დასაქმებული დეპუტატები და "უხილავი" თანამშრომლები

ფინანსები

დასაქმებული დეპუტატები და "უხილავი" თანამშრომლები

2018 თებ 9 11:15:44

ადგილობრივი თვითმმართველობის არჩევნებიდან სამი თვე გავიდა. ამ ხნის განმავლობაში, ოზურგეთში აქტუალურ თემად რჩება ა(ა)იპ-ების რეორგანიზაციის საკითხი, რომელიც ჯერ არ დასრულებულა. მეტიც, ამის შესახებ ინფორმაციებს არც ა(ა)იპ-ის ხელმძღვანელები ფლობენ, რომელთა უმეტესობას კვლავ ხელისუფლებაში დარჩენა სურს. მათ შესთავაზეს, დაეწერათ განცხადებები თანამდებობიდან წასვლის შესახებ, თუმცა, ისინი ამას არ აპირებენ და თუ ხელისუფლება მათ გაათავისუფლებს, უკან დახევას არ აპირებენ და სასამართლოს გზით ეცდებიან თანამდებობის შენარჩუნებას. 

ა(ა)იპ-ების ხელმძღვანელები განმარტავენ, რომ რეორგანიზაციის საკითხის გაჭიანურება მერიის იურისტების ბრალია. იურისტები, თავის მხრივ, ამბობენ, რომ ეს საკითხი ა(ა)იპ-ების ხელმძღვანელებს დროულად უნდა მოეგვარებინათ. ამავდროულად, მუნიციპალიტეტის მერიაში აცხადებენ, რომ რეორგანიზაცია თითქმის დასრულებულია და ეს მაშინ, როცა მერის მოადგილის ირაკლი სირაძის განმარტებით, არც ერთ ა(ა)იპ-ს ახალი ხელმძღვანელი ჯერ არ ჰყავს!

2017 წელს, როცა თვითმმართველი ქალაქების გაუქმება გადაწყდა,  ერთ-ერთ მიზეზად დუბლირებული ა(ა)იპ-ების გამო გაზრდილი ხარჯები დასახელდა. გაუქმების მესვეურები ამტკიცებდნენ, რომ ეს იყო ერთადერთი სწორი გამოსავალი საბიუჯეტო სახსრების ოპტიმალურად გასახარჯად.

იმის დასადგენად, თუ რამდენი ადამიანი მუშაობს ააიპ-ებში, "გურია ნიუსმა" ქალაქ ოზურგეთისა და ოზურგეთის თემის მუნიციპალიტეტებში 2018 წლის 1 იანვრის მდგომარეობით, არსებული არასამეწარმეო არაკომერციული იურიდიული პირების საშტატო ნუსხა მოიპოვა.

ოფიციალური დოკუმენტების მიხედვით, ა(ა)იპ-ების უმეტესობაში შტატგარეშე თანამშრომლების რაოდენობა შტატიან თანამშრომლებს ბევრად აჭარბებს.  2017 წლის მონაცემებით, "ოზურგეთის სერვისცენტრის" ბიუჯეტი მილიონ ლარს აღემატება,  სადაც მუდმივ შტატში მხოლოდ 7 თანამშრომელი მუშაობს, შტატგარეშე კი  ხელფასს 146  ადამიანი იღებს. 

აღნიშნული ორგანიზაცია გამონაკლისი არ არის _ შტატიანი 10 თანამშრომელი ჰყავდა  "ქალაქ ოზურგეთის მუნიციპალიტეტის კულტურისა და მოსწავლე-ახალგაზრდობის ცენტრს", მაშინ, როცა დამატებით უშტატოდ 83 თანამშრომელი იღებდა ხელფასს. ქალაქ ოზურგეთის მუნიციპალიტეტის საფეხბურთო კლუბ "მერცხალს" შტატში მხოლოდ 2 კაცი ჰყავდა გაფორმებული,  57 _ უშტატო თანამშრომელია.

ოფიციალური დოკუმენტების საფუძველზე აღმოჩნდა, რომ დასაქმებულებს შორის არიან საკრებულოს დეპუტატებიც, ასევე, რამდენიმე (ა)იპ-ის ბუღალტრები ერთი და იგივე პიროვნებები არიან; ერთ-ერთ ა(ა)იპ-ში _ “საცხენოსნო კლუბში“ მუშაობს ცეცხლფარეში, მინდვრის მუშა და სხვა. ასევე, დასაქმებულია მერიის ერთ-ერთი სამსახურის უფროსის ვლადიმერ კუნჭულიას მამა, რომელიც აღნიშნულ სამსახურში ჯერ არავის უნახავს; ჯუმბერ დუნდუას სახელობის ანსამბლში მთავარი ქორეოგრაფი ყოფილი ვიცე-მერი და "ქართული ოცნების" გურიის კოორდინატორი,  კობა დუნდუაა. ჩვენს კითხვაზე, როდიდან მუშაობს ანსამბლში მთავარ ქორეოგრაფად ყოფილი ვიცე-მერი, ანსამბლის დირექტორი ნათია დუნდუა გვპასუხობს: _ ა, კობას ინტერესი გაქვთ? მოვიძიებ და ხვალ შეგეხმიანებით.

ოფიციალური დოკუმენტების საფუძველზე, დღეის მდგომარეობით, ოზურგეთის ა(ა)იპ-ში დასაქმებულთა რაოდენობა ასე გამოიყურება:

ა(ა)იპ "ოზურგეთის სერვისცენტრს" შტატში სულ 153 თანამშრომელი ჰყავს, აქედან კი შტატში მხოლოდ 7 თანამშრომელია.

აღნიშნულ ცენტრში სულ ოთხი განყოფილებაა, სადაც სპეციალისტები, მუშები, მეეზოვეები, ინსპექტორები, დამხმარე მუშა და ოპერატორები მუშაობენ.

აღნიშნულ ა(აი)პ-ში, როგორც თანამშრომლებმა გვითხრეს, წინასაარჩევნოდ, დაახლოებით, 40 ადამიანი დაასაქმეს სპეციალისტებად, რომლებიც აქ დასაქმებულ პირებს ჯერ სამსახურში არ უნახავთ.

ა(ა)იპ ქალაქ ოზურგეთის მუნიციპალიტეტის გაერთიანებული სპორტის განვითარების ცენტრში 52 შტატში მყოფი თანამშრომელია, შტატგარეშე კი  _ 13. მასში შედიან დარაჯები, ცეცხლფარეში, ექიმი და დამლაგებლები.

შტატში მყოფ თანამშრომელთა უმეტესობა მწვრთნელები არიან, ასევე, სპეციალისტები, სპორტული სექციის წამყვანი სპეციალისტები და სპორტული ღონისძიებების კოორდინატორები.

 ისტორიულ მუზეუმში _ 13 თანამშრომელია,  კულტურისა და დასვენების პარკში _ 15, მუსიკალურ სკოლაში _ 34, თოჯინების თეატრში _ 15, რაგბის განვითარების კავშირში _ 42. ქალაქ ოზურგეთში ორი სამხატვრო სკოლაა: ერთ სკოლას 15 თანამშრომელი ჰყავს, მეორეს კი _ 11. ცენტრალურ ბიბლიოთეკაში  21 ადამიანია დასაქმებული.

ქალაქ ოზურგეთის სააღმზრდელო-საგანმანათლებლო ცენტრში, შტატით 12 თანამშრომელია, ხოლო შტატგარეშე, ხელშეკრულებით _ 10, ქალაქ ოზურგეთის 9 ბაღში კი სულ 155 ადამიანი მუშაობს.

ა(ა)იპ "ჯუმბერ დუნდუას სახელობის ქართული ხალხური ცეკვების სახელმწიფო ანსამბლ "გურიას" თანამშრომელთა საშტატო ერთეულში, 2018 წლის 1 იანვრის მდგომარეობით, სულ 37 პირია.  აქ დირექტორი ნათია დუნდუაა, ხოლო მთავარი ქორეოგრაფი და სამხატვრო ხელმძღვანელი, როგორც ზემოთ აღვნიშნეთ, _ კობა დუნდუა.

ქალაქ ოზურგეთის მუნიციპალიტეტის კულტურისა და მოსწავლე ახალგაზრდობის ცენტრში, რომლის დირექტორიც კობა ბანძელაძეა, 72 თანამშრომელია; თანამშრომელთა სიებში არის "ქართული ოცნების" დეპუტატი ოზურგეთის საკრებულოში ქეთი ვასაძეც.

ა(ა)იპ "მუნიციპალური მომსახურების ცენტრში", რომლის უფროსი შალვა კონჯარია იყო, სულ 105 თანამშრომელია.  აქედან, თავად ცენტრში _ 9, საფინანსო განყოფილებაში _ 4, დასუფთავების მომსახურების განყოფილებაში _ 53. მათი უმეტესობა მუშები, მოსაკრებლის ადმინისტრატორები, მძღოლები და ოპერატორები არიან; მატერიალურ-ტექნიკური უზრუნველყოფის განყოფილებაში _ 9, გარე განათებაში _ 9, გამწვანების განყოფილებაში _ 7, სასაფლაოს მომსახურების განყოფილებაში _ 8, უმეთვალყურეოდ დარჩენილი შინაური ცხოველების იზოლაციის განყოფილებაში _ 6 თანამშრომელია.

ა(ა)იპ ოზურგეთის მუნიციპალიტეტის სკოლამდელი აღზრდის ცენტრის"  ფილიალებს სულ 530 თანამშრომელი ჰყავს,  ცენტრში კი _  17 თანამშრომელია, აქედან  _ 4 მთავარი სპეციალისტია, 8 _ სპეციალისტი.

ა(ა)იპ ოზურგეთის მუნიციპალიტეტის კულტურის, სპორტისა და ტურიზმის განვითარების ცენტრში 102  თანამშრომელია. აქედან, შტატგარეშე _ 15, რომელთაგან 11 მუსიკის პედაგოგია.  ამავე ცენტრში კულტურის განყოფილებაში 57 ადამიანი მუშაობს, რომლებიც მუსიკალური ანსამბლების ხელმძღვანელები და მომღერლები არიან.  სპორტის განყოფილებაში 18 თანამშრომელია _ მწვრთნელები, სპეციალისტები, ცხოველთა მომვლელები, მწვრთნელთა დამხმარეები;  ტურიზმისა და ახალგაზრდულ საქმეთა განყოფილებაში 4 თანამშრომელია. აქვე, როგორც ვთქვით, კლასიკურ და ტრადიციულ საცხენოსნო კლუბში მწვრთნელად მუშაობს ვლადიმერ კუნჭულიას მამა ავთანდილ კუნჭულია.

ოზურგეთის მუნიციპალიტეტის დაბა ურეკის კულტურის ცენტრში სულ 33 თანამშრომელია, ა(ა)იპ კეთილმოწყობისა და არქიტექტურის დაგეგმარების ცენტრში _ 9, ა(ა)იპ ოზურგეთის მუნიციპალიტეტის სამუზეუმო-საბიბლიოთეკო გაერთიანებას სულ 33 თანამშრომელი ჰყავს, "საზოგადოებრივი ჯანდაცვის ცენტრს" _ 14, შპს "მუნიციპალურ ტრანსპორტს" _ 8, რომელთაგან 5 შტატგარეშეა. შპს "სატისიში" 31 ადამიანია დასაქმებული.

"გურია ნიუსი" სისტემატურად გააშუქებს, თუ როგორ მოხდება ოპტიმიზაცია ოზურგეთის მუნიციპალიტეტის ა(ა)იპ-ებში.




 ახალი ამბები
  • ლანჩხუთში დაჭრილი ორი მამაკაციდან ერთი გარდაიცვალალანჩხუთის მუნიციპალიტეტის სუფსის ადმინისტრაციულ ერთეულში შემავალი სოფელ ახალსოფელში წუხელ დაჭრილი მამაკაცებიდან ერთ-ერთი გარდაიცვალა. 50 წლის ოთარ მოქიას გადარჩენა ექიმებმა ვერ შეძლეს. რაც შეეხება მეორე დაჭრილის _ გია ტუღუშის მდგომარეობას, იგი ლანჩხუთის "ავერსის" კლინიკაშია მოთავსებული და ექიმების თქმით, მის სიცოცხლეს საფრთხე არ ემუქრება. როგორც გვითხრეს, მოქია და ტუღუში მეზობლები იყვნენ. ახალსოფლელების თქმით, მათ ერთმანეთი დაჭრეს. შინაგან საქმეთა სამინისტროში მომხდარის დეტალებზე არ საუბრობენ და მხოლოდ იმას აღნიშნავენ, რომ გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას ... ...
  • დაჭრა სუფსაში _ შსს-მ გამოძიება დაიწყოლანჩხუთის მუნიციპალიტეტის სოფელ სუფსაში ორი მამაკაცია დაჭრილი _ როგორც გვითხრეს, მათ ერთმანეთი დაჭრეს. არსებული ინფორმაციით ისინი მეზობლები არიან და ერთმანეთში კომფლიქტი ჰქონდათ. ორივე მათგანი ამ წუთებში საავამდყოფოშია გადაყვანილი. ერთ-ერთის მდგომარეობა შედარებით მძიმეა. შინაგან საქმეთა სამინისტრომ გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. როგორც უწყებაში "გურია ნიუსს" უთხრეს, ამ წუთებში, ადგილზე, საგამოძიებო მოქმედებები ... ...
  • რატომ გაათავისუფლა სამსახურიდან ლანჩხუთის გამგებელმა მსოფლიოს საუკეთესო ათეულში დასახელებული პედაგოგილან­ჩხუ­თის მუ­ნი­ცი­პა­ლი­ტე­ტის სო­ფელ ჩი­ბა­თის სა­ჯა­რო სკო­ლის სა­მო­ქა­ლა­ქო გა­ნათ­ლე­ბის პედაგოგი ლადო აფხა­ზა­ვა "მას­წავ­ლებ­ლის გლო­ბა­ლუ­რი ჯილ­დოს" 10 ფინალისტს შორის დაასახელეს. ლადო აფხაზავამ  „მას­წავ­ლებ­ლის ეროვ­ნუ­ლი ჯილ­დო" 2017 წელს მო­ი­პო­ვა და და ამის შემდეგ წარადგინეს მასწავლებლის გლობალური ჯილდოს კონკურსში, რომელიც ყოველწლიურად მსოფლიოს საუკეთესო მასწავლებელს ირჩევს. აფხაზავა ამ კონკურსის მეორე ეტაპზე, ფინალში გადასასვლელად 49 პედაგოგთან ერთად იბრძოდა და შედეგიც დადგა _ ის საუკეთესოთა ათეულშია. მის შესახებ ბევრი ითქვა და ბევრი დაიწერა, თუმცა, ძალიან ცოტამ იცის, რომ აფხაზავა, 2013 წელს, მას შემდეგ რაც „ქართული ოცნება“ ხელისუფლებაში მოვიდა და ლანჩხუთში მისი გამგებელი დანიშნა, სამსახურიდან გაათავისუფლეს. „ხელშეკრულებით გვყავდა აყვანილი და ახალგაზრდულ პროექტებს ხელმძღვანელობდა, რომელიც ძალიან მაგრად გამოსდიოდა ყოველთვის და რაც დღეს, მთელი მსოფლიოს მასშტაბით დაამტკიცა და რასაც კიდევ ერთხელ ვულოცავ“, _ იხსენებს ლანჩხუთის ყოფილი გამგებელი კახა ასკურავა. თავად ლადო აფხაზავა კი ამბობს, რომ სამსახურიდან გათავისუფლებამ მას ბრძოლის უნარი შემატა: _ როგორც კი ზაზა ურუშაძე მოვიდა (ლანჩხუთის მუნიციპალიტეტის ყოფილი გამგებელი „ქართული ოცნებიდან“. ავტ.) მალევე გამიშვა სამსახურიდან. ხელშეკრულებით ვიყავი აყვანილი და შემიჩერეს დაახლოებით ერთ თვეში. იგი ლანჩხუთელი არ იყო და ჩემზე ამბები მიუტანეს,  ზოგი _ მართალი, ზოგიც _ ტყუილი.  იმ პერიოდში დიდი პროექტი მქონდა მოგებული და ახალგაზრდებთან ვმუშაობდი. ხშირად ვხვდებოდი მათ სხვადასხვა პარტიის შეკრებებზე. მათ შორის „ქართული ოცნების“, ნაციონალური მოძრაობის“. ვაკეთებდი გამოკითხვებს, ვწერდით ვიდეოებს და ვატარებდით კვლევებს. დღესაც მაქვს ეს მასალები შენახული და ბავშვებთან მუშაობის დროს ვიყენებ. მაშინ, ურუშაძეს უთხრეს, რომ 2012 წელს „ნაციონალური მოძრაობის“ მხარეს ვიყავი და ალბათ ეს იყო ჩემი გაშვების ერთ-ერთი მიზეზი. თუმცა, ასე ნამდვილად არ ყოფილა. პოლიტიკაში აქტიურად ჩართული არასდროს ვყოფილვარ. მე ყოველთვის ჩემს საყვარელ საქმეს ვაკეთებდი _ ახალგაზრდებთან ვმუშაობდი. ერთი ფაქტი მახსენდება _ 2012 წელს, წინასაარჩევნო პერიოდში ვთანამშრომლობდი ახალგაზრდულ პარლამენტთან. თითქმის ყველა სკოლიდან იყვნენ მოსწავლეები  ჩართული პროექტში. მახსოვს, პარკში შევიკრიბეთ. მაშინ, „ქართულმა ოცნებამ“ ჩათვალა, რომ მათთან პოლიტიკური განხრით ვმუშაობდი. ამ დროს კი ჩვეულებრივი, ახალგაზრდების შეკრება იყო. ეს პროექტი მიზნად ისახავდა ახალგაზრდების გააქტიურებას, სამოქალაქო აქტივობების დაგეგმვა -გახორციელებას. რატომღაც პოლიტიკას მიაწერეს, არადა, არასოდეს პოლიტიკასთან საერთო არ მქონია. მე რომ  პოლიტიკასთან საერთო მქონოდა, ამხელა წარმატებას ნამდვილად ვერ მივაღწევდი, _ იხსენებს ლადო აფხაზავა, რომელსაც გამგეობიდან გათავისუფლების შემდეგ, თურქეთში მოუხდა სამუშაოდ წასვლა: _  თავი რომ მერჩინა, თურქეთში წავედი სამუშაოდ და იქ ხალიჩებს ვრეცხავდი. დარჩენასაც ვაპირებდი, მაგრამ მოსწავლეების სიყვარულმა მძლია და ჩამოვედი, მიუხედავად იმისა, რომ სკოლაში 50 ლარი იყო ჩემი ხელფასი, _ გვითხრა აფხაზავამ, რომლის თვიური ანაზღაურება დღეს 300 ლარამდეა. იმ ადამიანებზე საუბარი, რომლებიც 5 წლის წინ მასზე ცუდად საუბრობდნენ და რომლებსაც მისი სამსახურიდან გათავისუფლებაში დიდი წვლილი შეიტანეს, დღეს არ სურს: _ სამაგიეროს გადახდა არ მიყვარს. 3 წლის მანძილზე, ჩვენი საოჯახო ტიპის ბავშვთა სახლის ბავშვებს და მე, სკოლის ავტობუსშიც კი არ გვაჯენდნენ, მაგრამ ჯილდოს მიღების შემდეგ აღმოჩნდა, რომ შეიძლებოდა. თან, მაშინ, ლანჩხუთში ახალი მერი ალექსანდრე სარიშვილი მოვიდა და მან ძალიან ივაჟკაცა.  მისი მოსვლის შემდეგ ბევრი რამ დალაგდა ჩემთან მიმართებაში, _ ამბობს ლადო აფხაზავა. მისივე თქმით, გულისტკენამ დიდი გამოცდილება შესძინა: _ უფრო ბრძოლისუნარიანი გამხადეს. ის გამოწვევები და არაკომფორტული მდგომარეობა, რაც მე ცხოვრების მანძილზე მხვდებოდა, უფრო ძლიერს მხდიდა. ახლაც, ამ გამარჯვების, ამ წარმატების დროსაც მინდა გამოჩნდნენ ადამიანები, რომლებიც გამაკრიტიკებენ, ცუდ რამეებს იტყვიან, რადგან უფრო ორგანიზებული გავხდები, _ აღნიშნა აფხაზავამ "გურია ნიუსთან" საუბრისას. ჩვენ შევეცადეთ ლანჩხუთის ყოფილი გამგებლის კომენტარიც მოგვეპოვებინა და მისგანაც გაგვეგო რატომ გაუშვა ლადო აფხაზავა სამსახურიდან, თუმცა უშედეგოდ _ ზაზა ურუშაძესთან დაკავშირება ვერ მოვახერხეთ. იგი "მომსახურების ზონიდანაა ... ...
  • ვინ დაუჭირა და ვინ არა მხარი "სააკაშვილი-ბოკერიას რეჟიმის" დანაშაულებრივად გამოცხადებას პარლამენტშისაქართველოს პარლამენტმა პატრიოტთა ალიანსის რეზოლუციას, რომელიც "სააკაშვილი-ბოკერიას რეჟიმის" ძალადობრივ რეჟიმად გამოცხადებას ითვალისწინებს, მხარი არ დაუჭირა. დოკუმენტს მხარი 45-მა დეპუტატმა დაუჭირა, 16 კი წინააღმდეგი ... ...
  • ლევან მურუსიძე: ეს არის ძალიან დიდი მონაპოვარი ჩვენი ქვეყნისგაფართოებული დახურული შეხვედრა, სადაც მოსამარლეთა კანდიდატების შერჩევის წესებთან და კრიტერიუმებთან დაკავშირებით მსჯელობდნენ, ცოტა ხნის წინ დასრულდა. შეხვედრას პარლამენტის თავმჯდომარე, მოსამართლეები, არასამთავრობო სექტორის წევრები, ასევე იუსტიციის უმაღლესი საბჭოს არამოსამართლე წევრები ესწრებოდნენ. სასამართლო სისტემის წევრები, რომლებსაც პარლამენტის თავმჯდომარე და მისი დაჯგუფება უჭერს მხარს, მთელი დაძაბული დღის განმავლობაში მისი კაბინეტიდან ადევნებდნენ თვალს სხდომათა დარბაზში განვითარებულ მოვლენებს. ლევან მურუსიძე ამბობს, რომ მოსამართლეების საქმე პოლიტიკა არ არის და პოლიტიკურ პროცესებში არ ერევიან. მისი თქმით, ემორჩილებიან მხოლოდ იმ წესებს, რომლებსაც მათთვის ადგენენ პოლიტიკოსები. „მომხრე ვარ რეალურად, რომ მიეცეს ყველა მსურველს, ვინც დააკმაყოფილებს კრიტერიუმებით ჯერ საბუთების შეტანა, ყველას ვისაც აქვს სურვილი შემოიტანოს და მოხდეს ღიად გასაუბრება იმ კანდიდატებთან, ვისაც აქვს სურვილი, რომ უზენაეს სასამართლოში იქნეს წარდგენილი... პოლიტიკურ პროცესს, რაც მიმდინარეობს პარლამენტში, მე ამ პოლიტიკურ პროცესში ჩემს კომენტარს ვერ გამოვთქვამ, თუმცა მე მიმაჩნია, რომ რეალურად, მოსამართლეთა უვადოდ დანიშვნა, ეს არის ყველა თანამედროვე ქვეყანაში სასამართლოს დამოუკიდებლობის ერთ-ერთი ყველაზე მთავარი გარანტია, ეს არის ძალიან დიდი მონაპოვარი ჩვენი ქვეყნის, რომ მოსამართლეები უვადოდ ინიშნებიან,“ - განაცხადა ლევან მურუსიძემ.  ... ...

არქივი

ზაფრანი

ყველაზე სამიჯნურო სცენები

ცოტა ხნის წინ ამერიკულმა ინტერნეტ-საიტებმა...

ჰეგემონი ციფრები

ბედის ციფრის გამოთვლის ტექნიკა ჩვენი...

რატომ ეჩვენებათ მთვრალ მამაკაცებს ყველა ქალი ლამაზი

არსებობს ცნობილი რუსული გამოთქმა: ულამაზო...

დედამიწაზე ყველა ცოცხალი არსება გონიერი რომ გახდეს

ერთ მშვენიერ დღეს დედამიწაზე ყველა...

"ტატუ" იმუნურ სისტემას აუმჯობესებს

აქამდე ტატუს (სვირინგი) დანიშნულება, მხოლოდ...
კარმიდამო ჩემი

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...