“გურია ნიუსის“ სპეციალური განცხადება

ფეისბუქსტატუსები

“გურია ნიუსის“ სპეციალური განცხადება

2012 იან 11 13:09:33

ბოლო რამდენიმე დღეა, სახელისუფლებო სატელევიზიო არხები და მედიასაშუალებები მოსახლეობას სისტემატურად აწვდიან ინფორმაციას, რომ სხვადასხვა საინფორმაციო საშუალებები, მათ შორის გაზეთი "გურია ნიუსი", დაფინანსებას იღებენ ბიძინა ივანიშვილის მიერ დაფუძნებული საზოგადოებრივი მოძრაობიდან "ქართული ოცნება". სამწუხაროდ, ივანიშვილის დისკრედიტაციისა და პოლიტიკური ასპარეზიდან ჩამოშორების მიზნით მომართული პროპაგანდისტული მანქანა მხოლოდ იმისთვის ირჯება, რომ მოსახლეობას შეუქმნას ილუზია, თითქოს, დამოუკიდებელი გაზეთი პოლიტიკურად მიკერძოებული და ვინმეს პოლიტიკური ნების გამტარებელია.

ჩვენი საქმიანობის ყველაზე მიუკერძოებლად შემფასებელი მკითხველის, ასევე, საქმეში ჩაუხედავი ადამიანების უკეთ ინფორმირების მიზნით, გთავაზობთ განმარტებას: მედიასაშუალების დამოუკიდებლობას მისი ფინანსური სტაბილურობა და დაფინანსების კანონიერი წყაროები წარმოადგენს. "გურია ნიუსს" დღემდე და მომავალშიც მისი მკითხველი აფინანსებს. იგი ერთადერთი მედიასაშუალებაა, რომელიც 2006 წლიდან, დამოუკიდებელ ფინანსურ აუდიტს ატარებს და აუდიტის დასკვნებს აქვეყნებს, რომ მკითხველმა იცოდეს, რა შემოსავლებით არსებობს იგი. ჩვენ ვამაყობთ, რომ უკიდურესად მძიმე გასაჭირში მყოფი მოსახლეობა, ხანდახან უკანასკნელ თეთრებს გაზეთის შესაძენად იმეტებს და ამიტომაც, მზად ვართ სულით ხორცამდე მათ სამსახურში ვიყოთ. თუმცა, საარსებოდ გაზეთის გაყიდვიდან მიღებული შემოსავალი საკმარისი არ არის, ამიტომ, ვცდილობთ სარეკლამო შემოსავლები მოვიზიდოთ და ყველა მომსახურების კატასტროფულად გაძვირების მიუხედავად, მკითხველისთვის გაზეთზე ხელმოწერის ფასი არ გავზარდოთ _ 3 ლარად, თვეში 8 (ხშირად _ 9) ნომერი სახლში ან სასურველ ადგილას მივაწოდოთ ჩვენი სადისტრიბუციო ქსელის მეშვეობით.

რაც შეეხება ბოლო დღეებში განვითარებულ მოვლენებს: ცივილიზებულმა მსოფლიომ მედიაბიზნესის შემოსავლების წყაროდ, ამ ბიზნესის გაჩენის დღიდან, სხვა გზა არ იცის, გარდა ტირაჟიდან და სარეკლამო გაყიდვებიდან მიღებული შემოსავლებისა. უკვე ათეულობით წელია, როგორც წესი, "გურია ნიუსი", გაზეთის მეორე გვერდზე და ვებგვერდზე აქვეყნებს სარეკლამო ტარიფებს, რომელიც ერთნაირია ყველა შემკვეთისთვის. ნებისმიერ მოქალაქეს, ორგანიზაციას, პოლიტიკურ პარტიას ან ჯგუფს, თანაბრად აქვს უფლება შეისყიდოს საგაზეთო ფართი და გამოაქვეყნოს მისთვის სასურველი სარეკლამო მასალა. ცხადია, ეს მასალა არ უნდა შეიცავდეს ძალადობის მოწოდებას, პიროვნების ეთნიკური, რელიგიური ან რაიმე სხვა ნიშნით დისკრიმინაციას და კანონმდებლობით აკრძალულ სხვა მასალებს. ასეთ შემთხვევებში, "გურია ნიუსი" უარს ამბობს სარეკლამო ფართის გაყიდვაზე.

პოლიტიკური რეკლამა ერთ-ერთი ინსტრუმენტია, რომ საარჩევნო სუბიექტებმა თავიანთი სათქმელი, შეხედულებები, პოლიტიკური მიზნები და სამომავლო გეგმები მიიტანონ ამომრჩევლებამდე; ინფორმაციის თავისუფლად მიღება და გავრცელება კი მოქალაქეთა ფუნდამენტური კონსტიტუციური უფლებაა. დღემდე, წარმოუდგენელიც კი იყო, რომ ამგვარი მარტივი ჭეშმარიტებები ისტერიკული პროპაგანდის საფუძველი გახდებოდა. დღემდე, ყველა საარჩევნო წელს, პოლიტიკური პარტიები და ჯგუფები, ჩვეულებისამებრ, იძენდნენ სარეკლამო ფართს, მათ შორიც, ცხადია, მმართველი პოლიტიკური პარტიაც იყო და იმედი გვაქვს, კვლავაც იქნება. მიუხედავად იმისა, რომ "ნაციონალურმა მოძრაობამ" საპრეზიდენტო, საპარლამენტო და ადგილობრივი არჩევნების დროსაც შეიძინა სარეკლამო ფართი, ამას არავითარი გავლენა არ მოუხდენია ჩვენს სარედაქციო დამოუკიდებლობაზე.

ასევე, არასდროს დაგვიხევია უკან, გვემხილა ხარვეზები ან დარღვევები ოპოზიციური პარტიების საქმიანობაში; არასდროს შეგვიზღუდავს მკითხველი, გამოეხატა საკუთარი პოზიცია, მიუხედავად იმისა, ვეთანხმებოდით თუ არა მის შეხედულებას. რაც მთავარია, მკითხველი არასდროს შეგვიყვანია შეცდომაში და არ შეგვითავაზებია ფარული რეკლამა ან სარეკლამო მასალები, შესაბამისი მითითების გარეშე _ წარწერა: "დაფინანსებული ფართი" ან "ფასიანი პოლიტიკური რეკლამა" ყოველთვის ახლავს სარეკლამო ფართზე გამოქვეყნებულ ტექსტურ თუ ვიზუალურ მასალას.

ამ შემთხვევაშიც, საზოგადოებრივ მოძრაობასთან "ქართული ოცნება" გაფორმდა სტანდარტული ხელშეკრულება სარეკლამო მომსახურების შესახებ, რომლის საფუძველზეც, ერთი წლის განმავლობაში, "გურია ნიუსი" ყოველ ნომერში (ნომრების რაოდენობაა წელიწადში 103) გამოაქვეყნებს პირველი გვერდის მეთექვსმეტედზე (პოლიტიკური რეკლამის ღირებულებით 125 ლარი) და მეოთხე გვერდზე (პოლიტიკური რეკლამის ღირებულებით 300 ლარი) დამკვეთის მიერ მოწოდებულ სარეკლამო მასალებს შესაბამისი წარწერით _ "ფასიანი პოლიტიკური რეკლამა"; ასევე, განათავსებს ვებ-გვერდზე სარეკლამო ბანერს შესაბამისი წარწერით (ღირებულება თვეში 500 ლარი) და სოფლის მეურნეობის დამატებაში "კარმიდამო ჩემი", თვეში 400 ლარის სარეკლამო მასალებს შესაბამისი წარწერით. წლიური სარეკლამო მომსახურების ღირებულებაა სულ 54 150 ლარი.

დაინტერესებულ პირს შეუძლია შეადაროს ხელშეკრულებაში მითითებული ფასები ჩვენი გაზეთის ყოველ ნომერში მეორე გვერდზე გამოქვეყნებულ სარეკლამო ტარიფებს, რათა დარწმუნდეს, რომ ჩვენთან ყველა შემკვეთი თანაბარი უფლებით სარგებლობს. ხოლო სახელისუფლებო მედიასაშუალებებს ვურჩევთ, შეწყვიტონ ცილისმწამებლური კამპანია და როგორც ღირსეული ჟურნალისტის პროფესიული ვალია, დაინტერესდნენ, რაში იხარჯება საბიუჯეტო სახსრები; უკიდურესად მძიმე პირობებში მომუშავე დამოუკიდებელი ჟურნალისტების წლიური შემოსავლებიდან განსხვავებით, რატომ ღირს ანსამბლ "ფემილის" ერთსაათიანი კონცერტი 45 000 ლარი ან რა უჯდება სახელწიფოს ტოტო კუტუნიოს თითო ჩამოსვლა; როგორ ცხადდება 30-მილიონიანი ამნისტია ხელისუფლების მაღალჩინოსნების მიერ მიტაცებული სახელისუფლებო არხების საგადასახადო ვალების ჩამოსაწერად; რამდენი მილიონი "გადაიქაჩა" თუნდაც წინა არჩევნებზე მმართველი პარტიის ღია თუ ფარულ სარეკლამო მომსახურებაზე ან რა უჯდება სახელმწიფოს მმართველი პარტიის ფიარისთვის საჯარო სამსახურებში გაფორმებული "ჟურნალისტების" შენახვა!

გაზეთ "გურია ნიუსის" რედაქცია




 ახალი ამბები
  • ერთდღიანი ბაზრობის პოლიტიკური ელფერიის, რომ ჩოხატაურის მუნიციპალიტეტში ბაზრობა კვირას იმართება, ეს ამბავი ახალი არ არის... და ეს დღეს ჩვეულებრივად ჩაივლიდა, რომ არა აქცია "ვამხილოთ გურული ფეოდალი მაჟორიტარები“. აქციის მონაწილეები დაახლოებით 12 საათისთვის გამოჩდნენ ბაზარში. მათ გამოჩენას, თან "ქართული ოცნების" დეპუტატების გამოჩენა მოყვა. არაერთხელ იყო სიტყვიერი დაპირისპირება და იმის ხსენება, ვინ ვისი პოლიტიკური წევრი იყო ადრე და ა.შ. ასევე აქციაზე ალეკო ელისაშვილი მოსახლეობას ეკითხებოდა მაჟორიტარი-დეპუტატის, ნინო წილოსანის საქმეებზე, რაზეც ზუსტ კონკრეტულ პასუხს იშვიათად სცემდნენ. აქციის პარარელურად "გურია ნიუსმა" რამდენიმე ფოტო გადაიღო, სადაც ხალხი სხვადასხვა პროდუქტების გაყიდვით იყვნენ დაკავებულები. სიძვირე აშკარად ეტყობოდა პროდუქტებს, არა არის გამორიცხული, საახალწლოდ ეს ფასები ... ...
  • ოზურგეთის ხელოვნების ცენტრი 30 წლისაა13 დეკემბერს,  ოზურგეთის მერაბ ბერძენიშვილისსახელობის  ხელოვნების ცენტრის 30 წლის აღსანიშნავ  ღონისძიებაზე , სამხატვრო გალერეაში ბევრ სტუმართან ერთად, თავი მოიყარეს ოზურგეთელმა მასპინძლებმა. _მჯერა, ყველა ჩვენგანი გახარებულია დღეს და თქვენც ასევე გიხარიათ.  30 წელი, შესაძლოა, ბევრი არ არის,   მაგრამ ერთი სერიოზული ეტაპი  მაინც არის.  ამ ხნის მანძილზე 300-მდე გამოფენა ჩარატრდა, თავისი კატალოგებით, ბუკლეტებით. დღევანდელი   დღე ასე ბედნიერად დაიწყო და ასე დამთავრდება _ ჩვენ  გავაკეთეთ კატალოგი, რომელიც შეგიძლიათ,  საჩუქრად წაიღოთ. ჩვენ გავაკეთეთ ასევე  მოკლე კლიპი 30 წლიანი ისტორიისა, რომელსაც ახლა ნახავთ და ბევრი საკუთარ თავსაც იხილავს, რადგან თქვენ ის ადამიანები ხართ, რომლებიც სულ ჩვენთან იდექით, ჩვენ ვართ ცენტრი, სადაც კეთდება რეგიონული გამოფენები, ასევე  გვაქვს უამრავი  გაცვლითი გამოფენები, _ ამ სიტყვებით  გახსნა ღონისძიება  და სტუმრებს მისალმა ოზურგეთის სახვითი ხელოვნების ცენტრის წარმომადგენელი, ლია ურუშაძე. სურატების გალერეის დირექტორმა,  ავთანდილ თავართქილაძემ მადლობა გადაუხადა  სტუმრებს და ესაუბრა 30-წლიან გზაზე, რომელიც გაიარა გალერეამ. _ამ 30-მა წელმა დამანახა, რომ უამრავი ადამიანია გურიაში დაკავებული სახვითი ხელოვნებით. განსაკუთრებით ქალბატონები.  ეს ნიჭიერება არის ცვენთან. ჩვენ ვატარებდით ხალხური რეწვის ოსტატთა გამოფენებს. თამამად  შეგვიძლია ვთქვათ, რომ  ოზურგეთი არის არამხოლოდ ფოლკლორის ,  არა მხოლოდ პოლიფონიის ქალაქი, არამედ სახვითი ხელოვნების ქალაქი.  ჩვენი ცენტრი რევოლუციური მონაპივარია.  1989 წელს დაიწყო ეს ყველაფერი.  არაფერი არ ასებობდა, მაგრამ აქ იყო სესანიშნავი მხატვრების ჯგუფი, ვახტანგ მამეშვილი, რეზო ჯაში,  ვარლამ ჭკუასელი, ჯემალ მიმინოშვილი, ვასო მჟავანაძე  და ბევრი სხვა, რომელთა არჩეული ვარ მე. ამ ხალხის  აქ ყოფნა იყო სახვითი ხელოვნების  განვითარება.  ეს იყო ეროვნული მოძრაობა, ფაქტიურად. ასე დაიწყო ყველაფერი.დიდი ენერგია ჩემგან სწორედ ამ „გალერჩიკობაში“ წავიდა. კიდევ უფრო უნდა განვითარდეს. მომავალ წელს აუცილებლად   გავხსნით  მერაბ ბერძენიშვილის ქანდაკებას.  იცით, ქუთაისში ვანდალური ფაქტი მოხდა, დაშალეს ქუთაისში. ეს იყო დიდი ტკივილი მისტვის.  მისი ქანდაკება, უნდაამშვენებდეს ოზურგეტს. ჩვენი პროექტები უკვე საერთაშორისოა. ჩვენ გვაქვს სემოქმედებით სახელოსნო, რომლის გარეშეც გალერეა არის მკვდარი.  კარგად ხედავთ ექსპოზიციის ესთეტიკას. მაჯისცემა უნდაიგრძნობოდეს და ასეც ხდება. თავიდან  სამხატვრო გალერეა ერქვა და მადლობა უფალს, რომ  გადავურჩით    გაერთიანებებს. ეს ხელისუფლების დამსახურებაც  არის.   ასევე ბოდიშს ვიხდი, რომ დღევნელი დღე  დაემთხვა იმ რაღაც აქციას და მოვლენას, რაც თბილისში ხდება.  კი შეიძლებოდა გადადება, მაგრამ ღონისძიება იგეგმება ერთი და ორი თვით ადრე და ამიტომ მოხდა ასე. . თუმცა დღევანდელი დღით  ვეხმიანებით სრულიად საქართველოს. ყველამ უნდა აკეთოს თავისი საქმე და გადარჩებასაქართველო, _ ასე დაასრულა მან თავისი გამოსვლა   და შემდეგ კლიპის სანახავად მიიპატიჟა ყველა. ვიდეოფირზე კარგად იყო ასახული გალერეის მიერ გავლილი 30 წლიანი გზა. სტუმრად მყოფმა ხელოვანებმა, ბათუმიდან, ქუთაისიდან და თბილისიდან  ცამოსულმა  სხვადასხვა გალერეის თუ მუზეუმების ხელმძღვანელებმა ბევრი თბილი სიტყვა თქვეს და სამახსოვრო საჩუქრები გადასცეს იუბილად  გალერეას. დასარულ, საზეიმოდ გაჭრეს ტორტი და კიდევ ერთხელ აღნიშნეს სტუმრებმა და მასპინძლებმა, რომ ოზურგეთის არის როგორც ფოლკლორის, პოლიფონიის,  სახვითი ხელოვნების ... ...
  • "ერთადერთი, რაც შემიძლია, საჩუქრად გადავცე კომპასი“_თალაკვაძე ელისაშვილს ეხმაურებადღეს "სამოქალაქო მოძრაობამ" ჩოხატაურის ბაზარში აქცია გამართა კამპანია "ვამხილოთ ფეოდალი მაჟორიტარების" ფარგლებში. ბაზარში მისულმა სამოქალაქო მოძრაობის წევრებმა  იქ მყოფ ადამიანებს თანამდებობაზე მყოფი წარმოშობით გურულების,  ლანჩხუთის მაჟორიტარი დეპუტატი ნინო წილოსანის და პარლამენტის თავმჯდომარის, არჩილ თალაკვაძის შესახებ ესაუბრნენ და  ფეოდალიზმში დაადანაშაულეს. როგორც სამოქალაქო მოძრაობის წევრები ამბობენ, ისინი მოსახლეობაზე არ ზრუნავენ და ხალხის ხარჯზე მდიდრდებიან. აქციამ ჩოხატაურის ბაზრიდან ოზურგეთის მერიასთან გადაინაცვლა, სადაც არჩილ თალაკვაძის მაჟორიტარული ოლქი მდებარეობს.  სამოქალაქო მოძრაობის წევრებს მერიის კარი დაკეტილი დახვდათ, კარზე კი სტიკერები მიაკრეს წარწერით "მაჟორიტარი ფეოდალია". თალაკვაძე ელისაშვილის მიერ წაყენებულ ბრალდებას ეხმაურება და ამბობს, რომ "სამოქალაქო მოძრაობის" ლიდერისთვის კომპასის საჩუქრად გადაცემას აპირებს. „უკმაყოფილო ყოფილა რატომ არავინ არ დამხვდაო? - დღეს არის კვირა დღე და ელისაშვილმა ეს კარგად იცოდა, სწორედ ამიტომ აირჩია კვირა დღე. რაც შეეხება მის კამპანიას, ის თურმე ოზურგეთში ჩასული იყო და საზოგადოებას უმტკიცებდა, რომ ოზურგეთის მაჟორიტარი არის მდიდარი ფეოდალი. ერთადერთი, რაც შემიძლია, არის ის, რომ მას საჩუქრად გადავცე კომპასი“,_ განაცხადა ... ...
  • "თავისუფლება ვაჟა ექიმს" _ კახა ასკურავა საოკუპაციო ხაზთან ჩავიდა"ექიმი ისეთი პროფესიაა, მტერი რომ ნახო დაჭრილი, მას უნდა უმკურნალო, ვალდებული ხარ. ვაჟა გაფრინდაშვილის ფაქტი სწორედ ის შემთხვევაა, როცა ცხადია, რომ პუტინის პოლიტიკა უარყოფს და უგულებელყოფს ყოველივე მორალურს, დაწერილ თუ დაუწერელ კანონებს, რომელიც ხანდახან უფრო მეტი ვიდრე მსოფლიო კონვენცია!", _ აღნიშნულის შესახებ "ერთიანი ნაციონალური მოძრაობის“ ლანჩხუთის რაიონული ორგანიზაციის თავმჯდომარე კახა ასკურავა ფეისბუქის საკუთარ გვერდზე წერს. იგი რამდენიმე წუთის წინ ჩავიდა საოკუპაციო ხაზთან, სადაც სეპარატისტული რეჟიმის მიერ უკანონო პატიმრობაში მყოფი ექიმის ვაჟა გაფრინდაშვილის ოჯახი და მხარდამჭერები აქციას მართავდნენ. როგორც კახა ასკურავამ "გურია ნიუსთან" აღნიშნა, გზა აერიათ და, სამწუხაროდ, აქციას ვერ ჩაუსწრეს. მანვე მოგვაწოდა საოკუპაციო ხაზთან გადაღებული ... ...
  • "თავისუფლება ვაჟა ექიმს" _ საოკუპაციო ხაზთან ვაჟა გაფრინდაშვილის ოჯახი აქციას მართავს"სოხუმი და ცხინვალი საქართველოა", "სამშობლოს სიყვარული დანაშაული არ არის", "თავისუფლება ვაჟა ექიმს"- ამ მოწოდებებით საოკუპაციო ხაზთან, დუშეთის რაიონის სოფელ ოძისში ვაჟა გაფრინდაშვილის ოჯახის წევრები და მხარდამჭერები აქციას მართავენ. მათთან ერთად ადგილზე იმყოფებიან ევროკავშირის სადამკვირვებლო მისიის წარმომადგენლები, თეთრ ხალათებში ჩაცმული ექიმები, პოლიტიკური პარტიების ლიდერები და სამოქალაქო აქტივისტები. შეგახსენებთ, რომ დღეს ვაჟა გაფრინდაშვილის ოჯახის წევრები და მხარდამჭერები რესპუბლიკის მოედანზე შეიკრიბნენ და ოძისამდე საავტომობილო მსვლელობით გადმოინაცვლეს. "გურია ნიუსი" უმოკლეს დროში შემოგტავაზებთ ინფორმაციას საოკუპაციო ... ...

არქივი

ზაფრანი

ყველაზე მსმელი ქალები მსოფლიოში

ცოტა ხნის წინ ამერიკელმა მეცნიერებმა...

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...