"ნათესაური კამათი" თუ "ხელჩართული ჩხუბი" ზღვისპირეთში უკანონო მშენებლობებზე თვალის დახუჭვის გამო

მთავარი თემა

"ნათესაური კამათი" თუ "ხელჩართული ჩხუბი" ზღვისპირეთში უკანონო მშენებლობებზე თვალის დახუჭვის გამო

2019 ივნ 3 11:43:59

"ოზურგეთის მუნიციპალიტეტის მერიაში სრული განუკითხაობაა _ იღებენ "ატკატებს", ფარავენ დანაშაულს, არ ასრულებენ საკუთარ მოვალეობებს", _ ყვება "გურია ნიუსის" წყარო, რომლის მტკიცებით, ურეკში, შავიზღვისპირა ზოლში, უკანონო მშენებლობების ბუმია, რომელზეც ადგილობრივი ხელისუფლება თვალს ხუჭავს:

_ ეს დღეს და გუშინ არ დაწყებულა. თითქმის ორი წელია, ერთი ჯარიმაც არ დაუწერია ზედამხედველობის სამსახურს, რომელმაც ძალიან კარგად იცის, რა ხდება ზღვისპირეთში. უფრო მეტიც _ მშენებლობები 110-მეტრიან ზოლში, რეკრეაციულ ზონაში მიმდინარეობს, თუმცა, ამაზე თვალს ხუჭავენ. ეს ყველაფერი მერიის პირველმა პირებმაც იციან და სწორედ მათი სიტყვიერი ნებართვით ხდება ამ თემის იგნორირება, _ ყვება წყარო, რომლის კონფიდენციალურობას ჩვენ მისავე უსაფრთხოებიდან გამომდინარე ვიცავთ.

მისი თქმით, უკანონო მშენებლობების დიდი ნაწილი საზოგადოებისთვის ცნობილ სახეებს, ოზურგეთის მერთან და ვიცემერთან დაახლოებულ პირებს ეკუთვნით:

_ ძალიან ბევრი ნაცნობი გვარია, რომლებსაც მერი და ვიცე-მერი მფარველობს. შესაძლოა, ეს რაღაც მოვალეობების გამო ხდება _ ამის შესახებ ინფორმაცია არ მაქვს. შემიძლია გითხრათ ის, რომ რამდენიმე თვის წინ ეს ამბები ზედამხედველობის სამსახურის თანამშრომელმა გენადი კიშინსკიმ გაარკვია და მის უფროსს, შუქრი გაბრიჩიძეს რეაგირებისკენ მოუწოდა. გაბრიჩიძემ კიშინსკის გაჩერება მოსთხოვა, რის გამოც ამ ორ შორის, მერიაში ხელჩართული ჩხუბი გაიმართა. საქმის გარჩევა ვიცემერის ალექსანდრე სურგულაძის კაბინეტში გაგრძელდა, სადაც კიშინსკის კიდევ ერთხელ ურჩიეს გაჩუმება და შეახსენეს, რომ რიგითი თანამშრომელი იყო, _ ეს ამბავი წყარომ ჩვენ დაახლოებით ერთი თვის წინ მოგვიყვა, რის შემდეგაც სიტუაციის მოკვლევა დავიწყეთ.

ბუნებრივია, პირველი ადრესატი გენადი კიშინსკი იყო, რომელმაც ჩვენთან ამ თემაზე საუბარი არ ისურვა. დუმილი არჩიეს მერიაშიც. ამის გამო "გურია ნიუსმა" სამართალდამცავ ორგანოებს მიმართა, რადგან გვქონდა ინფორმაცია, რომ კიშინსკი დანაშაულის შესახებ ინფორმაციას და შესაბამის მტკიცებულებებს ფლობდა.

განცხადება 10 მაისს შევიტანეთ. როგორც გავარკვიეთ, იმავე დღეს დაიკითხა კიშინსკი, რომელმაც გამოძიებას დეტალური ჩვენება მისცა და შესაბამისი მტკიცებულებებიც გადასცა.

მეორე დღეს კი, აჭარის მთავარმა პროკურატურამ ფაქტზე სისხლის სამართლის საქმე 332-ე მუხლის პირველი ნაწილით დაიწყო, რაც უფლებამოსილების ბოროტად გამოყენებას გულისხმობს.

მიუხედავად ამისა, გენადი კიშინსკიმ მედიასთან კომენტარის გაკეთება ისევ არ ისურვა:

_ მიმდინარეობს გამოძიება. მე ჩვენება მაქვს მიცემული და კომენტარს ვერ გავაკეთებ, _ გვითხრა მან.

ამ თემაზე კომენტარის მოპოვება ვერც მერიის პირველი პირებიდან შევძელით _ არც კონსტანტინე შარაშენიძემ და არც ალექსანდრე სურგულაძემ ჩვენს სატელეფონო ზარებს არ უპასუხეს.

ერთადერთი, ვინც საუბარს დაგვთანხმდა, ზედამხედველობის განყოფილების უფროსი, შუქრი გაბრიჩიძე იყო, რომელმაც კიშინკისთან კონფლიქტი დაადასტურა:

_ რაღაც გაუგებრობა იყო. როგორც თანამშრომელს, რაღაც დავავალე და არ შემისრულა. ამიტომ ვიკამათეთ, _ ამბობს გაბრიჩიძე.

_ ხელჩართული ჩხუბი კამათია თქვენთვის?

_ არ მომხდარა მსგავსი რამ. რამ მაქვს კიშინსკისთან საჩხუბარი?! როგორც გითხარით, დავალების არშესრულების გამო ვუთხარი საყვედური.

_ ბატონო შუქრი, ამბობთ, რომ თანამშრომელმა მოვალეობა არ შეასრულა. შესაბამისი სამართლებრივი აქტი შედგენილი გაქვთ და კიშინსკი წერილობით გააფრთხილეთ?

_ წერილობით არ გამიფრთხილებია. ნათესავია ჩემი და ვიკამათეთ. სულ ეს იყო.

_ თქვენი ნათესავი ვალდებულებას თუ არ შეასრულებს, ჩხუბით უნდა მოაგვაროთ საქმე? ამასთან ჩვენ სხვა ინფორმაცია გვაქვს _ როგორც გვეუბნებიან, კიშინსკიმ აღმოაჩინა ურეკში უკანონო მშენებლობები და თქვენ შესაბამისი რეაგირების მოხდენა გთხოვათ, რაზეც უარი მიიღო და სწორედ ეს გახდა კონფლიქტის დაწყების მიზეზი.

_ კიშინსკი ჩემს გარეშე ვერაფერს გაარკვევდა. მე ვუშვებ თანამშრომლებს ყველგან.

_ და სწორედ ერთ-ერთ ასეთ გასვლაზეა საუბარი.. ამასთან, ითქვა, რომ ამ ყველაფრის დამალვაში "ატკატებია" აღებული...

_ მასე ყველაფრის თქმა შეიძლება. ჩვენ ახლა დავიწყეთ გაფრთხილებების გაგზავნა.

_ როცა გამოძიება დაიწყო?

_ მე არაფერი ვიცი გამოძიების შესახებ.

_ ჩვენ გვაქვს დადასტურებული ინფორმაცია, რომ გამოძიებაა დაწყებული. ასევე, დადასტურებული გვაქვს, რომ თქვენ უკანონო მშენებლობის მეპატრონეებს გაფრთხილებები სწორედ გამოძიების დაწყების შემდეგ დაუგზავნეთ...

_ ამ ყველაფერს თავისი პროცედურები აქვს, ზოგი მშენებლობის მეპატრონეს ვერც კი მივაგენით. რამდენიმესთან გაგზავნილი იყო და უკან დაგვიბრუნდა. არის შემთხვევები, როცა ქონება გარდაცვლილის სახელზეა რეგისტრირებული და რეალურ მფლობელს ვერ ვპოულობთ.

_ 2 წლის განმავლობაში ერთი ჯარიმაც არ დაგიწერიათ უკანონო მშენებლობებზე, რომელსაც ურეკში ყოველ ფეხის ნაბიჯზე ვაწყდებით. დაგიჯეროთ, რომ ერთი პირიც ვერ იპოვეთ?

_ ამას მთელი რიგი პროცედურები აქვს. ზოგიერთი 2016 წელს დაწყებული მშენებლობაა.

_ მით უმეტეს, ბატონო შუქრი. თუ 2016 წელს დაიწყო უკანონო მშენებლობა და ამ დრომდე მეპატრონე არ დაგიჯარიმებიათ, გამოდის, მართლაც სხვა რამესთან გვაქვს საქმე...

_ 2016 წელს ურეკი მე არ მეხებოდა...

_ 2017 წლიდან ხომ გეხებათ?! თუ თქვენმა წინამორბედმა თვალი დახუჭა, თქვენ რას აკეთებთ ორი წლის განმავლობაში?

_ ვმუშაობთ, ვეძებთ იმ პირებს, რომელებიც აშენებენ და უკვე დავაგზავნეთ გაფრთხილებები, _ ამბობს ზედამხედველობის განყოფილების უფროსი.

გაბრიჩიძის ბრალდებები კატეგორიულად უარყო ოზურგეთის მუნიციპალიტეტის გამგეობის ზედამხედველობის სამსახურის ყოფილმა უფროსმა გელა ჭანუყვაძემ:

_ ერთი ფაქტი მაინც წარმოადგინოს ბატონმა შუქრიმ. უამრავი ჯარიმა გვაქვს დაწერილი ჩემს პერიოდში, _ გვითხრა ჭანუყვაძემ.

ამ თემაზე ერთთვიანი მუშაობის პერიოდში "გურია ნიუსმა" შეძლო და ყველა ის პირი იპოვა, რომელსაც შუქრი გაბრიჩიძე, მისივე თქმით, 2 წელია ეძებს და ვერ იპოვა.

ვინ არიან ეს პირები, რა პრივილეგიებით სარგებლობენ და რატომ არ მოხდა მათი დაჯარიმება, ვის და რატომ სთხოვა ოზურგეთის დღევანდელი მერი, 2016 წელს, როცა ‘ქართუში მუშაობდა" არ დაეწერათ უკანონო მშენებლობის გამო ჯარიმა ზღვისპირეთში და რა მტკიცებულებები მოიპოვა გამოძიებამ _ ამ თემაზე "გურია ნიუსის" ჟურნალისტურ გამოძიებას მალე შემოგთავაზებთ.




 ახალი ამბები
  • "დააბი პრეზიდენტი" _ აქცია-პერფორმანსი პრეზიდენტის რეზიდენციასთან ახალგაზრდული მოძრაობა „შეცვალეს“ წევრებმა პრეზიდენტის რეზიდენციასთან აქცია-პერფორმანსი „დააბი პრეზიდენტი“ გამართეს. აქციის მონაწილეების განცხადებით, ისინი პრეზიდენტ ზურაბიშვილის მიერ მსჯავრდებულებთან დაკავშირებით მიღებულ გადაწყვეტილებებს აპროტესტებენ. აქციის მონაწილეებმა პრეზიდენტის რეზიდენციის კარზე სიმბოლურად ბოქლომი დაამაგრეს და სტიკერები მიაკრეს #შეცვალე. მათი თქმით, პრეზიდენტი „დასაბმელია“, ამასთან, აცხადებენ, რომ სალომე ზურაბიშვილი იღებს ქვეყნისთვის საზიანო გადაწყვეტილებებს. როგორც აქციის მონაწილეებმა განაცხადეს, აქციებს მომავალშიც გააგრძელებენ. საქართველოს პრეზიდენტმა, სალომე ზურაბიშვილმა 27 აგვისტოს, მარიამობის ბრწყინვალე დღესასწაულთან დაკავშირებით, 34 მსჯავრდებული შეიწყალა, მათ შორის აღმოჩნდენენ მკვლელობისთვის გასამართლებული სამი პირი და ერთი ძებნილი. ... ...
  • ბახმაროში სამაშველო ოპერაცია მიმდინარეობს _ დიდთოვლობის გამო დამსვენებლები ბარში ჩამოსვლას ვერ ახერხებენამ წუთებში, ბახმაროში სამაშველო ოპერაცია მიმდინარეობს _ წუხელ მოსული თოვლის საფარი 30 სანტიმეტრს აღემატება, რის გამოც, დამსვენებლები ბარში წამოსვლას ვერ ახერხებენ. _ დაახლოებით 35 ოჯახი ისვენებს კურორტზე. გამოსვლას ვერ ახერხებენ ის ადამიანები, რომლებიც კურორტზე დაბალი გამავლობის მანქანებით არიან ამოსულები. უკვე დაწყებულია გზების გაწმენდა და მალე, ყველა ადამიანი სამშვიდობოს იქნება, _ აღნიშნა "გურია ნიუსთან" საუბრისას ჩოხატაურის მერმა ირაკლი კუჭავამ, რომელიც შესაბამის სამსახურებთან ერთად ბახმაროში იმყოფება. მისივე თქმით, სპეცტექნიკით დღესვე გაიწმინდება ცენტრალური გზა იმისთვის, რომ ბახმაროში გადაადგილება ყველასთვის შესაძლებელი ... ...
  • "დედა ჩემს შიშველ გადაღებებს ესწრებოდა!" _ ექსკლუზიური ინტერვიუ სექსუალურ ტრეფიკინგში ჩართულ არასრულწლოვნათანდედა მაფრთხილებდა, რომ იმის შესახებ, თუ როგორ მიღებდნენ, არავისთვის მეთქვა, _ ამბობს გოგონა, რომელსაც, ბებიის თქმით, დედის ძალიან ... ...
  • „შემოქმედობა“ _ ორმოციოდე შემოქმედელით და ოთხჯერ მეტი სტუმრით20 სექტემბერს, სოფელ შემოქმედში „შემოქმედობის“ ტრადიციული დღესასწაულის აღნიშვნა ოზურგეთს მუნიციპალიტეტის მერიამ დაგეგმა. ტრადიციული დღესასწაული, როგორც აქ, ისე სხვა სოფლებშიც იმართება და არასდროს აკლია ხალმრავლობა, ხალისი და საინტერესო წიაღსვლები. თუმცა, ამჯერად, როგორც ეს ყველამ იხილა, უჩვეულოდ მცირერიცხოვნობით გამორჩეული „შემოქმედობა“, ძირითადად, მოსული სტუმრების ხარჯზე წარიმართა _ ძალისხმევა დაგვჭირდა, რომ ორმოციოდე შემოქმედელი დაგვეთვალა, რასაც, დაახლოებით, ოთხჯერ სჭარბობდა სტუმარი (ძირითადად, შემოქმედებითი ანსამბლების წევრები, ხელისუფლების წარმომადგენლები და კონცერტში მონაწილე ბავშვთა მშობლები). ღონისძიების დასაწყისში სპორტული აქტივობები შედგა:  გაიმართა შეჯიბრი ნარდში, მკლავჭიდსა და მაგიდის ჩოგბურთში, რომლის  მონაწილეები მუნიციპალიტეტის მერიის თანამშრომლებიც  იყვნენ. აღსანისნავია, რომ უხლოეს პერიოდში გამართულ ღონისძიებებზე ისინი ნარდის თამაშში აქტივობით გამოირჩევიან. „ერთი, მენახა ვინმე, ჭადრაკი ეთამაშა, რა მაგრად ყვარებიათ გურულებსაც ეს კამათლების კოტრიალი და ყირამალა. რა შავდება მაგით, მარა არც არაფერი კეთდება. როგორც ჩვენ ვერაფერი გავაკეთეთ დღეს. დავიძარით ქუთაისიდან, ისეთი რეკლამა იყო ფეისბუკზე, გვეგონა, ცოტას  ვივაჭრებდით, მაგრამ ორი ჭიქა ბატიბუტი ვერ გავყიდეთ, _ ასე გაღარიბდა აქ ხალხი? იქითაც კია გაჭირვება, მარა... რა ვიცი, ასე ხელცარიელი არსად დავრჩენილვართ ამ ბოლო დროს,  _  ღიმილიანი სახით გვითხრა გვითხრა ქუთაისიდან ჩამოსულმა ინდმეწარმე გიორგი ლაცაბიძემ. „რა გინდა? შემოქმედლებს ითვლი? მიდი იქ და ნახე, „პოლონელი შემოქმედელები“ ცეკვავენ, _ ხუმრობა მოგვადევნა რამდენიმე შემოქმედელმა და მიგვითითა სკვერში  მოწყობილი სცენისკენ, სადაც მართლაც სადღესააწაულოდ ცეკვავდა პოლონელი ახალგაზრდების ხალხური ცეკვის ანსამლი, თუმცა, ვერავინ გვითხრა, კონკრეტულად რომელი ქალაქიდან იყვნენ ისინი. „რაა ეს, ახლაც არჩევნები ხომ არაა, ძალით მოყვანა რომ არ უნდათ, კი გააფრთხილეს ხალხი, მაგრამ სამ საათზე იყო დანიშნული და ალბათ, აწი მოვლენ. ისე, შარაშენიძის ამომრჩეველი მაინც მოსულიყო,  _  მცირე  პოლიტიკაც გაურია მცირერიცხოვანი მაყურებლის ყოფნას ღონსძიებაზე რამდენიმე ადგილობრივმა მცხოვრებმა. შემოქმედელებმა _ მედიკო ხვინგიმ და თამუნა აშუბამ, გვითხრეს, რომ დღეს აქ მათი შვილები ცეკვით გამოდიან და იმის სანახავად მოვიდნენ. _ ხალხი? რა ვიცი, რატომ არის ასე ცოტა, ალბათ, ვერ მოიცალეს. ისე, სოფელში კი იცოდნენ და ყველას გააგბინეს,  _ გვითხრეს მათ. „უი, უი, უი, რამ წამომიყვანა, ჩემი  სათამაშო „კეკელობანი“ მაქვს,  წამოვიღე. პატარა სათამაშო ბიზნესია, ერთი ლარი არ ამიღია. არავინ მოსულა. ასე ცოტა ხალხი არც ერთ ღონისძიებაზე არ მხვდება. ინტერნეტში ვეცნობი ასეთ ამბებს და მერე ჩავდივარ ყველგან. ისეთი რეკლამა იყო, ავიბარგე ამ დიაბეტიანმა პენსიონერმა  კაცმა და  წამოვედი. პენსია არ მყოფნის, ვიფიქრე, ორიოდე ლარს ვიშოვი,-მეთქი და დავითარსე.  „პოლიაკები“  კი ჩამოუყვანიათ საცეკვაოდ, მარა გამომცეკვებელია ცოტა... ღმერთმა მისცეთ საქმე საცეკვაოდ, მარა მე მაგი საქმე არ მეხერხება და რაც მეხერხება, ტყუილა ჩამოვათრიე“, _ ბათუმელმა ავთო მეგრელაძემაც ხუმრობა ამჯობინა „შემოქმედობის“ შეფასებისას და იმედი გამოთქვა, მომავალ წელს  ბევრად მეტი ხალხი დახვდება, გურულები ასე ცოტა სანადიროდაც არ დადიან და დღეს რა დაემართათო, _ გვითხრა მეგრელაძემ. მცირერიცხოვანი მაყურებლის წინაშე მოეწყო ადგილობრივი შემოქმედებითი ჯგუფების: ,,გურიას,’’ "აისის," "იადონის," "ვახტანგურის," "ალილუიას," სტუდენტური-ფოლკლორული ჯგუფი ,,იედლინოკის’’ (პოლონეთი)  კონცერტი.  სოლო შემსრულებლის,  რეზიკო ხომერიკის გამოსვლისას მიკროფონი გამოირთო და ჩართვის მომლოდინე მომღერალს  მაყურებლმა თანაგრძნობის ნიშნად ტაში დაუკრა. ღონისძიების დასასრულს, შემოქმედელებს, რომელთა რაოდენობას სულ ცოტა ოთხჯერ სჭარბობდნენ სტუმრები, მიესალმა გურიის გუბერნატორი ზურაბ ნასარაია და თქვა, რომ კულმინაცია ღონისძიებისა  არის დაჯილდოება _  „საპატიო შემოქმედელის“ წოდების მინიჭება.    „საპატიო შემოქმედელის“ წოდება მიანიჭეს „გზამენი 18“-ის დირექტორს, შემოქმედის მკვიდრს,  თემურ ჯახვას და  ამჟამად პენსიონერ ოთარ გეგიაძეს. მათ ჯილდოები ზურაბ ნასარაიამ და კოტე შარაშენიძემ გადასცეს. ოზურგეთის მუნიციპალიეტის მერმა კოტე შარაშენიძემ თავისი გამოსვლის დასაწყისშივე მიანიშნა მოსული ხალხის მცირერიცხოვნობაზე, რითაც, როგორც ეტყობა, თავადაც არ დარჩა კმაყოფილი: _ მთლიანობაში ვერ ვხედავ სოფლის აქტივობას, მაგრამ კარგია, რომ მოვიდნენ ახალგაზრდები, მომავალშიც მრავალჯერ აღვნიშნავთ „შემოქმედობას“, რომელიც უკვე ტრადიციად არის ქცეული, ასევე, მომავალშიც კვლავ დავაჯილდოებთ საპატიო შემოქმედელებს, _ თქვა მან. თემურ ჯახვამ მადლობა გადაუხადა ყველას, ვინც სოფლისთვის მისი ღვაწლი შეაფასა და იმ პროექტების შესახებ ისაუბრა, რომელიც უახლოეს დროში უნდა გახორციელდეს შემოქმედში. _ 50 წელია,  საგზაო სისტემაში ვმუშაობ. ბევრი სიკეთე გამიკეთებია ჩემი სოფლისთვის, თუმცა, უფრო მეტი უნდა გამეკეთებინა. დიდ მადლობას ვუხდი ყველას დაფასებისთვის. ახლა გეტყვით, რომ დაპროექტებულია და მალე დაიწყება შემოქმედთან მოსასვლელი გზის კეთება, რომელსაც მარჯვენა მხარეს ექნება ტროტუარი, კედელი და რა თქმა უნდა, გაკეთდება გარე განათება. ასევე, კეთდება გომისმთის გზის პროექტი და მომავალ წელს უკვე მშენებლობა დაიწყება, რის დასრულების შემდეგ უკვე ნახევარ საათში იქნება შესაძლებელი გომისმთაზე ასვლა. გზის მთელ მონაკვეთზე გაკეთდება სამი გადასახედი მოედანი. ასევე, აშენდება ეკლესია, რომლის საძირკველიც გომისმთაზე ჩაყრილია, _ თქვა თემურ ჯახვამ, რასაც გულწრფელი ოვაცია და ტაში ... ...
  • ოზურგეთში იურიდიული მომსახურების ცენტრი გაიხსნა19 სექტემბერს, ოზურგეთში იურიდიული დახმარების ცენტრი გაიხსნა. ლენტი საზეიმოდ გაჭრეს ოზურგეთის მუნიციპალიტტის მერმა კოტე შარაშენიძემ და იურიდიული დახმარების სამსახურის დირექტორმა რაჟდენ კუპრაშვილმა.   რაჟდენ კუპრაშვილმა  დამსწრე საზოგადოებას სიტყვით მიმართა და წარუდგინა ოზურგეთის ბიუროს უფროსის მოვალეობის შემსრულებელი იამზე მემარნიშვილი. კუპრაშვილმა განმარტა, რომ ამიერიდან გურიის მცხოვრებლები აქ  უფასო იურიდიულ მომსახურებას  მიიღებენ. _ მინდა გითხრათ, რომ ნებისმიერი თქვენგანისთვის ხელმისაწვდომი გახდება უფასო სამართლებრივი დახმარების სერვისი და ბიუროს სპეციალისტები დახმარებას და იურიდიულ კონსულტაციას გაგიწევენ ნებისმიერ სამართლებრივ საკითხზე, საადვოკატო მომსახურებაში. ყველა სპეცილისტი, ვინც მოგემსახურებათ, აუცილებლად იქნება მაღალკვალიფიციური, _ თქვა მან. ღონისძიებას ესწრებოდნენ აღმასრულებელი, საკანონმდებლო, სასამართლო ხელისუფლების, საერთაშორისო ორგანიზაციებისა და ადვოკატთა ასოციაციის წარმომადგენლები. გახსნის ცერემონიის შემდეგ, სახელმწიფო ქორეოგრაფილუმა ანსამბლმა „გურიამ“,  სახელმწიფო ფოლკლორულმა ანსამბლებმა _ „შვიდკაცამ“ და „ რეხეულმა“ თავიანთი შემოქმედებით მიულოცეს  ყველას  ეს მნიშვნელოვანი დღე. ცნობისთვის, საქართველოში დღეისთვის ათი საკონსულტაციო ცენტრი და ცამეტი იურიდიული დახმარების ბიურო ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...