რა წერია აუდიტის დასკვნაში და რატომ შეაქვთ ეჭვი გუბერნატორის მოადგილის კეთილსინდისიერებაში

მთავარი თემა

რა წერია აუდიტის დასკვნაში და რატომ შეაქვთ ეჭვი გუბერნატორის მოადგილის კეთილსინდისიერებაში

2018 სექ 17 14:26:04

სახელმწიფო აუდიტის სამსახურმა ოზურგეთის მუნიციპალიტეტის და ქალაქ ოზურგეთის მუნიციპალიტეტის 2016-2017 წლის აუდიტი დაასრულა. დასკვნა ჯერ არ გამოქვეყნებულა, თუმცა „გურია ნიუსისთვის“ ექსკლუზიურად გახდა ცნობილი რამდენიმე დეტალი ამ დასკვნიდან.

მათგან ყველაზე მნიშნელოვანი ოზურგეთის მუნიციპალიტეტში, აუქციონის წესით გაცემული რამდენიმე მიწაა, რომელიც ზღვისპირა ზოლთან ახლოს მდებარეობს და რომლებიც ძალიან იაფად არის შეფასებული და გაყიდული.

მყიდველები კი ხელისუფლების წარმომადგენლების ოჯახის წევრები და ახლობლები არიან.

ეს არის ერთ-ერთი საფუძველი სახელმწიფო აუდიტის ეჭვისა, რომ „ადგილი ჰქონდა საეჭვო გარიგებებს“.

ერთ-ერთ ასეთ მძიმე მაგალითად დასკვნაში დასახელებული გურიის გუბერნატორის მოადგილის ქეთევან მოისწრაფეშვილის ოჯახის წევრების მიერ გახორციელებული შესყიდვა.

უფრო კონკრეტულად კი, აუდიტის სამსახურმა დაადგინა, რომ აუქციონზე 2.5 თეთრად გაყიდული 1 კვადრატული მიწის ნაკვეთი, აუქციონიდან 4 დღეში, ამავე ფასად მყიდველისგან შეიძინეს მოისწრაფეშვილის მამამ და ძმამ, რომლებმაც მიწის ნაწილი, შეძენიდან ერთ კვირაში გაყიდეს _ როგორც ჩვენი წყარო ამბობს, ერთ ნაწილში 18 დოლარი აიღეს, მეორე ნაწილში კი _ 21 დოლარი (საუბარია ერთ კვადრატული მიწის ფასზე).

„გურია ნიუსმა“ დაადგინა, რომ იმ დროს, როცა მოისწრაფეშვილებმა მიწის ნაკვეთები შეიძინეს, უმუშევრები იყვნენ _ გუბერნატორის მოადგილის მამას არანაირი შემოსავალი არ უფიქსირდება; ასევე, შემოსავალი არ აქვს მის ძმას, რომელიც სტუდენტია.

ქეთი მოისწრაფეშვილი ამბობს, რომ ამის შესახებ ინფორმაციას არ ფლობს:

_ ვერაფერს გეტყვით, რადგან პირველად მესმის. მოვიკითხავ, რა ხდება.

_ თქვენმა ოჯახის წევრებმა რომ აუქციონზე ნაყიდი მიწა რამდენიმე დღეში იმავე ფასში იყიდეს და ერთ კვირაში თითქმის 2 000-ჯერ (!) მეტად გაყიდეს, ამის შესახებ არაფერი იცით?

_ არა, ნამდვილად არ ვიცოდი. და აუქციონზე ნაყიდი თუა, რატომაა პრობლემა?

_ აუქციონზე იყიდა სხვა პირმა, რომლისგანაც მეოთხე დღეს მამათქვენმა და თქვენმა ძმამ შეიძინეს იმავე ფასში და გაყიდეს მალევე ძალიან ძირად. ეს სერიოზულ ეჭვებს ბადებს... მით უმეტეს, რომ არც მამათქვენი მუშაობს და თქვენი ძმაც სტუდენტია...

_ მამაჩემს სახელმწიფო სამსახურში არასდროს უმუშავია.

_ არც სხვაგან აქვს ნამუშევარი. ჩვენ გადავამოწმეთ და მიწების შეძენის დროსაც უმუშევარი იყო...

_ კი, ვერც დააფიქსირებდით ვერსად. ის ხშირად გადის საქართველოდან, _ გვითხრა მოისწრაფეშვილმა და აღნიშნა, რომ ამ თემაზე საუბარი არ შეუძლია, რადგან ინფორმაციას არ ფლობს.

აუდიტის სამსახურის დასკვნაში, ასევე, მოხვდა ქალაქ ოზურგეთის მუნიციპალიტეტის მერიის ინფრასტრუქტურის და ქონების მართვის სამსახურის ყოფილი უფროსის მერაბ წივწივაძის მიერ შეძენილი 1 ჰექტარი და 400 კვ. მიწის ნაკვეთი, რომელიც, აუდიტის თქმით, ასევე, იაფად არის შეფასებული.

წივწივაძე ამბობს, რომ მან მიწა კანონის სრული დაცვით შეიძინა:

_ მე წლებია, სოფლის მეურნეობას მივდევ და ეს ჩემი სფეროა. აუქციონზე ვიყიდე მიწა ჩემი საქმიანობისთვის _ ბამბუკის გასაშენებლად. ნებისმიერს შეუძლია მივიდეს და ადგილზე ნახოს _ სრული ჭაობია. არანაირ უკანონობას ადგილი არ ჰქონდა. არც დავმალულვარ _ ჩემი სახელით შევიძინე. რაიმე უკანონო რომ ყოფილიყო, უამრავი ნათესავი მყავს და მათ ვაყიდინებდი.

არ მესმის, აქ რატომ გაჩნდა კითხვები. ვინმეს არ ეგონოს, ეს მიწა „ბლექ სი არენასთანაა“. ე. წ. ლეკიანშია, საფერმე ადგილებზე და ამ ტერიტორიის წინ, თხილით გაშენებული 1 კვ. მიწა სულ ცოტა ხნის წინ 1 ლარად და 60 თეთრად გაიყიდა, _ გვითხრა წივწივაძემ.

გარდა ამისა, სახელმწიფო აუდიტის დასკვნაში საეჭვო გარემოებად არის მიჩნეული ოზურგეთის მუნიციპალიტეტის საკრებულოს თავმჯდომარის დავით დარჩიას დის, სოფელ შრომის ყოფილი გამგებლის მაყვალა დარჩიას სიძის _ ბახვა ჩხარტიშვილის მიერ შეძენილი მიწები.

აღსანიშნავია, რომ სწორედ ჩხარტიშვილია ის პიროვნება, რომელმაც „ნავსი“ გატეხა და სწორედ მან შეიძინა პირველად მიწა ძალიან იაფად.

დავით დარჩია ამბობს, რომ ამ საქმის შესახებ არაფერი იცის. მაყვალა დარჩია აღნიშნავს, რომ მის სიძეს მასთან არაფერი შეუთანხმებია:

_ მას შემდეგ გავიგე, რაც დაიწერა. რა შუაში ვარ მე ან ჩემთან რატომ უნდა შეეთანხმებინა ბახვას რაიმე. მან ჩემზე უკეთ იცოდა მიწის ფასი _ წლების მანძილზე მუშაობდა გამგეობაში, _ ამბობს მაყვალა დარჩია.

ჩვენ შევეცადეთ დეტალები ბახვა ჩხარტიშვილთანაც გაგვერკვია, თუმცა, მან „გურია ნიუსის“ სატელეფონო ზარებსა არ უპასუხა.

არადა, კითხვები ბევრი იყო _ მით უმეტეს, რომ ჩხარტიშვილი 2012-2014 წლებში, მაშინ, როცა მუნიციპალიტეტის გამგებელი კონსტანტინე შარაშენიძე იყო, ქონების მართვის სამსახურს ხელმძღვანელობდა და მის მიმართ იაფად გაყიდულ ქონებასა და მიწებზე კითხვები იმ პერიოდშიც არსებობდა.

ჩვენი ინფორმაციით, ეს კითხვები სახელმწიფო უსაფრთხოების სამსახურსაც აქვს, რომელიც დაბალ ფასად გაყიდული მიწების საკითხს სწავლობს.

ჩვენი წყაროს თქმით საგამოძიებო უწყებას აქვს ეჭვი, რომ ქონების მართვის სამსახურის თანამშრომლებს ვიღაც მითითებებს აძლევდა:

_ სულ პირველი აუქციონი, რომელზეც ძალიან იაფად გაიყიდა მიწა, სწორედ ბახვა ჩხარტიშვილმა მოიგო. მიუხედავად იმისა, რომ მიწა აუდიტის მიერ იყო შეფასებული, კითხვები მაინც გაჩნდა. ამის შემდეგ ვეღარ შეძლეს ფასის დაწევა და ინერციით წავიდა ყველაფერი. იმის გამო, რომ კითხვები არ გაჩენილიყო, სულ დაბალ ფასში გაყიდეს მიწები. სწორედ ამ საკითხებს სწავლობს ახლა სუს-ი, _ ამბობს ჩვენი წყარო.

ამ ფაქტის გარდა, სუსი, ასევე, სწავლობს კიდევ ერთ საეჭვო აუქციონს, რაზეც სახელმწიფო აუდიტის სამსახურიც ყურადღებას ამახვილებს. საქმე ეხება ოზურგეთის მუნიციპალიტეტის სოფელ შრომაში გაყიდული მიწებს _ 18 350 კვადრატული მეტრი მიწაში სოფელ შემოქმედში მცხოვრებ ლაშა მგელაძეს 9 633. 75 ლარად აქვს შეძენილი ანუ 1 კვ.მ მიწის ნაკვეთში 50 თეთრია გადახდილი.

სუს-ის მიერ გაკეთებულ პირველად დასკვნაში გარკვევით წერია, რომ აუდიტის მიერ მიწის შეფასება კანონის გვერდით ავლით მოხდა და მას ამაში გამგეობის თანამშრომელი დაეხმარა.

გამოძიებით დადგენილია, რომ 2016 წლის 18 მარტს და, ასევე, 2017 წლის 17 აგვისტოს, აღნიშნული მიწის ნაკვეთის საბაზრო ღირებულების დადგენა დამოუკიდებელი აუდიტორის დავით რობაქიძის მიერ მოხდა კანონით დადგენილი წესებით დარღვევით. კერძოდ, გამოძიებით უტყუარად დადასტურებულია, რომ დამოუკიდებელი აუდიტორი დავით რობაქიძე საერთოდ არ ყოფილა შესაფასებელ ობიექტზე, არ გამოუყენებია მიწის ნაკვეთის შეფასების არც ერთი კრიტერიუმი და ფასის განსაზღვრისას დაეყრდნო ოზურგეთის მუნიციპალიტეტის მერიის ეკონომიკური სამსახურის ქონების მართვის განყოფილების უფროსის, მალხაზ გორგოშიძის მიერ მიწოდებულ არარეალურად დაბალ ფასს _ 1კვ.მ _ 0.50 ლარი“, _ წერია დასკვნაში, რომელშიც, ასევე, აღნიშნულია, რომ სამხარაულის ეროვნული ექსპერტიზის ბიურომ აღნიშნული მიწის 1 კვ.მ 43 ლარად შეაფასა.

რატომ გადაუგზავნა აუდიტს ასეთი ფასი და ვისი მითითებით გააკეთა ეს, მალხაზ გორგოშიძისგან ვერ გავიგეთ. ჩვენი კითხვის მოსმენის შემდეგ კი ტელეფონი გათიშა და ზარებს არც მოგვიანებით უპასუხა.

რაც შეეხება აუდიტს _ დავით რობაქიძე ამბობს, რომ მას კანონი არ დაურღვევია:

_ ზოგან ჩავდიოდი და ზოგან _ არა. მიწის შეფასების დროს არაა აუცილებელი ჩასვლა. სადმე წერია, რომ ყველგან უნდა ჩავიდე?! _ გვითხრა რობაქიძემ.

აუდიტი ამბობს, რომ არ არსებობს ფაქტი, სადაც სახელმწიფოს მიერ დადგენილ ფასზე სამმაგად მეტად მიწა გაყიდულიყოს.

_ მაქ მიწა ღირს 3 და 5 თეთრი, მე შეფასებული მაქვს 50 თეთრად. ეს ის მიწებია, რომელიც კომუნისტების დროსაც კი არ ყოფილა გამოყენებული. მინიმალური საპრივატიზაციო ფასი დავადე მე.

_ რატომ არ დაადგინეთ საბაზრო ფასი?

_ მეტად არ იყიდება. მე იმერეთიდან ვარ და განახებთ, რომ ლარნახევრად და ორ ლარად, საკარმიდამო, განაშენიანებული, შემოღობილი მიწები იყიდება.

_ ბატონო დავით, თქვენ მიერ ორლანახევრად შეფასებული მიწა მყიდველმა ერთ კვირაში 18 დოლარად გაყიდა

_ შეიძლება ვიღაცა გამოიჭირო და გაყიდო. მაგაზე არაა საუბარი. მე გეუბნებით, რა ღირს მიწები, რომლებზეც განაშენიანებაც არის, სადაც გაზიც არის და წყალიც მიყვანილი. აქ კი არის მიწები, რომლებიც კომუნისტების დროსაც არ გამოყენებულა. არც საძოვარი ერქვა, არც _ სახნავი. არავის არასდროს გამოუყენებია. ახლა ამოიდგა ყველამ ენამ და ლაპარაკობს ამდენი და იმდენი ღირსო.

_ ბატონო დავით, არსებობს ეჭვი, რომ მიწის დაბალ ფასად შეფასებისთვის მითითებებს იღებდით მუნიციპალიტეტის ხელმძღვანელობისგან...

_ არავისთან არ მქონია კონტაქტი ქონების მართვის სამსახურის გარდა. თვალით არ მინახავს გამგებელი, ან რატომ უნდა მენახა?!

_ ძალიან დაბალ ფასში აფასებთ მიწებს და ეჭვები რომ ჩნდება, ბუნებრივია..

_ ამაზე გითხარით უკვე. ვიყავი სუს-ში და კითხვებზე პასუხიც გავეცი. მე ვადებდი ქონებას ფასს და ვინმეს თუ უნდოდა, მოემატებინა ფასი.

_ ფასს სხვა როგორ მოამატებდა, ბატონო დავით?! თქვენ ხომ აუდიტი ხართ და სწორედ მაგიტომ გიკვეთავენ მომსახურებას, რომ ფასი დაადგინოთ... თქვენ გაქვთ ამის ვალდებულება და ამის პარალელურად ირკვევა, რომ თქვენ არც კი ჩამოდიოდით ადგილზე...

_ ზოგან ჩამოვდიოდი, ზოგან _ არა.

_ ზოგან რომ არ ჩამოდიოდით და ამ არჩამოსულზე შეფასებულ მიწებზე რომ ვიღაც დიდი სარგებელს ნახულობდა, ესაა სწორედ პრობლემა. თქვენს მიერ შედგენილი აუდიტის საფუძველზე მილიონობით ლარის ზარალი აქვს სახელმწიფოს მიყენებული...

_ რას ლაპარაკობთ!!! რა ზარალი, რის ზარალი?! ახლა, ურეკში არასასოფლო მიწა 15 დოლარი ღირს 1 კვ.მ., ეს მიწები კი სასოფლოა და არ არის ზღვისპირეთში. ამას მიაქციეთ ყურადღება. აბსურდია ჩემთვის რაიმეს დაბრალება. არ ყოფილა ბუნებაში და ვერც ვერავინ დამიმტკიცებს, რომ ვინმესთან გარიგებაში ვიყავი, _ გვითხრა რობაქიძემ.

გარიგებას კატეგორიულად გამორიცხავს ლაშა მგელაძეც _ იგი ამბობს, რომ მიწა კეთილსინდისიერად შეიძინა და აუქციონში სხვა დროსაც მიუღია მონაწილეობა:

_ არანაირი კანონდარღვევას არ ჰქონია ადგილი. გამოცხადდა აუქციონი და შევიძინე მიწა. სხვა დროსაც მიმიღია აუქციონში მონაწილეობა. რაა ამაში საეჭვო?!

_ ძალიან იაფად გაქვთ შეძენილი და არსებობს ეჭვები, რომ გარიგებას ჰქონდა ადგილი... ამის ერთ-ერთ არგუმენტად კი თქვენი და ოზურგეთის მუნიციპალიტეტის იმდროინდელი გამგებლის მერაბ ჭანუყვაძის მეგობრობა სახელდება...

_ მე შემოქმედში ვცხოვრობ და შემოქმედელია მერაბ ჭანუყვაძეც. ის მთელ შემოქმედთან მეგობრობს და ამის გამო აუქციონში მონაწილეობა ვერავინ უნდა მიიღოს? ოზურგეთში ყველა ყველას ნაცნობი, მეგობარია და ეს იმას ნიშნავს, რომ არ უნდა ვიცხოვროთ?! არც არავისთან შევსულვარ გარიგებაში და არც არაფერი დამიშავებია. მე კეთილსინდისიერად შევიძინე მიწა, _ ამბობს მგელაძე

ოზურგეთის მუნიციპალიტეტის ყოფილი გამგებელი მერაბ ჭანუყვაძე ამბობს, რომ ყველა მიწა კანონმდებლობის სრული დაცვით არის გაყიდული:

_ მიწის ფასს არ ადგენს არც გამგებელი და არც გამგეობის რომელიმე თანამშრომელი. მიწის ფასის დადგენა განსაზღვრულია კანონმდებლობის შესაბამისად და მის სარეალიზაციო ღირებულებას ადგენს დამოუკიდებელი ექსპერტი.

_ ბატონო მერაბ, თქვენი გამგებლობის დროს გაყიდული მიწის ფასი ძალიან დაბალია. ეს მიწები შეძენილი აქვთ ჩინოვნიკებს, ან მათ ახლობლებს. ერთ-ერთი მათგანი, ვგულისხმობ ლაშა მგელაძეს, თქვენი მეგობარია... სახელმწიფო აუდიტს აქვს ეჭვი, რომ გარიგებებს ჰქონდა ადგილი...

_ ეს არის ტყუილი! რას ქვია, ჩემი გამგებლობის დროს გაიყიდა იაფად მიწები?! ყველა მიწა გაყიდულია კანონმდებლობის შესაბამისად, ყველა პროცედურის სრული დაცვით, საჯარო აუქციონის წესით! როგორც უკვე გითხარით, მიწის ფასს არ ადგენს არც გამგებელი და არც გამგეობის რომელიმე თანამშრომელი!

მიწის ფასის დადგენა განსაზღვრულია კანონმდებლობის შესაბამისად და მის სარეალიზაციო ღირებულებას ადგენს დამოუკიდებელი ექსპერტი. რაც შეეხება ლაშა მგელაძეს _ მის აუქციონში მონაწილეობას საერთოდ არანაირი შეხება არ აქვს ჩემთან, რადგან მაგ დროისთვის მე გუბერნატორი გახლდით და შეხება არ მქონდა აუქციონთან. ეს არის ტყუილი, რომელიც მიმართული იყო ჩემი პიროვნების დისკრედიტაციისთვის.

ასე რომ, რა ეჭვიც არ უნდა ჰქონდეს ვინმეს, სიმართლე არის ერთი _ გამოძიება დაწყებულია და თუ რომელიმე მხარე არაკეთილსინდისიერად იყო ამ პროცესებში ჩართული, პასუხს აგებს კანონის წინაშე, _ გვითხრა მერაბ ჭანუყვაძემ.

 ამავე თემაზე: შარაშენიძის გამგებლობის მიწურულს ჩატარებული აუქციონები - კვადრატული 12 ლარად სიძისთვის

მილიონიანი სახელმწიფო ქონება 9 ათას ლარად გაიყიდა_ კორუფციული გარიგება თუ კანონიერი გასხვისება




 ახალი ამბები
  • ჩოხატაურს ელექტროენერგიის მიწოდება აღუდგაჩოხატაურის მუნიციპალიტეტს ელექტროენერგიის მიწოდება აღუდგდა. როგორც გვითხრეს, შუქის ჩაქრობა უამინდობამ გამოიწვია  და სწორედ ეს გახდა მიზეზი, რომ 30 წუთზე მეტი ჩოხატაურს ელექტროენერგია არ მიეწოდებოდა. ამავე მიზეზით იყო გამორთული შუქი დასავლეთ საქართველოს რამდენიმე მუნიციპალიტეტში. "ენერგო პრო ჯორჯიას" ინფორმაციით, ამჟამდ ელექტროენერგია დასავლეთ საქართველოს ყველა მუნიციპალიტეტს მიეწოდება. რაც შეეხება ამინდს _ დასავლეთში ისევ ძლიერი წვიმა და ელჭექია. საათზს მეტი გადაუღებლად წვიმს გურიაში, რასაც უკვე მოყვა პრობლემები _ დატბორილი და დაზიანებულია გზები, მილხიდები. ჩოხატურის მუნიციპიტეტის მერის ირაკლი კუჭავას ინფორმაცით, მერია საგანგებო რეჟიმზეა გადასული და მუდმივ კოორდინაციაში არიან სოფლებთან. შენიშვნა: ფოტო არ ასახავს შემთხვევის ... ...
  • გვარამია: არავითარი ივანიშვილის და ოცნების ინტერესი და თამაში ეს არ არის"ძალადობა არ უნდა დავუშვათ ყველამ ერთად" _ წერს სოციალურ ქსელში "რუსთავი 2"_ის გენერალური დირექტორი და თბილისის პრაიდის ორგანიზატორების გადაწყვეტილებაწ, პრაიდის ჩატარების თაობაზე, სტატუსით ეხმაურება: "მოკლედ, პრაიდი ტარდება. ეს უკვე მოცემულობაა და დავასრულოთ ამაზე ბჭობა, არ გვინდა მიდევენებული ლამპარი, აღარაა ამის არც დრო და არც ადგილი.  ვკონცენტრირდეთ მთავარ ამოცანაზე: ბნელები (რუსები) უნდა დავამარცხოთ. ძალადობა არ უნდა დავუშვათ ყველამ ერთად. მთავრობა საკუთარ თავს უნდა გადაახტეს და იცოდეს, რომ ვალდებულია. ასევე იცოდეს, რომ არავის არ გაგვეხარდება მისი წარუმატებლობა.  ყველა ამ ქვეყნის პატრიოტი ახლა ვართ თუნდაც ჩვენთვის ძალიან საძულველ მთავრობასთან ერთად ბარიკადის ერთი და იგივე მხარეს. მეორე მხარეს ბნელეთი და მორდორია (რუსეთი). არავითარი ივანიშვილის და ოცნების ინტერესი და თამაში, ჩემი ღრმა რწმენით, ეს არ არის. ამ სცენარში ან ვიმარჯვებთ ჩვენ ყველანი ერთად, ან ზეიმობენ ბნელები. ესაა დიხოტომია ან საქართველო, ან რუსეთი. წერტილი. ps სამწუხაროდ, მოუმზადებელი საზოგადოების დიდი ნაწილის უნებური მოკავშირეობა იქნება მთავარი, რასაც გამოიყენებენ ბნელები. ესაა ჩემთვის ყველაზე მძიმე რისკ ფაქტორი ამ ვითარებაში. ასევე, სამწუხაროდ, უსაფრთხოების დაცვის პრობლემა არა მხოლოდ აქციას ეხება, არამედ მის გაგრძელებას - ლგბტ თემის რიგითი წარმომადგენლების წინააღმდეგ ადუღებულ ზიზღთან გამკლავებას საქართველოს ქუჩებში, კაფეებში, კორპუსებში... pps ბოდიში ხშირი სტატუსებისთვის. გულწრფელად, ძალიან ვღელავ." _ წერს ... ...
  • ძლიერი ქარი, წვიმა, ელჭექი და უშუქოდ დარჩენილი რაიონები _ რა ხდება დასავლეთშიამ წუთებში, დასავლეთ საქართველოს უმეტეს რეგიონში ძლიერი ქარი, წვიმა და ელჭექია. გამონაკლისი არ გურიაა _ თითქმის ნახევარსაათიან ძლიერ ქარს, ძლიერი წვიმა და ელჭექი მოჰყვა. ამ დროისთვის ელექტროენერგიის გარეშე დარჩენილია დასავლეთ საქართველოს მუნიციპალიტეტების უმრავლესობა, შუქი არ არია გურიაშიც. ჩვენი ინფორმაციით, ჩოხატაურში უამინდობამ პრობლემები უკვე შექმნა _ რამდენიმე სოფელში წაქცეულია ხეები, დაზიანებულია გზები და ... ...
  • ხანძარი ქუთაისის მე-3 საჯარო სკოლაშიქუთაისის მე-3 საჯარო სკოლაში ხანძარი იყო, _ ინფორმაციას შინაგან საქმეთა სამინისტროს გადაუდებელი დახმარების ოპერატიული მართვის ცენტრ „112" ავრცელებს. შემოვიდა შეტყობინება, რომ ქუთაისში, მე-3 საჯარო სკოლისშენობაში იყო ძლიერი დაკვამლიანება. შეტყობინების მიღებისთანავე, ადგილზე დაუყოვნებლივ გამოცხადდნენ საგანგებო სიტუაციების მართვის სამსახურისმეხანძრე-მაშველთა ჯგუფეაბი, პოლიციის ეკიპაჟები და სასწრაფო სამედიცინო დახმარების ბრიგადები. ადგილზე მისვლის პირველივე წუთებში მოხდა დაკვამლიანების წყაროს იდენტიფიცირება. კერძოდ, სკოლის სასხვენო გადახურვაზე, დაახლოებით, 20 კვ/მ-ისფართობზე გაჩენილი იყო ხანძარი. მისი ქრობის პროცესში, ცეცხლის გავრცელების პრევენციის მიზნით, 7 ავტოცისტერნა და ცოცხალი ძალა ჩაერთო. ამდროისათვის ხანძარი ლიკვიდირებულია. მომხდარის შედეგად არავინ დაშავებულა. სკოლაში სასწავლო პროცესი უკვე დასრულებულია. შესაბამისად, შენობაში მოსწავლეები არ იმყოფებოდნენ. პოლიციამ მომხდარ ფაქტზე გამოძიება საქართველოს სსკ-ს 188-ე მუხლის მე-2 ნაწილით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს, _ ნათქვამია ... ...
  • საქართველოს ბანკისა და ინფრასტრუქტურის მშენებელთა ასოციაციის ორგანიზებით ფორუმი გაიმართა (R)ინფრასტრუქტურის მშენებელთა ფორუმზე ინფრასტრუქტურის დარგში არსებული სიახლეები, გამოწვევები და პერსპექტივები განიხილეს. ამასთანავე, გალტ & თაგარტმა შეხვედრაზე საქართველოს ეკონომიკისა და მშენებლობის სექტორის მიმოხილვა წარმოადგინა. პრეზენტაციაზე განიხილეს საქართველოს ეკონომიკის ზრდის ტენდენციები, მიმდინარე რეფორმები, გაცვლითი კურსის დინამიკა და მოლოდინები. ასევე, ფორუმის მონაწილეები გაეცნენ სამშენებლო სექტორის მიმდინარე ტენდენციებს, ზრდის პერსპექტივებსა და დაფინანსების წყაროებს. „საქართველოს ბანკი ქვეყნისთვის მნიშვნელოვანი სექტორების ხელშეწყობასა და განვითარებას განაგრძობს. აღსანიშნავია, რომ სამშენებლო სექტორს მშპ-ს 9.3% უკავია და სექტორის ბრუნვა 7.2 მლრდ ლარს შეადგენს. ინფრასტრუქტურის განვითარება მნიშვნელოვანია ქვეყნის ეკონომიკური ზრდის მაღალი ტემპისთვის, ვინაიდან უკეთესი ინფრასტრუქტურა ქვეყნის ეკონომიკის პოტენციალის სრულად გამოყენებას უწყობს ხელს, მათ შორის ისეთ დარგებში, როგორებიცაა ტურიზმი, ტრანსპორტი და ლოგისტიკა, მრეწველობა, ვაჭრობა და სხვა. მშენებლობის დარგი, ასევე, მნიშვნელოვანია სოციალური თვალსაზრისით, რადგან ის ერთ-ერთი მსხვილი დამსაქმებელია. საქართველოს ბანკი გალტ & თაგარტთან ერთად მუდმივად მზად არის, საკუთარი გამოცდილება გაუზიაროს დარგის მოთამაშეებს, რათა მათ შეძლონ თავიანთი საქმიანობის განვითარება, რისკების გადაზღვევა, სწორი გადაწყვეტილებების მიღება და ამით ბიზნესის უკეთ დაგეგმვა“,- განაცხადა საქართველოს ბანკის გენერალური დირექტორის მოადგილემ, გიორგი ფაილოძემ. ინფრასტრუქტურის ფორუმის მიზანია, ხელი შეუწყოს დარგში არსებული გამოწვევების შესახებ ღია პლატფორმის არსებობას, რათა კომპანიებმა ამ პლატფორმის საშუალებით მიიღონ ინფორმაცია მშენებლობის დარგში მიმდინარე ტენდენციებსა და დაფინასების შესაძლებლობებზე, ასევე, ეკონომიკაში მიმდინარე პროცესებზე. ... ...

არქივი

ზაფრანი

10 პროდუქტი დაღლილობის წინააღმდეგ

შვრია _ შვრია შეიცავს მაგნიუმს,...

როგორ ვებრძოლოთ ღამით ჭამას

ეგრეთ წოდებული, "ღამის დიეტის" ავტორი...

ქალის ხასიათს პომადით გამოიცნობთ

1. თუ პომადა ორმხრივადაა ნახმარი,...

გახდომა მავნებელი ყოფილა

ცოტა ხნის წინ ამერიკელმა მეცნიერებმა...

აქტიური კომპიუტერული თამაშები აუმჯობესებს მხედველობას

ამერიკელმა მეცნიერებმა დაადგინეს, რომ კომპიუტერული...

10 პროდუქტი რომელიც სახის კანს ასუფთავებს

ყველას უნდა ჰქონდეს სუფთა, ჯანმრთელი...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...