პოსტკოვიდური სინდრომის კვლევა: “ინგლისში გასაგებია, მაგრამ რა ხდება საქართველოში ხომ უნდა ვიცოდეთ?!“

მთავარი თემა

პოსტკოვიდური სინდრომის კვლევა: “ინგლისში გასაგებია, მაგრამ რა ხდება საქართველოში ხომ უნდა ვიცოდეთ?!“

19 მარ. 2021, 10:39:47

“ძალიან დიდია ინტერესი, რადგან ადამიანებს აწუხებთ ეს და არ იციან, როგორ მოიქცნენ, ვის მიმართონ, რომელ ექიმს, არ იციან, ეს საშიშია, თუ არა; არ იციან, ადრე არსებული ქრონიკული დაავადებების გამწვავებაა, კოვიდის მიერ პროვოცირებული, თუ ორგანოთა სისტემების რაღაც ახალი დაზიანებაა გამოწვეული კოვიდის ვირუსით, რომელიც მანამდე _ კოვიდამდე არ იყო,“ _ ამბობს საქართველოს ერთ-ერთი მთავარი ინფექციონისტი.

მსოფლიოში კოვიდგამოცდილების მძიმე, გრძელმა პერიოდმა აჩვენა, რომ ავადმყოფების ნახევარზე მეტს, სიმპტომები უხანგრძლივდება ან კიდევ, გამოჯანმრთელების შემდეგ, ორი თვის შემდეგაც კი, ხელახლა უჩნდება ახალი სიმპტომები. სწორედ ამის გამო, გაჩნდა ახალი ტერმინები გახანგრძლივებული კოვიდის, პოსტკოვიდური სიმპტომების, პოსტ-კოვიდური სინდრომის ანუ როგორც მეცნიერები უწოდებენ PCS-ის სახით.

თათია ერთ-ერთი მათგანია, რომელმაც კოვიდ-19 გადაიტანა, თუმცა, ორი თვის შემდეგ, მას იგივე სიმპტომები გამოუვლინდა, თანაც, გაცილებით რთული ფორმით.

ცირა წურწუმია 35 წლისაა; კოვიდმა სუნთქვის უკმარისობა, მეხსიერების დაქვეითების პრეცენდენტები დაუტოვა.

ინფექციური საავადმყოფოს ექიმი ალექსანდრე გოგინავა “გურია ნიუსთან“ საუბარში ამბობს, რომ კოვიდის გადატანის შემდგომ, პაციენტთა გარკვეულ და არც თუ ისე მცირე ნაწილში გახანგრძლივებული სიმპტომები _ სისუსტე, ადვილად დაღლა, წნევის ცვალებადობა, ქოშინი, დაბალი ტემპერატურული რეაქცია 37.3 გრადუსამდე, არ არის საშიში და ძირითად შემთხვევებში, ეს სიმპტომები ლაგდება ყოველგვარი ჩარევის გარეშე. თუმცა, არის შემთხვევები, როცა კოვიდის შემდგომი სიმპტომები დინამიკაში მზარდია.

ალექსანდრე გოგინავა | ფოტო: primetime.ge

_ ძირითადად, ისეთ პაციენტებს ურთულდებათ, რომლებმაც კოვიდი მძიმედ გადაიტანეს. ასეთ დროს აუცილებელია, რომ პაციენტმა მიაკითხოს სამედიცინო დაწესებულებას, რათა მისი ჯანმრთელობის მდგომარეობა ხელმეორედ შეფასდეს და თუ საჭიროა, გარკვეული კვლევები და შემდგომ მკურნალობა ჩაუტარდეს.

_ რა შემთხვევაშია საშიში პოსტკოვიდური სიმპტომები?

_ თუ სიმპტომები ხანგრძლივია და აქვს მზარდი ხასიათი. ეს განსაკუთრებით ეხება ხანდაზმულ პაციენტებს, რომლებსაც აწუხებთ სხვადასხვა ფონური დაავადებები და აქვთ მაღალი რისკი, რომ დაავადება მძიმედ განვითარდეს. ამიტომ, თუ სიმპტომები გახანგრძლივდება 3 კვირაზე მეტ ხანს და ექნება მზარდი ხასიათი, მაშინ საშიშია. გართულება ყველა ასაკში შეიძლება შეგვხვდეს, მაგრამ  ძირითადად, შედარებით ხანდაზმულ ასაკში გვხვდება _ 50-60 წლის ზემოთ და პლუს იმ პაციენტებში, ვისაც აქვს სხვადასხვა ქრონიკული დაავადება.

თუ პაციენტს მსუბუქად გადააქვს კოვიდი, ამ შემთხვევაში, მას არანაირი დამატებითი კვლევა არ სჭირდება. მაგრამ, იმ პაციენტებს, ვინც მძიმედ გადაიტანა დაავადება ან არიან ასაკოვნები, ან აქვთ სხვადასხვა ფონური დაავადება, ვურჩევ, რომ იყვნენ ყურადღებით და სიმპტომების გახანგრძლივების შემთხვევაში, აუცილებლად მიმართონ სამედიცინო დაწესებულებებს, თერაპევტებს ან ოჯახის ექიმებს, _ ასეთ რჩევას აძლევს ექიმი კოვიდგადატანილებს.

მსოფლიოში სულ უფრო მეტ ყურადღებას უთმობენ პოსტ კოვიდურ გართულებებს, რადგან ინგლისის მთავრობის მიერ დაფინანსებული ბრიტანული კვლევის მიხედვით, იმ პაციენტების დაახლოებით მესამედი, რომლებიც კორონავირუსის დიაგნოზით საავადმყოფოში მკურნალობდნენ, კლინიკაში ისევ მოხვდნენ.

ოქსფორდის უნივერსიტეტის ბოლო კვლევებმა, რომელიც 240 000-მდე პაციენტის შესწავლას ეფუძნება, აჩვენა, რომ კოვიდგადატანილი პაციენტების 33%-ს ნევროლოგიური დაზიანებები, დემენცია, შფოთვა, პარკინსონის ნიშნები გამოუვლინდა; მათგან 12%-ს ეს სიმპტომები მანამდე საერთოდ არ ჰქონდა; 21%-ს კი, ჩივილები კოვიდის მიერ პროვოცირების მერე გამოუვლინდა.

ამ კვლევებით დგინდება, რომ ხელახალი ჰოსპიტალიზაციის საჭიროება გულთან, თირკმელებთან, ღვიძლთან დაკავშირებული პრობლემების გამო დგება, არის ინფარქტისა და დიაბეტის შემთხვევები. კვლევების თანახმად, ექიმებისთვის ხელახლა მიმართვის და ჰოსპიტალიზაციის მაჩვენებელი 1000 კაცზე 766-ს უტოლდება.

პოსტკოვიდურ სიმპტომებთან დაკავშირებით კვლევა ჩატარდა ამერიკის შეერთებულ შტატებშიც, რომელიც CDC-მ ჩაატარა.

 

 საქართველოში ასეთი სახის კვლევა ჯერ არ ჩატარებულა; მეტიც, უცნობია, ზუსტი სტატისტიკა, რამდენი პოსტ-კოვიდური სინდრომის მქონე პაციენტი მკურნალობს სამედიცინო დაწესებულებებში. დაავადებათა კონტროლის ცენტრის ხელმძღვანელის, ამირან გამყრელიძის თქმით, შემთხვევებს კონკრეტული კლინიკები აღრიცხავენ და ზუსტი მონაცემის დასადგენად, შესაბამისი კვლევების ჩატარება იქნება საჭირო: „ჩვენ გვაქვს გარკვეული ინფორმაცია სამედიცინო სტატისტიკიდან, თუმცა, ეს არ არის საბოლოო ინფორმაცია. დიდი ბრიტანეთის მსგავსი, ასეთი მიზანდასახული კვლევა, რაც ინგლისში ჩატარდა, ჩვენთან არ ტარდება, მაგრამ ე.წ. განმეორებითი ჰოსპიტალიზაცია ჩვენთანაც არის. ვერ გეტყვით, რომ მათგან ყოველი მეათე დაიღუპა და ა.შ. ამ ტიპის კვლევა ჩვენთან არ გაკეთებულა, მაგრამ განმეორებითი ჰოსპიტალიზაციის შემთხვევები ჩვენთანაც არის“.

საქართველოში არათუ სიღრმისეული კვლევა, ერთიანი მონაცემებიც კი არ არსებობს პოსტკოვიდური სინდრომის შესახებ. ცალკეული კლინიკები ცდილობენ, თავად გაუმკლავდნენ ე.წ. “დაბრუნებული პაციენტების“ საჭიროებებს. მაგალითად, ვახტანგ ბოჭორიშვილის კლინიკაში კონკრეტულად პოსტკოვიდური ჩივილების მქონე პაციენტებისთვის შეიქმნა ცალკე განყოფილება, სადაც საშუალოდ 10-15 ადამიანი მუდმივად მკურნალობს. მათი უმრავლესობა საშუალო ასაკის ან ხანში შესული პაციენტია, ქრონიკული დაავადებით, თუმცა კლინიკაში ხვდებიან ახალგაზრდებიც. ბოჭორიშვილის კლინიკის სამეთვალყურეო საბჭოს თავმჯდომარე მაკა სოლოღაშვილი ამბობს: “პოსტკოვიდური ჩივილების მქონე პაციენტების ისტორია მიუთითებს იმაზე, რომ კოვიდი, ძირითადად, სუნთქვით სისტემებს აზიანებს და პაციენტებს, როგორც წესი, ფილტვების, თირკმლების, გულსისხლძარღვთა სისტემასთან დაკავშირებულ პრობლემებს უტოვებს. ბოჭორიშვილის კლინიკის არც ერთი პაციენტისთვის ეს გართულებები ფატალურად არ დასრულებულა“.

“გურია ნიუსი“ ჯანმრთელობისა და სოციალური დაცვის სამინისტროს პრეს სამსახურს დაუკავშირდა, რათა გაეგო, არის თუ არა საქართველოში პოსტკოვიდური კლინიკები, რომელთა გახსნას მთავრობა წლის დასაწყისში აანონსებდა; ასევე, გვაინტერესებდა ფინანსდება თუ არა სახელმწიფოს მიერ კოვიდის შემდგომი გართულებების მკურნალობა. სამწუხაროდ, ვერც ერთ კითხვაზე, ჯერჯერობით, პასუხი ვერ მივიღეთ.

ასევე, ვერ მოვიპოვეთ ოფიციალური სტატისტიკა, მოსახლეობის რამდენ პროცენტშია დადასტურებული კოვიდის შემდგომი გართულებები, რა ასაკობრივ შუალედში და ამ დროისთვის რამდენი პაციენტი მკურნალობს სამედიცინო დაწესებულებებში.

დაავადებათა კონტროლის ცენტრის წარმომადგენელმა “გურია ნიუსს“ უპასუხა, რომ “უწყების ვებ გვერდზე, მეხუთე გამოცემაში ან ყოველდღიურ სტატისტიკაშია ეს ინფორმაცია თავმოყრილი“.

მიუხედავად იმისა, რომ დაწვრილებით დავათვალიერეთ მითითებული ვებ გვერდი, იქ არსებული ყველა სტატისტიკური მასალა, ეს კონკრეტული მონაცემები ვერსად ვიპოვეთ; ან კი, რა აზრი აქვს ინფორმაციის განთავსებას სადმე, თუკი, მას დაინტერესებული პირი ვერ იპოვის და გაეცნობა. საზოგადოებასთან ურთიერთობის სამსახურების პირდაპირი მოვალეობაა, რომ მოქალაქეებს, მათ შორის ჟურნალისტებსაც საჭირო ინფორმაციის მოძიებაში დაეხმარონ; ამიტომ, იმედს ვიტოვებთ, ცენტრის შესაბამისი პროფილის თანამშრომლები, შემდგომში, სტატისტიკური მონაცემების მოძიებაში დაგვეხმარებიან, თუკი ასეთი მონაცემები საერთოდ არსებობს...

11 თებერვალს, ინფექციური პათოლოგიისა და შიდსის ცენტრის გენერალურმა დირექტორმა თენგიზ ცერცვაძემ მედიას აცნობა, რომ მისი გუნდი პოსტკოვიდური სინდრომის დიაგნოსტიკაზე, კვლევასა და მკურნალობის პროგრამაზე იწყებს მუშაობას.

თენგიზ ცერცვაძე

თენგიზ ცერცვაძე: “ახლა, როცა პაციენტი მოგვმართავს ჩვენ და სხვა კლინიკებს, ყველა ექიმი თავისი სტილით და შეხედულებისამებრ უტარებს რაღაც კვლევას და რაღაც მკურნალობას, რაც არ არის სწორი. შეიქმნება კვლევების ფართო ჩამონათვალი და ყველა ამ გამოკვლევას ჩაატარებს ყველა ის კლინიკა, რომელიც სელექციური კონტრაქტირებით მოხვდება ამ სახელმწიფო პროგრამაში, ანუ იქნება ერთიანი მიდგომა და პაციენტებისთვის, მეტწილად, უფასო მომსახურება“.

ბატონი თენგიზი სამკურნალო გაიდლაინის აუცილებლობაზეც საუბრობდა, თუმცა, დროის დაზოგვის მიზნით, საქართველოს მასშტაბით, ჯერ უფასო სახელმწიფო პროგრამის ამუშავებას აანონსებდა:

გაიდლაინი იქნება ყველაზე მრავალმხრივი, რადგან შევა უამრავი სინდრომი. ბიუროკრტიულად გაიდლაინის შედგენა არის რთული პროცესი, ამიტომ ვერ დავუცდით გაიდლაინს. თუ რამე განსხვავებები იქნება, პროგრამა მოერგება გაიდლაინს“ (წყარო: “რადიოთავისუფლება“). ამავე წყაროსთან, თენგიზ ცერცვაძე საუბრობს, რომ უმჯობესი იქნებოდა ჯერ კვლევა ჩატარებულიყო, გაიდლაინი შემდგარიყო და სახელმწიფო პროგრამა ამ ყველაფერს დაყრდნობოდა, მაგრამ...

თენგიზ ცერცვაძე: კვლევით გავიგებთ, კოვიდგადატანილების რამდენ პროცენტს უვითარდება სინდრომი - ინგლისში გასაგებია, მაგრამ რა ხდება საქართველოში, ხომ უნდა ვიცოდეთ? რამდენია ქალი, კაცი, როგორია ასაკობრივი განაწილება, როგორი გართულებები მოჰყვება - ნევროლოგიური, გულსისლხძარღვთა თუ სხვა.

ეს საჭიროა იმისთვის, რომ ხარისხიანი სამედიცინო სერვისი შევთავაზოთ პაციენტებს. უკეთესი იქნებოდა ჯერ კვლევა ჩატარებულიყო და ამის საფუძველზე შემდეგ პროგრამა ამოქმედებულიყო, მაგრამ, როგორც გითხარით, დრო უნდა და ამას ვერ დავუცდით“.

კვლევა ინფექციური პათოლოგიისა და შიდსის ცენტრის ბაზაზე, სხვა შესაბამისს ინსტიტუტებთან ერთად უნდა ჩატარებულიყო, ხოლო კვლევაში ჩართული კოვიდგადატანილები საქართველოს მასშტაბით, შემთხვევითი შერჩევის პრინციპით უნდა შერჩეულიყო.

“ჩვენ გვაქვს ბოლო 2 თვეში ყველა კოვიდგადატანილის სია, თბილისის მასშტაბით, ყველა რაიონში. შემთხვევითობის პრინციპით შევარჩევთ. იქნებიან ქალები, კაცები, სხვადასხვა ასაკობრივი ჯგუფი და .. შეავსებენ კითხვარებს და ჩაუტარდებათ ყველა ის კლინიკური გამოკვლევა, რაც დასჭირდებათ. შეიძლება არც იცის, რომ სინდრომი აქვს და ჩვენ აღმოვაჩინოთ“, _ ამბობდა თენგიზ ცერცვაძე.

ჩვენ ვეცდებით გავარკვიოთ, თუ რა სახის სერვისები მიიღო ე.წ. “დაბრუნებულმა“ კოვიდგადატანილმა პაციენტმა საქართველოს მასშტაბით; მანამდე კი შეგახსენებთ, რომ უკვე 9 მარტს სახელმწიფომ პოსტკოვიდური კვლევის შესახებ გაავრცელა ინფორმაცია.

საქართველოს ჯანდაცვის მინისტრის მოადგილემ  თამარ გაბუნიამ ბრიფინგზე განაცხადა, რომ 9 მარტიდან თბილისის ინფექციური პათოლოგიისა და შიდსის ცენტრის ინიციატივით, დაიწყო პოსტკოვიდური პაციენტების კვლევა. მისი განმარტებით, კვლევაში შემთხვევითი წესით შერჩეული 500-600 ადამიანს ჩართავენ, თუმცა, მხოლოდ თბილისიდან:

ინფექციური დაავადებების და შიდსის ცენტრი მათ შესთავაზებს გამოკვლევების პაკეტს, რათა მოხდეს სრულად შესწავლა მათი პოსტკოვიდური მდგომარეობის და გამოვლინდეს, რაიმე დარღვევა უკვე კლინიკურ-ლაბორატორიულ დონეზე ვლინდება თუ არა. შესაძლოა, ჩივილი არც იყოს გამოხატული, მაგრამ მაინც მნიშვნელოვანია, შეფასდეს, რამდენად დაუბრუნდა ნორმას ის ცვლილებები, რომლებიც კოვიდის პერიოდში დაფიქსირდა“, _ განაცხადა თამარ გაბუნიამ.

როგორც ამავე ბრიფინგზე განმარტეს, კვლევისათვის, პირველ ეტაპზე, დაავადებათა კონტროლის ეროვნული ცენტრის ბაზიდან შეარჩიეს თბილისში მცხოვრები დეკემბერი-თებერვლის პერიოდში ინფიცირებული მოქალაქეები, რომელთაგან შემთხვევითი შერჩევის პრინციპით, ინფექციურმა საავადმყოფომ შეარჩია 500 ადამიანი. მათ დაეგზავნათ ინფორმაცია და გაივლიან შესაბამისი პროტოკოლით გათვალისწინებულ კვლევებს.

მინისტრის მოადგილემ თქვა, რომ სხვადასხვა სახელმწიფო პროგრამის დახმარებით, მოსახლეობას აქვს შესაძლებლობა, მიმართონ პირველადი ჯანდაცვის დაწესებულებებს, კორონავირუსის გადატანის შემდგომი ჩივილებით. თამარ გაბუნიას განმარტებით, ჯანდაცვის სამინისტროს ნოემბრიდან აქვს პოსტკოვიდური გამოკვლევების პროტოკოლი; პირველადი ჯანდაცვის ექიმები მომზადებულნი არიან ამ მიმართულებით; პაციენტების ნაწილს ამ კვლევების გავლა შეუძლია საყოველთაო დაზღვევის პროგრამის ფარგლებში; რეაბილიტაციის კომპონენტი ფინანსდება რეფერალური პროგრამიდან და კორონაგადატანილ პაციენტს შეუძლია აბასთუმნის ცენტრში ჩაიტაროს სარეაბილიტაციო კურსი სახელმწიფოს დაფინანსებით.

რაც შეეხება კვლევას, ითქვა, რომ კვლევის შედეგებით საქართველო შეუერთდება იმ მონაცემებს, რომელიც პოსტკოვიდური სინდრომის კვლევის ფარგლებში მსოფლიოში გროვდება.





 ახალი ამბები
  • მიხეილ დაუშვილი: არც ერთი უკანონო ბრძანება 20 ივნისს არ გაცემულა,,არც ერთი უკანონო  ბრძანება 20 ივნისს არ გაცემულა და გადაცდომები, რომელიც არსებობდა, რა თქმა უნდა უნდა მოხდეს და ხდება შესაბამისი რეაგირება“  - ამის შესახებ  გიორგი გახარიას თანაგუნდელმა და მისი მომავალი პარტიის წევრმა მიხეილ დაუშვილმა  ,,მთავარი არხის“ ეთერში განაცხადა. ,,ერთია, ვინ რას ლაპარაკობს და მეორეა, პირდაპირ ეთერში რაც გადაიცემოდა... თუ კარგად გავიხსენებთ, რა მოხდა, 2 საათზე მეტი დროის განმავლობაში, მას შემდეგ, რაც დაიწყო ძალადობრივი შტურმი პარლამენტზე, პოლიცია პარლამენტის შენობას, საკანონმდებლო ორგანოს იცავდა აქტიური სპეციალური საშუალებების გამოყენების გარეშე და მხოლოდ მას შემდეგ, რაც შეუძლებელი გახდა ამ ძალადობრივი შტურმის მოგერიება,  დაიწყო პოლიციამ აქტიური საშუალებების გამოყენება." - განაცხადა დაუშვილმა. დაუშვილის  თქმით,  20 ივნისის ღამეს პოლიციამ თანაზომიერი და ლეგიტიმური ძალა გამოიყენა. ,,იყო გადაცდომები და ამ გადაცდომებზე პასუხისმგებლობა უნდა დადგეს და შესაბამისი საქმეებიც მიმდინარეობს სასამართლოში, მაგრამ საბოლოო ჯამში. ეს პროცესი იყო ლეგიტიმური და გამოყენებული ძალა იყო თანაზომიერი" . - განაცხადა  მიხეილ ... ...
  • “არაფერი მიზეზი აქ არ არის, თითიდან გამოწოვილი ამბავია“მეორე დღეა ნასაკირალის საჯარო სკოლის მოსწავლეებს სასკოლო ტრანსპორტი არ ემსახურებათ. როგორც “გურია ნიუსი“ წერდა, მძღოლები ხელფასების მომატებას ითხოვენ და აქედან გამომდინარე, ისინი უარს ამბობენ დაკისრებული მოვალეობის შესრულებაზე. გაფიცულმა ადამიანებმა „გურია ნიუსთან“ საუბრისას აღნიშნეს, რომ მოითხოვენ ხელშეკრულებაში ცვლილებების შეტანას. “ხელფასები არის მინიმალური და გვინდა, მისი გაზრდა. საშუალო დღიური ანაზღაურება არის 30 ლარი, ამ თანხაში შედის მანქანის მოვლა-პატრონობა.  ყველაფერი გაძვირდა ამ ქვეყანაში და აქედან გამომდინარე, ის თანხა, რაც გვეძლევა ყოველდღიურად და ხელფასად, არის მინიმალური. ვითხოვთ, რომ მოხდეს ხელშეკრულებაში ცვლილებები, ეს იყო და ეს, მეტი არაფერი. მხოლოდ მანქანის ხარჯზე ვმუშაობდით და აღარ გამოდის. კომპანიის წარმომადგენლებს გავესაუბრეთ და მათგან არ მიგვიღია პასუხი, რომ მოხდებოდა ხელფასის ზრდა. არც არავის უკითხავს ამ საუბრის შემდეგ ჩვენი ამბავი. 2013 წლიდან ერთსა და იმავე ხელფასზე ვმუშაობთ. არაერთხელ გვიფიცეთ და გვპირდებოდნენ, რომ ხელფასს გაგვიზრდიდნენ. მანქანის ხარჯის გამო, არ ღირდა მუშაობა. არავინ გვყავს პატრონი და რაც უნდათ იმას აკეთებენ“. ოზურგეთის საგანმანათლებლო რესურსცენტრის უფროსი ლელა იმედაშვილი “გურია ნიუსთან“ საუბრის დროს ამბობს, რომ მძღოლებს ხელშეკრულება საგანმანათლებლო სისტემასთან არ აქვთ. „სამწუხაროდ, პრობლემა, რომელიც ნასაკირალის საჯარო სკოლაშია, სატრანსპორტო კომპანიას და მძღოლებს შორისაა. მძღოლები არ არიან ჩემი თანამშრომლები და აქედან გამომდინარე, მათთან ხელშეკრულება ჩვენს სისტემას არ აქვს. მძღოლების ურთიერთობასა და მათ ანაზღაურებაზე პასუხისმგებელია ის კომპანია, რომელსაც გაფორმებული აქვს ხელშეკრულება მათთან. მეორე დღეა, მძღოლებს ბავშვები ტრანსპორტით არ გადაუყვანიათ, მაგრამ ამას სასწავლო პროცესზე გავლენა არ მოუხდენია. მინდა მადლობა გადავუხადო მშობლებს და ბავშვებს _ მიუხედავად ამ შეფერხებისა, მოახერხეს სკოლაში მისვლა“. კომპანია “თაიმ სერვისის“ დირექტორი სულეიმან ჩიხლაძე გვეუბნება, რომ კომპანია ყველაფერს გააკეთებს იმისთვის, რომ დროულად მოხდეს მოსწავლეების ტრანსპორტით უზრუნველყოფა. “კომპანია მუშაობს, რომ ეს საკითხი უახლოეს დროში მოაგვაროს. მიდის მოლაპარაკებები ახალ მძღოლებთან და ბავშვების გადაყვანა ერთი პუნქტიდან მეორე პუნქტამდე ისევ ტრანსპორტით მოხდება. თქვენს მიერ ნახსენები 30 ლარი არ არის ხელფასი, ეს არის მომსახურების ღირებულება. ეს ადამიანები არიან ინდმეწარმეები, რომლებიც უწევენ მომსახურეობას კომპანიას. შესაბამისად, მომსახურების ტარიფი და ოდენობა მათთან შეთანხმებულია. ყველა დეტალი გავიარეთ, როდესაც ახალი ხელშეკრულებები იდებოდა და ასე ხდებოდა ყოველ წელს. არაფერი მიზეზი აქ არ არის. თითიდან გამოწოვილი ამბავია და მეტი არაფერი. ერთ დილას გაიღვიძა 15 მძღოლმა და გადაწყვიტა გაჩერებულიყვნენ, თავის მოვალეობაზე უარი თქვეს და მოაწყვეს გაფიცვა. ხელშეკრულების დადების დროს რატომ არ გააპროტესტეს? _ აღნიშნა სულეიმან ჩიხლაძემ ჩვენთან საუბრის დროს. დღეს დილით სოციალურ ქსელში  ოზურგეთის მუნიციპალიტეტის საკრებულოს წევრი ბესო ქათამაძემ შემდეგი სახის ინფორმაცია გაავრცელა.  “ქვეყანაში სრული ვაგხანალია და უპატრონობაა. ორი დღეა დაბა ნასაკირალის სკოლაზე მომუშავე 14 მიკროავტობუსის მძღოლი გაფიცულია, პროტესტის ნიშნად არ გადაყავს სკოლაში ხუთასამდე ბავშვი, მომკითხავი კაცი არაა და არც არავის აღელვებს,“ - დაწერა ბესო ქათამაძემ ... ...
  • ვარლამ გოლეთიანი: ვაჩვენოთ ხელისუფლებას ჩვენი ძალა და დავრჩეთ დღევანდელი ღამე აქ,,ვაჩვენოთ ხელისუფლებას ჩვენი ძალა და დავრჩეთ დღევანდელი ღამე აქ“, - ეს მიმართვა  ,,რიონის მცველმა“ ვარლამ გოლეთიანმა ქუთაისში მიმდინარე საპროტესტო აქციაზე გააკეთა. ვარლამ გოლეთიანმა მხარდამჭერებს მოუწოდა, რომ ძალადობა არასდროს არაა გამართლებული და ყველამ გვერდით მდგომს პატივი უნდა სცეს. იგი საზოგადოებას სხვადასხვა ქალაქებში მხარდაჭერისკენ მოუწოდებს. ,,თუ იქნება თქვენი ნება სურვილი, ვაჩვენოთ ხელისუფლებას ჩვენი ძალა და დავრჩეთ დღევანდელი ღამე აქ, გავათიოთ დღევანდელი ღამე აქ, ეს არის ყველაზე მნიშვნელოვანი. მეგობრებო, უკვე ჩვენ შევძლებთ ხვალინდელ დღეს, რომ გამოვაცხადოთ მთელი საქართველოს მასშტაბით გამოსვლა ადამიანების სხვადასხვა ადგილებში და ბლოკირება მთელი ქვეყნის. თუ არ იქნება შესმენილი ჩვენი ნება, ჩვენ არ უნდა გადაგვძლიოს იმან, რომ ახლა დავიძრათ ბარიკადებისკენ და გავაფუჭოთ ყველა ის მიღწევა, რაც სახეზე გვაქვს აქ, ამ მოედანზე. ჩვენ გვაქვს მთელი ბერკეტი, რითაც შეგვიძლია ვიმოქმედოთ მათზე. ჩვენ შეგვიძლია დავკეტოთ ავტობანი, ჩვენ შეგვიძლია დავკეტოთ ყველა ქალაქი, ყველგან გამოვიდეთ“,  – განაცხადა ვარლამ გოლეთიანმა. ... ...
  • მიხეილ დაუშვილი: მე ვთვლი, რომ ბატონი ნიკა მელია არ არის პოლიტიკური პატიმარი"მე ვთვლი, რომ ბატონი ნიკა მელია არ არის პოლიტიკური პატიმარი, იგივეს ვფიქრობ გიორგი რურუაზეც“, _ ამის შესახებ გიორგი გახარიას გუნდის წევრმა, მიხეილ დაუშვილმა "მთავარი არხის" ეთერში  განაცხადა. დაუშვილის თქმით,  ქვეყანას პოლიტპატიმრები არ ჰყავს. "ბატონი ნიკა მელია, თქვენ კარგად იცით, რასთან დაკავშირებით არის ბრალდებული. ეს არის საკანონმდებლო ორგანოზე შტურმის ორგანიზება. მე ვთვლი, რომ ბატონი ნიკა მელია არ არის პოლიტიკური პატიმარი. ანალოგიურად, ბატონი გიორგი რურუას მიმართ არსებობს კონკრეტული საქმე, სასამართლო პროცესი გრძელდება და რაც შეეხება პოლიტპატიმრობას, დიახ, ამ შემთხვევაშიც ვფიქრობ, რომ ბატონი გიორგი რურუა არ არის პოლიტპატიმარი",  - განაცხადა  დაუშვილმა. ცნობისთვის, გიორგი გახარიას გუნდმა "ქართული ოცნება" დატოვა. საგანგებო განცხადება გიორგი ხოჯევანიშვილმა პარლამენტში ... ...
  • გუმათთან მისასვლელი გზები გადაკეტეს - ქუთაისიდან მსვლელობა ვერ შედგაქუთაისის პარლამენტის შენობიდან ავტომსვლელობა დაიწყო, რომელიც გუმათისკენ, რიონის ხეობის მცველების სოლიდარობისთვის, ადგილზე უნდა მისულიყო, თუმცა აქციის მონაწილეები ამჟამად ქუთაისის ცენტრალურ მოედანზე არიან შეკრებილი, რადგან გუმათთან მისასვლელი გზები გადაკეტილია, რომლის გამოც ქუთაისიდან მსვლელობის მონაწილეებს გზის გაგრძელების საშუალება არ მიეცათ. როგორც აქციის მონაწილეები, ქალაქის ცენტრში მიმდინარე აქციის პარალელურად, მოქალაქეთა ნაწილი გუმათისკენ გზას ფეხით განაგრძობს. როგორც აქციის ორგანიზატორები აცხადებენ,  აქცია მას შემდეგ დაიგეგმა, რაც წუხელ, სოფელ გუმათში პოლიციამ ნამხვანჰესის მოწინააღმდეგეები დაარბია და რამდენიმე ადამიანი დააკავა. „წავალთ გუმათისკენ, სადაც პოლიცია ახლაც უკანონოდ იქცევა და იქ შეკრებილ ადამიანებს ზეწოლის ქვეშ ამყოფებს. ჩვენი მთავარი მოწოდებაა, რომ მთელი ქვეყანა გავიდეთ და ვანახოთ, რომ ეს ხალხი არ არის მარტო“ – განაცხადა აქციის ერთი-ერთმა ორგანიზატორმა, დავით კუხიანიძემ. ცნობისთვის, რიონის ხეობის მცხოვრებლები თითქმის ექვსი თვეა უწყვეტ რეჟიმში აპროტესტებენ ნამახვანჰესის პროექტს და ითხოვენ, რომ ხეობა დატოვოს ინესტორმა კომპანიამ „ენკა რინიუებლზმა“. მათი წინააღმდეგობის მიუხედავად, პოლიციის დახმარებით კომპანიამ ჰესის მშენებლოობის მოსამზადებელი სამუშაოები განაახლა. ასევე,  შინაგან საქმეთა სამინისტროს თანამშრომლებმა ხეობიდან გამოაძევეს პროტესტის მონაწილეები, აიღეს მათი კარვები, პროტესტის ადგილი კი გადათხარეს ისე, რომ იქ კარვის გაშლა შეუძლებელია. მოქალაქეები რამდენიმე დღეა, ხეობის შესასვლელში, სოფელ გუმათში მოწყობილ პოლიციის ბლოკპოსტთან დგანან და უშედეგოდ ითხოვენ ნამოხვანისკენ გადაადგილების უფლებას. დღეს პოლიციამ მათ წინ რკინის კედელიც ... ...

არქივი

ტესტები

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

კარმიდამო ჩემი

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...

გავამზეუროთ ქოთნის ყვავილები

ახლა, ადრიან გაზაფხულზე, მზიან, თბილ...

ქათმის მხალეული

მრგვალად მოხარშული (და არა შემწვარი)...

ბადრიჯნის უხორცო ჩანახი

ერთი კილოგრამი (ან რამდენიც გსურთ)...

უნაბი _ ძვირფასი ხეხილოვანი და სამკურნალო მცენარე

უნაბის ნაყოფი გემოთი და გარეგნობით...

მუშმულა _ საუკეთესო მცენარე, რომელიც უყურადღებოდ არ უნდა დარჩეს

 მუშმულა (იაპონური ზღმარტლი) განთქმულია ნაყოფის...

ჩავატაროთ თხილის "ცისფერი წამლობა"

ჩვენი მკითხველები აქტიურად გვეხმაურებიან და...

გურიაში კივს საშიში დაავადება გაუჩნდა

გურიაში, კერძოდ კი, ოზურგეთში, კივის...