადახადა, დასახმარებელთა სიაში ვერ აღმოჩნდა რუსუდან ჩხაიძეც, რომელიც როგორც გავარკვიეთ, ლანჩხუთის მუნიციპალიტეტის საკრებულოს ოპოზიციონერი დეპუტატის კახა ასკურავას ბებიაა.

მათითაიშვილი ამბობს, რომ სიაში მხოლოდ ისინი ჩასვა, ვინც ნამდვილად დაზარალდნენ სტიქიისგან.

_ კი, ვალერი ჩხაიძე ჩემი მაზლია, თემურ ტაკიძეც ჩემი ძის სიმამრია, ციური ბიბილეიშვილიც ნინო წილოსანის ბიცოლაა და მერე რა? და საერთოდ, საიდან გაქვთ ეს ინფორმაცია? მითხარით, ვინ გითხრათ? _ გაღიზიანება ვერ დამალა მათითაიშვილმა და აღნიშნა, რომ ეს საქართველოა და ძალიან დაბალი დონეა ყველგან, მათ შორის, ჟურნალისტიკაშიც.

_ რა ვქნათ, არ ჩაუარა ქარმა არც ციური ბიბილეიშვილის სახლს, არც თემურ ტაკიძის და არც დანარჩენების. რაც შეეხება მარინა და ირინა ჩხაიძეებს, მათ სტიქია არ შეხებიათ _ აქვთ სიძველე. სიძველეზე არავინ დაუფინანსებიათ და ჯერ გაარკვიეთ, ვის როგორ მოუწია დახმარება. ჯერ ერთი, ვალერი ჩხაიძე ჩემი მაზლია, მაგრამ რა ვქნათ, დაემთხვა სახელი და გვარი და ეგონათ, რომ ჩემი მაზლი იყო. ჩემს მაზლს არ მოწევია და არ იღებს და თუნდაც, თუ დაინტერესდება თქვენი მედიასაშუალება, შეგიძლიათ, ამოხვიდეთ და ნახოთ, რა მდგომარეობაშია ვალერი ჩხაიძის სახლი, სადაც მე ამჟამად ვცხოვრობ. ისიც გადაამოწმეთ, ვინც თავის დროზე არასწორად მიიღო დახმარება. ჩემი ჩამოსვლის შემდეგ აცანაში ხალხს სამართლიანობა აღუდგა, რომ იცოდეთ.

_ ქალბატონო იზა, თქვენ ნინო წილოსანმა ჩამოგიყვანათ ლანჩხუთში?

_ რა მჭირდა აცანაში ვინმეს ჩამოსაყვანი? ინტრიგნულ შეკითხვებს ნუ მისვამთ! 15 წელი სკოლაში ვიმუშავე. უმაღლესი კატეგორიის მასწავლებელი ვიყავი. ვისი ჩამოსაყვანი მჭირს რამე _ ვინ არის ნინო წილოსანი ისეთი, რომ მე აცანაში ჩამომიყვანა. მე აცანაში დავიბადე და გავიზარდე და იქით ჩამოვიყვან ვინმეს.

_ ნინო წილოსანი დეპუტატია და არსებობს ინფორმაცია, რომ მისი კადრი ხართ. რატომ გაგაღიზიანათ ასე ამ კითხვამ?

_ ყველა ვიღაცის კადრია. უბრალოდ, მე გამიწია რეკომენდაცია წილოსანმა.

_ სწორედ ეგ გკითხეთ და რატომ ბრაზობთ?

_ ვიცი, მე თქვენი კითხვები როგორც არის. დავასრულე თქვენთან საუბარი და იქნებ დაინტერესდეთ, მოხვიდეთ, ნახოთ, რა დღეში ვარ. სამი წლის მანძილზე მთელი რაიონი ავაწრიალე, სახლი არ მაქ-მეთქი და ნახეთ, თუ ეკუთვნის ვინმეს ჩემზე მეტი.

_ ბევრი ადამიანი ცხოვრობს ავარიულ სახლში და როდესაც მილიონერი დეპუტატის ბიცოლა შეგყავთ სიაში, იმისთვის, რომ ბიუჯეტიდან მისცენ სახურავი, სწორედ ესაა პრობლემა...

_ რა ვქნა, გადახადა სახურავი და რა მექნა?

_ დეპუტატს არ უთხარით, რომ მისი ბიცოლას სახლი დაზიანდა?

_ ეს საქართველოში ხდება, თორემ რა ვალდებულია ვინმე ვინმეს დაეხმაროს, როცა სტიქიამ სახურავი გადახადა? არ ეკუთვნოდა ნინო წილოსანის ბოცოლას?

_ ჩხაიძეებს არ ეკუთვნოდათ?

_ არა. ის სიძველე იყო. კომისიამ შეამოწმა და მათ ალტერნატიული საცხოვრებელი, ახალი აქვთ ოზურგეთში და არ მიდიან იმიტომ, რომ აქ შეარემონტონ სახელმწიფოს ხარჯზე სახლი.

_ წილოსანის ბიცოლას სახლი თუ რემონტდება სახელმწიფოს ხარჯზე, სხვისი რატომ არ უნდა გარემონტდეს? თქვენი ნათესავის სახლის გადახურვა თუ შეიძლება, ჩხაიძეებმა რა დააშავეს?

_ აცანაში 90 პროცენტი ჩემი ნათესავია და არავის არ ვერჩი. უბრალოდ, მე დავაფინანსე და რეკომენდაცია გავუწიე იმ ხალხს, ვისაც სტიქიამ დაუზიანა სახურავი. ინფრასტრუქტურის კომისიაც იყო მოსული და მათ ნახეს ყველაფერი. არ იცით დეტალები და არ შეიძლება თქვენთან საუბარი, _ კომპეტენცია დაგვიწუნა მათითაშვილმა და არც ის პირები დაგვისახელა, ვინც სახლების დაზიანებების ხარისხი შეამოწმა.

როგორც „გურია ნიუსმა“ გაარკვია კონკრეტული სია, შესაბამის კომისიას სოფლის წარმომადგენლებმა მიაწოდეს:

_ ძალიან ბევრი სახლი ვნახეთ, როგორც აცანაში, ისე სხვა სოფლებში. სიმართლე გითხრათ, გადახურვა ყველას სჭირდებოდა, მაგრამ ამას ბიუჯეტი ვერ გაწვდებოდა. ამის შემდეგ ჩატარდა თათბირი, სადაც რწმუნებულებს დაევალათ მოეცათ იმ ოჯახების სია, რომლებიც სოციალურად დაუცველები იყვნენ და ძალიან უჭირდათ. ამის საფუძველზე მოხვდა სიაში ციური ბიბილეიშვილი, თემურ ტაკიძე, ვალერი ჩხაიძე. სულ 19 ადამიანის სია წარმოადგინა აცანის რწმუნებულმა და ჩვენ არ გვქონდა იმის შესაძლებლობა გადაგვემოწმებინა მათი სოციალური მდოგმარეობის ნამდვილობა, _ გვითხრეს ლანჩხუთის მუნიციპალიტეტის  მერიის ინფრასტრუქტურის სამსახურში.

ლანჩხუთის მუნიციპალიტეტის მერი, ალექსანდრე სარიშვილი ამბობს, რომ მისთვის უცნობია, ვინ ვისი ნათესავია დახმარების მიმღებებიდან:

_ ეს სტიქია ოქტომბერში იყო და ოქმებიც მაშინ შედგა. მე მაშინ მერი არ ვიყავი და დეტალებზე საუბარი არ შემიძლია. გიდასტურებთ, რომ თქვენს მიერ ჩამოთვლილი ადამიანები ნამდვილად არიან სახურავის მიმღებთა სიაში, შესყიდვა კი უკვე ტენდერზე დევს, თუმცა, ვინ ვისი ნათესავია ნამდვილად არ ვიცი. აუცილებლად გადავამოწმებ ამ ინფორმაციას, _ აღნიშნა ჩვენთან სარიშვილმა.

ჩოხატაურისა და ლანჩხუთის მაჟორიტარ დეპუტატს ნინო წილოსანმა თავდაპირველად გვითხრა, რომ ციური ბიბილეიშვილს არ იცნობდა. მას შემდეგ, კი როცა დავუკონკრეტეთ, რომ მისი გარდაცვლილი ბიძის მეუღლეზე ვსაუბრობთ, გაახსენდა და აღნიშნა, რომ გვარი არ ახსოვდა.

_ არაკორექტულია იმის თქმა, რომ რაკი ჩემი ბიცოლაა, სახურავს იმიტომ აძლევენ. არ ვიცი ეს ინფორმაცია და იქნებ გადაამოწმოთ მართლა ხომ არ ეკუთვნის, თუკი აძლევენ.

_ ქალბატონო ნინო, თქვენს ბიცოლაზეა საუბარი...

_ იმიტომ რომ ჩემი ბიცოლაა, მაგის გამო ხომ არ დაიჩაგრება ადამიანი, თუ კანონით ეკუთვნის?

_ იცით, რამდენ ადამიანს ეკუთვნის ყველა წესით და კანონით და ვერ იღებს? ბიცოლათქვენს  რომ მაინც დაეხმაროთ პირადად,  არ შეიძლება?

_ მე არ ვერევი მაგ სახურავების თემში და გავერკვევი. ისე, იმ მიმართულებით კითხვის დასმა, რომ ჩემს ნათესავს რატომ დაეხმარნენ, არასწორია.

_ ქალბატონო ნინო, იმ სოფელში ბევრ ეკუთვნოდა  დახმარება, მაგრამ რატომღაც დარჩნენ დახმარების გარეშე, რადგან თქვენი რეკომენდაციით დანიშნულმა რწმუნებულმა სია ისე შეადგინა, როგორც სურდა..

_ ჩემი რეკომენდაციით? ასე ამბობს? კარგია, თუ ასე ამბობს. მე არ ვარ საქმის კურსში მართლაც. თუ რაიმე კანონდარღვევით არ ხდება, მგონი, არც პრობლემაა.  ჩემი ნათესავი სახელმწიფოს სხვა სიკეთეებსაც იღებენ, საყოველთაო ჯანდაცვითაც სარგებლობენ და იმიტომ რომ ჩემი ნათესავები არიან, არ ეკუთვნით? _ აღნიშნა დეპუტატმა, რომლის თქმით, მისთვის და ბიუროსთვის აცანიდან არავის მიუმართავს დახმარების თხოვნით.

შენიშვნა: ეს ფოტოები გამოთხოვილია ლანჩხუთის მუნიციპალიტეტის მერიიდან და სწორედ ამ ფოტოების და რწმუნებულის რეკომენდაციის შემდეგ გაიცა დახმარება.


ნახვა: 1922


 ახალი ამბები
  • "ტოტალური კორუფცია საგზაო დეპარტამენტში" _ ბრალდებებს დეპარტამენტის თავმჯდომარე პასუხობს,,ევროპული საქართველოს“ წერი ირმა ნადირაშვილი საგზაო დეპარტამენტის თავმჯომარესა და მოადგილეებს კორუფციაში ადანაშაულებს. როგორც ნადირაშვილი აცხადებს, უწყებაში ფულის კეთების მძლავრი მექანიზმი არსებობს. ,,საგზაო დეპარტამენტში მაღალი დონის ტოტალური კორუფცია არსებობს, უწყებაში მუშაობს ფულის კეთების ძალიან ორიგინალური  სქემა, როდესაც  დეპარტამენტის მაღალჩინოსნები მასობრივად  გადადიან სამუშაოდ იმ კომპანიებში, კერძო კომპანიებში, რომელთაც ამავე დეპარტამენტის ტენდერები აქვთ მოგებული. მაგალითად, ზაზა  სიმონია, დეპარტამენტის თავმჯდომარის მოადგილე სამუშაოდ გადავიდა  ჩინურ კომპანია ,,სინო ჰიდროში“. ამ კომპანიამ  253 მილიონიანი ტენდერი მოიგო, მეორე მოადგილე ირაკლი ხერგიანი ასევე გადავიდა კომპანიაში ,,დოჰვა ინჟინერინგში“, გივი ჩოჩია სამუშაოდ გადავიდა თურქულ კომპანიაში, რომელიც ასევე არა ერთ ტენდერშია გამარჯვებული და მათ შორის ბათუმის შემოვლით გზას აშენებს. საგანგაშო ფაქტი გახლავთ ის, რომ ეს ადამიანები იყვნენ სატენდერო  კომისიის წევრები და უშუალოდ მიიღეს გადაწყვეტილება ტენდერში გაემარჯვა იმ კომპანიებს, სადაც შემდგომში სამუშაოდ გადავიდნენ. ეს სქემა თავისუფლად შეგვიძლია ჩავთალოთ დეპარტამენტის თავმჯდომარის ბატონი  სეთურიძის ფულის კეთების ნოუ ჰაუთ“, - განაცხადა ნადირაშვილმა. საავტომობილო გზების დეპარტამენტის თავმჯდომარე გიორგი სეთურიძე  ,,გურია ნიუსთან“ საპარლამენტო უმცირესობის წევრის ირმა ნადირაშვილის ბრალდებებს უსაფუძვლოს უწოდებს. ,,ჩვენთვის ცნობილია იმ დაინტერესებულ პირთა ჯგუფების შესახებ, რომლებიც  რამდენიმე კვირაა მიზანმიმართულ დისკრედიტაციას ეწევიან. ბრალდებები, რომლებზეც ისინი საუბრობენ, მინდა გითხრათ, რომ არ არღვევს არანაირ კანონს და საფუძველს მოკლებულია. აქ ორმაგ სტანდარტებთან გვაქვს საქმე. რაც შეეხება სხვა ბრალდებებს, ბევრჯერ გავეცი პასუხი. ასე რომ, მინდა დაგიდატუროთ, თუ ვინმეს ეჩვენება, რომ რაიმე  არასწორად ხდება, ამას  მუდამ  დიდი ინტერესით განვიხილათ, მაგრამ ცილისწამებაზე, რომელიც ფაქტებს მოკლებულია, კომეტარს ვერ გავაკეთებ. ძალიან ბევრი რანგის თანამდებობის პირი  გადასულია კერძო კომპანებში სხვადასხვა დროს, მათ შორის, ისინი, ვინც ამ ბინძურ კამპანიაში არიან ჩართულები, მაგრამ მინდა გითხრათ,  რომ არც ერთ შემთხვევაში კანონი არ დარღვეულა და ეს არის სპეკულაციის საგანი, რომელიც, კიდევ ერთხელ ვიმეორებ, ყოველგვარ საფუძველს მოკლებულია“ , _ განაცხადა ,,გურია ნიუსთან“  გიორგი ... ...
  • „შარაშენიძე ნაციონალური პროდუქტია და სამსახურიდან „ოცნების“ მხარდაჭერისთვის გამათავისუფლა“დღეს, ოზურგეთში, დემოკრატიული  ჩართულობის ცენტრში, ბრიფინგი გამართა ეკა ნინიძემ, რომელიც ოზურგეთის მუნიციპალიტეტის მერმა კოტე შარაშენიძემ ახლახან სამსახურიდან გაათავისუფლა. ბრიფინგს ჟურნალისტები და დაინტერესებული პირები ესწრებოდნენ. _ აბსოლუტურად უსაფუძვლოდ და უკანონოდ გამათავისუფლეს სამსახურიდან. ორი მუნიციპალიტეტის შერწყმა საინტერესო პროცესია და როგორც შრომის კოდექსი ითვალისწინებს, შერწყმის პროცესში მოხდა სკოლამდელი დაწესებულებების გაერთიანებაც. ამიტომ ორი თანამდებობის პირიდან ერთ-ერთი მაინც უნდა დანიშნულიყო. ასევე, უნდა მომხდარიყო შეთავაზება, თუმცა, არცერთი ეს არ მომხდარა და მერმა, ერთი ხელის მოსმით, ცრუ საფუძველზე გამათავისუფლა.  კოტე შარაშენიძის სლოგანი _ „მეგობარი მერი“, ასე „მეგობრულად“ გამოიხატა ჩემ მიმართ. მე მარტო არ ვარ, ჩემ გვერდითაა მოქალაქეთა საკმაოდ დიდი რაოდენობა, დიდი გუნდი, რომელთაც ადარდებთ ოზურგეთის ყოფა. სამართლებრივი გზით გავაგრძელებ ბრძოლას, _  თქვა ნინიძემ. მან, ასევე, დეტალურად ისაუბრა   გათავისუფლების მოტივის სრულ სიცრუეზე. კერძოდ, ის ფაქტი, რომ 12 თებერვალს დაწერეს ნინიძის გათავისუფლების ბრძანება, თითქოსდა, რეორგანიზაციის საფუძველზე,  მტკნარი სიცრუეა.  საერთოდ არ არის დასრულებული ეს რეორგანიზაცია. პარალიზებულია მთელი სტრუქტურები, რომლებიც პასუხისმგებელი არიან ისეთ სენსიტიურ თემაზე, როგორიცაა ბავშვები. _რა რეორგანიზაციის დასრულებაზე საუბრობს მერი? კოტე შარაშენიძემ  ერთადერთი ქმედება, რაც წარმატებით განახორციელა მოსვლის დღიდან, ეს არის საკუთარი სიძისთვის 30 ათასი ლარის გადარიცხვა,  ეს კი მოახერხა, _ აღნიშნა ნინიძემ. ეკა ნინიძემ გაიხსენა 9 თებერვალი, როცა ის ხანგრძლივი ავადმყოფობის შემდეგ სამსახურში გავიდა და  შარაშენიძემ იმ დღესვე აუდიტის  სამსახურის უფროსი და იურიდიული სამსახურის წარმომადგენელი გაუგზავნა. _ ეს პირები, ძალიანაც რომ სდომებოდათ,  უკან ხელცარიელი  ვერ დაბრუნდებოდნენ.  ამიტომ მიზეზად წამომიყენეს ასეთი რამ, 11 დეკემბერს რატომ არ გვაცნობე, თუ 12-ში საავადმყოფოში წვებოდიო. თუმცა ასეთ არასერიოზულ კითხვაზე უნდა ვუპასუხო, რომ  განგებასთან არ მაქვს ხელშეკრულება დადებული და არ ვიცოდი, ასე მძიმედ თუ გავხდებოდი ავად. ყველამ იცით, რომ ერთი კვირის განმავლობაში სასუნთქ აპარატზე ვიყავი შეერთებული.  ჩემთვის პირველი არ არის პოლიტიკური ნიშნით გათავისუფლება. 2012 წელს გამათავისუფლეს იმის გამო, „ოცნების“ მიტინგზე რატომ იყავიო. ახლა „ოცნება“ ოცნებისთვის მათავისუფლებს. რევოლუცია არ მომხდარა, რომ 2017 წელს ხელისუფლება შეცვლილიყო, ამიტომ მიკვირს და ვერ გავიგე ეს განტოლება. ხელისუფლებაში  „ნაციონალური“  ძალა მოვიდა, ასე გამოდის, _ დაასრულა ნინიძემ. ბრიფინგზე არაერთი კითხვა დაისვა. მათ შორის, ვის და რას გულისხმობს ეკა  ნინიძე „ნაციონალების“ მოსვლაში. _ მე ვიყავი „ქართული ოცნების“ მერობის კანდიდატის მხარდამჭერი. ხელისუფლებაში „ნაციონალების“ მოსვლაში ვგულისხმობ იმას, რომ კოტე შარაშენიძე არის „ნაციონალური“ პროდუქტი.  მან სული მიყიდა „ნაციონალებს“.   წინააღმდეგ შემთხვევაში, ვერანაირად ვერ გაიმარჯვებდა. გადახედეთ მის საარჩევნო შტაბს, ვინ იყვნენ იქ? თავართქილაძე, ბოლქვაძე, მამეიშვილი _ „ნაციონალების“ მთელი გუნდი.  ამიტომ ვამბობ, რომ სამსახურიდან  „ოცნების“ კანდიდატის მხარდაჭერისთვის გამიშვეს, ამიტომ მდევნიან, თუმცა, ვიმეორებ, ვაგრძელებ ბრძოლას სამართლებრივი გზით, _ უპასუხა მან  ჟურნალისტებს. ბრიფინგზე საკუთარი მოსაზრება გამოთქვა „ქართული ოცნების“ ერთ-ერთმა   დამფუძნებელმა ოზურგეთში ნუგზარ გიორგაძემ.  მან მადლობა გადაუხადა ეკა ნინიძეს აქტიურობისთვის. ამასთანავე ოზურგეთის საკრებულოს თავმჯდომარის დავით დარჩიას  მისამართით კრიტიკა არ დაიშურა: _ აქამდე უნდა გაეკეთებინა განცხადება საკრებულოს თავმჯდომარეს და გამოეთქვა მხარდაჭერა იმ ადამიანებისთვის, რომლებიც სახელმწიფოს გვერდით იდგნენ არჩევნებზე, მხარს უჭერდნენ „ქართულ ოცნებას“ და დღეს ამის გამო,  შარაშენიძე სამსახურიდან ათავისუფლებს. თქვენ, ვისაც უსამართლოდ მოგექცნენ, აუცილებლად უნდა შეადგინოთ პეტიცია ხელისუფლების მისამართით. საკრებულოში ხომ დღეს თქვენ მიერ მიცემული ნდობის მანდატით  სხედან? _ მიმართა მან ნინიძეს. თავის მხრივ, ეკა ნინიძემ განმარტა,  რომ მისი კომპეტენცია არ არის არჩევნების შედეგების შეჯამება. _ ვიცი ესეც, რომ საკრებულოში სხედან ჩვენგან მიცემული ნდობის მანდატებით. თუმცა, ოზურგეთს დღეს აქვს თავისი კონსტიტუცია, რომელსაც ჰქვია „კოტეს კონსტიტუცია“. ამიტომ მე ვიბრძოლებ სამართლებრივი გზით. ყველას მადლობას გიხდით მობრძანებისთვის, _ ასე დაემშვიდობა ბრიფინგის მონაწილეებს ეკა ნინიძე. „გურია ნიუსი“ ოზურგეთის საკრებულოს თავმჯდომარეს დავით დარჩიას დაუკავშირდა და კითხვით მიმართა: _ ბატონო დავით, ეკა ნინიძის ბრიფინგზე გამოითქვა მოსაზრება, რომ თქვენ არ გააკეთეთ მხარდამჭერი განცხადება იმ ადამიანების დასაცავად, ვისაც სამსახურიდან ათავისუფლებენ „ქართული ოცნების“ მხარდაჭერისთვის და აღნიშნეს, რომ  დაკავებული ხართ  მხოლოდ პირადი კეთილდღეობით... _ რა გითხრათ?! ვერაფერს გიპასუხებთ. რა არ გავაკეთე? მე ყველაფერი გავაკეთე.  ახლა  რა გიპასუხო, ვერ გიპასუხებ,  არ ვესწრებოდი.   ახლა შეჯიბრს ვესწრები, _ გვითხრა დარჩიამ. ეკა ნინიძის განცხადებას, მისი სამსახურიდან  პოლიტიკური ნიშნით გათავისუფლების შესახებ, ოზურგეთის მუნციპალიტეტის მერი კოტე შარაშენიძე ასე ეხმაურება: _ მიუხედავად პოლიტიკური სიმპათიებისა, მუნიციპალიტეტის მერიაში თითქმის ყველა თანამშრომელმა შეინარჩუნა პოზიცია. რაც შეეხება ა(ა)იპ-იებს, მოხდა ქალაქის და მუნიციპალიტეტის ასეთი ორგანიზაციების გაერთიანება, შეიქმნა ახალი, რომლის ხელმძღვანელის თანამდებობაზე დანიშვნა-გათავისუფლების გადაწყვეტილებას იღებს ოზურგეთის მუნიციპალიტეტის მერი. გამომდინარე იქიდან, რომ საკითხი სენსიტიურია და ეხება ბავშვებს, სკოლამდელი სააღმზრდელო ცენტრის ხელმძღვანელის შერჩევა ჩემთვის ერთ-ერთი ყველაზე პრიორიტეტული ... ...
  • პარლამენტმა "მაუწყებლობის შესახებ" კანონპროექტზე პრეზიდენტის ვეტო დაძლია პარლამენტმა „მაუწყებლობის შესახებ“ საკანონმდებლო პაკეტზე პრეზიდენტ გიორგი მარგველაშვილის მიერ წარდგენილი მოტივირებული შენიშვნები არ გაიზიარა და 83 მომხრე ხმით, 13-ის წინააღმდეგ ვეტო დაძლია. პრეზიდენტის მოტივირებულ შენიშვნებსა და საკანონმდებბლო ცვლილებებზე მსჯელობა დღევანდელ პლენარულ სხდომაზე გაიმართა, სადაც გიორგი მარგველაშვილის მიერ გამოყენებული ვეტოს შინაარსი დეპუტატებს პრეზიდენტის საპარლამენტო მდივანმა, ანა დოლიძემ გააცნო. საკითხზე გამართული პოლიტიკური დებატების შემდეგ, დეპუტატებმა პრეზიდენტის მოტივირებულ შენიშვნებს კენჭი უყარეს. ინიციატივით ზუსტდება, რომ საზოგადოებრივი მაუწყებელი პროდუქციის და არა ეთერის არანაკლებ 25 პროცენტს დამოუკიდებელი კერძო სამართლის იურიდიული პირების მიერ მომზადებულ პროგრამებს დაუთმობს. ცვლილებებით, საზოგადოებრივი მაუწყებელი უფლებამოსილი იქნება, შინაარსობრივი ვალდებულებების შესრულების უზრუნველყოფის მიზნით, საზოგადოებრივი აზრის/აუდიტორიის კვლევა ჩაატაროს. ამასთან, კანონპროექტით შესაძლებლობა ეძლევა, რადიომაუწყებლობის და საქართველოს რეგიონებში რადიოპროგრამების შეღწევადობის ასამაღლებლად, დამატებითი რადიო სამაუწყებლო სიხშირეები გამოიყენოს. პროექტით დამატებით ზუსტდება საზოგადოებრივი მაუწყებლის სარედაქციო, მმართველობითი და ფინანსური დამოუკიდებლობის ხელყოფის, მათ შორის, მითითების, დავალების მიცემის, ასევე შეთანხმების დავალების ან მასზე ზეწოლის სხვაგვარად განხორციელების დაუშვებლობა ადმინისტრაციული ორგანოების მიერ. ასევე ცვლილებების მიხედვით, „სახელმწიფო შესყიდვების შესახებ“ საქართველოს კანონი არ გავრცელდება საზოგადოებრივი მაუწყებლის მიერ ეთერით გადასაცემი გადაცემების, სერიალ(ებ)ის, მხატვრული ან/და დოკუმენტური ფილმ(ებ)ის დამზადების მომსახურების შესყიდვაზე. გარდა ამისა, ცვლილებების თანახმად, სამეურვეო საბჭო, გენერალური დირექტორის წარდგინებით, შეიტანს ცვლილებებს საზოგადოებრივი მაუწყებლის დებულებაში. ამასთან, სამეურვეო საბჭო უფლებამოსილი იქნება, საკუთარი ინიციატივითაც შეიტანოს დებულებაში ცვლილებები, გარდა იმ შემთხვევისა, როდესაც ცვლილება საზოგადოებრივი მაუწყებლის სტრუქტურასთან დაკავშირებულ დებულებებს შეეხება. სამეურვეო საბჭო უფლებამოსილი იქნება, საზოგადოებრივი მაუწყებლის ბიუჯეტში ცვლილებები მხოლოდ გენერალური დირექტორის წარდგინებით შეიტანოს. კანონპროექტით, სამეურვეო საბჭოს საზოგადოებრივი მაუწყებლის თანამშრომლების შრომითი ხელშეკრულების ძირითადი პირობების დადგენის უფლებამოსილება აღარ ექნება. ცვლილებებით, საზოგადოებრივი მაუწყებლის წინა წლის ბიუჯეტიდან დარჩენილი ნაშთი მომდევნო წლის დასაწყისში სახელმწიფო ბიუჯეტიდან მიღებულ დაფინანსებას ემატება. საკანონმდებლო პაკეტის თანახმად, საზოგადოებრივი მაუწყებლის უფლებამოსილებაა, საქართველოს კანონმდებლობით განსაზღვრული შემოსავლები, მათ შორის, სახელმწიფო ბიუჯეტიდან მიღებული ასიგნებები, მიმართოს დამწყები საწარმოების (სტარტაპების) წახალისების, ტელე-რადიო და ონლაინ პროდუქციის ინოვაციური განვითარების, მაუწყებლობის სფეროში გარემოს განვითარების ხელშეწყობის მიზნით. ცვლილებებით ასევე განისაზღვრება, რომ საზოგადოებრივი მაუწყებლის, საზოგადოებრივი მაუწყებლის აჭარის ტელევიზიისა და რადიოს არხებზე კომერციული რეკლამა არ შეიძლება განთავსდეს უქმე დღეებში, აგრეთვე საუკეთესო დროს – სხვა დღეებში, გარდა სპორტული რეპორტაჟის, საერთაშორისო ფესტივალისა და კონკურსის ფარგლებში, საკონკურსო პროგრამის დაწყების, ბუნებრივი ინტერვალისა და დასრულების დროს. ამასთან, სპორტული რეპორტაჟის, საერთაშორისო ფესტივალისა და კონკურსის ფარგლებში, საკონკურსო პროგრამის დაწყების, ბუნებრივი ინტერვალისა და დასრულების დროს კომერციული რეკლამის განთავსების შემთხვევაში კომერციული რეკლამის მოცულობა დღე-ღამის განმავლობაში არ უნდა აღემატებოდეს 60 წუთს (ნაცვლად 30 წუთისა), ხოლო ყოველ საათში – 12 წუთს (20 %-ს), (ნაცვლად 6 წუთისა (10%-ისა), ხოლო სხვა დანარჩენ შემთხვევაში კომერციული რეკლამის მოცულობა ყოველ საათში არ უნდა აღემატებოდეს 3 წუთს (5%-ს). ინიციატივით დასაშვები ხდება აგრეთვე გასართობი გადაცემებისა და სერიალების სპონსორობა. ამასთანავე, კანონპროექტით, საზოგადოებრივი მაუწყებელი, საზოგადოებრივი მაუწყებლის აჭარის ტელევიზია და რადიო ვალდებული ხდებიან, ეთერში განთავსების მიზნით წარმოდგენილ სოციალურ რეკლამას უსასყიდლოდ და არადისკრიმინაციულად დაუთმონ 3 საათში ჯამში არანაკლებ 90 წამისა (ნაცვლად 1 საათში არანაკლებ 60 წამისა), რომლიდანაც არანაკლებ 10 წამისა საზოგადოებრივმა მაუწყებელმა, სათანადო სარეკლამო რგოლის წარმოდგენის შემთხვევაში, საქართველოს ნატო-სა და ევროკავშირში ინტეგრაციასთან დაკავშირებულ სოციალურ რეკლამას უნდა დაუთმოს. ... ...
  • თბილისში ყოფილი კიროვის ქარხანა იწვისმეტროსადგურ „დიდუბის“ მიმდებარე ტერიტორიაზე, ერისთავის ქუჩაზე ხანძარია. გავრცელებული ინფორმაციით, ყოფილი კიროვის ქარხანა იწვის. ამ ეტაპზე უცნობია, ხანძარი რა მასშტაბზეა გავრცელებული.  როგორც ამბობენ,  ცეცხლი დასაწყობებულ მატრასებს უკიდია. ადგილზე მობილიზებულია სახანძრო-სამაშველო სამსახურის ... ...
  • ალავიძე დანელის პასუხობს: ჩემთვის გაუგებარია რატომ გააკეთა ასეთი განცხადებარეგიონული განვითარებისა და ინფრასტრუქტურის მინისტრი აგრარულ საკითხთა კომიტეტის თავმჯდომარის ოთარ დანელიას განცხადებას პასუხობს და არ ადასტურებს, რომ აზიური ფაროსანას წინააღმდეგ შექმნილი კომისიის სხდომა რამდენიმე წუთში დატოვა. „თუ ასეთი განცხადება გააკეთა, ჩემთვის გაუგებარია რატომ გააკეთა. სხდომაზე ვიჯექი ჩვეულებრივად, დაახლოებით ერთი საათი. ფაროსანას წინააღმდეგ ბრძოლაში მობილიზებულები ვართ თავიდან ბოლომდე, მთელი ქვეყნის მასშტაბით. მაქსიმუმს გავაკეთებთ, რომ ეს ჭირი დავამარცხოთ. ყოველ შემთხვევაში, წელს დიდი რაოდენობით შევამსუბუქოთ ის დაწოლა, რაც ფაროსანაზე გვაქვს. ერთ წელში ამის მთლიანად მოგვარება ძალიან რთული იქნება“, - განაცხადა ზურა ალავიძემ.შეგახსენებთ, რომ ოთარ დანელიას განცხადებით, ზურა ალავიძემ აზიური ფაროსანას წინააღმდეგ შექმნილი კომისიის სხდომა დაწყებიდან რამდენიმე წუთში დატოვა: "შეგახსენებთ, სამეგრელოს, იმერეთის სოფლებს, გურიას, აჭარას პრაქტიკულად გადაუარა ფაროსანამ. ძალიან დიდი ზიანი მიაყენა. განსაკუთრებით შემაშფოთებელია, რომ ინფრასტრუქტურის მინისტრი არც კი ესწრება ბოლომდე სხდომას და ტოვებს მას დაწყებიდან რამდენიმე წუთში, ის ერთხელაც არ მინახავს რეგიონში ჩასული", _ განაცხადა ... ...

არქივი

ზაფრანი

მერილინ მონროს საიდუმლო

რამდენიმე წლის წინ ცნობილმა ამერიკელმა...

"სიყვარულში გალეული"

ვაშინგტონის ზოოპარკის მკვიდრი, 58 წლის...

თვალები გეღლებათ?

სამუშაო დღის ბოლოს თვალები გვეღლება....

თავბრუ გეხვევათ?

ეს შეგრძნება შეიძლება უწყინარი მიზეზითაც...

ლიკურგეს სამართალი

სპარტის სამეფოს გაძლიერებას ანტიკური ხანის...

კიტრი ნერვებს ამშვიდებს

კიტრში შემავალი ნივთიერებები აუმჯობესებს მეხსიერებას,...
კარმიდამო ჩემი

ფუტკრის პური

თაფლი, დინდგელი, ყვავილის მტვერი, ცვილი...

როგორ მოვუაროთ მცენარეებს ადრე გაზაფხულზე

გაზაფხულის დამდეგი ზამთრიდან გაზაფხულისკენ გარდამავალი...

სენპოლია _ მთელი წელი მოყვავილე ოთახის ია

ეს სამხრეთ აფრიკული მცენარე ინტერიერის...

როგორ დავიცვათ თავი ბრონქიტისგან

ხველება ყოველთვის მიგვანიშნებს ორგანიზმის არასასურველ...

ვიოლები _ საოცარი ყვავილების ისტორია და მოვლის წესები

ამ საოცარ ყვავილებს ვიოლებს უწოდებენ,...

ოთახის მცენარე, რომელიც ჰაერს გაზის ნამწვისგან წმენდს

სპეციალისტები გვირჩევენ, აუცილებლად ვიყოლიოთ სახლში...

ჩაი და ყავა არა მარტო სასმელია

ცნობილია, რომ ჩაისა და ყავის...

შეწამვლითი ღონისძიებები და უსაფრთხოების ზომები

ვაგრძელებთ უსაფრთხოების ზომების შესახებ საუბარს,...

ახლებურად შევხედოთ ჩაის აღდგენას და მისი მოვლის მეთოდებს

ჩაის გაშენება ჩაის რეაბილიტაციის სახელმწიფო...

მონსტერა ჩვენს პირობებში _ როგორ გამოვაზამთროთ ოთახის გარემოში

მონსტერა მარადმწვანე ბუჩქოვანი და ლიანა...

ლავანდი _ ძვირფასზეთოვანი და სურნელოვანი მცენარე

ლავანდი ეთერზეთოვანი მცენარეა, რომელიც ეკუთვნის...