"სიცოცხლე ჯოჯოხეთად გვექცა!"

მთავარი თემა

"სიცოცხლე ჯოჯოხეთად გვექცა!"

25 სექ. 2020, 12:29:50

"გურია ნიუსი" არაერთხელ წერდა იმ ზიანის შესახებ, რაც რეგიონს გარემოსდაცვითი კუთხით ჰესების აშენების შედეგად შეიძლება მიადგეს და ამ მხრივ არაერთი საპროტესტო აქციაც გაგვიშუქებია.

თუმცა, ამჟამად ჩვენმა რედაქციამ ჩოხატაურის მუნიციპალიტეტის სოფელ ხიდისთავში მცხოვრები 19 ოჯახის ერთობლივი განცხადება მიიღო.

მოსახლეობა სოფლის გზაზე ჰესის მშენებლობაზე მომუშავე მძიმეწონიანი მანქანების გადაადგილებას აპროტესტებს და გზის გაკეთებას ითხოვს, წინააღმდეგ შემთხვევაში, კი გზის გადაკეტვით და არჩევნებზე არმისვლით ემუქრება ადგილობრივ ხელისუფლებას.

ხიდისთავში, "იაშვილის უბნის" მცხოვრებლები ამბობენ, სოფლის მოუწესრიგებელი გზა, ტრაილერების გადაადგილების შედეგად, მშრალ ამინდში ისე მტვერდება, მოსასხამით დადიან, რომ არ გაიბუღონ, წვიმაში კი ისე ტალახდება, გზაზე გავლა უჭირთ.

მათი თქმით, მანქანების გადაადგილების შედეგად წარმოქმნილი ბიძგები სახლების ჩამონგრევის მიზეზი შეიძლება გახდეს.

მოსახლეობა ამბობს იმასაც, რომ პრობლემის მოსაგვარებლად ხიდისთავში ჩოხატაურის მუნიციპალიტეტის მერის ყოფილ წარმომადგენელს, დავით ვასაძეს მიმართეს, მაგრამ მხოლოდ დაპირება მიიღეს, რომ გზა ჰესის მშენებლობის დასრულების შემდეგ გაკეთდება.

რაც შეეხება მერის ახლად დანიშნულ წარმომადგენელს, ზურაბ მათითაიშვილს, ის მოსახლეობას მოთმინებისკენ მოუწოდებს.

ხიდისთაველები ამბობენ, რომ ჰესის მშენებლებიც იმავეს იმეორებენ, რადგან გზა, გაკეთების შემთხვევაში, მანქანების გადაადგილების შედეგად ისევ დაზიანდება.

მოსახლეობა მიღებული დაპირების მიუხედავად შიშობს, რომ ჰესის მშენებლობის დასრულების შემდეგ მშენებელ კომპანიას ვეღარ იპოვიან და გზის პრობლემა მოუგვარებელი დარჩება.

"ხიდისთავის მოსახლეობა ძალიან მძიმე მდგომარეობაში ვართ. ჰესის მშენებლობაზე მიმავალი მძიმე წონიანი მანქანების გადაადგილების დროს სახლები ზანზარებს. ფილმში რომაა, "ცისფერი მთებში" _ "შემაქანა, შემაქანაო", ასე შექანებულები ვართ. ეკოლოგიურად გაუსაძლის პირობებში გვიწევს ცხოვრება. საშინელი მტვერი დგება. სარეცხი ვერ გაგვიფენია. ისეთი ბუღია, თითი რომ მიიტანო თვალთან, ვერ დაინახავ! წვიმის დროს ისეთი გუბეები დგება, თუ გზად ვართ და მანქანებმა გაიარეს, გვწუწავენ.

გამოკრულია გაფრთხილება სიჩქარის შენელების შესახებ, მაგრამ სიჩქარეს არავინ უკლებს.

ადრე ვასაძეს ვთხოვეთ და დაგვპირდნენ, რომ როცა ჰესი აშენდება, მერე გავაკეთებთო, მაგრამ ადამიანები არ ვართ? დაინგრეს სახლები? სიცოცხლე ჯოჯოხეთად გვექცა. მაგათი წყალობით აწი კალმახი აღარ იქნება წყალში, ამით დამთავრდება გუბაზეულის სიცოცხლე! ჩვენ რა ვქნათ? ვინ დგას ამ ყველაფრის უკან? მერის წარმომადგენელი, ზურაბ მათითაიშვილი ამბობს, მოვითმინოთო. ჰიტლერი ამბობდა, "დაწერეთ ყველაფერი ქაღალდზე. ოღონდ სასურველ მიზანს მივაღწიოთ, ქაღალდი კი ყოველთვის დაიწვება და დაიხევაო". ეგენი მემორანდუმს შეასრულებენ? ან ვინ მოთხოვს პასუხს? ეს კაშხალი რომ დაინგრეს, ჩაიძირება მთელი სოფელი.

ისე ვართ გამწარებულები, გზის გადაკეტვას ვაპირებთ. უკვე რამდენიმე წელიწადია ვითმენთ და ვეღარ მოვითმენთ. არჩევნების დროს შეიძლება ბოიკოტი გამოვაცხადოთ.

ჰესის მშენებლობა რომ დასრულდება, ჩვენ მაგათ ვეღარსად ვიპოვით. ამბობენ, ჩვენ რომ ახლა გზა გავაკეთოთ, მალე გაფუჭდებაო. ხიდისთავში მოსვლამდე, საიდანაც კი ამოდიან _ ჩაისუბნის, ჩოხატაურის, სამტრედიის, ოზურგეთის გზა არ გაფუჭებულა, რაღა მაინცდამაინც გზის ეს მონაკვეთი გაფუჭდება?!

წყლის "ტრუბები" რომ სკდება მანქანების სიარულისგან, აკეთებენ, მაგრამ გზის დასხმაა აუცილებელი.

ის მონაკვეთი, რის მოწესრიგებასაც ჩვენ ვითხოვთ, ნახევარი კილომეტრიც არ არის და რა გახდა ამის გაკეთება?! შეწუხებულია 19 ოჯახი. დაინგრევა სახლები და დაგვემხობა თავზე.

ჩავივლით მერის ირაკლი კუჭავას სახლთან ჯაყჯაყით და თუ გაუძლებს, ვნახოთ. ხმას კი არა სიკვდილს მივცემთ მაგათ! ორი წელია, ვითმენთ. ადამიანების ასე მასხრად აგდება როგორ შეიძლება?!" _ ამბობენ ხიდისთაველები.

"გურია ნიუსმა" აღნიშნულ საკითხზე პასუხის მიღება ჩოხატაურის მუნიციპალიტეტის მერისგან სცადა, მაგრამ ირაკლი კუჭავამ არც სატელეფონო ზარს და არც სმს შეტყობინებას არ უპასუხა.

მერის პრესსამსახურის თქმით კი, კუჭავა აღნიშნულ საკითხზე კომენტარის გაკეთებას ჯერ არ აპირებს. შესაბამისად, ადგილობრივი ხელისუფლებისგან პასუხი კითხვაზე _ თუ როდის იგეგმება გზის მოწესრიგება აღნიშნულ მონაკვეთზე, ვერ მივიღეთ.

ჰესის მშენებელ კომპანიაში კი ამბობენ, რომ ადგილობრივ მოსახლეობასა და მათ შორის მემორანდუმია გაფორმებული, რაც კომპანიის მხრიდან სოფელში წამოჭრილი პრობლემების მოგვარებას გულისხმობს.

მშენებელი კომპანიის "ენერჯი დეველოპმენტ ჯორჯიას" დამფუძნებელი და პროექტის მენეჯერი დავით ხაჩიძე გვეუბნება, რომ მემორანდუმი ძალაში გასული წლის სექტემბრიდან შევიდა და როგორც ხელშეკრულების დადების პერიოდში, ასევე, მას შემდეგაც, აქტიურად მიმდინარეობს სოფლის წარმომადგენლებთან საუბარი.

ხაჩიძის თქმით, გზა გადასაადგილებლად ნორმალურია, სრული მოწესრიგება კი ჰესის მშენებლობის დასრულების შემდეგ იგეგმება და ახლა აზრი არ აქვს. თუმცა, კომპანია მოსახლეობის მოთხოვნაში გარკვევას და მის მოგვარებას ეცდება:

"სოფელი გვესაუბრება და ვესაუბრებით, ის პატარ-პატარა პრობლემები, რაც არის, დავუშვათ _ მტვერი, ტალახი, წყლის მილების დაზიანება, ამ საკითხებზე ღიად ვსაუბრობთ. ამ საუბრებმა და ამ პრობლემებმა მოგვცა საშუალება, რომ ფორმალური შეთანხმება გავაკეთეთ ერთმანეთთან. ჩვენც გამოვთქვით მზაობა, რომ ჩვენი მხრიდან აღმოვუჩინოთ სოფელს დახმარება, რასაც შევძლებთ ფინანსური თუ ტექნიკური მიმართულებით. პრობლემებზე შევჯერდით ერთად, ჩამოვწერეთ და გავაფორმეთ მემორანდუმი, რომელიც გულისხმობს ფონდისთვის თანხის გადაცემას და სოფელი, თავისი პრიორიტეტების შესაბამისად, ახორციელებს ამ თანხების ათვისებას. ხელშეკრულება არის უვადო და მზად ვართ, სოფელს დავეხმაროთ. ასევე, სოფელმა გამოხატა მზაობა, რომ იქნება ჩვენ გვერდით და პროექტი არ შეფერხდება. შარშან სექტემბრიდან მემორანდუმი უკვე ძალაშია.

მემორანდუმში მონაწილეობს თითქმის ყველა ადამიანი.

გზა დაზიანებული არ არის _ პირიქით, რაც იყო, იმაზე უკეთაა აღდგენილი. მსუბუქი მანქანები ადიან ობიექტამდე. გზა რომ იყოს დაზიანებული, ჩვენ თვითონ ვერ ვიმუშავებდით. რას გულისხმობს მოსახლეობა ამ დაზიანებაში, არ ვიცი.

გზა კარგ მდგომარეობაშია, მოხრეშილია, ორმოები არ არის. როცა ჰესის მშენებლობა დასრულდება კიდევ უფრო მოწესრიგდება და კარგ მდგომარეობაში დარჩება სოფელს. ახლა ამ გზის კაპიტალურად შეკეთებას აზრი არ აქვს, რადგან ისევ დაზიანდება. სხვა შემთხვევაში, გზა ფუნქციონირებს თავიდან ბოლომდე. ამ საკითხზე ველაპარაკეთ მოსახლეობას. მათ იციან, რომ იმ ნაწილში გზა ჰესის მშენებლობის შემდეგ აღდგება ისე, როგორც უნდა იყოს სტანდარტებში.

ამ 19 მოსახლის საჩივარს აუცილებლობად განვიხილავთ. არ ყოფილა შემთხვევა, ჩვენსა და სოფელს შორის რაიმე პრობლემა შექმნილიყო, რომელიც არ მოგვარებულიყო", _ ამბობს ხაჩიძე.

ა(ა)იპ საქველმოქმედო ფონდი "ოცხანას" თავმჯდომარე გიგა ფრუიძე გვეუბნება, რომ გზისპირა მოსახლეობა წუხდება მძიმეწონიანი სატვირთო ავტომობილების მოძრაობით. სოფლისთვის ცნობილია, რომ კომპანიამ განსაზღვრა ამ პრობლემის მოგვარების ვადა, რომ უპრობლემოდ დასრულდეს ჰესის მშენებლობა და ამჟამად მემორანდუმით გათვალისწინებული თანხა ეკლესიის მშენებლობას ხმარდება:

"ჩვენ ვართ არასამთავრობო ორგანიზაცია საქველმოქმედო ფონდი "ოცხანა", რომლის დამფუძნებლები არიან ხიდისთაველები, წევრები კი მთელი თემის მოსახლეობა. წევრობისთვის ფონდი დღესაც ღიაა. მისი თავდაპირველი დანიშნულება იყო შემოწირული თანხებით ეკლესიის მშენებლობის ორგანიზება და გამჭვირვალედ ხარჯვა. აღნიშნული მშენებლობის ხარჯის ძირითადი შემომწირველია ხიდისთავის ადმინისტრაციულ ერთეულში შემავალი მდინარე საშუალას ხეობაში ჰესების მშენებარე კომპანია შპს "ენერჯი დეველოპმენტ ჯორჯია’’.

შემდეგ სოფელსა და კომპანიას შორის წარმოიშვა მემორანდუმის გაფორმების სურვილი და ჩვენი ფონდი გახდა კომპანიასთან გაფორმებული მემორანდუმის მხარე. აღნიშნული მემორანდუმით კომპანია ჰესის ფუნქციონირების პერიოდში, ე. ი. უვადოდ, სოფელს ყოველწლიურად გადასცემს 50 000 ლარს მოსახლეობის ცხოვრების დონის გაუმჯობესებისთვის. აღნიშნული თანხის ხარჯვის პრიორიტეტს განსაზღვრავს ფონდის წევრები, რომელიც, თავის მხრივ, არის სოფლის მოსახლეობა. ამჟამად ეს პრიორიტეტი არის ეკლესიის მშენებლობა. ფონდი უზრუნველყოფს მოსახლეობისთვის ინფორმაციის მიწოდებას კომპანიის შემოწირული თანხის ხარჯვის შესახებ და დასახული პრიორიტეტის შესრულების ორგანიზებას. ამასთან, ფონდმა ხელი უნდა შეუწყოს კომპანიისა და მოსახლეობის კომუნიკაციას, გააცნოს მოსახლეობას კომპანიის საქმიანობა და ხელი შეუწყოს სოფელსა და კომპანიას შორის წამოჭრილი დავების მოგვარებას, მშენებლობის შეფერხების გარეშე.

ამ კონკრეტული შემთხვევის შესახებ შემიძლია გითხრათ, რომ ჰესის მშენებლობაზე მისასვლელი გზა გადის სოფელზე. რა თქმა უნდა, მოსახლეობა წუხდება მძიმეწონიანი სატვირთო ავტომობილების მოძრაობით, რომელიც, ასევე, აზიანებს გზის საფარს. განსაკუთრებით წუხდება გზისპირა მოსახლეობა. თუმცა, სოფლისთვის ცნობილია, რომ კომპანიამ განსაზღვრა ამ პრობლემის მოგვარების ვადა ისე, რომ უპრობლემოდ დასრულდეს ჰესის მშენებლობის პროცესი და მაქსიმალურად გაითვალისწინონ შენების პროცესში მოსახლეობის მოთხოვნა. ისინი არ გაურბიან მათ ვალდებულებებს.

ახლა ჩვენთვის თქვენგან გახდა ცნობილი ამ საკითხის ისევ დადგომის შესახებ ინფორმაცია, ჩვენ შევხვდებით მოსახლეობას და ამ შემთხვევაშიც ურთიერთთანამშრომლობით მოვაგვარებთ აღნიშნულ საკითხს", _ ამბობს ფრუიძე.

იმის გარკვევა, რა ეტაპზეა ჰესის მშენებლობა, დაახლოებით, რამდენი მოსახლის უზრუნველყოფა იქნება შესაძლებელი ელექტროენერგიით მშენებლობის დასრულების შემდეგ, გათვლილია თუ არა ჰესის დაზიანების შემთხვევაში რისკები, თუ რა საფრთხე შეიძლება დაემუქროს მოსახლეობას, გარემოს, მდინარეს ან სულაც მდინარეში წყლის დონის დაწევა ხომ არ არის მოსალოდნელი, ისევ "ენერჯი დეველოპმენტ ჯორჯიას" დამფუძნებელ და პროექტის მენეჯერთან ვცადეთ.

როგორც დავით ხაჩიძე გვპასუხობს, ჰესი ორკასკადიანი იქნება, აქედან 1 უკვე აშენებულია, ხოლო მეორე წლის ბოლომდე უნდა დასრულდეს. მშენებლობის პროცესში გარემოზე ზემოქმედების შესაფასებლად მონიტორინგი მიმდინარეობს:

"ჰესის განვითარება დაიწყო 2013 წლიდან. დაპროექტდა, გაიარა ყველა შესაბამისი პროცედურა და 2018 წლის მაისში დაიწყო მშენებლობა. არის ორი კასკადი ანუ ორი ჰესი _ 4.8 და 7.6 მეგავატი სიმძლავრის.

"ჰესი 2"-ის მშენებლობა დასრულებულია და მუშაობს გასული წლის ოქტომბრიდან. "ჰესი 1"-ის _ ზედა კასკადის მშენებლობა დასრულდება წლის ბოლომდე. ჰესი ჩართულია ერთიან ენერგოქსელში და მარაგდება კონკრეტულად ის ადგილები, რომლის მომარაგებასაც სისტემა ითხოვს. ერთი ჰესი, რომელიც ახლა გაშვებულია, უხეშად რომ ვთქვათ, 2 500 ოჯახს ამარაგებს. მეორე ჰესი, რომელიც ახლა გაეშვება, 4 000 ოჯახს მოამარაგებს", _ ამბობს ხაჩიძე.

მისი თქმით, ჰესის კაშხლის სიმაღლე 5 მეტრია და მასში წყალი არ გროვდება. შესაბამისად, დაზიანების შემთხვევაში, მდინარეში წყლის დონის მომატების საფრთხე არ არსებობს:

"სულ არის 5 მეტრი სიმაღლის ნაგებობები და დაცულია ყველანაირი სტანდარტი. ასეთი კლასის კაშხალს, დაზიანების შემთხვევაში, არანაირი რისკი არ მოაქვს. კაშხალი არის პატარა და შეტბორვა შიგნით არ არის. მდინარე არხისებურად შემოდის. იქ წყლის რაოდენობა არ გროვდება. როგორც წესი, ასეთი პატარა ზომის კაშხლები არ ზიანდება, მაგრამ მაინც, რაიმე რომ მოხდეს, გამორიცხულია წყლის დონის აწევა მდინარეში",_ გვპასუხობს ხაჩიძე.

იგი აღნიშნავს, რომ მას შემდეგ, რაც ჰესის მშენებლობა დაიწყო, პერიოდულად ტარდება მონიტორინგი და მშენებლობის შედეგად ბიომრავალფეროვნებას, თევზის სახეობებს და წყლის დონეს არანაირი საფრთხე არ ემუქრება:

"ჩატარებულია შესაბამისი კვლევები გარემოზე ზემოქმედების მხრივ. თევზის გადაადგილებას არანაირი პრობლემა არ ექმნება. მდინარის იმ მონაკვეთში დარჩენილია იმ რაოდენობის წყალი, რასაც მოითხოვს სტანდარტი და შეგვიძლია ვთქვათ, რომ იმაზე მეტიც. პერიოდულად ტარდება მონიტორინგი. ჩამოდიან შესაბამისი სამსახურები და იკვლევენ ბიომრავალფეროვნებას, აკვირდებიან თევზის გადაადგილებებს. ამზადებენ რეპორტებს და აბარებენ შესაბამის სახელმწიფო უწყებებში. ასევე, დამონტაჟებულია წყლის ხარჯთმზომები, რომელიც აღრიცხავს წყლის რაოდენობას კალაპოტში, რას შეესაბამება სტანდარტებს. ასე რომ, გარემოზე ზემოქმედების სისტემატურად ვაკვირდებით", _ ამბობს ხაჩიძე.




 ახალი ამბები
  • პლაკატების ტყედ ქცეული ლანჩხუთის პარკილანჩხუთის ცენტრალური პარკი ის ადგილია, სადაც საარჩევნო პერიოდში ამა თუ იმ საარჩევნო სუბიექტის პლაკატების გამოფენა და შემდეგ მათი განადგურება მიმდინარეობს. მოკლედ, ყოველ წინასაარჩევნო პერიოდში, პარკი პლაკატების ტყეს ემსგავსება, სადაც ერთ ხესაც ვერ მოიძევთ, რომელიმე პარტიის ლიდერისა თუ მაჟორიტარი დეპუტატობის კანდიდატის გამოსახულებიანი პლაკატი რომ არ ამშვენებდეს. უნდა ითქვას, რომ ყოველ დილით, ფაქტობრივად, პლაკატების განახლებული გამოფენაა წარმოდგენილი, რადგან პლაკატებთან ბრძოლის ტრადიცია კვლავაც მძლავრობს და სხვადსხვა მეთოდით მიმდინარეობს ბრძოლა სარეკლამო ქაღალდის ნაგლეჯთან. არიან ადამიანები, რომლებიც გარკვეული თანხის სანაცვლოდ ამა თუ იმ პარტიის დავალებას ასრულებენ და პლაკატებს ხევენ.   ... ...
  • "ხელისუფლება მაქსიმალურად ცდილობს, ოპოზიციას დააბრალოს რადიკალიზმი" _ ჭიჭინაძეხელისუფლება მაქსიმალურად ცდილობს, ოპოზიციას დააბრალოს რადიკალიზმი და ამ დროს თვითონ იბარებენ  მუქარებით  ადამიანებს, _ ამის შესახებ პოლიტიკური მოძრაობა „ტრიბუნას“ ლიდერმა დავით ჭიჭინაძემ განაცხადა. „პირადად ჩემი საოლქოს წარმომადგენლის მამა დაიბარეს და გააფრთხილეს, რომ სამსახურიდან გაათავისუფლებდნენ,  თუ მისი შვილი არ დატოვებდა  ჩემს საარჩევნო ოლქს.  სწორედ  ეს არის ის ძალადობა, რომელსაც  ყოველდღიურად ახორციელებს „ოცნების“ ხელისუფლება! „ოცნების“ ხელისუფლება ასევე ცდილობს, კორონავირუსი მაქსიმალურად სათავისოდ გამოიყენოს. რა დააშავეს თუნდაც ჩვენი პარტიის მხარდამჭერებმა,  რომლებიც თვითიზოლაციაში არიან, პოლიტიკურ ცხოვრებაში აქტიური მონაწილეობა უნდათ, „ოცნების“ ცესკო კი ამ უფლებას ართმევს?!  ე.წ. თავისიანებს კი, ვისაც ასევე უდასტურდებათ ვირუსი,  პირდაპირ ვაცხადებ, მალავენ! თანაც ისე, რომ მათ კონტაქტებსაც კი არ ახმოვანებენ! მოკლედ, პარტიული ნიშნით და უსამართლოდ ხდება ხმის მიცემის უფლების ჩამორთმევა ადამიანებისთვის, _ აცხადებს დავით ... ...
  • "ესებუა მოქმედი სამხედრო მოსამსახურე არაა" _ თავდაცვის სამინისტრო დოკუმენტს ავრცელებსთავდაცვის სამინისტრო ავრცელებს ინფორმაციას, რომელიც ადასტურებს, რომ „საქართველოს ბანკის“ ფილიალზე თავდასხმაში ბრალდებული პირი ბადრი ესებუა მოქმედი სამხედრო მოსამსახურე არ არის. „ნაციონალური მოძრაობის“ პარტიული ტელევიზიის - „მთავარი არხის“ მხრიდან გრძელდება დეზინფორმაციული კამპანია თავდაცვის ძალების წინააღმდეგ, თითქოს ზუგდიდში, ერთ-ერთი ბანკის ფილიალზე თავდამსხმაში ბრალდებული პირი მოქმედი სამხედრო მოსამსახურეა. მიუხედავად იმისა, რომ საჯარო განმარტება გავაკეთეთ, რომ აღნიშნული პირი არ არის მოქმედი სამხედრო მოსამსახურე, ეს ტელევიზია და ზოგიერთი ანგაჟირებული პოლიტიკოსი უგულებელყოფს ამ ფაქტს და შეგნებულად ავრცელებს სრულად საპირისპირო ინფორმაციას. საზოგადოებისა და თავდაცვის ძალების საუკეთესო ინტერესებიდან გამომდინარე, ვავრცელებთ ოფიციალურ დოკუმენტს, რომლითაც მტკიცდება, რომ თავდასხმაში ბრალდებული პირი ბადრი ესებუა არ არის მოქმედი სამხედრო მოსამსახურე“, - აცხადებს თავდაცვის სამინისტროს სტრატეგიული კომუნიკაციებისა და საზოგადოებასთან ურთიერთობის დეპარტამენტის უფროსი ნიკოლოზ ... ...
  • პატარა გიორგი ბერიშვილს ჩვენი დახმარება სჭირდება ეს პატარა, ლამაზი ბიჭი გიორგი ბერიშვილია. გიორგის ერთი წლის წინ თავზე სიმსივნური წანაზარდი დაუფიქსირდა. პატარა ონის მუნიციპალიტეტის სოფელ გლოლაში ცხოვრობს. როგორც გიორგის დედა "გურია ნიუსთან" საუბრისას ამბობს, ექიმების თქმით, მკურნალობის ბოლო ეტაპზე არიან. "იაშვილის სახელობის ბავშვთა ცენტრალურ საავადმყოფოში ვმკურნალობთ. როგორც ექიმებმა გვითხრეს, სავარაუდოდ, მკურნალობის ბოლო ეტაპზე ვართ", _ გვითხრა გიორგის დედამ მარიამ ვაჩეიშვილმა.   მთელი წლის განმავლობაში მკურნალობის შედეგად ოჯახმა ყველა ფინანსური რესურსი ამოწურა და ახლა კეთილი ადამიანების იმედად არიან დარჩენილნი. შესაგროვებელი თანხა კი ბევრი არ არის. იმისთვის, რომ გიორგიმ მკურნალობის ეს ეტაპიც გაიაროს, მხოლოდ 1500 ლარია საჭირო. მოგმართავთ თხოვნით, გამოვიჩინოთ გულისხმიერება _ გიორგის ჯანმრთელობისთვის ყოველი ლარი მნიშვნელოვანია. გიორგის დასახმარებლად გახსნილია სპეციალური ანგარიში. GE25BG0000000162579635 _ Მიმღები მარიამ ვაჩეიშვილი; GE15TB7679445061100108 _ მიმღები ემზარი ბარამიძე. ან დარეკოთ ტელეფონის ნომერზე: (598) 417413 _ ... ...
  • არჩილ თალაკვაძე: "შემდგომ წლებში, ჩვენი მთავარი საზრუნავი ახალი სამუშაო ადგილები, ეფექტური სოციალური პოლიტიკა და განათლება...გთავაზობთ ინტერვიუს, რომელიც "გურია ნიუსმა" თქვენთვის ექსკლუზიურად ჩაწერა საქართველოს პარლამენტის თავმჯდომარე არჩილ თალაკვაძესთან. _ ბატონო არჩილ, სამწუხაროდ, გურიამ, კოვიდ-19-თან დაკავშირებით, "მწვანე ზონის" სტატუსი დაკარგა; როგორ აპირებს სახელმწიფო შეუმსუბუქოს მოსახლეობას პანდემიით გამოწვეული მძიმე ყოფა? _ ჩვენ გვაქვს გლობალური პანდემიით გამოწვეული კრიზისის მართვის გეგმა და სრული კონსოლიდაცია, რომ ყველა რესურსი შედეგიანად გამოვიყენოთ ჩვენი მოქალაქეების, საზოგადოების ჯანმრთელობისა და კეთილდღეობის დასაცავად. ჯანდაცვის სისტემა 24-საათიან უწყვეტ რეჟიმში მუშაობს და დღე-ღამეში რამდენიმე ათას შემთხვევაზე ახდენს რეაგირებას; ექიმების, ექთნების და ეპიდემიოლოგების მუშაობა ამ რთულ დღეებში სამაგალითოა. სოციალური დახმარების ღონისძიებები, პირველ რიგში, მივმართეთ მათთვის, ვინც დაკარგა სამსახური და შემოსავალი: 72000-ზე მეტ ადამიანს, ვინც სამსახური დაკარგა, სახელმწიფო 1200 ლარით დაეხმარა. 52000-ზე მეტ თვითდასაქმებულს 300-ლარიანი დახმარება ჩაერიცხა; 195000 სოციალურად დაუცველ ოჯახს დამატებით 600-ლარიანი დახმარება გადავეცით; ასევე, 600 ლარით დავეხმარეთ 22600 მრავალშვილიან ოჯახს და 40400 შეზღუდული შესაძლებლობების მქონე პირს. მიზნობრივად, 200-ლარიანი დახმარება გადავეცით საქართველოში ყველა ბავშვს, ვისმა ოჯახმაც განაცხადი გააკეთა. მიზნობრივი მხარდამჭერი ღონისძიებები პოსტ-კრიზისულ პერიოდშიც გაგრძელდება. კოვიდ19-ის პანდემია ჯერ კიდევ გრძელდება და ჩვენ ძალისხმევას არ დავიშურებთ, რომ გავუმკლავდეთ ამ გამოწვევას. _ "მწვანე ზონის" სტატუსი  აღარ აქვს, მაგრამ გურია ყოველთვის პოლიტიკურად აქტიური ზონაა; თქვენი აზრით, როგორია დღეს პოლიტიკური  ვითარება გურიაში?  _ ჩვენმა პოლიტიკურმა პარტიამ - "ქართული ოცნება - დემოკრატიული საქართველო", საზოგადოებას წარუდგინა საარჩევნო პროგრამა და მაჟორიტარობის კანდიდატი. ჩატარდა ბევრი შეხვედრა სოფლებსა და ქალაქებში. ოპოზიციური პარტიებიც ატარებენ წინასაარჩევნო შეხვედრებს და ხვდებიან თავის მხარდამჭერებს. ადგილზე არიან ეუთო/ოდირ-ის საერთაშორისო დამკვირვებლებიც. გურიაში წინასაარჩევნო კამპანია მშვიდად და კონსტრუქციულად მიმდინარეობს. _ მიგაჩნიათ, რომ პოლიტიკურმა პარტიებმა და ჯგუფებმა, მათ შორის, მმართველმა პარტიამ, ამომრჩეველს მაღალკონკურენტული, პროფესიონალი, ჯანსაღი პოლიტიკური წარსულის მქონე კანდიდატები წარუდგინეს? _ პარტია "ქართული ოცნება _ დემოკრატიული საქართველოს" მაჟორიტარობის კანდიდატი გურიის ოლქში ვასილ ჩიგოგიძეა. ვასილ ჩიგოგიძემ იცის გურიის საჭიროებები, საქმიანი ადამიანია, არაერთი სიკეთე აქვს გაკეთებული, უყვარს თავისი მხარე და პარლამენტიდან კიდევ უფრო მეტის გაკეთებას შეძლებს ხალხისთვის. ვფიქრობ, გურიაში ოპოზიციის კანდიდატებს ვასილ ჩიგოგიძე დამაჯერებლად მოუგებს და გაიმარჯვებს. წინასაარჩევნო პერიოდში, გურიაში არაერთი კვირა გავატარე და ოპოზიციური კანდიდატების ერთ ნაწილს პასიური კამპანია აქვს, მეორე ნაწილი კი დეზინფორმაციით არის დაკავებული, თითქოს "ქართული ოცნება" ფარულად მათაც უჭერს მხარს - ეს აბსურდია. "ქართული ოცნების" კანდიდატი გურიაში არის ვასილ ჩიგოგიძე და მას პარტიის სრული მხარდაჭერა აქვს 2020 წლის საპარლამენტო არჩევნებში. _ პოლიტიკური გამოცდილება გვიჩვენებს, რომ ბიზნესმენები პარლამენტში, ძალიან ხშირად პრობლემას ქმნიან საკუთარი ბიზნესინტერესებიდან, ბიზნესამბიციებიდან გამომდინარე; ასევე, პოლიტიკური "წესრიგის" და კანონების არცოდნის ან მიუღებლობის გამო.... საჭიროა თუ არა, პოლიტიკურმა პარტიამ გააანალიზოს ეს გამოცდილება? თუ საარჩევნო პროცესებში უპირატესობის მისაღწევად, აუცილებელია დავეთანხმოთ გავრცელებულ "თეორიას" _ "არჩევნებს იგებს ფული!" _ საქართველოს კანონმდებლობა არეგულირებს მოქალაქეთა პოლიტიკურ საქმიანობას. იქნება ფერმერი, ბიზნესმენი თუ ექიმი - ყველა მოქალაქეს აქვს პოლიტიკური უფლებები. პარლამენტის წევრის ბიზნეს საქმიანობას კანონი მკაფიოდ არეგულირებს და ამას აკონტროლებს როგორც საჯარო სამსახურის ბიურო, ასევე სამოქალაქო საზოგადოება. არჩევნებს პირველ რიგში, იგებს ხალხის ნდობა, გაკეთებული საქმეები, პოზიტიური დღის წესრიგი და საზოგადოებასთან სწორი კომუნიკაცია. _ ძალიან ხშირად, განსაკუთრებით მცირე პარტიები, რომლებიც მრავლად არიან პარტიულ ბიულეტენში წარმოდგენილნი, საუბრობენ გარიგებაზე  _ რომ მმართველი პარტია და მსხვილი ოპოზიციური პარტია პოლიტიკურ ველზე პოზიციების შესანარჩუნებლად ერთმანეთს "ამაგრებს"; დაპირისპირება ფორმალური,- "საგარეოა" და "საშინაოდ" ერთმანეთთან კავშირი სიამტკბილურია....  თუკი პოლიტიკურ  ოპონენტს "დამნაშავეს" უწოდებთ, რატომ არ  სამართლდება? ხომ არ მიანიშნებს ეს ხელისუფლების უღონობაზე? _ ეს არ არის სწორი შეფასება. სიმართლე ის არის, რომ "ქართულმა ოცნებამ" გაატარა ფუნდამენტური დემოკრატიული რეფორმები, მათ შორის საკონსტიტუციო და საარჩევნო რეფორმები, რომელიც ჯერ კიდევ 2018 წელს დასრულდა და კონსტიტუციაში მკაფიოდ ჩაიწერა, რომ ქვეყანა გადადის პროპორციულ საარჩევნო სისტემაზე. 2020 წლის არჩევნები 1%-იანი ბარიერით და არსებითად პროპორციული სისტემით ტარდება, რაც პირდაპირ არის პასუხი თქვენს კითხვაზე - არანაირი გარიგება არ სჭირდებათ პარტიებს ერთმანეთთან, ვინაიდან პირობები კონკურენტულია და ყველას, ვისაც აქვს ხალხის რეალური მხარდაჭერა, დამოუკიდებლად შეუძლია ბარიერის გადალახვა და შესვლა პარლამენტში. რიტორიკულია კითხვაც, თუ დანაშაულებრივ პოლიტიკას ატარებდა ნაციონალური მოძრაობა "რატომ არ სამართლდება?" რეალურად, "ნაციონალური მოძრაობის" ხელისუფლების 80-მდე მაღალჩინოსანი, რომელიც სასამართლომ დამნაშავედ ცნო, სასჯელს იხდის ან მოიხადა, მათი ნაწილი კი მიმალვაშია საზღვარგარეთ და ნახეთ, რომ 2019 და 2020 წელსაც რამდენიმე მათგანის ექსტრადირება მოხდა. 2020 წლის საპარლამენტო არჩევნებში ჩვენს საზოგადოებას აქვს შესაძლებლობა, რომ ასეთი ოპოზიციური ძალა და წარსულში მძიმე დანაშაულებში მხილებული მისი ლიდერები, პოლიტიკური ველიდან გაიყვანოს და მათი ადგილი ჯანსაღმა ოპოზიციამ დაიკავოს. "ქართულმა ოცნებამ" საზოგადოებასთან ერთად ეს დესტრუქციული და მძიმე პოლიტიკური ბიოგრაფიის მქონე პოლიტიკური პარტია "ნაციონალური მოძრაობა" 2012 და 2016 წლის არჩევნებში დაამარცხა. ახლა ისინი აღარ არიან ჩვენი მთავარი კონკურენტები _ მათ პრობლემა აქვთ საკუთარ წარსულთან. ვიმეორებ, საზოგადოებას აქვს ამ არჩევნებში შესაძლებლობა, რომ მილევად რეჟიმში მყოფი "ნაციონალური მოძრაობა" გაიყვანოს პოლიტიკური ველიდან და მისი ადგილი ჯანსაღმა ოპოზიციამ დაიკავოს. თქვენ მეკითხებით, რატომ სხედან ერთად მმართველი პარტიის და ოპოზიციის წარმომადგენლები სხდომათა დარბაზში? ან კომიტეტის სხდომებზე? ან საერთაშორისო კონფერენციებსა და სემინარებზე? ჩვენ პატივს ვცემთ თითოეული მოქალაქის მიერ გაკეთებულ არჩევანს და ვისაც არ მოსწონს ოპოზიციაში დესტრუქციული ჯგუფები, არ მოსწონს ის პოლიტიკური ლიდერები, ვინც პარლამენტზე და საკუთარ სახელმწიფოზე ძალადობრივ თავდასხმებს აწყობენ, რასაკვირველია ამ არჩევნებით შეუძლია უარი უთხრას მათ. ვფიქრობ, ჩვენი საზოგადოება მშვიდ, საქმიან და შედეგზე ორიენტირებულ პოლიტიკას იმსახურებს და "ქართული ოცნება" არის იმის გარანტია, რომ ქვეყანას სტაბილური პოლიტიკური სისტემა ექნება, რომელიც ქვეყანაში არა დაპირისპირებას, დესტაბილიზაციას და ძალადობას უწყობს ხელს, არამედ, ქვეყნისთვის მნიშვნელოვან საკითხებზე სწორ გადაწყვეტილებებს იღებს, აგვარებს პრობლემებს და უზრუნველყოფს პროგრესს. _ მოდით, დაპირებების შესახებაც ვისაუბროთ; წინა არჩევნებზე,"ქართული ოცნების" მხრიდან,  გურიაში რამდენიმე მნიშვნელოვანი დაპირება გაიცა  - განათლების, ინფრასტრუქტურის, წყალმომარაგების კუთხით...  ბუნებრივია, ზოგი შესრულდა, ზოგიც _ ვერა....ამომრჩეველს განსაკუთრებით შეუსრულებელი დაპირებები ამახსოვრდება. თქვენ, როგორც გურიის, ოზურგეთის მკვიდრს, რომელი აუხდენელი დაპირება გახსოვთ? _ ამ წლების განმავლობაში მართლაც მნიშვნელოვანი საქმის გაკეთება შევძელით მოქალაქეების მხარდაჭერით. გურიაში განსაკუთრებით გამოვყოფდი სოციალურ ინფრასტრუქტურას _ სკოლებს, ბაღებს, ამბულატორიებს, სასწრაფო სამედიცინო სამსახურის ბაზებს, საზოგადოებრივ ცენტრებს, მაგისტრალურ გზებს, გაზიფიკაციას, სპორტულ მოედნებს. გურიის რეგიონში მასშტაბური პროექტები გახორციელდა ბატონი ბიძინა ივანიშვილის და მისი ოჯახის ქველმოქმედებითა და დაფინანსებით _ შავი ზღვის სანაპირო ზონამ ახალი ეკონომიკური და კულტურული, ტურისტული და ეკოლოგიური მნიშვნელობა შეიძინა: საკონცერტო ცენტრი "ბლექ სი არენა", სასტუმრო "პარაგრაფი", დენდროლოგიური პარკი, მინიატურების პარკი და სხვა მნიშვნელოვანი პროექტები გურიას განვითარების ახალ პერსპექტივას აძლევს. სახელმწიფოს მხარდაჭერით გახორციელდა მნიშვნელოვანი საინვესტიციო და ბიზნეს პროექტები, რომელმაც ახალი სამუშაო ადგილები შექმნა _ ასეთია ორი სამკერვალო ფაბრიკა, თევზის თანამედროვე საწარმოები, მეფრინველეობის ფერმები, მოცვის ახალი პლანტაციები, თხილის და ჩაის თანამედროვე საწარმოები, რამდენიმე სასტუმრო და სხვა. კარგად გვესმის, რომ სიღარიბე კიდევ არა ერთ ოჯახში პრობლემად რჩება და შემდგომ წლებში ჩვენი მთავარი საზრუნავი სწორედ ახალი სამუშაო ადგილები, დასაქმება, ეფექტური სოციალური პოლიტიკა და განათლება იქნება. _ "ქართულმა ოცნებამ" წინასწარ დააანონსა, რომ პარლამენტს ისევ გურული თავმჯდომარე ეყოლება _ თქვენი პოლიტიკური ძალა თვლის, რომ კოალიციური შეთანხმებების აუცილებლობამდე საქმე არ მივა.... პოლიტიკაში პროგნოზები უმადური საქმეა, მაგრამ მაინც, როგორია თქვენი ყველაზე პესიმისტური  და ოპტიმისტური პროგნოზი? _ მხარდაჭერისთვის და ნდობისთვის საზოგადოების და ჩემი პოლიტიკური გუნდის მადლიერი ვარ. მეამაყება, რომ ამ 4 წლის განმავლობაში საქართველოს პარლამენტში ჩვენს მშობლიურ გურიას, თავისუფლებისმოყვარე და განათლებულ საზოგადოებას წარმოვადგენდი. სადაც ყველაზე მეტად გამოვადგები ჩემს ქვეყანას, მზად ვარ იქ ვიმუშაო _ თანამდებობა ჩემი თვითმიზანი არასოდეს ყოფილა. არ ვიცი, რას ამბობენ პოლიტიკური სინოპტიკოსები, მაგრამ მჯერა, რომ საზოგადოების მხარდაჭერით 2020 წლის საპარლამენტო არჩევნებში "ქართული ოცნება" დამაჯერებლად გაიმარჯვებს, ჩამოაყალიბებს უმრავლესობას პარლამენტში, დააკომპლექტებს მთავრობას და მეორე დღიდანვე განაგრძობს საზოგადოებისთვის საჭირო საქმის კეთებას.    _ "გურია ნიუსი" და ააიპ "Post ალიონი" ახორციელებს პროექტს "ვირჩევ დემოკრატიას!" - #მიეხმარასაქართველოს!" ეს პროექტი იმ ახალგაზრდების დასახმარებლადაა, ვინც პირველად მონაწილეობს არჩევნებში. რას ეტყოდით  მათ? _ ახალგაზრდების ხმა და მონაწილეობა მნიშვნელოვანია, რადგან საქართველო და მისი ხელისუფლება მომავალზეა ორიენტირებული. ჩვენ ვხსნით ახალ შესაძლებლობებს ახალგაზრდების განათლების, დასაქმების და პროფესიული განვითარებისთვის. "ქართული ოცნების" ახალ საპარლამენტო გუნდში არაერთი წარმატებული ახალგაზრდა ლიდერია და ჩვენი ქვეყნის მომავალი ახალგაზრდებს ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...