ა(ა)იპ-ებს აუდიტი შეამოწმებს

ფინანსები

ა(ა)იპ-ებს აუდიტი შეამოწმებს

2013 დეკ 3 16:54:13
მუნიციპალიტეტის გამგეობის საფინანსო სამსახურის უფროსის, ზურაბ ჩანტლაძის თქმით, გეგმა, ფაქტობრივად, შესრულებულია 3 763,8 ათასი ლარით _ 9,0 ათასი ლარის გადამეტებით.

_ აქედან, ქონების გადასახადის გეგმა იყო 189, 2 ათასი ლარი, შემოსულია 231 ათასი ლარი, ანუ 41 ათასი ლარით მეტი. სხვა შემოსავლებში, 474, 9 ათასი ლარის ნაცვლად, შემოსულია 489,8 ათასი ლარი _ 14,9 ათასი ლარით მეტი. არ შესრულდა მხოლოდ ბუნებრივი რესურსებით სარგებლობის მოსაკრებლის გეგმა, კერძოდ, ხე-ტყის მოსაკრებლის, საიდანაც ბიუჯეტს 30,3 ათასი ლარი დააკლდა. არაფინანსური აქტივების კლებიდან შემოსავლები გეგმით გათვალისწინებული 5 ათასი ლარის ნაცვლად, შემოსულია 6,7 ათასი ლარი. მიღებულია ცენტრალური ბიუჯეტიდან ფინანსური დახმარებები (ტრანსფერები), სულ 2729, 5 ათასი ლარი, რასაც გეგმა ითვალისწინებდა, _ განმარტავს ჩანტლაძე.

მისივე ინფორმაციით, ამავე პერიოდის გადასახდელებში, ნაცვლად 3 756, 9 ათასი ლარისა (ნაშთის ჩათვლით) გახარჯულია 3 752,1 ათასი ლარი, ანუ 4,8 ათასი ლარით ნაკლები, _ თქვა ზურაბ ჩანტლაძემ.

ჩანტლაძის თქმით, ცალკეული საბიუჯეტო დაწესებულებების მიხედვით, როგორც საერთო მოცულობაში, ისე ფუნქციონალური და ეკონომიკური კლასიფიკაციის მიხედვით, თანხების გადახარჯვას ადგილი არ აქვს.

ბიუჯეტის 9 თვის შესრულების ანგარიშის თანახმად, მუნიციპალიტეტის საკრებულომ 325 ათასი ლარი გახარჯა; გამგეობამ სამსახურების ჩათვლით _ 709,4 ათასი ლარი; არქივი დაფინანსებულია 5,4 ათასი ლარით; აუდიტორულ შემოწმებაზე გაიხარჯა 0,2 ათასი ლარი; შენობების ტექნიკური პასპორტების და მიწის საკადასტრო აზომვითი ნახაზების დამზადების და საინფორმაციო საშუალებებში გამოქვეყნების ხარჯები შეადგენს 4,7 ათას ლარს; ადმინისტრაციული შენობის დაცვაზე გახარჯულია 4,6 ათასი ლარი; კავშირგაბმულობის ხარჯები შეადგენს 8,7 ათას ლარს; სახანძრო-სამაშველო სამსახურს გახარჯული აქვს 105,8 ათასი ლარი; თავდაცვით ღონისძიებებზე (სამხედრო სამსახური) _ 68,4 ათასი ლარი; გზების მშენებლობასა და ექსპლუატაციაზე _ 683,4 ათასი ლარი; კომუნალური სამსახური "სხივის" დაფინანსებაზე _ 174, 0 ათასი ლარი; უმეთვალყურეოდ დარჩენილი ცხოველების იზოლაციაზე გახარჯულია 2,0 ათასი ლარი; დაბის კეთილმოწყობაზე (საახალწლო ღონისძიებებზე) გაიხარჯა 8,1 ათასი ლარი; ა(ა)იპ "კურორტ ბახმაროს" დაფინანსებაზე _ 34,5 ათასი ლარი; სოფლის მხარდაჭერის პროგრამებზე გახარჯულია 206,0 ათასი ლარი; სტიქიის შედეგების სალიკვიდაციო ღონისძიებებზე _ 49,4 ათასი ლარი; საბავშვო ბაღების დაფინანსებაზე _ 345,0 ათასი ლარი; მოსწავლე-ახალგაზრდობის სახლის დაფინანსებაზე _ 36,2 ათასი ლარი; განათლების სისტემის ხელშეწყობის პროგრამაზე _ 8,4 ათასი ლარი; სასპორტო სკოლის დაფინანსებაზე _ 90,0 ათასი ლარი; სპორტის განვითარების ცენტრმა 76,3 ათასი ლარი დახარჯა; კლუბმა "ბახმარომ" _ 75,7 ათასი ლარი; სამხატვრო სკოლამ _ 43,2 ათასი ლარი; ბიბლიოთეკების გაერთიანებამ _ 60,7 ათასი ლარი; მუსიკალურმა სკოლამ _ 65,8 ათასი ლარი; სამუზეუმო გაერთიანებამ _ 68 ათასი ლარი; კულტურის ცენტრის მიერ 159,0 ათასი ლარი გაიხარჯა; ახალგაზრდული ღონისძიებების დაფინანსებაზე 3,8 ათასი ლარია დახარჯული; რელიგიის დაფინანსებაზე _ 18,1 ათასი ლარი; გურიის საჭადრაკო ფედერაციას 7,0 ათასი ლარი გადაურიცხეს; საზოგადოებრივი ჯანდაცვის ცენტრმა 9 თვეში 47,6 ათასი ლარი დახარჯა; სოციალურ დახმარებებზე 171,7 ათასი ლარი დაიხარჯა.

გამგებლის სარეზერვო ფონდიდან 27 596 ლარია დახარჯული. აქედან, სოფელ წიფნარის გზის ხარჯთაღრიცხვის შედგენასა და შეკეთებაზე _ 6 694 ლარი; სპორტდარბაზის სახურავის შეკეთებაზე _ 757 ლარი; სოფელ ფარცხმის წყალსადენის შეკეთებაზე _ 500 ლარი; დაბის სასაფლაოს ღობის შეკეთებაზე _ 1 202 ლარი; გამგეობაში გაზის მონტაჟზე _ 642 ლარი; გამგეობის სამუშაო ოთახების შეკეთებაზე _ 801 ლარი; "ენერგო-პრო ჯორჯიას" ქსელზე მიერთებისთვის (სოფლების განათების) _ 2 200 ლარი; იურიდიული მომსახურების საავანსო თანხა (მარინე კორძაძე) 1000 ლარის ოდენობით გაიცა; კურორტ ბახმაროს შიდა გზების და წყალსადენის სისტემების შეკეთების ხარჯთაღრიცხვის ღირებულება _ 4 000 ლარიც გამგებლის სარეზერვო ფონდიდან დაიხარჯა; დაბლაციხის, ხიდისთავის და გოგოლესუბნის სასაფლაოებთან მისასვლელი გზის სამუშაოებზე 6 323 ლარი დაიხარჯა; სოფელ ვაზიანში წყალსადენის რემონტზე _ 500 ლარი; სოფელ ამაღლების საჯარო სკოლაში რესურსოთახის მოწყობისთვის _ 2 987 ლარი.

9 თვის ანგარიშმა, რომელიც ზურაბ ჩანტლაძემ საკრებულოს ბიუროს სხდომაზე წარადგინა, ბევრი შეკითხვა გააჩინა, განსაკუთრებით, კულტურის ცენტრის ხარჯებმა. როგორც სხდომაზე გაირკვა, ცენტრს თანხა თითქმის სრულად აქვს დახარჯული, რაც დეკემბერში ხელფასების პრობლემას შექმნის.

ბიუროზე ა(ა)იპ-ების საკითხი რამდენჯერმე დაისვა. საკრებულოს წევრის, დავით შარაშიძის განმარტებით, აუცილებელია ყველა ა(ა)იპ-ის საქმიანობა აუდიტმა შეისწავლოს და მთავარ კითხვას _ რამდენად მიზნობრივად იხარჯება თანხები ა(ა)იპ-ებში, პასუხი გაეცეს:

_ ძალიან დიდი ხანია, ამას ვითხოვ. არავინ თქვას, რომ ა(ა)იპ-ების ხელმძღვანელები რაიმეს დამოუკიდებლად აკეთებენ _ მათ ყოველთვის აქვთ მითითება. ისიც უნდა გავიგოთ, ვისი ბრძანებით და რატომ ხდება წლის ბოლომდე ბიუჯეტის ამოწურვა. მოვიწვიოთ კულტურის ცენტრის ხელმძღვანელი და ვკითხოთ, რა ხდება, ვინ დაავალა. აუცილებელია, ყველა ა(ა)იპ-ის საქმიანობა საფუძვლიანად შემოწმდეს. დამერწმუნეთ, რომ ბევრისთვის კარგი შედეგი არ დადგება, _ აღნიშნა შარაშიძემ.

ა(ა)იპ-ების შემოწმების საკითხს საკრებულოს სხვა წევრები და თავმჯდომარეც დაეთანხმნენ.

_ ვამბობთ, რომ მოვიწვიოთ აუდიტი და შევამოწმოთ?! კი, ბატონო, მოვიწვიოთ. მე თანახმა ვარ. დააშავა ვინმემ? პასუხი აგოს. არავის აქვს იმუნიტეტი, დამერწმუნეთ, _ აღნიშნა საკრებულოს თავმჯდომარემ, ანტონ ხუნდაძემ.

როგორც ბიუროს სხდომაზე ითქვა, არც საკრებულოს და არც გამგეობას არ აქვს უფლება, ა(ა)იპ-ების საქმიანობა მათ მიერ მოწვეულ აუდიტს შეამოწმებინონ:

_ თავად ა(ა)იპ-ებმა უნდა მოიწვიონ აუდიტი და წარმოადგინონ დასკვნა, _ აღნიშნეს დეპუტატებმა.

ზოგიერთი მათგანის მიერ დაისვა შეკითხვა _ რამდენად ობიექტური იქნება თავად ა(ა)იპ-ების მიერ მოწვეული აუდიტის დასკვნა.

დეპუტატები ამ საკითხზე საბოლოოდ ვერ შეჯერდნენ, თუმცა, გადაწყვეტილება იმის შესახებ, რომ ყველა ა(ა)იპ საფუძვლიანად უნდა შემოწმდეს, ძალაში დარჩა.

ბიუროს სხდომაზე ითქვა ისიც, რომ ახლო მომავალში საკრებულო ყველა ა(ა)იპ-ის ხელმძღვანელის სრულ ანგარიშს მოისმენს. ანგარიში, როგორც მათ საქმიანობას, ასევე ფინანსურ სფეროს და საშტატო ერთეულებსაც შეეხება.

აღსანიშნავია, რომ კანონის თანახმად, ა(ა)იპ-ებს ვალდებულება აქვთ, საკრებულოს პერიოდულად ანგარიში წარუდგინონ:

_ თვითმმართველობის ორგანოების მიერ დაფუძნებული არასამეწარმეო იურიდიული პირები ე. წ. ა(ა)იპ-ები, ვალდებულები არიან, საკრებულოს წინაშე პერიოდულად წარსდგნენ ანგარიშით არა მხოლოდ მათ მიერ გაწეული საქმიანობების შესახებ, არამედ, ფინანსური ანგარიშითაც, ანუ საკრებულოს მიერ დამტკიცებული მათი წლიური ბიუჯეტის მიზნობრივი ხარჯის გაწევის ანგარიშით. აღნიშნულ ანგარიშში თუ აღმოჩნდა, რომ რომელიმე მიზნობრივი ხარჯი დაგეგმილზე მეტია (ანუ გადახარჯულია) ან კიდევ უცებ აღმოჩნდა, რომ წლიურად დამტკიცებული ბიუჯეტი დროზე ადრე ამოიწურა, ამაზე, რა თქმა უნდა, თავად საკრებულომ უნდა იმსჯელოს, ხოლო მიზეზების ახსნის ვალდებულება ამ შემთხვევაში ა(ა)იპ-ის ხელმძღვანელს ეკისრება. ამის გარდა, შესაძლო დარღვევების მიზეზების ობიექტურად დადგენის მიზნით, საკრებულოს შეუძლია, მოითხოვოს შესაბამისი ა(ა)იპ-ის აუდიტორული შემოწმება, ხოლო თუ დადგინდა, რომ ადგილობრივი ბიუჯეტის თანხები არამიზნობრივად დაიხარჯა, ან საკრებულოს თანხმობის გარეშე მოხდა ა(ა)იპ-ის რომელიმე ხარჯის თვითნებურად გაზრდა, გადათამაშება ან კიდევ უმიზეზოდ თანხების ამოწურვა წლის ბოლომდე, რა თქმა უნდა, აუცილებლად უნდა დადგეს ანგარიშვალდებული პირების ადმინისტრაციული პასუხისმგებლობის საკითხი, ხოლო თუ საკითხი ეხება საბიუჯეტო თანხების არამიზნობრივ ფლანგვას, მაშინ არც სისხლის სამართლებრივი პასუხისმგებლობა გამოირიცხება, _ აღნიშნა ჩვენთან საუბრისას საქართველოს დემოკრატიული განვითარების კავშირის ხელმძღვანელმა ლევან ხინთიბიძემ.




 ახალი ამბები
  • ოკუპანტებმა საქართველოს მოქალაქე გაიტაცესოკუპანტებმა საქართველოს მოქალაქე გაიტაცეს.  გავრცელებული ინფორმაციით, გორის მუნიციპალიტეტის სოფელ მეჯვრისხევთან მწყემსი სოფლის მიმდებარე საძოვარზე დააკავეს. მომხდარზე სხვა დეტალები ჯერ ... ...
  • ოჯახში ძალადობა, მუქარა და გამოძალვა _ სამართალდამცავებმა ლანჩხუთში 1 პირი დააკავესშინაგან საქმეთა სამინისტროს გურიის პოლიციის დეპარტამენტის თანამშრომლებმა 1982 წელს დაბადებული კ.ნ. ოჯახში ძალადობის, მუქარისა და გამოძალვის ბრალდებით დააკავეს. მის მიერ ჩადენილი დანაშაული 4 წლამდე ვადით თავისუფლების აღკვეთას ითვალისწინებს. სამართალდამცველების მიერ ჩატარებული გამოძიებით დადგინდა, რომ ბრალდებული მეუღლეს სისტემატურად სთხოვდა ფულს, თანხის მიცემაზე უარის თქმის შემდეგ კი, არასრულწლოვანი შვილების თანდასწრებით, მას სიტყვიერ შეურაცხყოფას აყენებდა, სახლიდან გაგდებითა და ფიზიკური ანგარიშსწორებით ემუქრებოდა. კ.ნ. სიტყვიერ შეურაცხყოფას აყენებდა შვილებსაც, როდესაც ისინი მამის აგრესიისგან დედის დაცვას ცდილობდნენ.  გამოძიებამ, ასევე, დაადგინა, რომ ბრალდებული მიმდინარე წლის იანვარში მობილური ტელეფონის საშუალებით დაუკავშირდა მათსავე საცხოვრებელ სახლში მყოფ მეუღლეს და 250 ლარის გადაგზავნა მოსთხოვა, რაზეც ცოლმა უარი უთხრა. აღნიშნული ფაქტით განაწყენებული კ. ნ. მეუღლეს დაემუქრა, რომ თუ ფულს არ გადაუგზავნიდა, ძალადობის გამოყენებით სახლიდან გააგდებდა და ფიზიკურად გაუსწორდებოდა. იგი მეორე დღესაც დაემუქრა მეუღლეს სახლის დაწვითა და სიცოცხლის მოსპობით, გვიან ღამით კი სახლის პირველ სართულზე არსებულ სამზარეულოსა და მისაღებ ოთახში ფარდებს ცეცხლი წაუკიდა.  ჩატარებული საგამოძიებო მოქმედებების შედეგად მოპოვებული მტკიცებულებებისა და მოსამართლის განჩინების საფუძველზე, პოლიციამ ნ.კ. ლანჩხუთის მუნიციპალიტეტის სოფელ ხაჯალიაში, საკუთარ საცხოვრებელ სახლში დააკავა.  გამოძიება ოჯახში ძალადობის, მუქარისა და გამოძალვის ფაქტებზე მიმდინარეობს, საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ა“, „ბ“ და „გ“ ქვეპუნქტებით, 11 პრიმა 151-ე მუხლის 1-ლი ნაწილით და 181-ე მუხლის 1-ლი ... ...
  • შსს-მ ბათუმში სწრაფი ჩარიცხვის აპარატის გაქურდვისას 1 პირი დააკავაშინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, სწრაფი ჩარიცხვის აპარატის გაქურდვის მცდელობის ბრალდებით, 1989 წელს დაბადებული ლ.შ. დააკავეს. დანაშაული 3-დან 5 წლამდე ვადით თავისუფლების აღკვეთას ითვალისწინებს. ბრალდებულმა ბათუმში, ჰეიდარ აბაშიძის ქუჩაზე მდებარე სწრაფი ჩარიცხვის აპარატიდან ე.წ. „ატმეჩკის“ გამოყენებით კუპიურების მიმღები ყუთი მოხსნა, სადაც თანხა ინახებოდა. სამართალდამცველებმა ლ.შ. შემთხვევის ადგილზევე დააკავეს. პოლიციამ, დაკავებულის პირადი ჩხრეკისას, ე.წ. ,,ატმეჩკები'', კუპიურების მიმღები ყუთი და 5 000 ლარამდე თანხა ნივთმტკიცების სახით ამოიღო. გამოკითხვისას, ლ.შ.-მ მიმდინარე წელს ჩადენილი სწრაფი ჩარიცხვის 23 აპარატის გაქურდვის ფაქტი აღიარა. გამოძიება ქურდობის მცდელობის ფაქტზე, საქართველოს სსკ-ს 19-177-ე მუხლის მე-2 ნაწილის „ა“ და „ბ“ ქვეპუნქტებით ... ...
  • შპს „ხიმინჯ სერვის 2”-ის დირექტორს პატიმრობა შეეფარდაჭავჭავაძის მშენებლობაზე მუშების დაღუპვის ფაქტზე დაკავებულ კომპანიის დირექტორს აღკვეთის ღონისძიების სახით ორთვიანი პატიმრობა შეუფარდეს.  ეს კომპანია ჭავჭავაძის ხუთ ნომერში აწარმოებდა სამუშაოს, სადაც მშენებლობაზე მიწა ჩამოიშალა. უბედურ შემთხვევას ორი მუშა ემსხვერპლა. ადვოკატი სასამართლოს გირაოს სახით 10 ათას ლარს სთავაზობდა, თუმცა, მოსამართლემ აღკვეთის ღონისძიების სახით დაკავებულს პატიმრობა შეუფარდა. დაკავებული აღიარებს, რომ მშენებლობაზე უსაფრთხოების ნორმები დაცული არ იყო. თუმცა ადვოკატის განცხადებით, პასუხისმგებლობა მშენებელ კომპანიასაც ეკისრება. ჭავჭავაძეზე მუშების დაღუპვის საქმეზე შპს „ხიმიჯ სერვის 2“-ის დირექტორი - 1957 წელს დაბადებული ო.ც. სამშენებლო ან სხვა სამუშაოს წარმოებისას უსაფრთხოების წესის დარღვევის ბრალდებით გუშინ დააკავეს. 31 მარტს ჭავჭავაძის 5 ნომერში მშენებარე ობიექტზე, სამშენებლო სამუშაოების დროს მიწა ჩამოიშალა და ორი მუშა მოიყოლა. მაშველებმა მიწის მასიდან 25 წლის კაცის ცხედარი მალევე ამოიყვანეს, 8 საათი გაგრძელდა მეორე ცხედრის სამძებრო სამუშაო. ორივე კაცი მიწის რვამეტრიანი მასის ქვეშ იყო მოყოლილი. მიწა, სავარაუდოდ, იქ ჩამოიშალა, სადაც საძირკველი იყო გაჭრილი. რა გახდა მომხდარის მიზეზი, ჯერჯერობით, უცნობია. პირველ აპრილს ცნობილი გახდა, რომ ჭავჭავაძეზე მშენებლობის დამკვეთ კომპანიას საქმიანობის უფლება შეუჩერდა, ორ ქვეკონტრაქტორ კონპანიას კი ჯარიმა ... ...
  • სახელმწიფო აუდიტის დასკვნა და პასუხისგებაში მიცემული 6 პირი _ რა მოხდა ვანშიდასავლეთ საქართველოს საოლქო პროკურატურის საგამოძიებო ნაწილმა, სახელმწიფო აუდიტის სამსახურის მიერ მოწოდებული დასკვნის გათვალისწინებით, ვანის მუნიციპალიტეტის გამგეობის მიერ, 2015 წლის მანძილზე გამარტივებული შესყიდვით გაფორმებული ხელშეკრულებების საფუძველზე შესრულებული სამუშაოები შეისწავლა. გამოძიების შედეგად მოპოვებული მტკიცებულებების საფუძველზე, სისხლისსამართლებრივი დევნა დაიწყო სამუშაოების მიმწოდებელი 6 პირის, ასევე გამგეობის საფინანსო-საბიუჯეტო სამსახურის ყოფილი უფროსის მიმართ. გამოძიებით დადგენილია, რომ 2015 წლის მანძილზე, ვანის მუნიციპალიტეტის გამგეობამ გამარტივებული შესყიდვის ფორმით, 523 403 ლარის საერთო ღირებულების რამდენიმე ხელშეკრულება გააფორმა სხვადასხვა სამუშაოს შესყიდვის თაობაზე. პროკურატურის ინფორმაციით, სამუშაოების შემსრულებელი შპს „ვანის საგზაო“-ს დირექტორი ბ.გ., ი/მ გ.ა., ი/მ ზ.დ., ი/მ შ.ფ. და ი/მ ა.ა., ყალბი საანგარიშსწორებო დოკუმენტისა და სამსახურებრივი მდგომარეობის გამოყენებით, თაღლითობის გზით დაეუფლნენ სახელმწიფოს კუთვნილ, განსაკუთრებით დიდი ოდენობით თანხებს. ჩატარებული გამოძიებით ასევე დადგინდა, რომ ვანის მუნიციპალიტეტის გამგეობის საფინანსო-საბიუჯეტო სამსახურის უფროსი გ.ნ. გულგრილად მოეკიდა მასზე დაკისრებულ მოვალეობებს და ზემოაღნიშნულ პირებთან ანგარიშსწორება მოახდინა საქართველოს მთავრობის 2014 წლის 14 იანვრის N55 დადგენილების მოთხოვნათა უგულებელყოფით, რაც მას შესრულებული სამუშაოს ღირებულების განსაზღვრას ფაქტობრივი დანახარჯების მიხედვით ავალდებულებდა. გ.ნ.-ს ქმედებით არსებითად დაირღვა სახელმწიფოს კანონიერი ინტერესი - ვანის მუნიციპალიტეტის გამგეობას მიადგა ზიანი 46 875 ლარის ოდენობით. გ.ა.-ს, ზ.დ.-ს, შ.ფ.-ს და ა.ა.-ს წარედგინათ ბრალდება საქართველოს სისხლის სამართლის კოდექსის 180-ე მუხლის მეორე ნაწილის „ბ“ ქვეპუნქტით, მესამე ნაწილის „ა“ ქვეპუნქტებითა და 210-ე მუხლის პირველი ნაწილით, ხოლო ბ.გ.-ს 180-ე მუხლის მესამე ნაწილის „ა“ და „ბ“ ქვეპუნქტებით, ასევე 210-ე მუხლის პირველი ნაწილით. რაც შეეხება ყოფილ საჯარო მოხელეს, მის მიმართ დაიწყო სისხლისსამართლებრივი დევნა საქართველოს სისხლის სამართლის კოდექსის 342-ე მუხლის პირველი ... ...

არქივი

ზაფრანი

იცინეთ ხშირად!

თუ მძიმე დღე გქონდათ –...

რატომ უნდა მიირთვათ ხშირად კარტოფილი

არსებობს რამდენიმე მიზეზი, რის გამოც...

რატომ უნდა მივბაძოთ ბავშვებს

ნებისმიერი ადამიანი ზოგჯერ ბავშვობაში უნდა...

ელტონ ჯონის „საბედისწერო“ სტილი

ელტონ ჯონზე სტილისტები ამბობენ, ისე...

შვიდი დღე გასალამაზებლად

ნამდვილად არ გაწყენთ, სულ რაღაც...

ქრონიკული დაღლილობა ვირუსით არის გამოწვეული

ადამიანის დაღლილობა, შეიძლება, ვირუსით იყოს...
კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...