ფიზიკური დაპირისპირება ოზურგეთის გამგეობაში და “ვენოკი“ საკრებულოს მიერ მხარდაჭერილ ინიციატივას

gurianews.com

მთავარი თემა

ფიზიკური დაპირისპირება ოზურგეთის გამგეობაში და “ვენოკი“ საკრებულოს მიერ მხარდაჭერილ ინიციატივას

2017 მაი 18 18:26:21

ოზურგეთის მუნიციპალიტეტის საკრებულოს სხდომა, დღეს სიტყვიერი შეურაცხყოფების, ხმაურისა და დაპირისპირების ფონზე მიმდინარეობდა. ამის მიზეზი გახლდათ, ის რომ ოზურგეთის მუნიციპალიტეტის საკრებულოს მმართველი გუნდის დეპუტატებმა, ფრაქციების “თავმჯდომარეებმა“ , საკრებულოს თავმჯდომარემ და მოადგილემ მხარი ერთხმად დაუჭირეს მთავრობის ინიციატივას, ქალაქ ოზურგეთისა და ოზურგეთის მუნიციპალიტეტების გაერთიანების შესახებ. როგორც საკრებულოს თავმჯდომარე და მოადგილე განმარტავდნენ,  გაერთიანებულ მუნიციპალიტეტებს ბიუჯეტი ექნებათ ორი მუნიციპალიტეტის გაერთიანებული ჯამი და ასევე, დემოკრატიას არ ექმნება საფრთხე. მათი მიერ საკრებულოს სხდომაზე გაკეთებული განცხადებები მხოლოდ ერთი შინაარსის იყო.

დავით დარჩია საკრებულოს თავმჯდომარე: “მე, პირადად, მხარს ვუჭერ იდეას  გაერთიანების შესახებ, გაერთიანდება ორი მუნიციპალიტეტი რომელსაც დაერქმევა მერია, ხელმძვანელს აირჩევს მოსახლეობა და იქნება გაერთიანებული მუნიციპალიტეტის, ოზურგეთის  მერი. ახალი ბიუჯეტი იქნება უცვლელი და იქნება დღეს არსებული ორივე მუნიციპალიტეტის ჯამი, არ იქნება ერთი თეთრიც განსხვავება“.

დიმიტრი კვერღელიძე, საკრებულოს თავმჯდომარის მოადგილე: “შეერთების შემთხვევაში არანაირი საფრთხე არ დაემუქრება ბიუჯეტს და რაც ყველაზე მთავარია,  რატომ უნდა ვიყო წინააღმდეგი, როცა გადაიხედება ტრასნფერის ფორმულა, ვერ მივიღებ ვერანაირ კრიტიკას, რომელიც მესმის ისეთი ადამიანებისგან, ვინც გუშინ და გუშინწინ ხელისუფლებაში იყვნენ.  სირცხვილია, როცა გამოდიან ვითომ მაღალი დონის ექსპერტები და საუბრობენ, რომ თურმე 5 მილიონის დასაზოგად კეთდება ეს, ამ პროექტზე მხარდაჭერით მეტი პრობლემა მოგვარდება, აბსოლუტურად გათვიცნობიერბული ვარ და ვუჭერ მხარს“.

გოჩა კილაძე, ფრაქცია“ ქართული ოცნება“ თავმჯდომარე :  “მინდა მოგახსენოთ, რომ შემოთავაზებული ინიციატივა განხილული იქნა ფრაქციის მიერ და ვფიქრობთ, რომ ხალხის კეთილდღეობაზე იქნება ორიენტირებული, დემოკრატიას არანაირი საფრთხე არ ემუქრება და სრული მხარდაჭერა გვაქვს აღნიშნული ინიციატივის მიმართ“.

ბონდო ღლონტი, ფრაქცია “ქართული ოცნება ეროვნული ფორუმი“: “მხარს ვუჭერთ მუნიციპალიტეტების გაერთიანებას“.

ალიკა გოგოძე, ფრაქცია “ჩვენ ოზურგეთი“: “ ჩვენ მხარს ვუჭერთ აღნიშნულ პროექტს“.

თეიმურაზ ბურჭულაძე, „კოალიცია ქართული ოცნება-კონსერვატორები“:  „მხარს ვუჭერთ მუნიციპალიტეტების გაერთიანებას“.

მმართველი გუნდის შემდეგ თავიანთი პოზიციები დააფიქსირეს ოპოზიციონერმა დეპუტატებმა და ფრაქციის თავმჯდომარეებმა:

დავით მჟავანაძე, “ნაციონალური მოძრაობა“: “ეს არის კიდევ ერთი უპასუხისმგებლო და მავნებლური გადაწყვეტილება ხელისუფლების მიერ, ერთადერთი რეფორმა იყო , თქვენი ხელსუფლების ყოფნის დროს, როცა ჩაატარეთ ეს თვითმმართველობის რეფორმა, თურმე ეს ყოფილა პროექტი და არა რეფორმა, რომელიც უკვე მიუღებელი აღმოჩნდა, გააუქმეთ ა(ა)იპ-იები, სადაც თანამშრომლებს ყავის სმაში ვუხდით ხელფასს“.

ლადო ვადაჭკორია,  „რესპუბლიკური პარტია: “მხარს არ ვუჭერთ ამ პროექტს“

მიხელი გოგოტიშვილი, “ ევროპული საქართველო“_ “ჩვენ მხარს არ ვუჭერთ ამ პროექტს, დავფიქრდეთ კიდევ, რაც უფრო ახლოა ხალხთან თვითმმართველობა უკეთესად იჭრება პრობლემები, ნუ მივიღებთ ნაჩქარევ გადაწყვეტილებას“.

საკრებულოს წევრებს შორის სიტყვიერი დაპირისპირება და შეურაცხყოფა, ლამის ფიზიკურ დაპირისპირებაში გადაიზარდა. მმართველი გუნდის წევრები განსაკუთრებით, შეურაცხმყოფელი სიტყვებით “ნაციონალური მოძრაობის“ დეპუტატების მიმართავდნენ.

თავიანთი პოზიციები დააფიქსირეს ოზურგეთში არსებულმა არასამთავრობო სექტორის წარმომადგენლებმა: ლევან მჟავანაძემ, თამაზ ტრაპაიძემ, ზვიად ერაძემ, გრიგოლ მახარაძემ, რომლებმაც საკრებულოს დეპუტატებს მეტი დაფიქრებისკენ მოუწოდეს, პროტესტი გამოხატეს მთავრობის ინიციატივის მიმართ  და საკრებულოს წევრებს სთხოვეს, არ მიეღოთ ნაჩქარევი გადაწყვეტილება.

საკრებულოს სხდომაზე თავისი პოზიცია დააფიქსირა ექსპერტმა თვითმმართველობის საკითხებში კოკა კიღურაძემ:

“თქვენ თუ ამ გადაწყვეტილებით  მხარს დაუჭერთ მთავრობის ინიციატივას, ხაზს გადაუსვამთ თქვენს მოღვაწეობას, ფაქტობრივად, ამბობთ, რომ ამ სამი წლის განმავლობაში ვერაფერი ვერ გააკეთეთ. ხელისუფლებაში მყოფ პირებს აქვთ სერიოზული ბოღმა იმ ადამიანების მიმართ, ვინც აშენებდა თვითმართველობას საქართველოში. ეს საკითხები გაირკვევა, ურემიც გადაბრუნდება და მერე  გამოჩნდება გზა და   დამერწმუნეთ, რომ ყველას შეგრცხვებათ თქვენი საქციელის გამო!  თქვენ, ადრე ყველას  პატარა ბიძინებს გეძახდნენ. რაც თქვენ გადმოგეგზავნათ, ეს არ არის საბოლოოდ შეთანხმებული ვერსია, ამას ძალიან დიდი ვნებათაღელვა მოჰყვება, ნუ დაასწრებთ მოვლენებს, გაქვთ 20-დღიანი ვადა და ჩაატარეთ კონსულტაციები მოსახლეობასთან, გამოიყენეთ მექანიზმები“, _ თქვა კიღურაძემ.

საკრებულოს თავმჯდომარის მოადგილე დიმიტრი კვერღელიძე არასამთავრობო სექტორის წარმომადგენლების მიერ გაკეთებულმა განცხადებებმა გააღიზიანა და  მათ არაკვალიფიციურები უწოდა.

არასამთავრობო სექტორის წარმომადგენლებსა და საკრებულოს თავმჯდომარეს შორის რეპლიკები არ ცხრებოდა, მათ დიმიტრი კვერღელიძეს შეურაცხყოფის მიყენებისთვის მადლობაც გადაუხადეს:

დიმიტრი კვერღელიძე: “ერთი არგუმენტი  დამისახელეთ,  რატომ არ უნდა შეერთდეს. რა გაკავშირებთ  ამ არასამთავრობოებს ეს არ მაინტერესებს, არგუმენტი დამისახელეთ, ნუ აყენეთ ჩემს კოლეგებს შეურაცხყოფას, არაკვალიფიციურები ხართ თავიდან ბოლომდე!“

კოკა კიღურაძე: “თვითმმართველობა ყველას უნდა ჰქონდეს საკუთარი! ეს არის დასახლების უფლება“.

გრიგოლ მახარაძე: “თქვენთვის, არცერთი  დეპუტატისთვის, ქალაქის ამომრჩეველს მანდატი არ მოუცია, როგორ წყვეტთ ქალაქის საკითხს, როცა ქალაქს არ უმსჯელია ამაზე, მე წარმოვადგენ არასამთავრობოებს“.

“დიმიტრი კვერღელიძე: “არაკვალიფიციური ხარ, ჩვენ ბავშვები არ ვართ, ნუ გვასწავლი ვინ აგვირჩია“, ერთი წუთით განმარტე ვის წარმოადგენთ, ქალაქში ცხოვრობ და აქ კი ნუ ლაპარაკობ, წადი და ქალაქის საკრებულოში ისაუბრე“.

თამაზ ტრაპაიძე:  “ეს გადაწყვეტილება იქნება ძალიან მნიშვნელოვანი. ასეთი მნიშვნელოვანი შეიძლება არც მიუღია დღემდე ამ მოწვევის საკრებულოს, ამიტომ დაფიქრდით“.

ლევან მჟავანაძე:_“ თქვენ დღეს იღებთ პოლიტიკურ გადაწყვეტილებას, პრინციპულად ჩაატარეთ დღეს საკრებულოს სხდომა, ჯერ ქალაქში უნდა ჩატარებულიყო, ნუ მიიღებთ ნაჩქარევ გადაწყვტილებას“.

სხდომის ბოლოს ოზურგეთის მუნიციპალიტეტის გამგებელმა მერაბ ჭანუყვაძემ განმარტა, თუ რატომ გახდა აუცილებელი ორი მუნიციპალიტეტის გაერთიანება:

“განსაკუთრებულად მინდა განვუმარტო საზოგადოებას _ ის, რასაც დღეს ჩვენი ქვეყნის ხელისუფლება ახორციელებს, არის საზოგადობის საკეთილდღეოდ მიმართული. თქვენი გამოსვლებიდან გამომდინარე, გიპასუხებთ, რომ აქ არ არის საუბარი ქალაქის გაუქმებაზე, არც მსგავსი ტიპის ღონისძიებებზე. დააკვირდით წერილს,  სწორად ავუხსნათ საზოგადოებას და არა ისე, როგორც ჩვენი ოპონენტები თავიანთ საკეთილდღეოდ იყენებენ და ზოგიც კიდევ თავის საქმიანობისთვის, ვგულისხმობ არასამთავრობოებს. ქალაქ ოზურგეთის მუნიციპალიტეტს, სხვა განვითარების შანსი აღარ ჰქონდა. გეოგრაფიული მდებარეობიდან გამომდინარე, ქალაქი ოზურგეთი თემების გარეშე  ვეღარ განვითარდებოდა“.

სხდომის დასრულების შემდეგ ხმაური და დაპირისპირება გამგეობის შესასვლელში გაგრძელდა.

მოქალაქე ნათია ვაშალომიძემ და ექსპერტმა კოკა კიღურაძემ გადაწყვიტეს პროტესტის სხვა ზომებისთვის მიემართათ _ მათ სამგლოვიარო თაიგულით პატივი მიაგეს საკრებულოს სხდომაზე მხარდაჭერილ ინიციატივას, რასაც დაპირისპირება მოჰყვა.

არცერთ მათგანს, მათ შორის ენმ-ს ოზურგეთის ლიდერს დავით მჟავანაძეს გამგეობის შესასვლელში მყოფმა დაცვამ თავისუფლად გადაადგილების საშუალება არ მისცა, რასაც ფიზიკური დაპირისპირება მოჰყვა.

ინციდენტის დასრულების შემდეგ კოკა კიღურაძემ კრიმინალურ პოლიციას მიმართა და ადგილობრივი ჩინოვნიკებისგან ბოდიშის მოხდა მოითხოვა.

“ჩვენს კითხვაზე“ თუ რატომ არ მიეცათ შენობაში თავისუფლად გადაადგილების საშუალება საზოგადობის წარმომადგენლებს, საკრებულოს თავმჯდომარის მოადგილემ  დიმიტრი კვერღელიძემ განმარტა, რომ ის ამის შესახებ ინფორმაციას არ ფლობდა, თუმცა ჩვენი აუდიოჩანაწერიდან ნათლად ჩანს, თუ როგორ აძლევს მითითებას სწორედ  კვერღელიძე პრესსამსახურის წარმომადგენელს, რომ არ თაიგულით, აღნიშნული პირები შეეშვათ შენობაში.

 

 

 

 

 

 

 

 


ნახვა: 406


 ახალი ამბები
  • საქართველოს მართლმადიდებელი ეკლესია სულთმოფენობის დღესასწაულს აღნიშნავსდღეს, საქართველოს მართლმადიდებელი ეკლესია სულთმოფენობის დღესასწაულს აღნიშნავს. ამ დღეს ყველა მოქმედ ტაძარში წირვა აღევლინება, მორწმუნეები სულთმოფენობის დღესასწაულს, აღდგომიდან  50-ე დღეს ზეიმობენ. ამ დღეს მაცხოვრის მიერ დაპირებული სულიწმინდა,  ცეცხლის ენების სახით გარდამოვიდა მოციქულებსა და მორწმუნეებზე, თითოეული მათგანი კი სულიწმინდის მადლით აღავსო. „გარდამოხდა ზეცით ნუგეშინისმცემელი იგი, ზღუდე სიმტკიცისაი და წმიდა-მყოფელი ეკლესიათაი, და მოღვაწეი იგი სულთაი, შემწეი იგი სულთაი, შემწეი ჭირვეულთაი, განმანათლებელი შეცდომილთაი, გვირგვინის მომცემელი იგი მოღვაწეთაი“... სადღესასწაულო მსახურებას საქართველოს კათოლიკოს პატრიარქი ილია მეორე სამების საკათედრო ტაძარში ... ...
  • გიორგი კვირიკაშვილი: მინდა მადლობა გადავუხადო კახა კახიშვილს შესრულებული სამუშაოსთვის (R)„საქართველო შეირჩა როგორც ქვეყანა, რომელმაც კონკრეტულ, მნიშვნელოვან შედეგებს მიაღწია ადამიანის უფლებათა განმტკიცების პროცესში და ამ მიმართულებით, განაგრძობს ძალისხმევას. აღსანიშნავია, რომ საქართველო რეგიონში იქნება ერთადერთი სახელმწიფო, რომელიც ევროკავშირის ამ ინიციატივაში მიიღებს მონაწილეობას. ევროკავშირის სპეციალურმა წარმომადგენელმა რეკომენდაციის სახით თავად გამოყო ის სფეროები, რომელთა გატანაც, მისი მოსაზრებით, შესაძლებელია „ექსპორტზე“, მათ შორის ერთ- ერთი არის პენიტენციურ დაწესებულებებში გატარებული რეფორმები და წამებისა და სხვა არასათანადო მოპყრობის აღმოფხვრა.“- ამის შესახებ საქართველოს პრემიერ- მინისტრმა გიორგი კვირიკაშვილმა მთავრობის სხდომაზე განაცხადა.  პრემიერ მინისტრმა სასჯელაღსრულებისა და პრობაციის მინისტრს კახა კახიშვილს პენიტენციურ სფეროში გაწეული სამუშაოთვის და რეფორმების აღიარებისთვის მადლობა გადაუხადა. „მინდა მადლობა გადავუხადო კახა კახიშვილს შესრულებული სამუშაოსთვის, მის მიერ ჩატარებული რეფორმების აღიარებისთვის. ამ ინიციატივაში საქართველოს მიწვევა არის ძალიან მნიშვნელოვანი მოვლენა ჩვენი ქვეყნის ევროპული ინტეგრაციის გზაზე და მნიშვნელოვნად შეუწყობს ხელს ჩვენი ქვეყნის პოზიტიურად წარმოჩენას, პოზიციების განმტკიცებას საერთაშორისო ასპარეზზე. მოხარული ვარ, რომ გვექნება შესაძლებლობა სხვა ქვეყნებს გავუზიაროთ ჩვენს მიერ გატარებული რეფორმების პოზიტიური მაგალითები“.- განაცხადა პრემიერმა. გიორგი კვირიკაშვილმა აღნიშნა, რომ სულ ცოტა ხნის წინ შედგა საქართველოში ევროკავშირის სპეციალური წარმომადგენლის ვიზიტი, რომელიც კიდევ ერთი დასტურია -ადამიანის უფლებათა საკითხებში საქართველოს მიერ მიღწეული პროგრესის. „ევროკავშირის სპეციალური წარმომადგენლის სტავროს ლამბრინიდისის მიერ საქართველოში ვიზიტის დროს წარმოდგენილი ინიციატივის - ,,ადამიანის უფლებების დაცვის პოზიტიური მაგალითები“ (Good Human Rights Stories) ფარგლებში, საქართველომ სხვა წარმატებულ 15 ქვეყანასთან ერთად მიიღო წინადადება, მთელს მსოფლიოში, სახელმწიფოებს გაუზიაროს საკუთარი გამოცდილება. - აღნიშნა პრემიერმა. ... ...
  • საჯავახოზე მომხდარ ავარიას მამაკაცის სიცოცხლე ემსხვერპლაცოტა ხნის წინ, ავტოავარია მოხდა ჩოხატაურში, ე.წ. საჯავახოს უღელტეხილზე. როგორც თვითმხილველებმა გვითხრეს, ერთმანეთს ორო ავტომობილი შეეჯახა. შეჯახების შედეგად ჩოხატაურელი მამაკაცი, სოფელ შუა ამაღლებაში მცხოვრები ნ.კ. ემსხვერპლა. მომხდარზე უკვე დაწყებულია ... ...
  • ავარიის გამო წეროვანთან რამდენიმე კილომეტრიანი საცობიაამ წუთებში მოძრაობა შეჩერებულოა ავტობანზე. წეროვნთან მომხდარი ავარიის გამო გზაზე რამდენიმეკილომეტრიანი საცობია. როგორც "გურია ნიუსს" თვითმხილველებმა უთხრეს, მსუბუქი ავტომობილი სამარშუტო მიკროავტობუსს დაეჯახა, რის შემდეგაც მსუბუქი მიკროავტობუსი, რომელშიც მგზავრები ისხდნენ, საპირისპირო გზაზე მომავალ სატვირთოს დაეჯახა. შემთხვევას მსხვერპლი არ მოჰყოლია. ადგილზე ამ წუთებში საპატრულო პოლიციის ეკიპაჟაჟებია ... ...
  • „ერეკლე მეფის ჩამოყვანილი ივანოვი ვარ და საქართველოზე ვმღერი“ _ოზურგეთული ზეიმის წინა ქრონიკადღეს, დილაადრიან, ოზურგეთში, საქართველოს დამოუკიდებლობის 100 წლის იუბილესთან დაკავშირებული ზეიმის დაწყებამდე,  ქალაქის  ერთ-ერთ ცენტრალურ   ადგილას, ღია ცის ქვეშ,  ორი   მამაკაცის  კარგად შეწყობილი  სიმღერა _ „ქართველო,  ხელი ხმალს იკარ“ _ ისმოდა. როცა მივუახლოვდი, ერთმა სასწრაფოდ შეწყვიტა სიმღერა: „უკვე სურათი გადაგვიღე? ასკანელი კაცი ვარ, მზიანში ვცხოვრობ, ივანოვი ვარ გვარად. აბა, ივანიშვილობა ღმერთმა დამიფაროს.  იცი, როდიდან ვარ საქართველოში? ერეკლე მეფემ რომ თათრების წინააღმდეგ  საბრძოლველად გამოგვიძახა.  მე ქართველი ვარ, სიმღერას სახალხო ლოტბარი ჯემალ ჭელიძე მასწავლიდა. ვიმღერებ კიდევ ცოტა ხანს, მერე კი წავალ და ხვალიდან ასკანაში შრომას შევუდგები. აბა, რავა გგონია... ჰარალალე,   ,,თოფი ვერაფერს დამაკლებს, თუ ხელში ხმალი მიჭირავს“... „ ჰე, ჩემო ლამაზო სამშობლო, შენ კი გენაცვალე“ _ ასე, საუბარის და სიმღერის მონაცვლეობით, კითხვის დაუსმელად გაგვეცნო  ასკანელი ტარიელ ივანოვი. _ ბატონო ტარიელ, ივანიშვილობა რატომ დაგიფაროთ ღმერთმა? _ რატომ  გეღიმებათ? იმიტომ, რომ პუტინი მეორე  ჰიტლერია. ვერც „ედიკამ“ გააგდო აქიდან, ვერც _ მიშამ და ვერც აი ივანიშვილი უშობა რამეს, ძაან ყველაფერს რომ გვპირდებოდა.   ვინც საქართველოს  დამოუკიდებლობას ებრძვის, არავინ მიყვარს.  მე მიყვარს მეფე ერეკლე და საქართველო... აგერ, ჩემ წინ რომ კაცი ზის, თემურ შათირიშვილი, ჩემზე უკეთ თუ არა, ნაკლებად არ მღერის. ჩვენ ასე აღვნიშნეთ ამ დილით ჩვენი საქართველოს დამოუკიდებლობის  100 წლის იუბილე. გაუმარჯოს ჩვენს ქვეყანას, _ გვითხრა ტარიელ ივანოვმა და კვლავ გააგრძელა ... ...

არქივი

ზაფრანი

აღმოჩენა, რომელმაც, შესაძლოა, შეცვალოს მსოფლიო ისტორია

დინოზავრის სახეობამ, რომელის ნარჩენებიც ცოტა...

საინტერესო ფაქტები ცაციების შესახებ

1) მსოფლიოს მოსახლეობის 10% ცაციაა....

როგორ შეიქმნა დედამიწა

ამერიკის შეერთებულ შტატებში უახლესი კვლევების...

სამოთხის ფრინველი

სამოთხის ფრინველი – ზღაპრულად ლამაზი...

როგორ მოვიპოვოთ წარმატება

იყავით იმ ადამიანების გარემოცვაში, რომლებიც...

წითელი ხახვი კიბოს წინააღმდეგ

იცით თუ არა, რომ წითელი...
კარმიდამო ჩემი

მარტო კაცის დიდი მეურნეობის სავიზიტო ბარათი იხვისა და ბატის ფერმაა

ლანჩხუთის მუნიციპალიტეტის სოფელ სუფსის მკვიდრი...

ევკალიპტი _"ტყეების ალმასი" და მისი ისტორია საქართველოში

ევკალიპტის კულტურას საქართველოში საუკუნეზე ცოტა...

როგორ გადავრგოთ და გავახაროთ ჟოლო

კენკროვანი კულტურები დღეს განსაკუთრებული პოპულარობით...

როგორ გამოვხადოთ თაფლის არაყი

საქართველოში მეფუტკრეობის განვითარების მრავალსაუკუნოვან გზაზე...

მაისში განსაკუთრებით ვიზრუნოთ შეწამვლით სამუშაოებზე

აპრილის ბოლოს, მაისის დასაწყისში, თვის...

როგორ ავიმაღლოთ იმუნიტეტი

იმუნიტეტი ეს არის ორგანიზმის დამცველობითი...

ბროკოლი გულს დაავადებებისგან იცავს

ორთქლზე მომზადებული კომბოსტო ბროკოლი გულის...

ეთნოგრაფიული ნივთების კოლექციონერის მიზნები და გულისტკივილი

დღეს საქართველოში მრავალი ეთნოგრაფიული მუზეუმი...

როდის დავთესოთ და როგორ მოვუაროთ ბოსტნეულს ღია გრუნტში

მარტის ბოლოს და აპრილის დასაწყისში...

შინაური პირუტყვის პროფილაქტიკა საგაზაფხულოდ

გამოზამთრებულ შინაურ პირუტყვს, მსხვილფეხა თუ...

თხილის პირველი საგაზაფხულო წამლობის პრინციპი

ვაგრძელებთ რჩევების მიცემას იმ ადამიანებისთვის...