"ნენა, ნენა...": ყალბი ბეჭედი, არარსებულ ააიპ-ში გაცემული ხელფასები და "კანონდარღვევათა ბუკეტი" ოზურგეთში

მთავარი თემა

"ნენა, ნენა...": ყალბი ბეჭედი, არარსებულ ააიპ-ში გაცემული ხელფასები და "კანონდარღვევათა ბუკეტი" ოზურგეთში

2018 აგვ 31 13:46:04

ოზურგეთის მერის მიერ არარსებული ა(ა)იპ-ის გენდირექტორად დანიშნული პირი, საჯარო რეესტრის მიერ შეწყვეტილი რეგისტრაციის პროცესი, ყალბი ბეჭედი და ბიუჯეტიდან უკანონოდ გადახდილი ათი ათასები _ ასეთია რეალობა ოზურგეთში, რომლის დამადასტურებელი დოკუმენტაცია "გურია ნიუსმა" ექსკლუზიურად მოიპოვა.

საქმე ეხება საფეხბურთო კლუბ "მერცხალს", რომელიც საჯარო რეესტრის ამონაწერის თანახმად, არა ოზურგეთის მუნიციპალიტეტის, არამედ გასულ წელს გაუქმებული ქალაქ ოზურგეთის მუნიციპალიტეტის კლუბია და ამდენი ხანია ოზურგეთის მუნიციპალიტეტი გაუქმებული მუნიციპალიტეტის გუნდს აფინანსებს.

თუმცა,  ეს ზღვაში წვეთია იმასთან შედარებით, რაზეც ახლა უნდა გიამბობთ _   ოზურგეთის მუნიციპალიტეტის მერი, კონსტანტინე შარაშენიძე 22 თებერვალს გამოსცემს #22 ბრძანებას, რომლის საფუძველზე მტკიცდება ოზურგეთის მუნიციპალიტეტის ს/კ "მერცხალის" წესდების ახალი რედაქცია, რომელიც ეგზავნება საჯარო რეესტრს რეგისტრაციის მიზნით; ამავე ბრძანებით რეგისტრაციაზე უფლება ენიჭება ს. კ. "მერცხალის" დირექტორს მამია გოგუაძეს.

თუმცა,  რეგისტრაციის გახორციელებამდე, 27 თებერვალს, ოზურგეთის მუნიციპალიტეტის მერის კონსტანტინე შარაშენიძის #806 ბრძანების თანახმად,  არასამეწარმეო (არაკომერციული) იურიდიული პირის _ "ოზურგეთის მუნიციპალიტეტის საფეხბურთო კლუბ მერცხალის"  გენერალურ დირექტორად ინიშნება მურთაზ აბაშიძე.

შარაშენიძის მიერ ბრძანებით დანიშნული, რეესტრში არგატარებული ა(ა)იპ-ის გენერალურ დირექტორი 9 მარტს მიდის საჯარო რეესტრში და შეაქვს განაცხადი სუბიექტის რეგისტრირებულ მონაცემებში ცვლილებების  რეგისტრაციის შესახებ, საიდანაც 12 მარტს მოსდის პასუხი, რომ დოკუმენტებში ხარვეზია და მის აღმოსაფხვრელად ეძლევა 30 კალენდარული დღე. ხარვეზად კი რეესტრმა დირექტორის და გენერალური დირექტორის ფუნქციების გაუმიჯნაობა დაასახელა.

ამის შემდეგ, 15 მარტს, ოზურგეთის მერი საჯარო რეესტრში აგზავნის წერილს, რომელშიც ვკითხულობთ:

"გაცნობებთ, რომ "არასამეწარმეო (არაკომერციული) იურიდიული პირის "ოზურგეთის მუნიციპალიტეტის საფეხბურთო კლუბის _ მერცხალის" (ს/კ)437064515) წესდების დამტკიცების შესახებ" ოზურგეთის მუნიციპალიტეტის მერის 2018 წლის 22 თებერვლის #704 ბრძანებით დამტკიცებული წესდების მე-4 და მე-5 მუხლების თანახმად, საზოგადოებას ჰყავს დირექტორი (მამია გოგუაძე) და გენერალური დირექტორი (მურთაზ აბაშიძე. ისინი ერთად წარმოადგენენ საზოგადოებას", _ წერს კონსტანტინე შარაშენიძე და წერილს თან აბაშიძის დანიშვნის ბრძანებას ურთავს.

თუმცა, ხარვეზი საბოლოოდ მაინც არ აღმოფხვრილა და  შესაბამისად, საჯარო რეესტრის ეროვნულმა სააგენტომ 12 აპრილს მიიღო გადაწყვეტილება წარმოების შეწყვეტის შესახებ. გასაჩივრების ვადა არც ამ შემთხვევაში გამოიყენეს.

ამის პარალელურად კი მურთაზ აბაშიძე ამზადებს ბეჭედს, რომელსაც აქვს ძველი, ქალაქ ოზურგეთის მუნიციპალიტეტის საფეხბურთო კლუბის ფუნქციონირების დროს მინიჭებული საიდენტიფიკაციო კოდი და ახალი სახელი _ "ოზურგეთის მუნიციპალიტეტის საფეხბურთო  კლუბი "მერცხალი". ეს მაშინ, როცა მსგავსი ა(ა) იპი არ არსებობს.

ამის შემდეგ აბაშიძე კლუბში ნიშნავს 15 თანამშრომელს, პირადად აფორმებს მათთან  ხელშეკრულებებს და როგორც კლუბის დირექტორი მამია გოგუაძე ამბობს, აიძულებს მას გასცეს ხელფასები.

გოგუაძის თქმით, ამ ყველაფრის შესახებ რამდენიმე დღის წინ შეიტყო და მისთვის ამ დრომდე არ იყო ცნობილი, რომ ახალი ააიპი რეგისტრაციაში არ გატარებულა:

_  როგორც კი გავიგე, საქმის კურსში ოფიციალურად ჩავაყენე ოზურგეთის მერი და იურიდიული სამსახურის უფროსი ლაშა თავაძე. ორივე მათგანს ოფიციალური წერილები გავუგზავნე, თუმცა, პასუხი ამ დრომდე არ მიმიღია, _ ამბობს გოგუაძე, რომელიც რამდენიმე დღის წინ ოზურგეთის მერმა, საკრებულოს სხდომაზე კორუფციაში დაადანაშაულა.

_ ამ ყველაფრის ფონზე მერი მიწოდებს კორუმპირებულს ყოველგვარი დასაბუთების გარეშე. ეს მაშინ, როცა არარსებული ააიპ-ის გენერალური დირექტორი დანიშნა, რომელიც ყალბი ბეჭედით ხსნის და ათავისუფლებს ხალხს, ფედერაციაში აგზავნის განაცხადებს, _ აღნიშნავს გოგუაძე და საკუთარი სიტყვების დასტურად გვაწვდის  "მერცხალის" თანამშრომელთა საერთო კრების ოქმს, რომლის თანახმადაც, მურთაზ აბაშიძე მთავარი  მწვრთნელის პოსტზე ნიშნავს აკაკი ათუაშვილს, ხოლო გუნდის უფროსად _ შოთა გიორგაძეს (ასეთი სახის დოკუმენტი მურთაზ აბაშიძეს აჭარის ფეხბურთის ფედერაციაშიც აქვს გაგზავნილი).

ეს იმ დროს, როცა გუნდს ჰყავს მთავარი მწვრთნელი _ ხარიტონ ჩხატარაშვილი, რომელიც მხოლოდ სიტყვიერად გაათავისუფლეს და რომელიც, როგორც მთავარი მწვრთნელი, თვეებია, ანაზღაურებას იღებს.

კიდევ ერთი დეტალი _ 3 აგვისტოს, მერიის იურიდიული სამსახურის უფროსი, ლაშა თავაძე მამია გოგუაძეს აბარებს წესდებას და უზუსტებს, რომ ამით უნდა იხელმძღვანელონ. თუმცა, წესდება, რომელიც გოგუაძემ თავაძისგან ოფიციალურად ჩაიბარა, რეესტრში არ არის გატარებული.

მურთაზ აბაშიძე "გურია ნიუსთან" საუბრისას ამბობს, რომ მან ბეჭდის დამზადების დავალება მერიისგან მიიღო.

ამბობს იმასაც, რომ რეგისტრაციის დროს არსებული პრობლემები იურისტებს უნდა მოეგვარებინათ და ამის შესახებ საქმის კურსში მერიც იყო და იურიდიული სამსახურის უფროსიც:

_ რა მექნა _ არ უნდა დამემზადებინა ბეჭედი? მერიამ მითხრა, წადი და დაამზადეო... აბა, ზედამხედველი ხომ არ ვიქნებოდი სტადიონზე?! _ გვითხრა აბაშიძემ, რომელიც კითხვაზე, რატომ სარგებლობს ყალბი ბეჭდით, ასე გვპასუხობს: "ნენა, ნენა..."

ოზურგეთის მუნიციპალიტეტის მერიის იურიდიული სამსახური უფროსი ლაშა თავაძე "გურია ნიუსთან" ადასტურებს, რომ "მერცხალთან" დაკავშირებით პრობლემებია:

_ კი, გიდასტურებთ, რომ რაღაც ხარვეზები არის, მაგრამ გამოსწორებადია, _ ამბობს თავაძე.

მისივე თქმით, მიუხედავად ამ ყველაფრისა, ბეჭედი ყალბად ვერ ჩაითვლება, რადგან ოზურგეთის მუნიციპალიტეტი ქალაქ ოზურგეთის მუნიციპალიტეტის სამართალმემკვიდრეა.

კითხვაზე _ ამ მონაცემებით, არის თუ არა მურთაზ აბაშიძის გენდირექტორად მუშაობა ლეგიტიმური, თავაძე ამბობს, რომ მერის ბრძანების შესაბამისად არის.

თუმცა, როგორ გამოსცა მერმა ბრძანება აბაშიძის ოზურგეთის მუნიციპალიტეტის საფეხბურთო კლუბ "მერცხალის" გენდირექტორად დანიშვნის შესახებ, როცა საფეხბურთო კლუბი ქალაქ ოზურგეთის მუნიციპალიტეტისაა რეესტრის მონაცემებით, თავაძეს პასუხი არ აქვს და მხოლოდ იმას ამბობს, რომ მერმა ბრძანება კანონის შესაბამისად გამოსცა და მერის ბრძანებით, აბაშიძის მუშაობა ლეგიტიმურია.

 თუმცა, გვიდასტურებს, რომ მერის ბრძანებაზე უპირატესი კანონია და არ უარყოფს, რომ ამ შემთხვევაში, რამდენიმე კანონდარღვევას აქვს ადგილი:

_ კი, კანონი დარღეულია, მაგრამ ეს ყველაფერი გამოსწორებადია, _ ამბობს თავაძე.

იურიდიული სამსახურის უფროსის თქმით, ოზურგეთის მუნიციპალიტეტის მერი ყველა დეტალის საქმის კურსშია.

კითხვაზე, რატომ ჩააბარა მამია გიორგაძეს წესდება, რომელიც რეგისტრაციაში არ იყო გატარებული და, შესაბამისად, უკანონო იყო, რატომ მიუთითა, რომ დაურეგისტრირებელი წესდებით უნდა ეხელმძღვანელა, თავაძის პასუხი არ აქვს და მხოლოდ იმას იმეორებს, რომ ადგილი აქვს ხარვეზს.

იმის გასაგებად, თუ რატომ უგულებელყვეს კანონი და რატომ არ ჰქონდათ რეაგირება კანონდარღვევაზე, ჩვენ ოზურგეთის მერის კომენტარის მოპოვებაც ვცადეთ, თუმცა, კონსტანტინე შარაშენიძემ ტრადიცია არ დაარღვია და "გურია ნიუსის" სატელეფონო ზარებს არ უპასუხა.

სამართალმცოდნე ლევან ალაფიშვილი ამბობს, რომ ამ შემთხვევაში რამდენიმე კანონია დარღვეული, რომლითაც სამართალდამცავები აუცილებლად უნდა დაინტერესდნენ:

_ დარღვეულია სამოქალაქო კოდექსი, მეწარმეთა შესახებ კანონი, საჯარო რეესტრის შესახებ კანონი. მარტივად რომ გითხრათ, დარღვევათა ჯაჭვია, რომლითაც აუცილებლად უნდა დაინტერესდნენ სამართალდამცველები. სწორედ მათი პრეროგატივაა, დაადგინონ ამ ყველაფერზე პასუხისმგებელი პირები; ასევე, უნდა დადგინეს რა ზარალი მიადგა ამით მუნიციპალიტეტის ბიუჯეტს; ვინ იცოდა და ვინ დამალა ეს ფაქტები, _ აღნიშნავს ალაფიშვილი.

ასევე იხილეთ: რატომ გადაურიცხა ოზურგეთის მერმა საკუთარი სიძის ორგანიზაციას 30 000 ლარი

1125 ლარი ბიუჯეტიდან "ნინოს შვილ გიორგის" და არათანაბარ პირობებში ჩაყენებული სტუდენტები

ოზურგეთის მერის მიერ სიძისთვის გადარიცხული ფულის საქმეს სუს-ი იძიებს




 ახალი ამბები
  • ოზურგეთში პოლიციამ უკანონო საბრძოლო მასალა ამოიღოშინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო მოქმედებების შედეგად, 1992 წელს დაბადებული მ. ჯ. საბრძოლო მასალის მართლსაწინააღმდეგო შეძენა-შენახვის ბრალდებით დააკავეს. დანაშაული 3-დან 6 წლამდე ვადით თავისუფლების აღკვეთას ითვალისწინებს. სამართალდამცველებმა, ბრალდებულის საცხოვრებელი სახლის ჩხრეკისას, "რგდ"-ს ტიპის ხელყუმბარა ნივთმტკიცებად ამოიღეს.დაკავებული ჩადენილ დანაშაულს აღიარებს. გამოძიება საბრძოლო მასალის მართლსაწინააღმდეგო შეძენა-შენახვის ფაქტზე, საქართველოს სსკ-ის 236-ე მუხლის მე-3 ნაწილით ... ...
  • როგორ ვმართოთ ბავშვის ისტერიკა _ ოქროს წესები ფსიქოლოგისგან "3 ვარიანტი გვაქვს ბავშვის პრობლემური ქცევის დროს. 2.5-დან 5 წლადმე ასაკის ბავშვებში ჩვენ გვაქვს პრობლემური ქცევები, რომლის მოგვარებაც არის ძალიან ადვილი", _ აღნიშნულის შესახებ თსუ-ს ფსიქოლოგიისა და განათლების მეცნიერებათა ფაკულტეტის დეკანი თამარ გეგეშიძე საუბრობს. ფსიქოლოგის თქმით, მთავარია უფროსებმა ცამოაყალიბონ, რა არის მათ ოჯახში წესი, რომ ბავშვმა შემდეგ მიიღოს ეს წესი და არ იყოს დამოკიდებული უფროსების ხასიათზე. ამასთანავე, ოჯახის ყველა წევრი უნდა  იყოს ერთ სტრატეგიაზე. არასოდეს ვჩხუბობთ ბავშვთან, თუ რამე არ მოგვწონს, ამას ბავშვის თანდასწრებით არ ვამბობთ და მისი თანდასწრებით არ უნდა გაიმართოს დისკუსია, რადგან პატარამ მერე კარგად იცის, ვის მიმართოს დასახმარებლად. "თუ ჩვენ თვითონ დავილაგებთ ჩვენს თავში, რა არის ჩვენს ოჯახში წესი. ეს ბავშვს ეცოდინება და ის არ იქნება დამოკიდებული ჩვენს ხასიათზე. დღეს კარგ ხასიათზე ვარ, კამფეტს ვაძლევ, ხვალ ცუდ ხასიათზევ ვარ, კამფეტს არ ვაძლევ. დღეს კარგ ხასიათზე ვარ არ ვეჩხუბები, ხვალ ცუდ ხასიათზე ვარ, ვეჩხუბები, ასე არ უნდა იყოს. უნდა არსებობდეს წესი და წინასწარმეტყველებადი გარემო. ბავშვის განვითარებას აქვს ერთი კარგი თვისება. ვერ იტანს უწესრიგობას. ეს ყველამ კარგად ვიცით. ყველანი ძალიან კარგად ვიცავთ 2 წლამდე რეჟიმს. ამ დროს უნდა დავაძინოთ, ამ დროს უნდა ვაჭამოთ და ა.შ. რატომ ვაკეთებთ ამას. მხოლოდ იმიტომ არა, რომ ბავშვის ორგანიზმს ასე სჭირდება. რომ მან დროულად უნდა ჭამოს და დაიძინოს. ხომ შეიძლება სხვა დროს ჭამოს და დაიძინოს, რატომაც არა. ამას ვაკეთებთ იმიტომ, რომ ბავშვის ნერვული სისტემა ვერ იტანს არაპროგნოზირებად გარემოს. ის ძალიან ღიზიანდება. ვერ იტანს მოულოდნელობას, ვერ იტანს გაუგებარ სიტუაციებს. ბავშვისთვის ძალიან მნიშვნელოვანია ძალიან მკაფიო სიტუაციები და მოლოდინები. იცის, რომ საჭმლის მერე აქვს კამფეტი, იცის, რომ გაჯეტი არ ექნება. იცის, რომ ჯერ უნდა ისადილოს, მერე უნდა გაისეირნოს. ჯერ ეს და მერე ის თუ არ იცის 3 წლის ბავშვმა, მერე ძალიან გაუჭირდება მასაც და მის მშობლესაც. ჩვენ ამ პერიოდში ვაჩვევთ ბავშვებს წესებს. ძალიან მშვიდად, ჩხუბის გარეშე. ვიღაც აუცილებლად მკითხავს, რა ვქნათ, როცა ბავშვი ამ წესს არ იცავს. ვეუბნები, რომ კამფეტი იქნება სადილის მერე, ის კი მაინც ტეხავს ამბავს. თუ კარგად არ მოვწიწკნე არ გაჩერდება. გამოსავალი მარტივია, არ აძლევ და არც წიწკნი. ეუბნები, რომ შენი არჩევანია. შენ მას შეზღუდულ არჩევანს აძლევ, ეუბნები, ჩემო საყვარელო ეს შენი არჩევანია. თუ ასე გააგრძელებ, კამფეტი არ გექნება. ერთი სამი დღეს რომ იტირებს, მესამე დღეს გაჩერდება. ბავშვები ძალიან პრაგმატული მატერიალისტები არიან. ხანდახან ჩვენ ვერ ვიგებთ ხოლმე, რატომ ვჩხუბობთ. ბავშვმა კი ზუსტად იცის, რა უნდა და რატომ შვრება ასე. თუ ის ნახავს, რომ ასე არ უნდა ქნას, იმიტომ რომ აზრი არ აქვს, არ იზამს. ბავშვი ტყუილად ენერგიას არ დახარჯავს იმაში, რომ მოთხოვნის პროცედურები განახორციელოს. ამიტომ ძალიან მნიშვნელოვანია ჩვენ რას ვაკეთებთ, როცა ბავშვი ისტერიკაშია. მხოლოდ ამ შემთხვევაში ვაკეთებთ იგნორირებას, არ ვაქცევთ ყურადღებას. როცა ბავშვი დაღლილია, როცა მშიერია, როცა ავად ხდება, გაღიზიანებულია და ტირიას, ცხადია ამ დროს ვეფერებით. ამ დროს იგნორირებას ვერ გააკეთებთ. ვაიგნორებთ როდესაც ზუსტად იცით, რომ სახლში ისტერიკას გიწყობთ იმის გამო, რომ რაღაც უნდა და შენ არ აძლევ. ამ ისტერიკას მაღაზიაში აწყობს და იცის, რომ შენ გრცხვენია და ვერაფერს ვერ გააკეთებ. მაღაზიაში ამის მართვა ძალიან რთულია, მაგრამ მაინც შესაძლებელი. გააჩნია ბავშვს, თუ ის ჰიპერაქტიულია, ასე მარტო იქ ვერ მიატოვებთ, რადგან შეიძლება გარეთ გამოვარდეს და მანქანას შეუვარდეს. თუ ის არაა ჰიპერაქტიული, მშვიდად ვეუბნებით, ჩვენ შევთანხმდით იმაზე, რომ დღეს კამფეტს ვერ გიყიდი, მე წავედი. ამ პროცედურას აკეთებთ ნელა. ცხადია გააჩნია ბავშვის ტემპერამენტს, ვიღაც ცოტა ხანი იტირებს და წამოვა. ვიღაც, არა. თუ ბავშვი პატარაა, 2 ან 3 წლის, კარგი საშუალება ის აიყვანოთ ხელში უკუღმა, ანუ არ უნდა გიყურებდეთ სახეზე და გამოიყვანოთ გარეთ. როდესაც იცით, რომ მაღაზიაში შესვლისას ის აუცილებლად ატეხავს ტირილს, წინასწარ ვაფრთხილებთ, რომ ჩვენ უდნა შევთანხმდეთ რომ დღეს კამფეტს არ ვყიდულობთ. ჩხუბი, წივილ -კივილი, თმის მოწიწკვნა და ჯიკაობა არ არის რეკომენდებული იმიტომ, რომ ბავშვი თვითონაც სწავლობს ამით ძალაობას. მშობლები ხშირად გვეუბნებიან, რომ ბავშვის ნება ითრგუნება, აი იაპონიაში ბავშვებს ყველაფრის უფლებას აძლევენ. იაპონიაში ბავშვი რომ იბადებას, უკვე კონსტრუქციაში ხვდება, ის უკვე მოწესრიგებულ სტრუქტურულ გარემოშია. მან ჩვილობიდან იცის, რომ იმ კუთხეში უნდა მიესალმოს დედას, ამ კუთხეში მამას. ეს არის გაწერილი ჩვილობიდან და რაღა უნდა აუკრძალოთ? ჩვენთან არის ქაოტური გარემო. ჩვენ ხშირად ერთად ვცხოვრობთ, ბებია-ბაბუას აქვს სხვა პოლიტიკა. დედას და მამას სულ სხვა პოლიტიკა. რძალი დედამთილ-მამათილს ვერაფერს ეტყვის, სიძე სიმამრ-სიდედრს და მე რომ კამფეტს არ ვაძლევ ჩემს შვილს, ბებიას ის შეეცოდება და მისცემს. პრინციპია ის, რომ ოჯახის ყველა წევრი უნდა  იყოს ერთ სტრატეგიაზე. არასოდეს ვჩხუბობთ ბავშვთან, თუ რამე არ მოგვწონს, ამას ბავშვის თანდასწრებით არ ვამბობთ და მისი თანდასწრებით არ უნდა გაიმართოს დისკუსია, რადგან პატარამ მერე კარგად იცის, ვის მიმართოს ... ...
  • საქართველოს ბანკის პარტნიორობით “უძრავი ქონებისა და სასტუმრო ბიზნესის საერთაშორისო ყოველწლიური ფორუმი“ გაიმართება (R)საქართველოს ბანკის პარტნიორობით, Property Georgia-ს, FIABCI Georgia-ს ინიციატივითა და ორგანიზებით  15-16 ოქტომბერს  “უძრავი ქონების და სასტუმრო ბიზნესის საერთაშორისო ყოველწლიური ფორუმი “მდგრადი და მედეგი ქალაქების მშენებლობა“  გაიმართება. ღონისძებასთან დაკავშირებით და მის ფარგლებში დაგეგმილი დაჯილდოვების ცერემონიის შესახებ  დღეს მრგვალი მაგიდა გაიმართა. შეხვედრის მიზანს წარმოადგენდა  ფორუმის შესახებ პროფესიული, საერთაშორისო წრეების ინფორმირება და ცნობადობის ამაღლება.  შეხვედრას ესწრებოდნენ დიპლომატიური კორპუსის, მისიების ეკონომიკური ატაშეები, საერთაშორისო ასოციაციის წარმომადგენლები, FIABCI Georgia-ს დამფუძნებელი წევრები.  უძრავი ქონების და სასტუმრო ბიზნესის საერთაშორისო მასშტაბური ფორუმი წელს პირველად ჩატარდება, რომლის მიზანია, საქართველოს მსოფლიო რუკაზე პოზიციონირება მოხდეს, როგორც უძრავი ქონების და ტურიზმის, სასტუმრო ბიზნესის საერთაშორისო ლოკაცია. ფორუმზე განხილული იქნება ისეთი საკითხები როგორიცაა: მდგრადი ქალაქების შექმნის ეკონომიკური შედეგები; ქალაქებში მდგრადი ურბანული ინფრასტრუქტურისა და ტურიზმის  განვითარება.  ფორუმს საქართველოს სხვადასხვა ქვეყნებიდან მოწვეული 50-ზე მეტი ინვესტორი ესტუმრება, რომლებიც თბილისთან ერთად მოინახულებენ საქართველოს რამდენიმე რეგიონს. სტუმრობის მიზანია ინვესტორები გაეცნონ უძრავი ქონების და ტურიზმის საუკეთესო შეთავაზებებს მთელი ქვეყნის მასშტაბით.  ღონისძიებას საერთაშორისო მედია პარტნიორობას გაუწევს Dow Jones/Mansion Global/FN. ფორუმს გააშუქებს წამყვანი და  გავლენიანი საერთაშორისო მედია საშუალებები: BBC, CNN, Bloomberg. ღონისძიების მთავარი პარტნიორია “საქართველოს ბანკი”, მხარდამჭერები: “გალტ ენდ თაგარტი”, “საქართველოს ეკონომიკის და მდგრადი განვითარების სამინისტრო,” “საქართველოს რეგიონალური განვითარების და ინფრასტრუქტურის სამინისტრო,” “აწარმოე საქართველოში”, “ტურიზმის ეროვნული ადმინისტრაცია”, “ქოლიერს საქართველო”, “საპარტნიორო ფონდი”, “ევროპის რეკონსტრუქციისა და განვითარების ბანკი,” “ფრაისუოთერჰაუსკუპერსი საქართველო”, “საერთაშორისო საფინანსო კორპორაცია”, “გერმანიის ეკონომიკური გაერთიანება,” “პოლონეთის საინვესტიციო და სავაჭრო სააგენტო.” ... ...
  • დიდი მხიარულება "გურია ნიუსის" ეზოში და გალამაზებული დღეერთად გავილამაზოთ დღე _ ამ სახელწოდებით გაიმართა აქცია "გურია ნიუსის" ჩოხატაურის ოფისის ეზოში, სადაც მოსულ ნებისმიერ ადამიანს ცოცხალი მუსიკის მოსმენასთან ერთად, მოხატვის, ცეკვის და ცივი სასმელების მირთმევის შესაძლებლობა ჰქონდათ. ჩოხატაურის მუნიციპალიტეტის კულტურის ცენტრთან არსებულ ანსაბლ "ნართის"  სასიამოვნო მუსიკის ფონზე, სამხატვრო სკოლის ხელმძღვანელი მზია კვინტრაძე და მისი თანამშრომლები, დიდსა და პატარას სასურველ ნახატს უხატავდნენ. პატარებისთვის პატარა საჩუქრებიც იყო განკუთვნილი, რომელზეც "გურია ნიუსის" ოფისის პირველ სართულზე განთავსებულმა საკანცელარიო მაღაზიამ იზრუნა."გურია ნიუსი" მსგავსი სახის აქციებს, რომელიც ადამიანების გამხიარულებას ისახავს მიზნად, მომავალშიც გამართავს. ნახეთ ვიდეო კადრები "გურია ნიუსის" ეზოდან, სადაც მთელი დღე დიდი მხიარულება ... ...
  • პრემიერი გუბერნატორებს: "თქვენი ძირითადი ამოცანაა პრობლემების მოგვარება და არა _ პრობლემების შექმნა"რეგიონებში, ჩვენი მოქალაქეებისთვის მთავრობის განსახიერება არის ის ჩინოვნიკი, რომელიც მათ პრობლემებს ან აგვარებს, ან _ ვერა და ამ მიმართულებით გუბერნატორების პასუხისმგებლობა სრულად პერსონალიზებული იქნება, _ ამის შესახებ საქართველოს პრემიერ-მინისტრმა გიორგი გახარიამ სახელმწიფო რწმუნებულებთან შეხვედრისას განაცხადა. მთავრობის მეთაურმა ხაზი გაუსვა პრობლემების მოკლე ვადებში მოგვარების აუცილებლობას და გუბერნატორებს დროში გაწერილი კონკრეტული სამოქმედო გეგმის უახლოეს პერიოდში წარმოდგენა დაავალა. „აუცილებელია, ვიმოქმედოთ სწრაფად, ეფექტიანად და რაც მთავარია, ეს ყველაფერი უნდა იყოს გამყარებული კეთილსინდისიერი ქმედებით. არავის აქვს იმის რესურსი, რომ კიდევ დიდხანს გველოდოს. ამიტომ, განსაკუთრებით თქვენს შემთხვევაში, პასუხისმგებლობა სრულად პერსონალიზებული იქნება. უახლოეს დღეებში უნდა განსაზღვროთ რეგიონებში არსებული სისტემური პრობლემების სტატუსი და წარმოადგინოთ კონკრეტული გაპრობლემებული საქმეები, შემდგომ კი - პირდაპირი, დროში გაწერილი გეგმა და კონკრეტული პასუხისმგებლობები. თქვენი ძირითადი ამოცანაა პრობლემების მოგვარება და არა _ პრობლემების შექმნა“, _ მიმართა პრემიერ-მინისტრმა ... ...

არქივი

ზაფრანი

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...

სუსტი ნებისყოფის მქონე მამაკაცების სამეული

კირჩხიბი – ზოდიაქოს ამ ნიშნით...

ანდოთ თუ არა საოჯახო ბიუჯეტი ცოლს…

ალბათ, ფინანსური სტაბილურობის და კარგი...

ვის ახარჯინებენ ბევრ ფულს ქალები

წარმოგიდგენთ იმ მამაკაცთა ოთხეულს, რომელსაც...

გენიოსები ზამთარში იბადებიან

უკრაინელი ასტროლოგების ჯგუფი მივიდა დასკვნამდე,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...