ვისი ინტიმური ვიდეოებია „ციანიდის საქმეში“და რას აპირებენ დაკავებული დეკანოზის ადვოკატები

gurianews.com

მთავარი თემა

ვისი ინტიმური ვიდეოებია „ციანიდის საქმეში“და რას აპირებენ დაკავებული დეკანოზის ადვოკატები

2017 მაი 19 19:49:11

ე.წ. ციანიდის საქმეზე სასამართლო სხდომების მიმდინარეობისა და პროცესზე განხილული საკითხების შესახებ საზოგადოების ინფორმირება ვეღარ მოხდება. დღეს, მოსამართლე ბესიკ ბუგიანიშვილის მიერ მიღებული გადაწყვეტილებით, სასამართლო სხდომები სრულად დაიხურა. შუამდგომლობა პროკურატურამ დააყენა. მათი განცხადებით, "საქმეში არსებობს, აუდიო, ვიდეო და წერილობითი მტკიცებულებები, რომელიც მათ შორის მესამე პირს ეხება და რომელიც შეიცავს, როგორც პერსონალურ ინფორმაციას, ასევე ხშირ შემთხვევაში ინტიმურ დეტალებს“.თუმცა, მოგვიანებით პროკურორმა განაცხადა, რომ „ადვოკატების მხრიდან ჩვენი შუამდგომლობების დამახინჯება ხდება და ისინი სიცრუეს ტირაჟირებენ. ეს არის სიცრუე. ინტიმური ვიდეომასალა არ არსებობს. ჩვენ ვსაუბრობთ იმაზე, რომ საქმეში არის გარკვეული სახის პირადი ინფორმაცია ბრალდებული გიორგი მამალაძის და მესამე პირების“.

ამ შუამდგომლობის დაყენების შემდეგ, მოსამართლემ სხდომის სრულად დახურვის გადაწყვეტილება მიიღო, რასაც ბრალდებულ გიორგი მამალაძის მხრიდან პროტესტი მოჰყვა. მან თავის ადვოკატებს მოუწოდა სხდომა დაეტოვებინათ. სხდომის დატოვების შემდეგ, მოსამართლემ მიიღო განჩინება, სადაც აღნიშნულია, რომ ადვოკატები გაძევებულ იქნენ დარბაზიდან, რის გამოც შემდეგი სხდომიდან ბრალდებულს სახაზინო ადვოკატი დაიცავს.

როგორ აფასებს დღეს განვითარებულ მოვლენებს, ვინ შეიძლება დაიცვას ბრალდებული, არის თუ არა საქმეში ინტიმური ხასიათის მასალები და რას უკავშირებენ სხდომების სრულად დახურვას, „გურია ნიუსი“ ადვოკატ მიხეილ რამიშვილს ესაუბრა.

_ ბატონო მიხეილ, რას უკავშირებთ სასამართლო სხდომების სრულად დახურას და ნამდვილად მოხდა თუ არა თქვენი მხრიდან კანონდარღვევა, როდესაც სხდომათა დარბაზი თქვენი დაცვის ქვეშ მყოფის მოწოდების საფუძველზე დატოვეთ?

_ თუ სასამართლო დავტოვე როგორ გამომაძევეს დარბაზიდან? ნებაყოფლობით დავტოვე დარბაზი, რადგან მამა გიორგიმ მოითხოვა დაგვეტოვებინა სხდომა. გამოძევება ამ შემთხვევაში ვერ მოხდებოდა, რადგან ვიმოქმედე კლიენტის მოთხოვნის შესაბამისად. გამოძევება სასამართლო დარბაზიდან ხდება მაშინ, როდესაც პირი არღვევს წესრიგს ან სასამართლოს უპატვცემულობას ავლენს. ამდაგვარი იქ არაფერი ყოფილა. ღიად განაცხადა მამა გიორგიმ რომ დაგვეტოვებინა სასამართლო სხდომა. ინტერესის წინააღმდეგობა რომ არ ყოფილიყო და ჩვენ ვალდებულები ვიყავით სხდომა დაგვეტოვებინა. თუ გამომაძევეს, მაშინ გამოძევება უნდა მომხდარიყო და არა ნებაყოფლობით დარბაზის დატოვება. თუ დავარღვიეთ, გვითხრან რა დავარღვიეთ და რაში გამოიხატება უპატივცემულობა სასამართლოს მიმართ. ეს არის მიზანმიმართული, რომ ჩვენ ჩამოგვაშორონ საქმიდან.

_სასამართლომ გაავრცელა განცხადება, სადაც აღნიშნულია, რომ გიორგი მამალაძეს სახაზინო ადვოკატი დაიცავს. თქვენ რას აპირებთ?

_კანონი ითვალისწინებს ამ განჩინების გასაჩივრებას, რაც დღეს მოსამართლემ გამოიტანა და ჩვენ ამას გავასაჩივრებთ. ჯერ გავეცნობით რის საფუძველზე შეგვეზღუდა დაცვის განხორციელება, რადგან არის გარკვეული ფაქტობრივი გარემოებები, შემდეგ ვნახავთ რამდენად კანონიერად არის ეს გადაწყვეტილება მიღებული. თუმცა, მამა გიორგის და მისი ოჯახის წევრებს გააჩნიათ პირადი მოსაზრება, ვინ უნდა დაიცვას ის, ან უარი თქვას ადვოკატებზე. ადვოკატებზე უარს ამბობენ მაშინ, როდესაც არის გარკვეული გაჭიანურების მცდელობა. ჩვენ კი ამ შემთხვევაში დავემორჩილეთ ბრალდბულის მოთხოვნას და ვერანაირდ ვერ დავრჩებოდით სასამართლო დარბაზში. ვიმეორებ, არაფერი დაგვირღვევია, თუ დავარღვიეთ, დამრღვევებად უნდა გამოგვაცხადონ და არა „შოუს დამდგმელებად“ და „სპექტაკის მომწყობად“. რადაც გვასახელებს სახელმწიფო ბრალმდებელი. 

_თქვენი და გიორგი მამალაძის პროტესტი პროკურატურის შუამდგომლობამ გამოიწვია, რომელიც სხდომის მთლიანად დახურვას ითხოვდა, რადგან საქმეში ინტიმური ვიდეომასალისა და მესამე პირების პერსონალურ მონაცემებზეა საუბარი, რაც ღია სასამართლოს სხდომაზე ვერ განიხილებოდა. რა მასალაზეა საუბარი?

_პირდაპირ გეუბნებით, რომ პროტესტის მიზნით დატოვა დარბაზი მამა გიორგიმ და ჩვენ დავემორჩილეთ მის კატეგორიულ მოთხოვნას რომ დაგვეტოვებინა დარბაზი. ეს პროტესტი კი გამოიწვია იმან, რომ ყველა წინა სასამართლო სხდომის დროს ყველაფერს უკმაყოფილებდა სასამართლო  მხოლოდ და მხოლოდ პროკურატურას და არა ჩვენ. ეს არის პირდაპირ მიზანმიმართული ქმედება. რაც შეეხება ე.წ. ინტიმურ ვიდეომასალას, ძალიან ბევრი პირია დაკითხული აღნიშნულ საქმეზე; პირადი მობილურებიდან ვისგან რა ინფორმაცია ამოიღეს, ეს შემხებლობაში არანაირად არ არის მამა გიორგის საქმესთან. შესაბამისად, ეს არის შანტაჟი გარკვეულწილად.

_უფრო კონკრეტულად რა შანტაჟზეა საუბარი და ვის მიმართ?

_შანტაჟია იქედან გამომდინარე, რომ სხდომის თავიდან ბოლომდე დახურვის საფუძველი შექმნან.

_რაც შეეხება გაუთქმელობის ხელწერილს, რომელიც ადვოკატებს დაგადებინეს; ისევ რჩებით თქვენს პოზიციაზე რომ ეს პროკურატურას უპირატეს მდგომარეობაში აყენებს?

_დიახ, პირდაპირ უპირატეს მდგომარეობაშია პროკურატურა. თანასწორობის პრინციპი თავიდან ბოლომდე დარღვეულია და ეს არის მიმართული ადამიანის უფლებების რადიკალურად და არსებითად დარღვევისკენ. ეს ყველაფერი მიმართულია იქეთკენ, რომ სათავისოდ გამოიყენონ ჩვენი გაჩუმება.

_სტრასბურგის სასამართლოში გაქვთ გაგზავნილი საჩივარი ამასთან დაკავშირებით. გაქვთ თუ არა პასუხი მიღებული, ან როდის ელოდებით?

_ჯერჯერობით პასუხი არ მიგვიღია, ველოდებით.

_ საზოგადოებაში გაჩნდა ეჭვი რომ შესაძლოა პროკურატურა დაცვის მხარისთვის არ ჰქონდეს მიწოდებული საქმის მასალები სრულად. შესაძლებელია თუ არა ასეთი რამ?

_რაც მოგვცეს მაგის გარდა თუ რამე არის საქმეში კიდევ, არ ვიცი. თუმცა, გამორიცხულია ეგ. თუ რაიმე ამდაგვარი მტკიცებულებები გამოჩნდა ახლა, არ არის ახლადგამოვლენილი გარემოება და აქამდე არსებობდა, ეს დაუშვებელი მტკიცებულება და სასამართლოც არ განიხილავს.

_შემდეგი სასამართლო პროცესი 30 მაისს არის ჩანიშნული. რას აპირებთ, უნდა მიხვიდეთ სხდომაზე, თუ დაემორჩილებით მოსამართლის გადაწყვეტილებას?

_ჩვეულებრივ მივალთ სხდომაზე და გავაგრძელებთ მამა გიორგის დაცვას.

_ხომ არ იცით მამა გიორგის პოზიცია, აპირებს თუ არა ის სახაზინო ადვოკატის დაცვაზე დათანხმებას?

_არა მგონია, ის ამას დათანხმდეს, თუ ასე დადგება საკითხი, სახაზინო ადვოკატის ნაცვლად ისევ კერძო ადვოკატს აიყვანს. ამას ზოგადად ვამბობ, მაგრამ არა მგონია ეს საკითხი დადგეს. მე ჯერჯერობით ვრჩები მის ადვოკატად.

_დღესვე, ადვოკატთა ეთიკის კომისიას გადაეგზავნა სასამართლოს განჩინება თქვენი სხდომიდან გაძევების შესახებ. ხომ არ გაქვთ ინფორმაცია როდის დაიწყებს კომისია საჩივრის განხილვას?

_ამას, ალბათ, შეგვატყობინებენ, დაგვირეკავენ, როცა განხილვა დაიწყება.

_შეიძლება ასე შეფასდეს, რომ პროკურატურას ამ საქმეში სუსტი პოზიცია აქვს და თქვენს წინააღმდეგ ყველანაირ ბერკეტს იყენებს?

_სუსტი პოზიცია და აბსურდული  რომ არის, ამიტომ უნდათ რომ სხდომები სრულად იყოს დახურული. თუ მართლა არსებობს მესმე პირების პირადი ინფორმაცია, მაშინ ნაწილობრივ დახურვა მოეთხვათ და ნაწილობრივ დახურულიყო და არა მთლიანად.

_როდესაც პროცესი სრულად დაიხურა, თქვენ რა ბერკეტები გრჩებათ. შესაძლებელია ამის გასაჩივრება?

_ეს საჩივრდება სასამართლოს საბოლოო გადაწყვეტილებასთან ერთად. სხდომები აწი მუდმივად, სრულად დახურული იქნება.


ნახვა: 1166


 ახალი ამბები
  • საქართველოს მართლმადიდებელი ეკლესია სულთმოფენობის დღესასწაულს აღნიშნავსდღეს, საქართველოს მართლმადიდებელი ეკლესია სულთმოფენობის დღესასწაულს აღნიშნავს. ამ დღეს ყველა მოქმედ ტაძარში წირვა აღევლინება, მორწმუნეები სულთმოფენობის დღესასწაულს, აღდგომიდან  50-ე დღეს ზეიმობენ. ამ დღეს მაცხოვრის მიერ დაპირებული სულიწმინდა,  ცეცხლის ენების სახით გარდამოვიდა მოციქულებსა და მორწმუნეებზე, თითოეული მათგანი კი სულიწმინდის მადლით აღავსო. „გარდამოხდა ზეცით ნუგეშინისმცემელი იგი, ზღუდე სიმტკიცისაი და წმიდა-მყოფელი ეკლესიათაი, და მოღვაწეი იგი სულთაი, შემწეი იგი სულთაი, შემწეი ჭირვეულთაი, განმანათლებელი შეცდომილთაი, გვირგვინის მომცემელი იგი მოღვაწეთაი“... სადღესასწაულო მსახურებას საქართველოს კათოლიკოს პატრიარქი ილია მეორე სამების საკათედრო ტაძარში ... ...
  • გიორგი კვირიკაშვილი: მინდა მადლობა გადავუხადო კახა კახიშვილს შესრულებული სამუშაოსთვის (R)„საქართველო შეირჩა როგორც ქვეყანა, რომელმაც კონკრეტულ, მნიშვნელოვან შედეგებს მიაღწია ადამიანის უფლებათა განმტკიცების პროცესში და ამ მიმართულებით, განაგრძობს ძალისხმევას. აღსანიშნავია, რომ საქართველო რეგიონში იქნება ერთადერთი სახელმწიფო, რომელიც ევროკავშირის ამ ინიციატივაში მიიღებს მონაწილეობას. ევროკავშირის სპეციალურმა წარმომადგენელმა რეკომენდაციის სახით თავად გამოყო ის სფეროები, რომელთა გატანაც, მისი მოსაზრებით, შესაძლებელია „ექსპორტზე“, მათ შორის ერთ- ერთი არის პენიტენციურ დაწესებულებებში გატარებული რეფორმები და წამებისა და სხვა არასათანადო მოპყრობის აღმოფხვრა.“- ამის შესახებ საქართველოს პრემიერ- მინისტრმა გიორგი კვირიკაშვილმა მთავრობის სხდომაზე განაცხადა.  პრემიერ მინისტრმა სასჯელაღსრულებისა და პრობაციის მინისტრს კახა კახიშვილს პენიტენციურ სფეროში გაწეული სამუშაოთვის და რეფორმების აღიარებისთვის მადლობა გადაუხადა. „მინდა მადლობა გადავუხადო კახა კახიშვილს შესრულებული სამუშაოსთვის, მის მიერ ჩატარებული რეფორმების აღიარებისთვის. ამ ინიციატივაში საქართველოს მიწვევა არის ძალიან მნიშვნელოვანი მოვლენა ჩვენი ქვეყნის ევროპული ინტეგრაციის გზაზე და მნიშვნელოვნად შეუწყობს ხელს ჩვენი ქვეყნის პოზიტიურად წარმოჩენას, პოზიციების განმტკიცებას საერთაშორისო ასპარეზზე. მოხარული ვარ, რომ გვექნება შესაძლებლობა სხვა ქვეყნებს გავუზიაროთ ჩვენს მიერ გატარებული რეფორმების პოზიტიური მაგალითები“.- განაცხადა პრემიერმა. გიორგი კვირიკაშვილმა აღნიშნა, რომ სულ ცოტა ხნის წინ შედგა საქართველოში ევროკავშირის სპეციალური წარმომადგენლის ვიზიტი, რომელიც კიდევ ერთი დასტურია -ადამიანის უფლებათა საკითხებში საქართველოს მიერ მიღწეული პროგრესის. „ევროკავშირის სპეციალური წარმომადგენლის სტავროს ლამბრინიდისის მიერ საქართველოში ვიზიტის დროს წარმოდგენილი ინიციატივის - ,,ადამიანის უფლებების დაცვის პოზიტიური მაგალითები“ (Good Human Rights Stories) ფარგლებში, საქართველომ სხვა წარმატებულ 15 ქვეყანასთან ერთად მიიღო წინადადება, მთელს მსოფლიოში, სახელმწიფოებს გაუზიაროს საკუთარი გამოცდილება. - აღნიშნა პრემიერმა. ... ...
  • საჯავახოზე მომხდარ ავარიას მამაკაცის სიცოცხლე ემსხვერპლაცოტა ხნის წინ, ავტოავარია მოხდა ჩოხატაურში, ე.წ. საჯავახოს უღელტეხილზე. როგორც თვითმხილველებმა გვითხრეს, ერთმანეთს ორო ავტომობილი შეეჯახა. შეჯახების შედეგად ჩოხატაურელი მამაკაცი, სოფელ შუა ამაღლებაში მცხოვრები ნ.კ. ემსხვერპლა. მომხდარზე უკვე დაწყებულია ... ...
  • ავარიის გამო წეროვანთან რამდენიმე კილომეტრიანი საცობიაამ წუთებში მოძრაობა შეჩერებულოა ავტობანზე. წეროვნთან მომხდარი ავარიის გამო გზაზე რამდენიმეკილომეტრიანი საცობია. როგორც "გურია ნიუსს" თვითმხილველებმა უთხრეს, მსუბუქი ავტომობილი სამარშუტო მიკროავტობუსს დაეჯახა, რის შემდეგაც მსუბუქი მიკროავტობუსი, რომელშიც მგზავრები ისხდნენ, საპირისპირო გზაზე მომავალ სატვირთოს დაეჯახა. შემთხვევას მსხვერპლი არ მოჰყოლია. ადგილზე ამ წუთებში საპატრულო პოლიციის ეკიპაჟაჟებია ... ...
  • „ერეკლე მეფის ჩამოყვანილი ივანოვი ვარ და საქართველოზე ვმღერი“ _ოზურგეთული ზეიმის წინა ქრონიკადღეს, დილაადრიან, ოზურგეთში, საქართველოს დამოუკიდებლობის 100 წლის იუბილესთან დაკავშირებული ზეიმის დაწყებამდე,  ქალაქის  ერთ-ერთ ცენტრალურ   ადგილას, ღია ცის ქვეშ,  ორი   მამაკაცის  კარგად შეწყობილი  სიმღერა _ „ქართველო,  ხელი ხმალს იკარ“ _ ისმოდა. როცა მივუახლოვდი, ერთმა სასწრაფოდ შეწყვიტა სიმღერა: „უკვე სურათი გადაგვიღე? ასკანელი კაცი ვარ, მზიანში ვცხოვრობ, ივანოვი ვარ გვარად. აბა, ივანიშვილობა ღმერთმა დამიფაროს.  იცი, როდიდან ვარ საქართველოში? ერეკლე მეფემ რომ თათრების წინააღმდეგ  საბრძოლველად გამოგვიძახა.  მე ქართველი ვარ, სიმღერას სახალხო ლოტბარი ჯემალ ჭელიძე მასწავლიდა. ვიმღერებ კიდევ ცოტა ხანს, მერე კი წავალ და ხვალიდან ასკანაში შრომას შევუდგები. აბა, რავა გგონია... ჰარალალე,   ,,თოფი ვერაფერს დამაკლებს, თუ ხელში ხმალი მიჭირავს“... „ ჰე, ჩემო ლამაზო სამშობლო, შენ კი გენაცვალე“ _ ასე, საუბარის და სიმღერის მონაცვლეობით, კითხვის დაუსმელად გაგვეცნო  ასკანელი ტარიელ ივანოვი. _ ბატონო ტარიელ, ივანიშვილობა რატომ დაგიფაროთ ღმერთმა? _ რატომ  გეღიმებათ? იმიტომ, რომ პუტინი მეორე  ჰიტლერია. ვერც „ედიკამ“ გააგდო აქიდან, ვერც _ მიშამ და ვერც აი ივანიშვილი უშობა რამეს, ძაან ყველაფერს რომ გვპირდებოდა.   ვინც საქართველოს  დამოუკიდებლობას ებრძვის, არავინ მიყვარს.  მე მიყვარს მეფე ერეკლე და საქართველო... აგერ, ჩემ წინ რომ კაცი ზის, თემურ შათირიშვილი, ჩემზე უკეთ თუ არა, ნაკლებად არ მღერის. ჩვენ ასე აღვნიშნეთ ამ დილით ჩვენი საქართველოს დამოუკიდებლობის  100 წლის იუბილე. გაუმარჯოს ჩვენს ქვეყანას, _ გვითხრა ტარიელ ივანოვმა და კვლავ გააგრძელა ... ...

არქივი

ზაფრანი

აღმოჩენა, რომელმაც, შესაძლოა, შეცვალოს მსოფლიო ისტორია

დინოზავრის სახეობამ, რომელის ნარჩენებიც ცოტა...

საინტერესო ფაქტები ცაციების შესახებ

1) მსოფლიოს მოსახლეობის 10% ცაციაა....

როგორ შეიქმნა დედამიწა

ამერიკის შეერთებულ შტატებში უახლესი კვლევების...

სამოთხის ფრინველი

სამოთხის ფრინველი – ზღაპრულად ლამაზი...

როგორ მოვიპოვოთ წარმატება

იყავით იმ ადამიანების გარემოცვაში, რომლებიც...

წითელი ხახვი კიბოს წინააღმდეგ

იცით თუ არა, რომ წითელი...
კარმიდამო ჩემი

მარტო კაცის დიდი მეურნეობის სავიზიტო ბარათი იხვისა და ბატის ფერმაა

ლანჩხუთის მუნიციპალიტეტის სოფელ სუფსის მკვიდრი...

ევკალიპტი _"ტყეების ალმასი" და მისი ისტორია საქართველოში

ევკალიპტის კულტურას საქართველოში საუკუნეზე ცოტა...

როგორ გადავრგოთ და გავახაროთ ჟოლო

კენკროვანი კულტურები დღეს განსაკუთრებული პოპულარობით...

როგორ გამოვხადოთ თაფლის არაყი

საქართველოში მეფუტკრეობის განვითარების მრავალსაუკუნოვან გზაზე...

მაისში განსაკუთრებით ვიზრუნოთ შეწამვლით სამუშაოებზე

აპრილის ბოლოს, მაისის დასაწყისში, თვის...

როგორ ავიმაღლოთ იმუნიტეტი

იმუნიტეტი ეს არის ორგანიზმის დამცველობითი...

ბროკოლი გულს დაავადებებისგან იცავს

ორთქლზე მომზადებული კომბოსტო ბროკოლი გულის...

ეთნოგრაფიული ნივთების კოლექციონერის მიზნები და გულისტკივილი

დღეს საქართველოში მრავალი ეთნოგრაფიული მუზეუმი...

როდის დავთესოთ და როგორ მოვუაროთ ბოსტნეულს ღია გრუნტში

მარტის ბოლოს და აპრილის დასაწყისში...

შინაური პირუტყვის პროფილაქტიკა საგაზაფხულოდ

გამოზამთრებულ შინაურ პირუტყვს, მსხვილფეხა თუ...

თხილის პირველი საგაზაფხულო წამლობის პრინციპი

ვაგრძელებთ რჩევების მიცემას იმ ადამიანებისთვის...