მეთექვსმეტე, საეჭვო ხმით შემცირებული ბიუჯეტი

ფინანსები

მეთექვსმეტე, საეჭვო ხმით შემცირებული ბიუჯეტი

3 აპრ. 2017, 11:37:02

ლანჩხუთის მუნიციპალიტეტის საკრებულოს 31 მარტის სხდომაზე, მთავარი განსახილველი საკითხი 2017 წლის მთავარ საფინანსო დოკუმენტში ცვლილების გახორციელება იყო, რომელიც მწვავე დებატების ფონზე მიმდინარეობდა.

გამგეობის საბიუჯეტო და შესყიდვების სამსახურის უფროსის, როლანდ ლაშხიას განმარტებით, მუნიციპალიტეტის მიმდინარე წლის ბიუჯეტის პარამეტრები "სახელმწიფო ბიუჯეტის დამტკიცების შესახებ საქართველოს კანონის 23-ე მუხლის "ვ" პუნქტთან შესაბამისობაშია მოსაყვანი. აღნიშნულიდან გამომდინარე, 2017 წლის ბიუჯეტის დაფინანსებაზე მყოფ საბიუჯეტო ორგანიზაციებში ხარჯები უნდა შეადგენდეს არა უმეტეს 2016 წლის საკასო შესრულების მაჩვენებლის 90%-ს. თუმცა, ბიუჯეტში გასახორციელებელი ცვლილებები არ ეხება სკოლამდელი აღზრდის დაწესებულებებს.

როგორც ირკვევა, მუნიციპალიტეტის გამგეობას 2017 წლის ბიუჯეტით გათვალისწინებული დაფინანსება 100 644 ლარით შეუმცირდება, აქედან, შრომის ანაზღაურების მუხლი _ 99 150 ლარით, საქონელი და მომსახურების ხარჯი _ 1494 ლარით. მუნიციპალიტეტის საკრებულოს ხარჯების შემცირება, მთლიანობაში, 70 312 ლარითაა გათვალისწინებული, რომლიდანაც შრომის ანაზღაურების მუხლზე 43 100 ლარი მოდის, ხოლო საქონელსა და მომსახურების ხარჯზე _ 27 212 ლარი.

მიმდინარე წლის ბიუჯეტით გათვალისწინებული დაფინანსება, რომელიც საკრებულომ გასული წლის 28 დეკემბერს დაამტკიცა, ა(ა)იპ "ტექსერვისს" 59 600 ლარით უნდა შეუმცირდეს, ა(ა)იპ "სპორტულ ცენტრს" _ 32 200 ლარით, ა(ა)იპ "საფეხბურთო სკოლას" _10 000 ლარით, ხოლო კულტურის დაწესებულებათა გაერთიანებას _ 24 900 ლარით.

ბიუჯეტი საშტატო ერთეულების შემცირების ხარჯზე შეიკვეცება თუ უშუალოდ ხელფასების შემცირების ხარჯზე, ეს საკრებულოს სხდომაზე არ გამოკვეთილა, თუმცა, ცალსახად ითქვა, რომ ეს იქნება საკმაოდ მტკივნეული თემა.

პირველი, ვინც საკითხთან დაკავშირებით კომენტარში უარყოფითი შეფასება გააკეთა, ღრმაღელის ადმინისტრაციული ერთეულის მაჟორიტარი თემურ მარშანიშვილი გახლდათ, რომელიც, ამავდროულად, ა(ა)იპ "სპორტული ცენტრის" თანამშრომელია:

"სპორტულ ცენტრში თანამშრომლები უკვე შეამცირეს, ჭიდაობიდან ოთხი კანდიდატი გვყავს ევროპის ჩემპიონატზე. თუ თანხები შევამცირეთ, სპორტსმენებს შეკრებებზე ვერ წავიყვანთ. ჩემი თხოვნა იქნება კოლეგებისადმი, რომ იქნებ სპორტულ ცენტრს დაფინანსება არ შეუმცირდეს", _ მიმართა მარშანიშვილმა დარბაზში მყოფებს, თუმცა, მიუხედავად მისი ამ პოზიციისა, იმ თექვსმეტ დეპუტატს შორის მოხვდა, ვინც კენჭისყრისას ბიუჯეტის სეკვესტრს მხარი დაუჭირა.

მანამდე კი საკრებულოს კიდევ ერთმა სპორტსმენმა წევრმა, ადამ ხუხუნაიშვილმა გააპროტესტა სპორტული ცენტრისთვის დაფინანსების კლება, რომელსაც მხარი რამდენიმე დეპუტატმაც აუბა.

დეპუტატი გია გოგუაძე: "სირცხვილია, ბიუჯეტი, რომელიც 28 დეკემბერს დავამტკიცეთ, მარტში შევამციროთ. დაინტერესებულ პირთათვისაც მინდა განვმარტო, რომ მთავრობის განკარგულების ბოლო მუხლში, რომელიც ხელთ საფინანსო სამსახურის უფროსს აქვს, წერია, რომ "თუ 2016 წლის საკასო შესრულების 90%-იან მაჩვენებელზე არ დაიყვანთ ბიუჯეტს, მაშინ არ მოგცემთ ინფრასტრუქტურულ პროექტებს". აი, ასე პირდაპირ გვემუქრება მთავრობა".

საკრებულოს წევრის, ნონა მურვანიძის აზრით, ბიუჯეტში ამ ცვლილების გახორციელებით შრომითი ხელშეკრულების სრული იგნორირება ხდება.

"ძალიან მწვავე საკითხია. მინდა უმრავლესობას შევახსენო, რომ ყველაფრის თავიდათავი ბიუჯეტის დამტკიცებაა. 2014 წლის ბიუჯეტს როცა ვიღებდით წინააღმდეგი მხოლოდ ოთხი დეპუტატი იყო. 2015 წელს მხარი 19 დეპუტატმა დაუჭირა ბიუჯეტს და 7 დასაბუთებულად წინააღმდეგი იყო ბიუჯეტის წარმოდგენილი ფორმით მიღებისა. 2016 წელს, როცა მიმდინარე წლის ბიუჯეტს ვიხილავდით მხოლოდ ორი ადამიანი იყო, რომელმაც ბიუჯეტს ხმა არ მისცა, რამდენმა კი საერთოდ პროტესტის ნიშნად დარბაზი დატოვა, თუმცა, უმრავლესობამ, რომელსაც "ქართული ოცნება" წარმოადგენს, მიიღო ბიუჯეტი. სასაცილო მდგომარეობაში ვართ. რამდენიმე თვის წინ ისედაც მწირი ბიუჯეტი დავუმტკიცეთ ა(ა)იპ-ებს, რომელიც კარგად ვიცით, რომ ისედაც ვერ გაიყვანდა წლის ბოლომდე, ახლა კიდევ ვუმცირებთ, რითაც შრომითი ხელშეკრულების სრული იგნორირება ხდება.

ხშირად მესმის "ზემოდან" გვითხრეს, "ზემოდან" დაგვავალეს. მინდა დამიდასტუროთ, რომ თვითმმართველ ერთეულს, რომელსაც პირდაპირ აქვს ექსკლუზიური ვალდებულება კანონით მინიჭებული ბიუჯეტის მიღების, სრული განკარგვის, ასე უხეშად ერევა ცენტრალური ხელისუფლება და ზღუდავს ამ უფლებას?!", _ იკითხა ნონა მურვანიძემ გამგებლის, ზაზა ურუშაძისა და საკრებულოს თავმჯდომარის მისამართით.

"ფულს ვინც გაძლევს, ის განკარგავს!" _ იყო ზაზა ურუშაძის პასუხი, რომლის თქმითაც, მეზობელ რაიონებში უკვე კარგა ხანია, რაც შემცირებები მოხდა:

 "შემცირება კანონით არის ძალაში. მე რა ვქნა?! ლანჩხუთი ბოლო მუნიციპალიტეტია, სადაც შემცირება ხორციელდება. სხვა დროს კი რეკავთ კარგად და ახლაც მოიკითხეთ მეზობელ რაიონებში, რა და როგორ მოხდა. რა უნდა გავაკეთოთ, რა უნდა გავაპროტესტოთ, მითხარით?!"

მწვავე დებატების შემდეგ, ჯერი ხმის მიცემაზე მიდგა და როგორც გაირკვა, დარბაზში მყოფთაგან 16 დეპუტატმა დაუჭირა მხარი საკითხის დადებითად გადაწყვეტას და რიგი სამსახურებისთვის ბიუჯეტის შემცირებას. მიუხედავად იმისა, რომ ოპოზიცია ირწმუნებოდა, მხარი ბიუჯეტის შემცირებას რეალურად 15-მა დეპუტატმა დაუჭირაო, მაგრამ ოპოზიციის დაჟინებული მოთხოვნის შედეგად სამდივნოდან გამოთხოვილი ხმის მიმცემთა სახელობითი სიის გაცნობის შემდეგ გაირკვა, რომ ეს ასე არ იყო. ოპოზიციას ეჭვი ჰქონდა, რომ საკითხს ხმა არ მისცა თემურ მარშანიშვილმა, თუმცა, თავად დეპუტატმა "გურია ნიუსთან" საუბარში დაადასტურა, რომ ბიუჯეტის შემცირებას დაეთანხმა.

ფრაქცია "ქართული ოცნების" წევრების გარდა, საკითხს მხარი დაუჭირეს სხვა ფრაქციების წევრებმაც: ევგენი ჩიჩუამ, ელისო ჭიჭინაძემ, გიორგი ჩახვაძემ, ჯუმბერ ბლაგიძემ და გოგი მორჩილაძემ.




 ახალი ამბები
  • გაფრთხილება უახლოესი დღეების ამინდის შესახებგარემოს ეროვნული სააგენტოს ინფორმაციით, 21-25 სექტემბერს საქართველოს ზოგიერთ რაიონში მოსალოდნელია ხანმოკლე წვიმა. ჰაერის ტემპერატურა დასავლეთ საქართველოს დაბლობში  +26, +31, ხოლო აღმოსავლეთ საქართველოს ბარში +23, +28 გრადუსის ფარგლებშია მოსალოდნელი. თბილისში შესაძლებელია მცირე წვიმა. ჰაერის ტემპერატურა 21-22 სექტემბერს +24,+26, ხოლო 23-25 სექტემბერს +27, +29 გრადუსი ... ...
  • უცხოელ ბიზნესმენებს ფიზიკურად გაუსწორდნენ- ფაქტზე 4 პირია დაკავებულიშინაგან საქმეთა სამინისტროს თბილისის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 4 პირი - 1994 წელს დაბადებული ბ.ფ., 1998 წელს დაბადებული ზ.ა., 2000 წელს დაბადებული ზ.ბ. და 1994 წელს დაბადებული ი.დ. მოსამართლის განჩინების საფუძველზე დააკავეს. მათ ბრალი თავისუფლების უკანონო აღკვეთაში, გამოძალვასა და იძულებაში ედებათ. დანაშაული 7-დან 10 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულებმა, ტაჯიკეთის რესპუბლიკის მოქალაქეებს, რომლებიც საქართველოში ბიზნეს საქმიანობას ეწევიან, უკანონოდ აღუკვეთეს თავისუფლება და თანხის გამოძალვის მიზნით ფიზიკურად გაუსწორდნენ. სამართალდამცველებმა, ბრალდებულ ი.დ.-ს მართვის ქვეშ არსებული, "LEXUS GX"-ის მარკის ავტომობილის ჩხრეკისას, ნივთმტკიცებად ამოიღეს "CZ"-ს მარკის 2 ცეცხლსასროლი იარაღი, ვაზნები, 2 აირის პისტოლეტი, ერთი ცალი დანა, ბეისბოლის 3 ხელკეტი და 68 900 დოლარი. გამოძიება თავისუფლების უკანონო აღკვეთის, გამოძალვისა და იძულების ფაქტზე, საქართველოს სსკ-ის 143-ე მუხლის მე-3 ნაწილის „ა“ და „ე“ ქვეპუნქტებით, 181-ე მუხლის მე-2 ნაწილის „ა“ და „გ“ ქვეპუნქტებით და 150-ე მუხლის მე-2 ნაწილის „ბ“ ქვეპუნქტით ... ...
  • თიბისიმ ფულადი გზავნილების აქცია დაიწყო (R)აქ. ახლა, თიბისიში ფულადი გზავნილების აქცია დაიწყო. მომხმარებელი, რომელიც ფულად გზავნილს თიბისიში  გაანაღდებს ან გაგზავნის, შესაძლებლობა აქვს, დასაჩუქრდეს სუპერ პრიზით - 20,000 ლარით ან აღმოაჩინოს 20,000 მომენტალური საჩუქრიდან ერთ-ერთი. თიბისის ფულადი გზავნილების აქცია 18 სექტემბერს დაიწყო და 25 დეკემბრამდე გაგრძელდება. აქციაში მომხმარებლები ავტომატურად ჩაერთვებიან. გზავნილის განაღდებისას ყოველი მესამე მომხმარებელი დასაჩუქრდება  მომენტალური პრიზით, მათ შორის:  PSP-ს, „ნიკორას" და" სუფთა სახლის" ვაუჩერებით (50 ლარამდე), ფულადი პრიზებით  - 50 და 100 ლარის ნომინალით, ინტერნეტ მეგაბაიტებით და  0%-იანი საკომისიო ტარიფით - ინტერნეტ და მობაილბანკით შესრულებულ კომუნალურ გადახდებზე. აქციის სუპერ პრიზს -  20,000 ლარს მიღებს ის ორი მომხმარებელი, რომელიც თიბისიში ფულად გზავნილს 3-ჯერ და მეტჯერ გაანაღდებს ან გაგზავნის. თიბისიში ფულადი გზავნილის განაღდება მარტივად, სახლიდან გაუსვლელადაა შესაძლებელი: ·         ინტერნეტ და მობაილბანკიდან - www.tbconline.ge ·         ცხელ ხაზზე დარეკვით, ნომერზე - 032 2 272727 გზავნილის გაგზავნა შესაძლებელია თიბისის ნებისმიერ ფილილიდან და სერვის ცენტრიდან. თიბისიში, მომხმარებლებს შესაძლებლობა აქვთ მიიღონ და, გაგზავნონ შემდეგი საერთაშორისო გზავნილები: RICO GRAM, MONEYGRAM, ZOLOTAYA KORONA, WESTERN UNION, UNISTRAM , RIA, CONTACT,  ისრაელის გზავნილები World com finance. აქციის შესახებ დეტალური ინფორმაციისთვის ეწვიეთ ... ...
  • ქუთაისში პირბადის არ ქონის გამო, რამდენიმე მგზავრი დააჯარიმეს ქუთაისში პირბადის არ ქონის გამო, საზოგადოებრივ ტრანსპორტში მსდხომი რამდენიმე მგზავრი დაჯარიმდა. ინფორმაცია ამის შესახებ "გურია ნიუსს" ერთ-ერთმა წყარომ მიაწოდა. "სამგზავრო მიკროავტობუსში ვისხედით და პატრულმა გაგვაჩერა. რამდენიმე მგზავრს პირბადე არ ეკეთა და დააჯარიმეს. სავარაუდოდ, მათ პირბადის არ ქონა, 20 ლარი დაუჯდათ", _ ამბობს ... ...
  • "სასტუმროს მეპატრონეები წელს გადასახადებისგან უნდა გათავისუფლდნენ" _ ჭიჭინაძე  "თუ ქვეყანაში ფორსმაჟორია, თუ ვირუსი მძვინვარებს, მაშინ ფორსმაჟორი უნდა გამოცხადდეს მცირე მეწარმეებთან მიმართებაშიც და ადამიანები წელს გადასახადებისგან უნდა გათავისუფლდნენ!  მცირე სასტუმროების მეპატრონეებს იმ  დრომდე უნდა გადაუვადდეთ გადასახადი, სანამ არ აღდგება ის სიტუაცია, რაც იყო კორონამდე საქართველოში!“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე და იმ უმძიმეს სურათზე და პრობლემებზე საუბრობს, რაც განსაკუთრებით დასავლეთ საქართველოში ტრიალებს და განსაკუთრებით ტურისტული სეზონის ჩავარდნის შედეგად. „ხელისუფლება ვითომ პროცენტების რაღაც ნაწილი სუბსიდირების ინიციატივით გამოვიდა, მაგრამ შედეგად მივიღეთ ის, რომ აქიდანაც სარგებელს ისევ კომერციული ბანკები მიიღებენ. რადგან, 1. ადამიანი, რომელიც 200 ლარიან დახმარებას  იღებს, 6 თვის თავზე ბანკი საპროცენტო განაკვეთს 9%-დან 13%-მდე უზრდის! 2. თუ სექტემბრის ბოლოს არ აქვს ადამიანს ვალდებულების გადახდის საშუალება, ნოემბრის ბოლოს  როგორ ექნება, თან გაზრდილის?!“ - აცხადებს ჭიჭინაძე. ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...