"პროდუქტი პროდუქტია" _ გვარამია ბიჭიკაშვილის და არაბიძის სოჭში დაგეგმილ კონცერტზე

gurianews.com

ფეისბუქსტატუსები

"პროდუქტი პროდუქტია" _ გვარამია ბიჭიკაშვილის და არაბიძის სოჭში დაგეგმილ კონცერტზე

მაისი 15
11:06:10 2017

ტელეკომპანია "რუსთავი 2'-ის სახეების. ვახო ბიჭიკაშვილის და ნიკა არაბიძის სოჭში დაგეგმილი კონცერტი ამ დრომდე განხილვის თემაა. ტელეკომპანიის გენერალური დირექტორი ნიკა გვარამია, რომელსაც ამ საკითხზე განმარტებების გაკეთებას სთხოვენ, ამბობს, პრეტენზიების ადრესატი ის არ არის:

"1 _ ამ პრეტენზიების ადრესატი მე რატომ ვარ, დიდად არ მესმის - რ2ის თანამშრომლების დამატებითი შემოსავალი ჩვენს მიერ არ კონტროლდება (თუ ეს კონკურენტ მედიებს არ ეხება), მით უფრო, შინაარსობრივად.

2 _  რამდენადაც ჩემთვის ცნობილია (ამერიკაში), ფასიანი კონცერტი იყო ქართული აუდიტორიისთვის (პრაქტიკულად, კორპორატივი) და არავითარი კავშირი არ ქონია არც რუსეთის სახელმწიფოსთან და არც სულგაყიდულ რუსქართველა რომელიმე ნაძირალასთან. შესაბამისად, ამ ხალხმა თავისი პროდუქტი იქ გაყიდა და თუ ეს არ შეიძლება, მაშინ უნდა ვშფოთავდეთ ბორჯომის და ქართული ღვინის რუსეთში გაყიდვაზე. პროდუქტი ვის რა აქვს, მნიშვნელობა არ აქვს. პროდუქტი პროდუქტია.

3 _  პირადად მე რაც შემეხება, რაკიღა ჩემი აზრით დაინტერესდნენ - რუსეთში კონცერტს არ ჩავატარებდი, არც მამულიშვილთა თხოვნით და არც არანაირ ანაზღაურებად. იქაური ჰაერიც მეზიზღება, დიდი ბოდიში ყველასთან. მეტიც - ღვინოს რომ ვაწარმოებდე, იმასაც არ გავიტანდი. არც ბორჯომს.

ესაა ჩემი კომენტარი და ნუღარ შემაწუხებთ თაგებით. მგონი გასაგებად გადმოვეცი ჩემი აზრი. გმადლობთ ყურადღებისთვის" _ წერს გვარამია სოციალურ ქსელში.



 ახალი ამბები
  • „თქვენი ინტერპრეტაციით დაწერილი" ჟურნალისტური გამოძიების უცნობი დეტალებითბილისის სააპელაციო სასამართლოს სისხლის სამართლის საქმეთა კოლეგიამ 13 წლის მომხდარი დავით ოთხმეზურის მკვლელობის საქმის განხილვა დღეს გააგრძელა. დღევანდელ პროცესზე კოლეგია ამავე საქმეში ბრალდებულის, მოგვიანებით კი გამართლებულის, ასლან ბეჟანიძის დაცვის მხარის შესავალ სიტყვას ისმენდა. ადვოკატმა ტარიელ კაკაბაძემ დაახლოებით ორსაათნახევრის განმავლობაში დეტალურად ისაუბრა საქმეში არსებულ შეუსაბამობებთან და მოწმეთა ჩვენებების სარწმუნოობასთან დაკავშირებით, რაზეც პირველი ინსტანციის სასამართლოს განაჩენში მოსამართლე გიორგი დარახველიძეც მიუთითებს. ადვოკატის თქმით, „არ არის დადგენილი დანაშაულის მოტივი! არ არის წარმოდგენილი ერთი პირდაპირი მოწმის ჩვენება, ერთი პირდაპირი მტკიცებულება, რომელიც მიუთითებდა რომ ასლან ბეჟანიძეს ჰქონდა ოთხმეზურის მოკვლის მოტივი“. ტარიელ კაკაბაძემ შესავალი სიტყვის კითხვისას არაერთხელ აღნიშნა, რომ საქმის მთავარი მოწმეები, შოთა შანიძე, გიორგი მორჩილაძე და ლევან ბოჭორიშვილი, რომლებმაც პირველი ინსტანციის სასამართლოს ჩვენებები ასლან ბეჟანიძის წინააღმდეგ მისცეს (თუმცა მათი ეს ჩვენებები მოსამართლემ მოგვიანებით სარწმუნოდ არ მიიჩნია, ავტ.) შემთხვევის დროს, 2004 წელს დაკითხული არცერთი მოწმის ჩვენებაში არ ფიგურირებენ. ადვოკატის თქმით, დიდი ალბათობით, ისინი შემთხვევის ადგილზე საერთოდ არ ყოფილან. „არცერთი 2004 წელს დაკითხული პირი არ მიუთითებს საქმეში არსებული პირდაპირი მოწმეების: ლევან ბოჭორიშვილის, შოთა შანიძისა და გიორგი მორჩილაძის შემთხვევის ადგილზე ყოფნაზე, ისევე როგორც მოწმეების არჩილ ნასრაშვილისა და ჯიმი მაჩაბელის შემთხვევის ადგილზე ყოფნაზე. და რაც მთავარია, თავად ეს ახლადდაკითხული მოწმეებიც, რომლებიც ზემოთ ვახსენე, ერთმანეთის შემთხვევის ადგილთან არსებობას ვერ ადასტურებენ. არაფერი უშლიდა გამოძიებას, ქალაქის ერთ-ერთ ყველაზე ხალხმრავალ ადგილზე მომხდარი დანაშაულის სწრაფად და ეფექტურად გამოძიებაში მაშინ, როდესაც უამრავი პირი იმყოფებოდა ადგილზე. არ არის ამოღებული შემთხვევის იარაღი ასლან ბეჟანიძის სახლიდან. არ არის ამოღებული ასლან ბეჟანიძის ტანსაცმელი. არ არის ჩატარებული გენეტიკური ექსპერტიზა არც დაქტილოსკოპიური და არანაირი სხვა სახის ექსპერტიზა; არ არის მოპოვებული არანაირი უტყუარი მტკიცებულება, რომელიც ასლან ბეჟანიძის კონკრეტულ მკვლელობასთან კავშირს ადასტურებს. არ არის დაკითხული გამომძიებელი ალავიძე, რომელმაც ჩაატარა საქმესთან დაკავშირებით მთელი რიგი საგამოძიებო მოქმედებები. ჩვენ ვერ მოვისმინეთ ვერც გამოძიების პოზიცია იმასთან დაკავშირებით, თუ რა უშლიდა ხელს თავის დროზე გამოეძიებინათ კონკრეტული საქმე და რეალური დამნაშავე მოეძებნათ დანაშაულის ჩადენის დღესვე. არ არის დადგენილი დანაშაულის მოტივი! არ არის წარმოდგენილი ერთი პირდაპირი მოწმის ჩვენება, ერთი პირდაპირი მტკიცებულება, რომელიც მიუთითებდა რომ ასლან ბეჟანიძეს ჰქონდა ოთხმეზურის მოკვლის მოტივი“, _ განაცხადა ადვოკატმა ტარიელ კაკაბაძემ თავისი შესავალი სიტყვის კითხვისას. აქვე უნდა აღინიშნოს, რომ პროკურორმა ამირან გულუაშვილმა რამდენჯერმე გააპროტესტა ადვოკატის მიერ მოწმეთა ჩვენებების განხილვისას მოყვანილი ფაქტები და აღნიშნა, რომ ტარიელ კაკაბაძე ცრუობს. პროკურორი ითხოვდა, მოსამართლეებს მიეთითებინათ ადვოკატისთვის როგორ წარემართა თავისი შესავალი სიტყვა, თუმცა, მანუჩარ კაპანაძის განცხადებით, მას ამის უფლება არ აქვს. „ჩვენ ვერ მივცემთ მხარეს მითითებას, როგორ წარმართოს თავისი შესავალი სიტყვა. თუ რაიმე შენიშვნა გაქვთ, მოინიშნეთ და თქვენს დასკვნით სიტყვაში ისაუბრეთ“, _ აღნიშნა მოსამართლე მანუჩარ კაპანაძემ. მოსამართლე ნათია ბარბაქაძემ კი პროკურორს მიმართა: „გადაწყვეტილებას გამოვიტანთ მტკიცებულებების საფუძველზე და არა თქვენი რეპლიკების მიხედვით“, _ აღნიშნა ბარბაქაძემ. სასამართლო პროცესის დასრულების შემდეგ კომენტარი ვთხოვეთ საქმის პროკურორს, ამირან გულუაშვილს, თუმცა, გულუაშვილმა „გურია ნიუსის“ ჟურნალისტი მიკერძოებულობაში დაადანაშაულა და აღნიშნა, რომ „რაიმეს თქმას აზრი არ აქვს, თქვენ მაინც თქვენი ინტერპრეტაციით წერთ ყველაფერს“. ჩვენი მოთხოვნის შემდეგ, ეთქვა მას რა პრეტენზია ჰქონდა ჟურნალისტთან და დაესახელებინა არგუმენტები, გულუაშვილმა გვიპასუხა: „ჩემი პოზიცია მოსმენილი გაქვთ თქვენ პირველ ინსტანციაში საქმის განხილვისას. რაიმე განსხვავებული მე დღეს პროცესზე არ მითქვამს. დანარჩენი თქვენი ინტერპრეტაციით ჩაწერეთ“, _ განაცხადა ამირან გულუაშვილმა. აქვე ვაცხადებთ, რომ „გურია ნიუსი“ დავით ოთხმეზურის მკვლელობის საქმესთან დაკავშირებით ჟურნალისტურ გამოძიებას 2016 წლის ოქტომბრიდან აწარმოებს. ვესწრებოდით ყველა სასამართლო პროცესს, რომლებზეც მოწმეები დაიკითხნენ, გვაქვს ყველა მოწმის ჩვენების აუდიოჩანაწერი და ფოტომასალა. ჩვენს მიერ ექსკლუზიურად მოპოვებული მასალებით კი დგინდება, რომ ოთხმეზურის მკვლელობის საქმეში მთავარი მოწმეები, შოთა შანიძე და გიორგი მორჩილაძე სხვა მკვლელობის საქმეშიც მთავარი მოწმეები არიან. იმ სისხლის სამართლის საქმეს კი, ოთხმეზურის საქმესთან კავშირი არ აქვს, თუმცა, ერთიდაიგივე მოწმეების სხვადასხვა სისხლის სამართლის საქმეში გამოჩენა გარკვეულ კითხვის ნიშნებს აჩენს. აქვე უნდა აღინიშნოს, რომ იმ სისხლის სამართლის საქმის პროკურორიც ამირან გულუაშვილია. ერთიდაიგივე მოწმეებისა და პროკურორის სავარაუდო შეთანხმების შესახებ ასლან ბეჟანიძის დაცვის მხარემ „გურია ნიუსის“ მიერ გამოქვეყნებულ სტატიაში დეტალურად ისაუბრა. ადვოკატი ვარაუდობს, რომ შოთა შანიძე თანამშრომლობისთვის, შესაძლოა, პასუხისმგებლობისგან სრულად გაათავისუფლონ, რაც შეეხება გიორგი მორჩილაძეს, მას ამირან გულუაშვილმა საპროცესო შეთანხმება უკვე გაუფორმა. აქვე უნდა აღინიშნოს ისიც, რომ „გურია ნიუსს“ პროცესებზე სრულყოფილად მუშაობის საშუალება არ ეძლევა. დღევანდელ სასამართლო პროცესზე კოლეგიის თავმჯდომარემ, მანუჩარ კაპანაძემ „გურია ნიუსს“ ფოტოგადაღების უფლება არ მისცა, მიუხედავად იმისა, რომ ფოტოგადაღებისა და აუდიოჩაწერის უფლება კანონმდებლობის დაცვით, განსაზღვრულ ვადებში ვითხოვეთ. მოსამართლეს დღეს არ განუმარტავს, რის გამო ეთქვა ჟურნალისტს ფოტოგადაღებაზე უარი. რადგან არსებობს მაღალი საზოგადოებრივი ინტერესი აღნიშნულ საქმესთან დაკავშირებით, აუცილებლად მიგვაჩნია, რომ პროცესების მიმდინარეობის შესახებ დეტალური ინფორმაცია გამოვაქვეყნოთ, „გურია ნიუსი“ აპირებს გამოითხოვოს მოსამართლის დასაბუთებული განჩინება ფოტოგადაღებაზე უარის თქმასთან დაკავშირებით, რომელიც არ არის გამორიცხული, სასამართლოში გავასაჩივროთ. აქვე აღვნიშნავთ, რომ ეს სააპელაციო სასამართლოსგან ფოტოგადაღებაზე უარის თქმის პირველი შემთხვევა არ არის. ამავე სასამართლოს მოსამართლე მერაბ ლომიძემ, 2017 წლის 20 თებერვალს, "გურია ნიუსის" ჟურნალისტს ასევე არ მისცა ფოტოგადაღების უფლება.  მიუხედავად ხელშეშლისა, „გურია ნიუსი“ აგრძელებს დავით ოთხმეზურის მკვლელობის საქმეზე მუშაობას და სხვა სტატიებს მოგვიანებით შემოგთავაზებთ. აღნიშნულ საქმეზე სასამართლო პროცესი 2017 წლის 27 ივნისს შუამდგომლობის განხილვით და მხარეების დასკვნითი სიტყვებით გაგრძელდება. შენიშვნა: წარმოდგენილი ფოტოები გადაღებულია "გურია ნიუსის" მიერ პირველი ინსტანციის სასამართლოში პროცესების მიმდინარეობისას   ამავე თემაზე: ექსკლუზივი - არაერთგზის ნასამართლევი „ოქროს მოწმეები“, რომლებიც ძველ დანაშაულებს ხსნიან პროკურატურის „ოქროს მოწმეები“, რომლებიც ძველ დანაშაულებს ხსნიან - ნაწილი II ექსკლუზივი - 12 წლის წინ მომხდარი გახმაურებული მკვლელობის გაუხმაურებელი დეტალები რა არგუმენტებით დაასაბუთა მოსამართლემ მკვლელობაში ბრალდებულის უდანაშაულობა მკვლელობაში ბრალდებული სასამართლო დარბაზიდან გაათავისუფლეს (ფოტორეპორტაჟი) მკვლელობაში გამართლებულის დედის პასუხი ოთხმეზურების ოჯახს „დამნაშავეს მფარველობდნენ“ - ვის ადანაშაულებს ოთხმეზურის მამა მკვლელობის გამოძიების გაჭიანურებაში რატომ დაუშვა სასამართლომ მტკიცებულებად პროკურატურის „გამზადებული ჩვენება“ დავით ოთხმეზურის მკვლელობის საქმეზე რას აცხადებს მოკლული დავით ოთხმეზურის მამა და ვის დასჯას ითხოვს ის ექსკლუზივი - რატომ შეუცვალეს საპატიმრო დაწესებულება განსაკუთრებით მძიმე დანაშაულებში ... ...
  • საქართველოს პარლამენტის წევრს გაერთიანებული საემიროების სასამართლომ 15-წლიანი პატიმრობა მიუსაჯასაქართველოს პარლამენტის წევრი პატრიოტთა ალიანსიდან, გელა მიქაძე, ერთ-ერთია, ვისაც გაერთიანებული საემიროების სასამართლომ 17 მილიონი დოლარის მითვისებისთვის 15-წლიანი პატიმრობა მიუსაჯა.კომპანია რაკიას ყოფილ აღმასრულებელ ხელმძღვანელობას გაერთიანებული საემიროების სასამართლომ პატიმრობა დაუსწრებლად მიუსაჯა.კომპანიის ხელმძღვანელი პირები ხატერ მასაადი და გელა მიქაძე იყვნენ. სასამართლოს გადაწყვეტილებით, მასაადმა და მიქაძემ კომპანიას მითვისებული თანხა უნდა დაუბრუნონ. ხატერ მასაადს 12 მილიონ 800 ათასი დოლარის, მიქაძეს და ჯანაშიას კი 4 მილიონ 4 ათასი დოლარის დაბრუნება დაეკისრა.  გელა მიქაძის, ადვოკატი, ქეთევან ქვარცხავა, აცხადებს, რომ არაბთა გაერთიანებული საემიროების სასამართლოს მათთვის საქმის მასალები არ მიუწოდებია.ადვოკატის თქმით, კონკრეტული საქმის წარმოება საქართველოშიც არ მიმდინარეობს.„ეს საქმე საქართველოს სასამართლოში არ განიხილება, ხოლო რაც შეეხება საქმის დეტალებს, დარწმუნებული ვარ, საქართველოში შემოიტანდნენ, რადგან სხვა საქმეებიც აქვთ საქართველოში შემოტანილი, რაიმე სამართლებრივი საფუძველი რომ ჰქონოდა. რასელ ხაიმაში, ცხადია, უფრო მარტივი იყო ამ სახკითხზე გადაწყვეტილების მიღება,“ - განაცხადა ქეთევან ქვარცხავამ.საქმე ფოთის პორტსა და კომპანია რაისტარ ტრეიდს შორის შეთანხმების გაფორმებას და შემდეგ მის ანულირებას ეხება.კომპანია რაკიას წარმომადგენლებმა კი სასამართლოს განაჩენი დღეს მიიღეს. რაკიას იურისტი, ნათია წკეპლაძე, აცხადებს, რომ დოკუმენტის მიხედვით, ბრალდებულებს უკანონოდ მითვისებული 17 მილიონი ამერიკული დოლარი დაბრუნება ევალებათ.„როგორც ჩემთვის ცნობილია, სასამართლოს მიმდინარეობის შესახებ ინფორმირებული იყო ბატონი მიქაძე, მაგრამ მან სასამართლოში გამოცხადება არ ისურვა,“ - განაცხადა ნათია წკეპლაძემ.საპარლამენტო უმრავლესობასა და შსს-ში გელა მიქაძისთვის მისჯილი 15-წლიანი პატიმრობის საკითხზე კომენტარისგან თავს იკავებენ. ... ...
  • ვინ და როდის დაიწყო ჭიათურის მშენებლობა2017 წლის 14 მაისს Facebook გვერდზე "პოლიტიკანო” გამოქვეყნდა მასალა, რომელიც ჭიათურის მშენებლობას საბჭოთა კავშირს მიაწერს. პოლიტიკანო: ჭიათურის მშენებლობა საბჭოთა კავშირის დროს დაიწყო. მანგანუმის მარაგის აღმოჩენის შემდეგ ჭიათურა ერთ-ერთ ყველაზე მწვანე, ლამაზ და ინდუსტრიულ ქალაქად იქცა საქართველოში. "მითების დეტექტორის" კვლევის მიხედვით, რომელსაც უცვლელად გთავაზობთ, "პოლიტიკანოს” მტკიცება ტყუილია, რადგან ჭიათურის მშენებლობა 1879 წლიდან აკაკი წერეთლის ინიციატივით დაიწყო და მანგანუმის მადნის მოპოვებას უკავშირდება. 1. ჭიათურის მანგანუმის მეცნიერული შესწავლა 1840-იან წლებში გერმანელი გეოლოგის, ჰერმან აბიხის მიერ დაიწყო. პირველად ჭიათურის საბადოს შესახებ რუსულ "სამთო ჟურნალში” ინფორმაცია 1845 წელს დაიბეჭდა, ხოლო 1858 წელს იმავე ჟურნალში ჰერმან აბიხმა ვრცელი კვლევა გამოაქვეყნა. 2. ჭიათურაში მანგანუმის დამუშავება 1879 წელს აკაკი წერეთლის ინიციატივით დაიწყო ჭიათურის საბადოთი დაინტერესების შემდეგ, აკაკი წერეთელმა მანგანუმისა და ტყიბულის ქვანახიშირს ნიმუშები ევროპის ქვეყნებსა და რუსეთში გაგზავნა, 1879 წელს კი ჭიათურაში კრუპის ქარხნის, ვესტფალიაში რკინის მაღაროების Gute Hoffnung-ისა და პეტერბურგის სავაჭრო სახლის „ვახტერისა და კომპანიის" წარმომადგენლები ჩამოვიდნენ. მოპოვების პროცესში ჩართული იყო საზოგადოება "იმერეთი”-ც. ქართველი მწერალი და საზოგადო მოღვაწე გიორგი წერეთელი წერდა, რომ ევროპის ბაზარზე ქართული "შავი ქვა” სწორედ წერეთლის სახელით გავიდა: გიორგი წერეთელი: „შავი ქვის წარმოება პირველად ჩვენმა პოეტმა აკ. წერეთელმა დაიწყო. პირველი ნიმუშები… მანვე გაგზავნა ევროპასა და რუსეთში. პირველი „პარტია" შავი ქვისა ამის სახელით გავიდა ევროპის ბაზარში". Forbes Georgia-ს ცნობით, 1914 წლამდე ჭიათურის მადნის უმსხვილესი იმპორტიორი გერმანია იყო, რომელზეც მოდიოდა მთელი ექსპორტის 43%, ინგლისზე - 23%, ბელგიაზე - 14%, აშშ-ზე - 6%, საფრანგეთზე - 5%. აკაკი წერეთელი ჭიათურაში, 1912 წელი. წყარო: ეროვნული ბიბლიოთეკა   3. ჭიათურის მშენებლობა 1879 წელს, მადნის მოპოვების განვითარებასთან ერთად იწყება   ჭიათურის საბადოს განვითარებასა და მანგანუმის ექსპორტზე გატანასთან ერთად ჭიათურის მშენებლობაც იწყება. 1895 წელს დასრულდა ჭიათურის რკინიგზის მშენებლობა და ის ამიერკავკასიის მთავარ სარკინიგზო მაგისტრალს დაუკავშირდა. XIX საუკუნის ბოლოსთვის ჭიათურაში 6 000--მდე ადამიანი მუშაობდა, ხოლო Forbes-ს ცნობით, ამ პერიოდისთვის მანგანუმის ხვედრითმა წილმა მსოფლიო ექსპორტში 50% მიაღწია, რაც რუსეთში ამოღებული მადნის 75% შეადგენდა. 1894 წელს ჭიათურაში დრამატული თეატრიც აშენდა, რომელსაც 1910 წლიდან მუდმივი დასი ჰყავდა. ამდენად პოლიტიკანოს გნცხადება იმის შესახებ, რომ ჭიათურის მშენებლობა საბჭოთა კავშირის დროს დაიწყო, ტყუილია.   ჭიათურის რკინიგზა. 1900-იანი წლების ღია ბარათი   ჭიათურა - მაღაროელები. ფოტო: დავით აბაშიძე (1865-1922) წყარო: ეროვნული ბიბლიოთეკა სტატიის წყარო "მითების ... ...
  • სად არის გადაღებული 18+ ვიდეო "ორგანოებით ვაჭრობის" შესახებ2017 წლის 15 მაისს ქართულმა ვებ-გვერდებმა marshalpress.ge, itv.ge და dainteresdit.ge გამოაქვეყნეს იდენტური შინაარსის მასალები, სახელწოდებით "ბერძნული მედია თურქეთში ბავშვების ორგანოებით ვაჭრობის ამსახველ კადრებს აქვეყნებს (18+)’’ და "+18 - 3 წლამდე გოგონას ორგანოების ამოსაჭრელად ამზადებენ.’’ ქართული ვებ-გვერდების მიერ გამოქვეყნებულ მასალებს თან ერთვის ვიდეო, რომლის აღწერაშიც მითითებულია, თითქოს თურქეთში სირიელ ბავშვებს ცოცხლად აჭრიან ორგანოებს და ორგანოების ტრეფიკინგი თურქეთში განსაკუთრებით გავრცელებულია.   "მითების დეტექტორის" კვლევის მიხედვით, რომელსაც უცვლელად გთავაზობთ, "marshalpress.ge-ის, itv.ge-ის და dainteresdit.ge-ის მასალები მანიპულაციურია, რადგანაც მასზე თურქეთის ნაცვლად 2015 წლის 11 დეკემბერს სირიის სოფელ ალ-კისაბიას რუსეთის საჰაერო დაბომბვების შედეგად გარდაცვლილი ადამიანები და დაშავებული გოგონაა ასახული. ადამიანები, კი რომლებიც დაშავებულ ბავშვებს ეხმარებიან, არა ორგანოებით მოვაჭრეები, არამედ "სირიის ჰუმანიტარული ფონდის” წევრები არიან". რეალური ფაქტები 1. ვიდეო არა ორგანოებით ვაჭრობას, არამედ რუსეთის მიერ სირიის სოფლის დაბომბვის მოვლენებს ასახავს ვიდეოს გადამოწმების შედეგად გაირკვა, რომ თავდაპირველად ის არაბულ ენაზე SMART News Agency -მ 2015 წლის 11 დეკემბერს სათაურით "რუსული თვითმფრინავების მიერ მოწყობილი ხოცვა-ჟლეტა იდლიბის სამხრეთით მდებარე სოფელ ალ-კისაბიაში’’გაავრცელა. SMART News Agency საფრანგეთის საგარეო საქმეთა და საერთაშორისო განვითარების სამინისტროს მხარდაჭერით 2013 წლიდან არაბულენოვან სიახლეებს აქვეყნებს. SMART News Agency-ის ვიდეო იმავე აღწერით გაავრცელეს სხვადასხვა არაბულენოვანმა გამოცემებმა და ახალი ამბების სააგენტო ალ-ჯაზირამაც, რომელიც 20 წელზე მეტია, რაც მსოფლიოს 100-ზე მეტ სახელმწიფოში მაუწყებლობს. 2. ვიდეოში მონაწილე პირები "სირიის ჰუმანიტარული ფონდის” მოხალისეები არიან ვიდეოში ჩანს, თუ როგორ ხდის მამაკაცი თავდასხმის შედეგად დაზარალებულ ბავშვს მაისურს მაკრატლის დახმარებით. მამაკაცს ლურჯი მაისური აცვია, რომელზეც ლოგოა გამოსახული. გუგლის საძიებო სისტემაში მოცემული ლოგოს გადამოწმების შედეგად დადგინდა, რომ ის ჰუმანიტარულ ორგანიზაციას ეკუთვნის. Al-Sham Humanitarian Foundation (სირიის ჰუმანიტარული ორგანიზაცია) სირიის მოსახლეობას სხვადასხვა ჰუმანიტარულ სერვისს სთავაზობს. 3. ვიდეოში მონაწილე გოგონას რენტგენის აპარატზე აწვენენ ვიდეოში გამოსახულ გოგონას, რომელიც მარშალპრესისა და სხვა ქართულენოვანი სააგენტობის მიხედვით ორგანოებით უკანონო ვაჭრობის მსხვერპლია, სინამდვილეში სამედიცინო შემოწმების მიზნით რენტგენის აპარატის ციფრულ პანელზე აწვენენ. წყაროს შესახებ: მარშალპრესი სტატიის წყაროდ all.ge-ის ფეისბუქ გვერდს უთითებს, თუმცა აღნიშნული შინაარსის მასალები ამ გვერდზე არ იძებნება. itv.ge-ის და dainteresdit.ge-ის სტატიები ლიბანურ გაზეთ ad-Diyar-ის პუბლიკაციას ეყრდნობა, რომელშიც თურქეთში სირიელთა ორგანოების ვაჭრობაზეა საუბარი. ad-Diyar-ის სტატიის შესახებ ინფორმაცია გლობალური კვლევების ცენტრმა 2013 წლის 4 მაისს გაავრცელა, თუმცა პუბლიკაცია არ შეიცავდა ვიდეო ჩანაწერებს ორგანოებით ვაჭრობის შესახებ. გლობალური კვლევების ცენტრი მიშელ ჩოდოკოვსკის მიერ დაარსებული ანტიდასავლური გამოცემაა, რომელიც სხვადასხვა დროს აქვეყნებდა სტატიებს დასავლეთის ქვეყნების წინააღმდეგ, აგრეთვე, 2014 წლის ომის დროს ანტიუკრაინულ კამპანიას აწარმოებდა. თავად ad-Diyar-ის აღნიშნული სტატია გამოცემის ოფიციალურ ვებ-გვერდზე არ იძებნება. მანიპულაციური ვიდეო იუთუბზე 2017 წლის 12 მაისს მომხმარებლის Sigmund Freud-ის მიერ არის ატვირთული. Sigmund Freud-ის იუთუბ გვერდზე სულ 9 ჩანაწერი იძებნება, რომლებიც ძირითადად ისრაელის მთავრობის საწინააღმდეგო შინაარსს შეიცავს. მის მიერ გავრცელებულ ერთ-ერთ  ვიდეოში  ასახულია ისრაელის სახელმწიფოს დროშის საჯაროდ დაწვა", _ აღნიშნულია "მითების დეტექტორის" კვლევაში. ... ...
  • 18+: Foxnews.ge-ს ვიდეომანიპულაცია სირიელი ბავშვების ორგანოებით ვაჭრობის შესახებ2017 წლის 14 მაისს Foxnews.ge-ზე გამოქვეყნდა სტატია, რომელიც ამტკიცებდა, რომ თურქეთი სირიელი ბავშვების ორგანოებით ვაჭრობდა. სტატიაში წარმოდგენილი იყო ფოტოები, რომლებიც "მითების დეტექტორმა” გადაამოწმა და აღმოჩნდა, რომ თურქეთის ნაცვლად დამასკოს, ინდონეზიას და აფხაზეთის კადრებს ასახავდა. 14 მაისს გამოქვეყნებულ მასალას თან ერთვოდა ვიდეო მასალა, რომელიც Youtube-მა დაბლოკა. ძველი ვიდეოს ნაცვლად, 15 მაისს foxnews.ge-მ მასალას ახალი ვიდეო დაურთო სათაურით "ორგანოების ვაჭრობის მიზნით ბავშვებს კლავენ”.  ვიდეოს გადამოწმების შედეგად გაირკვა, რომ მასში 5 მანიპულაციური ფოტოა გამოყენებული, რომელიც თურქეთის ნაცვლად მალაიზიაში მომხდარ ინციდენტს, დამასკოს გარეუბანში მომხდარ ქიმიურ თავდასხმას, კორეაში ღვიძლის გადანერგვის ოპერაციას და სხვა არარელევანტურ კადრებს ასახავს. "მითების დეტექტორის" ჩატარებულ კვლევას უცვლელად გთავაზობთ: ფოტო N1 ვიდეოში გამოყენებული პირველი ფოტო ონლაინ მედიასა და სოციალურ ქსელებში 2016 წლის ნოემბერში გავრცელდა. ისტორია უკავშირდებოდა ტაილანდელ მამაკაცს, რომელიც ორგანოების გადანერგვის მიზნით, მანქანით ორი გარდაცვლილი ბავშვის გვამის მალაიზიაში გადატანას ცდილობდა. მალაიზიის პოლიციამ ოფიციალურად უარყო ეს ისტორია და მოსახლეობას ყალბი ფოტოების გავრცელებისგან თავის შეკავებისკენ მოუწოდა. ფოტო N2  ვიდეოკოლაჟის მეორე ფოტოზე არა თურქეთი და ორგანოებით ვაჭრობა, არამედ 2013 წელს დამასკოს გარეუბანში მომხდარი ქიმიური თავდასხმის მსხვერპლია ასახული.  ფოტო N3  მესამე ფოტო, რომელიც ვიდეოშია გამოყენებული პირველად ონლაინ სივრცეში 2008 წლის აპრილში გავრცელდა, შესაბამისად მას სირიაში მიმდინარე მოვლენებთან კავშირი ვერ ექნება, რადგან სამოქალაქო ომი სირიაში 2011 წელს დაიწყო. სხვადასხვა უცხოური მედია ამ ფოტოს ისრაელის მთავრობის მიერ პალესტინელების წინააღმდეგ ჩადენილი დანაშაულებების ან ე.წ ისლამური სახელმწიფოს მიერ სირიის მოქალაქეების წამების აღსაწერად იყენებს. ფოტო N4  მეოთხე ფოტო სამხრეთ კორეაში, სამსუნგის სამედიცინო ცენტრშია გადაღებული და ქირურგების მიერ ღვიძლის გადანერგვის ოპერაციას ასახავს. ფოტო ლიცენზირებული ფოტოების ონლაინ პლატფორმაზე Getty Images არის ხელმისაწვდომი.  ფოტო N5 მეხუთე ფოტოზე, სავარაუდოდ, ოპერაციის ჩატარების შემდეგ ექიმის ხელებია გამოსახული. ეს კადრი კონკრეტულს არაფერს ამბობს სირიელი ბავშვების ორგანოების ვაჭრობის შესახებ, რადგან კონკრეტულ ფაქტებს არ ასახავს და ნებისმიერ მოვლენას შეიძლება უკავშირდებოდეს.  წყაროს შესახებ: მანიპულაციური ფოტოების ვიდეოკოლაჟი იუთუბზე 2017 წლის 3 იანვარს მომხმარებლის Trendy updates -ის მიერ არის ატვირთული. Trendy updates-ის იუთუბ გვერდზე სულ 4 ჩანაწერი იძებნება, რომლებიც ახლო აღმოსავლეთის თემატიკას უკავშირდება", _ აღნიშნულია "მითების დეტექტორის" კვლევაში. ... ...

არქივი

ზაფრანი

წითელი ღვინის სამკურნალო თვისებები

ასაკის მომატებასთან ერთად სისხლძარღვებში ხდება...

როგორ მოვიხსნათ სტრესი

სტრესი არის ორგანიზმის საერთო რეაქცია...

"სავაჭრო ავტომატი" ძაღლებისთვის

ლონდონის პარკ "კლეპჰემში" დაიდგა მსოფლიოში...

ხელის ორიგინალურად თხოვნა

ვირჯინიის შტატის (აშშ) მცხოვრებმა კორი...

როგორ ვებრძოლოთ დეპრესიას

თუ უმიზეზოდ გეცვლებათ გუნება-განწყობილება, ადვილად...
კარმიდამო ჩემი

მკურნალი მარწყვი

ხალხური მედიცინით რეკომენდებულია ხენდრო (მარწყვი)...

ყველაზე სასარგებლო პროდუქტები

უამინდობა, ცივი გამჭოლი ქარი და...

ბუნებრივი მკურნალები

სამკურნალო მცენარეებით დაინტერესება უფრო და...

კარტოფილის სამკურნალო თვისებები

 კარტოფილი არა მარტო გემრიელი საკვებია,...

კივის სამკურნალო თვისებები

ტრადიციულ ჩინურ მედიცინაში კივი უძველესი...

ჩაის რეაბილიტაციის სახელმწიფო პროგრამა არაეფექტურია და ვერ გახორციელდება

სოფლის მეურნეობა და გადამამუშავებელი მრეწველობა...

როგორ მოვაწყოთ მოლი და მოვუაროთ მას

კომპაქტურად აღმოცენებული მოლი საოცრად  ნაზ,...

როგორ ვებრძოლოთ ნაცრისფერი ობით გამოწვეულ დაავადებას მცენარეზე

სუბტროპიკული მცენარეების დაავადებებს შორის, როგორც...

გავუხანგრძლივოთ მცენარეს სიცოცხლე

ახლა, გაზაფხულზე, ყველაზე უკეთ არის...

პალმას სერიოზული მავნებელი უტევს

ფინიკის პალმის 15-მდე სახეობა ცნობილია...

სურნელოვანი ოსმანტუსი

მარადმწვანე ოსმანტუსი, საოცრად სურნელოვანი მარადმწვანე...

ნიადაგის ნაირსახეობები და მისი მოხმარების წესი

საგაზაფხულო სამუშაოების შესრულებისას, ხარისხიანი მოსავლის...