აქტუალური ფეისბუქსტატუსები _ "ახლა, გინდა რეტროგრადი მეძახეთ და გინდა _ ბნელი"

ფეისბუქსტატუსები

აქტუალური ფეისბუქსტატუსები _ "ახლა, გინდა რეტროგრადი მეძახეთ და გინდა _ ბნელი"

2016 მაი 10 18:33:49

მიუხედავად იმისა, რომ ქრისტიანული სამყარო აღდგომის ბრწყინვალე დღესასწაულს ზეიმობს, სოციალურ ქსელში პოლიტიკური დისკუსია აქტიურად მიმდინარებს _ მათ შორის, რელიგიურ თემებზე.

ერთ-ერთი, ყველაზე აქტუალური თემა ქრისტეს საფლავზე ცეცხლის გადმოსვლა იყო.

"მართლმადიდებლების უდიდეს ნაწილს სწამთ და სჯერათ, რომ ცეცხლი სასწაულებრივად და თავისთავად ჩნდება იესო ქრისტეს საფლავზე და მათ აქვთ უფლება, ასე სწამდეთ _ მათი რწმენა პატივისცემას იმსახურებს.

თუმცა, თვითონ ქრისტიანებს შორის არის ბევრი ისეთიც, ვინც დარწმუნებულია, რომ არანაირ ზებუნებრივ მოვლენას აქ ადგილი არ აქვს და ეს მხოლოდ ცეცხლის კურთხევის უძველესია რიტუალია, რომელსაც, ალბათ, წარმართული ფესვები უფრო მეტი აქვს, ვიდრე ქრისტიანული, ისევე, როგორც, მაგალითად, კვერცხების ღებვის ტრადიციას.

შემთხვევითი არ არის, რომ თავად იერუსალიმის პატრიარქი, რომელსაც საკუთარი ხელით გამოაქვს ცეცხლი ხალხთან, პრაქტიკულად, არასდროს უწოდებს ამ მოვლენას სასწაულს და არც არასდროს ახსენებს ცეცხლის გარდამოსვლას.

ის, უბრალოდ, ამბობს, რომ ეს არის ძალიან მნიშვნელოვანი, სიმბოლური დატვირთვის მქონე ცერემონია, რითაც თეოფილოს მესამე, შეიძლება ითქვას, ირიბად აღიარებს, რომ დიდი შაბათის წმინდა ცეცხლის ანთებაში არ არის არაფერი სასწაულებრივი, არაფერი ზებუნებრივი და არაფერი ზეციური.

ვინ _ ვინ და იერუსალიმის პატრიარქმა ეს ყველაზე კარგად იცის," _ ტელეკომპანია "რუსთავი 2"-ის წამყვანის, გიორგი გაბუნიას მიერ, შაბათს, ტელეეთერიდან გაკეთებული ეს განცხადება "ნაციონალური მოძრაობის" ერთ-ერთი ლიდერის, გურამ ჩალაგაშვილის და ტელეკომპანია "რუსთავი 2"-ის ხელმძღვანელის, ნიკა გვარამიას მწვავე დაპირისპირების მიზეზი გახდა.

საქმე იმაშია, რომ გაბუნიას ეს განცხადება გურამ ჩალაგაშვილმა ფეისბუქის საკუთარ გვერდზე გააზიარა მინაწერით: "არასწორი და ტუტუცი. მერე რა, რომ "რუსთავი 2"-ა. ბოდიში, მაგრამ ამის..."

ჩალაგაშვილის ამ სტატუსს, სტატუსით უპასუხა ნიკა გვარამიამ: "გამოიხედე, ერთი აქეთ, გურამ ჩალაგაშვილი! ვისი ამის და რა? შენიც და იმ პარტიის კიდე, ვინც, შე ბნელო, არჩევნებზე სადმე კანდიდატად დაგაყენებს. შენნაირი ბნელების ადგილი თუა "ნაციონალურ მოძრაობაში", ნამდვილად აღმოჩენა იქნება ჩემთვის, არასასიამოვნო აღმოჩენა", _ წერს გვარამია.

ტელეკომპანიის ხელმძღვანელის ამ კომენტარს ჩალაგაშვილმა მხოლოდ ერთი სიტყვით უპასუხა _ "ბრავო, ნიკა!"

თუმცა, კონფლიქტი ამით არ ამოწურულა:

ნიკა გვარამია: _ მე გაჩვენებ შენ ბრავოს, შე უზრდელო და თავხედო. აგინე შენი ოჯახის წევრები.

გურამ ჩალაგაშვილი: _ ვერ მივხვდი, მაგრამ მაინც ბრავო.

ნიკა გვარამია: _ რას ვერ მიხვდი? თავს ი...ლევებ თუ მე მა...ლევებ?

გურამ ჩალაგაშვილი: _ "ეს ვინც დაწერა, იმის..." რას ნიშნავს, ბებიაჩემი მიხვდა და რაც იგულისხმე, იმას ნიშნავს.

ნიკა გვარამია: _ არ გაგიტარებ მაგას, ტყუილად აგდებ ბანზე სიტყვას.

გურამ ჩალაგაშვილი: _ შენი ნებაა. არ ხარ მართალი, თორე სუ მკიდია.

ნიკა გვარამია: _ რაში არ ვარ მართალი,? მოყევი, აბა.

გურამ ჩალაგაშვილი: _ კაი, ნიკა, აქ სალაპარაკო, არ მგონია, იყოს. სხვაგან ნებისმიერ დროს.

ნიკა გვარამია: _ პროსტა, ბნელი რომ ხარ და სასწაულებრივი ცეცხლის გჯერა, ეგ მეც მკიდია. შენი პირადი საქმეა და იმ პარტიის პრობლემა, რომელიც შენნაირ ბნელს პარლამენტში შეიყვანს. შენ ის მოყევი, "ამის..." რას ნიშნავს.

ჩალაგაშვილის და გვარამიას დაპირისპირებაში, ფეისბუქში სხვა ცნობილი სახეებიც ჩაერთნენ. ზოგმა ისიც გაიხსენა, რომ ჩალაგაშვილი ბევრ საკითხში "ბნელია", ზოგმა კი ორივეს რჩევა მისცა, რომ მსგავსი გარჩევები პირად სივრცეში გადაიტანონ და ხალხის დასაცინს ნუ გახდიან "ნაციონალურ მოძრაობას".

ფეისბუქის განსჯის თემა იყო პრემიერ-მინისტრი ფოტო, რომელიც გიორგი კვირიკაშვილის სამების ტაძარში ლოცვას ასახავს.

"მუხლებზე დაცემულ პრემიერ-მინისტრს როცა ვუყურებ, არ მიმაჩნია ეს მისი რელიგიის თავისუფლების გამოხატულებად, არამედ მიმაჩნია სეკულარიზმის კრიზისად, სადაც სახელმწიფო ხელისუფლება მლიქვნელურად ემორჩილება საეკლესიო ხელისუფლებას (მლიქვნელურად იმიტომ, რომ ყველა ხელისუფლებას სურს, იყოს ავტონომიური და არ ემორჩილებოდეს მეორეს).

რა თქმა უნდა, ადამიან გიორგი კვირიკაშვილს აქვს სრული უფლება, იყოს ნებისმიერი რელიგიის მიმდევარი და ჩოქვით შემოიაროს ნებისმიერი სამლოცველო, მაგრამ საქართველოს პრემიერ-მინისტრი საჯაროდ არ უნდა ფორთხავდეს არც ერთ ეკლესიაში, რადგან ის სახელმწიფო ხელისუფალია", _ ასე გამოეხმაურა ამ ფაქტს "ქალთა მოძრაობის" ხელმძღვანელი ბაია პატარაია, რომელსაც ბევრი ცნობილი სახე დაეთანხმა.

პრემიერის კრიტიკოსებს სოციალურ ქსელით უპასუხა პარლამენტის ვიცე-სპიკერმა მანანა კობახიძემ:

"ტაძარში, ლოცვისას რატომ დაიჩოქაო... და მთავრობის სხდომაზე ხომ არ დაიჩოქა?! ეკლესია ის ადგილი არაა, სადაც სანთელსაც ანთებ, ლოცულობ და იჩოქებ კიდეც?! იქ ყველა თანაბარია, იქ არც პრემიერი ხარ და არც პრეზიდენტი, იქ ადამიანი ხარ, ცოდვილი და ჩვეულებრივი მოკვდავი!

იქნებ ადამიანად ყოფნის უფლებაც წავართვათ პრემიერს?!

ერთხელ ხომ წავართვით, როცა წინა დღით დედა დაკრძალა და მეორე დღეს პარლამენტში დავიბარეთ!

მოვიდა და იდგა, როგორც სალი კლდე! საუბრობდა ჩვენს ქვეყანაზე, ხალხზე, მათ პრობლემებზე, სამთავრობო პროგრამაზე და არა პირად, ძალიან მძიმე ადამიანურ ტრაგედიაზე!

აი, ასეთია პრემიერი, მას შეუძლია ყველაზე მძიმე წუთებშიც კი, პირადი გვერდზე გადადოს და ქვეყანაზე და საქმეზე იფიქროს. ხოდა, ტაძარში მაინც ნუ დავუშლით ადამიანად ყოფნას, ეს უსამართლო კრიტიკაა და უბრალოდ, სირცხვილია!" _ წერს კობახიძე.

ფეისბუქზე აქტუალური იყო BBC-ზე გასული რეპორტაჟი, სახელწოდებით "სადილი მიცვალებულებთან".

რეპორტაჟის ანოტაციაში ვკითხულობთ: "პურობა მიცვალებულებთან: ქართული ოჯახების მიერ სასაფლაოზე აღნიშნული დღესასწაულები.

ბევრ დასავლურ ქვეყანაში სასაფლაოებს განიხილავენ, როგორც ბნელ და ზარდამცემ ადგილებს, მაგრამ ეს ასე არ არის საქართველოში, ყოფილ სსრკ-ს რესპუბლიკაში.

ისევე, როგორც სხვა ორთოდოქსული ქვეყნებისთვის, ქართველებისთვისაც დამახასიათებელია პატივი მიაგონ თავიანთ გარდაცვლილ ნათესავებს სასაფლაოზე პურ-მარილისა და ღვინის მიტანით, და პურობა გამართონ საფლავებს შორის.

თუმცა პრაქტიკულად აღნიშნული წლის განმალობაში აღმოსავლური აღდგომა ერთ-ერთი ყველაზე მოფუსფუსე, დაკავებული პერიოდია ამ ტრადიციისა.

დამიენ მაკგინესი მივიდა ოჯახებთან საქართველოს დედაქალაქ თბილისში, რომ მეტი გაიგოს მიცვალებულებთან ერთად პურობის შესახებ".

ამ ვიდეორეპორტაჟს ბევრი გამოხმაურება მოჰყვა. სოციალური ქსელის მომხმარებლების ნაწილი ამ პათოსს დაეთანხმა და მსგავსი ტრადიციების გაუქმების მოთხოვნითაც კი გამოვიდა. თუმცა, დიდმა ნაწილმა ეს რეპორტაჟი შეურაცხყოფად მიიღო და ტელეკომპანიას რჩევებიც კი მისცა. მათ შორის იყო ჟურნალისტი კოკა ყანდიაშვილი:

"ჩემი რჩევა ქართველ თვითგვემია ქაჯებს და BBC-ის!

სხვის თვალში ბეწვის ძიებას ჯობია, საკუთარ თვალში დირეს მიხედოთ!!!

მესმის თქვენი შოკის _ ჩვენ ხომ გარდაცვლილი ოჯახის წევრების ფერფლს ქილებით არ ვინახავთ სასადილოში..

ზედაპირული ექსკურსი...

_ საუდის არაბეთში _ დემოკრატიამ, ერაყსა და ავღანეთში მშვიდობამ არ ჩაგაგდოთ შოკში?

_ პუტინის ბარბაროსობამ საქართველოსა და უკრაინაში - არ გამოიწვია თქვენში პროტესტი?

_ პირველი საკონცენტრაციო ბანაკები რომ შექმენით, ჯერ კიდევ ანგლო-ბურების ომის დროს, და როგორც ეროვნული ღირებულება, მთელ მსოფლიოს რომ მოსდეთ _ ამანაც არ შეატოკა თქვენში შოკის ძარღვი?

_ რასაც დედამიწაზე, თქვენი პირსისხლიანი სამეფოს სახელით ჩადიოდით, ყაჩაღობდით, ძარცვავდით და ანადგურებდით ერებსა და სახელწიფოებს _ ის არ გაგდებდათ შოკში?

_ ბავშვთა მონური შრომის გამოყენებასა და მონა ბავშვების დეპორტაციის ისტორიაზე რას მეტყვით _ რომელიც 1970 წლამდე გრძელდებოდა თქვენს ცხვირაბზუებულ სამშობლოში?

_ სკოლებში, ბავშვების, საკუთარი შვილების ცემა, მხოლოდ 1999 წელს რომ გააუქმეთ, როგორც სასჯელის ფორმა _ თქვენ ის ბრიტანელები არ ხართ?

_ დილის პოლიციური ეკიპაჟებიდან დაწყებული, და თითქმის ყველა დამკრძალავი პროცესიით დამთავრებული, დღემდე რომ ცხენებს იყენებთ _ ლონდონშიც კი, და ნეხვის ფერი (არომატზე აღარ ვიტყვი) რომაა ტემზა _ ეგ როგორ ჯდება შოკუნიებში?

_ ასეთ ჰუმანურ და ცხოველების მოყვარულ ხალხს, არც მელიებზე ნაციონალური ნადირობა არ გაღელვებთ?

_ სულ დამავიწყდა, არაკასტრირებული, ფსლის სუნით გაჟღენთილი ღორის ხორცის ჭამაც (შემწვარი ბეკონი საუზმეზე) _ არ გაგდებთ შოკში?

_ არც მატლების ამოთხრის ეროვნული დღე?

_ არც ეკლესიების - დისკოთეკებად, რესტორნებად, სასტუმროებად გადაქცევა იწვევს თქვენში შოკს _ ხომ ასეა?

_ არც აქ სადილი და ჭამა, არ გაგდებთ შოკში _ არაა?_ და არც ნათესავებს დავდევთ _ ოჯახის შესაქმნელად.

ხოდა, ამიტომ გეტყვით, ჩვენ - ისევე როგორც თქვენ და მსოფლიოს სხვა ხალხებს, საკმარისი გვაქვს უცნაური ტრადიციები, ადათ-წესები. ჩამობრძანდით, ისიამოვნეთ ჩვენი ხალხის სტუმარ-მასპინძლობით, დატკბით საქართველოთი, დახარჯეთ ფული და დაგვანებეთ ჩვენი მკვდრები. აი, ასეთები ვართ ქართველები _ როგორებიც ვართ. ასეთი ტრადიცია გვაქვს ჩვენი მიცვალებულების პატივსაცემად. და ის დღე დაიქცეს, აღდგომას საფლავზე რომ არ გავა ქართველი კაცი და ჭიქას არ წაუქცევს!!! ასეც არ გადავგვარდებით!

პ.ს. ბევრი სიკეთეც მოგიტანიათ კაცობრიობისათვის - ინგლისელებო, მაგრამ თავს ნუ გამოიდებთ ძაან გთხოვთ _ ჩვენთან, მითუმეტეს! ნუ დაგავიწყდებათ _ ჩვენ პირველი ევროპელები ვართ!

.პ.ს. ახლა გინდა რეტროგრადი მეძახეთ და გინდა ბნელი. ასეთი ქართველი ვარ მე!", _ წერს ყანდიაშვილი და ევროპაში გადაღებულ ფოტოებსაც აქვეყნებს, რომელიც მისივე განმარტებით, მისი სიტყვების დასტურია.




 ახალი ამბები
  • "კიდევ ერთხელ მეტყვი და შემოგილაწუნებ"-ნატა ფერაძე დააკავესაქტივისტმა ნატა ფერაძემ ცირკის მიმდებარე ტერიტორიაზე ტრანსგენდერ ქალებს "სირცხვილიას" სახელით შეშა მიუტანა, რის შემდეგაც, ის პოლიციამ დააკავა. როგორც ფეისბუქ ლაივში ნატა ფერაძე ჰყვება, პოლიციამ ტრანსგენდერი ქალები დააკავა და ჰომოფობიურად იქცევა. ფერაძე  პოლიციელებს ეკითხება, რის საფუძველზე დააკავეს ტრანსგენდერი ქალი, რის შემდეგაც, მასთან მივიდა  სამოქალაქო ფორმაში ჩაცმული მამაკაცი და დაწყნარებისკენ მოუწოდა. "დაწყნარდის კიდევ ერთხელ მეტყვი და შემოგილაწუნებ",_უპასუხა ფერაძემ, რის შემდეგაც ის დააკავეს. როგორც საქართველოს შინაგან საქმეთა სამინისტროში ამბობენ, აქტივისტი ნატა ფერაძე  საქართველოს ადმინისტრაციულ სამართალდარღვევათა კოდექსის 173-ე მუხლითაა დაკავებული. ეს მუხლი სამსახურებრივი მოვალეობის შესრულების დროს სამართალდამცავი ორგანოს თანამშრომლის მოთხოვნისადმი დაუმორჩილებლობას, ამ პირის სიტყვიერ შეურაცხყოფას ან/და მის მიმართ სხვა შეურაცხმყოფელი ქმედების განხორციელებას ... ...
  • სურამში ყოფილი ცოლის განზრახ მკვლელობის ბრალდებით კაცი დააკავესშინაგან საქმეთა სამინისტროს შიდა ქართლის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, დამამძიმებელ გარემოებაში ოჯახის წევრის მიმართ ჩადენილ განზრახ მკვლელობის ბრალდებით, 1984 წელს დაბადებული ლ.ლ. მომხდარიდან რამდენიმე საათში დააკავეს. დანაშაული 13-დან 17 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა ყოფილ მეუღლეს - 1991 წელს დაბადებულ ბ.ნ.-ს, ურთიერთშელაპარაკებისას, ცივი იარაღის გამოყენებით სასიკვდილო ჭრილობები მიაყენა და შემთხვევის ადგილიდან მიიმალა. ბ.ნ. ადგილზე გარდაიცვალა. სამართალდამცველებმა, შემთხვევის ადგილის დათვალიერების შედეგად, დანაშაულის ჩადენის იარაღი - ცული ნივთმტკიცებად ამოიღეს. მომხდარ შემთხვევამდე, შინაგან საქმეთა სამინისტროში ყოფილ მეუღლეებს - ლ.ლ.-სა და ბ.ნ.-ს შორის შესაძლო კონფლიქტის შესახებ განცხადება ან შეტყობინება არ ფიქსირდება. შესაბამისად, მათ შორის შემაკავებელი ორდერი გამოცემული არ ყოფილა. გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სსკ-ს 11 პრიმა 109-ე მუხლის მე-2 ნაწილის „ვ“ ქვეპუნქტით ... ...
  • რა ცვლილებებია წელს სოფლის მხარდაჭერის პროგრამაში„სოფლის მხარდაჭერის პროგრამის“ ბიუჯეტი, რომელიც რეგიონებში გასახორციელებელი პროექტების ფონდიდან ფინანსდება, შარშანდელის მსგავსად, წელსაც 40 მლნ ლარია. პროექტების ჩამონათვალში მცირე ცვლილებები შევა და არსებულ კატეგორიებს გზისპირა მოსაცდელები დაემატება. კორექტივები დოკუმენტში, საქართველოს მთავრობის დადგენილების თანახმად, გასულ წელს შერჩეული პროექტების ანალიზის შედეგად და საჭიროებებიდან გამომდინარე განისაზღვრა, _ ამის შესახებ ინფორმაციას საქართველოს რეგიონული განვითარებისა და ინფრასტუქტურის სამინისტრო ავრცელებს. სამინისტოს გავრცელებულ ინფორმაციაში, ასევე, აღნიშნულია, რომ 2019 წელს, პროგრამის ფარგლებში, 4800-მდე ინფრასტრუქტურული პროექტი გახორციელდა. მუნიციპალიტეტებში სულ 3 ათასზე მეტი საერთო კრება ჩატარდა  და მოსახლეობამ ყველა პროექტი თავად შეარჩია. აქედან, გურიაში გახორციელდა 376 პროექტი, იმერეთში _ 1042 პროექტი, კახეთში _ 366 პროექტი, მცხეთა-მთიანეთში _ 536 პროექტი, რაჭა-ლეჩხუმ-ქვემო სვანეთში _ 275 პროექტი, სამეგრელო-ზემო სვანეთში _ 1061 პროექტი, სამცხე-ჯავახეთში _ 309 პროექტი, ქვემო ქართლში _ 399 პროექტი და შიდა ქართლში _ 447 პროექტი. ცენტრალური ბიუჯეტიდან გამოყოფილი თანხის გარდა, გასულ წელს, პროექტების გახორციელებისთვის მუნიციპალიტეტების თანადაფინანსებამ 6 მლნ ლარი შეადგინა, თანხები კი შემდეგი კატეგორიების მიხედვით გადანაწილდა: გზების რეაბილიტაცია, გარე განათებისა და სპორტული ინფრასტრუქტურის მოწყობა, წყლის სისტემების გამართვა, სასაფლაოს კეთილმოწყობა და სანიაღვრე არხების ... ...
  • დედაქალაქში საახალწლო ილუმინაციების დაშლა დაიწყო (ფოტო) დედაქალაქში საახალწლო ილუმინაციების დაშლა დაიწყო. ამ წუთებში საახალწლო ნაძვის ხეს შლიან მთაწმინდის პარკის მოედანზე. პარკის შესასვლელში დადგმული ნაძვის ხის დემონტაჟი კი უკვე ... ...
  • ბავშვები ბაღში წასასვლელად ემზადებიან (ფოტოები) ეს ფოტოები ოზურგეთში, ერთ-ერთ სილამაზის სალონში არის გადაღებული. დღეს სალონს ყველაზე მეტად ბავშვები სტუმრობენ, ისინი ბაღში წასასვლელად ემზადებიან. ა(ა)ი.პ.“ოზურგეთის  მუნიციპალიტეტის სკოლამდელი აღზრდის ცენტრის“ დირექტორის, მაკა ჭყონიას თქმით, ოზურგეთის მუნიციპალიტეტის ბაღებში სააღმზრდელო პროცესი 20 იანვარს, ორშაბათს განახალდება. “საახალწლო არდადეგები სრულდება და სააღმზრდელო პროცესი 43 საბავშვო ბაღში ორშაბათიდან გაგრძელდება,“ _ გვითხრა მაკა ... ...

არქივი

ზაფრანი

იუმორი და ასტროლოგია

ვერძი - მუშაობს პრობლემური სესხების...

ცოცხის „მაგიური“ ძალა

ბევრ ქვეყანაში არსებობს გარკვეული "ცრურწმენები",...

"წიწაკიანი" ქალები ზოდიაქოს ნიშნის მიხედვით

მორიელი _ ქალი მორიელის გამოხედვა ხერხს...

არსებობს თუ არა ერთი ნახვით სიყვარული

ოდესმე თქვენს ცხოვრებაში მომხდარა ისე,...

ყავის მომზადების რეცეპტები მსოფლიოში

ვიეტნამი - ყავის მომზადების დროს...

როგორ შევინარჩუნოთ მამაკაცი

არასდროს უყვიროთ მას - ის...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...