სოფელი, სადაც მოსახლეობის მხოლოდ 20 პროცენტს აქვს სასმელი წყალი

მთავარი თემა

სოფელი, სადაც მოსახლეობის მხოლოდ 20 პროცენტს აქვს სასმელი წყალი

2020 თებ 13 16:35:27

სოფელი შუა ამაღლება ჩოხატაურის მუნიციპალიტეტში, ურიის ქედის სამხრეთით, მდინარე სუფსის ხეობაში, ზღვის დონიდან 140 მეტრზე მდებარეობს და მუნიციპალიტეტის ცენტრიდან ოთხი კილომეტრი აშორებს.

იმის მიუხედავად, რომ სოფელი მაღალმთიანი არაა, მიგრაციის დონე მაინც მაღალია და 300-მდე კომლია დარჩენილი. 120 ბავშვზე გათვლილი ახალი სკოლის შენობა 2017 წელს შევიდა ექსპლოატაციაში და იქ 100 მოსწავლე სწავლობს. სოფელში სკოლის გარდა, ფუნქციონირებს საბავშვო ბაგა-ბაღი, მაღაზიები; ისტორიულ სოფელში 2 ეკლესიაა. სოფელში ადრე ჩაის ფაბრიკაც მუშაობდა, რომლის ნარჩენებიც სოფლის მოსახლეობის გადაწყვეტილებით, გაიყიდა და ამ თანხით, დანგრევის პირას მისული კულტურის ცენტრი აღადგინეს. კულტურის ცენტრში ორი ანსამბლი მუშაობს _ "როკვა" და "უდაბნო".

სოფლის ამბულატორიის შენობა ამორტიზებულია _ ახალია ასაშენებელი ან კულტურის ცენტრში არსებულ ფართში უნდა გადავიდეს. სოფლის ცენტრში არსებული ამორტიზებული შენობები ეკონომიკის სამინისტროს კუთვნილებაა _ საჭიროა მუნიციპალიტეტს გადმოეცეს დემონტაჟის მიზნით.

მაჟორიტარი დეპუტატი შუა ამაღლების ადმინისტრაციული ერთეულიდან, საკრებულოს სოციალური, კულტურის, განათლების და სპორტის კომისიის ხელმძღვანელი ვლადიმერ სიხარულიძე "გურია ნიუსთან" საუბარში ამბობს, რომ სოფელში მოუწესრიგებელია გზები:

_ სოფელში არის 23 კმ გზა და ფაქტობრივად, რეაბილიტაცია სჭირდება 23-ვე კილომეტრს. ადრე კატეგორიული წინააღმდეგი ვიყავი, რომ სოფლის პროგრამით დაყრილიყო ხრეში, რადგან მალევე წყალს მიჰქონდა; ამიტომ, დღეს ჩვენ რასაც ვაკეთებთ, ვაკეთებთ კაპიტალურად და ამას დრო დასჭირდება. წელს, სოფლის პროგრამით, ერთი მიმართულებით კეთდება სანიაღვრე არხები და კეთილმოეწყობა სოფლის ცენტრი, ერთ ადგილას მოხდება მილხიდის რეაბილიტაცია და გარკვეულ ნაწილზე დაიგება ასფალტი.

მოსახლეობასთან შეხვედრის დროს დადგა გარე განათების საკითხიც, მაგრამ გადავდეთ გვერდზე, რადგან იმდენად აქტუალური არაა, როგორც გზის მოწესრიგების საკითხი.

 ამ ეტაპზე ხორციელდება ერთი პროექტი რეგიონული განვითარების ფონდიდან (პროექტირების ტენდერში შპს "არტმა" გაიმარჯვა) და მეორე - სოფლის მხარდაჭერის პროგრამიდან, რომლის შესახებაც ტენდერს მუნიციპალიტეტის მერია გამოაცხადებს, _ ამბობს სიხარულიძე.

როგორც ვლადიმერ სიხარულიძე ამბობს, სოფელს ძალიან მწვავე _ უწყლობის პრობლემა უდგას.

_ პირველი წყალსადენი სოფელში 70-იან წლებში გაკეთდა, უდაბნოს მიმართულებით, საიდანაც წყაროს წყალი გამოედინება კლდიდან - ხარისხიანი სასმელად ვარგისი წყალი. იმ ერთი კუთხის პრობლემა მაშინ გადაწყდა. შემდეგ, სოფლის კოლმეურნეობამ გადაწყვიტა მთლიანად წყალსადენის ქსელი გაეკეთებინა, პროექტიც მომზადდა, მოიტანეს ყველა საჭირო მასალა, კაპტაჟები გაკეთდა, მაგრამ შემდეგ აირია ქვეყანა და სოფელი უწყლოდ დარჩა, _ ამბობს ვლადიმერ სიხარულიძე.

დეპუტატის თქმით, სოფელში შემკრები ავზები საკმარისი რაოდენობითაა _ 100-კუბიანი, 50-კუბიანი, 30-კუბიანი, ასევე, უდაბნოს მიმართულებით არის 80-კუბიანი ავზი, რომელშიც წყაროს წყალი ჩაედინება და რომელიც სოფლის ამ კუთხეს ჰყოფნის; დანარჩენი სოფელი კი არტეზიული ჭების ამარაა.

მოსახლეობის წყალმომარაგების უზრუნველსაყოფად, წყალსადენის ქსელი უნდა მოეწყოს; ამისთვის კი მუნიციპალიტეტმა თანხა უნდა მოიძიოს რომლისთვისაც თანხა, დეპუტატის თქმით, დაახლოებით, ნახევარი მილიონი ლარია მოსაძიებელი.

_ პრიორიტეტების განსაზღვრა მუნიციპალიტეტებში კვლავ გაუმჭვირვალე, ბუნდოვანი და საყოველთაო შეთანხმების მიღმა დარჩენილი პროცესია, _ ამბობს ორგანიზაცია "Post ალიონის" ხელმძღვანელი ია მამალაძე, _ ფორმალურად, მხოლოდ ქაღალდზე არსებული საზოგადოებრივი ან მრჩეველთა საბჭოების დონეზე კი არა, კვლევის, ფართო განხილვის შემდგომ უნდა შეირჩეს პრიორიტეტი, რომელია გადაუდებლად მოსაგვარებელი პრობლემა _ 400-კომლიანი სოფლის წყალმომარაგება თუ ასფალტის კიდევ ერთი ფენის "დამატება" დაბის ცენტრში. აუცილებლად უნდა გავითვალისწინოთ ისიც, რომ წლების განმავლობაში 10-15 ათასი ლარის ფარგლებში გამოიყოფა ხოლმე თანხები წყალსადენის სისტემების "მოსაწესრიგებლად" და ეს თანხები პირდაპირ გაფლანგულია, რადგან ვერც პრობლემას შველის და ხალხის ჯიბეს კი აკლდება. ასე იყო, მაგალითად შუა ამაღლებაშიც, როცა 13 ათას ლარზე მეტი, მხოლოდ დახეთქილი მილების ხის სოლებით "გამაგრებას" მოხმარდა! კაპიტალურად, ეფექტურად წყალმომარაგების ქსელის გაკეთება საშვილიშვილო საქმეა და ეს უნდა იყოს მუნიციპალიტეტის, სოფლის პრიორიტეტი.

მერის წარმომადგენელი შუა ამაღლებაში ნუგზარ ჯიბლაძე ამბობს, რომ სოფლის 60%-ს სასმელი წყალი არ აქვს:

_ 60%-ზე მეტს არ მიეწოდება წყალი, აქვთ მხოლოდ ტექნიკური წყალი და ძირითადად, ჭებს იყენებენ. მოსახლეობის მხოლოდ 20%-ს აქვს სასმელად ვარგისი წყალი. 25 კმ სიგრძის წყლის სისტემა მთლიანად შესაცვლელია. რაც არის გაყვანილი კოლმეურნეობის გაკეთებულია, 1984 წელში. ყველაზე დიდი პრობლემა წყალია ჩვენს სოფელში.

რაც შეეხება სკოლას და საბავშვო ბაღს, აქ 100-მეტრის სიღრმის ჭაბურღილია, 2 წლის წინ შემოწმდა, თუ არ ვცდები, სკოლის ინიციატივით და დადებითი პასუხი მოვიდა. მოსახლეობაში არსებული წყლის დაქლორვა ხდება, როცა საშუალება აქვს მოსახლეობას, თავისი ნებით ქლორავენ, რა თქმა უნდა. გაწმენდას რაც შეეხება, არის ადამიანი რომელიც წმენდს ზოგჯერ, მოსახლეობა უგროვებს 1-2 ლარს, თუმცა ზოგჯერ ამასაც არ აძლევენ, _ ამბობს ნუგზარ ჯიბლაძე.

ჯიბლაძის თქმით, მცირებიუჯეტიანი პროგრამებით შუა ამაღლებაში წყალმომარაგების საკითხი ვერ მოგვარდება - ამისთვის დაფინანსების მოძიებაა საჭირო. შემდგომი ექსპლუატაციისა და შენახვისთვის კი სახელმწიფოს საკუთრებაში არსებული ბუნებრივი რესურსის _ წყლის მოხმარებაზე თუნდაც მინიმალური გადასახადის შემოღებაა აუცილებელი:

_ აუცილებლად უნდა დაწესდეს ოფელში წყლის გადასახადი. მაშინ თითოეული მოქალაქე იზრუნებს საკუთარ გაყვანილობაზე, ონკანებს დააყენებენ და მიშვებული არ ექნებათ. ამ თანხით, შესაძლოა, ანაზღაურება დაენიშნოთ იმათ, ვინც მოუვლის რეზერვუარებს და იზრუნებს ქსელის მოვლაზე, _ ამბობს ნუგზარ ჯიბლაძე.

სოფლის დეპუტატი ვლადიმერ სიხარულიძე კი მიიჩნევს, რომ ამ ყველაფერს საკანონმდებლო ხარვეზიც ემატება:

_ კანონმდებლობა ითვალისწინებს, რომ წყალმომარაგების სისტემა იყოს ლიცენზირებული, როგორც, მაგალითად, დაბაშია _ სისტემა თავისი დაფინანსებით, ფაქტურით... ლიცენზირებული წყალმომარაგების სისტემა, რომელიც უვლის, არის პასუხისმგებელი და იღებს ფულს. რაც შეეხება სოფლებში, ადმინისტრაციულ ერთეულებში არსებულ წყალსადენებს, ზემოთ ჩამოთვლილი საკითხები გადაწყვეტილი არაა თუნდაც საკანონმდებლო დონეზე და ამიტომ, ყოველთვის ჭირს თანხის მოძიება წყალსადენების მოსაწესრიგებლად. მიმაჩნია, პირველ რიგში ეს კანონმდებლობაა დასახვეწი, _ ამბობს სიხარულიძე.

 მომზადებულია პროექტ "წმინდა წყალის" ფარგლებში




 ახალი ამბები
  • ხობის მუნიციპალიტეტში მცხოვრები 1000 ოჯახი საკვები პროდუქტების პაკეტს მიიღებს ხობის მუნიციპალიტეტში მცხოვრები სოციალურად დაუცველი 1000 ოჯახი საკვები პროდუქტების პაკეტს მიიღებს,- ამის შესახებ ინფორმაციას ხობის მუნიციპალიტეტის მერია ავრცელებს. მათივე ინფორმაციით, სამომხმარებლო პროდუქტების შესაძენად ადგილობრივ ბიუჯეტიდან 50 000 ლარამდე დაიხარჯება. ხობის მუნიციპალიტეტის მერის წარმომადგენლები სოციალურად დაუცველ ოჯახებს პროდუქტებს სახლში ... ...
  • დედაქალაქში დამატებითი შეზღუდვები წესდებაქვეყანაში შექმნილი ვითარებიდან გამომდინარე, დედაქალაქში დამატებითი შეზღუდვები წესდება. საგანგებო მდგომარეობის გამკაცრების გადაწყვეტილება კორონავირუსის გავრცელების საპრევენციო ღონისძიებების ფარგლებში, უწყებათაშორისმა საკოორდინაციო საბჭომ მიიღო. როგორც დედაქალაქის მერიის მიერ გავრცელებული ინფორმაციით, 31 მარტიდან ნებისმიერი ტიპის საზოგადოებრივი ტრანსპორტით, მათ შორის, თბილისის „მეტროპოლიტენით“ გადაადგილება იკრძალება. აკრძალვა, როგორც თბილისის მუნიციპალიტეტის, ასევე, ქვეყნის დანარჩენ ტერიტორიაზე იმოქმედებს. „აღნიშნულ პერიოდში, დედაქალაქის მასშტაბით გადაადგილება დასაშვები იქნება მხოლოდ მსუბუქი ავტომობილით, მათ შორის ტაქსით, იმ შემთხვევაში, თუ ჯანდაცვის სამინისტროს რეკომენდაციები სრულად იქნება გათვალისწინებული - ავტომანქანაში, მძღოლის ჩათვლით, უნდა მოთავსდეს მხოლოდ სამი ადამიანი. მათგან ორი ადამიანი, უნდა მოთავსდეს ავტომანქანის უკანა სავარძელზე, გარკვეული დისტანციის დაცვით. კიდევ ერთხელ შევახსენებთ ჩვენს მოქალაქეებს, განსაკუთრებით კი ტაქსის მძღოლებს, რომ მგზავრის გადაყვანის დროს, ავტომანქანის ფანჯრები დახურულ მდგომარეობაში არ უნდა ჰქონდეთ. წინააღმდეგ შემთხვევაში, შესაბამისი ორგანოები კანონის ფარგლებში იმოქმედებენ“,_ ნათქვამია დედაქალაქის მერიის მიერ გავრცელებულ ... ...
  • რა მნიშვნელოვანი შეზღუდვები წესდება ქვეყანაშისაქართველოში ხვალიდან საყოველთაო კარანტინი და ე.წ. კომენდატის საათი ამოქმედდება. ამის შესახებ განცხადება პრემიერ-მინისტრმა ცოტა ხნის წინ გააკეთა. რას ითვალისწინებს აღნიშნული მდგომარეობა ქვეყანაში, რა მნიშვნელოვანი შეზღუდვები უნდა გაითვალისწინოს მოსახლეობამ_ ამ საკითხზე „გურია ნიუსი“  ილიას სახელმწიფო უნივერსიტეტის სამართლის სკოლის ასოცირებულ პროფესორს, კონსტიტუციონალისტ კოტე ჩოკორაიას ესაუბრა. „პრემიერ-მინისტრის განცხადებას ვუსმინე, რაც გულისხმობს პირველ რიგში შეზღუდვებს გადაადგილებასთან დაკავშირებით, ანუ მნიშვნელოვანი შეზღუდვებია. იკრძალება ყველა ტიპის სატრანსპორტო გადაადგილება ქალაქებს შორის, გარდა ავტომობილისა, მათ შორის თბილისში მეტროთი და ავტობუსით მგზავრობა. გადაადგილება მხოლოდ ავტომობილით არის შესაძლებელი და იქაც თავისი წესებია. 3 ადამიანზე მეტი არ შეიძლება, რომ იყოს ავტომობილში. მნიშვნელოვანი შეზღუდვა, რაც აქამდე არ იყო 3-ზე მეტი ადამიანის შეკრების შეზღუდვაა და ასევე მნიშვნელოვანი შეზღუდვა ეხება  70 წელზე მეტი ასაკის მქონე ადამიანებს, რომელთაც პრინციპში ეკრძალებათ გამოსვლა და მეოთხე, ესაა ე.წ. კომენდატის საათი. ეს არის უბრალოდ გადაადგილების შეზღუდვა, საკარანტინო შეზღუდვის კომპონენტი, როდესაც ადამიანებს ეკრძალებათ საღამოს 9-დან დილის 6-ამდე გამოსვლა. იმისთვის, რომ უფრო მარტივი აღსაქმელი ყოფილიყო ამიტომ თქვეს ე.წ. კომენდატის საათი. კომენდატის საათი ცოტა სხვა რაღაცებს მოიცავს თავის თავში, თუმცა, შინაარსით ამას ჰგავს. ე.წ. კომენდატის საათი, ნიშნავს იმასაც, რომ ადამიანებმა მგზავრობა ისე უნდა დაგეგმონ, რომ გადაადგილება არ გახორციელდეს 9 საათის მერე“,_ გვითხრა ჩოკორაიამ. საქართველოში საგანგებო მდგომარეობის რეჟიმის კიდევ უფრო მკაცრი სახით ამოქმედება კორონავირუსთან ბრძოლას ... ...
  • როდის ჩატარდება გამოცდა სპეცმასწავლებლებისთვის და იგეგმება თუ არა მათი ხელფასების ზრდაქვეყანაში შექმნილი სიტუაციის მიუხედავად, განათლების სამინისტრომ, პრაქტიკოსი მასწავლებლებისთვის და მასწავლებლობის მსურველებისთვის,ზაფხულში ორგანიზებული საგნობრივი და პროფესიული კომპეტენციების დადასტურების ტესტირებისთვის, რეგისტრაცია გამოაცხადა. დაპირების მიუხედავად,  იმედგაცრუებული დარჩნენ სპეციალური მასწავლებლები. ბუნებრივია, ამან კიდევ ერთხელ გამოიწვია მათი გულისწყრომა, სოციალურ ქსელში გაფიცვასაც კი აანონსებდნენ… ნაწილი, სავარაუდოდ, გადაუმოწმებელ ინფორმაციას ავრცელებდა იმის შესახებ, რომ მართალია, გამოცდა არ დაინიშნა, მაგრამ სპეციალური მასწავლებლის სახელფასო ზრდა იგეგმებაო… მოკლედ, გაურკვევლობაში მყოფი სპეცმასწავლებლების ინტერესებიდან გამომდინარე, ვცადეთ გაგვერკვია – ჩატარდება თუ არა წელს გამოცდა სპეცმასწავლებლებისთვის და იგეგმება თუ არა ხელფასების ზრდა? როგორც ირკვევა, ამჯერადაც, ისინი კიდევ ერთხელ უნდა ენდონ სიტყვაზე ამ სფეროს კომპეტენტურ ადამიანებს – საქმე არც თუ ისე ცუდადაა. როდის დამტკიცდება სპეცმასწავლებლის სქემა? როდის დაინიშნება მათთვის გამოცდა? ვინ გახდება უფროსი სპეციალური მასწავლებელი და როდის გაეზრდებათ სპეცმასწავლებლებს ხელფასი? – ამ კითხვებზე მასწავლებელთა პროფესიული განვითარების ეროვნული ცენტრის ინკლუზიური განათლების ხელშეწყობის პროგრამის მენეჯერი სალომე ჩარკვიანი გვიპასუხებს: _ რა ეტაპზეა ახლა სპეცმასწავლებლის სქემა და ჩატარდება თუ არა ზაფხულში სპეცმასწავლებლებისთვის გამოცდა? სქემაზე მუშაობა დასრულებულია და დასამტკიცებლად არის გადაცემული, ასევე, უნდა დამტკიცდეს სტანდარტიც. გამოცდის დასანიშნად საჭიროა საკანონმდებლო ცვლილებები. რადგან ასეთ ფორსმაჟორულ სიტუაციაში ვართ, სავარაუდოდ, ალბათ, ეს მინისტრის ბრძანების დონეზე მოხდება. ბრძანების დამტკიცებისთანავე, ნაეკი შეძლებს დადოს პროგრამა, რომელიც, პრინციპში, უკვე დიდი ხანია, გამზადებული აქვს. როგორც კი პროგრამა დაიდება, სპეცმასწავლებლებისთვის ცალკე გამოცხადდება რეგისტრაციაც და დაორგანიზდება გამოცდა. სამწუხაროდ, ჯერ არ ვიცით გამოცდის კონკრეტული თარიღი, თუმცა, შემიძლია გითხრათ, როცა მასწავლებელთა კომპეტენციის დასადასტურებელი გამოცდები ჩატარდება, სპეცმასწავლებლის გამოცდაც იმ პერიოდში მოიაზრება. _ რამდენსაფეხურიანია სქემა და შეძლებენ თუ არა მასწავლებლები, გამოცდის გარეშე, რომელიმე საფეხურზე გადასვლას? ამ ეტაპზე, სპეციალური მასწავლებლის პროფესიული განვითარების სქემა სამსაფეხურიანია – პრაქტიკოსი, უფროსი და წამყვანი, ჯერჯერობით არ გვეყოლება მენტორი. სქემის დამტკიცებისთანავე, პრაქტიკოსის სტატუსი მიენიჭება სისტემაში მოქმედ ყველა სპეცმასწავლებელს, ხოლო უფროსი მასწავლებელი ავტომატურად გახდება ის სპეცმასწავლებელი, რომელსაც მაგსიტრის ხარისხი აქვს. დანარჩენი პრაქტიკოსები კი, სტატუსის ამაღლებას გამოცდის ჩაბარებით შეძლებენ. რაც შეეხება წამყვანი მასწავლებლის სტატუსის მინიჭებას, წამყვანის გამოცდა მომავალ წელს იგეგმება და მას, თავისთავად, უფროსი მასწავლებლები ჩააბარებენ. _ რამდენ გამოცდის ჩაბარება მოუწევს სპეცმასწავლებელს? _ სპეცმასწავლებელს მხოლოდ ერთი გამოცდის ჩაბარება მოუწევს, ვინაიდან ის საგანს არ ასწავლის, შესაბამისად, იქნება სპეციალური განათლების გამოცდა – საგამოცდო ტესტები ნაეკმა ჩვენ მიერ მიწოდებული მასალების საფუძველზე მოამზადა. _ ხელფასის მატებაზე რას გვეტყვით – მართალია თუ არა მათ მიერ გავრცელებული ინფორმაცია, რომ ხელფასი ეზრდებათ? სამწუხაროდ, ახლა არ ვართ იმ ეტაპზე, რომ ხელფასები გაიზარდოს, კორონავირუსით გამოწვეულმა პრობლემებმა ძალიან ბევრ რამეს შეუქმნა პრობლემა და ბევრი რამ გადავადდა კიდეც. მათ შორის, სქემაც, რომელიც, რომ არა ეს პროცესები, უკვე დამტკიცებული იქნებოდა. რაც შეეხება სპეცმასწავლებლის ხელფასის მატებას, განვმარტავ, რომ ის აუცილებლად მიბმული იქნება სქემაზე, მომზადდება შესაბამისი ბრძანება სპეცმასწავლებლის დაფინანსების შესახებ.   როგორც იცით, ახლა ყველა მასწავლებელს სტანდარტული ანაზღაურება აქვს, მინისტრის მოადგილის დაკვეთა კი, ასეთია: შეიცვალოს არსებული წესი და ანაზღაურება იყოს ინდივიდუალიზირებული. თუმცა, როგორც გითხარით ჯერ შეცვლილი არაფერი არ არის, ეს პროცესიც დაწყებული იყო, მაგრამ განვითარებული მოვლენების გამო, სამწუხაროდ, შეჩერდა. იმედია, ყველაფერი მალე დასრულდება და ამ მიმართულებით დაწყებული პროცესებიც დასრულდება, შესაბამისად, სქემის ამოქმედების შემდეგ, აღნიშნული ბრძანებაც გვექნება. - სპეცმასწავლებლის გამოცდის ჩაბარების უფლება, მოქმედი მასწავლებლების გარდა, ექნებათ თუ არა მსურველებს და რა საკვალიფიკაციო მოთხოვნები დაწესდა მათთვის? იქნება თუ არა მათთვის განსხვავებული ბარიერი? _ დიახ, რასაკვირველია, გამოცდის ჩაბარების უფლება მიეცემათ მსურველებსაც, მაგრამ ექნებათ თუ არა განსხვავებული ბარიერი, ამაზე საბოლოო გადაწყვეტილება არ გვაქვს მიღებული. სავარაუდოდ, განსხვავებული ბარიერი არ დაწესდება, არც 1-4 კრედიტი იქნება, როგორც ახლა  აქვთ მასწავლებლებს სასერტიფიკაციო გამოცდებზე. საკვალიფიკაციო მოთხოვნად კი, სპეცმასწავლებლობის მსურველებისთვის, ამჟამად მასწავლებლის კვალიფიკაციაა. თუმცა, ზოგადი განათლების შესახებ კანონში უნდა აისახოს ცვლილება, რაც საშუალებას მისცემს სხვა პროფესიის ადამიანებს, სურვილის შემთხვევაში, შემოვიდნენ პროფესიაში. _ დაბოლოს, ბევრი გვყავს სისტემაში მაგისტრის ხარისხის მქონე სპეცმასწავლებელი, ანუ ის ადამიანები, რომლებიც გამოცდის გარეშე, სქემის ამოქმედებისთანავე, გახდებიან უფროსი სპეციალური მასწავლებლები? _ ზუსტი რიცხვი არ ვიცი, მაგრამ ასეთი მასწავლებელი ძალიან ... ...
  • "3 შემთხვევას ვერ ვადგენთ"_ კორონავირუსით ინფიცირების ზრდა შემაშფოთებელიასაქართველოს პრემიერ-მინისტრმა განცხადებით, ქვეყანაში კორონავირუსით ინფიცირების ზრდა შემაშფოთებელია. პრემიერ-მინისტრ გიორგი გახარიას განცხადებით, კორონავირუსით დაინფიცირებულთა შორის ერთი სამედიცინო სექტორის წარმომადგენელია.  „გვაქვს შემთხვევა, როდესაც სამედიცინო სექტორის თანამშრომელია ინფიცირებული და ეს ფაქტი,სხვა მოცემულობასთან ერთად, გვაძლევს შემდგომი ნაბიჯების გამკაცრების შესაძლებლობას,“ - განაცხადა გახარიამ. პრემიერმა ასევე აღნიშნა, რომ დღეს გვაქვს 3 შემთხვევა, რომლის წარმომავლობასაც ვერ ვადგენთ. „მოგეხსენებათ, როდესაც მსგავსი ინფიცირების პირველი შემთხვევა იყო მარნეულში, ჩვენ საგანგებო ღონისძიებები მივიღეთ და მარნეული და ბოლნისი გამოცხადდა საკარანტინო ზონად. დღეს გვაქვს სამი ასეთი შემთხვევა. სამწუხაროდ, ამასთან ერთად გვაქვს ერთი შემთხვევა, როდესაც სამედიცინო სექტორის თანამშრომელია ინფიცირებული და ეს ფაქტი, სხვა მოცემულობასთან ერთად, გვაძლევს შემდგომი ნაბიჯების გამკაცრების შესაძლებლობას,“ - განაცხადა პრემიერ- მინისტრმა. ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...