სამსახურების დეფიციტური ბიუჯეტი

ფინანსები

სამსახურების დეფიციტური ბიუჯეტი

2015 ივნ 25 17:46:39

ლანჩხუთის საკრებულოს ბიუროს სხდომაზე გამგეობის სამსახურის უფროსმა როლანდ ლაშხიამ 2015 წლის ბიუჯეტში ცვლილებების შეტანის თაობაზე ისაუბრა და ინფორმაციის სახით გააჟღერა, რომ მუნიციპალიტეტის რიგი სამსახურებისთვის, დამატებით, საჭიროა 717 919 ლარი, აქედან: გამგეობის სოციალური პროგრამით ერთჯერადი დახმარებისთვის _ 80 ათასი ლარი, ა(ა)იპ "ტექ-სერვისისთვის" _ 100 ათასი ლარი, საფეხბურთო კლუბ ლანჩხუთის "გურიასთვის" _ 300 ათასი ლარი, "ქალთა ექსპერიმენტული სარაგბო სკოლისთვის" _ 13 ათასი ლარი, "ბავშვთა საფეხბურთო სკოლისთვის" _ 43 ათას 500 ლარი, "კულტურის დაწესებულებათა გაერთიანებაში" დეფიციტის შესავსებად _ 100 ათასი ლარი. ამ ეტაპზე, ასევე, 21 ათასი ლარი ესაჭიროება "ლანჩხუთი-სერვისს", თუმცა, როცა ამ სამსახურს კიდევ ორი ნაგავმზიდი და ურნები დაემატება, სავარაუდოდ, მოთხოვნაც გაიზრდება.

როგორც ლაშხიამ თქვა, ამ ოდენობის თანხის მოთხოვნა წარმოადგინეს სამსახურებმა, რისი შესწავლაც უნდა მოხდეს და დადგინდეს, რა შესაძლებლობები გააჩნია მუნიციპალიტეტის ბიუჯეტს.

ის, რაც როლანდ ლაშხიამ ინფორმაციის სახით გააჟღერა ბიუროს სხდომაზე, გარკვეულწილად მოსალოდნელიც იყო, რადგან რიგ დეფიციტურბიუჯეტიან სამსახურებს თანხა რომ წლის ბოლომდე არ მიყვებოდა, ამაზე ლანჩხუთში ოპოზიცია თავიდანვე აკეთებდა აქცენტს.

ბიუროზე გაირკვა, რომ "კულტურის დაწესებულებათა გაერთიანებას", რომლის ბიუჯეტი 867 ათასი ლარია, 745 ათასი ლარი კი ხელფასებში მიდის (86%), არსებობის გასაგრძელებლად დამატებით 100 ათასი ლარი ესაჭიროება.

სამსახური გამგებლის გადაწყვეტილებითა და საკრებულოს თანხმობით, ექვსი სუბიექტის შერწყმით შეიქმნა, აქედან ერთი _ "კულტურული მემკვიდრეობის დაცვისა და განვითარების ცენტრი", საერთოდ გაუქმდა, რადგან ადგილობრივი ხელისუფლების მიდგომით, ის ზედმეტი ადმინისტრაციული რგოლი იყო ზედმეტი ხარჯებით და მისი ბიუჯეტი განსაკარგავად ახალ სამსახურს გადაეცა. მაშინ, გამგეობის მიერ მომზადებული რეორგანიზაციის პაკეტი, რომელიც განსახილველად საკრებულოში შევიდა, ძირითადად, ორი პუნქტისაგან შედგებოდა: პროექტის მიღების მიზეზი, მიზანი და არსი და პროექტის ფინანსური დასაბუთება.

პირველ პუნქტში ნათქვამი იყო, რომ ყველა ზემოჩამოთვლილი ა(ა)ი პ-ებს გააჩნიათ ადმინისტრაცია, ბიუჯეტი და ცალ-ცალკე ახორციელებენ შესყიდვებს. აღნიშნულიდან გამომდინარე, გამგეობა მიიჩნევს, რომ ერთი ადმინისტრაციის პირობებში ყველა მათგანის გაერთიანება უფრო ეფექტურს გახდის დარგის მართვას, ასევე, ხელს შეუწყობს საერთო მიზნების გახორციელებას ნაკლები ფინანსური რესურსის ხარჯვის პირობებში. რაც შეეხება ფინანსურ დასაბუთებას, რომ "პროექტის მიღება არ გამოიწვევს ადგილობრივი ბიუჯეტის ხარჯების ზრდას", მცდარი აღმოჩნდა. კულტურაში გახორციელებულ რეორგანიზაციას, მხოლოდ "კულტურული მემკვიდრეობის" გაუქმება და მისი ოთხი თანამშრომლის გათავისუფლება მოჰყვა, რომელთა ხელფასი 320-340 ლარი იყო. სამაგიეროდ, შეიქმნა ერთი დიდი ადმინისტრაციული რგოლი, სადაც მინიმალური ხელფასი 550 ლარია, გაერთიანებაში მოხვედრილმა დანარჩენმა სუბიექტებმა კი სრულად შეინარჩუნეს საშტატო განრიგი.

რეორგანიზაცია გახორციელდა "ტექ-სერვისსა" და "ლანჩხუთის სერვისშიც", რომელთაც ამ ეტაპზე დამატებით თანხები ესაჭიროებათ. ეს სამსახურები, გამგებლის გადაწყვეტილებით, ერთმანეთს შეერწყა, გარკვეული ფუნქციები გადანაწილდა და ისევ ორი, სახეცვლილი სამსახური ჩამოყალიბდა. მართალია, ამ შემთხვევაში მუნიციპალიტეტის გამგებელს რეორგანიზაციაზე თანხმობის მისაღებად საკრებულოში არ შესულა წინადადებით, თუმცა, ის გასახორციელებელ ცვლილებებს ბიუჯეტში თანხის დაზოგვით ხსნიდა. არადა, რეალურად ორივე სამსახური დამატებით ითხოვს თანხებს.

ფინანსური დეფიციტი აქვს "ქალთა ექსპერიმენტულ სარაგბო ცენტრსაც", რომლის ბიუჯეტიც 31 500 ლარია, მარტო ხელფასი კი 45 600 ლარს შეადგენს. ლანჩხუთის მუნიციპალიტეტის ა(ა)იპ "ბავშვთა საფეხბურთო სკოლის" არსებული ბიუჯეტი, რომელსაც დამატებით 43 500 ლარის მოთხოვნა აქვს წარდგენილი გამგეობაში, 130 ათას ლარს ითვლის, აქედან ჩვენი ინფორმაციით, ხელფასებში კი _ 107 ათასი ლარია საჭირო.

უცნობია, დამატებითი თანხის მოთხოვნით, გამგეობას მიმართა თუ არა სპორტულმა ცენტრმა, რომლის ბიუჯეტი 340 ათასი ლარია და აქედან, 265 ათასი ლარი ხელფასებზე მიდის. ეს მაშინ, როცა ცენტრს უამრავი ღონისძიება აქვს ჩასატარებელი სპორტის სხვადასხვა სახეობაში.

დამატებითი ხარჯებისთვის, ფაქტობრივად, თანხა არ აქვს "საგარეო, ეკონომიკური ურთიერთობების, ინვესტიციების, ტურიზმის, ტრანსპორტისა და მეწარმეობის განვითარების ცენტრს", რომლის ბიუჯეტის 97% სახელფასოა _ 130 ათასი ლარიდან ხელფასებზე 127 ათასი ლარია საჭირო.

მძიმე ფინანსური კრიზისი უდგას საფეხბურთო კლუბ ლანჩხუთის "გურიასაც", რომელიც, სავარაუდოდ, ბიუჯეტიდან დამატებით 300 ათასი ლარის გამოყოფას ითხოვს. საფეხბურთო კლუბის ბიუჯეტი წლის დასაწყისისთვის მილიონ 70 ათასი იყო, თუმცა, ჩვენი ინფორმაციით, ამ ეტაპზე მდგომარეობით, თანხა ამოწურულია და გუნდის სამომავლო არსებობაც ეჭვქვეშ დგას.




 ახალი ამბები
  • დავით ნარმანიას თავმჯდომარეობით სემეკში პირველი საჯარო სხდომა გაიმართასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) დავით ნარმანიას თავმჯდომარეობით პირველი საჯარო სხდომა გაიმართა. კომისიის წევრებმა სხდომაზე იმსჯელეს დღის წესრიგით გათვალისწინებულ 39 საკითხზე. მათი უმეტესობა შეეხებოდა მოქალაქეებსა და ელექტროენერგეტიკის, ბუნებრივი გაზისა და წყალმომარაგების სექტორებში მოქმედ კომუნალურ კომპანიებს შორის არსებულ დავებს, მოქალაქეებზე უსაფუძვლოდ  განხორციელებულ დარიცხვებთან დაკავშირებით. მიმდინარე კვირაში სემეკში კიდევ 3 საჯარო სხდომა გაიმართება, სადაც კომისია 100 მდე საკითხს განიხილავს. სემეკი შეახსენებს მოქალაქეებს, რომ იმ შემთხვევაში თუ ელექტროენერგეტიკის, ბუნებრივი გაზისა და წყალმომარაგების სექტორებში მოქმედი კომპანიების მხრიდან ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს. მოქალაქეებს კონსულტაციების მიღება შეუძლიათ როგორც ქოლ ცენტრში ნომერზე 16 216, ასევე  სემეკის Facebook გვერდზეც. ... ...
  • დავით ნარმანია სემეკის თავმჯდომარე გახდა საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) 22 ოქტომბრის სხდომაზე კომისიის თავმჯდომარის არჩევნების კენჭისყრის შედეგები დამტკიცდა, რომლის საფუძველზეც სემეკის თავმჯდომარე დავით ნარმანია გახდა. იგი ამ პოსტს 3 წლის ვადით დაიკავებს. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, 21 ოქტომბერს გამართულ არჩევნებზე კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ხმის დამთვლელი კომისიის კენჭისყრის ოქმის მიხედვით, დავით ნარმანია კომისიის წევრთა შემადგენლობის უმრავლესობით, 4 ხმით აირჩა.  დავით ნარმანია პროფესიით ეკონომისტია. მას მინიჭებული აქვს ეკონომიკის აკადემიური დოქტორის ხარისხი. სხვადასხვა პერიოდში ხელმძღვანელობდა და მონაწილეობას იღებდა ენერგეტიკის სექტორის განვითარების მიმართულებით საერთაშორისო და ადგილობრივ პროექტებში. დავით ნარმანია არის 42 სამეცნიერო და კვლევითი ნაშრომის ავტორი, 48  ნაშრომის თანაავტორი. იგი დღემდე აგრძელებს სამეცნიერო საქმიანობას. 2012 წლიდან დღემდე არის ივ. ჯავახიშვილის სახელობის თბილისის სახელმწიფო უნივერსიტეტის პროფესორი, მენეჯმენტისა და ადმინისტრირების კათედრის გამგე, კითხულობს ლექციებს ბიზნეს-რისკების მართვისა და ბიზნეს-გარემოს რეგულირების მიმართულებით.(R) დავით ნარმანია 2014-2017 წლებში იყო ქ. თბილისის მერი, 2012-2014 წლებში  - საქართველოს რეგიონული განვითარებისა და ინფრასტრუქტურის მინისტრი. ფლობს ინგლისურ, გერმანულ და რუსულ ენებს. ჰყავს მეუღლე და სამი ... ...
  • გურიის მხარის პირველმა პირებმა ოზურგეთში მიმდინარე ინფრასტრუქტურული სამუშაოები დაათვალიერეს (R)გურიის მხარის სახელმწიფო რწმუნებულის პირველმა მოადგილემ, აკაკი შენგელიამ, ოზურგეთის მერის მოადგილე ოსიკო თოთიბაძესთან ერთად, მუნიციპალიტეტში მიმდინარე ინფრასტრუქტურული სამუშაოები დაათვალიერა. ►ოზურგეთი-ნინოშვილი-ლესის გზიდან, სოფელ ჯუმათის ცენტრის გავლით გზის სარეაბილიტაციო სამუშაოები მიმდინარეობს. პროექტის ღირებულება 1, 469,164 ლარს შეადგენს. სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან თანადაფინანსებით ხორციელდება.► სოფელ გაღმა დვაბზუდან - სოფელ ბახვის ცენტრალურ გზამდე, 2260 გრძივი მეტრი საავტომობილო გზის ასფალტო - ბეტონის საფარით მოწყობის სამუშაოები აქტიურად მიმდინარეობს. სამუშაოები რეგიონებში განსახორციელებელი პროექტების ფონდიდან 738 992 ლარით დაფინანსდა. ► მუნიციპალიტეტის სოფლებში ამბულატორიების მშენებლობა - რეაბილიტაცია გრძელდება. ახალი სამედიცინო პუნქტები შენდება ჭანიეთში, ნასაკირალში, გურიანთასა და კონჭკათში. ხოლო რეაბილიტაცია ნატანების, ნარუჯის, ბაილეთის, შემოქმედის, ურეკისა და ბოხვაურის ამბულატორიებს უტარდება. პროექტის ჯამური ღირებულება 794 118 ლარს შეადგენს და ფინანსდება ჯანმრთელობისთვის უსაფრთხო გარემოს უზრუნველყოფის ხელშეწყობის მიზნით, საქართველოს რეგიონებში განსახორციელებელი პროექტების ფონდიდან.► ქალაქ ოზურგეთში, წერეთლის ქუჩაზე, საგანგებო სიტუაციების კოორდინაციისა და გადაუდებელი დახმარების ცენტრის მშენებლობის სამუშაოები აქტიურ ფაზაშია. პროექტი, რომლის ღირებულებაც 368 485 ლარს შეადგენს, ჯანმრთელობისთვის უსაფრთხო გარემოს უზრუნველყოფის ხელშეწყობის მიზნით საქართველოს რეგიონებში განსახორციელებელი პროექტების ფონდიდან ფინანსდება. ... ...
  • სარფში, სპეციალურ სამალავებში 1 113 გრამი ოქროს ნაკეთობები აღმოაჩინესსაქართველოს ფინანსთა სამინისტროს საგამოძიებო სამსახურის თანამშრომლებმა, შემოსავლების სამსახურის საბაჟო დეპარტამენტის წარმომადგენლებთან კოორდინირებული ღონისძიებების შედეგად, საბაჟო საზღვარზე, განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ფაქტი გამოავლინეს. „საგამოძიებო სამსახურის თანამშრომლებმა, საბაჟო-გამშვები პუნქტი „სარფის“ გავლით შემოსულ ავტოსატრანსპორტო საშუალებაში მოწყობილ სპეციალურ სამალავებში, აღმოაჩინეს და ამოიღეს 1 113 გრამი ოქროს ნაკეთობები. წინასწარი მონაცემებით, ამოღებული ძვირფასეულობის საბაჟო ღირებულება 70 000 ლარს აღემატება. ტარდება შესაბამისი ექსპერტიზა“, – აცხადებენ საგამოძიებო სამსახურში. საქმეზე გამოძიება მიმდინარეობს საქართველოს სისხლის სამართლის კოდექსის 214-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას ვადით 5-დან 7 წლამდე ... ...
  • პოლიციამ ქვემო ქართლში განსაკუთრებით დიდი ოდენობით ნარკოტიკი ამოიღოშინაგან საქმეთა სამინისტროს ქვემო ქართლის პოლიციის დეპარტამენტის მარნეულისა და ბოლნისის რაიონული სამმართველოების თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიებების შედეგად, 1961 წელს დაბადებული, პირობითი მსჯავრის ქვეშ მყოფი ე.ი., განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, მარნეულში დააკავეს. ჩადენილი დანაშაული 8-დან 20 წლამდე ან უვადო თავისუფლების აღკვეთას ითვალისწინებს. სამართალდამცველებმა ბრალდებული მარნეულის მუნიციპალიტეტის სოფელ იმირში, ავტომანქანით გადაადგილებისას შეაჩერეს. პოლიციამ დაკავებულის პირადი ჩხრეკისას 119 აბი „სუბოქსინი“ ნივთმტკიცებად ამოიღო. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, საქართველოს სსკ-ს 260-ე მუხლის მე-6 ნაწილის „ა“ ქვეპუნქტით ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...