"როგორც დაგვიანონსეს, გვეტყვიან, რომ ჩვენ მოღალატეები ვართ"... _ დაპირისპირება ენმ-ში

gurianews.com

ფეისბუქსტატუსები

"როგორც დაგვიანონსეს, გვეტყვიან, რომ ჩვენ მოღალატეები ვართ"... _ დაპირისპირება ენმ-ში

2016 დეკ 17 16:46:05

ბოლო დღეების განმავლობაში, ფეისბუქში "ნაციონალური მოძრაობის" ორ ფრთას შორის, რომელსაც პირობითად უკვე სააკაშვილის და ბოკერიას ფრთას უწოდებენ, აშკარა დაპირისპირება მიმდინარეობს.

„ერთიანი ნაციონალური მოძრაობის“ ზუგდიდის ორგანიზაციის და ამავდროულად ქალაქის საკრებულოს წევრი ბათლომე შელია განცხადებას ავრცელებს. ის ენმ-ის წევრებს შორის არსებულ დაპირისპირების მიზეზებზე საუბრობს. განცხადებაში ნათქვამია, რომ 20 დეკემბერს, ნაციონალური მოძრაობის ზუგდიდის ორგანიზაცია შეხვედრას გამართავს, სადაც დადგება პარტიის ადგილობრივი ორგანიზაციის ლიდერების ლაშა დამენიას და თენგიზ გუნავას სანდოობის საკითხი. შეხვედრას მიხეილ სააკაშვილი „სკაიპით“ ჩაერთვება და „როგორც დაგვიანონსეს, გვეტყვიან, რომ ჩვენ მოღალატეები ვართ“, - ამბობს ბათლომე შელია.

"ზუგდიდში მიშას მხარდამჭერობას ამოფარებულებმა ისეთი მეთოდებით დაიწყეს ბრძოლა, რაც არც მიშას შეეფერება და არც იმ ადამიანებს, ვინც საბჭოზე ხმა მისცა მიშას შემოთავაზებულ პროექტს და დღეს პარტიაში განსხვავებული პოზიციის ერთ მხარეს დგანან...

ჯერ იყო და პარლამენტში ზუგდიდიდან დეპუტატებს იმდენი ტალახი ესროლეს, ჩვენი ამომრჩეველიც და არა ამომრჩეველიც გაოგნებული იყო და არიან...

ეს ტალახი მიშას ღალატის სახელით "მოზილეს" და ბუნებრივი რეაქციაც და მხარდამჭერებიც მოიპოვეს.
შემდეგ ეტაპად პარტიაში შეხვედრა დაგეგმეს, იქ მოიწვიეს პარტიული აქტივი არასრული შემადგენლობით. ძირითადად ის ადამიანები, რომელთა ძირითადი ნაწილის აზრი წინასწარი გასაუბრებით იცოდნენ. შეხვედრის ძირითად მოდერატორებად ანი წითლიძე, მაია კალანდია, მანანა ტრანკლე და ალიკა ქობალია (პრაქტიკულად იმ ე.წ. ფლანგის ლიდერები) მოგვევლინნენ...

შეხვედრის ბოლოს თენგიზ გუნავას უნდობლობის საკითხი დააყენეს, მხოლოდ რვა ადამიანმა ასწია ხელი სავსე დარბაზში და ამ ფონზე გარეთ გამოსულებმა მედიას განუცხადეს, რომ პარტიის ზუგდიდის აქტივმა გუნავას უნდობლობა გამოუცხადაო...

ეს მედია, რა თქმა უნდა "ოდიში" იყო, რომელიც პარტიულ შეხვედრაზე მოიყვანეს სწორედ ამ განცხადების გასაჟღერებლად...

ამ ფაქტზე პოლიტიკურ შეფასებას მე არ გავაკეთებ. ვინ რა დოზითაც იცნობთ პოლიტიკას ისე შეაფასებთ...

შემდეგ, მეორე დღესვე იყო ჩემი ინიციატივა შეგვეკრიბა ყველა, ვინც პარტიის სტრუქტურულ რგოლს წარმოადგენდა, ერთად ერთი მიზნით, გვეკითხა ეთანხმებოდნენ თუ არა ისინი გუნავა-დამენიას უნდობლობის საკითხს?!

მოვიწვიეთ ყველა სოფლის პირველადი ორგანიზაციის ხელმძღვანელი, ქალაქის ყველა ზონის კოორდინატორი, პარტიის ოფისის თანამშრომლები და როგორც კი გაიგეს ამ შეხვედრის ორგანიზების შესახებ, იმ წუთშივე წამოვიდა უკვე ცნობილი წითლიძის პოსტი, ძალიან ბავშვური ბრალდებით, რომ თურმე მე "ვაგინებ მიშას" და "ხალხს ვავერბოვკებ მიშას წინააღმდეგ"...

შეხვედრამ, რომელსაც რა თქმა უნდა ესწრებოდა ზემოთ ხსენებული ოთხეული, ასევე დაძაბულ რეჟიმში ჩაიარა. ბევრმა გამოთქვა საკუთარი მოსაზრება სხვა და სხვა ფორმით, თუმცა არავის წამოსცდენია, რომ გუნავა-დამენიას უნდობლობაზე უნდა გვემსჯელა. აბსოლიტურად ყველა ვაღიარებდით მიშას, როგორც ლიდერის როლს პარტიაში, მაგრამ გვქონდა სხვა და სხვა შეხედულებები პარტიაში მიმდინარე მოვლენებზე...
განსხვავებული აზრი, შიდა პარტიული რევოლუციონერების მხრიდან, იწოდებოდა მოღალატეობრივად და სწორედ ამ 4 ადამიანისგან შემდგარმა ჯგუფმა როდესაც ვერ მიაღწია გუნავა-დამენიას უნდობლობის საკითხს, განაცხადა, რომ 20 დეკემბერს ჩაგვერთვება მიხეილ სააკაშვილი და იქ გავიგებდით მისგან, რამდენად სანდოა გუნავა-დამენია...

ეს განცხადება ალიკა ქობალიამ გააკეთა პირველ შეხვედრაზე ირიბად და მეორე შეხვედრაზე ღიად.
როგორც თვითონ აცხადებს მას პირადი კომუნიკაცია აქვს პრეზიდენტთან, იცის მისი გეგმების შესახებ და ასევე იცის, თუ ვისზე რას ფიქრობს...!!!
ძალიან მიჭირს ამ ფაქტზე კომენტარის გაკეთება...

ყველაზე მძიმე პერიოდი პარტიაში ყველაზე მეტად ზუგდიდმა გადაიტანა. ყველა წერტილში გვებრძოდნენ როგორც ფიზიკურად, ისე მორალურად... ყველამ ერთად გადავიტანეთ ეს მძიმე პერიოდი. ყველამ, პარტიის თითოეულმა რგოლმა რაც შეეძლო ყველაფერი ჩადო ამ ბრძოლაში ...
ვერ დავძლიეთ, თუმცა საქართველოში ყველაზე საუკეთესო შედეგი დავდეთ...

ჩვენი იდეოლოგიური იარაღი ამ ბრძოლაში მიშა და რუსთავი2 იყო. იმაზე მეტს, რაც მათ გააკეთეს, ჩვენ ვერ ვიზამდით. მიშა სტიმული იყო და რუსთავი2 ჩვენი პოზიციის გამხმოვანებელი... ჩვენი გასაკეთებელი იყო ამომრჩევლის იდენტიფიცირება და არჩევნებზე მოყვანა...
ვერავინ ვერ იტყვის, რომ ერთი ამომრჩეველი მაინც დაგვრჩა ისე, რომ მათი პოზიცია არ გვცოდნოდა... ღია მხარდამჭერებით ვუგებდით ყველგან, მაგრამ იმ ამომრჩევლით მოგვიგეს, რომელსაც ბოლომდე არ ჰქონდა გადაწყვეტილი არჩევანი და ან ბოლო მომენტში მაინც არ გვენდო, ან გადაიბირა ხელისუფლებამ სხვა და სხვა მეთოდით...

ეს რომ ასეა, ყველამ იცის როგორც ერთ, ისე მეორე მხარეს...

ყველა, ვინც ხმა მისცა, ან არ მისცა ბოლო პოლიტ საბჭოზე მიღებულ გადაწყვეტილებას, დარწმუნებული ვარ ამ წუთებშიც ფიქრობს ისეთი გამოსავლის მოძებნაზე, რომელიც არც მათ პოზიციას დააზიანებს და არც პარტიას მიიყვანს გახლეჩვამდე, მაგრამ ისეთი არაადეკვატური ფორმებით ბრძოლა, როგორიც ზუგდიდშია, პოლიტიკური ბრძოლის ყველანაირ ზღვარს სცდება...

20 დეკემბერს დაგეგმა ზემოთ ხსენებულმა ოთხეულმა პარტიის შეხვედრა და პრეზიდენტთან ჩართვა, სადაც როგორც დაგვიანონსეს, გვეტყვიან, რომ ჩვენ მოღალატეები ვართ...

PS-თან აჟღერებენ, რომ ჩვენ ქვედა რგოლს არ გვეხებიან და ძალიან ნუ გამოვიდებთ თავს..., _ წერს ფეისბუქის საკუთარ გვერდზე ბათლომე შელია.




 ახალი ამბები
  • კიდევ ერთი სკანდალური ფარული ჩანაწერი სუბელიანის და ჯაფარიძის მონაწილეობით _ დაჭერამდე ავედი მინისტრთანკურიერმა“ ახალი სკანდალური ჩანაწერი მოიპოვა, სადაც პროკურატურის ყოფილი მაღალჩინოსანი მირზა სუბელიანი დეპუტატ ვიქტორ ჯაფარიძეს ესაუბრება. ახალ აუდიოფაილში პროკურატურის ყოფილი მაღალჩინოსანი და ხორავას საქმის ფარგლებში დაკავებული მირზა სუბელიანი „ქართული ოცნების“ იმ მაღალჩინოსნებს ახსენებს, რომელთა მაკომპრომეტირებელი მასალები აქვს. მათ შორის პირველია სასჯელაღსრულების ყოფილი მინისტრი კახი კახიშვილი. ჩანაწერის მიხედვით, დაკავებამდე სწორედ მისგან მოითხოვდა სუბელიანი პატიმრობის განსაკუთრებულ პირობებს და ფარული მასალებით აშანტაჟებდა. სუბელიანის თქმით, 2013 წელს კახიშვილი ფარული მიყურადების ობიექტი იყო. პროკურატურის ყოფილი მაღალჩინოსანი სასჯელაღსრულების სამინისტროსთან გამართულ აქციებს, იქ ლალი მოროშკინას მონაწილეობასა და მოროშკინასა და კახიშვილის სატელეფონო საუბარს ახსენებს. მირზა სუბელიანი - „ეს ყველაფერი არის მიზანმიმართული, ძმაო, ესენი არიან ნაცებთან. ეს თემა თუ არ იყოს, შემაფურთხე თვალებში, რასაც ესენი აკეთებენ. ამას ესენი აკეთებენ ხელოვნურად, რომ მე ავფეთქდე, გავგიჟდე, კამერა ჩამოვიღო, ერთი-ორი კონტროლიორი ზემოდან დავაწვინო და მერე თქვან, აი, ხომ ხედავთ რა, მირზამ ვერ გაქაჩაო, ნერვებმა უმტყუნაო. აბა, რისთვის ხდება ეს. თორემ დაჭერამდე ორი დღით ადრე ავედი მინისტრთან კახიშვილთან, მე თვითონ ვიყავი და მივდივარ ძმაო და ვჯდები-მეთქი და იმედია, შენი მხრიდან პ..ბა არ იქნება მეთქი, პირში ვუთხარი, თორე შენ რასაც აკეთებდი 2013 წელში ეგ ძალიან კარგად ვიცი-მეთქი, ერთ რამეს შეგახსენებ მეთქი, შენ რომ ლალი მოროშკინას მართავდი-მეთქი და ერთხელ რომ გავიდა ზეთში მეთქი და „კახი, კახი“ და რომ ატყდა ერთი ამბავი მეთქი, შენ დაარიგე ლალი მაროშკინა, რომ შენი სახელი კი არა, კახი კალაძის სახელი იყო და ეგ აუდიოჩანაწერები ტ...ში აქვთ მეთქი. რავი, მე მგონი დრო ხომ არ არის, რაღაც რომ .. მოვახდინო, იმიტომ რომ იქ „ომეგას“ აქვს ფარული ჩანაწერები, აქ პეტრეს მიაქ ფარული ჩანაწერები, აქ თურმე შაყულაშვილი გამოვიდა და მე გამომიყვანა, თურმე ჩემი შვილი მოკლესო, ... ...
  • ჩოხატაურში 33 წლის ახალგაზრდამ თავი ჩამოიხრჩოჩოხატაურის მუნიციპალიტეტის სოფელ ამაღლებაში, 33 წლის შ.დ. ამ დილით გარდაცვლილი ოჯახის წევრებმა იპოვეს. _ შოკირებულები ვართ. მთელი სოფლის დამხარე ბიჭი იყო. ზრდილობიანი, ყურადღებიანი. არავინ იცის ეს ნაბიჯი რატომ გადადგა. გუშინ ახლობელს ყანის აღებაში მიეხმარა, შემდეგ ღორი დაკლეს, იქეიფეს. საღამოს სახლში მივიდა, დედას ესაუბრა და დასაძინებლად დაწვა. დილით კი ნალიაზე იპოვეს ჩამომხრჩვალი, _ გვითხრეს გარდაცვლილის ახლობლებმა. როგორც შ.დ-ს ახლობლებმა გვითხრეს, ახალგაზრდას პრობლემები არ ჰქონია: _ ყოველთვის მხიარული ბიჭი იყო. პრობლემები ნამდვილად არ ჰქონია. გუშინწინ ძმისშვილი შეეძინა და ძალიან ბედნიერი იყო. არ ვიცით, რა ვიფიქროთ, _ აღნიშნავენ მისი ახლობლები. მომხდართან დაკავშირებით ჩოხატაურის პოლიციის სამმართველოში უკვე დაწყებულია გამოძიება თვითმკვლელობამდე მიყვანის ... ...
  • “როდესაც იქ არაფერი ხვდებათ, უკმაყოფილებას იწვევს“ _ აკაკი შანიძის არარსებული მუზეუმი (ვიდეო)სამტრედიის მუნიციპალიტეტში, სოფელ ნოღაში მდებარე, ქართველი ენათმეცნიერის აკაკი შანიძის სახლ-მუზეუმთან დაკავშირებით არაერთი ვიდეო ვრცელდება სოციალურ ქსელში. მუზეუმში სავალალო მდგომარეობაა და მიუხედავად იმისა, ნოღაში არსებობს აბრა, რომელიც მიანიშნებს სახლ-მუზეუმის მიმართულებას, მუზეუმი არ არსებობს. სამტრედიის მუნიციპალიტეტის მერიის განათლების, კულტურის, სპორტისა და ახალგაზრდობის საქმეთა სამსახურის უფროსი ნატო მანჯგალაძე ამბობს, რომ ამ ეტაპზე მუზეუმის სტატუსი არ აქვს იმ ადგილს, სადაც აკაკი შანიძის იუბილესთან დაკავშირებით სახლი ჩაიდგა. _ ჩვენ როდესაც მოვედით ხელისუფლებაში, ამ შენობას არანაირი სტატუსი არ ჰქონდა. ეს შენობა, რომელიც არის დადგმული, ეს არ არის ის ადგილი, სადაც აკაკი შანიძე დაიბადა. ეს სახლი სახელდახელოდ გაკეთდა აკაკი შანიძის 100 წლის იუბილესთან დაკავშირებით და როგორც ვიცი, დიდხანს არ უარსებია. როდესაც კულტურის სამინისტროს მინისტრი მიხეილ გიორგაძე იყო, მას მივწერეთ წერილი და მივიღეთ პასუხი, რომ ადგილობრივი ხარჯებით უნდა მომხდარიყო სარემონტო სამუშაობის ჩატარება, რაც ადგილობრივი ბიუჯეტით ვერ მოხდება, რადგან, სამწუხაროდ, არ არის ამის საშუალება. ჩვენ გვინდა, რომ დაგვეხმარონ და აღდგეს მუზეუმი. ქალბატონი მზექალა შანიძე გვპირდება, რომ შენობის ფუნქციონირების შემთხვევაში, სხვადასხვა ნივთებს, ლიტერატურას გადმოგცემს, მაგრამ ეს როდის მოხდება, ზუსტად არ ვიცი“, _ გვითხრა ნატო მანჯგალაძემ. მისივე თქმით, ორი წლის წინ გურია-იმერეთის საზღვარზე 1084 მეტრი სიმაღლის მთას მიენიჭა აკაკი შანიძის სახელი და ასევე, სამტრედიის მუნიციპალიტეტის მოსწავლე-ახალგაზრდობის სახლში  არის გამოყოფილი ადგილი, სადაც აკაკი შანიძის ნივთები, წიგნები ინახება. აკაკი შანიძის შვილის, ლელა შანიძის თქმით, სახელმწიფოსგან არ არის, ალბათ, კეთილი ნება სახლ-მუზეუმს მიხედოს. “მე რომ მქონდეს საშუალება, აუცილებლად გავაკეთებდი, მაგრამ არ მაქვს. არც თუ პატარა თანხები სჭირდება იქ არსებულ სახლს რომ მუზეუმის სახე დაუბრუნდეს. სახლი არის სავალალო მდგომარეობაში. მამაჩემის მუზეუმი არის უყურადღებოდ მიტოვებული, მეტი რა უნდა ვთქვა?!“_ გვითხრა სატელეფონო საუბრის დროს ლელა შანიძემ. პედაგოგ ნათელა ბრეგაძის თქმით, დიდი ხანია სოფლის მცხოვრებთა სურვილია, აღდგეს აკაკი შანიძის სახლ-მუზეუმი. “ 12 წელია ვცდილობთ, რომ ის სტატუსი, რაც ჰქონდა აკაკი შანიძის მემორიალურ მუზეუმს, აღუდგეს და ასევე, მოხდეს შენობის რეაბილიტაცია. მაგრამ, არაფერი გამოგვდის და ეს არის ძალიან ცუდი ფაქტი. ამ ეტაპზე მედიის წარმომადგენლები დაინტერესდნენ ამ საკითხით და სხვა არავინ დაინტერესებულა. რაც არის, ის შენობაც ინგრევა, პატრონი არ ჰყავს. იმისი იმედით, რომ ვინმე გამოგვეხმაურებოდა, არ ვხსნით შეგნებულად ამ ტრაფარეტს, მაგრამ ამ ეტაპზე შედეგი არ არის, მაგრამ იმედი მაქვს ყურადღებას მოგვაქცევენ“, _ ამბობს ნათელა ბრეგაძე. სამტრედიის მუნიციპალიტეტის მერის წარმომადგენელის სოფელ ტოლებში ალექსი ბოცვაძე ჩვენთან სატელეფონო საუბრის დროს ამბობს, რომ დიდი ხანია აკაკი შანიძის სახლ-მუზეუმი არ ფუნქციონირებს. “მე ნოღაში ვცხოვრობ და ძალიან მძიმეა ამის ყურება. სამტრედიის მერს მივწერე წერილი და ასევე, როგორც ვიცი, უკვე საქმის კურსში არიან სამინისტროს წარმომადგენლები. ასევე, მერმა თქვა, რომ 2019 წლის ბიუჯეტში გამონახავენ კონკრეტულ თანხას, რომ რაღაც პროცესი დაიწყოს და სათანადო ყურადღება მიექცეს აკაკი შანიძის სახლ-მუზეუმს. შენობა არის, ტრაფარეტი არის, ტურისტები მოდიან, მაგრამ, როდესაც იქ არაფერი ხვდებათ, უკმაყოფილებას იწვევს ეს ფაქტი“, _ თქვა ჩვენთან საუბრის დროს ალექსი ბოცვაძემ. “გურია ნიუსი“ ამ საკითხთან დაკავშირებით მუშაობს და დამატებით ინფორმაციას მოგვიანებით ... ...
  • „ნაციონალების“ ყოფილმა შემომწირველმა „ოცნების“ დეპუტატებმა ზურაბიშვილს სოლიდური თანხები გადაურიცხეს,,ქართული ოცნების“ მხარდაჭერილი საპრეზიდენტო კანდიდატის მსხვილ დამფინანსებელეთა შორის მმართველი პარტიის დეპუტატებიც არიან, რომლებმაც სალომე ზურაბიშვილი წინასაარჩევნოდ საკმაოდ სოლიდური თანხით დააჯილდოვეს.  აუდიტის სამსახურის მიერ გამოქვეყნებული მონაცემების მიხედვით, ზურაბიშვილის შემომწირველთა სიაში ირიცხება ფოთის მაჟორიტარი დეპუტატი ირაკლი ხახუბია, რომელმაც  სალომე ზურაბიშვილის საარჩევნო ფონდში  60 ათასი ლარი დაგარიცხა. კიდევ ერთი დეპუტატი, რომელიც სალომე ზურაბიშვილის მსხვილი შემომწირველია, გორის მაჟორიტარი დეპუტატი იოსებ მაკრახიძეა, რომელმაც 10 ოქტომბერს მმართველი პარტიის რჩეულ კანდიდატს 50 ათასი ლარი გადაურიცხა. დეპუტატები, რომლებიც სალომე ზურაბიშვილს მსხვილი შემწირველები არიან, თავის დროზე,  პარტია „ნაციონალური მოძრაობის“ დამფინანსებელთა რიგებშიც ირიცხებოდნენ. “გურია ნიუსის“ მიერ მოპოვებული ოფიციალური ინფორმაციის მიხედვით, ფოთის მაჟორიტარმა დეპუტატმა ირაკლი ხახუბიამ 2012 წელს „ნაციონალური მოძრაობა“ 10 000 ლარით დააფინანსა, ხოლო იოსებ მაკრახიძემ, ამავე (2012 წელს) წელს „ნაციონალურ მოძრაობას“ შემოწირულობის სახით 25 000 ლარი გადაურიცხა. ... ...
  • სალომე ზურაბიშვილი ნატოს სამეკავშირეო ოფისის ხელმძღვანელს, როზარია პულისის შეხვდა (R)დღეს პრეზიდენტობის დამოუკიდებელი კანდიდატი, სალომე ზურაბიშვილი ნატოს სამეკავშირეო ოფისის ხელმძღვანელს, როზარია პულისის შეხვდა. „დღევანდელ შეხვედრაზე ნატოს საინფორმაციო ოფისის ხემძღვანელის მხრიდან იყო ინტერესი ჩემს ხედვებზე, როგორი პრეზიდენტი ვიქნები ახალი კონსტიტუციით დადგენილი უფლებების ფარგლებში. ხოლო, ჩემი მხრიდან იყო ინტერესი თუ როგორ შეიძლება გავაძლიეროთ საინფორმაციო კამპანია, ნატოს ქმედებები საქართველოში და ასევე საუბარი იყო საქართველოს წინსვლის შესახებ, რაც მიღწეულია სწორედ ნატოსთან თანამშრომლობით. ჩვენი პერსპექტივის გაძლიერება ნატოში და ევროკავშირში გაწევრიანებისთვის იქნება ჩვენი ერთობლივი მუშაობის ფორმა, როცა მე ვიქნები საქართველოს პრეზიდენტი“, - განაცხადა სალომე ... ...

არქივი

ზაფრანი

დილით დასვენებულმა რომ გაიღვიძოთ…

ორგანიზმი ძილის დროს ახალგაზრდავდება, დუნდება...

ადამიანის იღბალი და მობილური ტელეფონის ნომერი

რიცხვების მაგია უძველესი დროიდან იღებს...

მამაკაცები, რომელთა ცოლობასაც არასოდეს ინანებთ

ამბობენ, რომ ქორწინება თავისებური "ლატარიაა",...

ყავა ჭამის მადას ამცირებს

3-4 ფინჯანი ყავის მირთმევა დღის...

ბავშვის სწორად აღზრდა და ასტროლოგია

ამბობენ, "მშობლებს არ ირჩევენ" და...

ქეით მიდლტონის ყოველდღიური დიეტა

კემბრიჯის ჰერცოგინია, სამეფო ოჯახის წევრის...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნებზე?