უკანონო მშენებლობისთვის დასჯის უმაღლესი ზომა... ბანერია?!

მთავარი თემა

უკანონო მშენებლობისთვის დასჯის უმაღლესი ზომა... ბანერია?!

2019 სექ 30 09:40:00

ოზურგეთის მუნიციპალიტეტში, კურორტ გომისმთაზე გაჩაღებული უკანონო მშენებლობები გასცდა რეგიონის ფარგლებს და დღეს ამ პრობლემის შესახებ მთელ საქართველოში იციან.

გომისმთის ტერიტორია ეკონომიკის სამინისტროს ეკუთვნის. მიწათსარგებლობის გენერალური გეგმა ჯერ კიდევ 2017 წელს გაკეთდა, რომელიც შემდეგ გაგრძელდა, თუმცა, ჯერ დამტკიცებული არ არის; არ არსებობს არანაირი ელექტრონული ვერსია რომელიმე საკუთრებაზე.

აქ ყველაზე მეტად სამშენებლო საქმიანობის ბუმი, რაოდენ გასაკვირიც უნდა იყოს, ამ ზაფხულს გაჩაღდა, როცა ოზურგეთის მუნიციპალიტეტის მერიის მიერ უკანონო მშენებლობის აღსაკვეთად ე.წ. "რკოლები", უნებართვოდ ჩასობილი პატარა ბოძები, ბულდოზერებით მოთხარეს.

როგორც მუნიციპალიტეტის მერია მაშინ იუწყებოდა, უკანონო მშენებლობები ზედამხედველობის სამსახურის მიერ, სპეცტექნიკით იმიტომ შეჩერდა, რომ სხვა გზა არ იყო და დაიწყო სახლების აღწერა. როგორც მერიაში ამბობენ, დღეისთვის 700-მდე სახლია აღწერილი და პროცესი გრძელდება, თუ ამინდი არ შეუშლის ხელს.

გარდა ამისა, ოზურგეთის მუნიციპალიტეტის მერიამ გომისმთის შესასვლელში გამოაკრა ბანერი, რომელზეც წერია: "მოქალაქეთა საყურადღებოდ! გთხოვთ, კურორტ გომისმთაზე საპროექტო დოკუმენტაციის შეთანხმების და მშენებლობის ნებართვის გარეშე, არ განახორციელოთ ნებისმიერი სახის შენობა-ნაგებობის განთავსება/მშენებლობა. წინააღმდეგ შემთხვევაში მშენებლობის განმახორციელებელი პირი დაჯარიმდება საქართველოს კანონის, "საქართველოს სივრცითი დაგეგმარების, არქიტექტურული და სამშენებლო საქმიანობის კოდექსის" 131 მუხლის, 1 პუნქტის ა) ქვეპუნქტის მიხედვით, 25 000 ლარის ოდენობით".

ამ მოწოდების შინაარსი იმთავითვე კომიკური განსჯის საგნად უფრო იქცა, ვიდრე სერიოზული დატვირთვის მქონე შეხსენებად, რადგან როგორც ცნობილია, დღეს გომისმთაზე ყველა მშენებლობა უკანონოა, რადგან ბუნებაში არსებობს მშენებლობის ნებართვა და არც შეიძლება არსებობდეს, რადგან არც ერთი საკანონმდებლო აქტი გომისმთასთან დაკავშირებით მიღებული არ არის. საკანონმდებლო აქტში შედის გომისმთის სტატუსის მიღების საკითხიც.

საქართველოს მთავრობას, ჯერ კიდევ აპრილში, გაეგზავნა გომისმთის მიწათსარგებლობის გენგეგმა, სტატუსის განსაზღვრის მოთხოვნასთან ერთად, რის პასუხიც დღემდე არ მოსულა.

როცა დოკუმენტაცია მზად იქნება, მხოლოდ ამის შემდეგ უნდა გადაწყდეს, თითოეული კვ.მ. ფართობის აუქციონის წესით გაყიდვა, გაკეთდეს პროექტი, გაიცეს მშენებლობის ნებართვა და მესაკუთრემ დაიწყოს მშენებლობა.

ისმის კითხვა: ვის აჯარიმებენ? როცა არ არსებობს არანაირი საკანონმდებლო აქტი, ბუნებრივია, არავის აქვს უფლება, აწარმოოს მშენებლობა. არადა, უკანონო და უნებართვოა მშენებლობა, თუნდაც იქ მხოლოდ ფუნდამენტი იყოს ჩასხმული. ანუ, გომისმთაზე მიმდინარე ყველა მშენებლობა უნებართვოა კანონის არარსებობის გამო. როგორ უნდა დაჯარიმდეს მოქალაქე? იტყვის, ჩემია და დამიწერეთ 25-ათასლარიანი ჯარიმაო? არადა, ირგვლივ ასობით ჩაბეტონებული და ზოგიც მერე მოთხრილი პატარა ბოძია. რამდენი ადამიანი უნდა დააჯარიმო 25 ათასი ლარით? რომც გაბედოს ვინმემ და თქვას, ეს და ეს ნაკვეთი ჩემიაო, ანუ აღიაროს, უნებართვოდ დავიწყე მშენებლობაო, მაინც ვერ დააჯარიმებ, რადგან ბუნებაში არ არსებობს საკანონმდებლო აქტი გომისმთასთან დაკავშირებით. აქედან გამომდინარე, გურულები ირონიულად ხუმრობენ: "უკანონო მშენებლობისთვის დასჯის უმაღლესი ზომა... ბანერია?!"

დადასტურებული ინფორმაციით, რომელსაც თვით ოზურგეთის მერიის ზედამხედველობის სამსახურის უფროსი შუქრი გაბრიჩიძეც ადასტურებს, ბანერის დადგმის მეორე დღესვე ამოთხარეს ახალი ორმოები საძირკვლის ჩასასხმელად.

"გურია ნიუსი" ამ საკითხზე შუქრი გაბრიჩიძეს ესაუბრა.

_ ბატონო შუქრი, რას ნიშნავს 25-ათასლარიანი ჯარიმა? როგორ აამოქმედებთ ამ კანონს უკანონო სივრცეში, როცა საკანონმდებლო აქტი გომისმთის შესახებ არ არსებობს?

_ ჩვენ ახლა ვახდენთ აღწერას. ამ დროისთვის 700-მდე სახლია აღწერილი. ეს არის ძირითადად, კომუნისტების დროს დადგმული ან მაშინ მიზომილ მიწებზე დადგმული სახლები, ხოლო ვისაც მხოლოდ ფუნდამენტი ჰქონდა ჩასხმული, ასეთი ყველა მოვთხარეთ.

_ დაუსჯელად მოუთხარეთ? ხომ გიწერიათ, უკანონო მშენებლობას ვსჯითო?

_ დავიბარეთ. ზოგი მოვიდა, ზოგი _ არა. ვინც მოვიდა, გავაფრთხილეთ, ავუხსენით, რომ ეს არ შეიძლება.

_ რატომ არ დააჯარიმეთ? თუ როგორც საზოგადოებაში ხუმრობენ, "უკანონო მშენებლობის დასჯის უმაღლესი ზომა დაყუდებული ბანერია"?

_ იყო ასეთი ფაქტიც _ როცა აღწერას ვაკეთებდით და გავაფრთხილეთ ყველა, როგორც კი წამოვედით გომისმთიდან, მეორე დილას მაინც დაიწყეს სახლის დასადგმელი ორმოების ამოღება. ძირითადად, აქ მოქმედებს ასეთი ფაქტორი _ მოქალაქეები სარებს ასობენ მოსანიშნად, რომ მიწა სხვამ არ მიიზომოს ან სახლის მშენებლობა არ დაიწყოს. რაც შეეხება კონკრეტულად დაჯარიმებას, ჩვენ ვნახეთ და აღვწერეთ ერთ-ერთ ფერდობზე ექვსი სახლი, სადაც არანაირი დასახლება არასდროს არ ყოფილა. მივეცით მითითება და დრო, რომლის განმავლობაშიც ეს სახლები უნდა დაშალონ. თუ მაინც არ დაიშლიან, ჩვენ კიდევ ერთხელ მოვახდენთ იდენტიფიცირებას, მერე გადავცემთ აღმასრულებელს, რომ მოხდეს დაშლა და რა თქმა უნდა, დაჯარიმებაც.

_ მწვავე თემაა ადმინისტრაციული საზღვრების საკითხი მეზობელ რეგიონსა და გურიას შორის. ამ მხრივ რა გააკეთეთ? ამბობენ, რომ ძირითადად ქობულეთის და შუახევის მცხოვრებთა მიერ ხდება აქ მშენებლობა ან ადგილების მონიშვნა.

_ კი, ნამდვილად ასეა. ჩვენ ოზურგეთიდან წავიყვანეთ საპროექტო სამსახურის წარმომადგენლები. მათი დახმარებით მოვიკვლიეთ, სად არის ქობულეთს, შუახევსა და ოზურგეთს შორის არსებული ადმინისტრაციული საზღვრები. ვფიქრობ, სექტემბრის ბოლომდე მოვრჩებით სრულად აღწერას, თუ ამინდებმა არ შეგვიშალა ხელი.

_ ბატონო შუქრი, მოსახლეობას, განსაკუთრებით ოზურგეთის მუნიციპალიტეტის მცხოვრებლებს, აინტერესებთ, როცა ყველაფერი მწყობრში ჩადგება, კანონიერების ფარგლებში, შეეძლებათ თუ არა გომისმთაზე ხელმისაწვდომ ფასად შეიძინონ სააგარაკე ნაკვეთი...

_ ეს შემდგომი ეტაპია და ამას ჩემი სამსახური არ წყვეტს. თუმცა, ვფიქრობ, მთავრობა, მუნიციპალიტეტის საკრებულო და მერია, როცა ამის დრო დადგება, ხალხისთვის სასარგებლო გადაწყვეტილებას მიიღებენ.

_ როგორც თქვენ ამბობთ, ატარებთ აღწერას. რას მოიმოქმედებთ, თუ რომელიმე სახლის ან ფუნდამენტის მეპატრონე არ გამოჩნდა ან დაიმალა. რა ელის მის მიერ უნებართვოდ აგებულ კოტეჯს ან სხვა სახის ნაგებობას?

_ ჩვეულებრივად, აღვწერთ, გამოვაკრავთ განცხადებას, რომ მესაკუთრე გამოცხადდეს. თუ არ მოვა, მივიღებთ სახლის დაშლის გადაწყვეტილებას, როგორც უპატრონო ნაგებობისას.

_ დღეისთვის, როგორ არეგულირებთ იმათ საკუთრების უფლებას, ვისაც კომუნისტების პერიოდში ჰქონდათ სახლები ან ნაკვეთები?

_ ჩვენ გამოვაცხადეთ, რომ ასეთი ადამიანები, ნებისმიერი სახის საკუთრების დამადასტურებელი საბუთით, თუკი რამ გააჩნიათ კომუნისტების დროს გაცემული, მივიდნენ და მიიტანონ მერის წარმომადგენელთან სოფელ შემოქმედში. იქ ყველას გაარკვევენ, ვინ როგორ მოიქცეს.

ზედამხედველობის სამსახურის გარდა, ჩვენ, გომისმთაზე მიმდინარე უკანონო მშენებლობის შესაჩერებლად, ბანერის გამოკვრის თაობაზე, განმარტება ვთხოვეთ ოზურგეთის მუნიციპალიტეტის მერიას.

 მერიის პრესსამსახურიდან ასეთი შინაარსის წერილი მოგვაწოდეს:

"გამომდინარე იქიდან, რომ გომისმთის ტერიტორია წარმოადგენს სახელმწიფო ქონებას, საქართველოს სახელმწიფო ქონების მართვის ეროვნულმა სააგენტომ წერილით და თანდართული ფოტომასალებით მომართა მერიას, შეაჩეროს მიმდინარე უკანონო მშენებლობები. მერიის ზედამხედველობის სამსახურში, ამ ეტაპზე, მიმდინარეობს რამდენიმე სამშენებლო სამართალდარღვევათა საქმის წარმოება.

მიწათსარგებლობის გენერალური გეგმა ჯერ არ დამტკიცებულა, ამიტომ ჯერჯერობით მიწები არ იყიდება."

"გურია ნიუსი" აგრძელებს გომის მთაზე უკანონო მშენებლობის გარშემო ინფორმაციის შეგროვებას, მიმდინარე პროცესებზე დაკვირვებას, რომ დაინტერესებულ საზოგადოებას ეტაპობრივად მივაწოდოთ უახლესი ამბები. ხალხი მიიჩნევს, რომ ნებისმიერი სახის დემონტაჟიც უკანონო ქმედებაა, ისევე, როგორც უკანონო მშენებლობა: "ამიტომ, ჯერ კანონია მისაღები და მერე გადაწყვეტილება", _ ამბობენ საზოგადოებაში.




 ახალი ამბები
  • მამა-შვილი, სავარაუდოდ, ბუნებრივი აირის ნამწვით დაიღუპამამა-შვილი, სავარაუდოდ, ბუნებრივი აირის ნამწვით გარდაიცვალა. შემთხვევა რუსთავში მოხდა. გარდაცვლილები ბინაში ოჯახის წევრმა ნახა. მომხდარზე გამოძიება სსკ-ის 240-ე პრიმა მუხლით მიმდინარეობს, რაც გულისხმობს გაზის, ობიექტზე უსაფრთხოების წესის დარღვევას, რამაც ადამიანის სიცოცხლის მოსპობა ... ...
  • ოზურგეთის მერი: „მოდით აგერ, საქმეზე ვარ მოსული, საარჩევნო შეხვედრა კი არაა!“სოფლის მხარდასაჭერი პროგრამის გასახორციელებლად ოზურგეთის მუნიციპალიტეტის სოფლებში კრებები იმართება, სადაც მოსახლეობა პრიორიტეტებზე  საუბრობს. დღეს, სოფელ მელექედურში, სოფლის  ადმინისტრაციულ შენობაში,  კრებაზე ოზურგეთის მუნიციპლიტეტის მერი, კოტე შარაშენიძე მივიდა: _ სად დადიხართ, მოდით აგერ, საქმეზე ვარ მოსული, ეს საარჩევნო შეხვედრა კი არაა, _ უთხრა მან მელექედურელებს, რომლებიც  გვერდი-გვერდ მდებარე ოთახებში  ერთმანეთთან გადასალაპარაკებლად დადიოდნენ. _ აგერ ახლა, გაიგონა მარინამ და დაწერს, აბა, სხვას კი არ დეინახავს არაფერს, _  თქვა მერმა „გურია ნიუსის“ ჟურნალისტის მისამართით, _  რაზეც თავაზიანად მივუგეთ, რომ მართალია, ფაქტს ხელიდან არ გავუშვებდით, სტატიას ამის და სხვა დანარჩენის შესახებ, რაც შეხვედრაზე დავინახეთ და მოვისმინეთ, ჩვენი გაზეთის უახლოეს ნომერში შევთავაზებთ ... ...
  • გადაიკვეთება თუ არა მელექედურში საპატრიარქოსა და სოფლის მხარდასაჭერი პროგრამის მომხრეთა ინტერესებიდღეს სოფელ მელექედურში, სოფლის მხარდასაჭერი პროექტის ფარგლებში, სოფლის მცხოვრებთა კრება ჩატარდა. კრების დაწყებამდე, სოფლის  მცხოვრებთა უმეტესობა, წყლის, გზის და გაზის პრობლემებზე საუბრობდა. ასევე, თქვეს სოფელში სტადიონების კეთილმოწყობის თაობაზე, რომელიც სამ ლოკაციაზე უნდა გახორციელდეს. ოზურგეთის მუნიციპალიტეტის  მერი კოტე შარაშენიძე კრების მონაწილეებს მიესალმა და უთხრა, რომ ნებისმიერ პრობლემურ თემაზე მოუსმენდა მათ. _ რა ვუყოთ ამ  40 ათას ლარს, როგორ მოვიხმაროთ იგი? აქ ვარ და გისმენთ. თქვენი სახელი და გვარი, ყველასი არ ვიცი, მაგრამ ჩემი სახელი დ გვარი იცით ყველამ და იცით ისიც, რას ნიშნავს ეს.  მე არ ვივიწყებ პატივისცემას, თქვენ ამირჩიეთ  და მზად ვარ, მოგისმინოთ და გავაკეთოთ, რასაც შევძლებთ ამ ფულით, _ უთხრა მან დარბაზში შეკრებილ ადამიანებს და ისაუბრა სოფლის ცენტრში არსებული ძველი კულტურის სახლის შენობის შესახებ, რომლის დემონტაჟი და მის ადგილზე ახალი სპორტული ცენტრის და ზოგადად, სოფლის ცენტრის კეთილმოწყობა უნდა მოხდეს. კრების მონაწილეებმა გამოთქვეს აზრი, რომ  დიდი ხანია, ამ შენობის  შემოქმედის ეპარქიისთვის გადაცემაზეა საუბარი და არ უნდათ მიტროპოლიტს აწყენინონ. _ მე ესეც არ ვიცი. ვნახოთ. ჩვენ გვყავს იურისტები, მოვილაპარაკოთ, შევთანხმდეთ. ეპარქიაც ჩვენია. ერთმანეთის ვართ. სოფელში აუცილებელია ცენტრი იყოს კეთილმოწყობილი და ის დაუსრულებელი შენობა უნდა მოშორდეს იქედან, _ თქვა შარაშენიძემ და დარბაზში მყოფებს სთხოვა, ესაუბრათ მათთვის პრობლემურ საკითხებზე. მელექედურის ერთ-ერთი მცხოვრები დაეთანხმა მუნიციპალიტეტის მერს, რომ შენობა ძალიან სახიფათოა. _ მართალი ხართ, საშიშია იმ მხრივაც, რომ ვინმე  იქვე გამვლელი და ან შენობაში უნებლიედ  შესული არ დაშავდეს, შენობა კი არა ნანგრევია, _ უთხრა მერს კრებაზე მისულმა მოქალაქემ. ადგილობრივმა ხათუნა ღლონტმა გზის საკითხი და იმ პრობლემებზე ისაუბრა, რასაც უგზოობის გამო აწყდებიან მელექედურის მცხოვრებლები. _ შენობა კი არა, მეორე ბრიგადაში ისეთი გზაა, რაფი აღარ ამოდის და მალე ფეხითაც ვერ ამოვა ადამიანი,  გუშინ მიკროავტობუსის მძღოლმა შუა გზაზე გააჩერა მანქანა და აღარ წამოვიდა. რა უნა ვქნათ? _ თქვა ხათუნა ღლონტმა, რაზეც მისი თანასოფლელი ნაზი სალუქვაძე შეეკამათა: _ ეს რაფი აქამდეც მანდ ჩერდებოდა, _ თქვა სალუქვაძემ. კრების მსვლელობისას მელექედურელებმა არაერთხელ დასვეს საკითხი გზის, სტადიონის, გარე განათების და გაზის გაყვანის თაობაზე, რის გამოც, საბოლოოდ, კენჭისყრა გადაწყვიტეს, თუ რომელი საკითხი  ჩაეთვალათ პრიორიტეტად. ხელის აწევის შემდეგ,  უმრავლესობის თანხმობა დაადასტურეს ხელმოწერებით. _ მერს სურს, სპორტულ-გამაჯანსაღებელი ცენტრი შეიქმნას, რომ ჯანსაღი ოპოზიცია ვყავდეთ აქ, _ თქვა ადგილობრივმა ელისო ბენდელიანმა.  კერძო საუბარში, ბევრმა აღნიშნა, რომ ძველი  შენობის დემონტაჟი  უხერხულია, რადგან შემოქმედელ მიტროპოლიტ იოსებს აქვს სურვილი, შენობა ეპარქიის  მფლობელობაში გადავიდეს, რის შესახებაც ბოლო 10 წელია, რაც ცნობილია. ხომ არ  გადაიკვეთება მელექედურში საპატრიარქოს და  სოფლის მხარდასაჭერი პროგრამის უმეტეს მომხრეთა ინტერესები? _ ვრცლად ამის შესახებ, მალე საგაზეთო სტატიაში ვუამბობთ  ჩვენს ... ...
  • წულუკიანი: იმდენად ავღელდი, ნამდვილად მჭირდება დეესკალაციის ოთახში 24 საათით მოთავსება,,იმდენად ავღელდი, ნამდვილად მჭირდება დეესკალაციის ოთახში 24 საათით მოთავსება“ - ასე გამოეხმაურა იუსტიციის მინისტრი თეა წულუკიანი სახალხო დამცველის ანგარიშს ციხეებში არსებულ მდგომარეობაზე “ჩვენ ამ ტრიბუნიდან მოვისმინეთ სიმართლეც, ჭორებიც, არაპროფესიონალიზმიც და მოვისმინეთ კიდევ ბევრი სხვა იმდენი რამ, რომ თუ ხუმრობით დავიწყებდი ჩემს გამოსვლას, იმდენად ავღელდი, ნამდვილად მჭირდება დეესკალაციის ოთახში 24 საათით მოთავსება”, -განაცხადა წულუკიანმა სახალხო დამცველმა ნინო ლომჯარიამ პარლამენტის ადამიანის უფლებათა დაცვის კომიტეტის სხდომაზე N2, N8, N14 და N15 პენიტენციურ დაწესებულებებში სპეციალური პრევენციული ჯგუფის მიერ განხორციელებული მონიტორინგის შედეგები წარდგინა პრევენციის ეროვნული მექანიზმის ანგარიშში საუბარია ძალადობაზე, რომელსაც პატიმრები განიცდიან სასჯელაღსრულების დაწესებულებებში როგორც ციხის ადმინისტრაციის, ისე უშუალოდ პატიმრების ... ...
  • ლომჯარია:პენიტენციურ დაწესებულებებში წესრიგი ძალადობრივ მეთოდებს ეფუძნება“პენიტენციურ დაწესებულებებში დღეს არსებული წესრიგი ძალადობრივ მეთოდებს ეფუძნება და ის სინამდვილეში ძალიან მყიფეა, რამაც გრძელვადიან, ან თუნდაც მოკლევადიან პერიოდში უაღრესად დიდი საფრთხის ქვეშ შეიძლება დააყენოს,” - ამის შესახებ ნინო ლომჯარიამ  პარლამენტში ადამიანის უფლებათა კომიტეტზე პენიტენციურ დაწესებულებაში არსებულ მდგომარებაზე სპციალური ანგარიშის წარდგენისას განაცხადა. სახალხო დამცველი ასევე აღნიშნავს, რომ ციხის კრიმინალური სუბკულტურის არსებობა პატიმრებს შორის  ძალადობის და ჩაგვრის მიზეზი ხდება. „მოპოვებული ინფორმაციის თანახმად, დაწესებულებებში არაა ძალადობისგან თავისუფალი გარემო, რაც ვლინდება ციხის კრიმინალური სუბკულტურის არსებობაში, რომელიც პატიმრების არასათანადო მოპყრობის სერიოზულ საფრთხეს ქმნის და პატიმრებს შორის ძალადობისა და ჩაგვრის მიზეზი ხშირად ხდება. დაწესებულებებში ციხის სუბკულტურის გავლენა სხვადასხვა გამოვლინებებით არსებობს, რა თქმა უნდა, უკვე რამდენიმე ათეული წელია არსებობს, საბჭოთა დროიდან მოყოლებული, თუმცა ის დღესაც აქტიურად გამოიყენება პენიტენციურ დაწესებულებებში და გულისხმობს ე.წ. მაყურებლების მიერ წესრიგის შენარჩუნებას. აღნიშნულს ბევრი მიზეზი აქვს და სხვადასხვა ფაქტორითაა განპირობებული, სამწუხაროდ, პენიტენციურ დაწესებულებებში დღეს არსებული წესრიგი ძალადობრივ მეთოდებს ეფუძნება და ის სინამდვილეში ძალიან მყიფეა, რამაც გრძელვადიან, ან თუნდაც მოკლევადიან პერიოდში უაღრესად დიდი საფრთხის ქვეშ შეიძლება დააყენოს იქ არსებული უსაფრთხოება, პატიმართა სიცოცხლე და ჯანმრთელობა“, - განაცხადა სახალხო დამცველმა. სახალხო დამცველის თქმით გამოვლინდა  ნახევრად ღია ტიპის დაწესებულებებში ე.წ.მაყურებლები პრივილეგირებულ მდგომარებაში, რომლებიც  სხვა პატიმრებს არაფორმალური წესებისადმი დამორჩილებას აიძულებენ. „ჩვენი მონიტორინგის შედეგად დადგინდა, რომ არაფორმალური მმართველობა პატიმართა შორის ფიზიკური და მძიმე ფსიქოლოგიური ძალადობით ხასიათდება. ფსიქოლოგიური ძალადობა ძირითადად გამოძალვაში, დამცირებასა და სხვა ქმედებებში გამოიხატება. ნახევრად ღია ტიპის დაწესებულებებში არაფორმალური მმართველები, ე.წ. მაყურებლები იმყოფებიან პრივილეგირებულ მდგომარებაში და სხვა პატიმრებს აიძულებენ დაემორჩილონ არაფორმალურ წესებს. ჯგუფმა ასევე მიიღო ინფორმაცია, რომ 14-ე და 15-ე დაწესებულებაში ახლად შემოყვანილ მსჯავრდებულებთან ე.წ. კარანტინში მიდის კრიმინალური სუბკულტურის წარმომადგენელი, უმასპინძლდება მას და შემდეგ უკვე სთავაზობს, რომ ამიერიდან მანაც უნდა შეიტანოს წვლილი, რომ ახალშემოსულ უქონელ მსჯავრდებულს ასევე დაეხმარონ. ამგვარად არაფორმალური მმართველები მაქსიმალურად ცდილობენ ახალმოყვანილი მსჯავრდებულის დარწმუნებას ე.წ.საერთოს შეგროვებაში მონაწილეობის მისაღებად“,- განაცხადა ნინო ... ...

არქივი

ზაფრანი

დილით დასვენებულმა რომ გაიღვიძოთ

ორგანიზმი ძილის დროს ახალგაზრდავდება, დუნდება...

ფინანსური სტაბილურობა და ასტროლოგია

გთავაზობთ იმ ნიშნების ჩამონათვალს, რომლებიც...

როგორ დავგეგმოთ წარმატებული კვირა

ვედურ ასტროლოგიაში არსებობს კონკრეტული რჩევები...

შეყვარებულის ყოლა ასუქებს…

ქუინსლენდის უნივერსიტეტში ჩატარებული კვლევის ფარგლებში...

უვარგისი ქმრები და ასტროლოგია

წარმოგიდგენთ უსაქმურობისკენ მიდრეკილი და ინერტული...

იუმორი და ასტროლოგია

ვერძი - მუშაობს პრობლემური სესხების...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...