ოზურგეთის მერიის მონადირეთა ჯგუფი _ იხდის თუ არა პოლიტიკურ ვალებს შარაშენიძე ბიუჯეტიდან

მთავარი თემა

ოზურგეთის მერიის მონადირეთა ჯგუფი _ იხდის თუ არა პოლიტიკურ ვალებს შარაშენიძე ბიუჯეტიდან

2018 აპრ 18 10:09:22

ოზურგეთის მუნიციპალიტეტის მერმა კონსტანტინე შარაშენიძემ მუნიციპალიტეტის მერიაში მონადირეთა ჯგუფის შექმნის შესახებ ბრძანება 2018 წლის 1 თებერვალს გამოსცა.

ბრძანების თანახმად, „ოზურგეთის მუნიციპალიტეტის ტერიტორიაზე მცხოვრები მოსახლეობის ჯანმრთელობისა და სიცოცხლის დაცვის, აგრეთვე, სამეურნეო საქმიანობისთვის ზიანის აცილების მიზნით, ოზურგეთის მუნიციპალიტეტის ტერიტორიაზე მგლის 8 ინდივიდის რაოდენობის გარემოდან ამოღებისთვის“ რვაკაციანი ჯგუფი შეიქმნა, რომელსაც ნიკოლოზ გობრონიძე ხელმძღვანელობს.

ჯგუფის შექმნიდან რამდენიმე დღეში, უფრო კონკრეტულად კი 2018 წლის 6 თებერვალს, ნიკოლოზ გობრონიძე შარაშენიძეს წერს, რომ 4 მგლის მოკვლისთვის 1 800 ლარი ესაჭიროებათ:

„ჩვენ შორის გაფორმებული ხელშეკრულების ფარგლებში, მოსახლეობიდან შემოსული შეტყობინებების საფუძველზე, მონადირეთა ჯგუფის მიერ, იანვარ-თებერვალში მგლისგან დაზიანებულია მუნიციპალიტეტის შემდეგი დასახლებული ტერიტორია: წვერმაღალა-ურეკი-შეკვეთილი; ლეკიანი-მოლიანი-ჩალიანი; მერიის აეროდრომი-ნარუჯა, ლაითური. განადგურებულია მოსახლეობის პირად საკუთრებაში არსებული 2 ათეულამდე მსხვილფეხა რქოსანი პირუტყვი და ცხენები. საკითხის სირთულიდან გამომდინარე, აუცილებელია სასწრაფოდ გახორციელდეს შესაბამისი ღონისძიებები, რისთვისაც აუცილებელია წინასწარი ჩარიცხვით წარმოდგენილ საბანკო ანგარიშზე 1 800 ლარი, რომელიც გათვლილია 4 მგლის ამოსაღებად საბიუჯეტო გადასახდელების ჩათვლით“, _ აღნიშნულია გობრონიძის წერილში, რომელიც 6 თებერვალს არის კანცელარიაში გატარებული, თუმცა, წერილის ავტორს რატომღაც თებერვლის მონაცემებიც უწერია.

თუმცა, ეს არ არის ერთადერთი ხარვეზი, რაც ამ წერილის თანდართულ დოკუმენტაციებშია და რომელიც შესყიდვების სააგენტოს ვებგვერდზეა ატვირთული. საქმე იმაშია, რომ შესყიდვების სააგენტოს ვებგვერდზე ატვირთული დოკუმენტაციის თანახმად, შარაშენიძესა და გობრონიძეს შორის ხელშეკრულება ზემოთ აღნიშნული წერილის მერიაში შეტანის დროს გაფორმებული არ ყოფილა.

ხელშეკრულება, ნომრით 55, ოზურგეთის მერს კონსტანტინე შარაშენიძესა და ინდმეწარმე ნიკოლოზ გობრონიძეს, როგორც მერიაში შექმნილ მონადირეთა ჯგუფის ხელმძღვანელს შორის, 14 თებერვალს არის გაფორმებული.

დოკუმენტში აღნიშნულია, რომ შარაშენიძემ უნდა განახორციელოს 8 მგლის გარემოდან ამოღების ღონისძიების მომსახურების შესყიდვა და ამისთვის 3 600 ლარი უნდა გადაიხადოს:

„მომსახურების გაწევა უნდა გახორციელდეს ხელშეკრულების გაფორმებიდან 2018 წლის 31 აგვისტოს ჩათვლით“, _ აღნიშნულია დოკუმენტში, რომელშიც, ასევე, დაკონკრეტებულია, რომ „ანგარიშსწორებას „შემსყიდველი“ განახორციელებს ფაქტობრივად გაწეული მომსახურების ღირებულების გათვალისწინებით, შესაბამისი მიღება-ჩაბარების აქტის შესაბამისად, მომსახურების გაწევის შემდეგ შესაბამისი დოკუმენტაციის წარდგენიდან 10 სამუშაო დღის განმავლობაში“.

ხაზგასასმელია კიდევ ერთი დეტალი _ ხელშეკრულება დადებულია ინდმეწარმე ნიკოლოზ გობრონიძესთან, ხოლო ხელშეკრულებას ხელს აწერს ფიზიკური პირი ნიკოლოზ გობრონიძე.

ამასაც რომ ტექნიკური ხარვეზი დავარქვათ, გვერდს ვერ ავუვლით ხელშეკრულების პირობების დარღვევას _ როგორც „გურია ნიუსმა“ შესყიდვების სააგენტოს ვეგვერდზე ატვირთული კანონის სავალდებულო დოკუმენტაციის შესწავლისას გაარკვია, ოზურგეთის მერიამ გობრონიძეს 1 800 ლარი, როგორც ის წერილით ითხოვდა ჯერ კიდევ ხელშეკრულების გაფორმებამდე, წინასწარ, 19 თებერვალს ჩაურიცხა.

ჩვენ, ასევე, გავარკვიეთ, რომ ჯგუფმა ამ დროისთვის მხოლოდ 2 მგლის ლიკვიდირება მოხდინა _ ყოველ შემთხვევაში ასეთი მონაცემები აქვთ გარემოს დაცვისა და სოფლის მეურნეობის სამინისტროში, რომელთანაც ჯგუფს პირდაპირი ვალდებულება გააჩნია _ სწორედ ამ უწყებას უნდა ჩააბარონ ანგარიში მონადირეებმა, რაც პრემიერის განკარგულებითაც რეგულირდება.

განსხვავებით ანგარიშვალდებულებებისაგან, არც კანონი და არც განკარგულება არ ადგენს მგლის მოკვლის ფასს. როგორც სამინისტროში გვითხრეს, უმრავლეს მუნიციპალიტეტებში მონადირეები ამას უსასყიდლოდ აკეთებენ და ამ დრომდე არ ქონიათ შემთხვევა, როცა ვინმე ფასით დაინტერესებულიყოს.

იურისტების თქმით, მგლის მოკვლის ფასი თვითმმართველობის ხელმძღვანელის და მონადირეების მოლაპარაკების საკითხია. როგორც ჩანს, ამ შემთხვევაში ერთი მგლის მოკვლა 450 ლარადაა შეფასებული. თუმცა, ეს მხოლოდ ჩვენი ვარაუდია მათემატიკური ანგარიშგებით, რადგან მიუხედავად მრავალგზის მცდელობისა, ოზურგეთის მერიიდან ჩვენთვის საინტერესო კითხვებზე პასუხების მიღება ვერ შევძელით _ სატელეფონო ზარებს არც კონსტანტინე შარაშენიძემ უპასუხა და არც მერიის საფინანსო სამსახურის უფროსმა გია მამაკაიშვილმა.

კიდევ ერთი მცდელობა კითხვებზე პასუხის მისაღებად მერიის პრესსამსახურთან დაკავშირება იყო _ ეკატერინე მგელაძეს 17 აპრილს, დილით, კითხვები წერილობით გავუგზავნეთ და ვთხოვდით მოეწოდებინა მერის პასუხები შემდეგ საკითხებზე: რატომ ჩაურიცხეს მონადირეთა ჯგუფის ხელმძღვანელს თანხა წინასწარ, როცა ხელშეკრულებაში გარკვევით წერია, რომ ანგარიშსწორება გაწეული მომსახურების შემდეგ, მიღება-ჩაბარების აქტის შესაბამისად, გაწეული მომსახურების შემდეგ ხდება; რატომ გახდა აუცილებელი მგლის მოკვლისთვის თანხის გადახდა მაშინ, როცა სხვა მუნიციპალიტეტებში მონადირეები ამას უფასოდ აკეთებენ, რასაც გარემოს დაცვისა და სოფლის მეურნეობის სამინისტროშიც ადასტურებენ; ვინ დაადგინა, რა ღირს ერთი მგლის მოკვლა და როგორ შეირჩა მონადირეთა ჯგუფის წევრები.

ჩვენ, ასევე, გვაინტერესებდა შარაშენიძის პასუხი კითხვაზე _ ამ შემთხვევაში, აქვს თუ არა ადგილი პოლიტიკური ვალის გადახდას ბიუჯეტიდან, რადგან, როგორც გვითხრეს, მონადირეთა ჯგუფის წევრები, რომლის შემადგენლობაში შედიან: ვიქტორ გობრონიძე, ნიკა გობრონიძე, გია გობრონიძე, თომა დანელია, დავით თოიძე, შოთა ზოიძე და ბექა ხურციძე, შარაშენიძეს წინასაარჩევნო პერიოდში აქტიურად ეხმარებოდნენ.

ოზურგეთის მერისგან პასუხები ამ გზითაც ვერ მივიღეთ _ ეკატერინე მგელაძემ, დღის ბოლოს მოგვწერა, რომ შარაშენიძე მთელი დღის განმავლობაში სამსახურში არ მისულა და შესაბამისად, ჩვენი კითხვებიც უპასუხოდ დარჩა.

ჩვენ დეტალების გარკვევას მონადირეთა ჯგუფის ხელმძღვანელთან ნიკოლოზ გობრონიძესთანაც შევეცადეთ, თუმცა, სატელეფონო ზარებს არც მან უპასუხა.

ერთადერთი, ვინც კომენტარი გააკეთა, ჯგუფი წევრი, ვიქტორ გობრონიძე იყო, რომელიც ნიკოლოზ გობრონიძის ძმაა:

_ არ ვიცი, რა შეცდომაა დოკუმენტებში. წესით არ უნდა იყოს. იმდენჯერ შეაცვლევინეს _ ხან აუდიტმა დაიწუნა, ხან შესყიდვების სამსახურმა და კიდევ შეცდომა როგორ შეიძლება! ამაზე არაფრის თქმა არ შემიძლია. რაც შეეხება პოლიტიკურ ვალს _ ადგილობრივი თვითმმართველობის არჩევნებზე კონსტანტინე შარაშენიძეს მხოლოდ მე ვეხმარებოდი იმ ჯგუფიდან და მას ჩემი ვალი არ აქვს. მე არც სიორიძის წინააღმდეგ ვყოფილვარ _ ვიდექი მხოლოდ სიმართლის მხარეს და მეტ დეტალზე საუბარი არ მინდა. თქვენს კითხვაზე, რომლის თანახმადაც, შარაშენიძე არჩევნების წინ სამსახურს მპირდებოდა და ვერ გამიკეთა, შემდეგ კი თითქოს გარემოს დაცვითი ზედამხედველობის დეპარტამენტის უფროსის ადგილის დაკავებაში მეხმარება, შემიძლია, მხოლოდ ის გითხრათ, რომ მე 63 წლის კაცი ვარ და ამ ასაკში ვერავის დავუწყებ დევნას. მაწუხებს ბუნება, ბრაკონიერებიც, მაგრამ ნამდვილად არ შემიძლია ახლა მათ ვდიო, _ გვითხრა გობრონიძემ.

მისივე თქმით, მგლები მოსახლეობისთვის სერიოზული პრობლემაა და მისი მოკვლა ძალიან დიდ ხარჯებთანაა დაკავშირებული:

_ შეიძლება სხვა მუნიციპალიტეტებში აკეთებენ ამას უფასოდ, რადგან ფული აქვთ. საკმაოდ ძვირი პროცესია _ ერთი მგლის მოკვლისთვის 4 ტყვია მაინცაა საჭირო. საწვავი სჭირდება, უნდა გამოიტანო, დამარხო. არ არის მარტივი და იაფი საქმე ნამდვილად, _ აღნიშნა გობრონიძემ.

ვიქტორ გობრონიძის თქმით, ჯგუფმა არა ორი, არამედ 4 მგელი მოკლა:

_ სამინისტროს განყოფილებაში მაშინ ყველა დაპატიმრებული იყო და ამიტომ მხოლოდ ორი მგელი ჩავაბარეთ. ოთხია მოკლული და რამდენიმე დღეში ჩემი ძმა დეტალურ ანგარიშსაც წარადგენეს, _ თქვა „გურია ნიუსთან“ საუბრისას ვიქტორ გობრონიძემ.

საქართველოს ახალგაზრდა იურისტთა ასოციაციის ოზურგეთის ოფისის ხელმძღვანელი თამაზ ტრაპაიძე „გურია ნიუსთან“ საუბრისას ამბობს, რომ მონადირეთა ჯგუფის ხელმძღვანელისთვის თანხის წინასწარი გადარიცხა დარღვევაა:

_ წინასწარ თანხის გადარიცხვა შესაძლებელია, თუ ეს ხელშეკრულებით იქნება განსაზღვრული. საქართველოს კანონის, სახელმწიფო შესყიდვების შესახებ თანახმად: „შემსყიდველი ვალდებულია: საქონლის მიწოდების, სამუშაოს შესრულებისა და მომსახურების გაწევისთანავე აუნაზღაუროს მიმწოდებლებს საქონლის, სამუშაოსა და მომსახურების ღირებულება, თუ ხელშეკრულებით სხვა რამ არ არის გათვალისწინებული“. მოწოდებული დოკუმენტებიდან ირკვევა, რომ მონადირეთა ჯგუფის ხელმძღვანელს ნიკოლოზ გობრონიძესა და ოზურგეთის მერიას შორის 2018 წლის 14 აპრილს დადებული ხელშეკრულება #55 არ ითვალისწინებს წინასწარ თანხის გადახდას. უფრო მეტიც, აღნიშნული ხელშეკრულების 2.4. პუნქტში ნათქვამია: „ანგარიშსწორება მიმწოდებელთან გახორციელდება ეროვნულ ვალუტაში მომსახურების გაწევის შემდეგ... “ . ზემოაღნიშნულიდან გამომდინარე, მონადირეთა ჯგუფისთვის წინასწარ თანხის გადახდა ხელშეკრულების პირობების დარღვევას წარმოადგენს, _ აღნიშნა ჩვენთან საუბრისას ტრაპაიძემ.

_ ბატონო თამაზ, შეიძლებოდა თუ არა მონადირეთა ჯგუფის განცხადება გამხდარიყო წინასწარ თანხის გადარიცხვის საფუძველი?

_ შესაძლებელი იყო. ამას როგორც სახელწიფო შესყიდვების კანონი, ისე დადებული ხელშეკრულებაც ითვალისწინებდა, მაგრამ ამისთვის ხელშეკრულების 10.3 პუნქტის თანახმად, აუცილებელია იგი გაფორმებული იყოს წერილობითი ხელშეკრულების დანართის სახით. არსებულ ხელშეკრულებაში არსად არ არის მითითებული, რომ ხელშეკრულებას ახლავს დანართი. ამასთან, საგულისხმოა ისიც, რომ განცხადება დათარიღებულია 6 თებერვლით, ხოლო ხელშეკრულება გაფორმებულია 14 თებერვალს. ამდენად, ასეთი პირობა ხელშეკრულების ძირითად ნაწილში უნდა ასახულიყო, ხოლო თუ ხელშეკრულების შემდეგ დაიწერა განცხადება, დამატებითი პირობები დანართის სახით უნდა არსებობდეს. ამდენად, აქაც დარღვევასთან გვაქვს საქმე, _ ამბობს თამაზ ტრაპაიძე, რომლის თქმით, ასეთი დარღვევების გამომწვევი მიზეზი ბევრი რამ შეიძლება იყოს:

_ მაგალითად: წლების განმავლობაში არსებული არასწორი პრაქტიკა; დაუდევრობა; კომპეტენციის ნაკლებობა და ა. შ. მიზანმიმართული კანონდარღვევა ნაკლებ სავარაუდოა, რადგან მისი გამოსწორება და კანონის ფარგლებში მოქცევა მარტივ პროცედურას წარმოადგენდა, _ მიაჩნია იურისტს.




 ახალი ამბები
  • "ახლა მთავარია, უმრავლესობის წევრებს ქუჩაში არ აერიოთ წითელი და მწვანე ღილაკები" _ კვაჭანტირაძეახლა მთავარია, უმრავლესობის წევრებს ქუჩაში არ აერიოთ წითელი და მწვანე ღილაკები - ეს განცხადება, დეპუტატმა ზვიად კვაჭანტირაძემ, ყოფილი თანაგუნდელის დავით მათიკაშვილის იმ განმარტების საპასუხოდ გააკეთა, სადაცმათიკაშვილმა განმარტა, რომ კვაჭანტირაძე ვერ გადააყენეს, რადგან წითელი და მწვანე ღილაკები აერიათ.  პარლამენტის სხდომაზე დღეს დიასპორისა და კავკასიის საკითხთა საპარლამენტო კომიტეტის თავმჯდომარის თანამდებობიდან გადაყენების საკითხი დადგა, კვაჭანტირაძის თანამდებობიდან გადაყენებას მხარი დაუჭირა 67-მა დეპუტატმა, მისი თანამდებობიდან გადაყენებისთვის კი, პარლამენტის 76 დეპუტატის მხარდაჭერა იყო საჭირო. კვაჭანტირაძის გადაყენებას მხარი არ დაუჭირა რვა დეპუტატმა. სწორედ ამიტომ, საკითხი ბიუროს სხდომაზე მეორედ დააყენეს. საბოლოოდ კი კვაჭანტირაძემ თანამდებობა საკუთარი სურვილით დატოვა.  ​„როდესაც კენჭისყრა გაიმართა ამ საკითხზე, გავედი პრესასთან და გავაკეთე განცხადება, რომ მე თავად გადავწყვიტე, დავტოვო კომიტეტის თავმჯდომარის თანამდებობა. დღეს ხელმოერედ ჩატარებულა ბიურო, სადაც მე არ დამპატიჟეს, რომ მიმეღო მოწვევა, მაგიდაზე დაგხვდებოდათ ჩემი განცხადება. შემიძლია, ახლა გადმოგცეთ. მადლობა ყველას, რომელბმაც თქვენი სინდისით იხელმძღვანეთ და მიიღეთ, ის გადაწყვეტილება რაც მიიღეს“, – განაცხადა ზვიად ... ...
  • "მე ამ თანამდებობიდან ნებაყოფლობით მივდივარ" - ზვიად კვაჭანტირაძე გადადგა"მე ამ თანამდებობიდან ნებაყოფლობით მივდივარ," - ეს განცხადება უმრავლესობის ყოფილმა წევრემა, ზვიად კვაჭანტირაძემ, სესიაზე გააკეთა და დიასპორის საკითხთა კომიტეტის თავმჯდომარემ თანამდებობა დატოვა. ზვიად კვაჭანტირაძემ გადადგომის შესახებ მანამდე განაცხადა, ვიდრე ირაკლი კობახიძე მისი გადაყენების საკითხს კენჭისყრაზე მეორედ გამოიტანდა. „ჩემი მხრიდან საკითხი ამოწურულია, ჩათვალეთ, რომ მე ნებაყოფლობით ვარ წასული ამ თანამდებობიდან,“ - განაცხადა კვაჭანტირაძემ. საპარლამენტო უმრავლესობიდან წასული ზვიად კვაჭანტირაძე დიასპორისა და კავკასიის საკითხთა კომიტეტის თავმჯდომარეობიდან პირველ კენჭისყრაზე ვერ გადააყენეს. ქვორუმისთვის 76 დეპუტატის ხმა იყო საჭირო, კვაჭანტირაძის გადაყენებას მხარი მხოლოდ 67-მა დეპუტატმა დაუჭირა. როგორც საპარლამენტო უმრავლესობის წევრებმა განმარტეს, სესიაზე ტექნიკური ხარვეზი მოხდა - დეპუტატებს წითელი და მწვანე ღილაკები აერიათ. ამის შემდეგ პარლამენტის თავმჯდომარეს სესიაზე კვაჭანტირაძის გადაყენების საკითხის მეორედ უნდა დაეყენებინა, თუმცა, კვაჭანტირაძემ განმეორებით კენჭისყრამდე გადადგომის შესახებ თავად განაცხადა. კვაჭანტირაძემ მადლობა გადაუხადა ყველა იმ ყოფილ თანაგუნდელს, რომელმაც მის გადაყენებას მხარი არ ... ...
  • „ოცნებისა“ და „ნაცმოძრაობის“ მიზანია, ამომრჩეველი საკუთარ პარტიებში ნახირივით შეტენოს“_ ხუხაშვილი„ქართული ოცნებისა“ და „ნაციონალური მოძრაობის“ მიზანია, ამომრჩეველი, რომელსაც არცერთი პარტია მოსწონს, არჩევანის გარეშე დატოვოს და ნახირივით საკუთარ პარტიებში შეტენოს, ეს უნდა დამთავრდეს“, _ აღნიშნა „გურია ნიუსთან“ პოლიტოლოგმა გია ხუხაშვილმა. ხუხაშვილმა უზენაესი სასამართლოს მოსამართლეების არჩევის წესთან დაკავშირებით პარლამენტის თავმჯდომარის, ირაკლი კობახიძის მიერ ინიცირებული კანონპროექტის შესახებ განაცხადა, რომ ინიციატივა ოდიოზური მოსამართლეების ინტერესების გატარებას ემსახურება. _ ბატონო გია,  სამოქალაქო სექტორისა და ოპოზიციის მწვავე პროტესტის მიუხედავად, „ქართული ოცნება“  პარლამენტის თავმჯდომარის მიერ ინიცირებულ კანონპროექტს მხარდაჭერას უცხადებს. არასამთავრობო ორგანიზაციები ინიციატივის ნაკლოვანების შესახებ საუბრობენ, მათი აზრით, აღნიშნული კანონპროექტი იუსტიციის უმაღლეს საბჭოში არსებულ კლანს შესაძლებლობას აძლევს, უმაღლესი ინსტანციის მოსამართლეთა კანდიდატებად მათთვის სასურველი ადამიანები დაასახელონ. თქვენი აზრით, აღნიშნული ინიციატივა სასამართლო სისტემაში არსებული გამოწვევების ფონზე, რამდენად მართლზომიერად შედგენილია? _ ხელისუფლებამ საზოგადოების ნების საწინააღმდეგო არჩევანი მაშინ გააკეთა, როცა ოდიოზურ მოსამართლეებს გაურიგდა. ირაკლი კობახიძის მიერ ინიცირებულ კანონპროექტში, ბუნებრივია, არსად წერია, რომ ინიციატივა სასამართლო სისტემაში გაბატონებულ კლანზეა მორგებული, მაგრამ ვხედავთ, რომ კანონპროექტი ოდიოზური მოსამართლეების ინტერესების გატარებას ემსახურება. ხელისუფლებისთვის სასიცოცხლო ამოცანად იქცა მართლმსაჯულების სისტემაში კოლექტიური მურუსიძეების შენარჩუნება, რაც „ქართული ოცნების“ პოლიტიკურ მომავალზე, ბუნებრივია, დადებითად ვერ აისახება.   _ საქართველოს პრეზიდენტი, სალომე ზურაბიშვილი, რომლის აზრით, სასამართლო  სისტემის მიმართ საზოგადოების მაღალი ნდობა უნდა არსებობდეს, ირაკლი კობახიძის ინიციატივასთან დაკავშირებით კომენტარს არ აკეთებს. როგორ ფიქრობთ, რა არის ამის მიზეზი? და ასევე, თქვენი აზრით, პრეზიდენტი ღიად რატომ არ საუბრობს მართლმსაჯულების სისტემაში არსებული პრობლემების შესახებ? _სალომე ზურაბიშვილს მისთვის მოსახერხებელი პოზიცია აქვს არჩეული. რაზეც არ უნდა კომენტარის გაკეთება, ამბობს, ჩემს კომპეტენციაში არ არისო, რაც არის სტატუსით და კაბინეტით, მოგზაურობითა და მარშუტით კმაყოფილი ადამიანის საქციელი. ზურაბიშვილს, რომელიც არაფერს აკეთებს (მთავარია, არაფერი გააფუჭოს), ერთადერთ რამეს ვურჩევდი, გარდერობი განაახლოს.   _ აშშ-ის სახელმწიფო დეპარტამენტის დასკვნას, რომელშიც ყურადღება სასამართლო სისტემაში არსებულ  კლანურ მმართველობაზეა გამახვილებული, იუსტიციის უმაღლესი საბჭოს წევრებმა არასამთავრობო ორგანიზაციების ფანტაზიები და ჭორები უწოდეს. გასათვალისწინებელია ის გარემოება, რომ აშშ-ს სახელმწიფო დეპარტამენტის თვალში ამგვარი განცხადებები საქართველოს მართლმსაჯულების სისტემას კიდევ უფრო აკნინებს. თქვენ როგორ აღიქვით  მწვავე დასკვნასთან დაკავშირებით იუსტიციის უმაღლესი საბჭოს წევრების განცხადებები? _ როგორც ჩანს, იუსტიციის  უმაღლეს საბჭოში ძალიან ნიჭიერი ხალხი გვყავს. საქმე გვაქვს საბჭოს წევრების მიერ გამოთქმულ აბსოლუტურად კატასტროფულ აზროვნებასთან. ყველაზე ბნელ პერიოდშიც კი საჯარო პირისგან ასეთი ტიპის განცხადებების გაკეთება წარმოუდგენელი იყო. იუსტიციის უმაღლესი საბჭოს წევრები ამ განცხადებებით არასამთავრობო ორგანიზაციებს კი არა აყენებენ შეურაცხყოფას, არამედ აშშ-ს სახელმწიფო დეპარტამენტს.   _მიუხედავად იმისა, რომ რუსთაველის გამზირზე  „თიბისი ბანკის“ აიტისამსახურმა კიბერთავდამსხმელების ჯგუფს მიაკვლია და მასალები შს სამინისტროს გადასცა, ბანკის მიმართ ხუთი თვის წინ განხორციელებულ კიბერშეტევის შესახებ  საგამოძიებო უწყებას დამნაშავეები არ გამოუვლენია. როგორ ფიქრობთ, საგამოძიებო უწყება განძრახ აჭიანურებს გამოძიებას თუ საქმის დაუსრულებლობას საფუძვლად ობიექტური მიზეზები უდევს? _აღნიშნულ საქმესთან დაკავშირებით შს მინისტრის მოადგილის განცხადება საკმაოდ არადამაჯერებელი იყო. ჩვენთვის კარგად ცნობილია, რომ „თიბისი ბანკის“ დამფუძნებელმა მამუკა ხაზარაძემ ასეთი სერიოზული დანაშაულის შესახებ შს სამინისტროს თავად აცნობა, საიდანაც სრული იგნორი მიიღო. როცა საზოგადოება აღნიშნულზე აქტიურად საუბრობს და სამინისტრო კვლავ გაუგებარ განცხადებებს აკეთებს, ბუნებრივია, საქმესთან დაკავშირებით დამატებითი კითხვები ჩნდება. ფაქტია, რომ სამინიტრო აღნიშნული საქმის გამოძიებას ... ...
  • „წითელზე უნდა დაეჭირათ თუ მწვანეზე, აერიათ" _ მათიკაშვილი კვაჭანტირაძის გადაყენებაზეპარლამენტის იურიდიულ საკითხთა კომიტეტის თავმჯდომარის პირველი მოადგილე დავით მათიკაშვილი ტექნიკურ პრობლემას უკავშირებს იმ ფაქტს, რომ პლენარულ სხდომაზე ზვიად კვაჭანტირაძის დიასპორისა და კავკასიის საკითხთა საპარლამენტო კომიტეტის თავმჯდომარის თანამდებობიდან ​გადაყენებისთვის საჭირო ხმები ვერ მოგროვდა. „წითელზე იყო ხელი მისაჭერი თუ მწვანეზე, ეს გახდა გარკვეული პრობლემა. კომიტეტიდან გაწვევა და კომიტეტის თავმჯდომარეობიდან მოხსნის საკითხი, მადლობა ღმერთს, პარლამენტის ყოველდღიური საქმიანობა არ არის. შესაბამისად, იყო ტექნიკური გაუგებრობა. ცხადია, უმრავლესობის გადაწყვეტილება არის კვაჭანტირაძესთან დაკავშირებით მიღებული და ეს იქნება რეალიზებული, ეს არის პოლიტიკური გადაწყვეტილება, კომიტეტის თავმჯდომარის საკითხი არის პოლიტიკური გადაწყვეტილება და შესაბამისად, უმრავლესობას აქვს პასუხისმგებლობა ქვეყანაში პოლიტიკური პროცესების განვითარებაზე. სწორედ ის იღებს გადაწყვეტილებას, ვინც იქნება კონკრეტული კომიტეტის თავმჯდომარე. ეს საკითხი დაისვა მას შემდეგ, რაც ბატონმა ზვიადმა დატოვა უმრავლესობის რიგები. ანალოგიურად, ხვალ მე რომ გავიდე უმრავლესობიდან, უნდა დავტოვო ის თანამდებობები პარლამენტში, რაც მიკავია“, – განაცხადა დავით ... ...
  • 67 მომხრე, 8 წინააღმდეგი _ კვაჭანტირაძე კომიტეტის თავმჯდომარეობიდან ვერ გადააყენეს67 მომხრე, 8 წინააღმდეგი - ზვიად კვაჭანტირაძე დიასპორისა და კავკასიის საკითხთა კომიტეტის თავმჯდომარეობიდან ვერ გადააყენეს. საკანონმდებლო ორგანოში კენჭისყრა რამდენიმე წუთის წინ გაიმართა.კვორუმისთვის 76 დეპუტატის ხმა იყო საჭირო. პარლამენტის თავმჯდომარის, ირაკლი კობახძის თქმით, საკითხის განხილვას ორ კვირაში დაუბრუნდებიან.  გადაწყვეტილების მიღებამდე საკითხის განხილვა საგაზაფხულო სესიაზე მწვავე რეპლიკების ფონზე ... ...

არქივი

ზაფრანი

გერმანელებს ჭკვიანი ცოლები არ უნდათ

რამდენიმე დღის წინ გერმანულმა გამოცემამ...

ერთი ვაშლი დღეში სიმსუქნისგან გიხსნით

ცოტა ხნის წინ ამერიკელმა მეცნიერებმა...

სტრესის მოხსნის ყველაზე მარტივი ხერხი

ბრიტანელმა ექიმებმა, რომლებიც ცდილობდნენ ეპოვათ...

ბრედ პიტი - ახალი მოდის კანონმდებელი

ცოტა ხნის წინ ცნობილმა ამერიკელმა...

ბრიუს უილისი პაპარაცის წინააღმდეგ

ცოტა ხნის წინ, ცნობილი ამერიკელი...
კარმიდამო ჩემი

ჟოლო გახდომაში დაგეხმარებათ

ჟოლოს ერთდღიანი დიეტა ორგანიზმს შლაკებისა...

თაფლი მხედველობას აუმჯობესებს

დღეისათვის კომპიუტერთან მუშაობა ჩვეულებრივ ამბად...

თხილის მცენარის დაავადებათა აფეთქება

თხილის დაავადების აფეთქებას ჩვენში მოსახლეობა...

მეფუტკრე და ადრიანი გაზაფხული

გაზაფხულის დადგომისთანავე განსაკუთრებული ყურადღება უნდა...

თხილის დამღუპველ დაავადებას წლევანდელი თბილი ზამთარი ეხმარება

თხილის კულტურას რომ ყოფნა-არყოფნის საფრთხე...

მოვამზადოთ სათესლე მასალა და დახურულ გრუნტში დავთესოთ

სხვადასხვა ბოსტნეულის დათესვა, უმჯობესია, თებერვლის...

სანამ გაგრძელდება მშრომელი ხალხის აბუჩად აგდება?

საქართველოში, დამოუკიდებლობის გამოცხადების შემდეგ, ჩვენ,...

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...