"ლურჯი ვეშაპი" _ ახალგაზრდა თვითმკვლელთა კლუბი

ფეისბუქსტატუსები

"ლურჯი ვეშაპი" _ ახალგაზრდა თვითმკვლელთა კლუბი

2017 მაი 30 16:10:04

ის, რასაც ქვემოთ წაიკითხავთ, სამეცნიერო ფანტასტიკის ახალი რომანიდან ან მხატვრული ფილმიდან (თუნდაც სერიალიდან) ამონარიდი ნუ გეგონებათ - საუბარია რეალობაზე, შემზარავზე და სახიფათოზე, ჩვენი შვილებისა და შვილიშვილების თაობას, მოზარდთა და ყმაწვილთა სიცოცხლეს რომ ემუქრება...

რუსეთში, ამ თემაზე, წელიწადზე მეტია, რაც განგაშის ზარს რეკენ, ევროპაში (განსაკუთრებით, დიდ ბრიტანეთში) - დაახლოებით 8 თვეა, საბერძნეთში - მაისის დასაწყისში იყო პირველი შემთხვევა, როდესაც ჩრდილოეთის პატარა ქალაქ კატერინის მაცხოვრებელ 15 წლის გოგონას ფეხების თოკით შეკვრა და ტრანკვილიზატორების მთელი კოლოფის დალევა უბრძანეს... საქართველოში - აქა-იქ გაიჟღერა საიტების მიერ, ჩვეულ - თარგმნით-თუთიყუშურ სტილში, ქსელის მომხმარებელთაგან მწირი გაზიარებებითა და ასევე ჩვეულ „უფალი გვიშველის“ და ანტირუსულ/ანტიევროპულ/ანტი-ინტერნეტული სქოლიოებით...
არადა, საუბარი 300-მდე მოზარდზე, ყმაწვილზე და ახალგაზრდაზეა (აქედან, 170 რუსეთში ცხოვრობდა), 300-მდე ადამიანზე, რომელთაც სიცოცხლე თვითმკვლელობით დაასრულეს _ არა რაიმე სერიოზული მიზეზის, არამედ, ინტერენტ-თამაშის გამო.

ყველაფერი რუსეთიდან დაიწყო, თუმცა ეს ქსელთაშორისური სიგიჟე წამსვე მოედო უკრაინასაც. თამაშის უკან დგანან ადამიანები, რომლებიც მოთამაშეებისგან (წაიკითხე - „მსხვეპლთაგან“), მას შემდეგ რაც ისინი თამაში მონაწილეობის სურვილს გამოთქვამენ, ითხოვენ მათ მიერ გაცემული დავალებების შესრულებას.

ამ საოცრად სახიფათო თამაშის სახელწოდებაა „ლურჯი ვეშაპი“, რუსულ დედანში - «Синий кит» («море китов», «тихий дом»), ინგლისურად - «Blue Whale Challenge», ბერძნულად: «Μπλε φάλαινα» - შესაძლოა, თამაშის 21 წლის დამფუძნებელი, მეტსახელად - „ლის“-ი, მანიაკად მონათლოს მავანმა, მაგრამ ბრიყვად - არც შემთხვევაში - სიმბოლურობა, სულ მცირე, სამმაგია და ბოლო - ყველაზე შემზარავი.
ვეშაპისა და ლურჯი ფერის სიმბოლიკას ბიბლიური ისტორია აქვს - ვეშაპი ანსახიერებს საუკუნე გარდაცვალებას, ბიბლიური კიტის მოხსენიებით, რომელმაც იონა გადაყლაპა, ლურჯი ფერი კი - სასოწარკვეთილების სიმბოლოა. მეორე: უკვე რამდენიმე ათწლეულია, ლურჯი ვეშაპები (ათეულობით, ხან ცალკე და ხან - კოლექტიურად) ოკეანედან ნაპირზე, ხმელეთზე ხტებიან და თვითმკვლელობით ასრულებენ სიცოცხლეს - ფენომენი აქამდე ამოუხსნელი, იქტიოლოგებისა და ბიოლოგების მიერ. და ბოლოს, ლურჯი ვეშაპი ყველაზე დიდი ცხოველია დედამიწის ზურგზე - ის, რასაც ბოლო დავალებით სთხოვენ მოთამაშეებს კურატორები - ყველაზე დიდ მსხვერპლთშეწირვას - „ლურჯ ვეშაპს“ - თვითმკვლელობას.

თამაშის კატასტროფული ინსტრუქციები და შანტაჟის მექანიზმი

როგორც კი მსხვერპლი ჰაშტაგს დააწვება, მასთან კონტაქტზე თამაშის კურატორი გამოდის და დავალებათა სიას აძლევს, ერთი პირობით: არ ისაუბროს ამაზე არავისთან და მით უფრო - უფროსებთან (აქედან თამაშის მეორე დასახელებაც - «тихий дом»).

დავალებები, თავიდან, არცთუ რთულია - მაგალითად, ღამის 4:20 სთ.-ზე (დრო, სასწაული სიზუსტით შერჩეული, ფსიქოლოგიური ზემოქმედებისათვის) გამოღვიძება და რაიმე საშინელებათა ვიდეოს ყურება (რაც, ბევრი თინეიჯერისთვის არაა რთული და უჩვეულო ამბავი, მეტწილს არც კი სძინავს, ამ დროს) ან უცნაური, ელექტრონული მუსიკის მოსმენა, ასევე, იგივე საათზე ახალ დავალებათა მიღება და შესრულებულთა ჩვენება - აქედან თამაშის კიდევ ერთი სახელწოდება - „4:20“, რომელსაც ასევე «Я в игре», f57 ან f58 სახელითაც იცნობენ.

შემდეგში, ოღონდ (როცა რაიმე „შარია“, თუ დააკვირდებით, ყოველთვის ჩნდება ეს, უცილობელი „ოღონდ“) დავალებები რთულდება, მოიცავს სხვადასხვა მჭრელ-მჩხვლეტი, ცივი იარაღების შეძენას (თუ არ გააჩნია ხელქვეით) და პირველ სერიოზულ გამოცდას: „ლურჯი ვეშაპის“ ამოკვეთას ხელის ან ფეხის კანზე.
თითოეული დავალების შესრულების შემდეგ, მოთამაშე ვალდებულია, დამამტკიცებელ საბუთად ატვირთოს ფოტოსურათი ან ვიდეო. მეტიც, ზოჯერ, ბავშვებისგან ითხოვენ, უშუალოდ თვითდაზიანების პროცესის ვიდეოზე გადაღებასაც კი.

ძველი, „კლასიკური გამოცემა“ თამაშისა, 50 დღეს მოიცავდა, სადღაც 30-ე დღიდან კურატორის მიერ ფარული ბმულის მიცემით, რომელზე გადასვლის შემდეგ მოთამაშე, თავისდაუნებურად, საკუთარ კომპიუტერულ საიდენტიფიაციო (IP address) და, მისგან გამომდინარე, რეალურ საცხოვრებელ მისამართს ამჟღავნებდა და შემდგომში უკვე, უფრო იოლ მსხვერპლად იქცეოდა, ვინაიდან, ბოლო დავალებამდე მისულს, უკან დახევის შემთხვევაში, კურატორი მას დაწვრილებით აღუწერდა მის საცხოვრებელ გარემოს, ეუბნებოდა, რომ მას აკვირდებიან და თუ „ლურჯ ვეშაპს“ არ შეასრულებს, მაინც მოაკვდინებენ ან ამოუწყვეტენ ოჯახის წევრებს. ამჟამად, კრიმინალისტებისგან დევნის გამო, ეს ვადა - 50 დღე, მნიშვნელოვნად „დაჩქარებულია“ - კიდევ ერთი შემაშფოთებელი ფაქტი.

კურატორ-მსხვერპლის გასაუბრების ვარიანტები

რათა ახლოდან გარკვეულიყო თამაშის და მის უკან მდგომათა დირექტიულ მეთოდებში, Radio Free Europe -ის ერთ-ერთმა ჟურნალისტმა 15 წლის გოგონას როლი გაითამაშა. მისი დიალოგი კურატორთან შემდეგნაირად წარიმართა:
ჟურნალისტი: „ლურჯი ვეშაპის“ გამოწვევის მიღება მსურს.

კურატორი : დარწმუნებული ხარ? თუ დაიწყებ, უკანდასაბრუნებელი გზა აღარ იარსებებს.

ჟურნალისტი: : რას ნიშნავს ეს? რას ნიშნავს, უკანადასბრუნელი გზა არ იარსებებს?

კურატორი: აღარ შეგიძლია თამაშის დატოვება, როდესაც დაიწყებ მას.

ჟურნალისტი: მზად ვარ.

კურატორი: ყველა გამოწვევა, ყველა დავალება წარმატებით უნდა შეასრულო. და არავინ არ უნდა გაიგოს ამის შესახებ. როდესაც შეასრულებ დავალებას, მიგზავნი ფოტოსურათს. თამაშის ბოლოს კვდები. თანახმა ხარ?

ჟურნალისტი: თუ შეჩერება მომინდება?

კურატორი: გამორიცხულია. ყველა შენი მონაცემი ხელთ გვექნება უკვე. არ გაგახარებთ.

პირველი დავალება, რომელიც მიიღო იყო: „ამოიკვეთე f58 მხარზე“. ჟურნალისტმა სცადა, გაეგზავნა ყალბი ფოტოგრაფია, დამუშავებული ფოტოშოპის მეშვეობით, მაგრამ კურატორი მიუხვდა და აღარ დაეკონტაქტა.


„ლურჯი ვეშაპის“ მამა-შემქნელი და მიზანნი


ადამიანი, რომელიც ამ „თვითმკვლელთა თამაშის“ უკან დგას სანკტ-პეტერგბურგელი (ყველაფერი იქიდან იწყება, ისტორიულად) ფილიპ ბუდეიკინი, მეტსახელად - ფილიპ ლისია და მხოლოდ 21 წლისაა. მეტიც, 2013 წელს, როდესაც ამ თამაშის „აწყობა“ დაიწყო, მხლოდ 17 წლის იყო. ამჟამად, ბრალი ედება, სულ მცირე 16 თვითმკვლელობის ინსპირირებაში. გასული წლის დეკემბრის თვიდან თავისულებააღკვეთილია, რუსი სამართლდამცავების მიერ.

ფანტასტიურად ბანალურია მისი პასუხი ტელეწამყვანის კითხვაზე, თუ რა იყო საბაბი ამ თამაშის წამოწყებისა - „თვითგამოხატვა, პოპულარობისა და ლაიკების მოპოვება“, - იყო მისი სიტყვები, სანკტ-პეტერბურგის ერთ-ერთ სატელევზიო გადაცემაში.

შემდგომში, ახალგაზრდა რუსმა ფილოსოფიური პლატფორმაც შეუსაბამა საკუთარ სატანისტურ გასართობს და ყოველგვარი სინანულის (ან - მონანიების) გარეშე განაცხადა, რომ თვითმკველელები „ბიოლოგიური ბალასტს“ შეადგენენ და „გაასუფთავა საზოგადოება“.

მეტიც, ქალაქის ერთ-ერთი გაზეთისთვის მიცემულ ინტერვიუში უთქვამს: „ნუ ღელავთ, ყველაფერს გაიგებთ. ყველა ყველაფერს გაიგებს. ბედნიერები იხოცებოდნენ. მივეცი ის, რაც არ გააჩნდათ: სითბო, გაგება, კონტაქტი“.

აღსანიშნავია კიდევ ერთი შემაძრწუნებელი ფაქტი: რუსეთის სასჯელთაღმსრულებელი კომიტეტის პრეს-სამსახურის ინფორმაციით, სანკტ-პეტერბურგის „კრესტი“-ში დატუსაღებული ბუდეიკინი ყოველდღიურად ათობით, ინტიმური ხასაათის წერილს ღებულობს თაყვანისმცემელი გოგონებისგან, რაც იმას ამტკიცებს, რომ მოთამაშეები ემოციურ კონტაქტშიც შედიან კურატორებთან.

როგორ პოულობდა მსხვერპლს

თავიდან ქმნიდა ჯგუფებს, რომლებშიც დავალებების შესრულების მოყვარული მოზარდები ერთიანდებოდნენ. ისინი, ვინც თამაშს მოსაწყენად ან უცნაურად თვლიდნენ, განთესვას და ჯგუფიდან გაყვანას ექვემდებარებოდნენ, ვინაიდან „ძლიერი ხასიათისად“ და მანიპულირებისადმი დაუმოჩილებლად ითვლებოდნენ.

ინტერნეტის ბერძენ მომხმარებელთა ასოციაციის პრეზიდენტის, ნიკოს ვასილაკისის თქმით, იმ ბავშვებთან დაკავშირებით, რომლებიც მონაწილეობას ღებულობენ თამაშში: „უმეტეს შემთხვევაში არსებობს რაიმე პრობლემური ურთიერთობა, ან მისი დასასრული, ინტიმური იმედგაცრუება, რომელიმე პრობლემური ოჯახი ან თვით, რომელიმე, ფსიქოლოგიურად პრობლემური ბავშვური ნატურა, რომელიც ზედაპირზე გამოდის მსგავსი თვითგამოხატვის მეშვეობით, მსგავსი „თამაშის“ დახმარებით“

მოზარდებს და თინეიჯერებს, რომლებიც თამაშში რჩებოდნენ, ახალ „სამუშაოებს“ აძლევდა, როგორიცაა ვენების გადაჭრა, რომელიმე სახლის სახურავის ბორდიურზე წონასწორობის დაცვა ან რომელიმე შინაური ცხოველის მოკვლა - შეუცვლელად, საკუთარი საქციელის ფოტო-ვიდეო დადასტურების მოთხოვნით.

უმრავლესი ბავშვები ამ ეტაპზე ტოვებდნენ თამაშს, მაგრამ ყოველთვის რჩებოდა მომცრო, ერთიანი გუნდი (რომლის წევრებსაც უხაროდათ მსგავს, დახურულ „კლუბში“ყოფნა), რომელიც მუდამ მზად იყო „მენტორის“ ნებისმიერი დავალების შესასრულებად. მათგან განსაკუთრებით საზრიანებს, ფილიპ ბუდეიკინი მომავალ კურატორებად ამწესებდა, ნაკლებად საზრიანებსა და მეტად ემოციურებს კი...

ანტონ ბრეიდოს, „ლურჯი ვეშაპის“ საქმის საკვლევი კომიტეტის უმაღლესი ჩინის ოფიცრის თქმით: „ბუდეიკინმა მშვენივრად უწყოდა, რა უნდა გაეკეთებინა იმისათვის, რომ საკუთარი მიზნისთვის მიეღწია. დაკითხვაზე განაცხადა, რომ 12 წლის ასაკიდან ფიქრობდა ამის განხორციელებას. წამოიწყო 2013 წლიდან და მას შემდეგ სისტემატურად ასწორებდა საკუთარ შეცდომებს. ის და მისი დამხმარენი ბავშებს საწყის ეტაპზე VK-ში ( ВКонта́кте - ზეპოპულარული რუსული სოციალური ქსელი) პოულობდნენ და აგროვებდნენ. მათი მიზანი იყო, მიეზიდათ რაც შეიძლება მეტი მოზარდი და შემდეგში, გამოერჩიათ ისეთნი, რომლებიც ყველაზე მეტად დაექვემდებარებოდნენ ფსიქოლოგიურ ზეწოლას. იცოდნენ, რომ 20 000 ადამიანიდან მხოლოდ 20 იქნებოდა შესაფერისი.“

იქმნებოდა თვითმკვლელთა ჯგუფები, ტარდებოდა შეჯიბრებები, ნახევარფინალისტების, ფინალისტების და გამარჯვებულების გამოვლენით. ამჟამად, ძველი ჯგუფების უმეტესობა ლიკვიდირებულია, რუსეთის ელექტრონულ დანაშაულებებთან მებრძოლი განყოფილების მიერ, მაგრამ „კიდობანი“ უკვე გაიღო, თამაში ინტერნაციონალურ რელსებზეა შემდგარი, სხვა „ბუდეიკინების“ და მათი დამქაშების, სხვა სოციალური ქსლების და სხვა მოთამაშეების მეშვეობით...

რაც შეეხება ისტორიის დასაწყისში მოყვანილი კატერინელი გოგონას ამბავს, ქვედა კიდურებზე სამართებლით მიყენებული ტრავმების და ბოლო დავალების, ჭეშმარიტი „ლურჯი ვეშაპის“ მიღების შემდეგ, რომელიც ფეხების შეკვრას და ტრანკვილზატორების მთლიანი ყუთის დალევას ეხებოდა - მან მხოლოდ ორი აბი დალია, შემდეგ შეშინდა და ყველაფერი მშობლებს უამბო - შედეგად გადარჩა მოლოდ ერთდღიანი ჰოსპიტალიზაციით. ცოცხალი გადარჩა, ანუ... საბერძნეთის სამართლდამცავების რეაგირება მომენტალური იყო, მსგავსი შემთხვევებისთვის ცხელი ხაზის ნომრის დადებით და ახალი ცირკულარების შემუშავებით. განათლების სამინისტრო პედაგოგთა საინფორმაციო სემინარს გეგმავს, რიგგარეშე შეკრება აქვს გამოცხადებული საბერძნეთის ფსიქიატრთა და ფსიქოლოგთა ასოციაასაც.

როდესაც მსგავს რამეზე წერ, ყოველთვის სიფრთხილეა საჭირო - თემა ორლესული მახვილივითაა და მის წამკითხველ ვინმე თინეიჯერს, ბუდეიკინისეული „გენიალურ“ - ნარცისული ტვინით ან მის მსხვერპლ-მოთამაშის მსგავსი დათრგუნული ფსიქიკით, შესაბამისად მსგავსი თამაშის ეროვნულ დონეზე შექმნის ან მასში მონაწილეობის იდეა მიაწოდო, შესაძლოა. ვიფიქრე ესეც...

მაგრამ, ფენომენი, თუ დაუკვირდებით, ორმხრივია, არაა მხოლოდ პოტენციური „მსხვერპლი“ (რომელიც უამრავია, განსაკუთრებით ქართული, დედათა ემიგრაციის ფონზე - მოზარდები ფსიქიური პრობლემებით), არამედ პოტენციური „ბუდეიკინებიც“ რომლებიც მეტი და მეტი რაოდენობით ჩნდებიან. თამაშებიც მრავალფეროვნდება და სახეს იცვლის - თებერვლის თვიდან მოდაშია „გაიქეცი ან მოკვდი“ - თამაში, რომელიც მოზარდებს აიძულებს (კურატორის ბრძანებით) „წითელზე“, ავტომანქანების მოძრაობისას გადაირბინონ საავტომბილო გზებზე, რაც უფრო ახლოს, მომავალ ავტომანქაანსთან - მით უკეთესი. რუსეთის ელექტრონულ დანაშაულებებთან ბრძოლის სამსახურის ინფორმაციით, 2012 წლის შემდეგ 100 ათასამდე მსგავსი შეტევა და თამაში აქვთ აღკვეთილი!..

ამიტომ, ახალწარმოქმნილ უცხოურ ან შინაურ (რომელიც, დარწმუნებული ვარ, როცა იქნება გამოჩნდება) „ფილიპ ლისებს“ რომ გადავარჩინოთ ჩვენი, თითქმის მარტოდ დატოვებული მოზარდები, მთავარი თერაპიის სახით, ინფორმაციის გავრცელება უნდა გამოვიყენოთ. ინტერნეტმა, მსგავსი საზიზღრობებისგან, თვითვე უნდა ისწავლოს განკურნება - დამალული, გაუთვითცნობიერებელი საქმეებისთვის ხომ „წყნარი სახლი“ არსებობს - თვითმკვლელთა და მათ კურატორთა თავშესაფარი...

და კვლავ ამიტომ, წაიკითხეთ, იფიქრეთ, გაანალიზეთ და შემდეგში, ყველას მოუყევით ამ, შემზარავ მანიპულიანტთა ისტორია, რომლებიც ენერგეტიკული, ემოციური ვამპირებით, მოზარდების გრძნობებით იკვებებიან, ხოლო ვისაც ხელი მიგიწვდებათ, ეცადეთ, რაც შეიძლება ახლოს იყოთ საკუთარ შვილებთან, არ მოაკლოთ არც სითბო და არც კონტაქტი, ეცადეთ, გაერკვეთ მათ რეალურ, სულიერ პრობლემებში, ესაუბროთ და ზომიერად აკონტროლოთ ისინი, განსაკუთრებით საკუთარი სხეულის დაზიანების თვალსაზრისით, მოუყვეთ მათ მოსალოდნელი, მსგავსი საფრთხეების შესახებ და ურჩიეთ, ისწავლონ, იკითხონ და შეიცნონ მეტი - ვინაიდან, 14-15 წლის ასაკში, თუ თავიც ცარიელი გაქვს, მცირედი იმედგაცრუება ან დამცირებაც საკმარისია, რომ „ლურჯ ვეშაპს“ ზურგზე მოახტე და ... „შეცურო“.

P. S. 26 მაისს, როდესაც ეს სტატუსი დაიწერა, პირველი ქართული, გასაჯაროებული შემთხვევა ჯერ არ იყო მომხდარი. 27 მაისს, 12 წლის თბილისელი გოგონა ამ, ან მსგავსი თამაშის კურატორის ბრძანებით, თვითმკვლელობის მიზნით, მე-5 სართულიდან გადახტა და ამჟამად, სხეულის მრავლობითი დაზიანებებით, იაშვილის სახელობის კლინიკაში იმყოფება...

გია კვარაცხელია

 




 ახალი ამბები
  • მასწავლებელთა გამოცდის შედეგების აპელაციის დაწყებისა და დასრულების თარიღები ცნობილია მასწავლებელთა შემოდგომის გამოცდის შედეგების აპელაცისთვის განაცხადის შეტანის თარიღი ცნობილია. ამისთვის პედაგოგებს შეფასებისა და გამოცდის ეროვნული ცენტრი 3 დღეს აძლევს. საგამოცდო ცენტრის ცნობით, სააპელაციო განაცხადები მიიღება 9 დეკემბრის 10:00 საათიდან 11 დეკემბრის 18:00 საათამდე მხოლოდ ელექტრონულად ვებგვერდებზე: online.naec.ge და naec.ge. საგნის გამოცდასთან, საგნობრივი და პროფესიული კომპეტენციების დადასტურების ტესტირებასთან დაკავშირებული სააპელაციო განაცხადის შევსებამდე აპლიკანტმა უნდა გადაიხადოს აპელაციის საფასური. ერთი საგნის შედეგის გასაჩივრების საფასურია 50 ლარი (ქულის ცვლილების შემთხვევაში თანხა უკან ბრუნდება).გადახდის დანიშნულებაში უნდა ჩაიწეროს აპლიკანტის პირადი ნომერი და საჭიროების შემთხვევაში - გვარი და სახელი. იმ შემთხვევაში, თუ აპლიკანტი უცხო ქვეყნის მოქალაქეა, მან უნდა მიუთითოს პირადობის (ბინადრობის) მოწმობა/პასპორტის სერია და ნომერი. სააპელაციო განაცხადის შევსების ინსტრუქცია:სააპელაციო განაცხადის შესავსებად უნდა ეწვიოთ ვებგვერდს და აპელაციისათვის განკუთვნილ ღილაკზე დაჭერის შემდეგ შესაბამის ველებში შეიყვანოთ პირადი ნომერი და საგამოცდო საიდენტიფიკაციო (ცხრანიშნა) ნომერი.მითითებული სიმბოლოების შეყვანის შემდეგ აჭერთ ღილაკს „შესვლა“და იწყებთ თქვენთვის სასურველი საგნის შერჩევას ჩამონათვალიდან (თუ აპელაციის საფასური არ გაქვთ გადახდილი, სისტემა არ მოგცემთ არჩევნის გაკეთების საშუალებას). საგნის არჩევის შემდეგ უთითებთ იმ დავალებებს, რომელთა გასაჩივრებაც გსურთ. შეგიძლიათ აირჩიოთ ყველა დავალება.გაითვალისწინეთ: ორი (საგანი, პროფესიული უნარები) სააპელაციო განაცხადის  არსებობის შემთხვევაში, სისტემიდან გამოსვლის გარეშე უნდა შეავსოთ ორივე და მხოლოდ ამის შემდეგ გააგზავნოთ იგი.ამ აღნიშვნების შესრულების შემდეგ სისტემა თქვენს განაცხადს ინახავს, როგორც დროებითს. დროებით განაცხადში არაერთხელ შეგიძლიათ ცვლილებების შეტანა. გახსოვდეთ, დროებითი განაცხადი გაუქმდება, თუ არ გამოიყენებთ ღილაკს „გაგზავნა“.აპელაციის წარმატებით განხორციელების შემთხვევაში აპლიკანტი დაინახავს განაცხადისათვის მინიჭებულ ნომერს. გაგზავნის შემდეგ მასში ცვლილებებს ვეღარ შეიტანთ. წყარო: ... ...
  • მოუხადა თუ არა ბოდიში რუსეთს ნინო ბურჯანაძემ გავრილოვის გამო„ერთიანი საქართველო-დემოკრატიული მოძრაობის“ ლიდერმა, ნინო ბურჯანაძემ გავრილოვის ღამის გამო,  რუსეთის ფედერაციის საბჭოს საგარეო საქმეთა კომიტეტის თავმჯდომარესთან, კონსტანტინ კოსაჩოვთან შეხვედრისას ბოდიში მოიხადა. აღნიშნულ ინფორმაციას TASS ავრცელებს. „არ მეშინია, ბოდიში მოვიხადო აბსოლუტურად ამაზრზენი ინციდენტის გამო. უკაცრავად,რომ საუბარს გაწყვეტინებთ, მაგრამ გაგრძელების საშუალებას არ მოგცემთ, ვიდრე ბოდიშს არ მოვიხდი. მივიჩნევ, რომ ეს პირველ რიგში ქართველი ხალხისა და ქართული სახელმწიფოს შეურაცხყოფა იყო,“_ განაცხადა ბურჯანაძემ. კოსაჩოვმა კი ბოდიშისთვის ბურჯანაძეს მადლობა გადაუხადა. რუსული სააგენტოს მიერ აღნიშნული ინფორმაციის გავრცელებას, ნინო ბურჯანაძის პრესსამსახური გამოეხმაურა. როგორც მათ მიერ გავრცელებულ განცხადებაშია ნათქვამი, ნინო ბურჯანაძეს რუსეთში ბოდიში არავისთვის მოუხდია. "ერთიანი საქართველო-დემოკრატიული მოძრაობის" ლიდერი ყველა თავის გამოსვლაში, როგორც საქართველოში, ასევე რუსეთის ფედერაციაში ყოველთვის აცხადებდა, რომ სერგეი გავრილოვი საქართველოს პარლამენტის თავმჯდომარის სავარძელში თავისი ნებით არ ჩამჯდარა და ის საქართველოს ხელისუფლებამ ჩასვა აღნიშნულ სავარძელში, სიტუაციის გამწვავებისას კი მთავრობამ სტუმრის დაცვაც ვერ უზრუნველყო. სწორედ ეს გაიმეორა ქალბატონმა ნინომ კოსაჩოვთან შეხვედრისას - ფაქტს უწოდა სამწუხარო, თუმცა, მას მომხდარზე ბოდიში არ მოუხდია,"_ნათქვამია განცხადებაში.  ცნობისთვის, რუსეთის დუმის დეპუტატმა სერგეი გავრილოვმა 20 ივნისს, მართლმადიდებლური ასამბლეის გაძღოლა სცადა და საქართველოს პარლამენტის თავმჯდომარის სავარძელი დაიკავა. ფაქტს მოქალაქეების პროტესტი მოჰყვა - აქცია ღამით სპეცდანიშნულების რაზმმა დაშალა. აქციის დაშლისას არაერთი ადამიანი დაშავდა, მათ შორის, ... ...
  • 9 კრიტერიუმი _ რა უნდა იცოდეს მასწავლებლებმა მაქსიმალური ქულის მისაღებადგარე დაკვირვების ჩატარების პროცესი უკვე დაწყებულია და სასწავლო წლის ბოლომდე გაგრძელდება. ამ ეტაპზე გარე დაკვირვებაზე რეგისტრაცია 4 166 პედაგოგი დარეგისტრირდა. მასწავლებლის შეფასება ხდება: გაკვეთილის შეფასების სქემით მასწავლებლის მიერ ჩატარებული გაკვეთილის შეფასებისა და მასწავლებლის რეფლექსიის შეფასების საფუძველზე. გაკვეთილის შეფასების მაქსიმალური ქულაა 36. გაკვეთილი დადებითად შეფასებულად ჩაითვლება, თუ ის დააგროვებს ქულათა ჯამური რაოდენობის 75%-ს, ანუ მინიმუმ 27 ქულას. რაც შეეხება სპორტის გაკვეთილის შეფასებას მაქსიმალური ქულაა 32. გაკვეთილი დადებითად შეფასებულად ჩაითვლება, თუ ის დააგროვებს ქულათა ჯამური რაოდენობის 75%-ს, ანუ მინიმუმ 24 ქულას. აღსანიშნავია ის, რომ გარე დაკვირვებისას ყურადღება მხოლოდ მოსწავლის მიერ საგნის კარგად ცოდნას ან კლასში დისციპლინას არ ექცევა, მასწავლებლის შეფასება ხდება კომპლექსურად, მათ შორის მოსწავლეებთან დამოკიდებულებისა თუ მიმართვის ფორმის, დროის სწორად გადანაწილების და კიდევ სხვა ფაქტორების გათვალისწინებითაც. იმისთვის, რომ მასწავლებლებს გარე დაკვირვების პროცესი გაგიმარტივდეთ, გთავაზობთ, გარე დაკვირვების პროცესში გასათვალისწინებელ შეფასების მნიშვნელოვან კრიტერიუმებს. დაკვირვების პროცესში ყურადღება ექცევა: კლასში ურთიერთპატივისცემისა და ურთიერთგაგების ხელშემწყობი გარემოს არსებობას; კლასის მართვის პროცესს; სასწავლო რესურსის ეფექტიანი (მიზნობრივი) გამოყენება; მასწავლებლის საგნობრივი კომპეტენცია სასწავლო მიზნების განმარტება და შინაარსობრივი გამართულობას; მოსწავლეებთან კომუნიკაციასა და ინსტრუქციები აქტივობებისთვის; სწავლების სტრატეგიებს; მოტივაციასა და ჩართულობას; სწავლების დროს შეფასების გამოყენებას; რეფლექსია ჩატარებულ გაკვეთილზე. გარე საგაკვეთილო შეფასების რუბრიკის დეტალური ინსტრუქცია მასწავლებლის შეფასების სტანდარტიზებული ინსტრუმენტების შესახებ კანონშია გაწერილი. ბრძანების სრული ვერსია შეგიძლიათ იხილოთ ბმულზე, დოკუმენტში გარე დაკვირვების გაკვეთილის რუბრიკის შეფასება ოცდამეორე გვერდზეა მოცემული. წყარო: ... ...
  • დაპირისპირება ვაკიჯვარში ჰესის აშენების მომხრეებსა და მოწინააღმედეგეებს შორისდღეს, ოზურგეთის მუნიციპალიტეტის, სოფელ  ვაკიჯვარში, მდინარე  ნატანებზე ჰესის მშენებლობასთან  დაკავშირებით,  სოფლის მოსახლეობა ინვესტორის წარმომადგენლებს შეხვდა. შეხვედრის დასაწყისშივე გამოიკვეთა წინააღმდეგობა,  რაც დარბაზში მყოფ  ვაკიჯვრელთა შორის სიტყვიერ დაპირისპირებასა და ურთიერთ  შეურაცხყოფაშიც  კი გადაიზარდა. ინვესტორის წარმომადგენლები, სოფლის მოსახლეობასთან, როგორც თავად  თქვეს, გაცნობითი ხასიათის შეხვედრას ატარებდნენ. მათი განმარტებით, ჰესის აშენების შემთხვევაში, გარდა დასაქამებისა, ადგილობრივებს სთავაზობენ ინვესტირებას სოციალურ პროგრამებში, რაც სოლიდური ფულადი თანხით  იქნება გამოხატული.  გარდა ამისა, თუ  შეიქმნება საინიციატივო ჯგუფი,   250 ოჯახს გადაუხდიან 200 კილოვატ საათის დენის თანხას მანამ, სანამ ჰესი იარსებებს. თუმცა, ეს  ადგილობრივებმა  სარწმუნოდ არ მიიჩნიეს. ზოგმა ისიც თქვა,  ასეც რომ იყოს,  ჰესს მაინც არ ავაშენებინებთო.  _ ვინ მოგიწვიათ,  რატომ მოხვედით? არ გაგაჩანაგებინეთ, „რა არის ეს „სკოპინგი“ და გეზეშე“ ჯერ ეს აუხსენით ხალხს, თქვენთვის საუბრობთ?  _ ისმოდა ინვესტორის წარმომადგენელთა მისამართით. მოსახლეობის მომხრე-მოწინააღმდეგეებმა ერთმანეთს არაერთხელ მიაყენეს შეურაცხყოფა. ბოლოს ერთმა ნაწილმა პროტესტის ნიშნად,  დარბაზი დატოვა. _ვინც წინააღმდეგი ვართ, გავიდეთ, _ ამ მოწოდებაზე  დარბაზი ნახევრად დაიცალა. ამ საკითხის შესახებ „გურია ნიუსი“ უახლოეს საგაზეთო სტატიაში ვრცლად ... ...
  • მთავრობის ბრძოლა გარემოს დამცველებთან2019 წლის ანგარიშში „სახიფათო სამუშაო - ბრძოლა გარემოს დამცველების წინააღმდეგ“, რომელიც სხვადასხვა ქვეყნის გარემოს დამცველთა უფლებადარღვევებს და მათ საფრთხეებს მიმოიხილავს, მოხვდა „მწვანე ალტერნატივას“ მაგალითიც, სადაც, საერთაშორისო ორგანიზაციების აზრით,  გარემოს დამცველთა დისკრედიტაციის მცდელობა იკვეთება.  კვლევა ერთობლივად რამდენიმე საერთაშორისო, გარემოსა და უფლებადამცველმა ორგანიზაციამ ჩაატარა, მათ შორის „Crude Accountability-მ“, რომელიც შავი და კასპიის ზღვის რეგიონებში მუშაობს,  “FracTracker Alliance-მა”, რომელიც გარემოსა და ადამიანის უფლებებს აშშ-ში იკვლევს და ყაზახეთის გარემოსდაცვითი ორგანიზაციების ქსელმა “EcoForum”.   ანგარიშში შესწავლილია 40-მდე შემთხვევა აშშ-დან და პოსტსაბჭოთა ქვეყნებიდან, სადაც მთავრობები და კორპორაციები გარემოს დამცველებზე ძალადობენ, ან ემუქრებიან და აკრიტიკებენ მათ იმის გამო, რომ ისინი: იცავენ ბუნებას, ითხოვენ სუფთა ჰაერს და წყალს, ამხელენ კორუფციას, მოითხოვენ ინფორმაციის გამჭვირვალობას ინვესტიციებისა და პროექტების შესახებ. მაგალითები საქართველოდან „მწვანე ალტერნატივას“ მიმართ საქართველოს მთავრობის სხვადასხვა წარმომადგენლის შეურაცხმყოფელ და დისკრიმინაციულ ქმედებებს ეხება.  ერთ-ერთი შემთხვევა 2013 წელს ხუდონის ჰესის მშენებლობის წინააღმდეგობას ასახავს, რომელიც ორი სოფლის დატბორვას და 2000-მდე ადამიანის გადასახლებას ითვალისწინებდა და „მწვანე ალტერნატივას“ შეფასებით, ასევე, საფრთხეს უქმნიდა ბიომრავალფეროვნებას. ამის გამო, მაშინდელმა ენერგეტიკის მინისტრმა კახა კალაძემ და მისმა მოადგილემ „მწვანე ალტერნატივას“ საჯაროდ “რა­დი­კა­ლუ­რი ჯგუ­ფი” უწოდეს და მას ცილი დასწამეს, თითქოს ორგანიზაცია “ეწი­ნა­აღ­მ­დე­გე­ბოდა ქვეყ­ნის ეკო­ნო­მი­კის გან­ვი­თა­რე­ბას“.   კვლევაში, ასევე, შესულია სხვა ხელისუფლების დროინდელი, 2012 წლის მაგალითიც, როდესაც „მწვანე ალტერნატივამ“ საკანონმდებლო და აღმასრულებელი ორგანოების მიერ მიღებული გადაწყვეტილება გააკრიტიკა; საქმე ეხებოდა კანონს, რომელიც გარემოს მსხვილ დამბინძურებლებს სახელმწიფოს წინაშე ვალდებულებებს და პასუხისმგებლობას უმცირებდა. კრიტიკის საპასუხოდ, მაშინდელმა გარემოს დაცვისა და ბუნებრივი რესურსების მინისტრმა გოგა ხაჩიძემ არასამთავრობო ორგანიზაციები „ფარისევლურ დამოკიდებულებაში“ დაადანაშაულა და განაცხადა, მისი მიზანი „საშინელი სურათის“ დახატვა და სკანდალის შექმნა იყო.   საგულისხმოა, რომ 2012 წლის ბოლოს, განახლებული მთავრობის ერთ-ერთი პირველი საკანონმდებლო ინიციატივა სწორედ იმ მოთხოვნების გაუქმება იყო, რომელსაც „მწვანე ალტერნატივა“ აკრიტიკებდა. ზემოაღწერილი შემთხვევები საერთაშორისო უფლებადამცველმა ორგანიზაციებმა შეაფასეს, როგორც „მცდელობები, დისკრედიტაცია გაუწიონ არასამთავრობო ორგანიზაციებს, რომლებიც მთავრობის და პარლამენტის გადაწყვეტილებებს ეწინააღდეგებიან“. კვლევაში აღნიშნულია, რომ „მწვანე ალტერნატივის“ მსგავსად, სხვა ქვეყნის გარემოს დამცველი ორგანიზაციების რეპუტაციის შელახვის და დისკრედიტაციის პრაქტიკა საკმაოდ გავრცელებულია: “სულ უფრო და უფრო მეტი ქვეყნის მთავრობა აბრალებს საკუთარ შეცდომებს და საზოგადოების ჩართულობის ნაკლებობით მიღებულ შედეგებს  არასამთავრობო ორგანიზაციებს და მათ ბრალს სდებს რადიკალიზმში, ზოგჯერ კი გარემოს დამცველებს ღიადაც ადანშაულებს რომ „სხვა ქვეყნების სასარგებლოდ მოქმედი“ აგენტები არიან“. პუბლიკაციის ბოლო მონაცემებით, გარემოსთვის, მათ შორის, მიწაზე უფლებებისთვის ბრძოლაში, 2018 წელს მსოფლიოში 164 ადამიანი გარდაიცვალა, 2017 წელს - 207.  ამ მონაცემებში არ შედის ძალადობისა და მუქარების ის მაგალითები, რომლებიც ფატალურად არ დასრულდა.   წყარო: პუბლიკაცია „Dangerous Work: Reprisals Against Environmental Defenders“ https://crudeaccountability.org/wp-content/uploads/Report_DangerousWork_compressed_for_web.pdf ... ...

არქივი

ზაფრანი

მკურნალი ყავა

საინტერესოდ გამოიყურება ჰარვარდის უნივერსიტეტის მეცნიერთა...

საშიშია თუ არა მზის სათვალე

მზის სათვალე წარმოადგენს არა მხოლოდ...

ლიმონის დიეტა

ლიმონის დიეტა გრძელდება 10-დან 14...

ახდენს თუ არა ცხელი ჩაი კიბოს პროვოცირებას

ჩინელი მედიკოსები ცხრა წლის მანძილზე...

ნივთები, რომლებიც იმაზე ჭუჭყიანია, ვიდრე წარმოგიდგენიათ

წარმოგიდგენთ ნივთებს, რომლებიც იმაზე ბინძურია,...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

საპარლამენტო არჩევნების რომელ მოდელს უჭერთ მხარს