"პარტიის ლიდერშიფის ინტერესია მიშას ყოფნა-არ ყოფნაზე მსჯელობის საჯაროდ გამოტანა" _ ჩიორა თაქთაქიშვილი

ფეისბუქსტატუსები

"პარტიის ლიდერშიფის ინტერესია მიშას ყოფნა-არ ყოფნაზე მსჯელობის საჯაროდ გამოტანა" _ ჩიორა თაქთაქიშვილი

2016 ნოე 4 19:30:38

"ივანიშვილს სურს, რომ ენმ-მ აღიაროს "ახალი რეალობა" და ისინი, ვინც მან წითელ ხაზებად გამოაცხადა, განდევნდა, დაიჭირა, საქმეები აღუძრა, უნდა ჩამოშორდნენ საქართველოში პოლიტიკურ საქმიანობას" _ წერს სოციალურ ქსელში "ნაციონალური მოძრაობის" წევრი ჩირა თაქთაქიშვილი და გიგი უგულავას წერილს ეხმაურება:

" განსაკუთრებული ფოკუსი, რა თქმა უნდა, იმთავითვე მიშაზე იყო, პირდაპირი ტექსტით: გაემიჯნეთ სააკაშვილს და მერე კი ბატონო, იყავით ჩემი ოპოზიცია, თქვენ გარკვეული ინტელექტუალური რესურსი გაქვთო.

ამის პასუხად, პარტიამ პრინციპული პოზიცია დაიჭირა, ვანოს, გიგის და მიშას თანამდებობზე, რომლებიც რეალურად ვეღარ იღებდნენ სრულფასოვნად მონაწილეობას გადაწყვეტილებების მიღებაში, არავინ აირჩია და ეს იყო პარტიის ერთიანი პოზიცია.

პარტიის ფუნქციონირებას რომ ხელი არ შეშლოდა, გენერალური მდივნის (ვანო მერაბიშვილის) ფუნქციების სრული დელეგირება მოხდა აღმასრულებელ მდივანზე (სერგო რატიანი), თბილისის ორგანიზაციის თავმჯდომარის (გიგი უგულავა) მის მოადგილეზე (ნიკა მელია). მიშას რაც შეეხება, გენერალური მდივნისგან განსხვავებით, პარტიის თავმჯმდომარის ფუნქციები უკიდურესად ფორმალურია და არ მოიცავს არავითარ რეალურ უფლებამოსილებას, ის არ არის პარტიის ყოველდღიური საქმიანობის წარმმარველი (გენერალური, აღმასრულებელი მდვინივით) და თან პარტიის ყრილობის მოწვევის უფლებაც კი არ აქვს.

პარტიის თავმჯდომარის თანამდებობის ვაკანტურად დატოვების შესახებ გადაწყვეტილება როდესაც მივიღეთ პოლიტსაბჭოზე, ეს იყო ივანიშვილის მიერ თავსმოხვეული რეალობისადმი დაუმორჩილებლობის სიმბოლური აქტი: ვერასდროს მიიღებთ იმას, რაც გსურთ.
ახლა გამოდის, რომ პარტიამ ეს პოზიცია უნდა შეცვალოს.

თან ეს ხდება იმ პირობებში, როდესაც ვინმეს მოსწონს თუ არ მოსწონს, ჩემთვის და პარტიის ამომრჩეველთა აბსოლუტური უმრავლესობისთვის პარტიის უპირობო ლიდერი არის მიშა. ვინმეს რომ ჩანაცვლება შეძლებოდა, გვქონდა 3 წელი, მიშა განდევნილი იყო, იყო ძალიან მძიმე პოლიტიკური პროცესიც და ეს ჩანაცვლება სრულიად ბუნებრივად მოხდებოდა, მაგრამ ვერ მოხდა, რადგან სამწუხაროდ, ამის რესურსი პარტიის არცერთ დღევანდელ ლიდერს არ ქონდა. ეს მხოლოდ სამწუხარო რეალობაა და ენმ-ს სისუსტე.

ამ პირობებში, საქმის ისე გამოყვანა, რომ ივანიშვილის რეჟიმის დასამარცხებლად პარტიამ ამ თავის სიმბოლურ ჟესტს უნდა გადახედოს და პარტიის ფორმალური თავმჯდომარეობა (რომელსაც არავითარი რეალური მენეჯმენტის ფუნქცია არ აკისრია) მიანიჭოს ვინმე სხვას, თუნდაც იმ ლიდერს, რომელმაც ყველაზე მეტი იშრომა და ყველაზე მეტი ხმა მოუტანა თავის პარტიას, არის თავის მოტყუება და თვალის დაბრმავება.

მე არ ვაპირებ, რომ თვალი დავიბრმავო, ხელი შევუწყო და მხარი დავუჭირო არცერთ იმ გადაწყვეტილებას, რომელთაც პუტინის პროპაგანდისტური მედია აუცილებლად ხელზე დაიხვევს და თავისი მიზნებისთვის გამოიყენებს, აი, სააკაშვილი საკუთარი პარტიის თავმჯდომარეობიდან გადააყენესო. ვერც იმას შევუწყობ ხელს, რომ ივანიშვილმა თავისი ოცნება აისრულოს, რასაც ამდენია ხანია, დაჟინებით და კატეგორიულად ითხოვდა ჩვენგან: მიშას გაემიჯნეთ და მერე გაღიარებთ ჩემს ოპოზიციადო!

არ ვაპირებ, არაფრის ფასად, რომ ივანიშვილის მიერ თავსმოხვეულ რეალობას შევეგუო, რომელიც მიშას და ენმ-ს სხვა ლიდერებს უკრძალავს პოლიტიკურ საქმიანობას საქართველოში ჩვენი პარტიის ამომრჩეველთა ნების საწინააღმდეგოდ.

სამაგიეროდ, მგონია, რომ მთავარი პრობლემა მაინც საკუთარი პასუხისმგებლობის ვერ დანახვაა. ყველამ კეთილი უნდა ვინებოთ და ვილაპარაკოთ იმაზე, რამ შეგვიშალა ხელი ან ახლა რა გვიშლის ხელს, რომ ერთ კაბინეტში გამოკეტილი პარტია ისევ სახალხო მოძრაობად ვაქციოთ.

რატომ ვერ რეაგირებდა პარტია ეფექტურად პოლიტიკურ პროცესებზე და ძირითადად მხოლოდ ბრიფინგებით და საპარლამენტო დებატებით შემოიფარგლებოდა ოპოზიციური პარტიის საქმიანობა, რატომ არ მისცა გასაქანი პარტიამ ბოლო 4 წლის განმავლობაში გამოვლენილ აქტიურ მხარდამჭერებს, რატომ ვერ დააინტერესა სხვადასხვა სოციალური ჯგუფები, და რატომ არ შეუშალა ხელი თუნდაც იმას, რომ ანდრო ბარნოვი, ზურა ჯაფარიძე და გიორგი ვაშაძე და მათი მხარდამჭერები არ გაეუცხოვებინა, რამაც შედეგად დაგვაკარგვინა გარკვეული რაოდენობის ამომრჩეველი და ინტელექტუალური რესურსი.

ანდროსგან განსხვავებით, ჯაფარიძე და ვაშაძე რომ სამარცხვინოდ მოიქცნენ და ივანიშვილის დავალება შეასრულეს, ამას მე ვერავინ მასწავლის, მაგრამ ფაქტია, რომ ივანიშვილის მიერ მოყენებული ამ დარტყმის შემდეგ პარტიამ უარი განაცხადა იმ შიდა პრობლემების აღიარებაზე და მათ გამოსწორებაზე, რაზეც ეს ადამიანები საუბრობდნენ და რასაც ჩვენი ძალიან ბევრი ერთგული მხარდამჭერი იზიარებს და გვთხოვდნენ რეაგირებას.

მე მგონია, რომ ეს არის ჩვენი მთავარი პრობლემა, არ შეგვიძლია, საკუთარ ტავში ვეძიოტ ნაკლი და როცა გამანადგურებელი შედეგი დგება, ვეძებთ ვიღაცას, ვისაც უნდა გადავაბრალოთ ყველაფერი. მე კი მგონია, რომ უნდა გვეყოს გამბედაობა და ვილაპარაკოთ შიგნით, ჩვენს მხარდამჭერებთან და ვთქვათ, რომ წაგებინადან 4 წლის თავზე მაინც ვერ ვიქეცით ისეთივე წარმატებულ ოპოზიციურ პარტიად, როგორიც იყო ნაციონალური მოძრაობა 2003 წლამდე.

ამაში მეც ვხედავ ჩემს წილ პასუხისმგებლობას და ვთვლი, რომ მხოლოდ ენმ-ს მხარდამჭერების გადასაწვეტია, მაქვს თუ არა უფლება გასული 4 წლის მანძილზე დაშვებული შეცდომების გათვალისწინებით ისევ ვიყო არჩეული ერთიან ნაციონალურ მოძრაობის რომელიმე მმართველ რგოლში.

მაგრამ ასევე ვფიქრობ, რომ პარტიის ის არაეფექტური მენეჯმენტი, რომელსაც მხარს არასოდეს ვუჭერდი, უნდა შეიცვალოს. წინააღმდეგ შემთხვევაში ვერც მიშას დავაბრუნებთ საქართველოში, ვერც პოლიტპატიმრებს გავათავისუფლებთ და ვერც რუსულ ოკუპაციას გავუწევთ წინააღმდეგობას, რომელიც შუშის სასახლიდან ახალი ენერგიით შემოგვიტევს. ასევე მგონია, რომ ერთიანმა ნაციონალურმა მოძრაობამ მიშას ლიდერობით სწორედ იმიტომ უნდა ჩაანაცვლოს ივანიშვილის მახინჯი რეჟიმი, რომ ჩვენ დაწყებული საქმე ვერ დავასრულეთ და თუ რამეზე გვაქვს ბოდიში მოსახდელი, პირველ რიგში ამაზე.

არაერთი განცხადება ყოფილა აქამდე გამოქვეყნებული ჩემი თანამებრძოლებისგან ციხიდან, ბაჩოსგან, ვანოსგან და ყველას ყოველთვის დიდი ინტერესით ვკითხულობდი, ბაჩომ წიგნიც კი დაწერა იქ. შეიძლება მათ ზოგიერთ მოსაზრებას არ ვეთანმებოდი, მაგრამ ჩემი თავისთვის არ მიმიცია არასოდეს უფლება, რამე საჯაროდ გამეკრიტიკებინა, რადგან ამორალობა მგონია, ციხეში მყოფ ადამიანს უთვალო და უწონო ყველა სიტყვა ან რაიმე ფორმით საჯაროდ გაემიჯნო რომელიმე მათ მოსაზრებას.

ახლა მარტო იმიტომ გადავწყვიტე გამოხმაურება, რომ გიგის წერილი ყველა სხვა წერილისგან განსხვავებით, პარტიის ხელმძღვანელობამ საკუთარ ფეისბუქ გვერდზეც გაავრცელა, როგორც დასპონსორებული პოსტი, რაც იმას მიუთითებებს, რომ პარტიის ლიდერშიფის ინტერესია მიშას ყოფნა-არ ყოფნაზე მსჯელობის საჯაროდ გამოტანა.

მგონია, რომ ივანიშვილის დასანახად და გულის გასახარად ენმ-ს შიგნით არსებული ერთმანეთის საპირისპირო მოსაზრებების გამომზეურებას სენსიტიურ თემებზე და აქ საუბარს, ჯობია შევიკრიბოთ, რაც შეიძლება ფართო წრეში, ყველა ჩვენი მხარდამჭერის, აქტიური თანამებრძოლების ჩართულობით და იქ განვიხილოთ განსხვავებული და უერთიერთსაპირისპირო არგუმენტები, ყოველგვარი რიდის და თავშეკავების გარეშე, რადგან საჯაროდ და „იმედის“ ეთერებიდან ამ ყველაფრის შემხედვარე ჩვენი მტერი ხარობს.

სწორედ ამიტომ არ მინდოდა საჯარო დებატებში ჩართვა პარტიის სხვა წარმომადგენლებთანაც, რომლებიც ბოლო დროს საჯარო სივრცეში დემონსტრაციულად გამოთქვამდნენ ჩემთვის მიუღებელ მოსაზრებებს.

მეტიც კატეგორიულად არ ვეთანხმებოდი პოლიტსბჭოს რამდენიმე მნიშვნელოვან გადაწყვეტილებას და არასდროს მიმიცია ჩემი თავისთვის უფლება, ამაზე საჯაროდ მესაუბრა მხოლოდ იმიტომ, რომ ამით მტერი ხარობდა ან ჩვენი პარტიის ერთიანობას შეიძლებოდა რამე ზიანი მიდგომოდა. დღეს პოლიტსაბჭოა. მე ისევ იქ ვაპირებ ჯერ ჩემი პოზიციის დაფიქსირებას და მერე უკვე, ღიად მომიწევს ბევრ რამეზე საუბარი ჩემს ყველა თანამებრძოლთან, მხარდამჭერთან, რომელთაც უამრავი კითხვა აწუხებთ და ჩვენგან ელიან პასუხებს.

საბოლოო ჯამში კი ყველაფერს სწორედ ეს ადამიანები გადაწყვეტენ, და მათი ასარჩევია, ვის მიანდობენ ისინი ივანიშვილის რეჟიმთან ბრძოლის ახალი და უმნიშვნელოვანესი ეტაპის გაძღოლას" _ წერს თაქთაქიშვილი/




 ახალი ამბები
  • მასწავლებელთა გამოცდის შედეგების აპელაციის დაწყებისა და დასრულების თარიღები ცნობილია მასწავლებელთა შემოდგომის გამოცდის შედეგების აპელაცისთვის განაცხადის შეტანის თარიღი ცნობილია. ამისთვის პედაგოგებს შეფასებისა და გამოცდის ეროვნული ცენტრი 3 დღეს აძლევს. საგამოცდო ცენტრის ცნობით, სააპელაციო განაცხადები მიიღება 9 დეკემბრის 10:00 საათიდან 11 დეკემბრის 18:00 საათამდე მხოლოდ ელექტრონულად ვებგვერდებზე: online.naec.ge და naec.ge. საგნის გამოცდასთან, საგნობრივი და პროფესიული კომპეტენციების დადასტურების ტესტირებასთან დაკავშირებული სააპელაციო განაცხადის შევსებამდე აპლიკანტმა უნდა გადაიხადოს აპელაციის საფასური. ერთი საგნის შედეგის გასაჩივრების საფასურია 50 ლარი (ქულის ცვლილების შემთხვევაში თანხა უკან ბრუნდება).გადახდის დანიშნულებაში უნდა ჩაიწეროს აპლიკანტის პირადი ნომერი და საჭიროების შემთხვევაში - გვარი და სახელი. იმ შემთხვევაში, თუ აპლიკანტი უცხო ქვეყნის მოქალაქეა, მან უნდა მიუთითოს პირადობის (ბინადრობის) მოწმობა/პასპორტის სერია და ნომერი. სააპელაციო განაცხადის შევსების ინსტრუქცია:სააპელაციო განაცხადის შესავსებად უნდა ეწვიოთ ვებგვერდს და აპელაციისათვის განკუთვნილ ღილაკზე დაჭერის შემდეგ შესაბამის ველებში შეიყვანოთ პირადი ნომერი და საგამოცდო საიდენტიფიკაციო (ცხრანიშნა) ნომერი.მითითებული სიმბოლოების შეყვანის შემდეგ აჭერთ ღილაკს „შესვლა“და იწყებთ თქვენთვის სასურველი საგნის შერჩევას ჩამონათვალიდან (თუ აპელაციის საფასური არ გაქვთ გადახდილი, სისტემა არ მოგცემთ არჩევნის გაკეთების საშუალებას). საგნის არჩევის შემდეგ უთითებთ იმ დავალებებს, რომელთა გასაჩივრებაც გსურთ. შეგიძლიათ აირჩიოთ ყველა დავალება.გაითვალისწინეთ: ორი (საგანი, პროფესიული უნარები) სააპელაციო განაცხადის  არსებობის შემთხვევაში, სისტემიდან გამოსვლის გარეშე უნდა შეავსოთ ორივე და მხოლოდ ამის შემდეგ გააგზავნოთ იგი.ამ აღნიშვნების შესრულების შემდეგ სისტემა თქვენს განაცხადს ინახავს, როგორც დროებითს. დროებით განაცხადში არაერთხელ შეგიძლიათ ცვლილებების შეტანა. გახსოვდეთ, დროებითი განაცხადი გაუქმდება, თუ არ გამოიყენებთ ღილაკს „გაგზავნა“.აპელაციის წარმატებით განხორციელების შემთხვევაში აპლიკანტი დაინახავს განაცხადისათვის მინიჭებულ ნომერს. გაგზავნის შემდეგ მასში ცვლილებებს ვეღარ შეიტანთ. წყარო: ... ...
  • მოუხადა თუ არა ბოდიში რუსეთს ნინო ბურჯანაძემ გავრილოვის გამო„ერთიანი საქართველო-დემოკრატიული მოძრაობის“ ლიდერმა, ნინო ბურჯანაძემ გავრილოვის ღამის გამო,  რუსეთის ფედერაციის საბჭოს საგარეო საქმეთა კომიტეტის თავმჯდომარესთან, კონსტანტინ კოსაჩოვთან შეხვედრისას ბოდიში მოიხადა. აღნიშნულ ინფორმაციას TASS ავრცელებს. „არ მეშინია, ბოდიში მოვიხადო აბსოლუტურად ამაზრზენი ინციდენტის გამო. უკაცრავად,რომ საუბარს გაწყვეტინებთ, მაგრამ გაგრძელების საშუალებას არ მოგცემთ, ვიდრე ბოდიშს არ მოვიხდი. მივიჩნევ, რომ ეს პირველ რიგში ქართველი ხალხისა და ქართული სახელმწიფოს შეურაცხყოფა იყო,“_ განაცხადა ბურჯანაძემ. კოსაჩოვმა კი ბოდიშისთვის ბურჯანაძეს მადლობა გადაუხადა. რუსული სააგენტოს მიერ აღნიშნული ინფორმაციის გავრცელებას, ნინო ბურჯანაძის პრესსამსახური გამოეხმაურა. როგორც მათ მიერ გავრცელებულ განცხადებაშია ნათქვამი, ნინო ბურჯანაძეს რუსეთში ბოდიში არავისთვის მოუხდია. "ერთიანი საქართველო-დემოკრატიული მოძრაობის" ლიდერი ყველა თავის გამოსვლაში, როგორც საქართველოში, ასევე რუსეთის ფედერაციაში ყოველთვის აცხადებდა, რომ სერგეი გავრილოვი საქართველოს პარლამენტის თავმჯდომარის სავარძელში თავისი ნებით არ ჩამჯდარა და ის საქართველოს ხელისუფლებამ ჩასვა აღნიშნულ სავარძელში, სიტუაციის გამწვავებისას კი მთავრობამ სტუმრის დაცვაც ვერ უზრუნველყო. სწორედ ეს გაიმეორა ქალბატონმა ნინომ კოსაჩოვთან შეხვედრისას - ფაქტს უწოდა სამწუხარო, თუმცა, მას მომხდარზე ბოდიში არ მოუხდია,"_ნათქვამია განცხადებაში.  ცნობისთვის, რუსეთის დუმის დეპუტატმა სერგეი გავრილოვმა 20 ივნისს, მართლმადიდებლური ასამბლეის გაძღოლა სცადა და საქართველოს პარლამენტის თავმჯდომარის სავარძელი დაიკავა. ფაქტს მოქალაქეების პროტესტი მოჰყვა - აქცია ღამით სპეცდანიშნულების რაზმმა დაშალა. აქციის დაშლისას არაერთი ადამიანი დაშავდა, მათ შორის, ... ...
  • 9 კრიტერიუმი _ რა უნდა იცოდეს მასწავლებლებმა მაქსიმალური ქულის მისაღებადგარე დაკვირვების ჩატარების პროცესი უკვე დაწყებულია და სასწავლო წლის ბოლომდე გაგრძელდება. ამ ეტაპზე გარე დაკვირვებაზე რეგისტრაცია 4 166 პედაგოგი დარეგისტრირდა. მასწავლებლის შეფასება ხდება: გაკვეთილის შეფასების სქემით მასწავლებლის მიერ ჩატარებული გაკვეთილის შეფასებისა და მასწავლებლის რეფლექსიის შეფასების საფუძველზე. გაკვეთილის შეფასების მაქსიმალური ქულაა 36. გაკვეთილი დადებითად შეფასებულად ჩაითვლება, თუ ის დააგროვებს ქულათა ჯამური რაოდენობის 75%-ს, ანუ მინიმუმ 27 ქულას. რაც შეეხება სპორტის გაკვეთილის შეფასებას მაქსიმალური ქულაა 32. გაკვეთილი დადებითად შეფასებულად ჩაითვლება, თუ ის დააგროვებს ქულათა ჯამური რაოდენობის 75%-ს, ანუ მინიმუმ 24 ქულას. აღსანიშნავია ის, რომ გარე დაკვირვებისას ყურადღება მხოლოდ მოსწავლის მიერ საგნის კარგად ცოდნას ან კლასში დისციპლინას არ ექცევა, მასწავლებლის შეფასება ხდება კომპლექსურად, მათ შორის მოსწავლეებთან დამოკიდებულებისა თუ მიმართვის ფორმის, დროის სწორად გადანაწილების და კიდევ სხვა ფაქტორების გათვალისწინებითაც. იმისთვის, რომ მასწავლებლებს გარე დაკვირვების პროცესი გაგიმარტივდეთ, გთავაზობთ, გარე დაკვირვების პროცესში გასათვალისწინებელ შეფასების მნიშვნელოვან კრიტერიუმებს. დაკვირვების პროცესში ყურადღება ექცევა: კლასში ურთიერთპატივისცემისა და ურთიერთგაგების ხელშემწყობი გარემოს არსებობას; კლასის მართვის პროცესს; სასწავლო რესურსის ეფექტიანი (მიზნობრივი) გამოყენება; მასწავლებლის საგნობრივი კომპეტენცია სასწავლო მიზნების განმარტება და შინაარსობრივი გამართულობას; მოსწავლეებთან კომუნიკაციასა და ინსტრუქციები აქტივობებისთვის; სწავლების სტრატეგიებს; მოტივაციასა და ჩართულობას; სწავლების დროს შეფასების გამოყენებას; რეფლექსია ჩატარებულ გაკვეთილზე. გარე საგაკვეთილო შეფასების რუბრიკის დეტალური ინსტრუქცია მასწავლებლის შეფასების სტანდარტიზებული ინსტრუმენტების შესახებ კანონშია გაწერილი. ბრძანების სრული ვერსია შეგიძლიათ იხილოთ ბმულზე, დოკუმენტში გარე დაკვირვების გაკვეთილის რუბრიკის შეფასება ოცდამეორე გვერდზეა მოცემული. წყარო: ... ...
  • დაპირისპირება ვაკიჯვარში ჰესის აშენების მომხრეებსა და მოწინააღმედეგეებს შორისდღეს, ოზურგეთის მუნიციპალიტეტის, სოფელ  ვაკიჯვარში, მდინარე  ნატანებზე ჰესის მშენებლობასთან  დაკავშირებით,  სოფლის მოსახლეობა ინვესტორის წარმომადგენლებს შეხვდა. შეხვედრის დასაწყისშივე გამოიკვეთა წინააღმდეგობა,  რაც დარბაზში მყოფ  ვაკიჯვრელთა შორის სიტყვიერ დაპირისპირებასა და ურთიერთ  შეურაცხყოფაშიც  კი გადაიზარდა. ინვესტორის წარმომადგენლები, სოფლის მოსახლეობასთან, როგორც თავად  თქვეს, გაცნობითი ხასიათის შეხვედრას ატარებდნენ. მათი განმარტებით, ჰესის აშენების შემთხვევაში, გარდა დასაქამებისა, ადგილობრივებს სთავაზობენ ინვესტირებას სოციალურ პროგრამებში, რაც სოლიდური ფულადი თანხით  იქნება გამოხატული.  გარდა ამისა, თუ  შეიქმნება საინიციატივო ჯგუფი,   250 ოჯახს გადაუხდიან 200 კილოვატ საათის დენის თანხას მანამ, სანამ ჰესი იარსებებს. თუმცა, ეს  ადგილობრივებმა  სარწმუნოდ არ მიიჩნიეს. ზოგმა ისიც თქვა,  ასეც რომ იყოს,  ჰესს მაინც არ ავაშენებინებთო.  _ ვინ მოგიწვიათ,  რატომ მოხვედით? არ გაგაჩანაგებინეთ, „რა არის ეს „სკოპინგი“ და გეზეშე“ ჯერ ეს აუხსენით ხალხს, თქვენთვის საუბრობთ?  _ ისმოდა ინვესტორის წარმომადგენელთა მისამართით. მოსახლეობის მომხრე-მოწინააღმდეგეებმა ერთმანეთს არაერთხელ მიაყენეს შეურაცხყოფა. ბოლოს ერთმა ნაწილმა პროტესტის ნიშნად,  დარბაზი დატოვა. _ვინც წინააღმდეგი ვართ, გავიდეთ, _ ამ მოწოდებაზე  დარბაზი ნახევრად დაიცალა. ამ საკითხის შესახებ „გურია ნიუსი“ უახლოეს საგაზეთო სტატიაში ვრცლად ... ...
  • მთავრობის ბრძოლა გარემოს დამცველებთან2019 წლის ანგარიშში „სახიფათო სამუშაო - ბრძოლა გარემოს დამცველების წინააღმდეგ“, რომელიც სხვადასხვა ქვეყნის გარემოს დამცველთა უფლებადარღვევებს და მათ საფრთხეებს მიმოიხილავს, მოხვდა „მწვანე ალტერნატივას“ მაგალითიც, სადაც, საერთაშორისო ორგანიზაციების აზრით,  გარემოს დამცველთა დისკრედიტაციის მცდელობა იკვეთება.  კვლევა ერთობლივად რამდენიმე საერთაშორისო, გარემოსა და უფლებადამცველმა ორგანიზაციამ ჩაატარა, მათ შორის „Crude Accountability-მ“, რომელიც შავი და კასპიის ზღვის რეგიონებში მუშაობს,  “FracTracker Alliance-მა”, რომელიც გარემოსა და ადამიანის უფლებებს აშშ-ში იკვლევს და ყაზახეთის გარემოსდაცვითი ორგანიზაციების ქსელმა “EcoForum”.   ანგარიშში შესწავლილია 40-მდე შემთხვევა აშშ-დან და პოსტსაბჭოთა ქვეყნებიდან, სადაც მთავრობები და კორპორაციები გარემოს დამცველებზე ძალადობენ, ან ემუქრებიან და აკრიტიკებენ მათ იმის გამო, რომ ისინი: იცავენ ბუნებას, ითხოვენ სუფთა ჰაერს და წყალს, ამხელენ კორუფციას, მოითხოვენ ინფორმაციის გამჭვირვალობას ინვესტიციებისა და პროექტების შესახებ. მაგალითები საქართველოდან „მწვანე ალტერნატივას“ მიმართ საქართველოს მთავრობის სხვადასხვა წარმომადგენლის შეურაცხმყოფელ და დისკრიმინაციულ ქმედებებს ეხება.  ერთ-ერთი შემთხვევა 2013 წელს ხუდონის ჰესის მშენებლობის წინააღმდეგობას ასახავს, რომელიც ორი სოფლის დატბორვას და 2000-მდე ადამიანის გადასახლებას ითვალისწინებდა და „მწვანე ალტერნატივას“ შეფასებით, ასევე, საფრთხეს უქმნიდა ბიომრავალფეროვნებას. ამის გამო, მაშინდელმა ენერგეტიკის მინისტრმა კახა კალაძემ და მისმა მოადგილემ „მწვანე ალტერნატივას“ საჯაროდ “რა­დი­კა­ლუ­რი ჯგუ­ფი” უწოდეს და მას ცილი დასწამეს, თითქოს ორგანიზაცია “ეწი­ნა­აღ­მ­დე­გე­ბოდა ქვეყ­ნის ეკო­ნო­მი­კის გან­ვი­თა­რე­ბას“.   კვლევაში, ასევე, შესულია სხვა ხელისუფლების დროინდელი, 2012 წლის მაგალითიც, როდესაც „მწვანე ალტერნატივამ“ საკანონმდებლო და აღმასრულებელი ორგანოების მიერ მიღებული გადაწყვეტილება გააკრიტიკა; საქმე ეხებოდა კანონს, რომელიც გარემოს მსხვილ დამბინძურებლებს სახელმწიფოს წინაშე ვალდებულებებს და პასუხისმგებლობას უმცირებდა. კრიტიკის საპასუხოდ, მაშინდელმა გარემოს დაცვისა და ბუნებრივი რესურსების მინისტრმა გოგა ხაჩიძემ არასამთავრობო ორგანიზაციები „ფარისევლურ დამოკიდებულებაში“ დაადანაშაულა და განაცხადა, მისი მიზანი „საშინელი სურათის“ დახატვა და სკანდალის შექმნა იყო.   საგულისხმოა, რომ 2012 წლის ბოლოს, განახლებული მთავრობის ერთ-ერთი პირველი საკანონმდებლო ინიციატივა სწორედ იმ მოთხოვნების გაუქმება იყო, რომელსაც „მწვანე ალტერნატივა“ აკრიტიკებდა. ზემოაღწერილი შემთხვევები საერთაშორისო უფლებადამცველმა ორგანიზაციებმა შეაფასეს, როგორც „მცდელობები, დისკრედიტაცია გაუწიონ არასამთავრობო ორგანიზაციებს, რომლებიც მთავრობის და პარლამენტის გადაწყვეტილებებს ეწინააღდეგებიან“. კვლევაში აღნიშნულია, რომ „მწვანე ალტერნატივის“ მსგავსად, სხვა ქვეყნის გარემოს დამცველი ორგანიზაციების რეპუტაციის შელახვის და დისკრედიტაციის პრაქტიკა საკმაოდ გავრცელებულია: “სულ უფრო და უფრო მეტი ქვეყნის მთავრობა აბრალებს საკუთარ შეცდომებს და საზოგადოების ჩართულობის ნაკლებობით მიღებულ შედეგებს  არასამთავრობო ორგანიზაციებს და მათ ბრალს სდებს რადიკალიზმში, ზოგჯერ კი გარემოს დამცველებს ღიადაც ადანშაულებს რომ „სხვა ქვეყნების სასარგებლოდ მოქმედი“ აგენტები არიან“. პუბლიკაციის ბოლო მონაცემებით, გარემოსთვის, მათ შორის, მიწაზე უფლებებისთვის ბრძოლაში, 2018 წელს მსოფლიოში 164 ადამიანი გარდაიცვალა, 2017 წელს - 207.  ამ მონაცემებში არ შედის ძალადობისა და მუქარების ის მაგალითები, რომლებიც ფატალურად არ დასრულდა.   წყარო: პუბლიკაცია „Dangerous Work: Reprisals Against Environmental Defenders“ https://crudeaccountability.org/wp-content/uploads/Report_DangerousWork_compressed_for_web.pdf ... ...

არქივი

ზაფრანი

მკურნალი ყავა

საინტერესოდ გამოიყურება ჰარვარდის უნივერსიტეტის მეცნიერთა...

საშიშია თუ არა მზის სათვალე

მზის სათვალე წარმოადგენს არა მხოლოდ...

ლიმონის დიეტა

ლიმონის დიეტა გრძელდება 10-დან 14...

ახდენს თუ არა ცხელი ჩაი კიბოს პროვოცირებას

ჩინელი მედიკოსები ცხრა წლის მანძილზე...

ნივთები, რომლებიც იმაზე ჭუჭყიანია, ვიდრე წარმოგიდგენიათ

წარმოგიდგენთ ნივთებს, რომლებიც იმაზე ბინძურია,...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

საპარლამენტო არჩევნების რომელ მოდელს უჭერთ მხარს