"წყალს გაყოლილი მილიონები"

მთავარი თემა

"წყალს გაყოლილი მილიონები"

2018 მაი 7 14:41:32

ოზურგეთის მუნიციპალიტეტის სოფელ ჯუმათში წყლის სარეაბილიტაციო სამუშაოების გასახორციელებლად ოზურგეთის მუნიციპალიტეტმა 2015 წლის 18 სექტემბერს ტენდერი გამოაცხადა, რომლის ღირებულებაც 1 480 690 ლარს შეადგენდა. ტენდერში გამარჯვებულმა კომპანიამ შპს "ბილდინგ-დეველოპერმა" აღნიშნული ტენდერი 1 184 969, 97 ლარად მოიგო.

სამუშაოები 2015 წლის 21 ოქტომბერს დაიწყო და 2016 წლის 21 ოქტომბერს დასრულდა. როგორც მერიაში აღნიშნავენ, ობიექტმა ექსპერტიზა სამხარაულის სახელობის სასამართლო ექსპერტიზის ბიუროში გაიარა.

#275 ხელშეკრულებაში, რომელიც ოზურგეთის მუნიციპალიტეტის იმდროინდელმა გამგებელმა მერაბ ჭანუყვაძემ შპს "ბილდინგ დეველოპერის" ხელმძღვანელთან, ალექსი სიხუაშვილთან გააფორმა, აღნიშნულია, რომ სამუშაოს შესრულების პროცესში გამოსაყენებელი მასალები და მოწყობილობები უნდა იყოს მაღალი ხარისხის, შეესაბამებოდეს მოქმედ სტანდარტებს და აკმაყოფილებდეს შემსყიდველის მოთხოვნებს. შესრულებულ სამუშაოს აქვს საგარანტიო ვადა _ 5 წელი, რომლის განმავლობაშიც მიმწოდებელი ვალდებულია საკუთარი სახსრებით აღმოფხვრას გამოვლენილი დეფექტები.

თუმცა, როგორც გაირკვა, მილიონზე მეტი ღირებულების პროექტთან დაკავშირებით პრობლემებია _ ჯუმათელების თქმით, სამუშაოები თავის დროზე უხარისხოდ შესრულდა და სწორედ ესაა მიზეზი, რომ სოფელს წყალი არ მიეწოდება.

მათივე ინფორმაციით, სამუშაოების შესრულებისას არ იქნა გამოყენებული, ე. წ. "ქვიშის ბალიშები", რაც, ასევე, იწვევს მილების დაზიანებას, რადგან თხრილი, სადაც მილებია ჩაყრილი, ქვა-ღორღით არის დაფარული.

აღნიშნული საკითხი არაერთხელ გახდა ოზურგეთის მუნიციპალიტეტის საკრებულოს სხდომაზე "ნაციონალური მოძრაობის" და "ქართული ოცნების" დეპუტატების დაპირისპირების თემა _ ენმ-ს ლიდერებმა ადგილობრივ ხელისუფლებას სოფლების პროექტების არაკანონიერად გახორციელებასა და კორუფციაში დასდეს ბრალი. მათი თქმით, უკვე დასრულებულ პროექტში, წყალთან დაკავშირებით ხელისუფლებამ 85 000 ლარი უნდა გადარიცხოს დამატებით, რადგან დაზიანებული მილები შეკეთებას მოითხოვს.

ოზურგეთის მუნიციპალიტეტის საკრებულოს ბოლო სხდომაზე შპს "სატისის" ხელმძღვანელი დავით ცერცვაძეც იმყოფებოდა, რომელმაც ჯუმათის წყალმომარაგების პრობლემასთან დაკავშირებით განმარტა, რომ მიზეზი რამდენიმე ხნის წინ მომხდარი სტიქიაა, რომელმაც წყლის სათავე ნაგებობა მწყობრიდან გამოიყვანა.

"გურია ნიუსმა" სოფელ ჯუმათში წყლის სარეაბილიტაციო სამუშაოები ადგილზე მოინახულა _ თითქმის ყველა 10 მეტრში გზებზე დაზიანებული და დახეთქილი მილები ყრია, საიდანაც წყალი იღვრება. ზოგან ამოთხრილია ჭები, რომელიც თავღიადაა დატოვებული; თხრილში ჩაყრილი მილები ქვა-ღორღით არის სავსე.

"გურია ნიუსი" იმ დროს მივიდა ჯუმათში, როცა ერთ ადგილზე დაზიანებული მილების შესაკეთებლად მუნიციპალიტეტის მერიის შპს "სატისი" წარმომადგენლები იმყოფებოდნენ. როცა მათ აღნიშნული პრობლემის შესახებ ვკითხეთ, გვიპასუხეს, რომ "დასახვეწია რაღაც-რაღაცები; გვალვაა და დებეტი არ ჰყოფნის".

სულ სხვას ამბობენ ჯუმათის მცხოვრებლები _ ისინი აღნიშნავენ, რომ სამუშაოები, რომელიც სოფელში ჩატარდა, მოიცავდა იმ პროექტს, რომელიც, დაახლოებით, 10 წლის წინ შედგა:

"ადამიანები, რომლებიც წყლის შემოყვანაზე მუშაობდნენ, ამბობდნენ, რომ პროექტი არის არასწორად შედგენილი და ხარვეზებით სავსე. ბევრი წყალი მოდის და იმიტომ სკდება მილები. უამრავი თანხაა დახარჯული", _ ამბობს ჩვენთან საუბრისას მანანა ჩხარტიშვილი.

ჯუმათში მცხოვრები ცისანა დარჩია ამბობს, რომ "წყალი ხან არის, ხან _ არა და ხშირია შემთხვევა, როცა მილები სკდება".

"მილები ყოველდღე სკდება. დადიან ტრაქტორით და აკეთებენ. ალბათ, უვარგისი მილებია ჩაყრილი. უამრავი პრობლემაა _ გზა ჩვენ არ გვაქვს და არაფერი. ახალგაზრდები საერთოდ აღარ არიან სოფელში, არანაირი პერსპექტივა არ არის. ყველა გაქცეულია აქედან", _ თქვა ჩვენთან საუბრისას ფატი მითაიშვილმა, რომელსაც თანასოფლელი ნინო ხელაძეც ეთანხმება:

"წყალი მოგვეწოდება კვირაში ორჯერ 1 საათით. თუმცა, დღეში, ალბათ, სამჯერ ამოდიან და აკეთებენ წყალგაყვანილობას. ცუდადაა გაკეთებული _ წყალს მილები არ იკავებს", _ აღნიშნავს ხელაძე.

თანასოფლელების მსგავსად, უხარისხოდ შესრულებულ სამუშაოებზე ამახვილებს ყურადღებას ვენიკო დარჩია:

"გზა არ არის, არც _ წყალი, არც _ გაზი. გამგებელიც არ გვყავდა ამდენ ხანს _ ორიოდე დღის წინ დაგვინიშნეს. ღიად არის ჭები დარჩენილი. რაც გაკეთდა, უხარისხოდ გაკეთდა _ მილები იხსნება, წნევა ძლიერია და სკდება. ქვიშა უნდა ჩაყრილიყო და მერე ჩაედოთ მილები, თუმცა, პირდაპირ ჩაყარეს ქვებთან ერთად", _ ამბობს ჩვენი რესპონდენტი.

შპს "ბილდინგ დეველოპერის" წარმომადგენელი დავით ბექაური "გურია ნიუსთან" ამბობს, რომ მათ პროექტში სამუშაოების შესრულების დროს არ ჰქონდათ განსაზღვრული, მილების ჩადების დროს გამოეყენებინათ ე. წ. "ქვიშის ბალიშები": "არანაირი კანონდარღვევით არ შესრულებულა სამუშაოები _ ყველაფერი გაკეთდა ისე, როგორც პროექტით იყო განსაზღვრული. არანაირ დანაშაულის ნიშნებს არ შეიცავს ჩემი კომპანიის მიერ შესრულებული სამუშაოები. მილი თხრილში უნდა იყოს, აბა სად? თხრილში, ოღონდ ჩამარხული, ჩაუმარხავი არ უნდა იყოს. პროექტი ე. წ. "ქვიშის ბალიშებს" არ ითვალისწინებდა. მილები ამოთხრილი გრუნტით დაიფარა და არა ქვიანი ქვიშით. როგორც ვიცი, მოსახლეობას წყალი აქვს", _ ამბობს ბექაური.

უხარისხოდ შესრულებულ სამუშაოებს გამორიცხავს გურიის გუბერნატორი მერაბ ჭანუყვაძე, რომელიც, როგორც აღვნიშნეთ, სამუშაოების დაწყების დროს მუნიციპალიტეტის პირველი პირი იყო:

"სოფელ ჯუმათის წყალმომარაგების სისტემის მოწყობისთვის პროექტირება 2015 წლიდან დავიწყეთ. პროექტს ექსპერტიზა ჩაუტარა ლევან სამხარაულის სახელობის სასამართლო ექსპერტიზის ეროვნული ბიურომ. ჯუმათის წყალმომარაგების სისტემის მშენებლობას (6 კმ ცენტრალური მაგისტრალი, 38 კმ _ ქსელი) შპს "ბილდინგ დეველოპერი" ახორციელებდა. სამუშაოთა ღირებულებამ 1 247 082 ლარი შეადგინა, რომელიც 1 370 მომხმარებელზეა გათვლილი. შესაბამისად, სამშენებლო სამუშაოებმაც გაიარა ლევან სამხარაულის სახელობის სასამართლო ექსპერტიზის ეროვნული ბიუროს მიერ ექსპერტიზა, ანუ მუნიციპალიტეტმა, წყალსადენის მშენებლობისთვის შესაბამისი რეგლამენტებით გათვალისწინებული ყველა პროცედურის სრული დაცვის გავლის შემდგომ მოახდინა შესაბამისი მიღება-ჩაბარების აქტი გაფორმება და  წყალსადენის ექსპლუატაციაში შეყვანა.

რაც შეეხება დღეის მდგომარეობით შექმნილ პრობლემებს წყალმომარაგებასთან დაკავშირებით, მოსახლეობას ვაცნობებ, რომ ეს გამოწვეულია 2017 წლის ოქტომბერში მოსული ძლიერი წვიმის შედეგად წარმოქმნილი ღვარცოფით, რომელმაც დააზიანა სათავე ნაგებობა. ამ პრობლემას ემატება წყლის დებეტის სიმცირე, რაც გამოწვეულია მარტსა და აპრილში ნალექის არარსებობით. ჩემთვის ცნობილია, რომ წყალსადენის სათავე ნაგებობის რეაბილიტაციის მიზნით შედგენილია შესაბამისი პროექტი და უახლოეს დღეებში უნდა გამოცხადდეს ტენდერი.

რაც შეეხება ჩემი "კონკურენტების" აპელირებას, თითქოს ოზურგეთის მუნიციპალიტეტის მიერ სამშენებლო სამუშაოები "უხარისხოდ" სრულდებოდა, საზოგადოებას ვაცნობებ, რომ ეს არის მორიგი დეზინფორმაცია და ადამიანების შეცდომაში შეყვანის მცდელობა, პირთა ძალიან ვიწრო წრის მიერ, მხოლოდ ჩემი პიროვნების დისკრედიტაციის მიზნით", _ აღნიშნა ჩვენთან საუბრისას მერაბ ჭანუყვაძემ.




 ახალი ამბები
  • ერქომაიშვილის, შარაშენიძის და გოგიბერიძის პრესკონფერენცია, რომელსაც "ქართული ოცნება" ემიჯნებადღეს, ოზურგეთის დემოკრატიული ჩართულობის ცენტრში, სოსო ერქომაიშვილმა, კონსტანტინე შარაშენიძემ და შოთა გოგიბერიძემ, ადამიანებმა, რომელიც საკუთარ თავს, როგორც „2012-იანელები“, ისე მოიხსენიებენ, პრესკონფერენცია გამართეს. თუმცა, პრესკონფერენციაზე, რომელიც საკუთარი არსით, მედიის დასწრებას და მათი მოსაზრებების გაშუქებას მოიაზრებს, მხოლოდ ერთი მედიასაშუალება _ „გურიის მოამბე“ მიიწვიეს. როგორც გამოცემა წერს, „შეხვედრაზე საუბარი სალომე ზურაბიშვილის მხარდაჭერასა და მათივე განცხადებებიდან გამომდინარე, საქართველოს გადარჩენაზე იყო.  იყვნენ მკვეთრად კრიტიკულებიც, რომლებიც ამ "ბრძოლაში" ჩართვას სწორედ იმის გამო არ აპირებენ, რომ პარტიის შტაბს მათთვის მიუღებელი პირები _ მერაბ ჭანუყვაძე და კობა დუნდუა ხელმძღვანელობენ.  „რა გააკეთა პარტიამ ამ წლების განმავლობაში? ვინ დაიყენა გვერდით? რას მიხსნით აქ? შტაბს რომ მერაბ ჭანუყვაძე და მართლა მთელი ცხოვრება "ნაციონალების" მხარდამჭერი, კობა დუნდუა უდგანან სათავეში, იმათ დავუდგე გვერდით?“ _ დამსწრეთაგან იმათი განცხადებების საპასუხოდ კი, ვინც 'ოცნებას" წინა ხელისუფლების იმ პირებთან გარიგებაში ადანაშაულებენ, ვინც დამნაშავეები იყვნენ, ერქომაიშვილმა და შარაშენიძემ შემდეგი განცხადებები გააკეთეს:  კოტე შარაშენიძე: "ვიცი, რასაც შენ განიცდი, ისე განვიცდით ჩვენც, მაგრამ რაღაც რაღაცეების გამო შეზღუდულები ვართ. დავუჭიროთ მხარი ბიძინა ივანიშვილს, ისე კი არა, ზოგიერთი რომ იძახის ტყუილად ჰაერზე. ის საქმე უნდა გავაკეთოთ, რასაც დღევანდელი რეალობა ქვია. ბეწვის ხიდზე გავდივართ ახლა".  სოსო ერქომაიშვილი: "თუ იმაზე ვსაუბრობთ ახლა, საქართველო თუ სხვა რამე, ეს არაა სწორი. მე საქართველოს გვერდით ვდგები ახლა და დავამთავროთ. ამაზე ახლა მოვრჩეთ ლაპარაკს, ვსო. დროის ამბავი რა არის, ამას მე გეტყვით არჩევნების მეორე დღეს”, _ აღნიშნულია „გურიის მოამბის“ მიერ გამოქვეყნებულ სტატიაში. „გურია ნიუსი“ რამდენიმე საათია, ცდილობს, გაარკვიოს, რატომ არ მიიწვიეს პრესკონფერენციაზე სხვა მედიასაშუალებები და რატომ გაკეთდა სალომე ზურაბიშვილის მხარდასაჭერი პრესკონფერენცია მხოლოდ ერთი მედიისთვის. როგორც პარტიის ადგილობრივ ორგანიზაციაში გვითხრეს, აღნიშნული პრესკონფერენციის შესახებ მათ ინფორმაცია არ ჰქონდათ, და ეს იმ ფონზე, როცა სოსო ერქომაიშვილი „ქართული ოცნების“ ოზურგეთის საოლქო ორგანიზაციის ბიუროს წევრია. ბიუროს წევრის მიერ გამართული პრესკონფერენციის შესახებ საქმის კურსში არ იყო არც პარტიის პოლიტსაბჭოს წევრი, რეგიონებთან ურთიერთობის სამსახურის უფროსი დიტო სამხარაძეც. პარტიის პრესსამსახურის ხელმძღვანელის, ლელა გაბეჩავას თქმით, პრესკონფერენცია „ქართული ოცნების“ მიერ ორგანიზებული არ ყოფილა, ამის შესახებ ინფორმაციაც არ ჰქონდათ და მისთვის უცნობია, რა უნდოდა პრესკონფერენციაზე ბიუროს წევრს და რატომ იყო მიწვეული მხოლოდ ერთი მედიასაშუალება. კითხვაზე, რას გვეტყვიან პრესკონფერენციაზე გაჟღერებულ ბრალდებებზე, რომ „ოცნების“ შტაბში „ნაციონალები“ არიან, მით უმეტეს, რომ ამ ბრალდებებზე მმართველი პარტიის ოზურგეთის საოლქო ორგანიზაციის ბიუროს წევრს და პრესკონფერენციის ორგანიზატორს პასუხი არ გაუცია და ამაზე საუბარი სამომავლოდ გადადო, პარტიაში აღნიშნეს, რომ ვერაფერს: _ ერქომაიშვილს ვერ ვუკავშირდებით და ამ დროისთვის რაც შემიძლია გითხრათ ისაა, რომ, სავარაუდოდ, ეს ერქომაიშვილის დამოუკიდებელი გადაწყვეტილება იყო. ამ პრესკონფერენციასა და იქ მყოფ ადამიანებთან პარტიას შეხება არ ჰქონია და არანაირი პრესკონფერენცია ჩვენთან შეთანხმებული არ ყოფილა, _ გვითხრა გაბეჩავამ. ჩვენ შევეცადეთ კომენტარები პრესკონფერენციაზე მყოფი ადამიანებისგანაც მიგვეღო. შარაშენიძემ, როგორც ყოველთვის „გურია ნიუსის“ სატელეფონო ზარებს არ უპასუხა. მისგან მაგალითი აიღო სოსო ერქომაიშვილმა და კონტაქტზე არ გამოვიდა. ერთადერთი, ვინც კომენტარი გააკეთა, შოთა გოგიბერიძე იყო, რომლის განმარტებით, დღეს პრესკონფერენცია არ ჩატარებულა: _ ეს იყო „2012-იანელების“ სამუშაო შეხვედრა და არა პრესკონფერენცია. არავინ მიგვიწვევია. ჩემთვისაც მოულოდნელი იყო, როცა ერთ-ერთ მედიასაშუალებაში ამ შეხვედრის შესახებ სტატია წავიკითხე. ვერ გეტყვით, ვინ იყო. 50 კაცი იყო იქ და ყველას არ ვიცნობდი, _ აღნიშნა გოგიბერიძემ.   ... ...
  • ზურაბიშვილი: საარჩევნო კამპანიაში ჩართული არიან სხვადასხვა ქვეყნის, მაგრამ არა რუსი პიარსპეციალისტები (R)საარჩევნო კამპანიაში ჩართული არიან სხვადასხვა ქვეყნის პიარსპეციალისტები, მაგრამ არა რუსი პიარსპეციალისტები, – ამის შესახებ პრეზიდენტობის დამოუკიდებელმა კანდიდატმა, სალომე ზურაბიშვილმა განაცხადა. ჟურნალისტებმა ქალთა ორგანიზაციის წევრებთან შეხვედრის შემდეგ სალომე ზურაბიშვილს ჰკითხეს, არიან თუ მის საარჩევნო კამპანიაში ჩართული პიარკონსულტანტები ისრაელიდან, რაზეც სალომე ზურაბიშვილმა უპასუხა: „კამპანიაში ჩართული არიან სხვადასხვა ქვეყნის პიარსპეციალისტები, მაგრამ არ არიან ჩართული რუსი პიარსპეციალისტები". პრეზიდენტობის დამოუკიდებელი კანდიდატი დღეს ორგანიზაცია „ქალები სამართლიანობისთვის" წევრებს შეხვდა, სადაც ქვეყნის პოლიტიკურ ცხოვრებაში ქალთა ჩართულობის მნიშვნელობაზე ... ...
  • "მერი გვეკაიფება" _ რატომ დაუპირისპირდნენ დაბა ლაითურის მაცხოვრებლები ოზურგეთის მერსოზურგეთის მუნიციპალიტეტის დაბა ლაითურის #2 საბავშვო ბაღში ახალის ნაცვლად ძველი საბავშვო ატრაქციონები მიიტანეს - ამის შესახებ დაბის მცხოვრებლებმა “გურია ნიუსს“ დაუკავშირდა. “კარგად დააკვირდით ამ სურათს და არ გაგიკვირდეთ _ ეს ის დაპირებაა, რომელიც რამდენიმე დღის უკან ბატონმა მერმა კონსტანტინე შარაშენიძემ ლაითურს მე-9 რაიონის მოსახლეობას მისცა და  რომელსაც დიდი სიხარულით ელოდნენ. თქვენთვის მომინდია, დაარქვით სახელი _  ეს შეურაცხყოფაა, დაცინვაა თუ სხვა რამ მსგავსი, რადგან ასეთი და ცოტა უკეთესი უკვე ლაითურის #2 საბავშვო ბაღში დგას 50 წელია. რატომ ჩათვალა მერმა, რომ ჩვენ ამითაც კმაყოფილი ვიქნებოდით, მაშინ როცა თავისი სახლის წინ ეზოში აშენებს ახალ პარკს.  ეჭვი გვაქვს ეს სწორედ იმ პარკიდან ამოიღო და გამოგვიგზავნა იმ ადამიანებს, რომლებმაც მას მხარი დაუჭირეს და მუნიციპალიტეტის მერად აირჩიეს  _ ვინ გაგვცემს ამაზე პასუხს?“ - ეს წერილი ფოტოებთან ერთად „გურია ნიუსს“ ოზურგეთის მუნიციპალიტეტის დაბა ლაითურიდან გამოუგზავნეს. ფოტოებზე კარგად ჩანს, რომ საბავშვო ბაღში მიტანილი ატრაქციონები დაზიანებული _ ერთ-ერთი კი დაჟანგულია. დაბაში არ მალავენ, რომ შარაშენიძის საქციელით შეურაცხყოფილები არიან: _ მერი გვეკაიფება _ სხვა არ ვიცით რა ვიფიქროთ. ასეთი აგდება და შეურაცხყოფა გინახავთ სადმე? ხელისუფლების კანდიდატისთვის ხმა კი უნდათ და დაპირების შესრულება არა! ნურავის გონია, რომ ასე ადვილად მოტყუვდება ხალხი. თუ დაგვცინიან არც ჩვენ დავრჩებით ვალში და არჩევნებზე გავცემთ საკადრის პასუხს, _ აღნიშნავენ დაბაში. ოზურგეთის მუნიციპალიტეტის მერის წარმომადგენელის თანაშემწის რეზო მესხიძის თქმით, ატრაქციონები ლაითურში გვიან ღამით მიიტანეს: _ კომუნისტების დროინდელი ატრაქციონებია, მაგრამ ვინ მოიტანა არ ვიცით. ჩვენთვის არავის არაფერი არ უთქვამს. მუნიციპალიტეტის მერიისგან იყო დაპირება, რომ საბავშვო ატრაქციონებს მოიტანდნენ _ ხალხიც ელოდებოდა და მოიტანეს ძველი ატრაქციონები. მოსახლეობა ვარაუდობს, რომ ესენი სხვაგან იდგა და ჩვენთან გადმოისროლეს. არადა, მასეთი ატრაქციონები დგას დაბაში _  უბრალოდ, ერთს ცალი ფეხი არ აქვს და მეორე კიდევ გაფუჭებულია, _  გვითხრა რეზო მესხიძემ. ვინ და საიდან მიიტანა ძველი ატრაქციონები დაბაში უცნობია ოზურგეთის მუნიციპალიტეტის საკრებულოს წევრის, დაბა ლაითურის მაჟორიტარი დეპუტატის გია ჩაგანავასთვისაც. „გურია ნიუსმა“ კი გაარკვია, რომ ატრაქციონები, ოზურგეთის მერის სახლთან მდებარე პარკიდან წაიღეს, რომლის ნაცვლად შარაშენიძის მეზობლად არსებულ სკვერში ახალი იდგმება. ის, რომ ატრაქციონები ნამდვილად ოზურგეთიდანაა წაღებული „გურია ნიუსთან“ საუბრისას დაადასტურა ოზურგეთის მუნიციპალიტეტის  სკოლამდელი აღზრდის ცენტრის ხელმძღვანელმა მაკა ჭყონიამ: „ეს საბავშვო ატრაქციონები ჭავჭავაძის ქუჩაზე მდებარე პარკიდან, სადაც ააჯამად სარეაბილიტაციო სამუშაოები მიმდინარეობს გუშინ, მერიის გადაწყვეტილებით წაიღეს. როგორც მერისგან გავიგე,  ადგილზევე მოხდება ატრაქციონის დამონტაჟება, რესტავრაცია, შეღებვა და განახლება,“  _ აღნიშნა ჩვენთან საუბრისას ... ...
  • სალომე ზურაბიშვილი: ამ ბრძოლაში ქალები იქნებიან მთავარი ძალა (R)პრეზიდენტობის დამოუკიდებელი კანდიდატი სალომე ზურაბიშვილი მიიჩნევს, რომ ქვეყნის პოლიტიკური და სოციალურ ცხოვრებაში ქალთა ჩართულობა აუცილებელია. აღნიშნულ საკითხზე ზურაბიშვილმა ქალთა ორგანიზაცია „ქალები სამართლიანობისთვის“ წევრებთან შეხვედრაზე ისაუბრა. მისი თქმით, ქალები საქართველოში ამომრჩეველთა 53 პროცენტს წარმოადგენენ, მაგრამ პოლიტიკაში სათანადო ადგილი არ აქვთ. „ქალების ჩართულობა აუცილებელია. ქალები წარმოადგენენ ამ ქვეყნის ამომრჩევლების 53 პროცენტს, მაგრამ არ აქვთ სათანადო ადგილი პოლიტიკაში. ამ დროს ქვეყნის ყველა სხვა დარგში, პრაქტიკულად, ქალები არიან წარმოდგენილი. ისინი არიან ძალიან ძლიერები, ზოგჯერ, ძალიან წარმატებულიც, მაგრამ არა პოლიტიკაში, არც ადგილობრივ დონეზე და არც პარლამენტში. მაგალითი, რაც მე მინდა, შემოვიტანო ქართულ პოლიტიკაში, რომ როგორც სხვა მოწინავე ქვეყნებში, საქართველოსაც ეყოლება ქალი პრეზიდენტი, ეს არის მაგალითისა და შემდეგი ბრძოლისთვის, რაც უნდა გავიაროთ, რომ საზოგადოება თანამედროვეობისკენ შეიცვალოს და ამავდროულად, შეინარჩუნოს ყველაზე ღირებული ტრადიციები. ამ ბრძოლაში ქალები იქნებიან მთავარი ძალა. ეს არის ამ ქვეყნისთვისაც და ჩემთვისაც მთავარი ძალა“, – განაცხადა სალომე ზურაბიშვილმა შეხვედრაზე. პრეზიდენტობის კანდიდატმა მოძრაობის წევრებს მხარდაჭერისთვის მადლობა ... ...
  • სალომე ზურაბიშვილი მისი ფოტოს შეცვლის შესახებ: მე ეს სტილი ბევრად უფრო მომწონსსაქართველოს პრეზიდენტობის კანდიდატი, სალომე ზურაბიშვილი, საპრეზიდენტო არჩევნების მეორე ტურისთვის ბილბორდებიდან მისი ფოტოების ნაცვლად ოცნების  ლიდერების გამოსახულებით ჩანაცვლებას ეხმაურება. სალომე ზურაბიშვილი ამბობს, რომ ძალიან ბედნიერია ბანერების შეცვლით და განმარტავს, რომ პირველი ტურისთვის გადაღებული ფოტო მას არ მოსწონდა. „განცდა იყო, რომ ვარ ძალიან ბედნიერი იმიტომ, რომ ის პირველი სურათი ნაკლებად მომწონდა. მე არ ვიცი, თქვენი მოსაზრება როგორი არის, მე ძალიან მომწონს ახალი სურათი და პირველი ტურის დროს, მე სულ ვამბობდი, რომ მე მეგონა, რომ ჩემი სურათი ცოტა ძალიან ბევრი იყო და ძალიან დიდი იმიტომ, რომ ეს არ არის ის ევროპული სტილი, რომელიც მომწონს და მე ეს სტილი ბევრად უფრო მომწონს, იმედი მაქვს, თქვენც,“  - განაცხადა სალომე ზურაბიშვილმა. ოცნების მიერ მხარდაჭერილმა საპრეზიდენტო კანდიდატმა ორგანიზაცია ქალები სამართლიანობისთვის წარმომადგენლებთან შეხვედრისას განაცხადა, რომ „ეს საზოგადოება უნდა შევცვალოთ და ნამდვილად ავაშენოთ თანამედროვე, ქართული საზოგადოება, არა რომელიმე სხვა ქვეყნის „კოპიო“, არამედ თანამედროვე და ქართული“. ზოგიერთ ბილბორდზე პრეზიდენტობის კანდიდატის მხოლოდ სახელი და გვარი წერია, თუმცა, ბანერზე მხოლოდ ქართული ოცნების დამფუძნებლის ან პარლამენტის თავმჯდომარის ფოტოებია განთავსებული.  ... ...

არქივი

ზაფრანი

უცნობი ფაქტები მამაკაცის სხეულის შესახებ

დიდი ტვინი საშუალოდ, ტვინის მოცულობა...

სიყვარულის ფერების თეორია

ჯონ ალან ლი კანადელი მეცნიერია,...

ყველაზე არაპროგნოზირებადი და სახიფათო ცხოველები

თაფლიჭამია თაფლიჭამია, იგივე რეიტელი, მართალია,...

როგორ არ უნდა დალიოთ ღვინო

ღვინისათვის “სუნთქვის" საშუალების არ მიცემა...

7 თვისება, რომლითაც მაღალი ინტელექტის მქონე ადამიანს ამოიცნობთ

ინტელექტი ადამიანის თვისებაა, რომელიც აზროვნების...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნების მეორე ტურში?