"სწორედ პანდემიის პირობებში უნდა დაჩქარდეს ოზურგეთის პარკის რეაბილიტაცია"

მთავარი თემა

"სწორედ პანდემიის პირობებში უნდა დაჩქარდეს ოზურგეთის პარკის რეაბილიტაცია"

8 ოქტ. 2020, 12:42:31

"გურია ნიუსი" ახლახან წერდა ოზურგეთის კულტურისა და დასვენების პარკის რეაბილიტაციის პროცესის შეჩერების შესახებ, რასაც მალევე მოჰყვა გამოხმაურება ახალგაზრდების მხრიდან, რომლებიც ითხოვენ პარკის რეაბილიტაციის პროცესის დაჩქარებას და ნაკლებად სჯერათ დაპირების.

"ჩვენ არ ვამბობთ და არც ვამტკიცებთ, რომ პარკი არ გაკეთდება. გვაინტერესებს, დაჩქარდება თუ არა რეაბილიტაცია. ჩვენ სხვა უკეთესი ადგილი არ გვეგულება, რომ გარეთ გამოვიდეთ და შინ ჩაკეტილი არ ვიყოთ, განსაკუთრებით, ამ ცნობილი პანდემიის პირობებში.

ყველა უნდა დაგვეხმაროს, ერთმანეთს დავუდგეთ გვერდით და მოვითხოვოთ პარკის რეაბილიტაციის დაჩქარება", _ ამბობენ ოზურგეთის მუნიციპალიტეტში მცხოვრები ახალგაზრდები: მაია და რუსუდან კაპანაძეები, ეკა პატარაია, ლუკა ლელაძე, ნინო ჩავლეშვილი, ნინო სალუქვაძე და სხვები.

 ოზურგეთის ა(ა)იპ კულტურის და ახალგაზრდობის ცენტრის დირექტორი, თამარ ნადირიძე, რომლის უშუალო მოვალეობაა, იზრუნოს კი არა, იბრძოლოს კულტურის და დასვენების პარკის რეაბილიტაციის პროცესის დაჩქარებისთვის, სტატიის გმოქვეყნებისთანავე გამოგვეხმაურა:

"ყველამ კარგად იცის, რომ გასულ წელს, მუნიციპალური განვითარების ფონდის მიერ, ოზურგეთში სამი პარკის რეაბილიტაციისთვის სამი მილიონი ლარი უნდა გამოყოფილიყო. მე მესმის და გულწრფელად გეტყვით, მომწონს თქვენი კრიტიკა _ ასე პირდაპირ შეხსენება იმისა, რომ ოზურგეთის კულტურის და დასვენების პარკი, მართლაც დროულად უნდა გაკეთდეს. თუმცა, ვერ დაგეთანხმებით, რომ ეს პროცესი შეჩერდა. როგორც ცნობილია, ოზურგეთში ორი პარკის და ერთი სკვერის რეაბილიტაცია უნდა მოხდეს. ოღონდ ეს ერთად, პარალელურ რეჟიმში ვერ მოხდება. დაიწყო თეატრის მიმდებარე პარკის რეაბილიტაცია, ასევე, მოხდება პოლიციის წინ მდებარე სკვერის კეთილმოწყობა და, რა თქმა უნდა, უმთავრესის, ყველაზე დიდის _ ოზურგეთის კულტურის და დასვენების პარკის რეაბილიტაციაც მალე დაიწყება. დარწმუნებული ვარ, მომავალი წლის ბოლომდეც არ გაგრძელდება ეს პროცესი და 2021 წლის გაზაფხულ-ზაფხულში, პარკის რეაბილიტაცია დასრულებული იქნება", _ გვეუბნება ნადირიძე.

კითხვაზე, იცის თუ არა, რომ რეგფონდის მიერ გაიყო ეს პროექტი და შეჩერდა პარკის რეაბილიტაცია, ნადირიძე არ გვეთანხმება _ ის ამბობს, პროექტი არაა გაყოფილი და ეტაპობრივი აღდგენა ხდება.

მკითხველს შევახსენებთ, რომ ჩვენი პირველად მისვლისას, პარკში აღებული იყო საბავშვო მატარებლის ვაგონები, რელსები და რელსებისთვის განკუთვნილ ბილიკზე ბეტონის საფარის ნახევრად იყო დასხმული. ახლა ეს სამუშაოები დასრულებული დაგვხვდა. რა თქმა უნდა, სასიამოვნო ფაქტია, რომ "გურია ნიუსის" დაინტერესების შემდეგ, რამდენიმე დღეში დასრულდა კარგა ხნის წინ დაწყებული წრიული ბილიკის საფარის დასხმა, რომლის გაკეთებას ნახევარი დღეც არ სჭირდება, გაკეთება კი, ნახევარი წლის წინ დაიწყო. ასევე, ექვს თვეზე მეტია, მინიატურული ვაგონი შესაკეთებლად არის წაღებული და გასაკვირია, რელსების და "შპალების" განსათავსებელი წრიული ბილიკის გაკეთება თუ ერთ კვირაში იყო შესაძლებელი, აქამდე რატომ ვერ მოხერხდა.

როგორც თამარ ნადირიძე ამბობს, ადგილობრივი ძალებით ხდება ვაგონების შეკეთება, ბილიკების განახლება, კვირის ბოლოს კი დაიგება ლიანდაგი.

თამარ ნადირიძის მოადგილე, კობა ბანძელაძე კონკრეტული ლოკაციების განახლებაზე გვესაუბრება:

"პარკში სამუშაოები სულ სრულდება. ხდება განახლება ცალკეული სკამების, ღობეების შეღებვა. დაცულია სისუფთავე, იცელება ბალახის ზედმეტი საფარი, ყვავილოვნებს და ბუჩქოვან მცენარეებს საგულდაგულოდ უვლიან. რაც შეეხება ველოტრეკს, ამფითეატრს თუ მთლიანად შესაცვლელ ელქტროგაყვანილობის სისტემას, ეს რეაბილიტაციის პროცესში მოხდება სრულყოფილად. ჩვენი ძალებით რამდენიც უნდა ვეცადოთ, დიდად ვერ დავატყობთ ხელს აქაურობას. მატარებლის ვაგონი როცა დაზიანდა, ცალკე ნაწილის ყიდვა ვერ შევძელით _ საკმაოდ ძვირია. ამიტომ, გადავწყვიტეთ, დაკვეთა მიგვეცა და ჩამოესხათ. მალე აიწყობა ვაგონები, ლიანდაგიც გასწორდება, შპალები უკვე ჩამოტანილი გვაქვს და კვირის ბოლოს მზად იქნება ლიანდაგი და მატარებელიც", _ გვეუბნება ბატონი კობა.

თუმცა, რატომ არ მოხერხდა ეს ნახევარი წლის მანძილზე და რა გახდა ერთი საბავშვო მატარებლის მინივაგონის გარემონტება, პასუხი არავის აქვს. პარკის ავტოდრომზე არსებული ექვსი მანქანაც ამ დროისთვის გაჩერებულია და კარგა ხანია, არც ამუშავებულა. როგორც აქ გვეუბნებიან, გაფუჭებული არც ერთი არაა, მაგრამ რაკი დიდი ხანია უმოძრაოდაა, "ხელის შევლება" მაინც დასჭირდება, უმოძრაობა კი პანდემიის ბრალია...თუმცა, გავიმეორებთ, რომ სწორედ პანდემიის პირობებში, მსოფლიოში, ადამიანები მწვანე სივრცეებში პოულობენ თავშესაფარს.

ოზურგეთის მუნიციპალიტეტის სოფელ ნარუჯის საჯარო სკოლის მეთერთმეტეკლასელები, რომლებსაც ჩვენ ოზურგეთის პარკში შევხვდით, საუბრობენ პარკის განახლების აუცილებლობაზე:

"დიდი ხანია, გვესმის, რომ აქ ყველაფერი შეიცვლება, თანამედროვე კულტურისა და დასვენების ცენტრი გახდება და ახალგაზრდებსაც ეს გვინდა. ხშირად ჩამოვდივართ. აქ სიწყნარე და სიმშვიდეა, თუმცა ეს კმარა? საუკეთესო მწვანე გარემოა და საკადრისი ინფრასტრუქტურა და გასართობი, შემეცნებითი ლოკაციებია საჭირო. რაც მალე იქნება ეს ყველაფერი, უკეთესია", _ ამბობენ ნარუჯის საჯარო სკოლის მეთერთმეტეკლასელები: თორნიკე ბოლქვაძე, ნონა ხარაბაძე, მარიამ დეკანოიძე და გიორგი ქამადაძე.

ახალგაზდები _ ლუკა ლელაძე და მარიკა ხავთასი საკუთარ მოსაზრებებს გვთავაზობენ:

"გასაგებია, რომ არსებობს ნება და გადაწყვეტილება მიღებულია, თუმცა, პროექტის შეჩერების შესახებაც გვესმის აქტიური საუბარი. მით უფრო, ფონდია ეს და შეიძლება ვივარაუდოთ, რომ პროცესი, შესაძლოა, შეიცვალოს ან დიდხანს გაგრძელდეს ეს დაპაუზებული მდგომარეობა. მიგვაჩნია, რომ სწორედ პანდემიის პერიოდში უნდა დაჩქარდეს ოზურგეთის კულტურის და დასვენების პარკის რეაბილიტაცია და ის, მატარებლის ვაგონის შეკეთების თუ ლიანდაგის გზის დასხმის პროცესივით, არ უნდა გაიწელოს.

მსოფლიოში პანდემია რომ არის, სწორედ ამიტომ გვჭირდება საგანგებოდ კეთილმოწყობილი ღია სივრცე, სადაც მხოლოდ ჩვენ, ახალგაზრდები კი არა, ყველა ასაკის ადამიანები, განსაკუთრებით, მოხუცები და პატარები დაისვენებენ, გაერთობიან. საუცხოო სივრცეა, მწვანე საფარიც არაჩვეულებრივი. ახლა, როცა ადამიანები, განსაკუთრებით, ბავშვები, ახალგაზრდები დაბმულივით არიან ცნობილი მოვლენის გამო, ჰაერივით გვჭირდება ეს გარემო, თანამედროვე სტანდარტით მოწყობილი და განახლებული. იმედია, პროცესი დაჩქარდება. უნდა გვახსოვდეს, რომ პანდემია უცებ არ დაგვანებებს თავს, შესაძლოა, არც არასდროს. ამიტომ ასეთი გარემო, გაცილებით უკეთესი "წამალია", ვიდრე აფთიაქში შეძენილი მედიკამენტები", _ ამბობენ ახალგაზრდები.

"გურია ნიუსი" თემაზე მუშაობას აგრძელებს. მალე ჩვენ შემოგთავაზებთ, რეგიონული განვითარების ფონდის, ადგილობრივი ხელისუფლების წარმომადგენელთა და სხვა ოფიციალურ პირთა თვალსაზრისს. ასევე, კონკრეტულად გაგაცნობთ პროექტის შინაარსსა და სქემას.




 ახალი ამბები
  • პლაკატების ტყედ ქცეული ლანჩხუთის პარკილანჩხუთის ცენტრალური პარკი ის ადგილია, სადაც საარჩევნო პერიოდში ამა თუ იმ საარჩევნო სუბიექტის პლაკატების გამოფენა და შემდეგ მათი განადგურება მიმდინარეობს. მოკლედ, ყოველ წინასაარჩევნო პერიოდში, პარკი პლაკატების ტყეს ემსგავსება, სადაც ერთ ხესაც ვერ მოიძევთ, რომელიმე პარტიის ლიდერისა თუ მაჟორიტარი დეპუტატობის კანდიდატის გამოსახულებიანი პლაკატი რომ არ ამშვენებდეს. უნდა ითქვას, რომ ყოველ დილით, ფაქტობრივად, პლაკატების განახლებული გამოფენაა წარმოდგენილი, რადგან პლაკატებთან ბრძოლის ტრადიცია კვლავაც მძლავრობს და სხვადსხვა მეთოდით მიმდინარეობს ბრძოლა სარეკლამო ქაღალდის ნაგლეჯთან. არიან ადამიანები, რომლებიც გარკვეული თანხის სანაცვლოდ ამა თუ იმ პარტიის დავალებას ასრულებენ და პლაკატებს ხევენ.   ... ...
  • "ხელისუფლება მაქსიმალურად ცდილობს, ოპოზიციას დააბრალოს რადიკალიზმი" _ ჭიჭინაძეხელისუფლება მაქსიმალურად ცდილობს, ოპოზიციას დააბრალოს რადიკალიზმი და ამ დროს თვითონ იბარებენ  მუქარებით  ადამიანებს, _ ამის შესახებ პოლიტიკური მოძრაობა „ტრიბუნას“ ლიდერმა დავით ჭიჭინაძემ განაცხადა. „პირადად ჩემი საოლქოს წარმომადგენლის მამა დაიბარეს და გააფრთხილეს, რომ სამსახურიდან გაათავისუფლებდნენ,  თუ მისი შვილი არ დატოვებდა  ჩემს საარჩევნო ოლქს.  სწორედ  ეს არის ის ძალადობა, რომელსაც  ყოველდღიურად ახორციელებს „ოცნების“ ხელისუფლება! „ოცნების“ ხელისუფლება ასევე ცდილობს, კორონავირუსი მაქსიმალურად სათავისოდ გამოიყენოს. რა დააშავეს თუნდაც ჩვენი პარტიის მხარდამჭერებმა,  რომლებიც თვითიზოლაციაში არიან, პოლიტიკურ ცხოვრებაში აქტიური მონაწილეობა უნდათ, „ოცნების“ ცესკო კი ამ უფლებას ართმევს?!  ე.წ. თავისიანებს კი, ვისაც ასევე უდასტურდებათ ვირუსი,  პირდაპირ ვაცხადებ, მალავენ! თანაც ისე, რომ მათ კონტაქტებსაც კი არ ახმოვანებენ! მოკლედ, პარტიული ნიშნით და უსამართლოდ ხდება ხმის მიცემის უფლების ჩამორთმევა ადამიანებისთვის, _ აცხადებს დავით ... ...
  • "ესებუა მოქმედი სამხედრო მოსამსახურე არაა" _ თავდაცვის სამინისტრო დოკუმენტს ავრცელებსთავდაცვის სამინისტრო ავრცელებს ინფორმაციას, რომელიც ადასტურებს, რომ „საქართველოს ბანკის“ ფილიალზე თავდასხმაში ბრალდებული პირი ბადრი ესებუა მოქმედი სამხედრო მოსამსახურე არ არის. „ნაციონალური მოძრაობის“ პარტიული ტელევიზიის - „მთავარი არხის“ მხრიდან გრძელდება დეზინფორმაციული კამპანია თავდაცვის ძალების წინააღმდეგ, თითქოს ზუგდიდში, ერთ-ერთი ბანკის ფილიალზე თავდამსხმაში ბრალდებული პირი მოქმედი სამხედრო მოსამსახურეა. მიუხედავად იმისა, რომ საჯარო განმარტება გავაკეთეთ, რომ აღნიშნული პირი არ არის მოქმედი სამხედრო მოსამსახურე, ეს ტელევიზია და ზოგიერთი ანგაჟირებული პოლიტიკოსი უგულებელყოფს ამ ფაქტს და შეგნებულად ავრცელებს სრულად საპირისპირო ინფორმაციას. საზოგადოებისა და თავდაცვის ძალების საუკეთესო ინტერესებიდან გამომდინარე, ვავრცელებთ ოფიციალურ დოკუმენტს, რომლითაც მტკიცდება, რომ თავდასხმაში ბრალდებული პირი ბადრი ესებუა არ არის მოქმედი სამხედრო მოსამსახურე“, - აცხადებს თავდაცვის სამინისტროს სტრატეგიული კომუნიკაციებისა და საზოგადოებასთან ურთიერთობის დეპარტამენტის უფროსი ნიკოლოზ ... ...
  • პატარა გიორგი ბერიშვილს ჩვენი დახმარება სჭირდება ეს პატარა, ლამაზი ბიჭი გიორგი ბერიშვილია. გიორგის ერთი წლის წინ თავზე სიმსივნური წანაზარდი დაუფიქსირდა. პატარა ონის მუნიციპალიტეტის სოფელ გლოლაში ცხოვრობს. როგორც გიორგის დედა "გურია ნიუსთან" საუბრისას ამბობს, ექიმების თქმით, მკურნალობის ბოლო ეტაპზე არიან. "იაშვილის სახელობის ბავშვთა ცენტრალურ საავადმყოფოში ვმკურნალობთ. როგორც ექიმებმა გვითხრეს, სავარაუდოდ, მკურნალობის ბოლო ეტაპზე ვართ", _ გვითხრა გიორგის დედამ მარიამ ვაჩეიშვილმა.   მთელი წლის განმავლობაში მკურნალობის შედეგად ოჯახმა ყველა ფინანსური რესურსი ამოწურა და ახლა კეთილი ადამიანების იმედად არიან დარჩენილნი. შესაგროვებელი თანხა კი ბევრი არ არის. იმისთვის, რომ გიორგიმ მკურნალობის ეს ეტაპიც გაიაროს, მხოლოდ 1500 ლარია საჭირო. მოგმართავთ თხოვნით, გამოვიჩინოთ გულისხმიერება _ გიორგის ჯანმრთელობისთვის ყოველი ლარი მნიშვნელოვანია. გიორგის დასახმარებლად გახსნილია სპეციალური ანგარიში. GE25BG0000000162579635 _ Მიმღები მარიამ ვაჩეიშვილი; GE15TB7679445061100108 _ მიმღები ემზარი ბარამიძე. ან დარეკოთ ტელეფონის ნომერზე: (598) 417413 _ ... ...
  • არჩილ თალაკვაძე: "შემდგომ წლებში, ჩვენი მთავარი საზრუნავი ახალი სამუშაო ადგილები, ეფექტური სოციალური პოლიტიკა და განათლება...გთავაზობთ ინტერვიუს, რომელიც "გურია ნიუსმა" თქვენთვის ექსკლუზიურად ჩაწერა საქართველოს პარლამენტის თავმჯდომარე არჩილ თალაკვაძესთან. _ ბატონო არჩილ, სამწუხაროდ, გურიამ, კოვიდ-19-თან დაკავშირებით, "მწვანე ზონის" სტატუსი დაკარგა; როგორ აპირებს სახელმწიფო შეუმსუბუქოს მოსახლეობას პანდემიით გამოწვეული მძიმე ყოფა? _ ჩვენ გვაქვს გლობალური პანდემიით გამოწვეული კრიზისის მართვის გეგმა და სრული კონსოლიდაცია, რომ ყველა რესურსი შედეგიანად გამოვიყენოთ ჩვენი მოქალაქეების, საზოგადოების ჯანმრთელობისა და კეთილდღეობის დასაცავად. ჯანდაცვის სისტემა 24-საათიან უწყვეტ რეჟიმში მუშაობს და დღე-ღამეში რამდენიმე ათას შემთხვევაზე ახდენს რეაგირებას; ექიმების, ექთნების და ეპიდემიოლოგების მუშაობა ამ რთულ დღეებში სამაგალითოა. სოციალური დახმარების ღონისძიებები, პირველ რიგში, მივმართეთ მათთვის, ვინც დაკარგა სამსახური და შემოსავალი: 72000-ზე მეტ ადამიანს, ვინც სამსახური დაკარგა, სახელმწიფო 1200 ლარით დაეხმარა. 52000-ზე მეტ თვითდასაქმებულს 300-ლარიანი დახმარება ჩაერიცხა; 195000 სოციალურად დაუცველ ოჯახს დამატებით 600-ლარიანი დახმარება გადავეცით; ასევე, 600 ლარით დავეხმარეთ 22600 მრავალშვილიან ოჯახს და 40400 შეზღუდული შესაძლებლობების მქონე პირს. მიზნობრივად, 200-ლარიანი დახმარება გადავეცით საქართველოში ყველა ბავშვს, ვისმა ოჯახმაც განაცხადი გააკეთა. მიზნობრივი მხარდამჭერი ღონისძიებები პოსტ-კრიზისულ პერიოდშიც გაგრძელდება. კოვიდ19-ის პანდემია ჯერ კიდევ გრძელდება და ჩვენ ძალისხმევას არ დავიშურებთ, რომ გავუმკლავდეთ ამ გამოწვევას. _ "მწვანე ზონის" სტატუსი  აღარ აქვს, მაგრამ გურია ყოველთვის პოლიტიკურად აქტიური ზონაა; თქვენი აზრით, როგორია დღეს პოლიტიკური  ვითარება გურიაში?  _ ჩვენმა პოლიტიკურმა პარტიამ - "ქართული ოცნება - დემოკრატიული საქართველო", საზოგადოებას წარუდგინა საარჩევნო პროგრამა და მაჟორიტარობის კანდიდატი. ჩატარდა ბევრი შეხვედრა სოფლებსა და ქალაქებში. ოპოზიციური პარტიებიც ატარებენ წინასაარჩევნო შეხვედრებს და ხვდებიან თავის მხარდამჭერებს. ადგილზე არიან ეუთო/ოდირ-ის საერთაშორისო დამკვირვებლებიც. გურიაში წინასაარჩევნო კამპანია მშვიდად და კონსტრუქციულად მიმდინარეობს. _ მიგაჩნიათ, რომ პოლიტიკურმა პარტიებმა და ჯგუფებმა, მათ შორის, მმართველმა პარტიამ, ამომრჩეველს მაღალკონკურენტული, პროფესიონალი, ჯანსაღი პოლიტიკური წარსულის მქონე კანდიდატები წარუდგინეს? _ პარტია "ქართული ოცნება _ დემოკრატიული საქართველოს" მაჟორიტარობის კანდიდატი გურიის ოლქში ვასილ ჩიგოგიძეა. ვასილ ჩიგოგიძემ იცის გურიის საჭიროებები, საქმიანი ადამიანია, არაერთი სიკეთე აქვს გაკეთებული, უყვარს თავისი მხარე და პარლამენტიდან კიდევ უფრო მეტის გაკეთებას შეძლებს ხალხისთვის. ვფიქრობ, გურიაში ოპოზიციის კანდიდატებს ვასილ ჩიგოგიძე დამაჯერებლად მოუგებს და გაიმარჯვებს. წინასაარჩევნო პერიოდში, გურიაში არაერთი კვირა გავატარე და ოპოზიციური კანდიდატების ერთ ნაწილს პასიური კამპანია აქვს, მეორე ნაწილი კი დეზინფორმაციით არის დაკავებული, თითქოს "ქართული ოცნება" ფარულად მათაც უჭერს მხარს - ეს აბსურდია. "ქართული ოცნების" კანდიდატი გურიაში არის ვასილ ჩიგოგიძე და მას პარტიის სრული მხარდაჭერა აქვს 2020 წლის საპარლამენტო არჩევნებში. _ პოლიტიკური გამოცდილება გვიჩვენებს, რომ ბიზნესმენები პარლამენტში, ძალიან ხშირად პრობლემას ქმნიან საკუთარი ბიზნესინტერესებიდან, ბიზნესამბიციებიდან გამომდინარე; ასევე, პოლიტიკური "წესრიგის" და კანონების არცოდნის ან მიუღებლობის გამო.... საჭიროა თუ არა, პოლიტიკურმა პარტიამ გააანალიზოს ეს გამოცდილება? თუ საარჩევნო პროცესებში უპირატესობის მისაღწევად, აუცილებელია დავეთანხმოთ გავრცელებულ "თეორიას" _ "არჩევნებს იგებს ფული!" _ საქართველოს კანონმდებლობა არეგულირებს მოქალაქეთა პოლიტიკურ საქმიანობას. იქნება ფერმერი, ბიზნესმენი თუ ექიმი - ყველა მოქალაქეს აქვს პოლიტიკური უფლებები. პარლამენტის წევრის ბიზნეს საქმიანობას კანონი მკაფიოდ არეგულირებს და ამას აკონტროლებს როგორც საჯარო სამსახურის ბიურო, ასევე სამოქალაქო საზოგადოება. არჩევნებს პირველ რიგში, იგებს ხალხის ნდობა, გაკეთებული საქმეები, პოზიტიური დღის წესრიგი და საზოგადოებასთან სწორი კომუნიკაცია. _ ძალიან ხშირად, განსაკუთრებით მცირე პარტიები, რომლებიც მრავლად არიან პარტიულ ბიულეტენში წარმოდგენილნი, საუბრობენ გარიგებაზე  _ რომ მმართველი პარტია და მსხვილი ოპოზიციური პარტია პოლიტიკურ ველზე პოზიციების შესანარჩუნებლად ერთმანეთს "ამაგრებს"; დაპირისპირება ფორმალური,- "საგარეოა" და "საშინაოდ" ერთმანეთთან კავშირი სიამტკბილურია....  თუკი პოლიტიკურ  ოპონენტს "დამნაშავეს" უწოდებთ, რატომ არ  სამართლდება? ხომ არ მიანიშნებს ეს ხელისუფლების უღონობაზე? _ ეს არ არის სწორი შეფასება. სიმართლე ის არის, რომ "ქართულმა ოცნებამ" გაატარა ფუნდამენტური დემოკრატიული რეფორმები, მათ შორის საკონსტიტუციო და საარჩევნო რეფორმები, რომელიც ჯერ კიდევ 2018 წელს დასრულდა და კონსტიტუციაში მკაფიოდ ჩაიწერა, რომ ქვეყანა გადადის პროპორციულ საარჩევნო სისტემაზე. 2020 წლის არჩევნები 1%-იანი ბარიერით და არსებითად პროპორციული სისტემით ტარდება, რაც პირდაპირ არის პასუხი თქვენს კითხვაზე - არანაირი გარიგება არ სჭირდებათ პარტიებს ერთმანეთთან, ვინაიდან პირობები კონკურენტულია და ყველას, ვისაც აქვს ხალხის რეალური მხარდაჭერა, დამოუკიდებლად შეუძლია ბარიერის გადალახვა და შესვლა პარლამენტში. რიტორიკულია კითხვაც, თუ დანაშაულებრივ პოლიტიკას ატარებდა ნაციონალური მოძრაობა "რატომ არ სამართლდება?" რეალურად, "ნაციონალური მოძრაობის" ხელისუფლების 80-მდე მაღალჩინოსანი, რომელიც სასამართლომ დამნაშავედ ცნო, სასჯელს იხდის ან მოიხადა, მათი ნაწილი კი მიმალვაშია საზღვარგარეთ და ნახეთ, რომ 2019 და 2020 წელსაც რამდენიმე მათგანის ექსტრადირება მოხდა. 2020 წლის საპარლამენტო არჩევნებში ჩვენს საზოგადოებას აქვს შესაძლებლობა, რომ ასეთი ოპოზიციური ძალა და წარსულში მძიმე დანაშაულებში მხილებული მისი ლიდერები, პოლიტიკური ველიდან გაიყვანოს და მათი ადგილი ჯანსაღმა ოპოზიციამ დაიკავოს. "ქართულმა ოცნებამ" საზოგადოებასთან ერთად ეს დესტრუქციული და მძიმე პოლიტიკური ბიოგრაფიის მქონე პოლიტიკური პარტია "ნაციონალური მოძრაობა" 2012 და 2016 წლის არჩევნებში დაამარცხა. ახლა ისინი აღარ არიან ჩვენი მთავარი კონკურენტები _ მათ პრობლემა აქვთ საკუთარ წარსულთან. ვიმეორებ, საზოგადოებას აქვს ამ არჩევნებში შესაძლებლობა, რომ მილევად რეჟიმში მყოფი "ნაციონალური მოძრაობა" გაიყვანოს პოლიტიკური ველიდან და მისი ადგილი ჯანსაღმა ოპოზიციამ დაიკავოს. თქვენ მეკითხებით, რატომ სხედან ერთად მმართველი პარტიის და ოპოზიციის წარმომადგენლები სხდომათა დარბაზში? ან კომიტეტის სხდომებზე? ან საერთაშორისო კონფერენციებსა და სემინარებზე? ჩვენ პატივს ვცემთ თითოეული მოქალაქის მიერ გაკეთებულ არჩევანს და ვისაც არ მოსწონს ოპოზიციაში დესტრუქციული ჯგუფები, არ მოსწონს ის პოლიტიკური ლიდერები, ვინც პარლამენტზე და საკუთარ სახელმწიფოზე ძალადობრივ თავდასხმებს აწყობენ, რასაკვირველია ამ არჩევნებით შეუძლია უარი უთხრას მათ. ვფიქრობ, ჩვენი საზოგადოება მშვიდ, საქმიან და შედეგზე ორიენტირებულ პოლიტიკას იმსახურებს და "ქართული ოცნება" არის იმის გარანტია, რომ ქვეყანას სტაბილური პოლიტიკური სისტემა ექნება, რომელიც ქვეყანაში არა დაპირისპირებას, დესტაბილიზაციას და ძალადობას უწყობს ხელს, არამედ, ქვეყნისთვის მნიშვნელოვან საკითხებზე სწორ გადაწყვეტილებებს იღებს, აგვარებს პრობლემებს და უზრუნველყოფს პროგრესს. _ მოდით, დაპირებების შესახებაც ვისაუბროთ; წინა არჩევნებზე,"ქართული ოცნების" მხრიდან,  გურიაში რამდენიმე მნიშვნელოვანი დაპირება გაიცა  - განათლების, ინფრასტრუქტურის, წყალმომარაგების კუთხით...  ბუნებრივია, ზოგი შესრულდა, ზოგიც _ ვერა....ამომრჩეველს განსაკუთრებით შეუსრულებელი დაპირებები ამახსოვრდება. თქვენ, როგორც გურიის, ოზურგეთის მკვიდრს, რომელი აუხდენელი დაპირება გახსოვთ? _ ამ წლების განმავლობაში მართლაც მნიშვნელოვანი საქმის გაკეთება შევძელით მოქალაქეების მხარდაჭერით. გურიაში განსაკუთრებით გამოვყოფდი სოციალურ ინფრასტრუქტურას _ სკოლებს, ბაღებს, ამბულატორიებს, სასწრაფო სამედიცინო სამსახურის ბაზებს, საზოგადოებრივ ცენტრებს, მაგისტრალურ გზებს, გაზიფიკაციას, სპორტულ მოედნებს. გურიის რეგიონში მასშტაბური პროექტები გახორციელდა ბატონი ბიძინა ივანიშვილის და მისი ოჯახის ქველმოქმედებითა და დაფინანსებით _ შავი ზღვის სანაპირო ზონამ ახალი ეკონომიკური და კულტურული, ტურისტული და ეკოლოგიური მნიშვნელობა შეიძინა: საკონცერტო ცენტრი "ბლექ სი არენა", სასტუმრო "პარაგრაფი", დენდროლოგიური პარკი, მინიატურების პარკი და სხვა მნიშვნელოვანი პროექტები გურიას განვითარების ახალ პერსპექტივას აძლევს. სახელმწიფოს მხარდაჭერით გახორციელდა მნიშვნელოვანი საინვესტიციო და ბიზნეს პროექტები, რომელმაც ახალი სამუშაო ადგილები შექმნა _ ასეთია ორი სამკერვალო ფაბრიკა, თევზის თანამედროვე საწარმოები, მეფრინველეობის ფერმები, მოცვის ახალი პლანტაციები, თხილის და ჩაის თანამედროვე საწარმოები, რამდენიმე სასტუმრო და სხვა. კარგად გვესმის, რომ სიღარიბე კიდევ არა ერთ ოჯახში პრობლემად რჩება და შემდგომ წლებში ჩვენი მთავარი საზრუნავი სწორედ ახალი სამუშაო ადგილები, დასაქმება, ეფექტური სოციალური პოლიტიკა და განათლება იქნება. _ "ქართულმა ოცნებამ" წინასწარ დააანონსა, რომ პარლამენტს ისევ გურული თავმჯდომარე ეყოლება _ თქვენი პოლიტიკური ძალა თვლის, რომ კოალიციური შეთანხმებების აუცილებლობამდე საქმე არ მივა.... პოლიტიკაში პროგნოზები უმადური საქმეა, მაგრამ მაინც, როგორია თქვენი ყველაზე პესიმისტური  და ოპტიმისტური პროგნოზი? _ მხარდაჭერისთვის და ნდობისთვის საზოგადოების და ჩემი პოლიტიკური გუნდის მადლიერი ვარ. მეამაყება, რომ ამ 4 წლის განმავლობაში საქართველოს პარლამენტში ჩვენს მშობლიურ გურიას, თავისუფლებისმოყვარე და განათლებულ საზოგადოებას წარმოვადგენდი. სადაც ყველაზე მეტად გამოვადგები ჩემს ქვეყანას, მზად ვარ იქ ვიმუშაო _ თანამდებობა ჩემი თვითმიზანი არასოდეს ყოფილა. არ ვიცი, რას ამბობენ პოლიტიკური სინოპტიკოსები, მაგრამ მჯერა, რომ საზოგადოების მხარდაჭერით 2020 წლის საპარლამენტო არჩევნებში "ქართული ოცნება" დამაჯერებლად გაიმარჯვებს, ჩამოაყალიბებს უმრავლესობას პარლამენტში, დააკომპლექტებს მთავრობას და მეორე დღიდანვე განაგრძობს საზოგადოებისთვის საჭირო საქმის კეთებას.    _ "გურია ნიუსი" და ააიპ "Post ალიონი" ახორციელებს პროექტს "ვირჩევ დემოკრატიას!" - #მიეხმარასაქართველოს!" ეს პროექტი იმ ახალგაზრდების დასახმარებლადაა, ვინც პირველად მონაწილეობს არჩევნებში. რას ეტყოდით  მათ? _ ახალგაზრდების ხმა და მონაწილეობა მნიშვნელოვანია, რადგან საქართველო და მისი ხელისუფლება მომავალზეა ორიენტირებული. ჩვენ ვხსნით ახალ შესაძლებლობებს ახალგაზრდების განათლების, დასაქმების და პროფესიული განვითარებისთვის. "ქართული ოცნების" ახალ საპარლამენტო გუნდში არაერთი წარმატებული ახალგაზრდა ლიდერია და ჩვენი ქვეყნის მომავალი ახალგაზრდებს ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...