ვის სურს ჩოხატაურის გამგებლობა და ვინ რას არკვევს "ოცნების" პოლიტსაბჭოში

მთავარი თემა

ვის სურს ჩოხატაურის გამგებლობა და ვინ რას არკვევს "ოცნების" პოლიტსაბჭოში

2017 ივნ 7 12:04:18

„ქართულ ოცნებაში“ მუნიციპალიტეტების  გამგებლებისა და მერების კანდიდატურებზე ჯერ  საბოლოო გადაწყვეტილება არ მიუღიათ. პარტიაში, ამ ეტაპზე სოფლის მაჟორიტარების კანდიდატების შერჩევით არიან დაკავებულები და პოზიციებზე ჯერდებიან.

როგორც „ოცნებაში“ ამბობენ, ამის მერე დაიწყება გამგებლებისა და მერების კანდიდატურებზე მსჯელობა. თუმცა, მსურველების უკვე ცდილობენ პოლიტსაბჭოში მხარდამჭერები მოიპოვონ.

„გურია ნიუსის“ ინფორმაციით „ქართული ოცნებიდან“ ჩოხატაურის გამგებლობა სამ ადამიანს სურს _ გოჩა მეგრელიშვილს, დავით ჟღენტს და მოქმედ გამგებელს ირაკლი კუჭავას.

გოჩა მეგრელიშვილი, რომელიც 2013-2014 წლებში „ოცნების“ გურიის კოორდინატორი იყო, ჩვენთან საუბრისას აღნიშნავს, რომ გამგებლობის სურვილი აქვს, თუმცა, გარკვეული არაფერია:

_ სურვილი მაქვს და ვნახოთ, რა იქნება, როგორ განვითარდება მოვლენები, _ გვითხრა მეგრელიშვილმა.

_ ბატონო გოჩა, იმ შემთხვევაში, თუკი თქვენი კანდიდატურა მმართველმა გუნდმა არ დააყენა, დამოუკიდებლად ცდით ბედს?

_ არ ვიცი, ჯერ არ გადამიწყვეტია.

_ „ოცნებასთან“ მუშაობთ?

_ კი, _ აღნიშნა მეგრელიშვილმა.

გამგებლობის სურვილს გვიდასტურებს ბიზნესმენი დავით ჟღენტიც, რომელმაც 2016 წლის საპარლამენტო არჩევნებზე დამოუკიდებლად დააყენა კანდიდატურა:

_ მხოლოდ სურვილზე არ არის დამოკიდებული. თუ ღირსეულ კანდიდატურას შეარჩევენ, რომელიც  წლობით გადაუჭრელ პრობლემას მოაგვარებს ან შეეცდება მის მოგვარებას ისე, როგორც ეს სჭირდება ჩოხატაურს, ამ შემთხვევაში არ მექნება სურვილი.

_ ასეთ კანდიდატად ვინ გესახებათ?

_ ეგ დამოკიდებულია მმართველ პარტიაზე და მოსახლეობაზე.

_ ჩვენი წყაროს ინფორმაციით, ახლო კავშირები გაქვთ მოქმედ და ყოფილ პრემიერთან. გვითხრეს, რომ მათი დახმარებით ცდილობთ, „ქართულმა ოცნებამ თქვენი კანდიდატურა დააყენოს...

_ კონკრეტული არავისთან არ მაქვს ასეთი კავშირები, მაგრამ გარკვეულწილად ვიყავი გარკვეული მხარდამჭერი.

_ კითხვაზე არ მპასუხობთ _ „ოცნებაში“ ცდილობთ „გარკვევას“?

_ არავისთან არაფრის გარკვევას არ ვცდილობ. ჩემი პოზიცია ძალიან მარტივია _ თუკი დააყენებენ ღირსეულ, საქმის გამკეთებელ კანდიდატურას, პირიქით, მივესალმები.

_ ეს კანდიდატი არის მოქმედი გამგებელი?

_ კონკრეტულ გვარს და სახელს არ დავასახელებ.

_ ბატონო დავით, თუკი მმართველმა გუნდმა ისევ ირაკლი კუჭავა დააყენა, თქვენ დამოუკიდებლად ცდით ბედს?

ამაზე ჯერ ვერ გიპასუხებთ. ბუნებრივია, რომ რაიონისთვის ამ წლების განმავლობაში მეტის გაკეთება შეიძლებოდა _ ვგულისხმობ იმ გამგებლებს, რომლებიც იყვნენ მანამდე და რომელიც არის დღეს. ამიტომაც ვამბობ, რომ თუ ისეთ კანდიდატურას წამოაყენებენ, რომელიც ჩემი შეხედულებით ვერ იქნება საქმის გამკეთებელი, ვიფიქრებ, რა ფორმით და როგორ დავაყენო კანდიდატურა.  რაც შეეხება მოქმედ გამგებელს _ ირაკლი კუჭავა ჩემი ყოფილი თანამშრომელია, მასთან პიროვნული გართულება არ მაქვს, მაგრამ ველოდი, რომ მეტს გააკეთებდა. თუმცა, ეს ყველაფერი „ოცნებამ“ უნდა გადაწყვიტოს, _ გვითხრა ჟღენტმა.

მოქმედი გამგებელი ირაკლი კუჭავა „გურია ნიუსთან“ საუბრისას ამბობს, რომ „ყველა გადაწყვეტილება ცენტრალურ ოფისთან შეთანხმებით იქნება მიღებული“:

_ გარდა იმისა, რომ მუნიციპალიტეტის გამგებელი ვარ, ამასთან ერთად, მოქალაქეთა პოლიტიკური გაერთიანება ,,ქართული ოცნების " საოლქო ორგანიზაციასაც ვხელმძღვანელობ _ სხვათა შორის, სამჯერ ზედიზედ არჩეული პარტიულ კონფერენციაზე. ასე რომ, ყველა გადაწყვეტილება ცენტრალურ ოფისთან შეთანხმებით იქნება მიღებული, _ ასეთი პასუხი მოგვწერა კუჭავამ კითხვაზე, რა მოლოდინები აქვს და იმ შემთხვევაში, თუკი „ოცნება“ უარს ეტყვის, ცდის თუ არა ბედს დამოუკიდებლად.

კუჭავამ სხვა კითხვებზე პასუხის გაცემაზე უარი თქვა და შესაბამისად, არც ის გვითხრა, პოლიტსაბჭოს რომელ წევრთან ცდილობს საკუთარი პოზიციების გამყარებას.




 ახალი ამბები
  • დვაბზუს ადმინისტრაციული შენობის დაზიანების ფაქტზე 1 პირი დააკავესშინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1982 წელს დაბადებული ჯ.წ. ნივთის დაზიანების ან განადგურების ფაქტზე ამხილეს. დანაშაული 1-დან 3 წლამდე ვადით თავისუფლების აღკვეთას ითვალისწინებს. გამოძიებამ დაადგინა, რომ არაფხიზელ მდგომარეობაში მყოფმა ბრალდებულმა მიმდინარე წლის 17 მაისს, შურისძიების მიზნით, ოზურგეთის მუნიციპალიტეტის სოფელ დვაბზუს ადმინისტრაციული შენობის მინები ჩაამსხვრია, რის შემდეგაც ამავე შენობაში არსებული ინვენტარი _ ტელევიზორი, მოდემი, ვენტილატორი, ტელეფონი და კომპიუტერის პრინტერი დააზიანა. გამოძიება საქართველოს სსკ-ს 187-ე მუხლის 1-ლი ნაწილით მიმდინარეობს, სხვისი ნივთის დაზიანების ან განადგურების ფაქტზე, რამაც მნიშვნელოვანი ზიანი ... ...
  • გიორგი მიქაუტაძე უვადო მოსამართლედ განამწესეს იუსტიციის საბჭოს მდივანი გიორგი მიქაუტაძე თბილისის საქალაქო სასამართლოს ადმინისტრაციულ საქმეთა პალატაში მოსამართლედ უვადოდ გაამწესეს. მიქაუტაძის კანდიდატურას საბჭოს 11-მა წევრმა ერთხმად დაუჭირა მხარი. მიქაუტაძესთან ერთად საქალაქოს ადმინისტრაციულ კოლეგიაში ნიკოლოზ მარსაგიშვილი გაამწესეს. საქალაქო სასამართლოს ადმინისტრაციულ საქმეთა პალატაში 2 ვაკანსიაზე 28 კანდიდატი ... ...
  • WHO : მნიშვნელოვანია ყურადღების გამახვილება ურბანულ განვითარებაზეჯანდაცვის მსოფლიო  ორგანიზაციის ინფორმაციით, მსოფლიო მოსახლეობის ნახევარი ქალაქებში ცხოვრობს, 2050 წლისთვის კი, მოსახლეობის რაოდენობის ზრდის შედეგად, ქალაქებში კიდევ 2.5 მილიარდი ადამიანი იცხოვრებს. აღნიშნული ტენდენცია კი  ნიშნავს, რომ მნიშვნელოვანია ყურადღების გამახვილება ურბანულ განვითარებაზე, რომ ხელი შეეწყოს ჯანსაღ ცხოვრებას ქალაქში. როგორც ჯანდაცვის მსოფლიო ორგანიზაციაში ამბობენ, ხალხი ქალაქში საცხოვრებლად ცხოვრების გასაუმჯობესებლად გადადის. თუმცა, ურბანული ცხოვრება  საზოგადოების ჯანმრთელობის სფეროში ბევრ გამოწვევას ქმნის. მაგალითად, არის  ქალაქები, რომლებსაც არ აქვთ სუფთა წყლის, სანიტარიისა და ნარჩენების მართვისთვის ეფექტური სისტემები, სადაც შეგხვდებათ ისეთი დაავადებები, როგორიცაა ქოლერა და დიარეა. ქალაქები ასევე დგანან დაბინძურებული ჰაერის, არაჯანსაღი კვების და არასაკმარისი ფიზიკური აქტივობის წინაშე. გარდა ამისა, საგზაო უსაფრთხოება და ძალადობა არის მუდმივი შეშფოთების საკითხი, ისევე როგორც ფსიქიკური ჯანმრთელობა. ჯანმრთელობაზე გავლენას ახდენს მრავალი ფაქტორი, რომელიც ცდება ჯანდაცვის მომსახურების ხელმისაწვდომობას. ეს მოიცავს ინფრასტრუქტურულ საკითხებს, ასევე დასაქმების, განათლებისა და საკვებ პროდუქტზე ხელმისაწვდომობას. ჯანდაცვის მსოფლიო ორგანიზაციის განცხადებით,  უნდა შეიქმნას ქალაქები, რომლებიც მათი დიზაინით, პოლიტიკით და პროგრამებით ჯანმრთელობას ხელს შეუწყობენ.       ... ...
  • ევაკუაცია ყავლაშვილის ქუჩაზე_ ჩამონგრეულია სახლის ნაწილითბილისში, შოთა ყავლაშვილის ქუჩაზე 2-სართულიანი საცხოვრებელი სახლის ნაწილი ჩამოინგრა. როგორც საგანგებო სიტუაციების მართვის სამსახურში აცხადებენ, შემთხვევის შედეგად არავინ დაშავებულა. ადგილზე მისვლისთანავე მეხანძრე-მაშველებმა უსაფრთხოების მიზნით, ამავე შენობასა და მის მიმდებარედ მცხოვრები მოსახლეობის ევაკუაცია განახორციელეს. ადგილზე მიღებულია უსაფრთხოების ზომები.       ... ...
  • ჭიათურაში არსებული სიტუაცია არის მძიმე და მე ვიზიარებ ჩვენი მაღაროელების მოთხოვნას _ ბახტაძეჭიათურაში არსებული სიტუაცია არის მძიმე და მე ვიზიარებ ჩვენი მაღაროელების სამართლიან და ობიექტურ მოთხოვნას ისეთ საკითხებში, როგორიც არის შრომის უფლებები, უსაფრთხოება, სამედიცინო მომსახურება ადგილზე, კვება, - განაცხადა საქართველოს პრემიერ-მინისტრმა.პრემიერ-მინისტრმა მოუწოდა ორივე მხარეს, მისაღებ შედეგებზე დროულად ჩამოყალიბდნენ.„მე ვიცი, რომ ამავე დროს, კომპანიამ მიიღო გადაწყვეტილება, მათ გააკეთეს შეთავაზება და მინდა ორივე მხარეს ვთხოვო, რომ რაც შეიძლება მეტი ინტენსიური დიალოგის შედეგად დროულად ჩამოვყალიბდეთ მისაღებ შედეგებზე. ეს არის სისტემური მნიშვნელობის მქონე საწარმო ჩვენი ეროვნული ეკონომიკისთვის და მისი სრულფასოვანი ფუნქციონირება არის ძალიან მნიშვნელოვანი“, _ განაცხადა მამუკა ... ...

არქივი

ზაფრანი

მიირთვით ბევრი ვაშლი, კივი და ფორთოხალი

მწვანე ჩაი არა მხოლოდ აუმჯობესებს...

ბრიტანელმა სწავლულებმა სინათლის სხივების შენელება ისწავლეს

ბრიტანელმა სწავლულებმა კიდევ ერთი ნაბიჯით...

შაოლინის მონასტრის დიეტა

დიეტით მხოლოდ ლამაზი ქალბატონები როდის...

როგორ ვებრძოლოთ სლოკინს

სლოკინთან დაკავშირებით შესაძლოა ბავშვობა და...

როგორ მოვიშოროთ კბილის ტკივილი

ყველაზე მარტივი რეცეპტები: მოამზადეთ "სალბის"...

გინდათ, არასდროს გასუქდეთ?

ზოგიერთი ჩვენგანი თვით ბუნებამ დაასაჩუქრა,...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...