უხარისხოდ შესრულებული მშენებლობა, რომელიც ლანჩხუთის ხელისუფლებისთვის "არაფერი ისეთი არაა"

მთავარი თემა

უხარისხოდ შესრულებული მშენებლობა, რომელიც ლანჩხუთის ხელისუფლებისთვის "არაფერი ისეთი არაა"

2018 მარ 8 10:38:43

2015 წლის 2 ივნისს, ლანჩხუთის მუნიციპალიტეტის გამგეობამ, გრიგოლეთის საწვრთნელი ბაზის რეაბილიტაციაზე ტენდერი გამოაცხადა. შესყიდვის სავარაუდო ღირებულება 412 810 ლარი იყო.

ტენდერში ოთხმა კომპანიამ მიიღო მონაწილეობა და ყველაზე დაბალი ფასით _ 358 887 ლარი, შპს "გილმარი 2"-მა გაიმარჯვა.

ლანჩხუთის მუნიციპალიტეტის იმდროინდელმა გამგებელმა ზაზა ურუშაძემ კომპანიის ხელმძღვანელთან, გურამ კარტოზიასთან ხელშეკრულება 2015 წლის 22 ივნისს გააფორმა.

ხელშეკრულების თანახმად, ბაზის რეაბილიტაცია 2015 წლის 12 ოქტომბერს უნდა დასრულებულიყო, თუმცა, როგორც ირკვევა, მასში ცვლილება ორჯერ შეიტანეს, პროექტში კორექტირებაც მოხდა და საბოლოოდ, 7 დეკემბერს ჩაიბარეს.

თუმცა, მიღება-ჩაბარების დოკუმენტის გაფორმებიდან ოთხ თვეში იმდენი ხარვეზი გამოვლინდა, რომ ეს საკითხი სახელმწიფო აუდიტის დასკვნაშიც მოხვდა:

"ხელშეკრულების მიხედვით, სამუშაოების ზედამხედველი ვალდებულია, შესრულებული სამუშაოების მოცულობისა და ხარისხის შემოწმება განახორციელოს მშენებლობის ყველა ეტაპზე.

ამასთანავე, მიმწოდებელს ევალებოდა შესრულებული სამუშაოების ექსპერტიზის დადებითი დასკვნის წარმოდგენა.

ექსპერტიზის დასკვნით, დადასტურებულია სამუშაოთა მოცულობები,  ხოლო ხარისხი შესწავლილი არ არის.  შესაბამისად, ზედამხედველსა და ექსპერტიზას არ შეუმოწმებია შესრულებული სამუშაოების ხარისხი.

2017 წლის 28 ივნისს, აუდიტის ჯგუფმა, გამგეობის წარმომადგენლებთან ერთად, ობიექტის ადგილი დაათვალიერა, რის შედეგადაც გამოვლინდა, რომ შპს "გილმარი 2" ის" მიერ შესრულებული სამუშაოები უხარისხოა. კერძოდ, დაზიანებულია ფასადი, კედლები, იატაკი, ჭერი.

აღსანიშნავია, რომ ხელშეკრულების პირობების შესაბამისად, ობიექტის საგარანტიო ვადა შეადგენს სამუშაოს მიღებიდან მე-5 წელს, რომლის განმავლობაშიც მიმწოდებელი ვალდებულია საკუთარი ხარჯებით აღმოფხვრას ექსპლოატაციის პროცესში წარმოქმნილი ხარვეზები.

პასუხისმგებელი პირის განმარტებით, სამშენებლო სამუშაოები საბოლოო მიღება-ჩაბარებიდან ოთხ თვეში დაზიანდა. აუდიტის ჯგუფის მიერ საკითხით დაინტერესების შემდგომ, ხარვეზების გამოსწორების მიზნით, მუნიციპალიტეტმა ორჯერ

მიმართა მიმწოდებელს, რომელმაც სამუშაოები მხოლოდ ნაწილობრივ გამოასწორა.

მიუხედავად იმისა, რომ შემსრულებელს სრულად არ განუხორციელებია არსებული დაზიანებების აღმოფხვრა,  მუნიციპალიტეტის შესაბამის პასუხისმგებელ პირებს შემდგომი სამართლებრივი ღონისძიებები არ გაუტარებიათ, შენობის ექსპლოატაციის პროცესში წარმოქმნილი დაზიანებების გამოსწორების მიზნით.

შედეგად, მუნიციპალიტეტის მიერ გადახდილია 354.3 ათასი ლარი ისეთ სამუშაოებში, რომელიც დაზიანებულია და

საჭიროებს დამატებითი სამუშაოების შესრულებას", _ ვკითხულობთ დასკვნაში, რომელიც ამ დრომდე არ შესულა პროკურატურაში და პასუხი უხარისხოდ შესრულებული სამუშაოს გამო არავის უგია.

უფრო მეტიც, ლანჩხუთის მუნიციპალიტეტის ბიუჯეტიდან, მიმდინარე წლის დასაწყისში, ბაზაზე არსებული ხარვეზების გამოსასწორებლად 20 000 ლარი გამოყვეს:

_ ყველაფერი მშენებლის ბრალი არ არის. იქ დაზიანებულია ონკანები, უნიტაზები და სწორედ ასეთი ტიპის სამუშაოებისთვის გამოიყო 20 000 ლარი, _ ამბობს ლანჩხუთის მუნიციპალიტეტის მერი ალექსანდრე სარიშვილი.

მისივე თქმით, "გილმარი 2"-ის ხელმძღვანელობასთან კომუნიკაცია უკვე შედგა და ის ხარვეზებიც გამოსწორდება, რომლებიც კომპანიის ბრალია.

ლანჩხუთის მერს არ აქვს პასუხი კითხვაზე, რატომ არ მოხდა ამ ხნის განმავლობაში კომპანიის ხელმძღვანელობასთან დაკავშირება და რატომ არ ითხოვენ პასუხს უხარისხოდ შესრულებული სამუშაოს გამო:

_ ორჯერ გავაგზავნეთ წერილი კომპანიაში და უკან დაბრუნდა. როგორც ჩანს, მისამართი შეუცვალეს. თუმცა, რამდენიმე დღის წინ კომუნიკაცია შედგა, კომპანიის ხელმძღვანელობა იყო ჩამოსული და ყველა ხარვეზი გამოსწორდება, _ აღნიშნა ჩვენთან საუბრისას სარიშვილმა.

მისივე თქმით, ბიუჯეტიდან გამოყოფილი 20 000 ლარის ხარჯვა ბაზაზე მას შემდეგ დაიწყება, რაც ახალშექმნილი კომისია კონკრეტული პირების ბრალეულობას დაადგენს და გამოარკვევს, ვინ რა გააფუჭა ახალგარემონტებულ ბაზაზე.

_ პასუხს აგებს ყველა, ვინც დანაშაული ჩაიდინა, _ გვითხრა სარიშვილმა.

_ ბატონო ალეკო, როცა ბაზა გარემონტა და ჩაბარდა, საკრებულოს დეპუტატი იყავით და საფინანსო-საბიუჯეტო კომისიას ხელმძღვანელობდით, იმდროინდელი გამგეობის მუშაობის ზედამხედველობა თქვენი მოვალეობა იყო და არ გრძნობთ პასუხისმგებლობას?

_ მე, როგორც კი გავიგე ამის შესახებ, რეაგირება მოვახდინე. ყველა აგებს პასუხს. მერწმუნეთ, რეაგირების გარეშე ეს საკითხი არ დარჩება, _ ამბობს სარიშვილი, რომლის თანამშრომლებად ის პირები დღესაც მუშაობენ, რომლებიც მიღება-ჩაბარების დოკუმენტს ხელს აწერენ.

ლანჩხუთის მერი ირწმუნება, რომ ეს ხელისშემშლელი ფაქტორი არ იქნება, თუმცა, გაურკვეველი რჩება, რატომ არ იწვევს აკრედიტებულ ექსპერტებს ზიანის შესაფასებლად და რატომ არ უგზავნის საქმეს პროკურატურას.

აღსანიშნავია, "გილმარი 2"-ს წარმომადგენლები საკუთარ დანაშაულს უარყოფენ _ პირმა, რომელმაც კომპანიის ხელმძღვანელის, გურამ კარტოზიას ტელეფონის ნომერზე გვიპასუხა და მის ძმად _ ზაზად გაგვეცნო, აღნიშნა, რომ დაზიანებები მათი ბრალი არაა და ობიექტი იმ პირებმა გააფუჭეს, რომლებიც იქ ცხოვრობდნენ:

_ გურამი იყო ჩასული, ყველაფერზე შეუთანხმდა მერს და საკრებულოს. ჩვენი კომპანიის გასაკეთებელი არაფერია. იქ ვინც ცხოვრობდა, იმათ მოთხოვეთ პასუხი _ ყველაფერი დააზიანეს, გააფუჭეს. ადამიანები კი არა, ველურები იყვნენ და კიდევ ჩვენ გვთხოვთ პასუხს? არაფერი ჩვენი ბრალი არაა. სახურავიდან რომ წყალი ჩამოვიდა, არც ესაა ჩვენი ბრალი _ ხე დაეცა შენობას და იმიტომ გაფუჭდა. ბათქაშიც უყურადღებობის და მოუვლელობის გამო ჩამოვარდა. ჩვენ რა შუაში ვართ? საერთოდ, რა უფლება გაქვთ ჟურნალისტებს, ამაში რომ იხედებით?! ან რა უფლებით ნახულობთ ხელშეკრულებას?! ჩვენ ყველაფერზე მოვილაპარაკეთ საკრებულოს თავმჯდომარესთან. ისინი იყიდიან მასალებს და გურამი მხოლოდ და მხოლოდ ხათრის გამო გამოაგზავნის მუშას და გააკეთებს, _ გაღიზიანება არ დაუმალავს რესპონდენტს, რომელიც, როგორც აღვნიშნეთ, მშენებელი კომპანიის ხელმძღვანელის ძმად გაგვეცნო.

ლანჩხუთის მუნიციპალიტეტის საკრებულოს თავმჯდომარე ბესიკ ტაბიძე შეთანხმებას, რომლის შესახებაც კარტოზიამ გვითხრა, ადასტურებს:

_ მე ვიყავი ბაზაზე და ვერაფერი ისეთი ვერ ვნახე. საერთოდ, რა შუაშია ეს კომპანია? ძირითადად, ონკანები და უნიტაზებია გაფუჭებული, _ აღნიშნა ჩვენთან საუბრისას საკრებულოს თავმჯდომარემ.

_ ბატონო ბესიკ, სახურავიდან რომ წყალი ჩამოდის, ეს ფეხბურთელების ბრალია?

_ ეგ არაფერი ისეთი არაა.

_ სახელმწიფო აუდიტის დასკვნა წაკითხული გაქვთ? იცით, რა წერია იქ ბაზასთან დაკავშირებით?

_ კი, ვიცი, მაგრამ არაფერი ისეთი. მართლა ვერ ვხედავ ამ კომპანიის ბრალეულობას. პირიქით, მათ კეთილი ნება გამოიჩინეს და მუშახელით დაგვეხმარებიან, _ გვითხრა ტაბიძემ, რასაც არ ეთანხმება ოპოზიცია.

ლანჩხუთის მუნიციპალიტეტის საკრებულოს წევრის, კახა ასკურავას თქმით, ბაზაზე სამუშაოები თავის დროზე უხარისხოდ შესრულდა:

"მაშინ, როცა ბაზის შესარემონტებლად 20 000 ლარი გამოიყო ბიუჯეტიდან, კატეგორიული წინააღმდეგობა გავწიე და ხმაც არ მიმიცია. განცხადებაც გავაკეთე საკრებულოს სხდომაზე და იქვე მოვუწოდე სარიშვილს, რომ კომპანიისთვის მოეთხოვა ხელშეკრულებით ნაკისრი ვალდებულებების შესრულება.

თუ ეს კომპანია მის ვალდებულებებს არ ასრულებს, პროკურატურას უნდა მიმართონ. წინააღმდეგ შემთხვევაში, უკვე ახალი მერიის მხრიდან ამ თანხის ხარჯვა არამიზნობრივი ხარჯი გამოდის, რაზეც შემდგომში მოუწევთ პასუხისმგებლობის აღება. ისე, ისიც უნდა ითქვას, რომ შენობა იმდენად დაზიანებულია, რომ 20 000 ლარი არაფერში ეყოფა. კატასტროფული მდგომარეობაა, რადგან თავის დროზე სამუშაოები ძალიან უხარისხოდაა შესრულებული, მაგრამ პასუხის მომთხოვნი არავინაა. მოქმედი ძველისკენ იშვერს ხელს _ თითქოს მე ვიყავი მაშინ ადგილობრივ ხელისუფლებაში მაღალ თანამდებობაზე", _ გვითხრა ასკურავამ, რომლის თქმით, შენობაში არსებული მდგომარეობის ფეხბურთელებისთვის დაბრალება "თავის მართლების უსინდისო მეთოდია".

ასკურავას მსგავსად, პრობლემების ფეხბურთელებისთვის დაბრალებას არასწორად აფასებს საფეხბურთო ბაზის დარაჯი ამირან პატარია.

_ თუ უნდათ დააბრალონ ფეხბურთელებს, მაგრამ მათი ბრალი რაა _ უხარისხო ონკანები და "დუშები"? ორ თვეში ააშენეს ეს შენობა. სად გინახავთ ორ თვეში ნორმალურად დასრულებული სამუშაო?! 20 წელია აქ ვარ, ბევრი მთავრობა გამოვიცვალე და ბევრი რამ მინახავს. არც პროექტი ვარგა, არც აქ არსებულ რეალობაზეა მორგებული. ფანჯრებიც არ იღება და ნესტი ყველაფერს აფუჭებს.  გარე კედლები  რომ დაბზარულია, რატომაა ფეხბურთელის ბრალი. მივიდა და ფეხი ურტყა? სირცხვილია ამის თქმა. რა უნდათ ამ ფეხბურთელებთან?! ეს ხელოსნების ბრალია, მასალის ბრალია. ეტყობა, მიაკლდათ მასალა და არავინ მიაქცია ყურადღება, თორემ ასე მალე როგორ უნდა დაბზარულიყო კედლები? ან კიდევ, სახურავზე რომ "ტყეა" ამოსული, ეს ფეხბურთელის ბრალია? ყველას ვეჩხუბები ამის გამო. უხარისხოდ გაკეთებული, მოუვლელია ყველაფერი და არც არავინ კითხულობს ამბავს, _  ამბობს ჩვენთან საუბრისას ამირან პატარაია.

მისივე თქმით, მიუხედავად იმისა, რომ შენობაში ხარვეზები აშენებიდან რამდენიმე თვეში გამოვლინდა, მშენებელი კომპანიის წარმომადგენლები ამ დრომდე გრიგოლეთში არ ჩასულან:

_ ახლახან მოვიდნენ, მანამდე თვალიც არ მომიკრავს არავისთვის. დღიან-ღამიანად აქ ვარ. სახლიც მე არ მაქვს სხვა და კარი. აქვე, ეზოში ვცხოვრობ, აქაურობას ერთი წუთითაც ვერ ვტოვებ. ყველა ვიცი, ვინც აქ მოდის და მიდის, _ აღნიშნავს ბაზის დარაჯი, რომლის ინფორმაციით, წელიწადზე მეტია მისთვის ხელფასიც კი არ გადაუხდიათ:

_ შუქიც კი არ მაქვს. იმ ხუხულაში, სადაც ღამეს ვათევ, თვეებია სანთელი მინთია. ნისიად მომაქვს მაღაზიიდან იმ იმედით, რომ კუთვნილ ხელფასს როდესმე ავიღებ, _ გვითხრა პატარაიამ.

არადა, ლანჩხუთის მერიის პრესსამსახურის ინფორმაციით,  ბაზის ჩაბარების შემდეგ, მუნიციპალიტეტის ბიუჯეტიდან კომუნალურ გადასახადებზე 25 000 ლარამდე დაიხარჯა. ამ უხარისხო შენობის დაცვა და ადმინისტრირება კი ლანჩხუთელებს ორ წელიწადში 18 000 ლარზე მეტი დაუჯდა. თუმცა, როგორც ზემოთ აღვნიშნეთ, წელიწადზე მეტია დარაჯისთვის ხელფასიც არ მიუციათ.

აღსანიშნავია, რომ ამ ფაქტის შესახებ ინფორმაციას არ ფლობენ ინფრასტრუქტურის სამინისტროში _ მინისტრის მოადგილე, კახა გულედანი მიმდინარე მოვლენების საქმის კურსში "გურია ნიუსმა" ჩააყენა და როგორც გულედანმა აღნიშნა, საკითხს დეტალურად შეისწავლიან.




 ახალი ამბები
  • „დაისაჯოს ზვიად გამსახურდიას მკვლელი“_აქცია პროკურატურასთანსაქართველოს პირველი პრეზიდენტის, ზვიად გამსახურდიას ოჯახის წევრები მხარდამჭერებთან ერთად პროკურატურასთან აქციას მართავენ. ისინი ზვიად გამსახურდიას მკვლელობის გამოძიებას და დამნაშავის დასჯას მოითხოვენ. ცოტნე გამსახურდიას განცხადებით,  საჭიროა გამოძიების დროულად დასრულება, წინააღმდეგ შემთხვევაში, საქმე ხანდაზმულობიდან გამომდინარე დაიხურება. პროკურატურასთან კონსტანტინე და ცოტნე გამსახურდიები რამდენიმე დღეა ... ...
  • „2003 წელს სააკაშვილს გაუმართლა, დღეს „ნაციონალების“ ვერც ერთი სცენარი იმუშავებს“ _ ცინცაძე „დღეს მიხეილ სააკაშვილის ფაქტორი ოპოზიციისთვის სიმბოლოდ იქცა“, _ აღნიშნა „გურია ნიუსთან“ პოლიტიკის ექსპერტმა სოსო ცინცაძემ. მისი თქმით, 2003 წელს საქართველოს ყოფილ პრეზიდენტს, მიხეილ სააკაშვილს გაუმართლა და ხელისუფლებაში მოსვლა მარტივად შეძლო, თუმცა „ქართული ოცნების“ მმართველობის პირობებში, იმავე სცენარის გახორციელება ვერ გაამართლებს. „მაშინ, როცა მიხეილ სააკაშვილი ხელისუფლებაში მოვიდა, მისი ოპონენტი აბსოლუტურად დაუძლურებული ხელისუფლება იყო, რომლის მუშაობით თითქმის ყველა სტრუქტურა  უკმაყოფილო იყო.  2003 წელს მიხეილ სააკაშვილს გაუმართლა და ხელისუფლების ხელში ჩაგდება  შეძლო. დღეს „ქართული ოცნების“ მმართველობის პირობებში, მართალია, მოქმედი  პარლამენტარები ინტელექტუალური დონით ათჯერ ჩამორჩებიან შევარდნაძის დროს მოქმედ პარლამენტარებს, მაგრამ 2003 წელს სააკაშვილის მიერ გახორციელებული  სცენარი ვეღარ იმუშავებს. საერთოდ, „ნაციონალური მოძრაობის“ ვერც ერთი სცენარი ვეღარ იმუშავებს“. პოლიტოლოგის თქმით, 2020 წელს „ქართულ ოცნებას“ ქვეყნის მართვის სადავეების შენარჩუნება გაუჭირდება. „ქვეყანაში, სადაც ცხოვრება უფრო და უფრო ძვირდება, საზოგადოება ახალი ლიდერის გამოჩენას ელოდება, რომელიც, სამწუხაროდ, არ ჩანს. 2020 წელს უკმაყოფილო ელექტორატი ფეთქებად ძალად გადაიქცევა და „ქართულ ოცნებას“ ქვეყნის მართვის სადავეების შენარჩუნება ძალიან გაუჭირდება“, _ აღნიშნა ცინცაძემ.   ... ...
  • რობაქიძის საქმეზე განაჩენის გამოცხადებას სასამართლოში დაპირისპირება მოჰყვათბილისის საქალაქო სასამართლოს მოსამართლემ დავით მგელიაშვილმა ბუტა რობაქიძის საქმეზე განაჩენი გამოაცხადა. მან საქმეზე ბრალდებული ხუთივე პირი დამნაშავედ ცნო. განაჩენის გამოცხადებას სასამართლოს სხდომათა დარბაზში ხმაური და დაპირისპირება მოჰყვა.  დარბაზში მყოფმა ერთ-ერთმა ადამიანმა, სავარაუდოდ, ერთ-ერთი ბრალდებულის, დავით იაშვილის ახლობელმა, სანთებელა ისროლა, რომელიც ბუტა რობაქიძის საქმის პროკურორს, დავით მეფარიძეს მოხვდა. მანდატურები მოქალაქეების დამშვიდებას ... ...
  • "როცა მანდარინის მყიდველის მოლოდინი ცრუვდება, ახალი წლის მოლოდინი ჯოჯოხეთია"გოგორეთი სოფელ მერიის ერთ-ერთი უბანია, ოზურგეთის მუნიციპალიტეტში. ზღვის დონიდან სამას მეტრზე მდებარე სოფლის განაპირა კუთხე მთის წვერზე მოქცეული ჩიხის შთაბეჭდილებასაც ტოვებს. ახლა აქ მრავალ ოჯახს ტონობით მოკრეფილი მანდარინი შინ აქვს, ყუთებში დაფასოებული თუ გროვებად თავმოყრილი და როგორც თავად გვეუბნებიან, დალპობას უფრო ელოდებიან, ვიდრე მყიდველს. _ რამ მოგიყვანათ აქ? ნახევარი საუკუნეა ოჯახის რძალი ვარ და ამ კუთხეში შემოსული ჟურნალისტი არ მინახავს. გვიშველით რამეს? გვქონდეს იმედი, რომ დაწერთ, ვინმე იფიქრებს ჩვენი გასაჭირის მოგვარებაზე? წელს მანდარინის პლანტაციების შეწამვლა მოვახერხეთ. საჭირო უფრო მეტი იყო, მაგრამ, რაც შევძელით, ის ვქენით. ძვირია შესაწამლი საშუალებები. მოსავალიც საუკეთესოა, მაგრამ რად გვინდა? დღეს მოვიდა პირველი კლიენტი. ახარისხებენ და ხუთი ტონიდან, ორი ე. წ. "ენესია" _ ასეთს ათ თეთრად იბარებენ. კარგი ხარისხის სამოც თეთრად მიაქვთ. რა გვრჩება? ბანკის ვალებს გავისტუმრებთ და პურის ფულიც აღარაა ჩვენთვის. ჩვენ გასაღების ბაზარი გვჭირდება. მოსავლის ერთიანად გაყიდვა, რადგან ყოველდღე ლპება მოკრეფილი ნაყოფი. რაღაც უნდა მოიფიქროს ხელისუფლებამ, რომ გვეშველოს, _ გვეუბნება პირველივე შემხვედრი, ადგილობრივი მკვიდრი ზოია დანელია. ქალბატონის სახლში კახეთიდან ჩამოსულ მყიდველებს, რომლებსაც ხუთას კილოგრამამდე მანდარინის ყიდვა სურდათ, გავესაუბრეთ, თუ სად მიჰქონდათ ტვირთი და აქვთ თუ არა ხელსაყრელი ბაზარი. ვასილ სოთიროვი და გოჩა არაქელოვი, თელავის მკვიდრები: "კახეთის ერთადერთი საშველი რუსეთის ბაზარია. წელს ყურძენი და ატამი გაიტანა ხალხმა და შედარებით, ამოიუნთქა. გლეხკაცისთვის ეს არის საშველი და არა პოლიტიკა, რასაც მთავრობამ ხალხის სასიკეთოდ უნდა მიხედოს. აზერბაიჯანის საზღვარზე ახლა საბაჟო გადასახადი მოუმატეს და ესეც პრობლემაა. ჩვენ ახლა შიდა ბაზარზე ვყიდით, კილოგრამს ლარად. პურის ფულია, უბრალოდ. თავი რომ გადავირჩინოთ შიმშილისგან, ეგაა, სხვა არაფერი". გოგორეთის უბნის კიდევ ერთი მკვიდრის, ზაურ დანელიას ოჯახში, დიასახლისი მანანა დანელია საკუთარ გასაჭირზე გვესაუბრა: _ ახლა მოკრეფილი გვაქვს ათი ტონა მანდარინი. ხედავთ, ზოგი ყუთებშია, ზოგიც გროვებად გვიყრია. ველოდებით კლიენტს, ვეძებთ, ამბავს ვკითხულობთ. გულხელდაკრეფილი არ გავჩერდებით, რადგან ნაყოფი ყოველდღე ლპება. წელს ამინდებმაც ხელი შეუწყო, შევწამლეთ კიდეც და საუკეთესო ხარისხის მოსავალია, მაგრამ უფრო გულსაკლავია ის ფაქტი, რომ ვერ ვყიდით. გარკვეულ ნაწილს რომ ვიღაც წაიღებს, ეს არ არის საშველი _ უნდა ხერხდებოდეს მოსავლის ერთიანად ჩაბარება. ფასიც უფრო მაღალი უნდა იყოს. ათ ტონაში რომ სამ ტონას "ენესად" ჩააბარებ და კიდევ ან ჩააბარებ და ან ვერა, ზარალის მეტი რა გამოგდის ადამიანს? თუ შევძელით, სადმე უნდა წავიღოთ. ესეც პრობლემაა. მთავრობისგან დახმარებას ვითხოვთ. პირველად გხედავთ, რომ ვიღაცა ამ გორზე ამოვიდა და ხალხის გასაჭირი იკითხა. მადლობას გიხდით, რომ გვესტუმრეთ, თუმცა, ისიც ვიცი, რომ არც თქვენს დაწერილს მიაქცევს ვინმე ყურადღებას, ასეა ეს ქვეყანა. სანამ უნდა ვიძახოთ, რომ კომუნისტების მსგავსად მაინც მოხედონ ხალხს?! იტყვის ახლა ვიღაც, რა დროს კომუნისტებიაო, მაგრამ გლეხს სახლში არ ულპებოდა მანდარინი, არ შიოდა, არ კანკალებდა მევალეების შიშით და წლის მოსავლის გარანტირებული ზარალით _ აი, ეს იყო. დანარჩენი არ მაინტერესებს. ხელისუფლება იმიტომ გვჭირდება, რომ ჩვენც მოგვხედოს და ქვეყანასაც. ახალი წელი მოდის და როცა მანდარინის მყიდველის მოლოდინი ცრუვდება, ახალი წლის მოლოდინიც ჯოჯოხეთია. ამას ჩვენ გარდა, ვერავინ გაიგებს, _ გვეუბნება ქალბატონი მანანა. გოგორეთის უბნის მკვიდრი შოთა მარგალიტაძე საუბრობს უამრავ პრობლემაზე, რაც სოფელს გააჩნია, თუმცა, ახლა აქცენტს მაინც ციტრუსოვანთა მოსავლის აღებასა და თანმხლებ გასაჭირზე აკეთებს, რადგან მოსავლის კრეფის სეზონია და არსებობს ზარალის საფრთხე: _ გოგორეთში არის ციტრუსოვანთა პლანტაციების მასივში შესასვლელი გზის პრობლემა. ექვსი წელია, მოხრეშვას ვითხოვთ _ არ გეგონოთ, ასფალტი გვინდოდეს აქ თერთმეტ ოჯახს საკუთრებაში აქვს მანდარინის ნაკვეთები. ადრე კოლმეურნეობის ფართობი იყო. მისასვლელი გზა ისეა გაფუჭებული, რომ არაერთხელ, მოკრეფილი მანდარინის გადმოზიდვისას, სატვირთო მანქანა ორმოებად ქცეულ გზაზე იფლობა. ამა წინათ, შუაღამისას ჩავარდა და ხელით გადმოვცალეთ ტონობით მანდარინი. როგორ ვიწვალეთ, კაცმა არ იცის! შეგვპირდნენ ამ გზის მოხრეშვას, მაგრამ ჯერ არაფერი ჩანს. წელს, ასე თუ ისე, რაღაც მოვახერხეთ, მაგრამ ამ გზის ასე დატოვება არანაირად არ შეიძლება. გვეგონა, ამ სეზონზეც მოახერხებდნენ. რა უნდა ას მეტრამდე გზის მოხრეშვას?! ორმოც მეტრამდეა ის ადგილი, რომელიც მთლიანად დაზიანებულია. ასფალტს ხომ არ ვითხოვთ _ უნდა გაკეთდეს ისე, რომ სატვირთო მანქანამ გაიაროს და ტვირთი შეფერხების გარეშე გადავიტანოთ. ჯერ გაყიდვა ჭირს და ახლა ტალახში ჩაყრილი სიმწრით მოკრეფილი მანდარინის ცქერა როგორია? ამ გზის საკითხი, სხვათა შორის, შარაშენიძე რომ პირველად დანიშნეს გამგებლად, მაშინაც დავსვით. ასასვლელი აღმართი მერაბ ჭანუყვაძის გამგებლობისას გაკეთდა. განსაკუთრებით საშიში და ძალიან დაზიანებულია ორმოცმეტრიანი მანძილი, _ გვეუბნება შოთა მარგალიტაძე და კიდევ ერთ პრობლემაზე _ სატვირთო ტრანსპორტის უქონლობაზე საუბრობს: _ კომუნისტების დროს სოფელში ტრაქტორებს და სატვირთო მანქანებს ვერ დათვლიდი. ახლა იმ დროიდან შემორჩენილი "გაზ 66" გვყავს, "დაპაჩინკებული" საბურავებით _ ასე ვცხოვრობთ ოცდამეერთე საუკუნეში. ადრე ამ სატვირთოს ხუთი ტონა მანდარინის გადატანა შეეძლო. ახლა საბურავების გამო ვუფრთხილდებით და ტონანახევარს თუ მოვათავსებთ ზედ. კიდე რომ დაზიანდეს ამ მანქანის საბურავები, უკვე შეკეთებას არ დაექვემდებარება. აქაურები კიდევ მრავალ პრობლემაზე საუბრობენ: _ გოგორეთის უბანში, ისევე, როგორც სოფელ მერიაში, ჯერ არ არის შეყვანილი გაზი. ამ მხრივაც ერთი "ბედნიერი" გამონაკლისი ვართ. თუმცა, შეგვპირდნენ, რომ მომავალ წელს აუცილებლად მოხდება გაზიფიცირება და ვნახოთ, _ ამბობენ ისინი. აქაურ მკვიდრთა პრობლემაა ციტრუსოვანთა თუ თხილის პლანტაციების შესაწამლი პესტიციდებისადმი ხელმიუწვდომლობა: _ პესტიციდები ძვირია. ამიტომ იძულებული ვართ, იმდენჯერ შევწამლოთ, რამდენი წამლის ყიდვასაც შევძლებთ და არა იმის მიხედვით, რამდენი სჭირდება პლანტაციას. მანდარინის გასაღების საიმედო ბაზარი რომ არსებობდეს და გამოზოგილივით არ ვყიდდეთ, საწუწუნო რა გვექნება? ერთიან ფულს როცა ავიღებთ, ჯერ პესტიციდებს ვიყიდით, ურომლისოდაც მოსავალს ვერ მივიღებთ. ასეთ არათანაბარ პირობებში კი შესაწამლ პრეპარატებზე ვიფიქროთ თუ პურის ფულზე? _ გვეუბნებიან ისინი და გვაწვდიან საგანგებოდ მომზადებულ სიას ჩამონათვალით, თუ რა ჯდება ერთ ჰექტარ ფართობზე ციტრუსოვანთა შეწამვლა, როცა დაქირავებული პირის მეშვეობით უნდა შესრულდეს სამუშაოები და სოფელში უკვე მუშახელიც აღარ არის. ერთ ჰექტარ ციტრუსოვანთა ბაღის შესაწამლი დანახარჯები, 1 000 ძირზე გაანგარიშებით შეადგენს 4 300 ლარს. მასში ეტაპობრივად შედის შემდეგი სამუშაოები: სასუქის შეტანა, სამჯერ წამლობა, საგაზაფხულო შემობარვა, სამჯერ გაცელვა წლის მანძილზე და კრეფა 10 ტონის მიხედვით, მკრეფავების და მზიდავის თანხის გადახდით. _ მოსავალმა ეს უნდა აანაზღაუროს და ერთი ამდენი მაინც უნდა დაგრჩეს. სხვანაირად რა აზრი აქვს შრომას? "თხა ვიყიდე, თხა გავყიდე" გამოგივა. მით უფრო, როცა ვიღაცეები, თან თანამდებობის პირები, ამბობენ, თურმე, ერთ ჰექტარ ფართობს სჭირდება წელიწადში 150 ლარის პესტიციდი. 500 ლარის მარტო წამალი არ ჰყოფნის. არანაკლებ სჭირდება თხილსაც, _ გვეუბნება შოთა მარგალიტაძე. "ოზურგეთის მუნიციპალიტეტის მერიის პრესასთან და საზოგადოებასთან ურთიერთობის სამსახურში, გოგორეთის პლანტაციებთან მისასვლელი გზის პრობლემის შესახებ ამბობენ, რომ გზის შეკეთება ახალი წლიდან განახლდება: "რთული საგზაო მონაკვეთების მოხრეშვა-დაგრეიდერება ოზურგეთის მუნიციპალიტეტის სოფლებში ახალი წლიდან განახლდება" . "გურია ნიუსი" სტატიაში გაჟღერებულ უმწვავეს პრობლემებს, როგორც გოგორეთში, ისე ოზურგეთის მუნიციპალიტეტის სხვა სოფლებში, კვლავ ... ...
  • "დგომა აკრძალულია" _ გადაინაცვლებს თუ არა დავა სასამართლოშიქალაქ ოზურგეთში, შპს "ჭალა საყდარის" დირექტორი ზურაბ გობრონიძე, როგორც "გურია ნიუსთან" აცხადებს, იჯარის მფლობელია და დიდი ხანია, სამართალს ეძებს _ იგი აკონკრეტებს იჯარით აღებული ტერიტორიის ადგილსამყოფელს, სადაც დადგეს საგზაო ნიშანი _ "დგომა აკრძალულია". გობრონიძეს იჯარით აქვს აღებული ქალაქ ოზურგეთში ერისთავისა და რამიშვილის ქუჩაზე არსებული 150 კვმ ფარ _ 2007 წელს, მაშინაც კოტე შარაშენიძე იყო გამგებელი, ერისთავის ქუჩაზე პარკირებისთვის აღებული მქონდა 90 კვმ. ტერიტორია, სადაც 2013 წელს დამიდგეს ურნები. ამიტომ დროიდან ვერ ვსარგებლობდი. იჯარას 2018 წლის მაისში გაუვიდა ვადა და, ფაქტობრივად, ექვსი წლის განმავლობაში ვერ ვისარგებლე ამ ტერიტორიით, გადასახადს კი ვიხდიდი. ხელშეკრულებაში წერია, რომ ხელი უნდა შეეწყოს მოიჯარეებს, ანუ დამირღვიეს ეს პირობა. ამის შემდეგ, პარკირებისთვის იჯარით ავიღე ფართობები 20 წლის ვადით _ 2032 წლამდე. ამათგან ერთ-ერთზე, რამიშვილის ქუჩაზე, რომელიც საჯარო რეესტრის შენობასა და სასტუმრო "გურიას" შორის მდებარეობს (60 კვმ.), ხელშეკრულება მაქვს გაფორმებული, რომელიც საჯარო რეესტრშია გატარებული. სანამ ამ ტერიტორიის სარგებლობას დავიწყებდი, დააყენეს საგზაო ნიშანი _ "დგომა აკრძალულია". მივმართე მერიას და ვუთხარი, რომ, სანამ ნიშანს დგამდნენ, უკვე გაცემული იყო ჩემზე ეს ტერიტორია. არც მკითხეს, არც დამიძახეს. უკიდურეს შემთხვევაში, უნდა გაუქმებულიყო ეს ხელშეკრულება და ალტერნატიული ფართი უნდა მოეცათ. აქაც იგივე ვალდებულება დამირღვიეს _ 2013 წლიდან უკვე ვეღარ ვსარგებლობ. მე ვითხოვ პასუხს, რომელიც დღემდე ვერ მივიღე, _ ამბობს ზურაბ გობრონიძე. როგორც ზურაბ გობრონიძე განმარტავს, ერისთავისა და რამიშვილის ქუჩებზე, ის სულ 150 კვმ. მიწის ფართს ფლობს იჯარით და აქ ამკრძალავი ნიშანი მისი ნებართვის გარეშე არ უნდა დაედგათ, სანამ ალტერნატიულ ფართს არ მისცემდნენ. დანარჩენ შემთხვევაში კი, უნდა აუნაზღაურონ ის თანხა, რაც ამ ფართის სარგებლობის შემთხვევაში მიიღებდა. ის აცხადებს, რომ დაანგარიშებული აქვს კიდეც, რამდენი ეკუთვნის და, უკიდურეს შემთხვევაში, სასამართლოს მიმართავს. ზურაბ გობრონიძეს ხელთ აქვს დოკუმენტაცია _ განცხადება, პასუხები და უპასუხოდ დატოვებული განცხადებების პირველი პირი თუ ქსეროასლები, რაც ამ ხნის მანძილზე დავის პროცესში დასჭირდა. ის მუნიციპალიტეტის მერიის მიერ უპასუხოდ დატოვებული განცხადების თაობაზე საუბრობს, რომელიც 2018 წლის იანვარში წარადგინა, მანამდე კი 2017 წელს ჰქონდა განცხადება შეტანილი მერიაში, როცა ქალაქ ოზურგეთის მერი ჯერ კიდევ ბეგლარ სიორიძე იყო. გობრონიძე ამბობს, რომ მაშინ სიორიძე სრულყოფილად გაეცნო გობრონიძის განცხადებას და პირდებოდა დახმარებას, თუმცა, ეს პროცესი ვერ დასრულდა. მალე მერის პოსტზე კონსტანტინე შარაშენიძე მოვიდა და გობრონიძე დაუსრულებელი საქმის სამართლიანად დამთავრებას უკვე ახალ მერთან ითხოვს. კერძოდ, 2018 წელს, როცა მერიას განცხადებით მიმართა, ითხოვდა, რამიშვილის და ერისთავის ქუჩაზე არსებულ, იჯარით აღებულ ტერიტორიებს დანიშნულებისამებრ რაკი ვერ იყენებს, მოხდეს ამ ტერიტორიების ჩამოწერა და შეცვლა ახალი ტერიტორიებით. გობრონიძე ამბობს, რომ ეს საკითხი მაინც არ გაიტანეს საკრებულოს სხდომაზე და დღემდე უპასუხოდაა დატოვებული. იგი საგანგებოდ უსვამს ხაზს იმ ფაქტს, რომ მუდამ იყო კეთილსინდისიერად გადამხდელი მოიჯარე, მისი ორგანიზაცია მრავალჯერაა დაჯილდოებული ნაციონალური ბიზნესრეიტინგის კავშირის მიერ, ერთხელ _ ვერცხლის და ორჯერ ბრინჯაოს მედლით. "გურია ნიუსმა" ზურაბ გობრონიძის საქმესთან დაკავშირებით ოზურგეთის მუნიციპალიტეტის მერიას კითხვით მიმართა. მერიის პრესასთან და საზოგადოებასთან ურთიერთობის სამსახურიდან კი მივიღეთ პასუხის ტექსტი, რომელიც მერიიდან გობრონიძეს აპრილში გაუგზავნეს:  "შპს "ჭალა საყდარის" დირექტორს, ზურაბ გობრონიძეს! თქვენ მიერ, ქალაქ ოზურგეთის მერიაში 2017 წლის 14 ივნისს შეტანილია #21 წერილი, რომელიც ეხება ქალაქ ოზურგეთის ტერიტორიაზე არსებული ავტოსადგომების იჯარით აღების საკითხს. გაცნობებთ, რომ მუნიციპალიტეტის მერია ქალაქის განაშენიანების გეგმის შესაბამისად, აპირებს ავტოსადგომის მოწყობისა და მომსახურების საკითხი განახორციელოს თანამედროვე მოთხოვნების შესაბამისად. ამდენად, ამ ეტაპზე თქვენი თხოვნა ვერ დაკმაყოფილება", _ პასუხს ხელს აწერს მუნიციპალიტეტის მერის პირველი მოადგილე ალექსანდრე სურგულაძე. ალექსანდრე სურგულაძემ "გურია ნიუსთან" თქვა, რომ მას ზურაბ გობრონიძესთან ამ თემაზე საუბარიც ჰქონდა: _ მე არ ვარ დაინტერესებული და არც არავინ მერიაში, რომ ზურაბ გობრონიძეს საქმიანობაში ხელი შეეშალოს. იმ ტერიტორიებზე, რომელიც მას იჯარით აქვს, დღემდე აგრძელებს საქმიანობას. სადაც დაუმთავრდა იჯარის ვადა, იქ მუშაობის გაგრძელება შეუძლებელია. მე, კანონიერების ფარგლებში, ყოველთვის მზად ვარ დიალოგისთვის. ასევე, ზურაბ გობრონიძეს, თუ ჩვენი პასუხი არ ან ვერ აკმაყოფილებს, შეუძლია ცივილური ფორმა გამოიყენოს და მიმართოს სასამართლოს, _ გვითხრა ... ...

არქივი

ზაფრანი

“ყვითელი პრესის“ სათავეებთან

დღეს ყველამ იცის, რომ ტერმინი:...

მონტე-კრისტოს მისტიკა

ალექსანდრე დიუმა სანამ ახალ რომანზე...

იან ფლემინგის “ოქროს თვალი“

როდესაც ”აგენტ 007”-ის წიგნის ავტორი,...

10 რეალური მოსალოდნელი კატაკლიზმა დედამიწაზე

ახალი ოკეანე აფარის სამკუთხედი (იგივე...

საბედისწერო რიცხვი და ასტროლოგია

მაინც რატომ ეშინიათ ადამიანებს ასე...

როგორ ვიშოვნოთ ფული ზოდიაქოს ნიშნის მიხედვით

ადამიანების უმრავლესობა ოდითგანვე დაეძებდა გზებს...
კარმიდამო ჩემი

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...

მოახლოებული ზამთარი და პირუტყვის მოვლა-დაბინავება

ზამთრის მოახლოებისას, შინაურ მსხვილფეხა თუ...

როგორ მოვსპოთ ზამთრის განმავლობაში ნიადაგში მავნებლები

დეკემბრიდან, ჩვენს ბაღ-ბოსტნებში, როცა უკვე...