"მთავრობა მიდის, მოდის, მოსახლეობა კი 30 წელია უწყლოდაა!"

მთავარი თემა

"მთავრობა მიდის, მოდის, მოსახლეობა კი 30 წელია უწყლოდაა!"

2018 მაი 15 10:39:38

ოზურგეთის მუნიციპალიტეტის სოფლებში გასახორციელებელი პროექტების შესასრულებლად, ოზურგეთის მუნიციპალიტეტის გამგეობამ რამდენიმე სოფელში ტენდერი 2016 წლის 31 მაისს 123 600 ლარზე გამოაცხადა. ტენდერი კომპანია შპს "უნივერსალმა" 112 997, 98 ლარად მოიგო.

მხარეებს შორის დადებულ ხელშეკრულებაში, რომელიც 2016 წლის 20 ივნისს კომპანიას შპს "უნივერსალსა" მუნიციპალიტეტს შორის გაფორმდა, ჩამოთვლილია იმ პროექტების სია, რომელიც რამდენიმე სოფელში უნდა გახორციელებულიყო: წყალგაყვანილობის მოწესრიგება, წყლის ავზების, ბეტონის გზისა და მილხიდების მოწყობა, ხიდის შეკეთება.

ერთ-ერთი ამ პროექტებიდან სოფელ ძიმითში, ე. წ. "თირის" უბანში წყლის სარეაბილიტაციო სამუშაოების შესრულება იყო. ოფიციალური დოკუმენტების მიხედვით, "თირის უბანში" წყლის გაყვანის ღირებულება 25 039,25 ლარს შეადგენდა.

აღნიშნულმა კომპანიამ წყლის სარეაბილიტაციო სამუშაოები 2016 წლის 20 ივნისს დაიწყო და 2016 წლის 30 სექტემბერს დაასრულა. მერიაში აღნიშნავენ, რომ ობიექტმა ექსპერტიზა გაიარა შპს "ბილდინგ პროექტკონსალტინგში":

"#133-6 ინსპექტირების საფუძველზე შპს "უნივერსალმა" შეასრულა, ხოლო მუნიციპალიტეტმა მიიღო ხელშეკრულებით გათვალისწინებული სამუშაოების საბოლოო შესრულება", _ აღნიშნულია მიღება-ჩაბარების აქტში, რომელსაც ხელს მუნიციპალიტეტის მაშინდელი გამგებლის ყოფილი მოადგილე ბადრი გობრონიძე აწერს.

ინსპექტირების აქტი #133 - 6: "სოფელ ძიმითში წყლის გაყვანა თირის უბანში, დასრულებული სამუშაოების შემოწმებისას და წარმოდგენილი 11, 30, 09, 2016 ექსპერტ შპს "ბილდინგ პროექტს კონსალტინგის" დასკვნის გათვალისწინებით, საბოლოოდ წარმოდგენილ ფორმა #2-ში მოცემულ სამუშაოები შეადგენს 24 559, 82 ლარს", _ აღნიშნულ დოკუმენტს ხელს აწერენ ინსპექტირების ჯგუფის წევრები: ინფრასტრუქტურის განყოფილების მაშინდელი უფროსი ირაკლი გაგუა და გამგებლის ყოფილი წარმომადგენელი სოფელ ძიმითში დავით ხინიკაძე.

ეს ყველაფერი ოფიციალურ დოკუმენტებში _ სულ სხვაა რეალობა, რომელიც სოფელ ძიმითის მოსახლეობას, ე. წ. "თირის უბანში" მცხოვრებლებს, უკვე წლებია, აწუხებთ _ მათ წყალი არასდროს ჰქონიათ.

აღნიშნული უბნის მოსახლეობა ხელისუფლების უყურადღებობაზე საუბრობს და განმარტავს, მიუხედავად იმისა, რომ დაიწყეს წყლის სარეაბილიტაციო სამუშაოები და დადგეს რეზერვუარი, წყალი არც ერთი დღით არ ჰქონიათ.

უწყლობის პრობლემას უჩივიან ე. წ. "ფაფასკურას" უბანშიც. აქ მცხოვრებლები _ ლია გაგუა, მთვარისა მახარაძე, ხათუნა მგელაძე, ნინო ხინთიბიძე, ნინო ხანთაძე და ანა ვადაჭკორია "გურია ნიუსთან" თავის გულისტკივილს ხმამაღლა ამბობენ:

"ყველა არჩევნებზე გვპირდებიან და გვატყუებენ. აქედან 3 კილომეტრზე დაგვაქვს სარეცხი მდინარეზე და იქ ვრეცხავთ. სველი სარეცხის ამოტანა მერე როგორია, ის ნახეთ! წყალი ისე გვჭირდება, როგორც სიცოცხლე.

წინა არჩევნების დროსაც მოვთხოვეთ ხელისუფლებას, თუმცა, პირობა პირობადაა დარჩენილი. მდინარიდან ამოგვაქვს წყალი ცისტერნით. ტრაქტორს ვქირაობთ, საწვავს ვასხამთ და ისე მოგვაქვს. ადრე წყლის მილები მოგვიტანეს და მერე წაიღეს ისევ, სხვა უბანს სჭირდება და ათხოვეთო. ამ უბანში 26 ოჯახი ცხოვრობს. ასეთ გაჭირვებაში ვართ, ჯერ რომ ასე ვიქნებით და მერე ზაფხულში რა გვეშველება? ვისაც ჭა აქვს, ისიც დამშრალია.

მერვე ბრიგადამ გაიყვანა წყალი, ჩვენი მილები წაიღეს და დაგვტოვეს. სასმელი წყალი რომ არ გექნება, სად ვცხოვრობთ გვითხარით. სხვა პრობლემებიც არსებობს _ არც გზაა, არც გარე განათება, ხიდი იშლება, სკოლაში რომ გავუშვებთ ბავშვებს, გვეშინია, არ ჩავარდნენ; აუთვისებელია საყანე ფართობები, ერთი კვადრატული მეტრიც კი არც დაიხვნება, ყანები არ გვექნება _ ძვირი ჯდება და არ გვაქვს საშუალება.

ამ არჩევნებზე როგორ მოგვადგებიან, საინტერესოა, მოვეგეთ ჭკუას _ არ წავალთ არჩევნებზე! _ ამბობენ ისინი.

როგორც "თირის უბნის" მცხოვრებლები ამბობენ, მათ უბანში წყლის შესაყვანად ათიათასობით ლარია გახარჯული. ამ უბნის მცხოვრები გიორგი სამსონია ამბობს რომ წყლისთვის ავზი დადგეს, მაგრამ წყალი მაინც არ არის.

ინგა ბელეშაძის თქმით, ეზოებში ზოგ მოსახლეს ჭა აქვს, რომელიც აგვისტო -სექტემბერში მთლიანად შრება:

"ჭა გვაქვს, რომელშიც წყალი აგვისტო-სექტემბერში საერთოდ არ არის. აქ, დაახლოებით, 30 ოჯახი ვართ ასე უწყლოდ. იყო პროექტი, მაგრამ ბოლომდე არ გააკეთეს. ავზიც დადგეს, მაგრამ არ დარჩა ისეთი სიმძლავრის, რომ წყალი წამოსულიყო. მოკლედ, ჩავარდა პროექტი _ არ არის წყალი. ერთი დღეც არ ყოფილა, არ გამოუყვანიათ, ნებისმიერ ოჯახთან შეგიძლიათ ნახოთ, წყალი თუ მოდის".

გოგა ხინთიბიძე: "არ ყოფილა არასდროს წყალი. სადღაც გააკეთეს ავზი, მაგრამ წყალი არ წამოსულა მოსახლეობაში _ ბიდონებით ვეზიდებით წყალს".

სუზანა ტუღუში: "თირის უბანში ვცხოვრობ. წყალი არ მოგვეწოდება, არც არასდროს გვქონია. ჭა მაქვს ეზოში და იმას ვსარგებლობ. სადმე არის ალბათ გამოყვანილი, მე არ ვიცი".

ჯემალი მუხაშავრია: "სადაა წყალი?! ღელიდან დაგვაქვს წვალებით. თირის უბანში წყალი არ გამოუყვანიათ. გაჰყავდათ არხები, მაგრამ წყალი არ წამოსულა. ზოგს ტყიდან აქვს გამოყვანილი საცივის წყალი".

თანასოფლელების მსგავსად, უწყლობითაა შეწუხებული დიანა ხინთიბიძე: "წყალი არ გვაქვს, არასდროს ყოფილა! აი, ჩემს ჭაში შეიძლება დასალევ წყალი ამოიღო მხოლოდ. გაწვალებულები ვართ, გვალვაა უკვე და დაშრა ჭები. შემოიყვანენ თუ არა წყალს, არაფერი მსმენია ამის შესახებ".

ოზურგეთის მუნიციპალიტეტის გამგებლის ყოფილი წარმომადგენელი სოფელ ძიმითში დავით ხინიკაძე "გურია ნიუსთან" ამბობს, რომ "თირის" უბანში წყლის სარეაბილიტაციო სამუშაოებთან დაკავშირებით გახორციელებული პროექტი ხარისხიანად არის შესრულებული _ იგი ჟურნალისტებთან მოსაუბრეებს ინტრიგნებს უწოდებს:

 _ ზუსტად ვერ გეტყვით, რა თანხა დაიხარჯა, ხელი კი მაქვს მოწერილი. არაფერი ხდება საგანგაშო _ სადაც იყო წყლის სათავე, იქ გაკეთდა "ბასეინი", გადმოღმით მეორე "ბასეინი" გაკეთდა და წყალსაქაჩი. მაღლა მთაზე დგას კიდევ მესამე "ბასეინი", სადაც წყალსაქაჩით უნდა ასულიყო წყალი. შეიძლება ახლა რაღაც იყოს უმნიშვნელოდ დაზიანებული. მოსახლეობაში წყლის შეყვანაზე ცალკე ტენდერი უნდა ჩატარებულიყო. შემდეგ ზამთარმა მოუსწრო, ზაფხულში უნდა გამოცხადებულიყო, მერე აირ-დაირია ყველაფერი და დარჩა ასე. დანარჩენი ყველაფერი გაკეთებულია დეტალურად და ხარისხიანად. უბრალოდ, რაღაც 2 კილომეტრის რადიუსში უნდა მოხდეს მოსახლეობაში დაქსაქსვა, ჭიშკართან მიყვანა. მოხდა შეფერხება, დარჩენილია უმნიშვნელო ნაწილი და მოსახლეობა მიიღებს წყალს. ძირითადი გაკეთებულია და თუ კი მონდომებულები არიან, მოსახლეობაში წყალი მივიდეს, ამდენ ჩაძიებას და თითების შვერას, ჯობს, მივიდნენ, დათვალონ და გააკეთონ.

_ ვის გულისხმობთ?

_ ვის და ინტრიგნებით რომაა მაქ სავსე ყველაფერი.

_ სად?

_ ჩემ სოფელში და მუნიციპალიტეტშიც, _ გვპასუხობს ხინიკაძე.

სოფელ ძიმითის ორი მოწვევის დეპუტატი ოზურგეთის საკრებულოში ტიტე მგელაძე მოსახლეობას ეთანხმება და მიიჩნევს, რომ წყლის სარეაბილიტაციო სამუშაოები არაკეთილსინდისიერად არის შესრულებული.

_ 25 ათასი ლარია დახარჯული. არჩევნების წინ უნდა დაესრულებინათ. მივმართეთ კომპანიასაც, ადგილობრივ ხელისუფლებასაც, მაგრამ რად გინდა _ არ დაამთავრეს! ბევრი რამე არ მსიამოვნებს, რაც იქ გაკეთდა და არის გაკეთებული, მაგრამ გვპირდება ახალი ხელისუფლება და ვნახოთ. მე იმ ხალხთან, ფაქტობრივად, არჩევნების წინ ვერ მივდიოდი და ვერ ვთხოვდი ვერაფერს _ რამდენიმეჯერ მოაწყო ხალხმა აქცია, მაგრამ არაფერი გამოვიდა. ძალიან გაბრაზებული არიან იქაურები.

რაც შეეხება მაგ პროექტს, ჰაერშია გამოკიდებული. კი, ბატონო, საბუთები არის, თუმცა, მე არ ვაწერ ხელს.

ბევრი რამე არ მომეწონა, როცა ავედი და ვნახე, არც გაკეთების პრინციპი მომეწონა. დაახლოებით, 10 000 ლარით ნაკლებიც რომ მიეცათ, გვყავდა ჩვენ ისეთი ხალხი, მაგ პროექტს ბოლომდე მიიყვანდნენ. მთავრობა მიდის, მოდის და მოსახლეობა 30 წელია, უწყლოდაა.

რაც შეეხება "ფაფასკურას", იქ მოსახლეობის ნაწილს გაუკეთდა წყალი, დანარჩენზე ცალკე პროექტი უნდა გაკეთდეს და არ ვიცი, როდის იქნება, _ ამბობს მგელაძე.

"გურია ნიუსი" ოზურგეთის მუნიციპალიტეტის მაშინდელი გამგებლის ყოფილ მოადგილეს ბადრი გობრონიძეს დაუკავშირდა, რომელიც იმ დროს ინფრასტრუქტურის სფეროს ხელმძღვანელობდა. გობრონიძემ აღნიშნულთან დაკავშირებით ასეთი პასუხი გაგვცა:

_ კი, ბატონო, ხელი მაქვს მოწერილი დოკუმენტებზე. სამუშაოები არ შეწყვეტილა. მე აღარ ვმუშაობ. მერე რა, რომელიც წელიც არ უნდა იყოს _  მაქ არის ხელისუფლება, მერი მისი სამი მოადგილით, მრჩევლებით, თანაშემწეებით. პასუხს გაგცემთ ინფრასტრუქტურის სამსახური.

ოზურგეთის მუნიციპალიტეტის მერიაში კი ამ საკითხთან დაკავშირებით ასეთ განმარტებას იძლევიან: "ოზურგეთის მუნიციპალიტეტში, სოფელ ძიმითში, "ფაფასკურის" უბანში, 2015 წელს წყალმომარაგების სისტემის მოწყობაზე დაიხარჯა 34 977 ლარი. წყალი მიეწოდება 45 ოჯახს. წყალმომარაგების გარეშე დარჩენილია 17 ოჯახი. ოზურგეთის მუნიციპალიტეტის გამგეობამ აღნიშნულ 17 ოჯახზე გასცა წყლის მილები. მათ სჭირდებათ შესაბამისი ტექნიკა, რათა მილები მიწის ქვეშ განთავსდეს და მოსახლეობამ წყალი სახლებამდე მიიყვანოს.

რაც შეეხება, "თირის" უბანს, აქ წყალმომარაგების სისტემის მოწყობაზე 2016 წელს დაიხარჯა 25 039 ლარი. დამონტაჟდა წყლის დამატებითი ავზი, მოეწყო წყლის მაგისტრალი, დამონტაჟდა წყალსაქაჩები. ამ დროისთვის, წყლის გარეშე დარჩენილია 25 ოჯახი.

ოზურგეთის მუნიციპალიტეტის მერია აღნიშნული პრობლემის შესახებ ინფორმირებულია. მიმდინარეობს საკითხის შესწავლა და შესაბამისი თანხების მოძიება ძიმითის წყალმომარაგების პრობლემის აღმოსაფხვრელად", _ ამბობენ მერიაში.




 ახალი ამბები
  • ერქომაიშვილის, შარაშენიძის და გოგიბერიძის პრესკონფერენცია, რომელსაც "ქართული ოცნება" ემიჯნებადღეს, ოზურგეთის დემოკრატიული ჩართულობის ცენტრში, სოსო ერქომაიშვილმა, კონსტანტინე შარაშენიძემ და შოთა გოგიბერიძემ, ადამიანებმა, რომელიც საკუთარ თავს, როგორც „2012-იანელები“, ისე მოიხსენიებენ, პრესკონფერენცია გამართეს. თუმცა, პრესკონფერენციაზე, რომელიც საკუთარი არსით, მედიის დასწრებას და მათი მოსაზრებების გაშუქებას მოიაზრებს, მხოლოდ ერთი მედიასაშუალება _ „გურიის მოამბე“ მიიწვიეს. როგორც გამოცემა წერს, „შეხვედრაზე საუბარი სალომე ზურაბიშვილის მხარდაჭერასა და მათივე განცხადებებიდან გამომდინარე, საქართველოს გადარჩენაზე იყო.  იყვნენ მკვეთრად კრიტიკულებიც, რომლებიც ამ "ბრძოლაში" ჩართვას სწორედ იმის გამო არ აპირებენ, რომ პარტიის შტაბს მათთვის მიუღებელი პირები _ მერაბ ჭანუყვაძე და კობა დუნდუა ხელმძღვანელობენ.  „რა გააკეთა პარტიამ ამ წლების განმავლობაში? ვინ დაიყენა გვერდით? რას მიხსნით აქ? შტაბს რომ მერაბ ჭანუყვაძე და მართლა მთელი ცხოვრება "ნაციონალების" მხარდამჭერი, კობა დუნდუა უდგანან სათავეში, იმათ დავუდგე გვერდით?“ _ დამსწრეთაგან იმათი განცხადებების საპასუხოდ კი, ვინც 'ოცნებას" წინა ხელისუფლების იმ პირებთან გარიგებაში ადანაშაულებენ, ვინც დამნაშავეები იყვნენ, ერქომაიშვილმა და შარაშენიძემ შემდეგი განცხადებები გააკეთეს:  კოტე შარაშენიძე: "ვიცი, რასაც შენ განიცდი, ისე განვიცდით ჩვენც, მაგრამ რაღაც რაღაცეების გამო შეზღუდულები ვართ. დავუჭიროთ მხარი ბიძინა ივანიშვილს, ისე კი არა, ზოგიერთი რომ იძახის ტყუილად ჰაერზე. ის საქმე უნდა გავაკეთოთ, რასაც დღევანდელი რეალობა ქვია. ბეწვის ხიდზე გავდივართ ახლა".  სოსო ერქომაიშვილი: "თუ იმაზე ვსაუბრობთ ახლა, საქართველო თუ სხვა რამე, ეს არაა სწორი. მე საქართველოს გვერდით ვდგები ახლა და დავამთავროთ. ამაზე ახლა მოვრჩეთ ლაპარაკს, ვსო. დროის ამბავი რა არის, ამას მე გეტყვით არჩევნების მეორე დღეს”, _ აღნიშნულია „გურიის მოამბის“ მიერ გამოქვეყნებულ სტატიაში. „გურია ნიუსი“ რამდენიმე საათია, ცდილობს, გაარკვიოს, რატომ არ მიიწვიეს პრესკონფერენციაზე სხვა მედიასაშუალებები და რატომ გაკეთდა სალომე ზურაბიშვილის მხარდასაჭერი პრესკონფერენცია მხოლოდ ერთი მედიისთვის. როგორც პარტიის ადგილობრივ ორგანიზაციაში გვითხრეს, აღნიშნული პრესკონფერენციის შესახებ მათ ინფორმაცია არ ჰქონდათ, და ეს იმ ფონზე, როცა სოსო ერქომაიშვილი „ქართული ოცნების“ ოზურგეთის საოლქო ორგანიზაციის ბიუროს წევრია. ბიუროს წევრის მიერ გამართული პრესკონფერენციის შესახებ საქმის კურსში არ იყო არც პარტიის პოლიტსაბჭოს წევრი, რეგიონებთან ურთიერთობის სამსახურის უფროსი დიტო სამხარაძეც. პარტიის პრესსამსახურის ხელმძღვანელის, ლელა გაბეჩავას თქმით, პრესკონფერენცია „ქართული ოცნების“ მიერ ორგანიზებული არ ყოფილა, ამის შესახებ ინფორმაციაც არ ჰქონდათ და მისთვის უცნობია, რა უნდოდა პრესკონფერენციაზე ბიუროს წევრს და რატომ იყო მიწვეული მხოლოდ ერთი მედიასაშუალება. კითხვაზე, რას გვეტყვიან პრესკონფერენციაზე გაჟღერებულ ბრალდებებზე, რომ „ოცნების“ შტაბში „ნაციონალები“ არიან, მით უმეტეს, რომ ამ ბრალდებებზე მმართველი პარტიის ოზურგეთის საოლქო ორგანიზაციის ბიუროს წევრს და პრესკონფერენციის ორგანიზატორს პასუხი არ გაუცია და ამაზე საუბარი სამომავლოდ გადადო, პარტიაში აღნიშნეს, რომ ვერაფერს: _ ერქომაიშვილს ვერ ვუკავშირდებით და ამ დროისთვის რაც შემიძლია გითხრათ ისაა, რომ, სავარაუდოდ, ეს ერქომაიშვილის დამოუკიდებელი გადაწყვეტილება იყო. ამ პრესკონფერენციასა და იქ მყოფ ადამიანებთან პარტიას შეხება არ ჰქონია და არანაირი პრესკონფერენცია ჩვენთან შეთანხმებული არ ყოფილა, _ გვითხრა გაბეჩავამ. ჩვენ შევეცადეთ კომენტარები პრესკონფერენციაზე მყოფი ადამიანებისგანაც მიგვეღო. შარაშენიძემ, როგორც ყოველთვის „გურია ნიუსის“ სატელეფონო ზარებს არ უპასუხა. მისგან მაგალითი აიღო სოსო ერქომაიშვილმა და კონტაქტზე არ გამოვიდა. ერთადერთი, ვინც კომენტარი გააკეთა, შოთა გოგიბერიძე იყო, რომლის განმარტებით, დღეს პრესკონფერენცია არ ჩატარებულა: _ ეს იყო „2012-იანელების“ სამუშაო შეხვედრა და არა პრესკონფერენცია. არავინ მიგვიწვევია. ჩემთვისაც მოულოდნელი იყო, როცა ერთ-ერთ მედიასაშუალებაში ამ შეხვედრის შესახებ სტატია წავიკითხე. ვერ გეტყვით, ვინ იყო. 50 კაცი იყო იქ და ყველას არ ვიცნობდი, _ აღნიშნა გოგიბერიძემ.   ... ...
  • ზურაბიშვილი: საარჩევნო კამპანიაში ჩართული არიან სხვადასხვა ქვეყნის, მაგრამ არა რუსი პიარსპეციალისტები (R)საარჩევნო კამპანიაში ჩართული არიან სხვადასხვა ქვეყნის პიარსპეციალისტები, მაგრამ არა რუსი პიარსპეციალისტები, – ამის შესახებ პრეზიდენტობის დამოუკიდებელმა კანდიდატმა, სალომე ზურაბიშვილმა განაცხადა. ჟურნალისტებმა ქალთა ორგანიზაციის წევრებთან შეხვედრის შემდეგ სალომე ზურაბიშვილს ჰკითხეს, არიან თუ მის საარჩევნო კამპანიაში ჩართული პიარკონსულტანტები ისრაელიდან, რაზეც სალომე ზურაბიშვილმა უპასუხა: „კამპანიაში ჩართული არიან სხვადასხვა ქვეყნის პიარსპეციალისტები, მაგრამ არ არიან ჩართული რუსი პიარსპეციალისტები". პრეზიდენტობის დამოუკიდებელი კანდიდატი დღეს ორგანიზაცია „ქალები სამართლიანობისთვის" წევრებს შეხვდა, სადაც ქვეყნის პოლიტიკურ ცხოვრებაში ქალთა ჩართულობის მნიშვნელობაზე ... ...
  • "მერი გვეკაიფება" _ რატომ დაუპირისპირდნენ დაბა ლაითურის მაცხოვრებლები ოზურგეთის მერსოზურგეთის მუნიციპალიტეტის დაბა ლაითურის #2 საბავშვო ბაღში ახალის ნაცვლად ძველი საბავშვო ატრაქციონები მიიტანეს - ამის შესახებ დაბის მცხოვრებლებმა “გურია ნიუსს“ დაუკავშირდა. “კარგად დააკვირდით ამ სურათს და არ გაგიკვირდეთ _ ეს ის დაპირებაა, რომელიც რამდენიმე დღის უკან ბატონმა მერმა კონსტანტინე შარაშენიძემ ლაითურს მე-9 რაიონის მოსახლეობას მისცა და  რომელსაც დიდი სიხარულით ელოდნენ. თქვენთვის მომინდია, დაარქვით სახელი _  ეს შეურაცხყოფაა, დაცინვაა თუ სხვა რამ მსგავსი, რადგან ასეთი და ცოტა უკეთესი უკვე ლაითურის #2 საბავშვო ბაღში დგას 50 წელია. რატომ ჩათვალა მერმა, რომ ჩვენ ამითაც კმაყოფილი ვიქნებოდით, მაშინ როცა თავისი სახლის წინ ეზოში აშენებს ახალ პარკს.  ეჭვი გვაქვს ეს სწორედ იმ პარკიდან ამოიღო და გამოგვიგზავნა იმ ადამიანებს, რომლებმაც მას მხარი დაუჭირეს და მუნიციპალიტეტის მერად აირჩიეს  _ ვინ გაგვცემს ამაზე პასუხს?“ - ეს წერილი ფოტოებთან ერთად „გურია ნიუსს“ ოზურგეთის მუნიციპალიტეტის დაბა ლაითურიდან გამოუგზავნეს. ფოტოებზე კარგად ჩანს, რომ საბავშვო ბაღში მიტანილი ატრაქციონები დაზიანებული _ ერთ-ერთი კი დაჟანგულია. დაბაში არ მალავენ, რომ შარაშენიძის საქციელით შეურაცხყოფილები არიან: _ მერი გვეკაიფება _ სხვა არ ვიცით რა ვიფიქროთ. ასეთი აგდება და შეურაცხყოფა გინახავთ სადმე? ხელისუფლების კანდიდატისთვის ხმა კი უნდათ და დაპირების შესრულება არა! ნურავის გონია, რომ ასე ადვილად მოტყუვდება ხალხი. თუ დაგვცინიან არც ჩვენ დავრჩებით ვალში და არჩევნებზე გავცემთ საკადრის პასუხს, _ აღნიშნავენ დაბაში. ოზურგეთის მუნიციპალიტეტის მერის წარმომადგენელის თანაშემწის რეზო მესხიძის თქმით, ატრაქციონები ლაითურში გვიან ღამით მიიტანეს: _ კომუნისტების დროინდელი ატრაქციონებია, მაგრამ ვინ მოიტანა არ ვიცით. ჩვენთვის არავის არაფერი არ უთქვამს. მუნიციპალიტეტის მერიისგან იყო დაპირება, რომ საბავშვო ატრაქციონებს მოიტანდნენ _ ხალხიც ელოდებოდა და მოიტანეს ძველი ატრაქციონები. მოსახლეობა ვარაუდობს, რომ ესენი სხვაგან იდგა და ჩვენთან გადმოისროლეს. არადა, მასეთი ატრაქციონები დგას დაბაში _  უბრალოდ, ერთს ცალი ფეხი არ აქვს და მეორე კიდევ გაფუჭებულია, _  გვითხრა რეზო მესხიძემ. ვინ და საიდან მიიტანა ძველი ატრაქციონები დაბაში უცნობია ოზურგეთის მუნიციპალიტეტის საკრებულოს წევრის, დაბა ლაითურის მაჟორიტარი დეპუტატის გია ჩაგანავასთვისაც. „გურია ნიუსმა“ კი გაარკვია, რომ ატრაქციონები, ოზურგეთის მერის სახლთან მდებარე პარკიდან წაიღეს, რომლის ნაცვლად შარაშენიძის მეზობლად არსებულ სკვერში ახალი იდგმება. ის, რომ ატრაქციონები ნამდვილად ოზურგეთიდანაა წაღებული „გურია ნიუსთან“ საუბრისას დაადასტურა ოზურგეთის მუნიციპალიტეტის  სკოლამდელი აღზრდის ცენტრის ხელმძღვანელმა მაკა ჭყონიამ: „ეს საბავშვო ატრაქციონები ჭავჭავაძის ქუჩაზე მდებარე პარკიდან, სადაც ააჯამად სარეაბილიტაციო სამუშაოები მიმდინარეობს გუშინ, მერიის გადაწყვეტილებით წაიღეს. როგორც მერისგან გავიგე,  ადგილზევე მოხდება ატრაქციონის დამონტაჟება, რესტავრაცია, შეღებვა და განახლება,“  _ აღნიშნა ჩვენთან საუბრისას ... ...
  • სალომე ზურაბიშვილი: ამ ბრძოლაში ქალები იქნებიან მთავარი ძალა (R)პრეზიდენტობის დამოუკიდებელი კანდიდატი სალომე ზურაბიშვილი მიიჩნევს, რომ ქვეყნის პოლიტიკური და სოციალურ ცხოვრებაში ქალთა ჩართულობა აუცილებელია. აღნიშნულ საკითხზე ზურაბიშვილმა ქალთა ორგანიზაცია „ქალები სამართლიანობისთვის“ წევრებთან შეხვედრაზე ისაუბრა. მისი თქმით, ქალები საქართველოში ამომრჩეველთა 53 პროცენტს წარმოადგენენ, მაგრამ პოლიტიკაში სათანადო ადგილი არ აქვთ. „ქალების ჩართულობა აუცილებელია. ქალები წარმოადგენენ ამ ქვეყნის ამომრჩევლების 53 პროცენტს, მაგრამ არ აქვთ სათანადო ადგილი პოლიტიკაში. ამ დროს ქვეყნის ყველა სხვა დარგში, პრაქტიკულად, ქალები არიან წარმოდგენილი. ისინი არიან ძალიან ძლიერები, ზოგჯერ, ძალიან წარმატებულიც, მაგრამ არა პოლიტიკაში, არც ადგილობრივ დონეზე და არც პარლამენტში. მაგალითი, რაც მე მინდა, შემოვიტანო ქართულ პოლიტიკაში, რომ როგორც სხვა მოწინავე ქვეყნებში, საქართველოსაც ეყოლება ქალი პრეზიდენტი, ეს არის მაგალითისა და შემდეგი ბრძოლისთვის, რაც უნდა გავიაროთ, რომ საზოგადოება თანამედროვეობისკენ შეიცვალოს და ამავდროულად, შეინარჩუნოს ყველაზე ღირებული ტრადიციები. ამ ბრძოლაში ქალები იქნებიან მთავარი ძალა. ეს არის ამ ქვეყნისთვისაც და ჩემთვისაც მთავარი ძალა“, – განაცხადა სალომე ზურაბიშვილმა შეხვედრაზე. პრეზიდენტობის კანდიდატმა მოძრაობის წევრებს მხარდაჭერისთვის მადლობა ... ...
  • სალომე ზურაბიშვილი მისი ფოტოს შეცვლის შესახებ: მე ეს სტილი ბევრად უფრო მომწონსსაქართველოს პრეზიდენტობის კანდიდატი, სალომე ზურაბიშვილი, საპრეზიდენტო არჩევნების მეორე ტურისთვის ბილბორდებიდან მისი ფოტოების ნაცვლად ოცნების  ლიდერების გამოსახულებით ჩანაცვლებას ეხმაურება. სალომე ზურაბიშვილი ამბობს, რომ ძალიან ბედნიერია ბანერების შეცვლით და განმარტავს, რომ პირველი ტურისთვის გადაღებული ფოტო მას არ მოსწონდა. „განცდა იყო, რომ ვარ ძალიან ბედნიერი იმიტომ, რომ ის პირველი სურათი ნაკლებად მომწონდა. მე არ ვიცი, თქვენი მოსაზრება როგორი არის, მე ძალიან მომწონს ახალი სურათი და პირველი ტურის დროს, მე სულ ვამბობდი, რომ მე მეგონა, რომ ჩემი სურათი ცოტა ძალიან ბევრი იყო და ძალიან დიდი იმიტომ, რომ ეს არ არის ის ევროპული სტილი, რომელიც მომწონს და მე ეს სტილი ბევრად უფრო მომწონს, იმედი მაქვს, თქვენც,“  - განაცხადა სალომე ზურაბიშვილმა. ოცნების მიერ მხარდაჭერილმა საპრეზიდენტო კანდიდატმა ორგანიზაცია ქალები სამართლიანობისთვის წარმომადგენლებთან შეხვედრისას განაცხადა, რომ „ეს საზოგადოება უნდა შევცვალოთ და ნამდვილად ავაშენოთ თანამედროვე, ქართული საზოგადოება, არა რომელიმე სხვა ქვეყნის „კოპიო“, არამედ თანამედროვე და ქართული“. ზოგიერთ ბილბორდზე პრეზიდენტობის კანდიდატის მხოლოდ სახელი და გვარი წერია, თუმცა, ბანერზე მხოლოდ ქართული ოცნების დამფუძნებლის ან პარლამენტის თავმჯდომარის ფოტოებია განთავსებული.  ... ...

არქივი

ზაფრანი

უცნობი ფაქტები მამაკაცის სხეულის შესახებ

დიდი ტვინი საშუალოდ, ტვინის მოცულობა...

სიყვარულის ფერების თეორია

ჯონ ალან ლი კანადელი მეცნიერია,...

ყველაზე არაპროგნოზირებადი და სახიფათო ცხოველები

თაფლიჭამია თაფლიჭამია, იგივე რეიტელი, მართალია,...

როგორ არ უნდა დალიოთ ღვინო

ღვინისათვის “სუნთქვის" საშუალების არ მიცემა...

7 თვისება, რომლითაც მაღალი ინტელექტის მქონე ადამიანს ამოიცნობთ

ინტელექტი ადამიანის თვისებაა, რომელიც აზროვნების...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნების მეორე ტურში?