სოფლის მაჟორიტარები ტენდერებს არ ენდობიან

ფინანსები

სოფლის მაჟორიტარები ტენდერებს არ ენდობიან

30 მაი. 2016, 18:08:56

ლანჩხუთის მუნიციპალიტეტის საკრებულოს დეპუტატებმა, რომელთაც, დღის წესრიგის თანახმად, 18 ძირითადი საკითხი უნდა განეხილათ, საკმაოდ სწრაფად და სჯა-ბაასის გარეშე მოახერხეს მათი განხილვა-დამტკიცება. როცა ჯერი სხვადასხვა საკითხის განხილვაზე მიდგა, საკრებულოს წევრებს გააქტიურება დაეტყოთ _ დეპუტატებმა საკუთარი უკმაყოფილება კიდევ ერთხელ დააფიქსირეს იმასთან დაკავშირებით, რომ 2016 წელს, მთავრობის განკარგულების თანახმად, სოფლის მხარდაჭერის პროგრამის ფარგლებში, სამუშაოების გასახორციელებლად ტენდერის გამოცხადება აუცილებლობას წარმოადგენს, მიუხედავად იმისა, რომ კანონი ამის ცალსახა ვალდებულებას არ იძლევა. საკრებულოს წევრთა აზრით, ბევრად უკეთესი იყო სოფლის მხარდაჭერის პროგრამებით გათვალისწინებული სამუშაოები ძველებურად, ერთ პირთან მოლაპარაკების საფუძველზე გახორციელებულიყო.

დეპუტატებს აეჭვებთ, რამდენად ხარისხიანად შეასრულებენ ტენდერში გამარჯვებული ფირმები სამუშაოებს. პირველი, ვინც ამ საკითხთან მიმართებაში სხდომაზე საკუთარი უარყოფითი პოზიცია დააფიქსირა, სოფელ ნინოშვილის ადმინისტრაციული ერთეულის მაჟორიტარი დავით ჩხარტიშვილი გახლდათ: "ჩვენი დიდი თხოვნის მიუხედავად, სამუშაო მაინც ტენდერზე გაიტანეს. ჩემს სოფელში 21 ათასი ლარი გამოიყო სოფლის მხარდაჭერის პროგრამიდან, ჩატარდა ტენდერი და გამარჯვებულმა ფირმამ ხუთი ათასი ლარი დააკლო. თუკი იყო შესაძლებლობა, რომ ამდენი ლარით ნაკლებ თანხაში გახორციელებულიყო ეს სამუშაოები, მაშინ დარჩენილი თანხით კიდევ ერთი პროექტი დაგვეფინანსებინა. არიან სოფელში ისეთი ადამიანები, რომლებიც დეტალურად ადევნებენ თვალს ყველაფერს _ მათ იციან, რომ 21 ათასი ლარია სოფლის პროგრამებიდან ნინოშვილისთვის გამოყოფილი. ახლა აღმოაჩენენ, რომ ხუთი ათასი ლარით ნაკლები იხარჯება. მოდი და უხსენი, სად წავიდა ეს ნარჩენი ფული. მაჟორიტარები ცუდ დღეში ვვარდებით _ მოსახლეობა მერე ჩვენ გვადანაშაულებს. ნამდვილად არ ვარ დარწმუნებული, რომ ხუთი ათასი ლარით დაკლებული პროექტი ხარისხიანად შესრულდება _ ამის არანაირი გარანტია არ არსებობს. მე, პირადად, არ ვენდობი სამხარაულის სახელობის ექსპერტიზის ბიუროს", _ თქვა დეპუტატმა ჩხარტიშვილმა.

ნინოშვილის მაჟორიტარს დაეთანხმა საკრებულოში ლესის ადმინისტრაციის წარმომადგენელი ელისო ჭიჭინაძე, რომლის თქმითაც, არც ის და არც მოსახლეობა არ არის დარწმუნებული, რომ მსგავს პირობებში სამუშაოები კეთილსინდისიერად შესრულდება: "მუნიციპალიტეტში არც ერთი ფაბრიკა-ქარხანა არ მუშაობს და ასეთ პირობებში ერთმა ადგილობრივმა მეწარმემ ვერ გაიმარჯვა ტენდერში. ყველას ძალიან გვაწუხებს, რომ ვიღაცამ ექვსი ათასი ლარის ღირებულების სამუშაოები სამი ათას ლარად მოიგო, ეს არავის მოსწონს _ არც მე და არც მოსახლეობას. არ ვართ დარწმუნებულები, რომ მეწარმე სამუშაოებს კეთილსინდისიერად შეასრულებს", _ აღნიშნა ჭიჭინაძემ.

საკრებულოს კიდევ ერთი წევრი _ ნონა მურვანიძე დაინტერესდა, თუ არის ზღვარი, რომლის ქვემოთაც ტენდერში მონაწილეს არ შეუძლია თანხის დაკლება.

მუნიციპალიტეტის გამგებელმა, ზაზა ურუშაძემ მაჟორიტარებს შესთავაზა, სურვილისამებრ გაწევრიანდნენ შესაბამის კომისიაში და უშუალოდ გააკონტროლონ რამდენად ხარისხიანადაა შესრულებული სამუშაოები:

"თავად გააკონტროლეთ, როგორ სრულდება სამუშაოები. ლაპარაკი არ იყოს მერე, რომ უხარისხოდ შესრულდა სამუშაოები. შებრძანდით კომისიაში. თუნდაც ერთი კომისიის წევრის ხელწერა რომ აკლდეს დოკუმენტს, ასეთ ობიექტს არ ჩავიბარებ და ფულს არ გადავურიცხავ შემსრულებელს. იქ, სადაც 20%-ზე მეტი თანხაა დაკლებული, ჩვენ სამხარაულის ექსპერტიზის ბიუროს დასკვნას ვითხოვთ. თუ მეწარმე ვერ წარმოადგენს დასკვნას, რომ მის მიერ წარმოდგენილი თანხით ვერ შეასრულებს სამუშაოებს, მაშინ სააგენტოს მივმართავთ, რომ ერთ პირთან მოლაპარაკების საფუძველზე მოხდეს ხელშეკრულების გაფორმება. მეტი არაფრის გაკეთება ჩვენ არ შეგვიძლია. მთავრობის განკარგულებას მუნიციპალიტეტი ვერ შეცვლის", _ განმარტა გამგებელმა, თუმცა, ამით დეპუტატთა უკმაყოფილება მაინც ვერ შეანელა.

გამგებლის პასუხად სოფელ ნიგოითის მაჟორიტარმა დეპუტატმა თემურ ალექსაიამ ნიგვზიანის მაგალითი მოიყვანა, სადაც გარე განათების მოწყობის სამუშაოები, 18 ათასი ლარით ნაკლებ თანხაში, ცაგერელმა მეწარმემ მოიგო, რომელსაც ამ კუთხით არანაირი გამოცდილება არ გააჩნია:

"ჩავხედე ამ მეწარმის ისტორიას და აღმოჩნდა, რომ არანაირი სამუშაო მას შესრულებული არ აქვს. არის უბრალოდ მეწარმე და თანხა რომ დაინახა, სურვილი გაუჩნდა, ტენდერი მოეგო. დარწმუნებული ვარ, ამ სამუშაოებს ვერ შეასრულებს. კი, ბატონო, როგორც თქვენ ამბობთ, ჩატარდება ექსპერტიზა, მაგრამ ეს ხომ დროში გაწელილი საქმეა?!" _ აღნიშნა ალექსაიამ.

სუფსის მაჟორიტარმა ჯუმბერ ბლაგიძემ აღნიშნა, რომ კომისიაში შევა, თუმცა, მიღება-ჩაბარების აქტს ხელს არ მოაწერს: "50% რომ დააკლებ თანხას, ვერანაირი ექსპერტიზის დასკვნა ვერ დამაჯერებს, რომ იქ კეთილსინდისიერად შესრულდება სამუშაოები. სამხარაულის ექსპერტიზის ბიუროში კაბინეტში კაცი რომ ზის, იმან "სტოლბის დასობაზე" რა დასკვნა უნდა დამიდოს?!" _ თქვა სუფსის მაჟორიტარმა დეპუტატმა.




 ახალი ამბები
  • ავტოსაგზაო შემთხვევა ფოთში _ არიან დაშავებულებიცოტა ხნის წინ ავტოსაგზაო შემთვევხევა მოხდა ფოთში. როგორც ადგილიდან "გურია ნიუსისს" ჟურნალისტი იუწყება, მსუბუქი ავტომობილი გზის სავალი ნაწილიდან გადავიდა და ხეს შეეჯახა. წინასწწარი ინფორმაციით, დაშავებულებია ოთხი მგზავრი. შსს-მ მომხდარზე გამოძიება სსკ-ის 276-ე მუხლის მე-2 ნაწილით დაიწყო. ... ...
  • “მინდოდა ჩემი შვილის გვერდით ვყოფილიყავი და ყველაფერ საშინელებას ვუძლებდი“83 წლის ლამარა წიქარიძე აფხაზეთის ომში გმირულად დაღუპული ზური წიქარაძის დედაა.  “მე ვარ 83 წლის. ვმუშაობ შეძლებისდაგვარად ჩაის პლანტაციებში. ჯანმრთელად ვარ და არანაირ ავადმყოფობას არ ვგრძნობ. ვფიქრობ, რომ ცოტა ხანი ვიცოცხლო და ვიცხოვრო ჩემი შვილიშვილების ხათრით“, _ ამბობს “გურია ნიუსთან“ საუბრის დროს ლამარა წიქარაძე. ლამარა წიქარაძე ოზურგეთის მუნიციპალიტეტის სოფელ ნაგომარში ცხოვრობს. იმ დროს, როდესაც აფხაზეთში ომი დაიწყო, ის მეუღლესთან სოსო წიქარიძესთან ერთად იმყოფებოდა სოხუმში. ლამარა წიქარაძე: გურიაში ვაპირებდით ჩამოსვლას, რადგან ზურის შვებულება ეწყებოდა. შვებულების ფურცელზე ხელი არ ჰქონდა მოწერილი იმ სამსახურის უფროსს, სადაც ზური მუშაობდა და ამიტომ გაგვიგრძელდა ყოფნა სოხუმში. აფხაზეთის ომში ჩემი შვილი ზური წიქარიძე გმირულად გარდაიცვალა. ის სოხუმში თან სწავლობდა და თან მუშაობდა. ის იყო სასოფლო-სამეურნეო ინსტიტუტის მესამე კურსის სტუდენტი, როდესაც ომი დაიწყო. ჩემი შვილი შინაგან ჯარში მუშაობდა და ომის დროს ქალაქიდან არ უნდა გასულიყო, მაგრამ... მას სთხოვეს დახმარება და წაიყვანეს სოფელ შრომაში. სოფელზე, სადაც ისინი წავიდნენ, მოხდა თავდასხმა, მოულოდნელი თავდასხმა იყო. მან გადაწყვიტა თავის მეგობართან ერთად ახალგაზრდები (ჯარში 25 ახალგაწვეულის სიცოცხლე იხსნა ზურიმ და მისმა მეგობრებმა) გამოეყვანა სამშვიდობოს. მოახერხეს კიდეც, იბრძოდა მანამ, სანამ ტყვიები, არ დაუმთავრდათ. ამის შემდეგ კი დაიჭერეს რუსმა სამხედროებმა და ცოცხლად დაწვეს. ჩემმა მეუღლემ კი დაიწყო გარდაცვლილი შვილის ძებნა, უიარაღოდ იყო და ისე ეძებდა. მან იპოვა ზურის დამწვარი სხეული და განადგურებულებმა ჩამოვასვენეთ ოზურგეთში, სოფელ ნაგომარში. მინდოდა ჩემი შვილის გვერდით ვყოფილიყავი და ყველაფერ საშინელებას ვუძლებდი. ერთ ამბავს კიდევ გავიხსენებ... ბოლოს, ძებნა რომ გაგვიჭირდა ჩემი შვილის, ბატონ ჟიული შარტავასთავან მივედი განცხადებით. მან კი მითხრა, არ მინდა განცხადება, ქალბატონო, თქვენ სახეზეც ვკითხულობ, როგორ იწვით ახლაო. ისე გააკეთა, რომ კიდევ ორი დღე მოგვცა შვილის ძებნის უფლება. არ გვქონდა უკვე ქართველებს ჩვენს მიწაზე თავისუფლად გადაადგილების უფლება. ამის შემდეგ სასწაული მოხდა და ვნახეთ ჩემი შვილი. ლამარა წიქარიძე ჩვენთან საუბრის დროს აცხადებს, რომ რუსეთი ოკუპანტი ქვეყანაა და ის მშვიდობიანი გზით დაკარგულ ტერიტორიებს არ გადმოგვცემს. “ომით დაკარგულ ტერიტორიას ომით დაბრუნება უნდა, სხვანაირად დაკარგულ ტერიტორიებს ვერ დავიბრუნებთ. მე, არ მჯერა რუსეთის კეთილსინდისიერების. აფხაზეთში იბრძოდნენ რუსები და ისინი აპირისპირებდნენ ქართველებს და აფხაზებს. თქვენ გგონიათ აფხაზები იბრძოდნენ თავიანთი ძმების წინააღმდეგ? ჩვენი ტანკები დაჩახჩახებდნენ, დანგრეულები. რუსების ტანკები კი დასრიალებდნენ, ანგრევდნენ შენობებს, გადამცემ ხაზებს, ელექტრო ბოძებს. ყველაფერი ჩემი თვალით ვნახე, რადგან ვიდრე ჩემი გარდაცვლილი შვილი არ ვნახე, მანამ არ დამიტოვებია სოხუმი.“ ზურის დაღუპვის შემდეგ, რამდენი თვეში სოფელ ნაგომარში მამამისი, სოსო წიქარიძე გარდაიცვალა. “10 წლის განმავლობაში სახლიდან არ გადავდიოდი. მაგრამ შემდეგ დავარწმუნე თავი, რომ ასე ცხოვრება აღარ შეიძლებოდა. შვილებს და შვილიშვილებს დახმარება უნდოდათ. ახლა კი მყავს ორი შვილი, შვიდი შვილიშვილი და ხუთი შვილთაშვილი. მინდა, რომ ეს თაობა მოესწროს საქართველოს მთლიანობას და მშვიდობიან ქვეყანაში ... ...
  • "გადაწყვეტილება შეიცვალა" _ ჩოხატაურელი და ლანჩხუთელი ბავშვები სწავლას მერხებთან გააგრძელებენცოტა ხნის წინ გავრცელდა ინფორმაცია, რომ გურიის რეგიონში ყველა საჯარო სკოლა ონლაინ სწავლებაზე გადავიდოდა. თუმცა, გადაწყვეტილება მალევე შეიცვალა და ცნობილი ხდება, რომ ჩოხატაურელი და ლანჩხუთელი ბავშვები სწავლას ისევ მერხებთან გააგრძელებენ. "საკოორდინაციო საბჭოს გადაწყვეტილებით, კორონავირუსის პანდემიით გურიის რეგიონში შექმნილი ვითარების გამო, ონლაინ სწავლების რეჟიმზე უნდა გადასულიყო რეგიონის ყველა საჯარო სკოლა. თუმცა, გადაწყვეტილებაში ჩაერია განათლების სამინისტრო და ვინაიდან, ჯერჯერობით, ჩოხატაურისა და ლანჩხუთის მუნიციპალიტეტში ვირუსი ისე ფართო მასშტაბით არაა გავრცელებული, როგორც ოზურგეთშია, გადაწყდა, რომ ლანჩხუთისა და ჩოხატაურის სკოლების ყველა მოსწავლე მერხებთან გააგრძელებს სასწავლო პროცესს", _ გვითხრა ჩოხატაურის რესურსცენტრის ხელმძღვანელმა შორენა ... ...
  • გურიაში ყველა სკოლა დისტანციურ სწავლებაზე გადადისსაკოორდინაციო საბჭოს გადაწყვეტილებით, გურიის რეგიონის ყველა სკოლა გადადის დისტანციურ სწავლებაზე. აღნიშნული გადაწყვეტილების მიხედვით მასწავლებლებს მიეცათ დავალება, რომ მოსწავლეები სკოლაში არ მისვლის შესახებ გააფრთხილონ, შეადგინონ ცხრილი საგნის მასწავლებლებთან შეთანხმებით, გაითვალისწინონ რომ 5 საათიან საგანს ექნება 3 ონლაინგაკვეთილი, 4 საათიანს-3, 3 საათიანს-2,  2 საათიანს - ... ...
  • "ქედს ვიხრი ჩვენი გმირების ხსოვნის წინაშე და ვუსამძიმრებ მათ ოჯახებს" _ ზურაბ ნასარაია (R)სოხუმის დაცემის 27-ე წლისთავთან დაკავშირებით გურიაში მხარისა და ადგილობრივი ხელისუფლების წარმომადგენლებმა, ვეტერანებთან ერთად დაღუპული გმირების ხსოვნას პატივი მიაგეს. ხელისუფლების წარმომადგენლებმა საქართველოს ტერიტორიული მთლიანობისათვის ბრძოლაში დაღუპულ გმირთა მემორიალი და ეროვნული გმირის, ზაზა დამენიას საფლავი გვირგვინებით შეამკეს. "საბრძოლო მოქმედებების დროს გურიიდან 40 ჯარისკაცი დაიღუპა და უგზო-უკვლოდ სამი მებრძოლი დაიკარგა. ქედს ვიხრი ჩვენი გმირების ხსოვნის წინაშე და ვუსამძიმრებ მათ ოჯახებს,“ - განაცხადა გურიის სახელმწიფო რწმუნებულმა, ზურაბ ნასარაიამ. ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls