უდიდესი ისტორიის მქონე დაცლილი და მივიწყებული სოფელი

მთავარი თემა

უდიდესი ისტორიის მქონე დაცლილი და მივიწყებული სოფელი

2018 აგვ 26 09:53:47

შუასურები ჩოხატაურის მუნიციპალიტეტში, ცენტრიდან 18 კილომეტრის დაშორებით მდებარეობს.

სოფელს, ულამაზეს ბუნებასთან ერთად, უმდიდრესი ისტორია კიდევ უფრო საოცარს ხდის...

შუასურები უამრავ ისტორიას ინახავს, რომელთაგან ყველაზე ცნობილი ლომისკარელის ეკლესიის შესახებ არსებული ჩანაწერებია.

ტაძარი ერისთავ-შარვაშიძეების კუთვნილებას წარმოადგენდა. დავით შარვაშიძემ და მისმა ძმამ _ ზაალმა, წმინდა გიორგი ლომისკარელის სამწყსო უბოძა ტრაპაიძეებს.

ანიზდარ ტრაპაიძეს განუახლებია ლომისკარელის ჯვარი. ტაძარში დაცული იყო ადგილობრივთა წარმოდგენით სასწაულმოქმედი ლომისკარელის ხატი. თუ ვინმე რაიმეს დაკარგავდა, ან მოპარავდნენ, დამნაშავეს ამ ხატზე გადასცემდა.

შემდგომ ლომისკარელის ხატი სოფელ ციხეში მოხვედრილა, მერე ჩოხატაურში გადაასვენეს, სადაც 1900-იან წლებში მოიპარეს და გაანადგურეს _ რევოლუციონერმა თენგიზ ჟღენტმა ის რევოლვერით დაცხრილა. სულ მალე ჟღენტი იმავე იარაღით მოუკლავთ.

"ლომისკარელს გარეგნობა მრისხანე ჰქონდა, ეს იყო ჯვარი, რომლის სიმაღლე ერთი არშინი (1 არშინი უდრის 71 სანტიმეტრს), სიგანე ორი მკლავი ჰქონდა. თავიდან ფეხებამდე ვერცხლით იყო მოჭედილი და მკერდსაც სამი დიდი ბრჭყვიალა თვალი უმკობდა. ეცვა წითელი მაუდის პერანგი, რომლის კალთებზეც ორი ჯიბე ჰქონდა მიკერებული შესაწირავის მისართმევად.

რევოლუციის დასაწყისში 5 რევოლუციონერი გლეხი შევიდა ეკლესიაში, გამოიტანეს ხატი ლომისკარელი, დაამტვრიეს, სიმდიდრე აართვეს და ხატი სადღაც გააქრეს", _ წერს თავის მოგონებებში საქართველოს დემოკრატიული რესპუბლიკის დამფუძნებელი კრების წევრი, საქართველოს სოციალ-დემოკრატიული პარტიის ერთ-ერთი ლიდერი ისიდორე რამიშვილი და ლომისკარელის სასწაულებს იხსენებს: "ოზურგეთის მომრიგებელ სასამართლოში გასარჩევი ყოფილა რაღაც დიდი სადაო საქმე და მოწმედ 50 კაცი ყოფილა გამოწვეული. ამათ დასაფიცებლად სურებიდან ოზურგეთში წამოუსვენებიათ ლომისკარელი, მიუბრძანებიათ სასამართლო დარბაზში და სუფთად გაშლილ ხალიჩაზე დაუსვენებიათ. ხალხი მუხლმოდრეკით და მოკრძალებით ემთხვეოდა ამ ძლიერ ხატს. მაშინ პირველად იყო ჩამოსული პირველი გურული სწავლული ვექილ-იურისტი ეტლია ბებურიშვილი. თუ მოწმეები ლომისკარელის შიშის გამო ყოველივე სიმართლეს იტყოდნენ, მისი კლიენტის საქმე წაგებული იქნებოდა. ხალხის შიშისა და ლომისკარელის ძლიერების გასაქრობად მას სამასხროდ აუღია: "ამ უბრალო რკინის როგორ უნდა ეშინოდეს კაცსაო" და ზედ გადაულაჯებია, მაგრამ მაშინვე ცხვირიდან სისხლი წავარდნია და არ შეწყვეტია მანამ, სანამ ხატის წინ არ დაჩოქებულა და შენდობა არ უთხოვია.

ერთხელ, თურმე, აჭარელი ფირალები შესულან ეკლესიაში, ლომისკარელი გამოუსვენებიათ და წაუყვანიათ. რა წამს მდინარე სუფსაში გაღმა გასასვლელად ფეხი ჩაუდგამთ, იქვე გაშეშებულან და ნაბიჯი ვეღარ გადაუდგამთ. მეორე დღეს ჩვენებურებს ყაჩაღები დაუხოცავთ და ლომისკარელი თავის ადგილზე დაუბრძანებიათ", _ წერს ისიდორე რამიშვილი.

შუასურების ცენტრი

ლომისკარელის ხატის დღესასწაული 23 აპრილს (ახ. სტ. 6 მაისი), გიორგობას აღინიშნებოდა, თუმცა წლებია, შუასურებში ეს ტრადიცია დარღვეულია.

ეკალ-ბარდებით არის დაფარული ის ადგილი, სადაც ტაძარი იყო აღმართული. იქვე სასაფლაოებია, რომლის დიდ ნაწილს ხავსი ფარავს.

მართალია, ირგვლივ ბევრია სახლია, თუმცა, ყველა მათგანი დაკეტილია. როგორც ადგილობრივები ამბობენ, სოფელში მიგრაცია დიდია:

_ სამსახური არ არის, არც _ შემოსავალი და ყველა მიდის. აღარავის უნდა გაჩერება. ახალგაზრდები, პრაქტიკულად, აღარ არიან სოფელში, _ აღნიშნავენ შუასურებლები და წუხან, რომ ყოველ წელს იკლებს სოფლის სკოლის მოსწავლეთა რაოდენობა.

სოფელში ახალგაზრდები, თითქმის, აღარ არიან

ამ დროისთვის შუასურების საჯარო სკოლაში 15 მოსწავლეა _ სკოლა წელს მხოლოდ ორ პირველკლასელს მიიღებს.

_ მიუხედავად იმისა, რომ სოფელი მთებშია მოქცეული, მაღალმთიანი ზონის სტატუსი არ მიანიჭეს, რადგან შესაბამის სიმაღლეზე არ არისო. არადა, ეს სტატუსი ხალხს დაბრუნების თუ არა, დარჩენის სურვილს მაინც გაუჩენდა, _ გვიყვებიან შუასურებში.

შუასურებში, 150 კომლიდან, მოქმედი მხოლოდ 70-ია

სოფელში ამბობენ, რომ ერთ-ერთი ყველაზე დიდი პრობლემა ხე-ტყით სარგებლობის აკრძალვაა:

_ პრაქტიკულად, ტყეში ვცხოვრობთ და შეშა ვერ მოგვიჭრია. არაფრის უფლებას არ გვაძლევენ _ ძველ ხეებსაც კი ვერ ვჭრით, საწნახელი რომ გამოვთალოთ, ყავარი გავაკეთოთ, _ აღნიშნავენ ადგილობრივები და ხელისუფლებას საყვედურობენ, რომ სოფლები და იქ მცხოვრები მოსახლეობა მხოლოდ საარჩევნოდ ახსენდებათ:

_ არჩევნები რომ მოახლოვდება, დღე არ გავა, ვინმე არ ამოვიდეს და ამბავი არ იკითხოს. არც დაპირებებს გვაკლებენ. ჩაივლის არჩევნები და ყველას ვავიწყდებით მომავალ არჩევნებამდე, _ გვითხრეს შუასურებელებმა.




 ახალი ამბები
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...
  • ოზურგეთში, ღია დიალოგის რეჟიმში, მოსახლეობასთან შეხვედრა გაიმართა (R)ღია დიალოგის რეჟიმში, ოზურგეთში მოსახლეობასთან შეხვედრა გაიმართა. გარემოს დაცვისა და სოფლის მეურნეობის მინისტრის მოადგილე იური ნოზაძე და გურიის მხარის რწმუნებული ზურაბ ნასარაია სოფელ ჯუმათის, ზვანის უბნისა და გრიბოედოვის ქუჩის მაცხოვრებლებს შეხვდნენ. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს. ადგილობრივებს ინფორმაცია დაგეგმილ ინფრასტრუქტურულ პროექტებზე, მუნიციპალურ და სოფლის მეურნეობის პროგრამებზე მიაწოდეს. მოსახლეობისთვის პრიორიტეტული სკვერის, წყალმომარაგების, კანალიზაციის სისტემის მოწყობის და შიდა საუბნო გზების მოწესრიგების საკითხია. აღინიშნა, რომ რამდენიმე საკითხი ეტაპობრივად მოგვარდება, დამუშავდება და სამოქმედო გეგმაში აისახება. შეხვედრებს ოზურგეთის მერი კონსტანტინე შარაშენიძე, საკრებულოს თავმჯდომარის მოადგილე გიორგი ღურჯუმელიძე და მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები ესწრებოდნენ. ... ...
  • გენერალურმა პროკურატურამ პატიმრების შეწყალების ფაქტზე გამოძიება დაიწყოსაქართველოს გენერალურმა პროკურატურამ პატიმრების შეწყალების ფაქტზე გამოძიება დაიწყო. პროკურატურის ინფორმაციით, გამოძიება სამსახურებრივი უფლებამოსილების შესაძლო ბოროტად გამოყენების ფაქტზე მიმდინარეობს. „საქართველოს გენერალურმა პროკურატურამ დაიწყო გამოძიება მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე, დანაშაული გათვალისწინებული სსკ-ის 332-ე მუხლის 1-ლი ნაწილით. საზოგადოებას პერიოდულად მივაწვდით ინფორმაციას გამოძიების მიმდინარეობისა და შედეგების შესახებ“, _ ნათქვამია პროკურატურის ... ...
  • ანზორ ჩუბინიძე: ჩემი სამსახურის თანამშრომელს არანაირი იარაღი, არც ლეტალური და არც არალეტალური არ ქონიასახელმწიფო დაცვის სპეციალური სამსახურის უფროსი ანზორ ჩუბინიძე 20 ივნისის მოვლენებთან დაკავშირებით გენერალურ პროკურატურაში დაიკითხა. როგორც ანზორ ჩუბინიძემ ჟურნალისტებთან საუბრისას განაცხადა, მან გამოძიებას ყველა კითხვაზე გასცა პასუხი. „20-21 ივნისის მოვლენებზე გამოვიკითხე და რაც მკითხეს, ვუპასუხე. რა დონეზე ვმონაწილეობდი, როგორ ვიყავით ჩართულები და პირადად ჩემთან ქონდათ გარკვეული კითხვები ჩემი მონაწილეობის შესახებ. მე ვარ სახელმწიფო დაცვის სპეციალური სამსახურის ხელმძღვანელი, პარლამენტის შენობა არის დაცვის სპეციალური სამსახურის დასაცავი ერთ-ერთი უმნიშვნელოვანესი ობიექტი და აქ კითხვა არაა, თუ რატომ ვიყავი იქ. მე მითითებებს გავცემდი მხოლოდ და მხოლოდ სდსს თანამშრომლებზე. რა თქმა უნდა, არ გავცემდი არანაირ ბრძანებას სროლაზე“, – განაცხადა ანზორ ჩუბინიძემ. ამასთან სახელმწიფო დაცვის სპეციალური სამსახურის უფროსის თქმით, ის პასუხისმეგებლობისგან გაქცევას არ აპირებს. ​ „რაც შეეხება იმას, რომ სდსს-ის თანამშრომლები იყვნენ განლაგებული პარლამენტის სხვადასხვა შესასვლელთან, ეს ასე იყო და იქნება, სანამ მე ვიქნები ხელმძღვანელი სდსს-ის. ჩემი სამსახურის თანამშრომელს არანაირი იარაღი, არც ლეტალური და არც არალეტალური არ ქონია. არავინ გაექცევა პასუხისმგებლობას, მათ შორის არც მე, თუ დადგება ეს საკითხი. გამოძიება აუცილებლად მივა ბოლომდე და ყველა კითხვას პასუხი გაეცემა“, – განაცხადა ანზორ ჩუბინძემ. ... ...
  • გიორგი გახარია: "ეს იყო გავრილოვის დღე და ეს იყო პარლამენტის შტურმის ღამე""მე ვიყავი პირველი შინაგან საქმეთა მინისტრი, რომელიც მივიდა პროკურატურაში და გამოძიებას ჩვენება მისცა, თუ საჭირო იქნა, მე ვიქნები პირველი პრემიერ-მინისტრი, რომელიც ასევე მივა პროკურატურაში და მისცემს ჩვენებას" _ განაცხადა ჟურნალისტებთან საუბრისას საქართველოს პრემიერ-მინისტრმა გიორგი გახარიამ. მისივე თქმით, პროკურატურის გადასაწყვეტია რამდენ ადამიანს დააკავებენ: „20 ივნისი იყო გავრილოვის დღე, მაგრამ ეს იყო პარლამენტის შტურმის ღამე. კიდევ ერთხელ ვიმეორებ და კიდევ ერთხელ ხაზგასმით მინდა აღვნიშნო, რომ თითოეულმა პოლიციელმა მაშინ შეძლო და დაიცვა სახელმწიფო ინსტიტუტი, ემსახურა სახელმწიფოს და შეასრულა თავისი ძირითადი მოვალეობები. რა თქმა უნდა, იყო ერთეული გადაცდომები, რომელზეც დევნა დაწყებულია, გამოძიება გრძელდება, თუ იქნება საჭირო 10 ადამიანის დაკავება, დააკავებენ 10 ადამიანს, თუ იქნება საჭირო, დააკავებენ ოცს“,_  განაცხადა გიორგი გახარიამ. 21 ივნისის მოვლენებიდან დღეს 3 თვე გავიდა და აქცია "სირცხვილიას" ორგანიზატორები, რომლებიც 3 თვეა საპროტესტო აქციებს მართავენ, დღევანდელ დღეს პარლამენტის წინ მაშტაბური აქციით აღნიშნავენ. ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...