"მინიმალური რატომ მიუსაჯეს" _ დეპუტატ წილოსანის კომენტარი "ბახალას" განაჩენზე და დაპირისპირება ფეისბუქში

gurianews.com

ფეისბუქსტატუსები

"მინიმალური რატომ მიუსაჯეს" _ დეპუტატ წილოსანის კომენტარი "ბახალას" განაჩენზე და დაპირისპირება ფეისბუქში

2018 იან 24 16:43:08

საპარლამენტო უმრავლესობის დეპუტატი ნინო წილოსანი გიორგი გიორგანაშვილისთვის (ბახალა) 8-წლიანი სასჯელის შეფარდებას ეხმაურება და აღნიშნავს, რომ  მისთვის გასაკვირია, რატომ მიუსაჯეს მინიმალური სასჯელი:

„საინტერესო, საოცარი და გენიალური საზოგადოება ვართ და რაც მთავარია ყველაფერში პროფესიონალურად გათვითცნობიერებული.

თან გვიკვირს ნარკომანიის მიმართ რომანტიული განწყობები რატომ არის და ამდენი ნარკოდამოკიდებული რატომ ყავს ქვეყანას...

გავიგეთ ბახალა სახელი და უცბად აჭრიამულდა საზოგადოება, ოღონდ არც კი ვიცით რისთვის მიუსაჯეს 8 წელი... თუ 45 აბუ ( 400 გრამამდე) სუბოტექსი გამოსაზამთრებლად შეიძინა ან ის 843 აბი მძღოლს რომ გამოატანა დიდი მარაგების გასაკეთებლად სჭირდებოდა. მაგრამ არა, ეს შინაარსი ვის აინტერესებს ან კიდევ უარესი თუ დაინტერესდით და მაინც ესეთ ამბავში ხართ...

მე პირადად საწინააღმდეგო კითხვა გამიჩნდა _ წაყენებული მუხლიდან მინიმალური წელი რატომ მიუსაჯეს , მუხლი ხომ 8-20 წლამდე თავისუფლების აღკვეთას ითვალისწინებდა?!

P.S და კიდევ, შედარებები რომ მოყავთ სამი კაცის დამჭრელს, ერთი ადამიანის დამჭრელს იგივე როგორ მიესაჯაო, აი აქ ჩანს ზუსტად როგორი რომანტიული დამოკიდებულება გვაქვს ნარკოგამსაღებლების მიმართ და რომ ვერც კი ვაცნობიერებთ იმ სიმძიმეს რასაც ნარკოგამსაღებელი ქვია ...“ _ აღნიშნული მოსაზრება წილოსანმა ფეისბუქის საკუთარ გვერდზე გამოაქვეყნა, რასაც გამოხმაურებები მოჰყვა.

სოციალური ქსელის მომხარებელია Mariam Paichadze  ჩოხატაურისა და ლანჩხუთის გაერთიანებული ოლქის მაჟორიტარ დეპუტატს წერს, რომ რცხვენია, როცა მისნაირ „უსირცხვილო ადამიანს“ ინახავს მისი გადასახადებით.

„ქალბატონო მარიამ, იდენტიფიცირება რომ შეიძლებოდეს თქვენი გადასახადით სავარაუდოდ სხვა დეპუტატებს ინახავთ ალბათ. მე , თქვენგან განსხვავებული მოსაზრებების მქონე ამომრჩეველი მიჭერს მხარს“ - პასუხობს წილოსანი მარიამ პაიჭაძეს.

ამ კომენტარებს ფეისბუქის სხვა მომხმარებლებიც გამოეხმაურნენ:

Waldo V Findme მაგრა გცოდნია როგორ მუშაობს ბიუჯეტი და როგორ მოგდით ხელფასი, ქალბატონო დეპუტატო, აი!

Mariam Paichadze მე მგონი, ლოგიკასთან ვერ მეგობრობთ, ქალბატონო ნინო, თორემ არც ამ სტატუსს დაწერდით და მით უფრო ამ კომენტარს.

არა უშავს. ერთადერთი, რასაც თქვენ და თქვენი მმართველი პარტია წარმატებით ახერხებთ, საკუთარი თავისთვის საფლავის თხრაა, რაშიც დიდი სიამოვნებით დაგეხმარებით, ასე თუ გააგრძელებთ. დროებით.

ისე, მსგავს კომენტარს ნუღარ დაწერთ, მაინც, რჩევად. თუ აღნიშნული სტატუსი უსინდისობაა და არაადამიანობაა, ასეთი კომენტარი ტეხავს ბოლო-ბოლო.

Nino Tsilosani მოდით მარიამ იმათთვის დავწერ ვისაც არ "უტყდება" ნარკოტიკების თემაზე მწვავე გამონათქვამები დქ თქვენ თუ სუსტი გული გაქვთ იქნებ არ წაიკითხოთ, რა ვიცი მაინც ...

Keti Machavariani Nino Tsilosani ქალბატონო ნინო პარლამენტის დეპუტატს მეტი რომ მოეთხოვება ფაქტია. გასაგებია ჩვენ უბრალო მოკვდავებს არ გვჯერა სასამართლოს გადაწყვეტილების მიუკერძოებლობის, მაგრამ თქვენ , კანონმდებელს ,სასამართლოს გადაწყვეტილებაში ეჭვი შეგაქვთ. ბარიგას უწოდებთ ადამიანს , არღვევთ უდანაშაულობის პრეზუმფციას. გიორგი გიორგანაშვილი გასამართლდა როგორც მომხმარებელი. ეს ერთი ამასთან უნდა გითხრათ დადგება დრო როცა გამოაშკარავდება, რომ 2 პოლიციელი, რომელთა ჩვენებსაც ეყრდნობა სასამართლოს გადაწყვეტილება და რომელთა წინააღმდეგ აღძრულია საქმე, არის დამნაშავე და გიორგანაშვილი განთავისუფლდება. თქვენ კი გააგრძელებთ მშვიდად პარლამენტში მოღვაწეობას. სამწუხაროა

 Mariam Paichadze ისევ და ისევ ძალიან ზუსტად გამოიტანეთ ჩემი კომენტარიდან აზრი. გმადლობთ ჩემს გულზე ასეთი გულმოდგინედ ზრუნვისთვის.

Luka Asatiani არ ვედნობით მაგ 2 პოლიციელის მოწმეობას, იმ მარტივი მიზეზის გამო რომ არაერთხელ გაუწირიათ ადამიანები, თუნდაც ბირჟა მაფიის ამბავი გავიხსენოთ, სამარცხვინო გადაწყვეტილებაა, ეს არ არის სამართალი ეს არის კრიმინალი ჩემი აზრით. მინდა რომ თქვენნაირი ცნობიერების ხალხი მოცილდეს ქვეყნის მართველობას.

Nata Gonzalez ქალბატონო ნინო, ისე ხომ არ არის რომ ნარკომანებთან ერთად უინტელექტოების რომანტიზებასაც ვახდენთ და დეპუტატებად ვირჩევთ?

 ნიკა არევაძე 1. თუ ამ საქმის დეტალებში ოდნავ მაინც ერკვევით, გეცოდინებოდათ, რომ ძალიან ბევრი კითხვაა, ერთადერთი ნეიტრალური მოწმე უარყოფს ბრალდების ვერსიას. დარღვევებით ჩატარებულ პროცედურას ეყრდნობა ბრალდება.
2. განაჩენი რომ არსებობს შეძენა-შენახვაზე, ბრალდების მიერ მოთხოვნილი ბრალის შესაბამისად, და პროკურატურამ მხოლოდ საზოგადოების რეაქციის დასაბალანსებლად ჭორი გამოდო და ამას როგორც ფაქტს ისე ახსენებთ ეგ უკიდურესად მიკერძოებული, უდანაშაულობის პრეზუმფციის პირდაპირ დამრღვევი და ცილისმწამებლური განაცხადია.
3. ერთი თვის-თვენახევრის მარაგი ნარკოტიკული საშუალება უფრო დიდ პრობლემად რომ მიგაჩნიათ საზოგადოებისათვის (მაშინ როცა სასამართლო წერდა საზოგადოებისთვის საფრთხის არარსებობაზე), ვიდრე თაზუკას მიერ თითქმის სასიკვდილოდ დაჭრილი ადამიანები (მგონია რეფერირებას ამაზე აკეთებთ), ეგ კიდევ ცალკე დიდი პრობლემაა, კომპეტენტურობასთან ერთად, პიროვნული მახასიათებლების.
4. გეთანხმებით, რომ მართლაც "საინტერესო, საოცარი და გენიალური საზოგადოება" ვართ. სხვა შემთხვევაში, თქვენი მოსაზრებები არჩევნებამდე უნდა გათვალისწინებულიყო.
5. იმედი მაქვს, რომ ეს ქმედება - შეძენა-შენახვისთვის ბრალდებული პირის გამსაღებლად, ბარიგად შერაცხვის მცდელობა უბრალოდ თქვენი პირადი პოზიციაა და იმ მიზნებსვე არ ემსახურება, რასაც პროკურატურის ყვითელი ნიუსი ))

Natia Letodiani როგორი სირცხვილია ამ ქალის პარლამენტში ყოფნა! ჩემი გადასახადებიდან იღებ ხელფასს, ბახალაც გიხდის ასევე ხელფასს და კიდევ ბევრი ბახალასნაირი, რომელთაც ასე ერტი ხელისმოსმით უწოდებთ ნარკომანებს და სასტიკად დასჯისთვის გემეტებათ. აი სწორედ თქვენ რომ ენდობით, იმ პოლიციელების მიმართ არის ძიება დაწყებული და სტატუსის დაწერამდე და "აჭრიამულებამდე" იქნებ ორიოდე სტატია მაიმც წაგეკითხათ ამ თემაზე, ან თქვენი კოლეგა ზოიძესთვის გეკითხათ, დაგეხმარებოდათ! ამიტომ, ქალბატონო დეპუტატო, სანამ საზოგადოებას მიმართავთ და ბახალას და ბევრ მისნაირ უდანაშაულო ადამიანს გამსაღებლად და მომხმარებლად მოიხსენიებთ, კარგი იქნებოდა ოდნავ მეტი გაგვეგო ამ ამბავზე.და კიდევ, ზემოთ გირჩიეს და მეც გეტყვიტ, გრამების დამრგვალებაში და ზოგადად არითმეტიკაში,

Lasha Meskhi საკუთარი პარტიის სტეიტმენტს ასცდით ) ჯობდა ისევ „9 წელი“; „ნაცების დროს მიღებული კანონია და მათ მოკითხეთ“ და აშ.
ნუ რაც დაწერეთ ამას ალბათ ყველაფერი ჯობდა. ნარკომანია, რომ პრობლემაა ამაზე არავინ დავობს! და არავინ ეწევა „ნარკომანიის პროპაგანდას!“ აქ დასჯის პოლიტიკის, ზრუნვით ჩანაცვლებაზეა საუბარი. ხო ეს ყველაფერი კი იმ ფონზე, როცა პარტია, რომელსაც თქვენ წარმოადგენთ არის „ადამიანზე ორიენტირებული“ - სხვათაშორის :)
და კიდევ ერთი, როგორც პოლიტიკოსს ისე გირჩევთ, როცა ხედავთ რომ ათობით ათას ადამიანს სასჯელის ხანგრძლივობაზე და დაკავებულის ბრალეულობაზე აქვს პროტესტი თქვენ ცეცხლზე ნავთი ამ დროს არ უნდა დაასხათ და არ უნდა თქვათ, რომ - მეტი უნდა მიეცათო...

 საბა ბრაჭველი როგორც ჩანს, სტენფორდსა და ოქსფორდში არ ასწავლიან, რა განსხვავებაა ნარკოტიკების პირადი მოხმარების მიზნით შენახვასა (რაც ბრალდებასა და განაჩენში წერია) და გასაღებას შორის .

Luka Asatiani გულწრფელად მრცხვენია ამ ადამიანების, 8 წელი მისცეს ახალგაზრდა ბიჭს 2 პოლიციელის მოწმეობით, არანაირი ვიდეო ან აუდიო მასალა არ წარმოუდგენიათ და რა სამარცხვინო სტატუსს წერს ეს ქალი, მინდა რომ მოცილდნენ ქვეყნის მმართველობას ეს ადამიანები.

Mari Aniko Lortqifanidze შოკირებული ვარ საიდან ოცნებაში ამდნ ეძელა.. ამას გეუბნება უმრავლესობის წევრი და ამ ქვეყანაში რისი იმედი უდა ქგოდეს. ქვეყანა გადაჩეხილია ხალხო უბსკრულში.. გაოგნებული ვარ

 გამომდინარე იქიდან რომ, პოსტი საჯარო იყო ნინო წილოსანს ჩვენც საჯაროდ ვკითხეთ იცნობდა თუ არა გურიის სამხარეო პოლიციის მთავარი სამმართველოს უფროსის გიგა ჯაფარიძის ისტორიას.

უფრო კონკრეტულად კი დავინტერესდით იწვევდა თუ არა მის გაკვირვებას ის, რომ  "ბარიგობაზე" დაკავებული პოლიციის მაღალჩინოსანი ჯაფარიძე მხოლოდ 3 დღე იჯდა ციხეში და მოსამართლემ 10 000 ლარიანი გირაოთი და 6-წლიანი პირობითი მსჯავრით გარეთ გამოუშვა?

ასევე ვკითხეთ უკვირდა თუ არა, რომ ეს გადაწყვეტილება პროკურატურას არ გაუსაჩივრებია?  ვკითხეთ ისიც, იყო თუ არა ეს გამონაკლისია, რადგან არჩევნებში ხელისუფლებას მისი დახმარება სჭირდებოდა?

უფრო მეტი კონკრეტიკისთვის და იმისთვის, რომ პასუხად „არ ვიცი“ არ მიგვეღო ამ ყველაფერის დამადასტურებელი ლინკიც წარვუდგინეთ, რაზეც დეპუტატმა ასე გვიპასუხა:

„მაინც რომ არ ვიცი ამ ფაქტის შესახებ? და რომ გავიგე იგივეს ვამბობ _  დიდი ოდენობით ნარკოტიკული საშუალების შეძენა- შენახვა და გასაღება უნდა ისჯებოდეს“.

ამის შემდეგ დეპუტატს კიდევ ერთი შეკითხვა დავუსვით და დავინტერესდით, იცოდა თუ არა აღნიშნული ფაქტის შესახებ მაშინ, როცა გიგა ჯაფარიძე არჩევნებზე ეხმარებოდა.

ამ კითხვაზე ნინო წილოსანს პასუხი არ გაუცია და მხოლოდ ეს დაწერა:

რა საინტერესო მოძრაობაა ატეხილი ჩეს გვერდზე... არც ერთი რატომღაც არ ხართ ჩემს მეგობრებში. აააა გასაგებია, სავარაუდოდ შეხედულებებში გვაქვს სხვაობები..“.

ფეისბუქის მომხმარებლებს არც ეს კომენტარი დაუტოვებიათ უპასუხოდ:

 Natia Letodiani კი ქალბატონო დეპუტატო! თქვენთან "მეგობრობა" უკვე სასჯელია ჩვენთვის, ლბათ იმ საზოგადოებასაც არ ვეკუთვნით, ვისაც თქვენ მიმართავთ ამ სტატუსში, მაგრამ მაინც მოგაგენით და ყველგან მოგაგნებთ, სადაც უსამართლობის პიარს შეეცდებით!

Luka Asatiani ადამიანი გაწირეს მტკიცებულებების გარეშე, დღემდე ვერ გავიგე რატომ არ გადაიღეს დაჭერის ფაქტი ვიდეოთი ან აუდიო ჩანაწერით, სამარცხვინო ადამიანები არიან, ეს ადამიანები უნდა წავიდნენ მმართველობიდან.

Tamara Kochladze უკაცრავად და საზოგადოებას რო დაგვცინით ხომ არ დაგავიწყდათ რომ ამ "გათვითცნობიერებულმა" საზოგადოებამ აგირჩიათ პარლამენტის წევრად? თუმცა თუ არ გახსოვთ ეგეც გასაგებია თქვენი შესაძლებლობებიდან გამომდინარე. ეს საზოგადოება მართავს ამ ქვეყანას და არა თქვენ საიდანღაც ვიღაცის ნაცნობობით ჩამოხეტიალებული. როგორ გგონიათ 4 წელი უფრო მალე გავა თუ 8?


ნახვა: 1153


 ახალი ამბები
  • გაერთიანებულო წყალმომარაგების კომპანიას ახალი ხელმძღვანელი ჰყავს"გურია ნიუსისთვის" ექსკლუზიურად  ხდება ცნობილი, რომ საქართველოს გაერთიანებული წყალმლმარაგების კომპანიას ახალი ხელმძღვანელი ჰყავს. ამ პოსტზე გიორგი კობერიძე ეკა ქალდავამ ჩაანაცვლა. ქალდავა ბოლო პერიოდში ინფრასტრუქტურის სამინისტროში მუშაობდა და დონორებთან ურთიერთობდა. მანამდე კი წყალმომარაგების კომპანიის თანამშრომელი ... ...
  • „საპრეზიდენტო კანდიდატად საპენსიო ასაკის პოლიტიკოსი უნდა დაასახელონ“_ ცინცაძეპოლიტოლოგი სოსო ცინცაძე  ,,გურია ნიუსთან“ საუბრისას აცხადებს, რომ ,,ქართული ოცნებისთვის“ გონივრული გადაწყვეტილება იქნება, თუ მმართველი გუნდი საპრეზიდენტო კანდიდატად  საპენსიო ასაკის მქონე პოლიტიკოსს დაასახელებს. ამასთან, როგორც ცინცაძე აღნიშნავს, მაღალი ხარჯებიდან და პრეზიდენტის უფლებამოსილებიდან გამომდინარე, სჯობს პრეზიდენტის ინსტიტუტი  საერთოდ გაუქმდეს. ,,მას შემდეგ, რაც თბილისის მერად დაასახელეს და გაამარჯვებინეს ნარმანიას, რომლის შემოქმედების შედეგს დილიდან საღამომდე იწვნიეს თბილისის დღევანდელი მერი, ყველაფერი მოსალოდნელია. ჩემთვის საინტერესოა მმართველ გუნდს  როგორ სისტემურად და მიზანმიმართულად უშლის ნერვებს მარგველაშვილი, ეს სახალისოც არის. გონივრული იქნებოდა ,,ქართულ ოცნებას“ საპრეზიდენტო კანდიდატად დაესახელებინათ საპენსიო ასაკის მქონე პოლიტიკოსი. სიმართლე გითხრათ,  ახალგაზრდა, ენერგიული და კრეატიული აზროვნების მქონე პოლიტიკოსი პრეზიდენტის პოსტისთვის არ მემეტება. საერთოდ არ ვიქნებოდი წინააღმდეგი, მაღალი ხარჯებიდან გამომდინარე, პრეზიდენტის ინსტიტუტი გაუქმდეს. პრეზიდენტს არავის სთხოვს, გასცეს პასუხი კითხვებს: რატომ გაიზარდა კრიმინალი, რატომ გაიზარდა ნარკომანია, რატომ არის უმუშევრობა, რატომ უფასურდება ლარი, რატომ არის ფარული ინფლაცია, მას არანაირი უფლებამოსილება არ გააჩნია“, _ გვითხრა ... ...
  • ჩაკეტილი კარი ოზურგეთის გამგეობაში _ პირადი კომფორტი თუ საშემსრულებლო დისციპლინის გაუმჯობესებაროგორც „გურია ნიუსს“ ოზურგეთის მუნიციპალიტეტის მერიაში უთხრეს,  შენობის პირველ სართულზე,  დერეფნის  მარცხენა  მხარის პირდაპირი გასასვლელი კარი დღეს ჩაკეტილი დახვდათ. აქამდე ეს კარი არ იკეტებოდა, მით უფრო, როცა  ამ მხრიდან აქვს შენობას პანდუსით  შემოსასვლელი და,  მიღების დღეებში    განსაკუთრებით,   ამ შემოსასვლელით  სარგებლობენ შეზღუდული შესაძლებლობების მქონე პირები. _ ეს კარი ადმინისტრაციული სამსახურის უფროსმა, გოგი ინწკირველმა ჩაკეტა.  ის  ამ თანამდებობაზე ახლახან დაინიშნა.  გასასვლელთან არის  მისი კაბინეტი და ეტყობა, დისკომფორტი შეექმნა, მაგრამ არ ვიცით, რატომ.   ადმინისტრაციულ შენობას პანდუსით შემოსასვლელიც მხოლოდ აქ აქვს. დავუშვათ, მოვიდა პირი, რომელიც ეტლით გადაადგილდება,   კარი ადმინისტრაციული სამსახურის  უფროსმა,   გოგი ინწკირველმა უნდა  გაუღოს? ვთქვათ,  არ არის ადგილზე, სად უნდა ეძებონ? როცა შენობას აქვს ორი ცენტრალური შესასვლელი და არცერთი არ დაკეტილა,   ასევე  შენობას   აქვს ორი შემოსასვლელი უკანა  მხრიდან და  არცერთი არ დაკეტილა, მაინცდამაინც ის რატომ დაიკეტა, სადაც  გადიან შესვენების დროს  თანამშრომლები და რაც მთავარია,   პანდუსით შემოსასვლელიც მხოლოდ აქ არის?  თუ მაინცდამაინც საჭიროა  ასეთი ცვლილება, შინაგანაწესში  ცვლილების შეტანამდე ჩაკეტვა მაინც არ შეიძლება და  ეს არის ერთპიროვნული გადაწყვეტილება. მას  არ ევალება   ამ კარის ჩაკეტვა, ისევე, როგორც არ ევალება დანარჩენი რვა სამსახურის უფროსს, _ აცხადებს  „გურია  ნიუსთან“ მერიის არაერთი თანამშრომელი. „გურია  ნიუსი“ ოზურგეთის მუნიციპალიტეტის  მერიის  ადმინისტრაციული სამსახურის  უფროსს გოგი ინწკირველს  აღნიშნული საკითხის ირგვლივ ესაუბრა. _ გეტყვით, რომ ეს პანდუსი ჩაკეტილი არ იქნება.  ეს არის ჩვენი ერთობლივი გადაწყვეტილება.   ამ წუთში ადაპტირებისთვის გავაკეტეთ.  ჩვენ ახლა  ვაპირებთ მერიის თანამშრომელთა დისციპლინის გაუმჯობესებას _ სამსახურში გამოცხადება,  სამსახურიდან წასვლა...ზოგჯერ საპარადე გასასვლელს  არც  იყენებს ზოგი.   აქედან უფროა ადვილია გასვლა... _ რის თქმა გინდათ, იპარებიან? _ ახალგაზრდები არიან, ზოგჯერ ხდება შინაგანაწესის დარღვევა... _ იქ პანდუსია, რომელიც სხვაგან  არ აქვს   ამ შენობას. ასევე აივანზე, იქნებ, თამბაქოს მოსაწევად უნდოდეთ გასვლა, ეკრძალებათ? _ პანდუსი არ ჩაიკეტება. შეზღუდული შესაძლებლობების მქონე პირებს არავინ შეუქმნის პრობლემას.  სიგარეტს კიდევ, თუ არ მოწევს რამდენჯერმე ადამიანი, იქნებ, სულ გადაეჩვიოს და კარგია.  ახლა მე გეტყვით  კიდევ ერთს _უზარმაზარ  შენობებს აქვს ერთი   შესასვლელი.  თბილისში  სახელმწიფო  კანცელარიას აქვს ერთი შესასვლელი და ამ შენობას რად უნდა ხუთი შესასვლელ-გამოსასვლელი? იყო ორი მუნიციპალიტეტი, ხომ? ახლა გაერთიანდა.  ვფიქრობ, ამდენი შესასვლელ-გამოსასვლელი საჭირო არ არის. ამაზე უმოკლეს დროში შევთანხმდებით. პრობლემა არავის შეექმნება. ყველაფერს მოვაგვარებთ. განსაკუთრებით კი, შშმ პირებს არავინ შეუქმნის პრობლემას  იმის გამო, რომ  აქ კარი დროებით დაიკეტა.  პანდუსი არის შენობის პირველი სართულის ამ მხარეს და  მიღების დღეებში იქნება თუ ისე,  მათ არავინ დააბრკოლებს, _  გვითხრა  გოგი ... ...
  • პრეზიდენტმა 143 მსჯავრდებული შეიწყალასაქართველოს პრეზიდენტმა გიორგი მარგველაშვილმა 2018 წლის 24 მაისის შეწყალების აქტით, 143 მსჯავრდებული შეიწყალა. ამის შესახებ  დღეს გამართულ ბრიფინგზე შეწყალების კომისიის ხელმძღვანელმა ზვიად ქორიძემ განაცხადა. ქორიძის განმარტებით, შეწყალებულებიდან საპატიმროს 84 დღესვე დატოვებს. 54 მსჯავრდებულს სასჯელი შეუმცირდა. შეწყალების კომისიის თავმჯდომარის განცხადებით, სულ 1347 მსჯავდებულის საქმე განიხილეს. რაც შეეხება იმ მსჯავდებულებს, რომლებიც სასჯელს მძიმე დანაშაულისთვის იხდიან, ასეთი 216 საქმე განხილვაშია, თუმცა მორატორიუმის გამო კომისიამ მათი განხილვა დროებით გადადო.  ცნობილია, რომ  პრეზიდენტმა გიორგი მარგველაშვილმა, 2013 წლის დეკემბრიდან დღემდე, 3655 მსჯავრდებული შეიწყალა. ბოლოს, პრეზიდენტის მიერ პატიმრების შეწყალების საკითხი კრიტიკის მიზეზი აპრილში, ბარნოვის ქუჩაზე ქალის მკლელობის შემდეგ გახდა, მკვლელობა წარსულში ნსამართლევმა და პრეზიდენტის მიერ შეწყალებულმა პირმა ჩაიდინა. ამის შემდეგ პრეზიდენტმა მარგველაშვილმა ძალადობრივ დანაშაულზე შეწყალებასთან ... ...
  • ,,ფაქტების გარეშე საუბარი არ შეიძლება“_ ჭიჭინაძე ბრალდებებს პასუხობსმმართველი გუნდის წევრი დავით ჭიჭინაძე ,,გურია ნიუსთან“ საუბრისას საზოგადოების კრიტიკას გამოეხმაურა იმასთან დაკავშირებით, რომ შესაძლოა, ხელისუფლება ნარკორეალიზატორებს მფარველობდეს. ჭიჭინაძე ბრალდებებს უარყოფს და აცხადებს, რომ კონკრეტული ფაქტების გარეშე საუბარი არამართლზომიერია. ჭიჭინაძე სამართალდამცველების მხრიდან  ნარკოტიკების ე.წ. ჩადების პოლიტიკასაც გამოეხმაურა და აღნიშნა, რომ სამართალდამცველებმა ნარკოტიკები, შესაძლოა, მხოლოდ ისეთ ადამიანს ჩაუდონ, რომელიც კრიმინალად არის მიჩნეული. ,,როგორ შეიძლება სახელმწიფოსა და რომელიმე მაღალჩინოსნის მიმართ ასეთი ბრალდებები გააჟღერო.  ნარკოდანაშაულის მფარველობა არის უდიდესი დანაშაული, ამიტომ ამ თემაზე  კონკრეტული ფაქტების გარეშე საუბარი არ შეიძლება. ეს არამართლზომიერი და არაადეკვატური ბრალდებაა. პირდაპირ გეტყვით, თქვენ იცით, რომ ვისაც იჭერენ, იმაზე ამბობენ ჩაუდესო, საზოგადოებაც ძალიან სცოდავს, რადგან სტერეოტიპი ჩამოყალიბდა, თითქოს შს სამინისტროს შეგნებულად  ჩადის დანაშაულს და ვიღაცებს უდებს. არ შეიძლება,  შს სამინისტრო, ვისაც  ქუჩაში დაინახავს, ყველას უდებდეს. შესაძლოა, რაღაც მომენტში ჩადება არსებობს, მაგრამ ეს იმ მომენტში შესაძლებელია მოხდეს, როდესაც ადამიანი კრიმინალად არის მიჩნეული. ამერიკა ომს აწყობდა და ისე ებრძოდა ნარკოგამსაღებლებს, თუ ჩვენ ცივილიზებულ სამყაროსკენ მივისწრაფით, დაუნდობელი ბრძოლა უნდა გამოვუცხადოთ ნარკორეალიზატორებს“,_ გვითხრა ... ...

არქივი

ზაფრანი

250 სინათლის წლის მოშორებით 5 მზიანი პლანეტა აღმოაჩინეს

კაცობრიობა აგრძელებს კოსმოსის საიდუმლოებების შესწავლას....

ამერიკა ჩინელებმა აღმოაჩინეს?

როგორც ჩანს, გეოგრაფიის და ისტორიის...

გაზიანი სასმელები ქალებში ინსულტს იწვევს

იაპონელმა ეცნიერებმა დაადგინეს, რომ ხშირად...

დროში მოგზაური ჩინელი ბიჭუნა

1995 წლის დასაწყისში ჩინეთის ქალაქ...

დროში მოგზაური ჩინელი ბიჭუნა

1995 წლის დასაწყისში ჩინეთის ქალაქ...

მსოფლიოში ყველაზე პატარა ირემი

აზიური ირმები - ძუძუმწოვარ ჩლიქოსანთა...
კარმიდამო ჩემი

მარტო კაცის დიდი მეურნეობის სავიზიტო ბარათი იხვისა და ბატის ფერმაა

ლანჩხუთის მუნიციპალიტეტის სოფელ სუფსის მკვიდრი...

ევკალიპტი _"ტყეების ალმასი" და მისი ისტორია საქართველოში

ევკალიპტის კულტურას საქართველოში საუკუნეზე ცოტა...

როგორ გადავრგოთ და გავახაროთ ჟოლო

კენკროვანი კულტურები დღეს განსაკუთრებული პოპულარობით...

როგორ გამოვხადოთ თაფლის არაყი

საქართველოში მეფუტკრეობის განვითარების მრავალსაუკუნოვან გზაზე...

მაისში განსაკუთრებით ვიზრუნოთ შეწამვლით სამუშაოებზე

აპრილის ბოლოს, მაისის დასაწყისში, თვის...

როგორ ავიმაღლოთ იმუნიტეტი

იმუნიტეტი ეს არის ორგანიზმის დამცველობითი...

ბროკოლი გულს დაავადებებისგან იცავს

ორთქლზე მომზადებული კომბოსტო ბროკოლი გულის...

ეთნოგრაფიული ნივთების კოლექციონერის მიზნები და გულისტკივილი

დღეს საქართველოში მრავალი ეთნოგრაფიული მუზეუმი...

როდის დავთესოთ და როგორ მოვუაროთ ბოსტნეულს ღია გრუნტში

მარტის ბოლოს და აპრილის დასაწყისში...

შინაური პირუტყვის პროფილაქტიკა საგაზაფხულოდ

გამოზამთრებულ შინაურ პირუტყვს, მსხვილფეხა თუ...

თხილის პირველი საგაზაფხულო წამლობის პრინციპი

ვაგრძელებთ რჩევების მიცემას იმ ადამიანებისთვის...