"ვიდევნებით იმიტომ, რომ ვართ "ქართული ოცნების" მხარდამჭერები" _ "ღილაკების არევის" კურიოზული საქმე

მთავარი თემა

"ვიდევნებით იმიტომ, რომ ვართ "ქართული ოცნების" მხარდამჭერები" _ "ღილაკების არევის" კურიოზული საქმე

2018 აგვ 13 09:23:39

ოზურგეთის მერიის განათლების, კულტურის, სპორტისა და ახალგაზრდულ საქმეთა სამსახურის უფროსად მხოლოდ ორი დღით დანიშნული და შემდეგ კურიოზული ბრძანებით გათავისუფლებული ნატალია ხომერიკის საქმე ოზურგეთის რაიონულ სასამართლოში დასრულდა.

ბოლო სასამართლო პროცესი, სადაც მხარეებმა საკუთარი პოზიციები დააფიქსირეს და მოწმეც დაიკითხა, გასულ ხუთშაბათს გაიმართა.

ოზურგეთის მერიის იურიდიული სამსახურის უფროსი ლაშა თავაძე, რომელსაც მოსამართლე გიორგი ზვიადაძემ წინა პროცესზე ურჩია, რომ "ღილაკების არევის" და "მაუსების აცდენაზე" არ ესაუბრა, მაინც "პირველ ჩვენებას მიაწვა" _ მან ისევ გაიმეორა, რომ ხომერიკის დანიშვნის დროს ოზურგეთის მერს კონსტანტინე შარაშენიძეს ღილაკები აერია და ელექტრონულ სისტემაში ატვირთულ ბრძანებაზე, უარყოფის ღილაკის ნაცვლად, თანხმობის ღილაკს დააჭირა მაუსი.

თავაძემ პროცესზე, სავარაუდოდ, მიზანმიმართულად არ უპასუხა კითხვას, ვინ უბრძანა მას ბრძანების მომზადება, რომლის თანახმადაც, ხომერიკი სამსახურის უფროსად უნდა დანიშნულიყო:

_ მერმა მითხრა, რომ ხომერიკი კულტურის უფროსად უნდა დანიშნულიყო. თურმე, განყოფილებას გულისხმობდა, _ აღნიშნა ლაშა თავაძემ, რომელსაც ხომერიკის ადვოკატის მარიამ ლევიძის კითხვებზე პასუხის გაცემა ძალიან გაუჭირდა.

მერიის იურიდიული სამსახურის უფროსი რამდენჯერმე ეცადა "დაემტკიცებინა", რომ ხომერიკი იმ ორი დღის განმავლობაში სამსახურის უფროსის მოვალეობას არ ასრულებდა და პროცესზე გამოძახებულ მოწმეს ხათუნა სურგულაძეს, რომელმაც დაადასტურა, რომ 12 დეკემბერს დანიშნულმა ხომერიკმა თანამშრომლებთან თათბირიც კი ჩაატარა, შესაბამისი მტკიცებულების წარდგენა მოთხოვა.

_ რა უნდა მექნა, ბატონო ლაშა, თანამშრომლებთან სელფი უნდა გადამეღო და დანიშვნის ბრძანება სოციალურ ქსელში გამომექვეყნებინა? ორ დღეში სხვა რა სამუშაო უნდა შემესრულებინა, მტკიცებულებებს რომ მთხოვთ? _ ემოცია ვერ დამალა პროცესზე ნატალია ხომერიკმა.

მოწმე ხათუნა სურგულაძემ ლაშა თავაძეს სასამართლო პროცესზე უთხრა, რომ ცრუ ჩვენების მიცემა დანაშაულია და მისი კომენტარებიც არასწორია:

_ ოთხი შვილი გყავთ და, მინიმუმ, ღმერთის მაინც უნდა გეშინოდეთ, როცა ამბობთ, რომ ხომერიკი სამსახურის უფროსად არ დანიშნულა. თქვენ ცრუობთ! _ მიმართა სურგულაძემ ლაშა თავაძეს და სასამართლოს განუმარტა: _ მას შემდეგ, რაც ხომერიკის დანიშვნის ბრძანება კანცელარიაში გატარდა, მე შევხვდი ნატალიას და მივულოცე. მასთან ერთად ვიყავი ოთახში, სადაც თანამშრომლებს გაესაუბრა და მას შემდეგ, რაც თათბირი დაიწყო, გამოვედი".

მანვე დეტალურად ისაუბრა იმ პროცედურებზე, რომელიც ბრძანების ძალაში შესვლისთვისაა საჭირო. სურგულაძემ, რომელიც 2017 წლის ოქტომბრის ბოლომდე ოზურგეთის მუნიციპალიტეტის ადმინისტრაციის უფროსი იყო, განმარტა, რომ, იმ შემთხვევაში, თუკი მერს შეცდომა მოუვიდა, მას ჰქონდა შესაძლებლობა, დაერეკა კანცელარიაში, ეთქვა, რომ შეეშალა და დოკუმენტი არ გაეტარებინათ, რაც ხომერიკის შემთხვევაში არ მომხდარა.

ხათუნა სურგულაძემ სხდომაზე პოლიტიკური განცხადებაც გააკეთა და აღნიშნა, რომ ოზურგეთის მერის მხრიდან "ქართული ოცნების" მხარდამჭერების დევნას აქვს ადგილი:

_ ოზურგეთის მერი დამოუკიდებელი კანდიდატია და მისი მხრიდან ადგილი აქვს "ქართული ოცნების" წევრების და მხარდაჭერების დევნას. მეც, ნატალია ხომერიკიც და ყველა ის ადამიანი, რომლებმაც უკვე მიმართეს სასამართლოს უკანონო გათავისუფლების გამო, იდევნებიან იმიტომ, რომ ვიყავით და ვართ "ქართული ოცნების" მხარდამჭერები. არჩევნებზე, ჩვენ გვერდით ვედექით "ქართული ოცნების" კანდიდატს და არა კონსტანტინე შარაშენიძეს. სწორედ ესაა მიზეზი, რომ ასე გვექცევიან, _ აღნიშნა ხათუნა სურგულაძემ.

ხომერიკის საქმეში პოლიტიკურ მოტივზე ყურადღება გაამახვილა ადვოკატმა მარიამ ლევიძემაც:

_ ამ საქმეში დარღვეულია მობილობის ყველა წესი, არ არის შედგენილი ოქმები და მერიის იურისტები საუბრობენ მხოლოდ ღილაკების არევაზე, რაც აბსურდია. ნატალია ხომერიკი, რომელმაც მისი გათავისუფლების შესახებ მედიიდან გაიგო, არის პოლიტიკური დისკრიმინაციის მსხვერპლი, _ აღნიშნა ადვოკატმა, რომელიც ოზურგეთის მერის კურიოზული ბრძანებების გაუქმებას, ხომერიკის დაუყოვნებლივ აღდგენას, მისთვის განაცდურის სრულად ანაზღაურებას და სადაო თანამდებობაზე გამოცხადებული კონკურსის შედეგის ბათილად ცნობას ითხოვს.

ლევიძის ამ მოთხოვნას არ ეთანხმება საქმეში ჩართული მესამე პირის, ხომერიკის ადგილზე კონკურსის წესით დანიშნული მარინა ჯაფარიძის ადვოკატი, რომელიც მიიჩნევს, რომ ჯაფარიძე კანონიერად დაინიშნა და მისი გათავისუფლების და ხომერიკის აღდგენის საფუძველი არ არსებობს.

ჯაფარიძის ადვოკატმა ყურადღება გაამახვილა იმაზეც, რომ მერმა ხომერიკს ჯაფარიძე არჩია, რადგან ქალაქ ოზურგეთის მერიაში, ჯაფარიძე ხომერიკის ტოლფას თანამდებობაზე მუშაობდა, რომელსაც დამატებით გენდერული საკითხებიც ეხებოდა:

_ ჯაფარიძეს მეტი გამოცდილება გააჩნია. ახალშექმნილ სამსახურს დამატებული აქვს გენდერის კომპონენტი, რაშიც ჯაფარიძეს აქვს გამოცდილება და არა ხომერიკს. აქვე ვიტყვი, რომ კონკურსი ლეგალურად დაინიშნა და მისი შედეგები არ უნდა გაუქმდეს, _ აღნიშნა მოპასუხის ადვოკატმა.

ხომერიკის ადვოკატი დაინტერესდა, ჰქონდა თუ არა საქმეში არსებული მტკიცებულებები ნანახი ჯაფარიძის ადვოკატს, რაზეც თანხმობა მიიღო:

_ მაშინ CV-იც გექნებათ ნანახი, რომელშიც გარკვევითაა მოცემული ხომერიკის გამოცდილება. თქვენ ამბობთ, რომ ჯაფარიძეს გენდერის საკითხებში ჰქონდა გამოცდილება. როდესაც ნატალია ხომერიკი ოზურგეთის მუნიციპალიტეტის გამგეობაში მუშაობდა, ის კულტურასთან ერთად კურირებდა ტურიზმისა და სპორტის განყოფილებებს, რაც დღეს, მერიაში შექმნილი სამსახურის კომპეტენციაა და რომლის გამოცდილება მარინა ჯაფარიძეს არ ჰქონია. ამავე დროს, ყურადღება მინდა გავამახვილო თქვენს შესაგებელზე, რომელშიც ჯაფარიძე წერს, რომ გაესაუბრა მერს და ამ გასაუბრების შემდეგ შარაშენიძე მიხვდა, რომ იგი ხომერიკზე უპირატესი იყო. საუბარია იმ პერიოდზე, როდესაც ხომერიკი უკვე დანიშნული იყო სამსახურის უფროსად. ცოტა უცნაურია, რადგან დეკემბერში მერმა ჯაფარიძე განყოფილების უფროსად დანიშნა. ამაზე აქცენტს იმიტომ ვაკეთებ, რომ მობილობის პროცესი განგიმარტოთ. რაც შეეხება კონკურსს და იმ განცხადებას, თუ რატომ არ მიიღო მონაწილეობა ხომერიკმა მასში, როცა მერიას კონკურსის ჩატარების უფლება საჯარო სამსახურის ბიურომ მისცა _ იურისტები ხართ და უნდა იცოდეთ, რომ საჯარო სამსახურის ბიურო მხოლოდ და მხოლოდ რეკომენდაციებს გასცემს და რეკომენდაციები კანონზე უპირატესი არ არის. აქვე იმასაც გეტყვით, რომ ეს იყო სადაო თანამდებობა, რაც კარგად იცოდა მარინა ჯაფარიძემ და ხომერიკს სარჩელი ჰქონდა შეტანილი სასამართლოში. ამ ყველაფრის შესაბამისად, თქვენი არგუმენტები მიუღებელია, _ აღნიშნა ლევიძემ.

ხომერიკის ადვოკატის ამ პოზიციას, მერიის იურისტები ისევ "ღილაკების" არევის თემას "მიაწვნენ". ლაშა თავაძის თქმით, ხომერიკის სარჩელის დაკმაყოფილება ნიშნავს, რომ მერია ღია კონკურსს ვერ ჩაატარებს.

_ ძალიან ბევრი მტკიცებულებაა წარმოდგენილი იმის შესახებ, თუ როგორ და რამდენჯერ დაარღვია მერიამ კანონი. ის, რომ უკანონობას ჰქონდა ადგილი, ამავე პროცესზე ლაშა თავაძემაც აღიარა. ამ ყველაფრის გათვალისწინებით კი ნატალია ხომერიკის სარჩელი, ვფიქრობთ, სრულად უნდა დაკმაყოფილდეს, _ აღნიშნა ხომერიკის ადვოკატმა.

მკითხველს შევახსენებთ, რომ "ღილაკების არევის" კურიოზული საქმე 2017 წლის დეკემბერში დაიწყო.

2017 წლის 12 დეკემბერს შარაშენიძე წერს #40 ბრძანებას და ნატალია ხომერიკს ნიშნავს ოზურგეთის მერიის განათლების, კულტურის, სპორტისა და ახალგაზრდულ საქმეთა სამსახურის უფროსად.

14 დეკემბერს მერი წერს ახალ ბრძანებას ნომრით 42 და 12 დეკემბრის #40 ბრძანებას ძალადაკარგულად აცხადებს ისე, რომ მიზეზს დოკუმენტში არ განმარტავს, თუმცა, მედიასთან საუბრისას ამბობს, რომ მას ნატალია ხომერიკი სამსახურის უფროსად არ დაუნიშნავს(?!).

"არა, სამსახურის უფროსად ის არ დამინიშნავს, შეიძლება რაღაც ტექნიკური გაუგებრობა იყო სამსახურის დასათაურებასთან დაკავშირებით, მაგრამ არც ჩემგან, არც სხვისგან ნატოს არ გაუგია, რომ მას ვნიშნავდი სამსახურის უფროსად. ამ ეტაპზე ხომერიკს განვიხილავთ კულტურის განყოფილების უფროსად და მერე ვნახოთ," _ ამბობდა კონსტანტინე შარაშენიძე 13 დეკემბერს ერთ-ერთ ადგილობრივ მედიასთან საუბრისას.

ამ კომენტარის გაკეთებიდან რამდენიმე საათში, შარაშენიძე კიდევ ერთ ბრძანებას წერს (#43) და ხომერიკს მერიის განათლების, კულტურის, სპორტის და ახალგაზრდულ საკითხთა სამსახურის კულტურის განყოფილების უფროსის მე-2 რანგის მეორადი სტრუქტურული ერთეულის ხელმძღვანელის თანამდებობაზე ნიშნავს, თან მასთან შეუთანხმებლად. ყოველგვარი ახსნა-განმარტების გარეშე.

ეს თემა "გურია ნიუსმა" ექსკლუზიურად გაახმოვანა. ჩვენ მიერ ასევე გასაჯაროვდა დანიშვნის დოკუმენტიც, რომელსაც დიდი გამოხმაურება მოჰყვა და ხომერიკის ერთდღიანი თანამდებობის გამო 14 დეკემბერს ოზურგეთის მუნიციპალიტეტის საკრებულოს დეპუტატებმა განმარტება მერის მრჩეველს იურიდიულ საკითხებში კოკა კიღურაძეს და იურიდიული სამსახურის უფროსს ლაშა თავაძეს საკრებულოს სხდომაზევე მოსთხოვეს.

თავაძემ მერის, კონსტანტინე შარაშენიძის ეს გადაწყვეტილება საკმაოდ უცნაურად ახსნა და აღნიშნა, რომ ხომერიკის დანიშვნის ბრძანება ძალაში შესული არ იყო. არადა, ხომერიკის სამსახურის უფროსად დანიშვნის შარაშენიძის მიერ 12 დეკემბერს ხელმოწერილ ბრძანებაში გარკვევით წერია, რომ ძალაშია ხელმოწერისთანავე.

კიღურაძე უფრო შორს წავიდა და დეპუტატები ჟურნალისტთან გადმოამისამართა:

_ ჟურნალისტს, რომელმაც ეს ბრძანება გამოაქვეყნა, მოთხოვეთ ავთენტურობის დადგენა, _ მიმართა კოკა კიღურაძემ საკრებულოს დეპუტატებს, რასაც ოზურგეთელთა რჩეულების მხრიდან პროტესტი მოყვა.

 საკითხს გამოეხმაურა საპარლამენტო უმრავლესობის ლიდერი არჩილ თალაკვაძეც და აღნიშნა, რომ ამ თემაზე შარაშენიძესთან საუბარი ჰქონდა:

"ვინაიდან საკითხმა საზოგადოების ინტერესი გამოიწვია, მქონდა საუბარი მერთან, ბატონ კოტე შარაშენიძესთან შესაძლო საკადრო გადაწყვეტილებასთან დაკავშირებით, რომელიც ქალბატონ ნატალია ხომერიკს უკავშირდება.

მივესალმები, თუ ამ ეტაპზე, ქალაქის მერი სწორედ ნატალია ხომერიკთან შეხვედრისა და შეთანხმების შედეგად მიიღებს საბოლოო გადაწყვეტილებას", _ აღნიშნა არჩილ თალაკვაძემ "გურია ნიუსთან" საუბრისას 15 დეკემბერს.

თუმცა, როგორც ფაქტებმა ცხადჰყო, თალაკვაძის საუბარმა შედეგი ვერ გამოიღო _ 20 დეკემბერს შარაშენიძემ ახალი, #94 ბრძანება გამოსცა, რომელშიც წერია: "ბათილად იქნას ცნობილი ნატალია ხომერიკის ოზურგეთის მუნიციპალიტეტის მერიის განათლების, კულტურის, სპორტის და ახალგაზრდულ საკითხთა სამსახურის უფროსის, პირველი რანგის პირველადი სტრუქტურული ერთეულის ხელმძღვანელის თანამდებობაზე მობილობის წესით გადაყვანის შესახებ ოზურგეთის მუნიციპალიტეტის მერის 2017 წლის 12 დეკემბრის #40 ბრძანების ძალადაკარგულად გამოცხადების შესახებ ოზურგეთის მუნიციპალიტეტის მერის 2017 წლის 14 დეკემბრის #42 და ნატალია ხომერიკის ოზურგეთის მუნიციპალიტეტის მერიის განათლების, კულტურის, სპორტი და ახალგაზრდულ საკითხთა სამსახურის კულტურის განყოფილების უფროსის მე-2 რანგის მეორადი სტრუქტურული ერთეულის ხელმძღვანელის თანამდებობაზე მობილობის წესით გადაყვანის შესახებ ოზურგეთის მუნიციპალიტეტის მერის 2017 წლის 14 დეკემბრის ბრძანებები".

შარაშენიძეს ამ ბრძანებაში ბათილობის მიზეზი არ დაუკონკრეტებია, თუმცა, იმავე დღეს კიდევ ერთი _ #95 ბრძანება გამოსცა, რომელიც #40 ბრძანების ბათილად ცნობას ეხება და რომელშიც აღნიშნულია, რომ ხომერიკის სამსახურის უფროსად დანიშვნის ბრძანებისას გამოყენებული იქნება ელექტრონული სისტემა, სადაც "დაშვებული იქნა არსებითი შეცდომა"

ეს "არსებითი შეცდომა" შარაშენიძეს არც ამ დოკუმენტში განუმარტავს, სასამართლოს კი, როგორც მერიის იურიდიული სამსახურის უფროსმა ლაშა თავაძემ "აუხსნა", იმას ნიშნავს, რომ "მომზადებული ბრძანების პროექტის "უარყოფის" ნაცვლად გამოყენებული იქნა "ხელმოწერის" ღილაკი", რომელიც მერს ბრძანების დაწერიდან 8 დღის შემდეგ გაახსენდა.

ოზურგეთის რაიონული სასამართლო ამ კურიოზულ საქმეზე, რომელშიც, როგორც პროცესებზე დადასტურდა, უამრავი კანონდარღვევა იკვეთება, გადაწყვეტილებას ზუსტად 10 დღეში, 23 აგვისტოს, 17 საათზე გამოაცხადებს.




 ახალი ამბები
  • ერქომაიშვილის, შარაშენიძის და გოგიბერიძის პრესკონფერენცია, რომელსაც "ქართული ოცნება" ემიჯნებადღეს, ოზურგეთის დემოკრატიული ჩართულობის ცენტრში, სოსო ერქომაიშვილმა, კონსტანტინე შარაშენიძემ და შოთა გოგიბერიძემ, ადამიანებმა, რომელიც საკუთარ თავს, როგორც „2012-იანელები“, ისე მოიხსენიებენ, პრესკონფერენცია გამართეს. თუმცა, პრესკონფერენციაზე, რომელიც საკუთარი არსით, მედიის დასწრებას და მათი მოსაზრებების გაშუქებას მოიაზრებს, მხოლოდ ერთი მედიასაშუალება _ „გურიის მოამბე“ მიიწვიეს. როგორც გამოცემა წერს, „შეხვედრაზე საუბარი სალომე ზურაბიშვილის მხარდაჭერასა და მათივე განცხადებებიდან გამომდინარე, საქართველოს გადარჩენაზე იყო.  იყვნენ მკვეთრად კრიტიკულებიც, რომლებიც ამ "ბრძოლაში" ჩართვას სწორედ იმის გამო არ აპირებენ, რომ პარტიის შტაბს მათთვის მიუღებელი პირები _ მერაბ ჭანუყვაძე და კობა დუნდუა ხელმძღვანელობენ.  „რა გააკეთა პარტიამ ამ წლების განმავლობაში? ვინ დაიყენა გვერდით? რას მიხსნით აქ? შტაბს რომ მერაბ ჭანუყვაძე და მართლა მთელი ცხოვრება "ნაციონალების" მხარდამჭერი, კობა დუნდუა უდგანან სათავეში, იმათ დავუდგე გვერდით?“ _ დამსწრეთაგან იმათი განცხადებების საპასუხოდ კი, ვინც 'ოცნებას" წინა ხელისუფლების იმ პირებთან გარიგებაში ადანაშაულებენ, ვინც დამნაშავეები იყვნენ, ერქომაიშვილმა და შარაშენიძემ შემდეგი განცხადებები გააკეთეს:  კოტე შარაშენიძე: "ვიცი, რასაც შენ განიცდი, ისე განვიცდით ჩვენც, მაგრამ რაღაც რაღაცეების გამო შეზღუდულები ვართ. დავუჭიროთ მხარი ბიძინა ივანიშვილს, ისე კი არა, ზოგიერთი რომ იძახის ტყუილად ჰაერზე. ის საქმე უნდა გავაკეთოთ, რასაც დღევანდელი რეალობა ქვია. ბეწვის ხიდზე გავდივართ ახლა".  სოსო ერქომაიშვილი: "თუ იმაზე ვსაუბრობთ ახლა, საქართველო თუ სხვა რამე, ეს არაა სწორი. მე საქართველოს გვერდით ვდგები ახლა და დავამთავროთ. ამაზე ახლა მოვრჩეთ ლაპარაკს, ვსო. დროის ამბავი რა არის, ამას მე გეტყვით არჩევნების მეორე დღეს”, _ აღნიშნულია „გურიის მოამბის“ მიერ გამოქვეყნებულ სტატიაში. „გურია ნიუსი“ რამდენიმე საათია, ცდილობს, გაარკვიოს, რატომ არ მიიწვიეს პრესკონფერენციაზე სხვა მედიასაშუალებები და რატომ გაკეთდა სალომე ზურაბიშვილის მხარდასაჭერი პრესკონფერენცია მხოლოდ ერთი მედიისთვის. როგორც პარტიის ადგილობრივ ორგანიზაციაში გვითხრეს, აღნიშნული პრესკონფერენციის შესახებ მათ ინფორმაცია არ ჰქონდათ, და ეს იმ ფონზე, როცა სოსო ერქომაიშვილი „ქართული ოცნების“ ოზურგეთის საოლქო ორგანიზაციის ბიუროს წევრია. ბიუროს წევრის მიერ გამართული პრესკონფერენციის შესახებ საქმის კურსში არ იყო არც პარტიის პოლიტსაბჭოს წევრი, რეგიონებთან ურთიერთობის სამსახურის უფროსი დიტო სამხარაძეც. პარტიის პრესსამსახურის ხელმძღვანელის, ლელა გაბეჩავას თქმით, პრესკონფერენცია „ქართული ოცნების“ მიერ ორგანიზებული არ ყოფილა, ამის შესახებ ინფორმაციაც არ ჰქონდათ და მისთვის უცნობია, რა უნდოდა პრესკონფერენციაზე ბიუროს წევრს და რატომ იყო მიწვეული მხოლოდ ერთი მედიასაშუალება. კითხვაზე, რას გვეტყვიან პრესკონფერენციაზე გაჟღერებულ ბრალდებებზე, რომ „ოცნების“ შტაბში „ნაციონალები“ არიან, მით უმეტეს, რომ ამ ბრალდებებზე მმართველი პარტიის ოზურგეთის საოლქო ორგანიზაციის ბიუროს წევრს და პრესკონფერენციის ორგანიზატორს პასუხი არ გაუცია და ამაზე საუბარი სამომავლოდ გადადო, პარტიაში აღნიშნეს, რომ ვერაფერს: _ ერქომაიშვილს ვერ ვუკავშირდებით და ამ დროისთვის რაც შემიძლია გითხრათ ისაა, რომ, სავარაუდოდ, ეს ერქომაიშვილის დამოუკიდებელი გადაწყვეტილება იყო. ამ პრესკონფერენციასა და იქ მყოფ ადამიანებთან პარტიას შეხება არ ჰქონია და არანაირი პრესკონფერენცია ჩვენთან შეთანხმებული არ ყოფილა, _ გვითხრა გაბეჩავამ. ჩვენ შევეცადეთ კომენტარები პრესკონფერენციაზე მყოფი ადამიანებისგანაც მიგვეღო. შარაშენიძემ, როგორც ყოველთვის „გურია ნიუსის“ სატელეფონო ზარებს არ უპასუხა. მისგან მაგალითი აიღო სოსო ერქომაიშვილმა და კონტაქტზე არ გამოვიდა. ერთადერთი, ვინც კომენტარი გააკეთა, შოთა გოგიბერიძე იყო, რომლის განმარტებით, დღეს პრესკონფერენცია არ ჩატარებულა: _ ეს იყო „2012-იანელების“ სამუშაო შეხვედრა და არა პრესკონფერენცია. არავინ მიგვიწვევია. ჩემთვისაც მოულოდნელი იყო, როცა ერთ-ერთ მედიასაშუალებაში ამ შეხვედრის შესახებ სტატია წავიკითხე. ვერ გეტყვით, ვინ იყო. 50 კაცი იყო იქ და ყველას არ ვიცნობდი, _ აღნიშნა გოგიბერიძემ.   ... ...
  • ზურაბიშვილი: საარჩევნო კამპანიაში ჩართული არიან სხვადასხვა ქვეყნის, მაგრამ არა რუსი პიარსპეციალისტები (R)საარჩევნო კამპანიაში ჩართული არიან სხვადასხვა ქვეყნის პიარსპეციალისტები, მაგრამ არა რუსი პიარსპეციალისტები, – ამის შესახებ პრეზიდენტობის დამოუკიდებელმა კანდიდატმა, სალომე ზურაბიშვილმა განაცხადა. ჟურნალისტებმა ქალთა ორგანიზაციის წევრებთან შეხვედრის შემდეგ სალომე ზურაბიშვილს ჰკითხეს, არიან თუ მის საარჩევნო კამპანიაში ჩართული პიარკონსულტანტები ისრაელიდან, რაზეც სალომე ზურაბიშვილმა უპასუხა: „კამპანიაში ჩართული არიან სხვადასხვა ქვეყნის პიარსპეციალისტები, მაგრამ არ არიან ჩართული რუსი პიარსპეციალისტები". პრეზიდენტობის დამოუკიდებელი კანდიდატი დღეს ორგანიზაცია „ქალები სამართლიანობისთვის" წევრებს შეხვდა, სადაც ქვეყნის პოლიტიკურ ცხოვრებაში ქალთა ჩართულობის მნიშვნელობაზე ... ...
  • "მერი გვეკაიფება" _ რატომ დაუპირისპირდნენ დაბა ლაითურის მაცხოვრებლები ოზურგეთის მერსოზურგეთის მუნიციპალიტეტის დაბა ლაითურის #2 საბავშვო ბაღში ახალის ნაცვლად ძველი საბავშვო ატრაქციონები მიიტანეს - ამის შესახებ დაბის მცხოვრებლებმა “გურია ნიუსს“ დაუკავშირდა. “კარგად დააკვირდით ამ სურათს და არ გაგიკვირდეთ _ ეს ის დაპირებაა, რომელიც რამდენიმე დღის უკან ბატონმა მერმა კონსტანტინე შარაშენიძემ ლაითურს მე-9 რაიონის მოსახლეობას მისცა და  რომელსაც დიდი სიხარულით ელოდნენ. თქვენთვის მომინდია, დაარქვით სახელი _  ეს შეურაცხყოფაა, დაცინვაა თუ სხვა რამ მსგავსი, რადგან ასეთი და ცოტა უკეთესი უკვე ლაითურის #2 საბავშვო ბაღში დგას 50 წელია. რატომ ჩათვალა მერმა, რომ ჩვენ ამითაც კმაყოფილი ვიქნებოდით, მაშინ როცა თავისი სახლის წინ ეზოში აშენებს ახალ პარკს.  ეჭვი გვაქვს ეს სწორედ იმ პარკიდან ამოიღო და გამოგვიგზავნა იმ ადამიანებს, რომლებმაც მას მხარი დაუჭირეს და მუნიციპალიტეტის მერად აირჩიეს  _ ვინ გაგვცემს ამაზე პასუხს?“ - ეს წერილი ფოტოებთან ერთად „გურია ნიუსს“ ოზურგეთის მუნიციპალიტეტის დაბა ლაითურიდან გამოუგზავნეს. ფოტოებზე კარგად ჩანს, რომ საბავშვო ბაღში მიტანილი ატრაქციონები დაზიანებული _ ერთ-ერთი კი დაჟანგულია. დაბაში არ მალავენ, რომ შარაშენიძის საქციელით შეურაცხყოფილები არიან: _ მერი გვეკაიფება _ სხვა არ ვიცით რა ვიფიქროთ. ასეთი აგდება და შეურაცხყოფა გინახავთ სადმე? ხელისუფლების კანდიდატისთვის ხმა კი უნდათ და დაპირების შესრულება არა! ნურავის გონია, რომ ასე ადვილად მოტყუვდება ხალხი. თუ დაგვცინიან არც ჩვენ დავრჩებით ვალში და არჩევნებზე გავცემთ საკადრის პასუხს, _ აღნიშნავენ დაბაში. ოზურგეთის მუნიციპალიტეტის მერის წარმომადგენელის თანაშემწის რეზო მესხიძის თქმით, ატრაქციონები ლაითურში გვიან ღამით მიიტანეს: _ კომუნისტების დროინდელი ატრაქციონებია, მაგრამ ვინ მოიტანა არ ვიცით. ჩვენთვის არავის არაფერი არ უთქვამს. მუნიციპალიტეტის მერიისგან იყო დაპირება, რომ საბავშვო ატრაქციონებს მოიტანდნენ _ ხალხიც ელოდებოდა და მოიტანეს ძველი ატრაქციონები. მოსახლეობა ვარაუდობს, რომ ესენი სხვაგან იდგა და ჩვენთან გადმოისროლეს. არადა, მასეთი ატრაქციონები დგას დაბაში _  უბრალოდ, ერთს ცალი ფეხი არ აქვს და მეორე კიდევ გაფუჭებულია, _  გვითხრა რეზო მესხიძემ. ვინ და საიდან მიიტანა ძველი ატრაქციონები დაბაში უცნობია ოზურგეთის მუნიციპალიტეტის საკრებულოს წევრის, დაბა ლაითურის მაჟორიტარი დეპუტატის გია ჩაგანავასთვისაც. „გურია ნიუსმა“ კი გაარკვია, რომ ატრაქციონები, ოზურგეთის მერის სახლთან მდებარე პარკიდან წაიღეს, რომლის ნაცვლად შარაშენიძის მეზობლად არსებულ სკვერში ახალი იდგმება. ის, რომ ატრაქციონები ნამდვილად ოზურგეთიდანაა წაღებული „გურია ნიუსთან“ საუბრისას დაადასტურა ოზურგეთის მუნიციპალიტეტის  სკოლამდელი აღზრდის ცენტრის ხელმძღვანელმა მაკა ჭყონიამ: „ეს საბავშვო ატრაქციონები ჭავჭავაძის ქუჩაზე მდებარე პარკიდან, სადაც ააჯამად სარეაბილიტაციო სამუშაოები მიმდინარეობს გუშინ, მერიის გადაწყვეტილებით წაიღეს. როგორც მერისგან გავიგე,  ადგილზევე მოხდება ატრაქციონის დამონტაჟება, რესტავრაცია, შეღებვა და განახლება,“  _ აღნიშნა ჩვენთან საუბრისას ... ...
  • სალომე ზურაბიშვილი: ამ ბრძოლაში ქალები იქნებიან მთავარი ძალა (R)პრეზიდენტობის დამოუკიდებელი კანდიდატი სალომე ზურაბიშვილი მიიჩნევს, რომ ქვეყნის პოლიტიკური და სოციალურ ცხოვრებაში ქალთა ჩართულობა აუცილებელია. აღნიშნულ საკითხზე ზურაბიშვილმა ქალთა ორგანიზაცია „ქალები სამართლიანობისთვის“ წევრებთან შეხვედრაზე ისაუბრა. მისი თქმით, ქალები საქართველოში ამომრჩეველთა 53 პროცენტს წარმოადგენენ, მაგრამ პოლიტიკაში სათანადო ადგილი არ აქვთ. „ქალების ჩართულობა აუცილებელია. ქალები წარმოადგენენ ამ ქვეყნის ამომრჩევლების 53 პროცენტს, მაგრამ არ აქვთ სათანადო ადგილი პოლიტიკაში. ამ დროს ქვეყნის ყველა სხვა დარგში, პრაქტიკულად, ქალები არიან წარმოდგენილი. ისინი არიან ძალიან ძლიერები, ზოგჯერ, ძალიან წარმატებულიც, მაგრამ არა პოლიტიკაში, არც ადგილობრივ დონეზე და არც პარლამენტში. მაგალითი, რაც მე მინდა, შემოვიტანო ქართულ პოლიტიკაში, რომ როგორც სხვა მოწინავე ქვეყნებში, საქართველოსაც ეყოლება ქალი პრეზიდენტი, ეს არის მაგალითისა და შემდეგი ბრძოლისთვის, რაც უნდა გავიაროთ, რომ საზოგადოება თანამედროვეობისკენ შეიცვალოს და ამავდროულად, შეინარჩუნოს ყველაზე ღირებული ტრადიციები. ამ ბრძოლაში ქალები იქნებიან მთავარი ძალა. ეს არის ამ ქვეყნისთვისაც და ჩემთვისაც მთავარი ძალა“, – განაცხადა სალომე ზურაბიშვილმა შეხვედრაზე. პრეზიდენტობის კანდიდატმა მოძრაობის წევრებს მხარდაჭერისთვის მადლობა ... ...
  • სალომე ზურაბიშვილი მისი ფოტოს შეცვლის შესახებ: მე ეს სტილი ბევრად უფრო მომწონსსაქართველოს პრეზიდენტობის კანდიდატი, სალომე ზურაბიშვილი, საპრეზიდენტო არჩევნების მეორე ტურისთვის ბილბორდებიდან მისი ფოტოების ნაცვლად ოცნების  ლიდერების გამოსახულებით ჩანაცვლებას ეხმაურება. სალომე ზურაბიშვილი ამბობს, რომ ძალიან ბედნიერია ბანერების შეცვლით და განმარტავს, რომ პირველი ტურისთვის გადაღებული ფოტო მას არ მოსწონდა. „განცდა იყო, რომ ვარ ძალიან ბედნიერი იმიტომ, რომ ის პირველი სურათი ნაკლებად მომწონდა. მე არ ვიცი, თქვენი მოსაზრება როგორი არის, მე ძალიან მომწონს ახალი სურათი და პირველი ტურის დროს, მე სულ ვამბობდი, რომ მე მეგონა, რომ ჩემი სურათი ცოტა ძალიან ბევრი იყო და ძალიან დიდი იმიტომ, რომ ეს არ არის ის ევროპული სტილი, რომელიც მომწონს და მე ეს სტილი ბევრად უფრო მომწონს, იმედი მაქვს, თქვენც,“  - განაცხადა სალომე ზურაბიშვილმა. ოცნების მიერ მხარდაჭერილმა საპრეზიდენტო კანდიდატმა ორგანიზაცია ქალები სამართლიანობისთვის წარმომადგენლებთან შეხვედრისას განაცხადა, რომ „ეს საზოგადოება უნდა შევცვალოთ და ნამდვილად ავაშენოთ თანამედროვე, ქართული საზოგადოება, არა რომელიმე სხვა ქვეყნის „კოპიო“, არამედ თანამედროვე და ქართული“. ზოგიერთ ბილბორდზე პრეზიდენტობის კანდიდატის მხოლოდ სახელი და გვარი წერია, თუმცა, ბანერზე მხოლოდ ქართული ოცნების დამფუძნებლის ან პარლამენტის თავმჯდომარის ფოტოებია განთავსებული.  ... ...

არქივი

ზაფრანი

უცნობი ფაქტები მამაკაცის სხეულის შესახებ

დიდი ტვინი საშუალოდ, ტვინის მოცულობა...

სიყვარულის ფერების თეორია

ჯონ ალან ლი კანადელი მეცნიერია,...

ყველაზე არაპროგნოზირებადი და სახიფათო ცხოველები

თაფლიჭამია თაფლიჭამია, იგივე რეიტელი, მართალია,...

როგორ არ უნდა დალიოთ ღვინო

ღვინისათვის “სუნთქვის" საშუალების არ მიცემა...

7 თვისება, რომლითაც მაღალი ინტელექტის მქონე ადამიანს ამოიცნობთ

ინტელექტი ადამიანის თვისებაა, რომელიც აზროვნების...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნების მეორე ტურში?