ბეგლარ სიორიძე კონსტანტინე შარაშენიძის წინააღმდეგ: "მე დევიწყე, ნენა?!"

ფეისბუქსტატუსები

ბეგლარ სიორიძე კონსტანტინე შარაშენიძის წინააღმდეგ: "მე დევიწყე, ნენა?!"

2018 აპრ 25 14:09:50

ოზურგეთის ყოფილი მერი, ბეგლარ სიორიძე მოქმედ მერს კონსტანტინე შარაშენიძეს უპირისპირდება და სოციალურ ქსელში ვრცელ პოსტს უძღვნის.

სიორიძის თქმით, შერაშენიძესთან პოლემიკაში შესვლას არ აპირებდა, თუმცა მერმა სხვა გზა არ დაუტოვა. როგორც პოსტიდან ირკვევა, საქმე ეხება კონსტანტინე შარაშენიძის მიერ ტელეეთერით გაკეთებულ განცხადებას, სადაც ის ამბობს, რომ ბეგლარ სიორიძემ ბაზარი საკუთარ სიძეს გადასცა:

"არ ვაპირებდი კოტე შარაშენიძესთან არანაირ პოლემიკაში შესვლას, მაგრამ მისი განცხადების შემდეგ მან სხვა გზა აღარ დამიტოვა. ეტყობა ნაადრევად გული საგულეს დადო და საარჩევნო კამპანიის დროინდელი „გრეხები“ მისი მოკლე ჭკუით საკუთარი მეხსიერებიდან უკვე ამოშალა.

წარსულს ჩაბარდა, სულ რაღაც ოთხი თვის წინანდელი ისტორია, როცა ათასგვარი ყოვლად უხამსი მეთოდებითა და ცრუ დაპირებებით, მოახერხეთ ოზურგეთელების მოტყუება.სულ მოკლე პერიოდში თქვენი საქმიანობიდან გამომდინარე სინანულით აღნიშნავენ ისინი, რომ შეცდნენ და ვერ მოახერხეს ნამდვილი კოტე შარაშენიძის ამოცნობა. თუმცა ისეთი „კიო“-ც ვერა ხარ, რომ კიდევ ოთხი წელი შეძლო ამ ადამიანების „დაბოლება“.ვიცი ადვილი არაა შენთვის ამის გაგება, ამიტომ შევეცდები დაგიმარცვლო და პუნქტობრივად გადმოგცე ეს ყველაფერი:

1. ნუთუ ის მაინც არ იცი, რომ სიძეს ეძახიან შვილის, შვილისშვილის,დისშვილის, ძმისშვილის, ბიძაშვილის, მამიდაშვილის, დეიდაშვილის ან თუნდაც ახლო ნათესავი ქალბატონის მეუღლე მამაკაცს.

ეს კი არც ერთი ზურაბ გობრონიძესთან მე არ მაკავშირებს(თუ კიდევ დაგრჩა შენი ყოფილი და უკვე „გადაგდებული“ მხარდამჭერები, ისინი დაგეხმარებიან ამის დადგენაში).ნამდვილად არ გამკვირვებია(შენი საარჩევნო კამპანიის დროს ნაკადრებებიდან გამომდინარე)თუ როგორ წარბშეუხრელად განაცხადე სხვადასხვა ტელეარხების წინაშე, თურმე როგორ გადავუფორმე ბაზარი სიძეს.

2.რადგან სიძის ამბავი გავარკვიეთ, ახლა კი გეტყვი, რომ სწორედ შენი გამგებლობის(2012-2014) პერიოდში აღმოჩენილი დარღვევების გამო გასცა სახელმწიფო აუდიტმა რეკომენდაცია, რომ ბაზარი გაგვეცა მრავალწლიანი იჯარით და ის წამგებიანი აღარ ყოფილიყო.

მართალი გითხრათ, აუდიტის რეკომენდაცია სულაც არ მჭირდებოდა ამისთვის,ამას ჩემი მტერი(არათუ მერი) ვერ მიხვდა, მაგრამ სამწუხაროდ ბეგი სიორიძემდე ვერავინ დაინახა ამის აუცილებლობა. ერთად აღებული ყველა გადასახადიდან ბიუჯეტში 60 000 ლარამდე შემოდის მაშინ, როდესაც ოზურგეთის ბაზარი თავისი არსებობის მანძილზე სულ წაგებაზე იყო.

3.რახან იმედია გაერკვიე, სიძის ნაცვლად, შენი ნებართვით, ბიზნესმენ ზურაბ გობრონიძეს მოვიხსენიებ. ძალიან გაუნათლებელი უნდა იყო, ან ისევ უნდა აგრძელებდე ადამიანების თვალებში ნაცრის შეყრას, როცა აცხადებ რომ ბაზარი ზურაბ გობრონიძეს გადავუფორმე თურმე.

აბა კარგად ნახე, როგორ იყო (არა მგონია შენი უკვე მოსწრებული საქმიანობებიდან გამომდინარე მომავალში გამოგადგეს, მაგრამ მაინც): აუდიტორის მიერ ოზურგეთის ბაზარი შეფასდა 450 000 ლარად (არ გაგიკვირდეთ, არ შემშლია),იჯარით მისი გაცემის შემთხვევაში არსებული კანონმდებლობიდან გამომდინარე იჯარის ფასი შეადგენს ღირებულების 6 % -ს. ჩატარდა საჯარო აუქციონი, სადაც ნებისმიერ მსურველს შეეძლო მონაწილეობის მიღება და გაიმარჯვა შპს “სოფლის ნობათმა“.

ამის შემდგომ, პირველად, თავისი არსებობის მანძილზე ბაზარი გახდა სახელმწიფოსთვის მომგებიანი. აი, ასე „გადავუფორმე“ ბაზარი ზურაბ გობრონიძეს, ჩემს „სიძეს“.ახლა კი გეკითხები: სად მიდიოდა ეს თანხა შენი გამგებლობის პერიოდში?!

4.სულაც არ ვაპირებ გობრონიძის ადვოკატობას,მაგრამ მისი განცხადების პასუხად, სადაც ამბობს რომ მას ბაზრის წართმევით დაემუქრეთ, ამას აბსურდს უწოდებთ, ხოლო თქვენს გაკეთებულგანცხადებებში გარკვევით ადასტურებთ, რომ ბაზარი ხალხს(?) უნდა დაუბრუნდესო ანუ გადაგიწყვეტიათ უკვე მისი წართმევა.

თქვენი პირველი მოადგილე (რომელიც არაადეკვატური მერის ჭკუის დამრიგებლად მოიყვანეს) კი საერთოდ კომიკურ განცხადებას აკეთებს,თურმე ქვეყანაში ლარის კურსი იცვლება და ამიტომ საჭიროა ხელშეკრულების გადახედვა. დღეისათვის ჩვენს ქვეყანაში კერძო სექტორსაც კი აკრძალული აქვს დოლარის კურსის მიხედვით ხელშეკრულების დადება და მხოლოდ ლარზე ხდება ყველანაირი ოპერაციის წარმოება.

ასევე საინტერესოა, ხელშეკრულების რომელი პუნქტის საფუძველზე, რა ქვემოიჯარეების ცნობადობას ითხოვს მერის მოადგილე და საერთოდ რა ესაქმება მათთან ან საით მიილტვიან. ეტყობა ვერ გაერკვნენ არსებული ხელშეკრულების პირობებში, რომელსაც კოტე და პუტკი კი არა ,ვერავინ შეცვლის მისი ვადის არსებობის პერიოდში. სწორედ ეს გახლავთ ზეწოლა ბიზნესზე. აბა სხვა რა გგონიათ და ის რაც თქვენ გგონიათ, ვინმე ჭკვიანი იპოვეთ(თუკი არის ასეთი თქვენს ირგვლივ)და იმას კითხეთ გამოგივათ თუ არა.

5. ამასობაში კი კომპანიის პარტნიორები, რომლებმაც ყველანაირი წესის დაცვით არც თუ მცირე თანხის საფასურად მოიგეს აუქციონი და პირნათლად იხდიან ყველანაირ გადასახადს, ამავე დროს როგორც ამბობენ დღემდე მოგების გარეშე წარმართავენ მის ბიზნესს ხვალინდელი გეგმების იმედით, ჩემგან ითხოვენ(რადგან ჩემს პერიოდში შეიძინეს) გარანტიებს, რომ მათ ბიზნესს საფრთხე არ დაემუქრება. მე რა თქმა უნდა მათ ასეთ გარანტიას ვაძლევ და დარწმუნებული ვარ ის დრო წარსულს ჩაბარდა, როცა
ვინმეს ბიზნესს ,,ახევდნენ“, მაგრამ მეორე კითხვაზე პასუხი ნამდვილად არ მაქვს, როგორ აღარ უხდის რამოდენიმე ბაზრის მოვაჭრე ადმინისტრაციას გადასახადს და პასუხი ასეთი აქვთ „კოტესთან დავალაგეთ“.

ხოლო დიდი ნაწილი ქუჩაში გავიდა(უკვე ოზურგეთის გარდა ეს თითქმის არსად ხდება) და იქ ვაჭრობს, გადასახადსაც რა თქმა უნდა აღარ იხდის. ამ დროს მერი და ვიცე მერი სირაქლემას პოზიციაში მოკალათებულნი, ფიქრობენ, რომ სხვა მათ მიერ ბიზნესზე ზეწოლას ვერც ამჩნევს.

6. და ბოლოს, ნუ ახსენებ იმ ადამიანის სახელსა და გვარს, რომელიც თითქოს გმფარველობს და შენივე სიტყვებით რომ ვთქვა, ფეხებსაც ვერავინ ვერ მოგჭამს. თუმცა, არ ხარ შენ მთლად „აბდალი“, ამით სპეციალურად დანაშაულში ითრევ ადამიანებს და ასევე წარბშეუხრელად ცდილობ მათ მოტყუებას.

ასეა კოტე, თითქმის ყველა ტელეარხზე ცილი დამწამე აბსოლუტურად მართალ ადამიანს და კიდევ ერთხელ შეეცადე (ეტყობა ისევ ბეგი სიორიძე გელანდება) შეცდომაში შეგეყვანა საზოგადოება. და მე რა ვქნა ამ დროს, მოგიშვირო მეორე ლოყა? ბოლოს ერთი ძაან მაგარი ანეგდოტით დავასრულებ: „გურული ბებო-მე დევიწყე ნენა?" _ წერს სიორიძე.

ჩვენ შევეცადეთ ამ თემაზე კონტანტინე შარაშენიძის კომენტარიც მოგვეპოვებინა, თუმცა, ოზურგეთის მერმა "გურია ნიუსის" სატელეფონო ზარებს ამჯერადაც არ უპასუხა.

ამავე თემაზე იხილეთ: რატომ არ ჩაიბარა ბიზნესმენის წერილი მერიის კანცელარიამ _ "მერმა ბაზრის წართმევა დამიანონსა"




 ახალი ამბები
  • რუსთავი-თბილისის გზაზე ავარიას 6 თვის ბავშვი ემსხვერპლარუსთავი-თბილისის გზაზე ერთმანეთს "ტოიოტასა" და "კიას" მარკის ავტომობილები შეეჯახა. ავტოსაგზაო შემთხვევის შედეგად 6 თვის ბავშვი დაიღუპა. როგორც „ინფო რუსთავი“ იუწყება, მცირეწლოვანი ბავშვი მშობლებთან ერთად სწორედ "ტოიოტას" მარკის ავტომობილში იმყოფებოდა. დაშავებული ბავშვი სასწრაფო-სამედიცინო დახმარების ჯგუფმა კლინიკა ნიუ-ჰოსპიტალსში გადაიყვანა, თუმცა, მისი გადარჩენა ვერ მოხერხდა. შემთხვევის ადგილზე მობილიზებული იყო საპატრულო პოლიციისა და სასწრაფო დახმარების ... ...
  • მეკვერნიე „ჩაქირა“: უნიკალური ჯიშის ძაღლი გურიაში, სავარაუდოდ, მხოლოდ ერთ კაცს ჰყავსმეკვერნიე ჯიშის ძაღლი „ჩაქირა“ ძველად  გურიაში საკმაოდ გავრცელებული ყოფილა და მას კვერნაზე სანადიროდ იყენებდნენ. შემდეგ კი გადაშენებულა და ახლა მხოლოდ მაკვანეთელ ილია თოიძეს ჰყავს. _ის თავს ევლება მეკვერნიე „ჩაქირას“, საოცარ ამბებს გიამბობთ, უვლის, ცდილობს გამრავლდეს და ყველას ჰყავდეს.  ეს ძაღლი  საუცხოო მონადირეა. გადაშენების პირას მყოფი, _ გვატყობინებს სოფელ ლიხაურის საჯარო სკოლის პედაგოგი, ირმა გორდელაძე. „გურია ნიუსი“ მალე  ილია თოიძესთან საინტერსო ინტერვიუს ... ...
  • საიდან მოდის და რას უკავშირდება ნოტების სახელები7 მუსიკალური ნოტი დო-რე-მი-ფა-სოლ-ლა-სი ყველასთვის კარგად არის ცნობილი, მაგრამ ცოტამ თუ იცის, რატომ ჰქვიათ ამ ნოტებს ასეთი სახელები და რას ნიშნავს თითოეული მათგანი. ნოტების სახელწოდების წარმოშობა დაკავშირებულია ნაწარმოებთან “Uტ ქუეანტ ლახის”, რომელიც კათოლიკური ჰიმნია და იოანე ნათლისმცემელს ეძღვნება. დო-რე-მი-ფა-სოლ-ლა-სი იოანე ნათლისმცემლისადმი მიძღვნილი ჰიმნის ლათინური ლოცვის პირველი მარცვლებია, თუმცა თავდაპირველად იყო ასე – უტ-რე-მი-ფა-სოლ-ლა-ჰექსაქორდი. სი მოგვიანებით გაჩნდა. უტ კი დო-თი მოგვიანებით მუსიკისმცოდნე დონმა შეცვალა თავისი გვარის პირველი მარცვლით. შვიდივე მუსიკალურ ნოტს თავისი სახელწოდება აქვს: დო – DOMINUS – ღმერთი,  რე – RERUM – მატერია, მი – MIRACULUM – სასწაული,   ფა – FAMILIAS PLANETARIUM – პლანეტების ოჯახი, ანუ მზის სისტემა,    სოლ – SOLIS – მზე,  ლა – LACTEA VIA – ირმის ნახტომი,  სი – SIDERAE – ზეცა.  წყარო : ... ...
  • $7 000 000 - აშშ, საქართველოში ახალ საგანმანათლებლო პროგრამას განახორციელებსაშშ-საქართველოს სტრატეგიული პარტნიორობის ფარგლებში, ვაშინგტონში მორიგი შეხვედრა გაიმართა. კულტურული გაცვლებისა და ხალხთაშორისი ურთიერთობების სამუშაო ჯგუფის შეხვედრაზე, საქართველოს საგარეო საქმეთა და განათლების მინისტრების მოადგილეები წარდგნენ. სახელმწიფო დეპარტამენტში გამართულ შეხვედრაზე განათლების, კულტურისა და სტრატეგიული კომუნიკაციების შესახებ იმსჯელეს. განათლების მინისტრის მოადგილის განცხადებით, შეხვედრაზე საუბარი შეეხო ოკუპირებული ტერიტორიებსა და საოკუპაციო ხაზის გასწვრივ არსბულ ვითარებას. ირინე აბულაძის თქმით, ქართულმა მხარემ, ამერიკელ პარტნიორებს სრული ინფორმაცია მიაწოდა გამოწვევების შესახებ, რაც ოკუპირებულ რეგიონებში, განათლების უფლების მხრივ დგას. მისი თქმით, შეხვედრაზე ასევე საუბარი შეეხო საქართველოს მთავრობის სამშვიდობო ინიციატივებს განათლების ხელმისაწვდომობის კონტექსტში. „ამერიკა რჩება საქართველოსთვის ძირითად სტრატეგიულ პარტნიორად, როგორც ქვეყნის სუვერენობის, ასევე განათლების ხარისხის განვითარების მიმართულებით.“_ განაცხადა აბულაძემ. აბულაძის თქმით, შეხვედრაზე საუბარი შეეხო პროფესიული განათლების ხელშეწყობის მიზნით, გაცვლითი პროგრამების წამოწყების იდეას. დღესვე ცნობილი გახდა, რომ ამერიკული მხარე, საქართველოში, $7 000 000 აშშ დოლარის ღირებულების საგანმანათლებლო პროგრამას განახორციელებს. „USAID” – ის დაფინანსებული პროექტი, ქართული საჯარო სკოლების დაწყებითი საფეხურის მასწავლებელთა გადამზადებას ითვალისწინებს. ამასთან, ამერიკული მხარის ინიციატივით, საქართველოში, „Fulbright“-ის პროგრამის გაფართოვება იგეგმება. „ფულბრაითის“ პროგრამის ფარგლებში, წელს უკვე 11 ქართველი სტუდენტი მიიღებს ამერიკაში განათლებას. 2020 წლის გაზაფხულიდან კი, როცა შეთანხმებას მოეწერება ხელი, საქართველოს, ამერიკიდან „ფულბრაითის“ 10-მდე სტიპენდიანტი ეწვევა, რომლებიც საქართველოს უნივერსიტეტში ინგლისურ ენას ასწავლიან. წყარო : ამერიკის ... ...
  • ქარი, თოვლი და ყინვა _ ტემპერატურა -20 გრადუსამდე დაეცემასინოპტიკოსთა ცნობით, საქართველოს მთელ ტერიტორიაზე დღეიდან ტემპერატურა მკვეთრად დაეცემა. დღეს საქართველოს ზოგიერთ რაიონში ითოვებს. 25-27 იანვარს, ღამით გაძლიერდება ქარი და ყინვა. ჰაერის ტემპერატურა ღამის საათებში დასავლეთ საქართველოს დაბლობ რაიონებში -4, -6, აღმოსავლეთ საქართველოს ბარში ზოგან -8, მთაში -15, მაღალმთაში -20 გრადუსამდე დაიკლებს. 25 იანვარს, დღისით დაბლობსა და ბარში +1, +6 გრადუსი იქნება, ხოლო 26-27 იანვარს +7, +12 გრადუსამდე მოიმატებს. თბილისში ჰაერის ტემპერატურა 25-27 იანვარს ღამის საათებში -1, -3 გრადუსამდე დაიკლებს, დღისით კი +8, +10 გრადუსამდე ... ...

არქივი

ზაფრანი

მეცნიერები ვარაუდობენ, რომ კიბო, შესაძლოა, გადამდები იყოს

ვებგვერდ wize.life-ზე გამოქვეყნებული ინფორმაციის მიხედვით...

მიწაზე მიყინული კნუტები კაცმა ყავით გადაარჩინა

BBC-ის ინფორმაციით, მიწაზე მიყინული კნუტები...

სასარგებლო რჩევები ცნობილი ქალებისგან

ანჯელინა ჯოლი ზოგჯერ, როცა თავის...

ბიონსეს სილამაზის საიდუმლო

მართალია მომღერალი ვეგეტარიანელი არაა, მაგრამ...

ცნობილი ვარსკვლავების ყოველდღიური დილის რეჟიმი

ჯენიფერ ენისტონი ჯენიფერ ენისტონის დილა...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...