პრობლემის პიკი ანასეულში "ჭკვიანი" ოსიკოს "ბრძნული" კომენტარებით

მთავარი თემა

პრობლემის პიკი ანასეულში "ჭკვიანი" ოსიკოს "ბრძნული" კომენტარებით

2018 ივნ 15 15:32:18

ოზურგეთის მუნიციპალიტეტში, დაბა ანასეულის მოსახლეობა, მრავალი წელია, უწყლობას უჩივის, თუმცა, ბოლო ორი წლის განმავლობაში, პრობლემის სიმძიმემ პიკს მიაღწია.

საკუთარი პრობლემას ანასეულელები "გურია ნიუსისთვის" მოწოდებულ განცხადებაში აღწერენ.

"უწყლობის გამო, ანასეულის მოსახლეობა დღეისთვის უკიდურესად გაჭირვებულ მდგომარეობაშია. ადვილი მოსალოდნელია, აქ ეპიდემიამ იფეთქოს, რადგან ხალხი, ძირითადად, კორპუსებში ცხოვრობს და საკანალიზაციო სისტემას თავისი საექსპლუატაციო წესები აქვს. ჯერ კიდევ საბჭოთა დროიდან, ანასეულს საკუთარი წყალმომარაგება გააჩნდა, რომელსაც მდინარე აჭიდან თვითდინებით იღებდა და ნორმალურად ფუნქციონირებდა.

რადგან წყალმომარაგების ხაზი მდებარეობს სოფელ ლიხაურის ტერიტორიაზე, თავის დროზე, პროექტის ორგანიზატორმა, ინსტიტუტის ყოფილმა დირექტორმა ვახტანგ ჯაყელმა გამოიჩინა კეთილი ნება და ცალკე წყალგაყვანილობის ხაზი, მისივე მითითებით, გაკეთდა ლიხაურის მოსახლეობისთვისაც.

გარკვეული პერიოდის შემდეგ, ლიხაურის მოსახლეობამ მასობრივად, უნებართვოდ დაიწყო ანასეულის წყალგაყვანილობის გამოყენება წყლის დამატებითი მილების მიერთებით. ანასეულის ხელმძღვანელობა ადრეულ წლებში ახერხებდა ზომების მიღებას და ინსტიტუტის ფუნქციონირებისა და მოსახლეობისთვის წყლის მიწოდების რეგულირებას. იყო ფაქტი, როცა რაიონის ხელმძღვანელობამ, პოლიციის მონაწილეობით, მოახდინა ანასეულის წყალგაყვანილობის გათავისუფლება _ ლიხაურის მოსახლეობის ნაწილს მილები ჩაუჭრა და მკაცრი გაფრთხილებაც მისცა.

ამჟამად პროცესი კვლავ უკონტროლო გახდა და წყლის მოწოდება კატასტროფულად შემცირდა. ლიხაურის "მოსახლეობის მიბმას" ანასეულის წყალგაყვანილობაზე დაემატა ლიხაურში მდებარე საწარმო, რომელიც, რამდენადაც ცნობილია, მაქსიმალურად იყენებს ანასეულის გაყვანილობის წყალს და იჩენს სრულ უპასუხისმგებლობას ანასეულის მოსახლეობის და ინსტიტუტის მიმართ. ყოველივე ამის გამო, ანასეულის მოსახლეობა დღეების და ზოგჯერ რამდენიმე კვირის განმავლობაში, მთლიანად უწყლოდ რჩება. ამასთანავე ანასეულის დასახლებაში არ არსებობს რაიმე წყარო, მდინარე, არ კეთდება ჭა. ამ დროს კი, ლიხაურის მოსახლეობა გაყვანილ წყალს, ძირითადად, მოსარწყავად იყენებს.

ანასეულის მოსახლეობის და აქ არსებული დაწესებულებების (სკოლა, საბავშვო ბაღი, სსიპ დიაგნოსტიკური ცენტრი, ა(ა)იპ-ის საკვლევი ინსტიტუტი, ჩაის გადამამუშავებელი საწარმოები) _ სასმელი წყლით მომარაგების უზრუნველყოფას უკანასკნელ პერიოდში გვპირდებოდნენ ადგილობრივი თვითმმართველობის ორგანოების ხელმძღვანელები და დეპუტატები, მაგრამ არავითარი შედეგი არ დამდგარა არასდროს.

ანასეულის მოსახლეობის მოთხოვნაა, წყლის პრობლემის მოგვარება ყველაზე მარტივი ფორმით: ანასეულის წყალმომარაგების ხაზის გათავისუფლება უნდა მოხდეს ლიხაურის მოსახლეობის მიერ და იქ არსებული საწარმოს მილების ჩაჭრით", _ აღნიშნულია წერილში.

"გურია ნიუსი" ანასეულის მოსახლეობის პრობლემას ადგილზე გაეცნო. ჩვენ დაბაში იმ დროს მივედით, როცა ერთ-ერთ ადგილობრივს, უნივერსიტეტის ქუჩაზე მცხოვრებ ირაკლი გაბედავას მანქანიდან წყლით სავსე ბალონები გადმოქონდა: "აი, ასე ვეზიდებით ქალაქის სხვადასხვა უბნიდან ანასეულში წყალს, ძალიან ცუდ დღეში ვართ და საშველი არ ჩანს. ყველაზე მეტად ამის გვეშინია, რაიმე ეპიდემია არ გაჩნდეს", _ გვითხრა ირაკლი გაბედავამ.

"გურია ნიუსთან" დაბაში არსებულ პრობლემასთან დაკავშირებით გულისტკივილით საუბრობენ:

თინა სალუქვაძე, ანასეულის მცხოვრები, ოთხი შვილის დედა: "ჩვენთან წყლის მოწოდება გრაფიკითაა, თუმცა, სახელად ჰქვია ასე _ 48 საათში ორი საათით გვაქვს წყალი. არ არის ეს უბედურება? სარეცხის მანქანა ჩართულია და უცებ ჩერდება. როდის და როგორ მოვასწროთ გარეცხვა, დაბანა, სხვადასხვა ჰიგიენური მომსახურება?! პირუტყვები ხომ არ ვართ?! არა და არ ეშველა ამ პრობლემას. ვინ დაგვეხმარება? მივედით მერიაში და ჩვენ რა უნდა ვქნათო, _ გვითხრეს. ვიღაცამ ხომ უნდა იტვირთოს ორგანიზატორის როლი? ხელისუფლება რატომ გვყავს?!"

ლალი სურგულაძე, ანასეულის მცხოვრები: "მივედით ქალაქის მერიაში. მერის მოადგილემ, ოსიკო თოთიბაძემ მიგვიღო და გვითხრა, წადით და პარლამენტის დეპუტატს, არჩილ თალაკვაძეს მიმართეთო (ოსიკომ, რომელიც მერი მოადგილეა, ისიც კი არ იცის, რომ წყლის პრობლემის მოგვარება პარლამენტარის საქმე არაა. რედ.). თვითონ არ უნდა მიმართონ?"

რუსუდან ჯაში, ანასეულის მცხოვრები: "ოსიკო თოთიბაძემ ისიც გვითხრა, ანასეული ჰაერშია გამოკიდული და  ეს უბანი ქალაქს არ ეკუთვნისო. ახლა უბანი გავხდით? იმასაც ამბობენ, ინფრასტრუქტურის სამინისტრომ უარი თქვა, ეს პროექტი არ გვიღირს, სარფიანი არ არისო. ოთხი წელია, სრულ გაურკვევლობაში ვართ. აქ ყველა განათლებული, ღვაწლმოსილი და დამსახურებული ადამიანი ცხოვრობს. ბოლოს და ბოლოს, ვინ მიხედავს ანასეულის წყალს?!"

დემურ გობრონიძე, ანასეულის მცხოვრები: "ჩაინიკით" რეცხავს ხალხი სარეცხს... სირცხვილია, რომ 21-ე საუკუნეში ანასეულს წყალი არ აქვს. ეს ის ანასეულია, პარიზზე რომ არ გაცვლიდი, ისეთი იყო. ისევ ნაღობილევში წავიდე, საიდანაც ვარ წარმოშობით და იქ ვიცხოვრო, ჯობს. ანასეულის მარცხენა მხარეს, ქვედა ბინებში საერთოდ გაუსაძლისი მდგომარეობაა. ანასეულისთვის ეს მაცოცხლებელი წყალია, ზოგისთვის კი ტექნიკური და მხოლოდ მოსარწყავად ხმარობენ. ყველა "ტრუბაზე" დაჯდა, უკითხავად, უნებართვოდ. ამას ხომ უნდა მიხედოს ხელისუფლებამ, რომელიც ჩვენ საქმის კურსში ჩავაყენეთ. მეტი რა ვქნათ. იყო დრო, პოლიციის ძალით აგვარებდნენ და ახლაც ასე მოიქცნენ".

"გურია ნიუსთან" საკუთარ თვალსაზრისს და გულისტკივილს გამოთქვამს სოფლის მეურნეობის მეცნიერებათა დოქტორი, პროფესორი, სოფლის მეურნეობის აკადემიის აკადემიკოსი ვალერიან ცანავა:

"მე შემიძლია გითხრათ ჩემი გულისტკივილი, როგორც ანასეულის მცხოვრებმა. ანასეულის მიმართულებით მომავალ წყლის მაგისტრალზე აბსოლუტურად უნებართვოდ აქვს გაყვანილი წყალი ლიხაურის მოსახლეობას. ამას დაემატა საყვავილე მეურნეობის ადგილზე გახსნილი ახალი საწარმო.

ახალ პროექტზე როგორ ვილაპარაკებ? ყველაფერი ფინანსებთან არის დაკავშირებული. ერთხელ, კომუნისტების დროს, ვისაც უკანონოდ ჰქონდა გადაყვანილი, ჩაუჭრეს მილიციის დახმარებით. რაღაც ასეთი ახლაც უნდა მოხდეს, რადგან, თავის დროზე, ანასეულის წყალი კეთილი ნებით ნაწილობრივ დაუთმეს ლიხაურს. შემდეგ მოხდა მიტაცება. ამას სჭირდება ხელისუფლების ჩარევა.

კიდევ ბედი ჩვენი, რომ ეპიდემია არ დაიწყო ამდენ ხანს. ახლა, ქალაქიდან, "გზამშენი-18"-ის ტერიტორიიდან ეზიდება მოსახლეობა სასმელ წყალს. ძალიან კარგი ადამიანი და ხელმძღვანელია ბატონი თემურ ჯახვა, ადამიანურად ეპყრობა აქაურებს, მაგრამ, ათასი ხელმრუდი დადის და  ვთქვათ დაიკარგა რაიმე იმ ორგანიზაციის ტერიტორიაზე! ხომ გახდება იძულებული ბატონი თემური, რომ ეზოში არავინ შეუშვას?

უამრავი მიზეზი არსებობს, ჩვენი ასეთი მძიმე პრობლემის კიდევ უფრო დასამძიმებლად. აქ, საცხოვრებელ კორპუსებში, ცხოვრობენ ისეთი მარტოხელა მოხუცები, ღვაწლმოსილი მეცნიერები, რომლებიც ხელში ერთი ბოთლის მეტს ვერ იჭერენ. რა ქნას ამ ხალხმა? სერიოზულ ყურადღებას ითხოვს ხელისუფლებისგან ეს პრობლემა. ჩვენ მივმართეთ გურიის წინა გუბერნატორს, სალუქვაძეს. ჯერ გვითხრა _ თქვენთან ვარ, დაგეხმარებითო, მერე კი, ლიხაურის საწარმოში ჩემი მეგობრები არიან და წყალს ვერ შევუწყვეტ, თქვენ ისეც მემდურითო..."

ოზურგეთის მუნიციპალიტეტის საკრებულოს დეპუტატი ნანული ორაგველიძე "გურია ნიუსთან" განმარტავს, რომ თვითონაც ანასეულში ცხოვრობს და ეს პრობლემა მისთვის ნაცნობი და მტკივნეულია:

"გრაფიკი სახელად ჰქვია, თორემ თუ ერთი დღით უნდა მოგვეწოდოს წყალი, მხოლოდ ორი საათით არის, არც კი. ხვალ სულ არ იქნება. გაუსაძლისი მდგომარეობაა. ხელისუფლებამ რაღაც უნდა იღონოს. როგორ შეიძლება ანასეულის დასახლება უწყლოდ იყოს? ლიხაურის მოსახლეობა მრავალრიცხოვანია და უმჯობესი იქნება, ახალ პროექტზე იქ იფიქრონ. ჩვენთან კი ის ძველი აღადგინონ და დაგვიბრუნონ. ცხელი ზაფხული წინ არის და ეპიდემიამ არ იფეთქოს, ეს არის ყველაზე დიდი საფრთხე".

ანასეულის ინსტიტუტის დირექტორი თემურ რევიშვილი "გურია ნიუსთან" აცხადებს, რომ ის, როგორც ერთი რიგითი ანასეულელი, ძალზე შეწუხებულია ამ პრობლემით:

"მე ჩვეულებრივი მოქალაქე ვარ. წყალი მინდა, ვიხდი ფულს. დროზე უნდა გადაიბაროს ეს საკითხი მუნიციპალიტეტმა და მიხედოს ამ საქმეს. არსებობს სხვადასხვა დონის პროექტები. ჩვენთვის ანასეულის წყალი ყოველდღიურობაა და ვიღაცისთვის კიდევ ტექნიკური წყალი. აქ რიგითი მცხოვრებლები მარტო ვერაფერს გახდებიან _ ხელისუფლება უნდა დაეხმაროს ხალხს. ანასეულში საგანგაშო მდგომარეობაა ამ მხრივ", _ გვითხრა რევიშვილმა.

"გურია ნიუსმა" ოზურგეთის მუნიციპალიტეტის მერიას მიმართა და მერის მოადგილისგან, ოსიკო თოთიბაძისგან კომენტარი ითხოვა. მკითხველს შევახსენებთ, რომ ოსიკო თოთიბაძე ინფრასტრუქტურის სფეროს განაგებს და ახლახან ანასეულის მცხოვრებლებთან შეხვედრაზეც მან განაცხადა, რომ "ანასეული ჰაერშია გამოკიდული, ქალაქს არ ეკუთვნის და დეპუტატი თუ მიხედავსო".

ოსიკოს კომენტარს დიდხანს ველოდეთ, თუმცა, ამჯერად, ალბათ, თავად იყო "ჰაერში გამოკიდული" და პასუხი ვერ მივიღეთ.

"გურია ნიუსი" აგრძელებს ანასეულისთვის წყლის მიწოდების პრობლემის შესახებ მასალების მოძიებას, უახლოეს მომავალში კი სოფელ ლიხაურის პრობლემებზე ვისაუბრებთ.




 ახალი ამბები
  • დეკანოზ მამალაძის ჯანმრთელობის მდგომარობის შესახებ პენიტენციური დაწესებულება განცხადებას ავრცელებსდეკანოზ მამალაძის ჯანმრთელობის მდგომარობის შესახებ პენიტენციური დაწესებულება განცხადებას ავრცელებს. "მსჯავრდებული გიორგი მამალაძე, წინასწარი დიაგნოზით ჰიპერტონული კრიზი, თავის ტვინის ტრანზიტორული ტიპის იშემიური შეტევა, N9 პენიტენციური დაწესებულებიდან სამოქალაქო სექტორის სამედიცინო დაწესებულებაშია გადაყვანილი. მიმდინარე წლის 15 თებერვალს, 18.38 საათზე გიორგი მამალაძემ შეუძლოდ იგრძნო თავი. დაწესებულების სამედიცინო პერსონალის მიერ მას 18.41 საათიდან გაეწია პირველადი სამედიცინო დახმარება და გამოძახებულ იქნა სასწრაფო სამედიცინო დახმარების ბრიგადა, ასევე ექიმი ნევროლოგი. 19.18 საათზე დაწესებულებაში სასწრაფო დახმარების ბრიგადა გამოცხადდა. მსჯავრდებულისთვის გადაღებულმა კარდიოგრამამ არსებითი ცვლილებები არ უჩვენა, რის გამოც გიორგი მამალაძის სტაციონარში გადაყვანა სასწრაფო დახმარების მედპერსონალმა საჭიროდ არ მიიჩნია. 21.35 საათზე დაწესებულების მედპერსონალმა კვლავ გამოიძახა სასწრაფო სამედიცინო დახმარების ბრიგადა, რის შედეგადაც მსჯავრდებული შემდგომი კვლევებისათვის სამოქალაქო სექტორის კლინიკაში მოთავსდა", _ ნათქვამია ... ...
  • ბესელია: ჩემი გვარი კომიტეტზე მომხსენებლთა სიიდან ამოიღეს„დეკემბერში განვსაზღვრეთ... ამის შემდეგ 15 თებერვალს მე მივიღე დღის წესრიგი, სადაც შეცვლილი იყო ის, რაზეც შევთანხმდით დეკემბერში. მე პასუხი ელექტრონული ფორმითვე დავაბრუნე და მოვითხოვე შეთანხმებულ საკითხებზე ვყოფილიყავი ისევ მომხსენებელი, ამის შემდეგ თავიდან გადმომეგზავნა ისევ დღის წესრიგი, სადაც ჩემი მოთხოვნა გათვალისწინებული არ იყო და იგივე ვერსია იყო, რაც დღეს აქ არის დარიგებული. ვინ გადაწყვიტა ეს?! - ამ კითხვაზე მაინტერესებს პასუხი. ამ ახალი დღის წესრიგით ვარ ოთხი საკითხის მომხსენებელი, მათ შორის დაგიმატებიათ იარაღის შესახებ პროექტი. მე მაშინაც ვთქვი და ვიმეორებ, მე არ მიყვარს იარაღი, არ მომწონს ეს თემა და არც ვიცი ეს საკითხი კარგად, სხვა ტიპის იარაღს ვცნობ - უფრო პოლიტიკურს და სამართლებრივს. არ ვიცი ამ კანონპროექტს რატომ მიმაწერეს საერთოდ“, - განაცხადა ეკა ბესელიამ და სხდომიდან წამოსულ რეპლიკაზე, რომ კარგი იქნება, თუ ისწავლის ამ თემას, ბესელიამ უპასუხა: “სხვა რაღაცების სწავლა სჯობს, ეგ ვისაც სჭირდება იმან ისწავლოს“, - თქვა ბესელიამ. ასევე იურიდიულ საკითხთა კომიტეტის სხდომაზე ლევან გოგიჩაიშვილსა და ანრი ოხანაშვილს შორის შელაპარაკება მოხდა. როგორც ლევან გოგიჩაიშვილმა განაცხადა, მისი გვარი ამოღებულია ორი კანონპროექტიდან, სადაც ის გეგმის თავდაპირველი ვარიანტით პასუხისმგებელ პირთა შორის იყო. „ჩამწერეთ ისე, როგორც აქამდე ეწერა და მოიქეცით ისე, როგორც უნდა იქცეოდეს პარლამენტის წევრი“, - მიმართა გოგიჩაიშვილმა ანრი ოხანაშვილს. ოხანაშვილი კი განმარტავს, რომ კომიტეტის სამოქმედო გეგმის ფარგლებში გათვალისწინებულ კანონპროექტებზე ყველა დეპუტატი, როგორც კომიტეტის პასუხისმგებელი პირი, მათი სურვილის მიხედვით შეირჩა. შეკამათების შემდეგ ლევან გოგიჩაიშვილმა იურიდიული საკითხთა კომიტეტის სხდომა დატოვა, თუმცა მოგვიანებით უკან დაბრუნდა. საპარლამენტო უმრავლესობის წევრის ეკა ბესელიას განცხადებით,  მოსამართლეთა უვადოდ დანიშვნასთან დაკავშირებული, ცხრა დეპუტატის მიერ ინიცირებული კანონპროექტის განხილვის პროცესი ჭიანურდება.  9 დეპუტატმა „საერთო სასამართლოების შესახებ“ კანონში ცვლილებები მოამზადა, რომლის გათვალისწინებით, რაიონულ და სააპელაციო სასამართლოებში მოსამართლეთა უვადოდ გამწესება 2024 წლის 31 დეკემბრამდე უნდა შეჩერდეს. კანონპროექტს ხელს აწერენ დაპუტეტები: ეკა ბესელია, ზვიად კვაჭანტირაძე, ალექსანდრე ერქვანია, გედევან ფოფხაძე, კობა ნარჩემაშვილი, ლევან გოგიჩაიშვილი, ლევან კობერიძე, დავით ჭიჭინაძე და ოთარ ჩრდილელი. წყარო: ... ...
  • „ბიძინა ივანიშვილისკენ თითის გაშვერა ტრადიციად იქცა, ბრალდებებს მტკიცებულებები სჭირდება“_ ზაქარეიშვილი„ქართული ოცნების“ წევრებს, მხოლოდ და მხოლოდ, ხელისუფლებაში ყოფნისა და ბიძინა ივანიშვილთან კარგი ურთიერთობის დამყარების სურვილი აერთიანებთ, მათ არც საქართველოს ინტერესები, არც ქართული ეკონომიკა, არც საერთაშორისო ურთიერთობები და კონფლიქტების დაძლევაზე ზრუნვა არ ადარდეთ“, _ აღნიშნა „გურია ნიუსთან“ შერიგებისა და სამოქალაქო თანასწორობის საკითხებში ყოფილმა სახელმწიფო მინისტრმა პაატა ზაქარეიშვილმა.  ზაქარეიშვილი „თიბისი ბანკის“ ირგვლივ განვითარებულ მოვლენებსაც გამოეხმაურა. მისი თქმით „ძალიან იოლია ბიძინა ივანიშვილის მისამართით გაიშვირო თითი და ყველაფერი მას დააბრალო, რაც ტრადიციად იქცა, მაგრამ ბრალდებებს მტკიცებულებებით დადასტურება სჭირდება“. _ ბატონო პაატა, საქართველოს ეროვნულმა ბანკმა "თიბისი ბანკის“ სამეთვალყურეო საბჭოდან ბანკის დამფუძნებლის მამუკა ხაზარაძისა და მისი მოადგილის, ბადრი ჯაფარიძის გასაწვევა მოითხოვა. პარალელურად, უკანონო შემოსავლის ლეგალიზაციის ფაქტზე გამოძიება მიმდინარეობს პროკურატურაში, საქმე ბანკის მიერ 2007-2008 წლებში გახორციელებულ ტრანზაქციებს ეხება. პოლიტიკოსთა ნაწილი ფიქრობს, რომ ბრძოლა ბანკის ხელმძღვანელების მიმართ პოლიტიკურად არის მოტივირებული. თქვენ რას უკავშირებთ „თიბისი ბანკის“ ირგვლივ განვითარებულ მოვლენებს? _ მამუკა ხაზარაძის განცხადება, რომელშიც „თიბისი ბანკის“ დამფუძნებელი აღნიშნავს, რომ საქართველოში პროგრესს შიდა ძალები ებრძვიან, ნამდვილად შემაშფოთებელია. საბანკო სისტემებში ნაკლებად ვერკვევი, თუმცა ნათლად ჩანს, რომ „თიბისი ბანკთან“ დაკავშირებით მიმდინარე პროცესები, პირველ ყოვლისა, საქართველოს რეპუტაციას დიდ ზიანს აყენებს. ფაქტია, საქართველოს ეკონომიკის განვითარება დიდი საფრთხის წინაშე დგება. დღეს ძალიან იოლია ბიძინა ივანიშვილის მისამართით გაიშვირო თითი და ყველაფერი მას დააბრალო, რაც ტრადიციად იქცა, მაგრამ ბრალდებებს მტკიცებულებებით დადასტურება სჭირდება. ყოველივე ამის გათვალისწინებით, აღნიშნულ საქმეში მეტი სიცხადის შეტანაა საჭირო. _ ოპოზიციურმა სპექტრმა საარჩევნო სისტემის შეცვლის მიზნით მილიონი ხელმოწერის შეგროვება დაიწყო. როგორ ფიქრობთ, მმართველი პარტია მაჟორიტარული სისტემის გაუქმებასა და მთლიანად პროპორციულ საარჩევნო სისტემაზე გადასვლას დასთანხმდება ? _ მმართველ პარტიაში, ჯერჯერობით, სურვილი არ აქვთ, რომ მთლიანად პროპორციულ საარჩევნო სისტემაზე გადავიდნენ, თუმცა გააჩნია, გაერთიანებული ოპოზიცია როგორ მოიქცევა. თუ ოპოზიცია მოახერხებს, რომ 50 ათასი ადამიანი ქუჩაში გამოიყვანოს, მაშინ ხელისუფლებას დათმობაზე წასვლა მოუწევს, მაგრამ ჩანს, რომ საზოგადოებისთვის მაჟორიტარული სისტემის გაუქმება არ არის პრინციპული საკითხი და ნათელია, რომ აღნიშნული მოთხოვნით ხალხი ქუჩაში არ გამოვა. დიდი ალბათობით, „ქართული ოცნება“ 2020 წლის საპარლამენტო არჩევნებში შერეულ საარჩევნო სისტემას შეინარჩუნებს, რაც მათივე პარტიისთვის იქნება დამამძიმებელი გარემოება. _ “ქართული ოცნების“ ლიდერები ოდიოზური მოსამართლეების მხარდაჭერას კვლავ აგრძელებენ. მართლმსაჯულებათან დაკავშირებული პრობლემები არის საკითხი, რომელსაც საზოგადოება “ქართულ ოცნებას“  2020 წლის საპარლამენტო არჩევნებში არ აპატიებს? _ თუ „ქართული ოცნების“ მხრიდან ოდიოზური მოსამართლეების მისამართით არაჯანსაღი დამოკიდებულება გაგრძელდება, მმართველი პარტია 2020 წლის საპარლამენტო არჩევნებში კარგ შედეგს ნამდვილად ვერ მიიღებს. მმართველ პარტიას, ბუნებრივია, სურს თანამდებობებზე მოსამართლეები უვადოდ დროულად განამწესოს, რადგან 2020 წლის საპარლამენტო არჩევნებში ამ მოსამართლეების მხარდაჭერა დასჭირდებათ. „ქართულ ოცნებას“ სასამართლო სისტემაში ისეთი მოსამართლეების ყოფნა სჭირდებათ, რომლებიც ნებისმიერ გადაცდომას სამართალდარღვევად არ  გაუფორმებენ. „ქართული ოცნება“ ასეთი არაგონივრული დამოკიდებულებით, პირველ ყოვლისა, საკუთარ გუნდსა და საქართველოს მომავალს აზარალებს. _“ნაციონალური მოძრაობის“ მმართველობის პერიოდში სასამართლო სისტემა მთლიანად ხელისუფლებას ემორჩილებოდა და ფაქტი იმის შესახებ, რომ „ქართულმა ოცნებამ“  სასამართლო სისტემაში არსებულ კლანს წინა რეჟიმის მსხვერპლი მოსამართლეების მანტიები მოარგო, რაზე მეტყველებს? _“ქართულმა ოცნებამ“ „ნაციონალური მოძრაობის“ გზა აირჩია. ხელისუფლებაში დარჩენის სურვილის გამო მათ სახელმწიფოს ინტერესები აღარ ადარდებთ. მმართველ გუნდს ჰგონია, რომ ხელისუფლებაში ყოფნა ჯილდოა, არა, ბატონებო, ეს დიდი პასუხისმგებლობაა. საზოგადოება, რომელმაც კარგად იცის, რა უნდა, ყოველ მანკიერ პროცესს შესაბამის პასუხს გასცემს. _ მმართველი პარტიის წევრებს შორის ურთიერთობა უფრო და უფრო იძაბება. 2020 წლის საპარლამენტო არჩევნებში გუნდი ისეთივე “ერთიანი“ იქნება, როგორც დღეს არის? _ ამჟამად „ქართული ოცნებიდან“ გამოსავალს არავინ ფიქრობს. ახლა ყველა საკუთარი პოზიციების გამყარებას ცდილობს. დღესდღეობით, ბიძინა ივანიშვილი ცდილობს გუნდი გაამაგროს. როგორც კი დადგება სიების შედგენის საკითხი, ბუნებრივია, გარკვეული ჯგუფები პარტიიდან კარების გამოჯახუნებით წავლენ. „ქართული ოცნების“ წევრებს, მხოლოდ და მხოლოდ, ხელისუფლებაში ყოფნის სურვილი და ბიძინა ივანიშვილთან კარგი ურთიერთობის დამყარება აერთიანებთ. მათ არც საქართველოს ინტერესები, არც საქართველოს ეკონომიკა, არც სიღარიბის დაძლევა, არც საერთაშორისო ურთიერთობები  და არც კონფლიქტების დაძლევის გზებზე ზრუნვა და მუშაობა ... ...
  • ურთიერთობის პროგრამა PLUS-ის უნიკალური PLUS გამოცდილება. ის, რასაც ფულით ვერ იყიდი (R)საქართველოს ბანკის, ქვეყნის წამყვანი ბანკის, ურთიერთობის პროგრამა PLUS-მა უნიკალური პროექტი - PLUS გამოცდილება დაიწყო. საქართველოს ბანკის ლოიალურ მომხმარებელს უკვე აქვს შესაძლებლობა, გახდეს PLUS გამოცდილების მთავარი გმირი და სულ სხვადასხვა ჟანრის თავგადასავლებში აღმოჩნდეს. უნიკალური პროექტის მიზანია, მომხმარებელს აღმოაჩენინოს ახალი, ჯერარგანცდილი ემოციები და მრავალფეროვანი გამოცდილება. PLUS გამოცდილების მიღება მხოლოდ PLUS ქულებით არის შესაძლებელი. საქართველოს ბანკის ერთგული მომხმარებელი დაგროვილ PLUS-ებს მარტივად გადაცვლის PLUS გამოცდილებაში. ამისთვის მომხმარებელი მხოლოდ უნდა ეწვიოს ვებგვერდს www.plus.ge თავგადასავლების ჩამონათვალი მრავალფეროვანია - მომხმარებელს შეუძლია, ეწვიოს თბილისში ყველაზე მაღალ წერტილს - ანძას და მოიწყოს პაემანი ღრუბლებთან. ასევე, გახდეს ნამდვილი დეტექტივი, აღმოაჩინოს მიწისქვეშა საიდუმლოებები. შესაძლებელია, ეწვიოს ახალ ზოოპარკს, ერთი დღით შეითავსოს ცხოველების მომთვინიერებლის პროფესია. ასევე, მიიღოს მონაწილეობა offroud-ში, ქუჩის არაჩვეულებრივ გამოფენაში, გახდეს პროფესიონალი მრბოლელი. საქართველოს ბანკი უნიკალურ გამოცდილებებს ექსკლუზიურად თვეში ერთხელ შესთავაზებს მომხმარებელს. ურთიერთობის პროგრამა PLUS-ი სპეციალურად საქართველოს ბანკის ერთგული მომხმარებლებისთვის შეიქმნა და ბევრ საბანკო თუ არასაბანკო ბენეფიტსა და პლუსს მოიცავს. საქართველოს ბანკის სადებეტო თუ საკრედიტო ბარათის გამოყენებით მომხმარებელი აგროვებს PLUS-ებს ნებისმიერ გადახდაზე, რომელთა გადაცვლაც შესაძლებელია: PLUS კატალოგის განსაკუთრებულ საჩუქრებზე - სხვადასხვა პროდუქტსა და მომსახურებაზე; უფასო მგზავრობაზე, კომუნალური მომსახურების, მობილურის ბალანსზე, ბენზინგასამართ სადგურში საწვავზე, სუპერმარკეტსა თუ აფთიაქში, სწრაფი კვების ობიექტებში სხვადასხვა პროდუქტზე. ამ ყველაფერთან ერთად ახლა უკვე შესაძლებელია PLUS ქულების გადაცვლა უნიკალურ PLUS გამოცდილებაზე. PLUS-ში ჩასართავად მომხმარებელი უნდა ეწვიოს საქართველოს ბანკის ნებისმიერ სერვისცენტრს და სრულიად უფასოდ ჩაერთოს PLUS-ის პროგრამაში. დაგროვილი PLUS-ების შესამოწმებლად საკმარისია, მომხმარებელმა აკრიფოს SMS ტექსტი – PLUS და გაგზავნოს ნომერზე – 4444. დამატებითი ინფორმაცია ურთიერთობის პროგრამა PLUS-ისა და PLUS გამოცდილების შესახებ იხილეთ: www. plus.ge ... ...
  • გარყვნილი ქმედება 8 წლის გოგოს მიმართ _ დაკავებულს წინასწარი პატიმრობა შეუფარდეს8 წლის გოგოს მიმართ გარყვნილი ქმედების ფაქტზე დაკავებულს ბათუმის საქალაქო სასამართლომ წინასწარი პატიმრობა შეუფარდა. ადვოკატი გასაჩივრებას აპირებს.30 წლამდე კაცი მოსამართლის განჩინების საფუძველზე დააკავეს, მას გამოძიება არასრულწლოვნის მიმართ გარყვნილ ქმედებას ედავება. საქმეში ჩართულია სოციალური სააგენტო, ფსიქოლოგი და სახალხო დამცველის აპარატი.ბრალდებული უკრაინის მოქალაქეა. იგი სამუშაოდ აჭარაში რამდენიმე წლის წინ ჩავიდა. გარყვნილი ქმედების შესახებ 8 წლის გოგოს დედამ ... ...

არქივი

ზაფრანი

ჰეგემონი ციფრები

ბედის ციფრის გამოთვლის ტექნიკა ჩვენი...

რატომ ეჩვენებათ მთვრალ მამაკაცებს ყველა ქალი ლამაზი

არსებობს ცნობილი რუსული გამოთქმა: ულამაზო...

დედამიწაზე ყველა ცოცხალი არსება გონიერი რომ გახდეს

ერთ მშვენიერ დღეს დედამიწაზე ყველა...

"ტატუ" იმუნურ სისტემას აუმჯობესებს

აქამდე ტატუს (სვირინგი) დანიშნულება, მხოლოდ...

როგორ გამოვიცნოთ პატიოსანი ადამიანი

ყველასთვის ცნობილია, რომ ბილწსიტყვაობა და...

როგორი მამაკაცი გჭირდებათ?

ქალების უმეტესობას მიაჩნია, რომ მამაკაცი,...
კარმიდამო ჩემი

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...