ზედამხედველობის სამსახური: "ბოშებთან მუშაობა რთული თემაა" _ რეგულაციების გარეშე ვაჭრობა ოზურგეთის ცენტრში

მთავარი თემა

ზედამხედველობის სამსახური: "ბოშებთან მუშაობა რთული თემაა" _ რეგულაციების გარეშე ვაჭრობა ოზურგეთის ცენტრში

28 ოქტ. 2020, 15:10:06

ოზურგეთის ცენტრში, გურიის ქუჩის დასაწყისში, ე. წ. "ბირჟაზე", ბოლო თვეებია, ბოშათა "სავაჭრო ბანაკი", როგორც აქ ამბობენ, იერიშით შემოვიდა მოედანზე _ მათ შემოიტანეს და პირდაპირ ძირს დაყარეს ტანსაცმელი თუ ფეხსაცმელი, სხვადასხვა დასახელების სამოსი და ყოველგვარი წესების დაცვის გარეშე ვაჭრობენ.

მიუხედავად მოქალაქეთა გულისწყრომისა, რომლებიც სამართლიანად ვერ ეგუებიან აქ გამეფებულ ანტისანიტარიას, ხმაურს, მოვაჭრეთა უხეშ გამოხტომებს, ვითარება უცვლელია. ადამიანები ნერვიულობენ ბევრი რამის გამო. უპირველეს ყოვლისა, იმიტომ, რომ პანდემიის პირობებში, ასეთ ვითარებას, შესაძლოა, ძალიან ცუდი შედეგი მოჰყვეს.

"გურია ნიუსის" სანდო წყაროს ინფორმაციით, ოზურგეთში შემოსული მოვაჭრე ბოშები, ძირითადად, ფოთის მცხოვრებლები არიან. წყაროსვე ცნობით, თავიანთ ქალაქში, სწორედ ასეთი თავნებობისა და ყოველგვარ წესრიგს მოკლებული ქცევის გამო, არ მისცეს გარე ვაჭრობისთვის უფლება.

_ დანამდვილებით ვიცი, რომ ეს ხალხი ფოთიდანაა. ფოთის მერიის ზედამხედველობის სამსახურის ინიციატივით, ქალაქში გარე ვაჭრობა მაქსიმალურად კონტროლდება. იქ არ დაუშვეს ქუჩებში დაყრილი ტანსაცმლით ვაჭრობა. რაკი ნება არ დართეს, ესენიც აქეთ გამოეშურნენ. ოზურგეთი ნახეს დაბალი ღობე? ვის ინტერესებში შედის ეს? და თუ არ შედის, ასეთი მიშვებულობა შეიძლება? _ გვეუბნება წყარო.

კიდევ ერთი წყაროს ინფორმაციით, აღნიშნულმა მოვაჭრეებმა ქუთაისშიც მოსინჯეს ნიადაგი. თუმცა, არც იქ მისცეს უფლება, ქუჩებში, ფილაქანზე დაყრილი ტანსაცმლით ევაჭრათ.

მხოლოდ ამის შემდეგ შემოვიდნენ ისინი ოზურგეთში და აგვისტოდან მოყოლებული, ქალაქის ცენტრალურ ადგილზე, გადაადგილება ჭირს. გარდა ამისა, ყველაზე მთავარი _ პანდემიის პირობებში, ყოვლად მოუთმენელი ვითარება, რასაც ადამიანი ხედავს, ძირითადად, არის ის, რომ არც ერთ მოვაჭრეს არ უკეთია პირბადე, არ იცავენ ელემენტარულ სანიტარულ ნორმებს. ხშირად ყრია ნაგავი, სხვადასხვა ნარჩენები.

მოქალაქეთა დიდი ნაწილი, იმ მომხმარებლებზეც ბრაზობს, ვინც აქ სავაჭროდ მოდის და თავადაც ხშირად პირბადის გარეშე, როგორც ამბობენ, "ერთმანეთს პირში უძვრებიან", ფასის დაკლებაზე ვაჭრობით.

_ აქ რა მდგომარეობაც არის, "ბოსელშიც" არ იქნება. ვინაა განმკითხავი?! ასე რატომ მიუშვეს ეს ბოშები, იქნებ, ვინმემ გაგვცეს პასუხი? ადგილობრივ მცხოვრებს, ფერმერს, სოფლიდან ჩამოსულ ადამიანს თუ გააბედინებს ვინმე, დაჯდეს ქალაქის ცენტრში და გამოფინოს თავის "ტავარი"? მიდით, უთხარით რაიმე ამათ _ შესაძლოა, მუშტი-კრივზეც გადმოვიდნენ. ბილწსიტყვაობა კი ამათი მოგონილია... _ გვეუბნებიან ადამიანები, რომლებიც ახლო-მახლო არსებულ სავაჭრო დაწესებულებებსა და ორგანიზაციებში მუშაობენ. თან ვინაობის გამხელას ერიდებიან.

"გურია ნიუსი" გურიის ქუჩაზე, ე.წ. "ბირჟის" სივრცეს ეწვია. მოედანი, რომელიც მთლიანად დაკავებული აქვთ მოვაჭრეებს, ფოტოები გადავიღეთ, რის გამოც მაშინვე განაწყენდნენ და ახმაურდნენ, რა უფლებით ვუღებდით(?!).

როცა შევახსენეთ, რატომ არ ეკეთათ პირბადე, მაშინ დაიწყეს ჯიბეების მოჩკრეკა. ხმაურს კი მოუმატეს, რადგან არავის ეშინიათ, არც არავის ერიდებიან. ანტისანიტარია, ხშირად ნაგვის ძირს დაყრა, შეხსენების შემდეგ, გამოღმა შემოდავება და მუქარა, მათი მხრიდან ჩვეულებრივ მოვლენად იქცა.

ჩვენს არაერთხელ გამეორებულ კითხვაზე, რატომ არის ანტისანიტარია, რატომ ყრია ტანსაცმელი მიწაზე, რატომ არ უკეთიათ პირბადე და საერთოდ, ვინ მისცათ მათ ასეთი თავნებობის უფლება პანდემიის პირობებში, გაბრაზებულებმა უხეშად გვიპასუხეს:

_ ვინ გკითხავს, რომ იღებ? გგონია, წავალთ? თუ წავალთ, სამ დღეში აგაორთქლებს პოლიცია... და კიდევ ჩვენი წყევლა, გაიგე? პირბადე აგერაა... პირბადე და "ტრუსიკი" დეიხურე თავზე, _ აყვირდნენ ქალბატონები, რომლებსაც საცვლების გროვები ცალკე, პირდაპირ ფილაქანზე ჰქონდათ დაყრილი.

პანდემიის პირობებში ამ მოუთმენელ მდგომარეობას მშვიდად უყურებს ადგილობრივი ხელისუფლება, ასეთი ყოველდღიურობისგან შეწუხებული მოქალაქეები კი სვამენ კითხვას: "ვის აძლევს ხელს ასეთი ვითარება? ვინ მფარველობს ბოშებს?"

ჩვენ მუნიციპალიტეტის მერიის ზედამხედველობის სამსახურს მივმართეთ. ამ ეტაპზე ამ სამსახურს უფროსი არ ჰყავს. გაგვცეს ზოგადი პასუხი, რომ მათ არ აქვთ ბერკეტი, მოაგვარონ ეს პრობლემა.

ზედამხედველობის სამსახურის რამდენიმე თანამშრომელმა, მათ შორის, გენადი კიშინსკიმ გვითხრა, რომ ბოშებთან მუშაობა რთული თემაა(?!).

ზედამხედველობის სამსახურის განყოფილების უფროსმა ნანა ხომერიკმა, სატელეფონო საუბარში გვითხრა, რომ არაერთხელ სცადეს ბოშებთან მოლაპარაკება, თუმცა უშედეგოდ:

_ ვიცი ამ მდგომარეობის შესახებ. არაერთხელ ვიყავით და ვცადეთ, აგვეხსნა მათთვის, რომ დაეტოვებინათ იქაურობა. ოფიციალურად მივმართეთ პოლიციას, თუმცა, დღემდე შედეგი არ დამდგარა. გასაგებია და სამართლიანია თქვენი, ასევე, საზოგადოების პოზიცია, რომ დაუშვებელია ასეთი გარემო, თუნდაც პანდემია არ იყოს. პანდემიის პირობებში კი, მით უფრო მოუთმენელია. ახლა შვებულებაში ვიმყოფები, 27 ოქტომბერს ვბრუნდები შვებულებიდან (სტატია მომზადდა 25 ოქტომბერს. რედ.) და აუცილებლად გავატარებთ ოპერატიულ ღონისძიებას, _ გვითხრა ხომერიკმა.

ამასობაში კი, იქვე, ასიოდე მეტრში, აგრარული კულტურებით მოვაჭრე შოთა შაქარიშვილი მწარედ ხუმრობს:

_ ასჯერ რომ მათრიეს, გარე ვაჭრობა აქ არ შეიძლება და რატომ დგახარო, "გურია ნიუსს" ხომ ბევრჯერ ეწერა? მე მახსოვს თქვენი თანადგომა. ამ ჩემი ათი მუჭა მწვანილით არ შეიძლებოდა დადგომა და ეს ბარდაგი მოსათმენია? ამიტომ გეტკინება ადამიანს გული და ჩაიქნევ ხელს... რაც უფრო წესიერად მოიქცევი და დამყოლი გახდები, უფრო მეტად ჩაგწიხლავენ. ვინც თავხედობს და ჯიქურ მიიწევს, არც ნებართვას ეძებს და პირადობის დამადასტურებელი მოწმობებიც არ აქვთ, რომ მოთხოვო... აგერ, ბატონო, ვინ უბედავს რამეს?!

"გურია ნიუსი" საგანგებოდ მიადევნებს თვალს გურიის ქუჩაზე არსებულ მდგომარეობას და ინფორმაციას ოპერატიულად მივაწვდით მკითხველს.




 ახალი ამბები
  • იუსტიციის სამინისტრო ახალშობილთა მშობლებს 25-ლარიან სასაჩუქრე ვაუჩერს გადასცემს15 დეკემბრიდან ახალშობილთა მშობლებს, რომლებიც იუსტიციის სამინისტროს შვილის დაბადების რეგისტრაციისთვის მიმართავენ, 25-ლარიანი სასაჩუქრე ვაუჩერი გადაეცემათ. მშობლები ასევე მიიღებენ ფასდაკლების ბარათებს ბავშვთა კვებისა და მოვლის საშუალებებზე. „2016 წელს დაწყებული სოციალური პროექტი „კეთილი იყოს შენი მობრძანება“ კიდევ უფრო დიდ მასშტაბს იძენს. პროექტი, რომელიც დღემდე სოციალურად დაუცველ ოჯახებში დაბადებული ახალშობილებისათვის იყო განკუთვნილი, საყოველთაო ხდება. 15 დეკემბრიდან ახალშობილთა მშობლებს, რომლებიც იუსტიციის სამინისტროს შვილის დაბადების რეგისტრაციისთვის მიმართავენ, 25-ლარიანი სასაჩუქრე ვაუჩერი გადაეცემათ. ისინი მიიღებენ ფასდაკლების ბარათებსაც ბავშვთა კვებისა და მოვლის საშუალებებზე; სოციალურად დაუცველთა სასაჩუქრე პაკეტი კი, მნიშვნელოვნად უმჯობესდება. გაუმჯობესებულ პირობებს იუსტიციის სახლსა და სს „გეფას“ შორის თანამშრომლობის განახლებული მემორანდუმი ითვალისწინებს, რომელსაც 1-ლ დეკემბერს ხელი მოაწერეს იუსტიციის სახლის აღმასრულებელი დირექტორის მოვალეობის შემსრულებელმა ავთანდილ კოხრეიძემ და სს „გეფას“ დირექტორმა მიხეილ აბრამიძემ. პროექტი „კეთილი იყოს შენი მობრძანება“ ახალშობილებს ორ განსხვავებულ პაკეტს სთავაზობს. სოციალურად დაუცველ ოჯახებში დაბადებული ახალშობილების მშობლები, შვილის დაბადების მოწმობასთან ერთად, ჩვილის ტანისამოსისა და ჰიგიენური საშუალებების გარდა, ბავშვთა მოვლისა და კვების პროდუქტებზე 25-ლარიან ვაუჩერებს მიიღებენ; ბავშვის საფენების, კვებისა და მოვლის ბრენდებზე კი, ერთი წლის განმავლობაში 30-40-პროცენტიანი ფასდაკლებით ისარგებლებენ. ამასთან, ბენეფიციარები სხვადასხვა მწარმოებლის პროდუქციის შეძენისას ერთჯერადად 50-პროცენტიანი ფასდაკლების ბარათით სარგებლობას შეძლებენ. სოციალურად დაუცველი ოჯახების გარდა, სასაჩუქრე ნაკრები გადაეცემა იუსტიციის სახლში, საზოგადოებრივ ცენტრსა თუ სახელმწიფო სერვისების განვითარების სააგენტოს ტერიტორიულ სამსახურში მისულ ყველა მშობელს, რომლებიც პირველად იღებენ ბავშვის დაბადების დამადასტურებელ მოწმობას. მათ ბავშვთა მოვლისა და კვების პროდუქტების 25-ლარიანი ვაუჩერები გადაეცემათ. გარდა ამისა, ბავშვის საფენების, კვებისა და მოვლის კონკრეტული ბრენდების შეძენას 10-20-40%-იანი ფასდაკლებით შეძლებენ. პროექტის ბენეფიციარები ვაუჩერების გამოყენებას სს „გეფას“ სააფთიაქო ქსელებში − „ფარმადეპოსა“ და „ჯპს“-ის ფილიალებში შეძლებენ, რომლებიც საქართველოს ყველა რეგიონში ფუნქციონირებს. პროექტი „კეთილი იყოს შენი მობრძანება“ 2016 წლის 17 ოქტომბერს იუსტიციის მინისტრის ინიციატივით ამოქმედდა, რომლის ფარგლებშიც სასაჩუქრე ნაკრები სოციალურად დაუცველ ოჯახში დაბადებულ 15 000-ზე მეტ ახალშობილს გადაეცა; დღეიდან კი, პროექტის გაზრდილი შესაძლებლობების გათვალისწინებით, რაც საქართველოში დაბადებული ყველა ახალშობილის დასაჩუქრებას გულისხმობს, ბენეფიციართა რაოდენობა წლიურად 50 000-ს გადააჭარბებს. აღსანიშნავია, რომ პროექტს სისტემატური სახე ექნება, ვინაიდან იუსტიციის მინისტრის გადაწყვეტილებით, იუსტიციის სახლმა სოციალურად დაუცველი ახალშობილების დასაჩუქრება მუდმივ ვალდებულებად აიღო“,- აღნიშნულია იუსტიციის სამინისტროს მიერ გავრცელებულ ... ...
  • საარჩევნო პლაკატების ნარჩენები ოზურგეთში: „ეს რამიშვილის კი არა, ახეულ-ჩახეულების ქუჩაა“ ოზურგეთში, ხეებზე, ღობეებზე, შენობების კედლებზე კვლავ ბლომად შეხვდებით  საარჩევნო პლაკატების ნარჩენებს. თუმცა, ამ მხრივ, განსაკუთრებით გამოირჩევა ქალაქის ცენტრში მდებარე  ნინო რამიშვილის ქუჩა. _ ეს რამიშვილის კი არა, ახლა ახეულ-ჩახეულების ქუჩაა. ასე გააშპალიერეს, აწებეს და აგოზეს კედლებზე. მერე კი გოუყვნენ კუდიგორის გზას. ახლა ჩვენ უნდა  ვფხიკოთ? გადაიღეთ, ჰო, უცებ არ შერცხვეთ, გამოიქცევიან და გადაფხეკვაში ფრჩხილებს წეიძრობენ, _ ხუმრობენ,  იქვე, თხილის მიმღებ პუნქტებში ... ...
  • „ბაჩონკით“ მოზიდულ წყალს ჭაში ვასხამთ, მერე ვქაჩავთ... “ : უწყლობა და ციტრუსოვანთა რთველი ოზურგეთის მუნიციპალიტეტის სოფლებში, მერიაში, ხვარბეთში და კონჭკათში, ახლა ჩვეულებრივ ციტრუსოვანთა ოქროს რთველია. ადგილობრივებს უხარიათ, რომ  წელს მანდარინის კარგი მოსავალია და კლიენტიც ბევრი მოდის. _წელს, ალბათ, ჩვენთან დეკემბრის შუა რიცხვებში ხალხს მანდარინი რეალიზებული ექნება. თუმცა,  მოკრეფილი მოსავლის ნახევარი მიაქვთ მხოლოდ.  არჩევენ. მთავრობა უნდა იბარებდეს, უკეთესი იქნებოდა. გადავყევით, შევწამლეთ. რა  რჩება მანდარინის მფლობელს? აგერ, მზევინარ ღლონტის ეზოში მოვკრიფეთ. დღიურად 35 ლარს გვიხდის. 68 ლარი ერთ ტომარა ფქვილში მივეცი. ყველაფერი გაძვირებულია. თვითონ მზევინარმა 900 ლარი აიღო გუშინ, გორელებმა წაიღეს. 7 00 ლარი მკრეფავებისთვის გადაიხადა. რა დარჩა?  ორივე მხარე წაგებული ვართ, _ გვეუბნებიან მერია -კონჭკათის საზღვარზე მცხოვრები ქალბატონები:  მანანა ვასაქძე, ფატი დოლიძე და მადონა დიასამიძე. _ მერიას წყალი საერთოდ არ აქვს. კონჭკათში ნახევარ სოფელს მაინც აქვს გაკეთებული. დავდივართ  კარდაკარ. ვიღაცის ჭაში რომ წყალი ამოვიღოთ. მოგვაქვს „ბაჩონკებით“, ვასხამთ ჩვენს ჭაში. მერე უნდა  ჩავრთოთ „ტუმბო“,  უნდა  „ავწიწოთ“  ავზში, რომ ისევ უკან სახლში,  ონკანში წამოვიდეს. ასე ძლივს ვახერხებთ ჭურჭლის გარეცხვას და საჭმელის გაკეთებას. თქვენ გეცინებათ და ასე ვართ, ასე!  ჰიგიენა იქნება ასეთ პირობებში? არც გაზია, მაგრამ უგაზოდ გავძლებთ, უწყლოდ სანამ ვიყოთ? ახლა ციტრუსოვან ბაღებში რომ ვმუშაობთ და ხელის დასაბან წყალს გამოიზოგავ, თან ამ  გაგანია პანდემიის დროს, როგორია? სოფელში მცხოვრები მოსწავლეები, რომლებიც ონლაინსწავლების რეჟიმში იმყოფებიან, ამბობენ, რომ პანდემიის პირობებში ბავშვები იჩაგრებიან, სწავლის მხრივ.  ბევრს არ აქვს ინტერნეტი და სწავლის პროცესს ძალიან ჩამორჩენილი არიან. _გარდა ამისა, ერთი სტადიონის გაკეთება არ მოხერხდა მერიაში.  გავიდოდით სტადიონზე. თუარა, კი  ვართ ტელეფონში თავჩარგული _ გვითხრეს მეთერთმეტე კლასელებმა, სანდრო ჯიჯიეშვილმა და გელა ქავჟარაძემ, მეშვიდელკლასელმა თინათინ ჯოგლიძემ. სოფელ კონჭკათში, სეზონზე ათას ტონაზე მეტ ციტრუსოვანს კრეფენ. წელს რეალიზაციის პრობლემა არ აქვთ. ადგილობრივი მკვიდრი, ირაკლი ლოდია ამბობს, რომ  ნახევარ სოფელს უწყლოდ ყოფნა უწევს.   _ბევრი რამ გაკეთდა.  სოფლის  პროგრამით  მოეწყო  გარე განათება, შუაღელის უბანში აიგო ხიდი, ხუთ ადგილზე კი, აღმართებზე, ბეტონის მონაკვეთები დააგეს. ახლა უწყლობა აწუხებს ნახევარ სოფელს  და ესეც თუ მოგვარდება, სასაყვედურო არ გვექნება, _  გვითხრა მან. კონჭკათი-მერიის საზღვარზე,  სოფლის ცენტრალური გზის გასწვრივ, დაუდევარ  ადამიანთა მიერ დაყრილია, როგორც  საყოფაცხოვრებო, ისე სამშენებლო ნაგავი. ვრცელ სტატიას ციტრუსოვან სეზონსა და სხვადასხვა პრობლემებზე, მალე ... ...
  • ნიკო ნიკოლაძის სახელობის სახლ-მუზეუმის დირექტორი კოვიდ-19-ით გარდაიცვალარამდენიმე საათის წინ, სამტრედიის ჯეოჰოსპიტალსში, რომელიც ერთი თვის წინ კოვიდკლინაკად გადაკეთდა, დიდ ჯიხაიშში ნიკო ნიკოლაძის სახელობის სახლ-მუზეუმის დირექტორი, ლია ბიბილეიშვილი გარდაიცვალა. "ერთი კვირა სახლში მკურნალობდა, კორონავირუსი დაუდასტურდა, დამძიმებული მდგომარეობით სამტრედიის სამედიცინო ცენტრში რამდენიმე დღის წინ მოათავსეს. მედიკოსებმა მისი გამოჯანმრთელება და გადარჩენა ვერ მოახერხეს, რადგან შუახანს გადაცილებულ ქალბატონს რამდენიმე თანმხლები დაავადება ჰქონდა: შაქრიანი დიაბეტი და გული ნაოპერაციები. ლია ბიბილეიშვილი დღეს დილით გარდაიცვალა. ის უდიდესი დანაკლისია არა მარტო ჩვენი მუნიციპალიტეტის, დიდი ჯიხაიშის, არამედ მთლიანად იმ საზოგადოებისთვის, ვისაც დიდი ნიკო ნიკოლაძე უყვარს და მის განვლილ ცხოვრების გზას ეთაყვანება", _ თქვა "გურია ნიუსთან საუბრისას სამტრედიის მუნიციპალიტეტის საკრებულოს წევრმა, მამუკა ბიბილეიშვილმა. ლია ბიბილეიშვილი დიდ ჯიხაიშში მარტო ცხოვრობდა. მან მთელი თავისი ცხოვრება ნიკო ნიკოლაძის სახელობის მუზეუმს და დიდი ნიკოს მოღვაწეობის პოპულარიზაციას შესწირა. "გურია ნიუსი" მწუხარებას გამოთქვამს ქალბატონი ლია ბიბილაშვილის გარდაცვალების გამო და თანაუგრძნობს მის ... ...
  • დგას თუ არა გურიაში დამატებითი შეზღუდვების დაწესების აუცილებლობასაქართველოში არსებული ეპიდემიოლოგიური ვითარების გათვალისწინებით, პრემიერ-მინისტრის ხელმძღვანელობით მოქმედმა უწყებათაშორისმა საკოორდინაციო საბჭომ ქვეყანაში მოქმედი წერტილოვანი შეზღუდვების გამკაცრებისა და გაფართოების გადაწყვეტილება მიიღო. რა შეზღუდვები მოქმედებს გურიაში და დგას თუ არა ამ ეტაპზე, დამატებითი შეზღუდვების დაწესების აუცილებლობა, როგორიცაა მუნიციპალური ტრანსპორტის მოძრაობის აკრძალვა_ ამ საკითხზე „გურია ნიუსი“  სახელმწიფო რწმუნებულ ზურაბ ნასარაიას ესაუბრა. „ამ ეტაპზე დამატებით შეზღუდვებზე არ არის საუბარი. თუ ამის აუცილებლობა დადგება, შესაბამისი გადაწყვეტილებაც იქნება მიღებული. შეზღუდვებიდან რეგიონში ვრცელდება ღამის საათებში დაწესებული გადაადგილების შეზღუდვა. დღის განმავლობაში მუნიციპალური ტრანსპორტით გადაადგილება არ არის შეზღუდული”,_ გვითხრა ნასარაიამ. ნასარაიას თქმითვე, შექმნილია სპეციალური ჯგუფები, რომლებიც იმ ობიექტების მონიტორიგს ახორციელებენ, რომელთა მუშაობაც ახლად დაწესებული უწყებათაშორისი საკოორდინაციო საბჭოს გადაწყვეტილებით, შეზღუდულია ან არ არის შეზღუდული. “შესაბამისი ჯგუფებია შექმნილი, რომლებიც მიდიან და აფრთხილებენ ობიექტებს, რომლის შეზღუდვაც დაწესებულია, ვთქვათ რესტორნების, სასტუმროების და ა.შ. და იმათ, რომლებიც  არ იზღუდება, აცნობენ რეკომენდაციებს და ვალდებულებებს, რომლებიც უნდა შეასრულონ და შრომის ინსპექციის გაფრთხილების ჯგუფთან ერთად რამდენიმე დღეში დაიწყება შემოწმებები. თუ აღმოჩდება ისე რომ არ ემორჩილებიან დაწესებულ შეზღუდებს სანქციები იქნება გატარებული”,_ გვითხრა ... ...

არქივი

ტესტები

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ყველაზე, ყველაზე...

იცი თუ არა გეოგრაფია

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

კარმიდამო ჩემი

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...